ཉན་པ།: Listen

Download

• བྱམས་པ་བཀྲ་ཤིས་ལགས་ཀྱིས་སེམས་ངལ་ནད་གཞི་སོགས་ལ་གདོང་ལེན་གནང་ཕྱོགས་སྐོར།

• In conversation with Jampa Tashi Ritzekura on his fight against depression

ཉན་པ།: Listen

Download

• ཕྱི་རྒྱལ་ཡུལ་གྲུ་ཁག་གི་སྤྱི་འཐུས་ས་མིག་སྤར་དགོས་མིན་གྱི་ཞིབ་འཇུག་སྙན་ཐོའི་གྲུབ་དོན་སྐོར་གླེང་བ།

• In conversation with 5/50 Youth Ambassador Lharong la on overseas TPiE seat composition survey

ཉན་པ།: Listen

Download

• བཀྲིས་དབང་ཕྱུག་གློད་བཀྲོལ་བཏང་ཡོད་ཀྱང་སྔར་བཞིན་ལྟ་སྲུང་འོག་ཡོད་པར་སེམས་འཚབ།
• སྲིད་སྐྱོང་མཆོག་གིས་བཀའ་ཤག་ལྷན་རྒྱས་དབུ་བཞུགས་ཐོག་བློ་གསལ་མགུལ་རྒྱན་སློབ་དེབ་དབུ་འབྱེད།
• བོད་རིགས་བེུད་གསར་འགོད་པ་ཞིག་ལ་རྒྱ་གར་གྱི་ Pole Star གསར་གོད་པའི་བྱ་དགའ་ཐོབ་པ།
• བཙན་བྱོལ་བོད་མིའི་གནས་སྟངས་ངོ་སྤྲོད། ངག་དབང་བློ་གྲོས་ཀྱི་ཤ་མོ་ཚོང་ལས།

• Concern over Tashi Wangchuk’s health and freedom after release
• Sikyong inaugurates Tibetan textbook written by Kasur Kyabje Kirti Rinpoche
• Tibetan journalist wins PoleStar Award for Best Good News Features
• DIASPORA FEATURE: Ngawang Lodoe’s mushroom business

