Monthly Archives: January, 2021

རྒྱ་གར་གྱི་དམག་སྤྱི་ཆེན་མོ་ M M Naravane ལགས་ཀྱི་སློབ་སྟོན་གྱི་འོག་དུ། རྒྱ་གར་བྱང་ཕྱོགས་ཀྱི་མཐའ་མཚམས་ཁག་གི་དམག་མི་རྣམས་ཀྱིས་རྒྱ་ནག་ལ་འཐབ་རྒོལ་བྱེད་ཆེད་དུ་བོད་རིག་པར་སློབ་སྦྱོང་བྱེད་རྒྱུར་གྲོས་བསྡུར་གྱི་སྙན་ཞུ་ཕུལ་འདུག

དེ་ཡང་ཁ་སང་ཟླ་ ༡ ཚེས་ ༢༧ ཉིན་ཉི་ཧོང་སྐུ་ཚབ་དོན་གཅོད་ཨརྱ་ཚེ་དབང་རྒྱལ་པོ་ལགས་ཀྱིས་ Japan Institute of National Fundamental ཞེས་པའི་ཉི་ཧོང་གི་སྲིད་བྱུས་ཉམས་ཞིབ་ཁང་གི་ངེས་སྟོན་པ་བསམ་བློ་བ་ལྕམ་སྐུ་ Sakurai Yoshiko མཆོག་དང་ལྷན་མཇལ་མོལ་གནང་སྟེ་ཉེ་ཆར་ཨ་རིའི་སྲིད་འཛིན་མཆོག་གིས་མཚན་རྟགས་བཀོད་པ་དང་འབྲེལ། ཁྲིམས་སུ་བཅས་པའི་ནང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ༸འི་ཡང་སྲིད་ངོས་འཛིན་བྱ་རྒྱུའི་འགན་དབང་དང་ཨ་རི་གཞུང་གིས་བོད་མིའི་སྒྲིག་འཛུགས་ནི་ཁྲིམས་མཐུན་གྱི་སྒྲིག་འཛུགས་ཤིག དེ་བཞིན་བོད་མིའི་སྒྲིག་འཛུགས་ཀྱི་འགོ་ཁྲིད་སྲིད་སྐྱོང་མཆོག་ཡིན་པ་ངོས་འཛིན་གནང་གནང་དགོས་པ་སོགས་ཀྱི་སྐོར་དོན་ཚན་དྲུག་གི་ཐོག་སྙན་སེང་ཞུས་ཡོད་པ་རེད། དེ་བཞིན་ཁོང་གིས་དེ་སྔ་ཕྱི་ལོ་༢༠༡༩ལོར་བཞུགས་སྒར་དུ་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐོག་ཕྱག་བསྟར་གྱི་གྲོས་ཆོད་ཇི་འཇོག་སོགས་ཀྱི་སྐོར་སྙན་སེང་ཞིབ་རྒྱས་ཞུས་ཡོད་པ་རེད་འདུག སྐབས་དེར་ལྕམ་སྐུ་ Sakurai Yoshiko མཆོག་གིས་ཁོང་ཉིད་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་གུས་བརྩི་དང་མགོན་པོ་༸གང་ཉིད་མཆོག་གི་ཐུགས་བསྐྱེད་ཆེན་པོ་བཞི་པོར་ཡི་རངས་བསྔགས་བརྗོད་ཞུ་ཡི་ཡོད་པ་མ་ཟད་མགོན་པོ་༸གང་ཉིད་མཆོག་ཉི་ཧོང་དུ་ཆིབས་བསྒྱུར་བཀའ་དྲིན་བསྐྱང་རྒྱུར་ངང་སྒུག་གནང་བཞིན་ཡོད་སྐོར་གསུངས་པ་དང་ཆབས་ཅིག ལྷག་དོན་ཁོང་གིས་བོད་ནང་གི་ཛ་དྲག་གནས་སྟངས་ལ་བློ་འཚབ་གནང་བ་དང་འབྲེལ། བོད་ཀྱི་གནད་དོན་ལ་རྒྱབ་སྐྱོར་གནང་བ་དེ་ནི་འཛམ་གླིང་སྤྱིའི་རང་དབང་དང་མང་གཙོ། འགྲོ་བ་མིའི་ཐོབ་ཐང་བཅས་པ་སྲུང་སྐྱོབ་ཀྱི་གནད་དོན་ཞིག་ཆགས་ཀྱི་ཡོད་པར་གསུངས་འདུག   གཞི་རྩའི་ལྕམ་སྐུ་ Sakurai མཆོག་དེ་སྔ་ཁོང་ཕྱི་ལོ་ ༢༠༡༡ ལོར་ཉི་ཧོང་བོད་དོན་རྒྱབ་སྐྱོར་ཚོགས་པའི་ཚོགས་མི་དང་ལྷན་དུ་བཞུགས་སྒར་དུ་འཚམས་གཟིགས་སུ་ཕེབས་ཁོང་སུ་ཡོད་པ་དང་། སྐབས་དེར་ཁོང་ལ་༸གོང་ས་མཆོག་དང་བོད་མིའི་སྒྲིག་འཛུགས་ཀྱི་དབུ་ཁྲིད་རྣམས་དང་ལྷན་དུ་མཇལ་འཕྲད་གནང་རྒྱུའི་གོ་སྐབས་བྱུང་བ་དེ་ནས་ཁོང་བོད་དོན་ཐོག་འབྲེལ་ལམ་ཐོག་མ་དེ་བྱུང་འདུག དེ་རྗེས་སུ་ཁོང་གིས་ Fight For Tibet’s Freedom : Dialogue with the 14th Dalai Lama དང་ Sikyong Dr. Lobsang Sangay ཞེས་བོད་དོན་དང་འབྲེལ་བའི་ཕྱག་དེབ་ཡང་བརྩམས་ཡོད་པ་རེད། ཉེ་ཆར་ཚེས་ ༢༢ ཉིན་ཉི་ཧོང་སྐུ་ཚབ་དོན་གཅོད་ཨརྱ་ཚེ་དབང་རྒྱལ་པོ་ལགས་ཀྱིས་ཉི་ཧོང་གྲོས་ཚོགས་ཁང་དུ་ All Party Japanese Parliamentary Group for Tibet ཞེས་ཉི་ཧོང་གྲོས་ཚོགས་འོག་མའི་འཐུས་མི་དང་ཉི་ཧོང་རྒྱལ་ཡོངས་གྲོས་ཚོགས་བོད་དོན་རྒྱབ་སྐྱོར་ཚོགས་པའི་དྲུང་ཆེ་སྐུ་ཞབས་NagaoTakashi ལགས་དང་ལྷན་མཇལ་འཕྲད་ཀྱིས་ཕྱི་ལོ་༢༠༢༠ ལོའི་བོད་དོན་སྲིད་བྱུས་དང་རྒྱབ་སྐྱོར་གྱི་ཁྲིམས་འཆར་སྐོར་སྙན་སེང་ཞུས་ཡོད་པ་རེད།