བོད་མིའི་་སྐད་ཡིག་ལས་འགུལ་བ་བཀྲ་ཤིས་དབང་ཕྱུག་ལགས་ཁ་སང་བཙོན་གྲོལ་བཏང་བ་དང་འབྲེལ། དེ་རིང་སྔ་དྲོ་ཕྱག་ཚོད་ ༡༡ ཐོག  བཞུགས་སྒར་རྡ་རམ་ས་ལའི་མེག་གྷན་ཁྲོམ་གཞུང་དུ། བོད་རང་བཙན་སློབ་ཕྲུག་ཚོགས་པའི་གོ་སྒྲིག་འོག བཀྲིས་དབང་ཕྱུག་ལགས་ཀྱིས་བོད་ཀྱི་སྐད་ཡིག་ཐོབ་ཐང་སྲུང་སྐྱོབ་བྱས་པར་རྒྱ་ནག་སྲིད་གཞུང་གིས་འཛིན་བཟུང་བཙོན་འཇུག་གིས་ལོ་ལྔ་ཡི་ཁྲིམས་ཐག་བཅད་དེ་སྡུག་སྦྱོང་མནར་གཅོད་ཚད་མེད་བཏང་བའི་སྐོར་ནས་གཏམ་རྒྱུད་ཅིག་འཁྲབ་སྟོན་གནང་སོང་།དེ་རིང་གི་གཏམ་རྒྱུད་འཁྲབ་སྟོན་གྱི་ལས་རིམ་དེའི་ཐོག་ཏུ། བཞུགས་སྒར་ཁུལ་གྱི་ཚོགས་སྐྱིད་ཁག་གི་སྐུ་ཚབ་དང་། དེ་བཞིན་རང་དབང་གི་ལས་འགུལ་བ། གཞན་ཡང་བོད་མིའི་མང་ཚོགས་ཀྱི་གཙོ་བྱས་པའི་རྒྱ་གར་བ་མང་པོ་མཉམ་འཛོམས་ཀྱིས།  བཀྲ་ཤིས་དབང་ཕྱུག་ལགས་སུ་རྒྱ་ནག་གིས་དྲང་བདེན་མིན་པའི་ཉེས་འཛུགས་ཀྱིས་སྡུག་སྦྱོང་མནར་གཅོད་བཏང་ནས་བཙོན་འཇུག་བྱས་པའི་བརྒྱུད་རིམ་ལ་གདོང་སེམས་མཉམ་སྐྱེལ་གནང་བ་མ་ཟད།  རྒན་པོ་རེ་ཟུང་གིས་མིག་ནས་མཆི་མ་ཤོར་བཞིན་རྒྱ་ནག་གི་མི་སྤྱོད་ལས་འདས་བའི་བྱེད་བབ་དེར་སྡང་སྡུག་དྲག་པོའི་རྣམ་འགྱུར་བསྟན་སོང་།འདི་གའི་གསར་འགོད་པས་རྒྱ་གར་རྒྱལ་ཡོངས་ཀྱི་བོད་རང་བཙན་སློབ་ཕྲུག་ཚོགས་པའི་འགན་འཛིན། རིག་འཛིན་ཆོས་སྒྲོན་ལགས་སུ་དེ་རིང་གི་གཏམ་རྒྱུད་འཁྲབ་སྟོན་དེ་ལས་གནད་དོན་གང་ཞིག་གསལ་སྟོན་གནང་གི་ཡོད་པའི་ཐད་ནས་བཀའ་འདྲི་ཞུས་པར་ཁོང་གིས། གཞི་རྩའི་བཀྲ་ཤིས་དབང་ཕྱུག་ལགས་གློད་གྲོལ་ཐོབ་པར་བོད་མི་ཚང་མ་དགའ་དགོས་བ་ཞིག་ཡིན་ནའང་། ཕྱོགས་གཞན་ཞིག་ནས་ཁོང་ལ་མ་ཉེས་ཁག་གཡོགས་ཀྱིས་ལོ་ལྔའི་བཙོན་འཇུག་བྱས་པའི་ཁྲོད་ནས་སྡུག་སྦྱོར་མནར་གཅོད་ཚད་མེད་བཏང་ཡོད་སྟབས་ཡིད་སྐྱོ་དགོས་བ་ཞིག་ཀྱང་ཡིན་སྐོར་འགྲེལ་བརྗོད་ཀྱིས། ཁོང་གློད་གྲོིལ་ཐོབ་ཡོད་ཀྱང་ད་ལྟའི་ཆར་ཁོང་གི་འཕྲོད་བསྟེན་གྱི་གནས་བབ་གང་འདྲ་ཡོད་མིན་དང་ཁོང་ལ་རང་དབང་ཅི་ཙམ་ཡོད་མེད་ལ་སེམས་འཚབ་ཆེན་པོ་ཡོད་པར་མངོན་གསལ་གྱིས།  དེ་རིང་གི་གཏམ་རྒྱུད་ཀྱི་ལེའུ་དེ་བརྒྱུད་ནས་བཀྲ་ཤིས་དབང་ཕྱུག་ལགས་ཀྱི་གཙོ་བྱས་པའི་གཞིས་བཞུགས་ཀྱི་བོད་མིའི་ཆབ་སྲིད་བཙོན་པ་རྣམས་གནས་སྟངས་གང་འདྲ་ཞིག་གི་འོག་ཏུ་རྒྱ་ནག་གིས་བཙོན་འཇུག་བྱེད་ཀྱི་ཡོད་པའི་ཐད་ནས་དྲིལ་བསྒྲགས་བྱེད་ཀྱི་ཡོད་སྐོར་གསུངས་སོང་། དེ་བཞིན་ཁོང་གིས་བཀྲ་ཤིས་དབང་ཕྱུག་ལགས་རྒྱ་ནག་གིས་འཛིན་བཟུང་བཙོན་འཇུག་བྱས་པ་དེ་ཡིས་རྒྱ་ནག་གིས་དུས་རྒྱན་ནས་ཕྱི་ཕྱོགས་སུ་དྲིལ་བསྒྲགས་གནང་བཞིན་པའི་བོད་ཀྱི་གཙོ་བྱས་པའི་གྲངས་ཉུང་མི་རིགས་རྣམས་ལ་ཆོས་རིག་སྐད་ཡིག་དང་བཅས་བ་འཛིན་སྐྱོང་སྤེལ་གསུམ་བྱེད་རྒྱུར་ཐོབ་ཐང་ཆ་ཚང་ཡོད་པར་བརྗོད་བཞིན་པ་དེ་གཞི་མེད་ཀྱི་དྲིལ་བསྒྲགས་ཙམ་ཡིན་པར་རྒྱལ་སྤྱིའི་སྒང་ལ་ར་སྤྲོད་བྱས་ཡོད་པ་དང་། སྒོས་སུ་རྒྱ་ནག་གི་དམངས་འཐུས་ཀྱི་རྒྱུན་ལས་ཀྱིས་གྲངས་ཉུང་མི་རིགས་ཀྱིས་རང་སྐྱོང་གི་ས་ཁུལ་དུ་རང་གི་སྐད་ཡིག་སློབ་གཉེར་བྱེད་བཞིན་པ་དེ་ནི་རྒྱ་ནག་གི་རྩ་ཁྲིམས་དང་འགལ་བ་ཞིག་ཡིན་པར་བརྗོད་ཡོད་པའི་སྙན་ཐོ་ཡང་ཕྱི་ལ་ཐོན་ཡོད་སྟབས། རྒྱ་ནག་གིས་ད་ཆ་བོད་ཁུལ་དུ་བོད་མིའི་ཆོས་དང་རིག་གཞུང་རྩ་གཏོར་དང་མི་རིགས་རྒྱ་བསྒྱུར་གྱི་ལས་འགུལ་སྤེལ་བཞིན་པ་གསལ་བོ་རེད་ཅེས་གསུངས་སོང་།ཁ་སང་བཀྲ་ཤིས་དབང་ཕྱུག་ལགས་གློད་གྲོལ་གྱི་གནས་ཚུལ་དང་འབྲེལ་ནས། རྒྱལ་སྤྱིའི་་བོད་དོན་འབྲེལ་མཐུད་ལས་ཁང་གཙོས་པའི་གཞུང་འབྲེལ་མིན་པའི་ཚོགས་པ་ཁག་ཅིག་གིས་མཉམ་རུབ་ཀྱི་གསར་འགོད་བསྒྲགས་གཏམ་ཞིག་སྤེལ་ཏེ། བོད་མི་ཡོངས་དང་སྒོས་སུ་རྒྱལ་སྤྱིའི་སྤྱི་ཚོགས་གང་སར་བཞུགས་བཞིན་པའི་བོད་དོན་ལས་འགུལ་བ་རྣམས་ཀྱིས་བཀྲ་ཤིས་དབང་ཕྱུག་ལགས་གློད་གྲོལ་ཐོབ་ཡོད་ཀྱང་ཁོང་ད་ལྟ་ཡང་རྒྱ་ནག་གི་ལྟ་སྲུང་ནན་མོའི་འོག་ཏུ་ཡོད་པ་མ་ཟད། ལོ་ལྔའི་རིང་ཁོང་གི་ཆབ་སྲིད་ཀྱི་ཐོབ་ཐང་ཡོད་ཚད་བཙན་འཕྲོག་བྱས་ཡོད་པར་སེམས་འཚབ་བྱེད་བཞིན་ཡོད་པར་མངོན་གསལ་གནང་འདུག

དེ་བཞིན་བསྒྲགས་གཏམ་དེའི་ནང་དུ། རྒྱལ་སྤྱིའི་བོད་དོན་འབྲེལ་མཐུད་ལས་ཁང་གི་ལས་འགུལ་དང་ཉམས་ཞིབ་ལས་བྱེད་བསྟན་འཛིན་ཚེ་ལྷ་ལགས་ཀྱིས། བཀྲ་ཤིས་དབང་ཕྱུག་ལགས་གློད་གྲོལ་ཐོབ་པ་དེ་ཡིས། གཅིག་བྱས་ན་ཁོང་ཉིད་ལ་དྲང་བདེན་མིན་པའི་ཁྲིམས་ཆད་བཅད་པ་དེ་མཇུག་སྒྲིལ་བ་ཞིག་མཚོན་གྱི་ཡོད་ནའང་། ད་དུང་ཁོང་གི་ཆབ་སྲིད་ཀྱི་དབང་ཆ་ཡོད་ཚད་འཕྲོག་ཡོད་སྟབས། རྒྱལ་སྤྱིའི་སྲིད་གཞུང་དང་སྤྱི་ཚོགས་ཡོངས་ཀྱིས་ཁོང་གི་ཆབ་སྲིད་ཀྱི་དབང་ཆ་འཕྲོག་ཡོད་པའི་གནད་དོན་དེའི་ཐོག་ལངས་ཕྱོགས་བརྟན་པོའི་ཐོག་ནས་འཐབ་རྩོད་བྱེད་དགོས་བའི་སྐུལ་མ་གནང་འདུག

དེ་བཞིན་ཨིན་ཡུལ་ནང་གི་ Free Tibet ཞེས་པའི་བོད་དོན་རྒྱབ་སྐྱོར་ཚོགས་པའི་ལས་འགུལ་འགན་འཛིན་སྐུ་ཞབས་ John Jones ལགས་ཀྱིས། དཔའ་སྤོབས་དང་ཆོད་སེམས་ཆེ་བའི་བོད་ཀྱི་དཔའ་རྒོད་བཀྲ་ཤིས་དབང་ཕྱུག་ལགས་གློད་གྲོལ་ཐོབ་པར་དགའ་སྤྲོ་ཆེན་པོ་བྱུང་ཡོད་སྐོར་དང་སྦྲགས། བཀྲ་ཤིས་དབང་ཕྱུག་ལགས་དང་ཐོག་བཙོན་འཇུག་བྱས་པ་དེ་ཡང་ཆེས་ཁོང་ཁྲོ་ཟ་དགོས་པའི་གནད་དོན་ཞིག་ཡིན་པ་དང་། ད་ལྟ་ཁོང་ལ་སྔར་ལས་ལྷག་པའི་ཚོད་འཛིན་དང་གཉའ་གནོན་བྱེད་བཞིན་པ་དེ་བས་ཚད་བརྒལ་གྱི་བྱ་སྤྱོད་ཅིག་ཡིན་པ་ལྟར། ཁོང་རྣམས་ནས་བཀྲིས་དབང་ཕྱུག་ལགས་ཀྱི་རང་དབང་ཆེད་དུ་མུ་མཐུད་ཤུགས་སྣོན་བྱ་རྒྱུའི་དམ་བཅའ་བཞག་པ་མ་ཟད། རྒྱལ་ཁབ་ཁག་གི་སྲིད་གཞུང་རྣམས་ནས་མཉམ་འབྲེལ་གྱིས་ནུས་པ་བཏོན་པའི་ཐོག་ནས་རྒྱ་གཞུང་ལ་བཀྲིས་དབང་ཕྱུག་ལགས་ཀྱི་ཐོབ་ཐང་བཀག་སྡོམ་བྱས་བ་ཁག་ཡོད་ཚད་འཕྲལ་དུ་མེད་པར་བཟོ་དགོས་པའི་གནོན་ཤུགས་སྤྲོད་དགོས་པའི་འབོད་སྐུལ་ཡང་ཞུས་འདུག

དེ་བཞིན་བོད་རང་བཙན་སློབ་ཕྲུག་ཚོགས་པའི་འགན་འཛིན་རྡོ་རྗེ་ཚེ་བརྟན་ལགས་ཀྱིས། བཀྲ་ཤིས་དབང་ཕྱུག་གིས་བོད་ཀྱི་སྐད་ཡིག་སྲུང་སྐྱོབ་བྱས་པ་ཁོ་ནར་བརྟེན་ནས་ལོ་ལྔ་ཙམ་བཙོན་འཇུག་བྱས་པ་དེས། དོན་དངོས་ཐོག་བོད་ཀྱི་འགྲོ་བ་མིའི་ཐོབ་ཐང་གི་གནས་ཚུལ་ཛ་དྲག་ཇི་ཙམ་ཡིན་པ་མངོན་གསལ་བྱེད་ཀྱི་ཡོད་སྐོར་དང་འབྲེལ། བཀྲིས་དབང་ཕྱུག་ལྟ་བུ་བོད་ཀྱི་སྐད་ཡིག་རང་དབང་གཙོད་མཁན་རང་ལོ་ ༢༣ ཡིན་པའི་གྲྭ་བསོད་ནམས་དཔལ་ལྡན་སོགས་མུ་མཐུད་བཙོན་འཇུག་ཁྲོད་དཀའ་སྡུག་མྱོང་བཞིན་ཡོད་སྟབས། ཁོང་རྣམས་ཀྱིས་་རྒྱ་ནག་གཞུང་ལ་བོད་མི་ཆབ་སྲིད་བཙོན་པ་ཡོངས་རྫོགས་ཆ་རྐྱེན་མེད་པའི་ཐོག་ནས་འཕྲལ་མར་གློད་གྲོལ་གཏོང་དགོས་པ་དང་། བཀྲ་ཤིས་དབང་ཕྱུག་ལགས་ཀྱི་ཐོབ་ཐང་རྣམས་སྲུང་སྐྱོབ་སླད་དུ་འབད་བརྩོན་ལྷོད་མེད་ཞུ་རྒྱུ་ཡིན་པ་གསུངས་འདུག

གཞན་ཡང་ཡུ་རོབ་ན་གཞོན་ལྷན་ཚོགས་ཀྱི་ངོས་ནས། བཀྲ་ཤིས་དབང་ཕྱུག་ལགས་ཀྱིས་བོད་ནང་གི་འགྲོ་བ་མིའི་ཐོབ་ཐང་དང་ཤེས་ཡོན་གྱི་སྐོར་ལ་གླེང་བ་ཙམ་གྱིས་འཛིན་བཟུང་བྱས་ཡོད་པ་ཞིག་ཡིན་པར་ལུང་འདྲེན་གྱིས། རྒྱ་ནག་གིས་བཀྲ་ཤིས་དབང་ཕྱུག་ལགས་ཀྱི་གཙོ་བྱས་པའི་བོད་མིའི་ཐོབ་ཐང་རྩོད་ལེན་པ་ཡོངས་ལ་སྡང་འཛིན་བྱེད་བཞིན་པ་དེར་རྒྱལ་སྤྱིའི་སྤྱི་ཚོགས་ཀྱིས་ངོས་འཛིན་གསལ་བོའི་ཐོག་ནས་གླེང་སློང་བྱེད་དགོས་བ་དང་། དེ་བཞིན་རྒྱ་ནག་གི་དབང་འཛིན་པ་རྣམས་ཀྱིས་ཁ་བྲལ་གྱི་མིང་ཐོག་ནས་བོད་མིའི་ཞི་བའི་ལས་འགུལ་བ་རྣམས་འཛིན་བཟུང་བཀག་སྐྱིལ་བྱེད་རྒྱུ་མཚམས་འཇོག་དགོས་བའི་ཞུ་སྐུལ་གནང་འདུག

དེ་རིང་ཕྱི་ཟླ་ ༡ ཚེས་ ༢༩ རེས་གཟའ་པ་སངས་ཉིན་གྱི་ཕྱི་དྲོ་ཚོུད་ ༣ ཐོག་བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱི་ཚོགས་ཁང་དུ་སྲིད་སྐྱོང་བློ་བཟང་སེང་གེ་མཆོག་གིས་བཀའ་ཟུར་༸སྐྱབས་རྗེ་ཀིརྟི་རིན་པོ་ཆེ་མཆོག་གིས་ལྗགས་རྩོམ་གནང་བའི་བློ་གསལ་མགུལ་རྒྱན་ཞེས་པའི་སློབ་དེབ་དབུ་འབྱེད་གནང་སོང་།

གཞི་རྩའི་སློབ་དེབ་བློ་གསལ་མགུལ་རྒྱན་ནི་དེ་སྔ་ཕྱི་ལོ་ ༢༠༡༩ ལོར་འཕགས་ཡུལ་ཀིརྟི་བྱེས་པ་གྲྭ་ཚང་ཆེད་འཛུགས་གནང་སྟེ་མི་ལོ་ ༢༥ འཁོར་བའི་དུས་སྟོན་ཐོག་༸གོང་ས་༸སྐྱབས་མགོན་ཆེན་པོ་མཆོག་གིས་དཔར་བསྐྲུན་ཐེངས་དང་པོ་དེ་ཞལ་འབྱེད་མཛད་ཡོད་པ་རེད། ད་ལན་དབུས་བོད་མིའི་སྒྲིག་འཛུགས་ཀྱིས་ཕྱི་ལོ་ ༢༠༢༠ ལོ་དེ་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དྲིན་གཞལ་བར་དཀའ་བའི་བཀའ་དྲིན་ལ་རྗེས་དྲན་ཞུ་ཕྱིར་༸རྒྱལ་བའི་བཀའ་དྲིན་རྗེས་དྲན་གྱི་ལོར་སྲུང་བརྩི་ཞུ་བཞིན་པ་ལྟར་ཆོས་རིགས་ལས་ཁུངས་ཀྱི་ལས་རིམ་ཁོངས་སུ་སློབ་དེབ་དེ་དཔར་བསྐྲུན་གནང་བ་ཞིག་ཆགས་ཀྱི་འདུག

དེ་རིང་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་དབུས་པའི་བཀའ་ཤག་ལྷན་རྒྱས་དང་།ཆོས་རིག་ལས་ཁུངས་ཀྱི་དྲུང་ཆེ་དང་དྲུང་འཕར་། ཀིརྟིའི་བྱེས་པ་གྲྭ་ཚང་གི་རིག་གནས་སློབ་དཔོན་དང་༸སྐྱབས་རྗེ་ཀིརྟི་རིན་པོ་ཆེ་མཆོག་གི་གསུང་རྩོམ་ཕྱོགས་སྒྲིག་པ་རེ་མདོ་སེང་གེ་ལགས། ཀིརྟིའི་དགེ་རྩ་ཚོགས་པའི་རྒྱུན་ལས་ཚོགས་མི། དེ་བཞིན་གསར་འགོད་པ་བཅས་ཚང་འཛོམས་ཐོག་སློབ་དེབ་དབུ་འབྱེད་གནང་ཡོད་པ་རེད།

སྐབས་དེར་བོད་མིའི་སྒྲིག་འཛུགས་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་གིས་འདི་ལོ་༸རྒྱལ་བའི་བཀའ་དྲིན་རྗེས་དྲན་གྱི་ལོར་སྲུང་བརྩི་དང་འབྲེལ་བའི་ལས་གཞིའི་ཁྲོད་༸སྐྱབས་རྗེ་ཀིརྟི་རིན་པོ་ཆེ་མཆོག་གིས་རིས་སུ་མ་ཆད་པའི་ཆོས་བརྒྱུད་ཁག་གི་དགོན་པའི་གྲྭ་བཙུན་ལོ་ཆུང་རྣམས་ཀྱི་ཆེད་རྩོམ་སྒྲིག་གནང་བའི་སློབ་དེབ་བློ་གསལ་མགུལ་རྒྱན་གྱི་དཔར་སྐྲུན་ཐེངས་གཉིས་པའི་འགྲོ་གྲོན་ཆ་ཚང་བོད་མིའི་སྒྲིག་འཛུགས་ཚོས་རིག་ལས་ཁུངས་ཀྱིས་བཏང་ཡོད་སྐོར་སོགས་ངོ་སྤྲོད་གནང་བ་དང་། ༸སྐྱབས་རྗེ་ཀིརྟི་རིན་པོ་ཆེ་མཆོག་གིས་བོད་ནང་ལ་ཕེབས་སྐབས་བོད་ནང་གི་རིག་གནས་ཀྱི་གནས་བབ་ཆེས་ཞན་པ་བཅས་ལ་གཟིགས་ནས་བསླབ་གཞིའི་རྩ་འཛིན་གྱི་སློབ་དེབ་ལྗགས་རྩོམ་གནང་བ་དང་། དེའང་རིན་པོ་ཆེ་མཆོག་གིས་དེ་སྔ་༸གོང་ས་མཆོག་ལ་ལྷ་སྙན་སྒྲོན་སྐབས་མགོན་པོ་༸གང་ཉིད་མཆོག་ཐུགས་དགྱེས་ཚོར་ཆེན་པོས་ཆོས་རིག་ལས་ཁུངས་དང་ཤེས་རིག་ལས་ཁུངས་གཉིས་ཀྱིས་དཔར་བསྐྲུན་གནང་དགོས་པའི་ལམ་སྟོན་ཕེབས་ཡོད་པ་ལྟར་ད་ལན་ཆོས་རིག་ལས་ཁུངས་ཀྱིས་ཁྱོབ་ཁོངས་དགོན་སྡེ་ཁག་དང་ཤེས་རིག་ཁྱབ་ཁོངས་སློབ་གྲྭ་ཁག་ལ་རིན་མེད་ཐོག་འགྲེམས་སྤེལ་གནང་རྒྱུ་ཡིན་པར་གསུངས་སོང་།

སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་དེང་སྐབས་བོད་པའི་སློབ་གྲྭ་རེ་ཟུར་ནང་དུ་སློབ་ཕྲུག་གི་རང་སྲོག་བཅད་པའི་གནས་ཚུལ་བྱུང་གི་ཡོད་སྟབས། ༸སྐྱབས་རྗེ་ཀིརྟི་རིན་པོ་ཆེ་མཆོག་གིས་བོད་ཀྱི་ཐུན་མིན་སྲོལ་རྒྱུན་གྱི་བཟང་སྤྱོད་དང་རིག་གནས་བཅས་ཀྱི་ཁྱད་ཆོས་ལྡན་པའི་སློབ་དེབ་ལྗགས་རྩོམ་དང་༸གོང་ས་མཆོག་གིས་དབུས་པའི་བོད་མིའི་སྒྲིག་འཛུགས་དང་བོད་ཀྱི་གནས་སྟངས་ལ་ཐུགས་འགན་ཆེ་བཞེས་གནང་བར་ཐུགས་རྗེ་ཆེ་ཞུས་པ་དང་སྦྲགས་ཏེ་སློབ་དེབ་རྩོམ་པ་པོ་དང་ཕྱོགས་སྒྲིག་གནང་མཁན་གཙོས་པའི་དངོས་ཤུགས་བརྒྱུད་གསུམ་གྱི་ཐོག་ནས་ཕྱག་རོགས་གནང་མཁན་ཀུན་ལ་བསྔགས་བརྗོད་གནང་སོང་།

སྐབས་དེར་ཀིརྟི་བྱེས་པ་གྲྭ་ཚང་གི་རིག་ནས་སློབ་དཔོན་དང་༸སྐྱབས་རྗེ་ཀིརྟི་རིན་པོ་ཆེ་མཆོག་གི་གསུང་རྩོམ་ཕྱོགས་སྒྲིག་པ་རེ་མདོ་སེང་གེ་ལགས་ཀྱིས་༸སྐྱབས་རྗེ་ཀིརྟི་རིན་པོ་ཆེ་མཆོག་ནི་སྔར་ནས་ད་བར་བོད་ཀྱི་གཞོན་སྐྱེས་ཚོའི་ཤེས་ཡོན་ཐོག་དགོངས་པ་རྒྱ་ཆེར་བཞེས་མཁན་ཞིག་དང་། ལྷག་དོན་༸གོང་ས་མཆོག་གི་རླབས་ཆེན་དགོངས་གཞི་དང་མཐུན་པར་བོད་ཀྱི་ཡ་རབས་བཟང་སྤྱོད་ཀྱི་ཁྱད་ཆོས་ལྡན་པའི་མི་རིགས་ཤིག་ཡོང་བར་ཐུགས་དགོངས་གཙོ་བཞེས་གནང་མཁན་ཞིག་ཡིན་སྐོར་སོགས་གསུངས་ཡོད།

Download

དེ་ཡང་ཁ་སང་རྒྱ་གར་གྱི་ Pole Star ཐེབས་རྩ་ཁང་གི་གསར་འགོད་ལས་དོན་རྩེ་ཕུད་ཀྱི་གཟེངས་རྟགས་མཛད་སྒོ་ཐེངས་ ༢༢ པ་དེ་ཚོགས་ཡོད་པ་དང་། དེའང་དེང་སྐབས་ཏོག་དབྱིབས་གཉན་རིམས་ཀྱི་གནས་སྟངས་ཁྲོད་Youtube དྲ་རྒྱའི་བརྒྱུད་ལམ་ཐོག་ནས་ཚོགས་འདུག ཐེངས་འདིའི་མཛད་སྒོའི་ཐོག་བོད་རིགས་བུད་མེད་གསར་འགོད་པ་བསྟན་འཛིན་པདྨ་ལགས་ལ། Best Good News Feature  ཞེས་གསར་འགོད་ཀྱི་ལས་རིམ་ཡག་ཤོས་ཀྱི་སྡེ་ཚན་ནང་དུ་བྱ་དགའ་ཐོབ་འདུག བསྟན་འཛིན་པདྨ་ལགས་ནི་རྒྱ་གར་ལྷོ་ཕྱོགས་བྷང་ལོར་གྲོང་ཁྱེར་ནང་དུ་རྟེན་གཞི་བྱས་པའི་ Your Story བརྒྱུད་ལམ་ནང་དུ་ཕྱི་ལོ་ ༢༠༡༨ ལོ་ནས་ཕྱག་ལས་གནང་བཞིན་ཡོད་པ་དང་། ཁོང་གིས་སྔར་ལོ་ཏོག་དབྱིབས་གཉན་རིམས་ཀྱི་གནས་སྟངས་འོག མང་ཚོགས་དབུལ་ཕོངས་རྣམས་ལ་བཟའ་བཏུང་མེད་པའི་དཀའ་ངལ་འཕྲད་བཞིན་པའི་ཛ་དྲག་གནས་སྟངས་སྐབས། ཨ་རིའི་ New York གྲོང་ཁྱེར་ནང་དུ་བཅའ་བཞུགས་རྒྱ་གར་གྱི་སྙན་གྲགས་ཆེ་བའི་མ་བྱན་ཆེན་མོ་ Vikas Khanna ལགས་ཀྱིས། རྒྱ་གར་ནང་གི་མང་ཚོགས་ས་ཡ་མང་པོར་ཞལ་ལགས་ཕུལ་བའི་གཏོང་ཕོད་གྱི་ལས་གཞི་སྤེལ་བའི་སྐོར་དང་འབྲེལ། Michelin-star chef Vikas Khanna’s mission to feed millions in India ཞེས་པའི་བརྗོད་གཞི་དང་སྦྲགས་ནས་གནས་ཚུལ་སྤེལ་བ་དེར། འདི་ལོ་ Pole Star གསར་འགོད་ལས་དོན་རྩེ་ཕུད་ཀྱི་བྱ་དགའི་ཁྲོད་ Good News Feature སྡེ་ཚན་ཁོངས་སུ་བྱ་དགའ་ཨང་དང་པོ་ཐོབ་འདུགཤེས་རྟོགས་བྱུང་བར་གཞིགས་ན། བསྟན་འཛིན་པདྨ་ལགས་ནས་ YourStory བརྒྱུད་ལམ་ནང་དུ་ཕྱག་ལས་མ་གནང་གོང་དུ། Reuters དང་ CNBC བརྒྱུད་ལམ་སོགས་ཀྱི་ནང་དུའང་ཕྱག་ལས་གནང་མྱོང་ཡོད་པ་རེད་འདུག

རྩ་བའི་PoleStar ཐེབས་རྩ་དེ་བཞིན་ཕྱི་ལོ་ ༡༩༩༨ ལོར་གསར་བཙུགས་གནང་ཞིང་། ཐེབས་རྩ་ཁང་གི་ངོས་ནས་རྒྱ་གར་ནང་གི་གསར་འགྱུར་བརྒྱུད་ལམ་དང་སྤྱི་ཚོགས་ལ་ཤུགས་རྐྱེན་སྤྲོད་ཐུབ་མཁན་གྱི་ཚོགས་པ་ཁག་གི་ལས་དོན་ལ་ཆེ་བསྟོད་ཕུལ་བའི་ཁྲོད། འདས་པའི་ལོ་མང་ནས་རྒྱ་གར་ནང་གི་ཚོགས་པ་དང་གསར་འགོད་པ་མང་དག་ཅིག་ལ་ཆེ་བསྟོད་ཀྱི་གཟེངས་རྟགས་འབུལ་མྱོང་ཡོད་པ་རེད་འདུག

Pole Star ཐེབས་རྩ་ཁང་གི་ངོས་ནས་ལོ་ལྟར། འཕྲུལ་ལས་བརྒྱུད་ནས་སྤེལ་བའི་གསར་རྒྱུར་ལས་རིགས་དང་། ཚོང་དོན་གསར་འགྱུར། གསར་ཤོག་དང་དྲ་རྒྱའི་ཐོག་གི་གསར་འགྱུར་ལས་རིམ། དེ་བཞིན་སྤྱི་ཚོགས་ཡར་རྒྱས་དང་འབྲེལ་བའི་ལས་རིམ་རྩེ་ཕུད་བཅས་སྡེ་ཚན་འདྲ་མིན་བཞིའི་ནང་གི་ལས་རིམ་རྩེ་ཕུད་སྤེལ་མཁན་རྣམས་ལ་བྱ་དགའ་གནང་སྲོལ་ཡོད་པ་རེད་འདུག

ཉན་པ།: Listen

Download

• བོད་ཀྱི་སྐད་ཡིག་ལས་འགུལ་བ་བཀྲ་ཤིས་དབང་ཕྱུག་ལགས་གློད་གྲོལ་བཏང་འདུག
• སྔོན་ཁབ་ཐོན་ཡོད་བསམ་ནས་ལྷོད་ཡང་མ་བཞུགས་རོགས་ཞེས་གཞེན་སྐུལ་གནང་བ།
• ལྕམ་སྐུ་ Yoshiko མཆོག་ལ་བོད་དོན་སྲིད་བྱུས་དང་རྒྱབ་སྐྱོར་གྱི་ཁྲིམས་འཆར་སྙན་སེང་།
• རྒྱལ་ཡོངས་དམངས་འཐུས་ཀྱིས་བོད་ཀྱི་སྐད་ཡིག་གི་ཐོབ་ཐང་རྡོག་རོལ་བཏང་བ།
• རྒྱ་ནག་ལ་འཐབ་རྒོལ་ཆེད་རྒྱ་གར་གྱི་དམག་མིར་བོད་རིག་པའི་སློབ་གཉེར་གནང་འཆར།
• གཉན་རིམས་ཁྲོད་ནང་ཆོས་དང་སྒོམ་གྲུབ་སོགས་ཀྱི་སྙན་ཆད་སྤྱོད་མཁན་མང་རུ་ཕྱིན་པ།
• འཕྲེད་བསྟེན་ཤེས་བྱ་ངོ་སྤྲོད། རིམས་སྲུང་རིལ་བུའི་སྐོར།

• Tashi Wangchuk released from prison
• Tibetans urged to continue with COVID precautions
• OoT representative meets Japan’s Top Think Tank President
• China’s rubber-stamp parliament declares use of minority languages ‘unconstitutional’
• Indian army eyes Tibetology as a mean to counter China
• Pandemic boosts interest in Buddhist Inspired mindfulness and Meditation apps
• HEALTH ANS WELLNESS: Rimsung Pill

དེ་རིང་། བཀྲ་ཤིས་དབང་ཕྱུག་ལགས་ཀྱི་ཁྲིམས་རྩོལ་བ། སྐུ་ཞབས་ལིང་ཞོ་ཅོན་ལགས་ཀྱིས་ཁོང་མི་སྒེར་གྱི་དྲ་གནས་སུ་གནས་ཚུལ་སྤེལ་བའི་ནང་དུ། བོད་ཀྱི་སྐད་ཡིག་ལས་འགུལ་བ་བཀྲ་ཤིས་དབང་ཕྱུག་ལགས་ལོ་ལྔའི་བཙོན་འཇུག་གི་དུས་ཡུན་ཚང་ནས་གློད་གྲོལ་བཏང་ཡོད་པར་འཁོད་འདུག
ཁྲིམས་རྩོད་པ་ལིང་ཞོ་ཅོན་ལགས་ཀྱིས་བརྗོད་པ་ལྟར་ན། ཁོང་གིས་ཐད་ཀར་བཀྲ་ཤིས་དབང་ཕྱུག་ལགས་ཀྱི་ནང་མི་རྣམས་ལ་འབྲེལ་བ་བྱེད་ཐུབ་མེད་སྐོར་ལུང་འདྲེན་དང་སྦྲགས་ནས། བཀྲ་ཤིས་དབང་ཕྱུག་དེ་རིང་ཁོང་གི་ཕ་ཡུལ་ཡུལ་ཤུལ་དུ་ཡོད་པའི་གཅུང་མོའི་ནང་དུ་འབྱོར་ཡོད་པར་བརྗོད་དེ། ཁོང་ལ་དངོས་སུ་བཀྲ་ཤིས་དབང་ཕྱུག་གློད་གྲོལ་ཐོབ་པའི་པར་མ་རག་ནའང་། ད་ཆ་གོང་གི་གཟུགས་གཞིའི་གནས་སྟངས་ཡག་པོ་ཡོད་པར་བརྗོད་དེ། བཀྲ་ཤིས་དབང་ཕྱུག་ལགས་གློད་གྲོལ་ཐོབ་ཡོད་ནའང་རང་དབང་ཆ་ཚང་ཞིག་ཡོད་མིན་ཤེས་རྟོག་བྱེད་མ་ཐུབ་པར་འཁོད་འདུག

གཞི་རྩའི་བོད་ཀྱི་ཆབ་སྲིད་བཙོན་པ། སྐད་ཡིག་གི་ལས་འགུལ་བ་བཀྲ་ཤིས་དབང་ཕྱུག་ལགས་ཁམས་ཡུལ་ཤུལ་ནས་ཡིན་པ་དང་ཁོང་གིས་བོད་ཡིག་བོད་སྐད་ཀྱི་ཐོབ་ཐང་དང་འབྲེལ་རྒྱ་ནག་གཞུང་ལ་ཞུ་གཏུག་ལན་མང་གནང་བ་མ་ཟད་ New York Times གསར་ཁང་ལ་གནད་དོན་དེའི་སྐོར་གསུངས་པར་བརྟེན་རྒྱ་གཞུང་གིས་ཁོང་ཐོག་མར་ཕྱི་ལོ་ ༢༠༡༦ ཟླ་ ༡ པོའི་ནང་འཛིན་བཟུང་དང་དེ་བཞིན་ཕྱི་ལོ་ ༢༠༡༨ ཟླ་ ༥ ཚེས་ ༢༢ ཉིན་རྒྱལ་ཁབ་ཁ་བྲལ་གཏོང་རྒྱུའི་ཀུན་སློང་སྤེལ་བའི་ཉེས་མིང་འོག་ལོ་ལྔའི་ཁྲིམས་ཐག་བཅད་ཡོད་པ་རེད།

དེ་རིང་བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་རྒྱ་ནག་གིས་ཐབས་བརྒྱ་ཇུས་སྟོང་གི་སྒོ་ནས་བོད་ནང་དུ་བོད་མིའི་སྐད་ཡིག་རྩ་གཏོར་གཏོང་བཞིན་པའི་ཐད་ཀྱི་གནས་ཚུལ་ཞིག་ཕྱིར་བསྒྲགས་ཀྱིས།   རྒྱལ་ཚོགས་སམ་འབྲེལ་ཡོད་རྒྱལ་སྤྱིའི་ཞིབ་འཇུག་ཚོགས་པ་ཁག་རང་དབང་གི་ཐོག་ནས་བོད་ནང་དུ་ཕེབས་འཇུག་པའི་གནོན་ཤུགས་སྤྲོད་དགོས་པའི་ཛ་དྲག་གི་འབོད་སྐུལ་ཞུས་འདུགདེ་ཡང་ལྟེ་གནས་ཁང་གི་ཕྱིར་བསྒྲགས་དེའི་ནང་དུ་འཁོད་པ་ལྟར་ན། རྒྱ་ནག་དམར་ཤོག་གཞུང་གིས། ས་གནས་རིམ་པའི་ཁྲིམས་འགལ་སྒྲིག་སྲོལ་གཏན་འབེབས་ཀྱིས་གྲངས་ཉུང་མི་རིགས་སློབ་གྲྭ་ཁག་ཏུ་མི་རིགས་སྐད་ཡིག་གིས་སློབ་ཁྲིད་བྱེད་པ་ནི་རྒྱ་ནག་གི་རྩ་ཁྲིམས་དང་འགལ་བ་ཞིག་ཡིན་པར་བསྒྲགས་ཡོད་པ་དང་།   གནད་དོན་དེ་ནི་རྒྱ་ནག་སྲིད་གཞུང་གིས་གྲངས་ཉུང་མི་རིགས་ཁག་རྒྱ་མི་རིགས་ཀྱི་ངོ་བོར་བསྒྱུར་ཐབས་སུ་འབད་བརྩོན་བྱས་པ་ཞིག་ཡིན་སྐོར་གྱི་སྐྱོན་བརྗོད་གནང་འདུག

ལྟེ་གནས་ཁང་གིས་ལུང་འདྲེན་གནང་བའི་ནང་དུ།  རྒྱ་ནག་སྲིད་གཞུང་གིས་གྲངས་ཉུང་མི་རིགས་ས་ཁུལ་དུ་ས་གནས་རིམ་པའི་ཁྲིམས་འགལ་སྒྲིག་སྲོལ་གཏན་འབེབས་ཀྱིས་གྲངས་ཉུང་མི་རིགས་སློབ་གྲྭ་ཁག་ཏུ་མི་རིགས་སྐད་ཡིག་གིས་སློབ་ཁྲིད་བྱེད་པ་ནི་རྒྱ་ནག་གི་རྩ་ཁྲིམས་དང་འགལ་བ་ཞིག་ཡིན་པར་བསྒྲགས་ཡོད་པ་ད་ནི་ཕྱི་ལོ་ ༢༠༢༠ ལོའི་ཟླ་བ་ ༡ པའི་ནང་དུ་རྒྱ་ནག་གི་རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་ཁྲིམས་འཛིན་ཞིབ་བཤེར་ཚོགས་ཆུང་ཟེར་བའི་དམར་ཤོག་ཚོགས་པའི་དབང་བསྒྱུར་འོག་གི་རྒྱལ་ཡོངས་དམངས་འཐུས་ཚོགས་ཆེན་ལ་ཕུལ་བའི་ཞིབ་བཤེར་ལས་དོན་སྐོར་གྱི་སྙན་ཞུ་ཡིན་པར་ཕྱིར་བསྒྲགས་ཀྱིས། རྒྱ་ནག་གིས་བོད་ཁུལ་དུ་སྐད་གཉིས་སློབ་གསོ་མིང་ཐོག་ནས། རྒྱ་གཞུང་གིས་ཡ་ང་མེད་པར་ཏང་དང་རྒྱལ་ཁབ་ཀྱིས་མི་རིགས་རྒྱ་སྒྱུར་གྱི་དམིགས་ཡུལ་སྒྲུབ་ཐབས་སུ། རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་ཁྲིམས་འཛིན་ཞིབ་བཤེར་ཚན་ཁག་ལ་དབང་ཆ་སྤྲད་ནས་ས་གནས་རིམ་པའི་ཁྲིམས་སྒྲིག་འཛིན་སྐྱོང་སྒྲོག་འགྲེལ་དང་འཕར་བཅོས་ཀྱིས་མི་རིགས་སོ་སོའི་སྐད་ཡིག་རིག་གཞུང་རྩ་མེད་བཟོ་བཞིན་ཡོད་པར་མངོན་གསལ་གྱིས། ད་ལྟའི་ལག་བསྟར་ཁྲིམས་སྒྲིག་དང་སྲིད་ཇུས་ཁག་ཚང་མ་མེད་པར་བཟོ་དགོས་པའི་འབོད་སྐུལ་གནང་འདུག

གོང་གི་གནད་དོན་དེ་དང་འབྲེལ་ནས་འདི་གའི་གསར་འགོད་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ཚེ་རིང་མཚོ་མོ་ལགས་སུ་བཀའ་འདྲིཞུས་པར་ཁོང་གིས། གཞི་རྩའི་རྒྱ་ནག་གིས་བོད་ཁུལ་དུ་བོད་ཀྱི་སྐད་ཡིག་རིག་གཞུང་རྩ་གཏོར་གཏོང་གི་ཡོད་པ་དེ་ནི་གནད་དོན་གསར་བ་ཞིག་དང་། དམིགས་བསལ་དུ་ཧང་སངས་དགོས་བ་ཞིག་གང་ཡང་མིན་ནའང་། ད་ལྟའི་ཆར་རྒྱ་ནག་གིས་ཚོགས་ཆེན་རིམ་པ་བརྒྱུད་ནས་མུ་མཐུད་དུ་བོད་ཀྱི་སྐད་ཡིག་རྩ་གཏོར་གཏོང་གི་ཡོད་པ་དེ་མངོན་གསལ་དོད་པོ་ཆགས་ཡོང་གི་ཡོད་པར་ངོ་སྤྲོད་གནང་ཡོད།

གཞན་ཡང་ཁོང་གིས་གཞི་རྩའི་རྒྱ་ནག་གི་རྩ་ཁྲིམས་དང་ས་གནས་མི་རིགས་རང་སྐྱོང་གི་བཅའ་ཁྲིམས་སོགས་ཀྱི་ནང་དུ་གྲངས་ཉུང་མི་རིགས་རྣམས་ཀྱིས་རྒྱ་ནག་གི་རྒྱལ་ཁོངས་སུ་གཏོགས་པའི་རང་སྐྱོང་གི་ས་ཁུལ་གང་སར་སོ་སོའི་སྐད་དང་རིག་གཞུང་སྲུང་སྐྱོབ་བྱེད་རྒྱུའི་རང་ཐག་རང་གཅོད་ཀྱི་ཐོབ་ཐང་ཡོད་པའི་དོན་ཚན་མང་པོ་ཞིག་འཁོད་ཡོད་ནའང་། འདས་བའི་ལོ་བཅུ་སྟེ། དམིགས་བསལ་གྱི་རྒྱ་ནག་གི་སྲིད་འཛིན་ཞི་ཅིན་ཕིང་གིས་སྲིད་དབང་བཟུང་བ་ནས་བཟུང་བོད་ནང་གི་སྐད་ཡིག་རིག་གཞུང་གི་སྲིད་བྱུས་ཡོད་ཚད་ལ་རྡོག་རོལ་ཤུགས་ཆེར་ཐེབས་འགོ་ཚུགས་ཡོད་པ་ལྟར། ད་ལྟའི་ཁྲིམས་གཞི་དེ་དག་ཤོག་བའི་ངོས་ན་ཡོད་པ་ཙམ་ལས། ལག་བསྟར་གྱི་སྲིད་བྱུས་ཀྱི་ཁྲོད་ནས་གྲངས་ཉུང་མི་རིགས་རྣམས་ལ་ཁེ་ཕན་གང་ཡང་མེད་པའི་གནས་སྟངས་ཤིག་ཏུ་གྱུར་ཡོད་པར་གསུངས་སོང་།

དེ་བཞིན་ལྟེ་གནས་ཁང་གིས་ད་དུང་། རྒྱ་གཞུང་གིས་ས་གནས་རིམ་པའི་ཁྲིམས་སྲོལ་དེ་དག་རྒྱལ་ཡོངས་ཀྱི་གནས་རིམ་གོང་མའི་ཁྲིམས་སྲོལ་དང་མི་མཐུན་པར་འགྲེལ་བར་མ་ཟད། ཐ་ན་གཅིག་གྱུར་མིན་པ་དང་འོས་འཚམ་མིན་པར་བཤད་ནས་གནས་རིམ་གོང་མའི་བཅའ་ཁྲིམས་དེ་དག་ཞིང་ཆེན་དང་ཁུལ་རིམ་པར་ལག་བསྟར་གྱིས། ས་གནས་རིམ་པའི་བཅའ་ཁྲིམས་ཁག་ནི་རྒྱལ་ཁབ་ཀྱི་གལ་ཆེའི་བཅོས་སྒྱུར་གྱི་ཁ་ཕྱོགས་དང་འགལ་ལུགས་བཤད་ཡོད་པ་མ་ཟད།  མི་རིགས་ས་ཁོངས་རང་སྐྱོང་བཅའ་ཁྲིམས་ནང་གསལ་ཆབ་དཔལ་རིག་གསུམ་རང་སྐྱོང་གི་ཐོབ་ཐང་ཁག་འཕྲུ་སྣོན་བྱས་ཏེ་ས་གནས་མི་རིགས་སྐད་ཡིག་གི་ཁྲིམས་སྲོལ་གཏན་འབེབས་དེ་དག་རྒྱལ་ཡོངས་སྤྱི་སྤྱོད་སྐད་ཡིག་བཅའ་ཁྲིམས་དང་སློབ་གསོའི་བཅའ་ཁྲིམས་སོགས་འབྲེལ་ཡོད་བཅའ་ཁྲིམས་གཞན་དག་དང་འགལ་ཟླར་གྱུར་ཡོད་པར་བརྗོད་ནས། བོད་ཁུལ་དུ་རྒྱ་སྐད་རྒྱ་ཡིག་གཙིག་ཆེར་འཛིན་བཞིན་ཡོད་སྐོར་མངོན་གསལ་གནང་འདུག

གཞ་རྩའི་རྒྱ་ནག་གིས་རྒྱལ་ཡོངས་སྤྱི་སྤྱོད་སྐད་ཡིག་བཅའ་ཁྲིམས་ཟེར་བ་དེ་ཕྱི་ལོ་༢༠༠༠ ལོར་གཏན་འབེབས་དང་ཕྱི་ལོ་༢༠༠༡ ནས་ལག་བསྟར་བྱས་ཤིང་། བཅའ་ཁྲིམས་དེའི་ནང་དུ་ས་གནས་སྲིད་གཞུང་དང་གྲངས་ཉུང་མི་རིགས་སློབ་གསོ་ཁག་ནང་རྒྱ་ཡིག་རྒྱ་སྐད་སྤྱོད་དགོས་པར་འཁོད་ཡོད་པ་མ་ཟད། གྲངས་ཉུང་མི་རིགས་ཀྱི་སྐད་ཡིག་བཀོལ་སྤྱོད་དམ། ཡང་ན་འཕོ་འགྱུར་གཏོང་སྐབས། རྒྱལ་ཡོངས་སྤྱི་སྤྱོད་སྐད་ཡིག་བཅའ་ཁྲིམས་ཀྱི་དམིགས་འབེན་གཙོ་བོ་རྒྱ་རིགས་སློབ་མ་ནང་བཞིན་གྲངས་ཉུང་མི་རིགས་ཀྱི་སློབ་མར་ཡང་རྒྱ་ཡིག་རྒྱ་སྐད་ཀྱིས་སློབ་ཁྲིད་བྱེད་དགོས་པར་བཟོས་ཡོད་པ་རེད།

Download