དེ་རིང་ཕྱི་དྲོ་བོད་མིའི་སྒྲིག་འཛུགས་ཀྱི་ཏོག་དབྱིབས་གཉན་རིམས་སྔོན་འགོག་ལས་དོན་ཚོགས་ཆུང་གི་གསར་འགོད་གསལ་བསྒྲགས་ཐེངས་ ༤༤ སྤེལ་བ་དང་སྦྲགས། རྒྱ་གར་ནང་ཟླ་བ་འདིའི་ཚེས་ ༡༦ ནས་ཏོག་དབྱིབས་སྔོན་ཁབ་བརྒྱབ་རྒྱུ་དབུ་འཛུགས་གནང་ཡོད་སྟབས། ད་ཆ་མང་ཚོགས་ཁྲོད་ཏོག་དབྱིབས་སྔོན་ཁབ་ཐོན་ཡོད་བསམ་ནས་ལྷོད་ཡང་མ་བཞུགས་པར་སྔོན་འགོག་གི་ལམ་སྟོན་ཁག་མུ་མཐུད་གནང་དགོས་པའི་གཞེན་སྐུལ་གནང་སོང་། གསར་འགོད་ལྷན་ཚོགས་ཐོག་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་དྲུང་གཞོན་ལས་རོགས་ཚེ་རིང་ལགས་ཀྱིས་རྒྱ་གར་རྒྱལ་ཡོངས་ནང་ཏོག་དབྱིབས་སྔོན་ཁབ་བརྒྱབ་རྒྱུ་དབུ་འཛུགས་གནང་བ་དང་སྦྲགས། དེའི་ཁྲོད་ད་ཆ་བོད་རིགས་མདུན་ཐོན་ཞབས་ཞུ་བ་ ༡༥༢ ལ་སྔོན་ཁབ་བརྒྱབས་ཡོད་སྐོར་ངོ་སྤྲོད་གནང་སྟེ།ད་ཆ་བོད་ཀྱི་ལོ་གསར་སླེབས་ཉེ་དང་བསྟུན་བོད་མི་ཚོས་མཚན་ཚོགས་དང་གཞས་སྣ་འཁྲབ་སྟོན་སོགས་འདུ་འཛོམས་གནང་རྒྱུའི་ལས་རིགས་གང་ཉུང་གཉེར་རྒྱུ་དང་ལྷག་པར་དུ་ཏོག་དབྱིབས་སྔོན་ཁབ་ཐོན་ཡོད་བསམ་ནས་ལྷོད་ཡང་མ་བཞུགས་པར་སྔོན་འགོག་གི་ལམ་སྟོན་ཁག་མུ་མཐུད་གནང་དགོས་པའི་གཞེན་སྐུལ་གནང་སོང་། དེ་བཞིན་བོད་མིའི་སྒྲིག་འཛུགས་ཏོག་དབྱིབས་གཉན་རིམས་སྔོན་འགོག་ལས་དོན་ཚོགས་ཆུང་གི་གསར་འགོད་འབྲེལ་མཐུད་པ་སྨན་པ་ཚེ་རིང་མཚམས་གཅོད་ལགས་ཀྱིས་གཟའ་འཁོར་འདིའི་ནང་བོད་མི་ལྔ་ལ་ཏོག་དབྱིབས་གཉན་རིམས་ཕོག་ཡོད་པ་དང་དེའི་ཁྲོད་ལོ་ན་མཐོ་ཤོས་དེ་ ༤༣ དང་ཆུང་ཤོས་དེ་ ༢༥ ཆགས་ཀྱི་ཡོད་པ་དང་དེའི་ཁོངས་ནད་རྟགས་ཡོད་པ་གཉིས་དང་ དམིགས་བསལ་ནད་རྟགས་མེད་པ་གསུམ་ཆགས་ཀྱི་ཡོད་པ་དེ་ལྟར་ཡང་། སྤོན་ཌོ་གཞིས་ཆགས་ནས་ཡིན་པ་བུད་མེད་ལོ་ན་ ༦༩ སོན་པ་ཁྲག་ཤེད་ཀྱི་ནད་གཞི་ཡོད་པ་ཞིག་གཉན་རིམས་དེའི་རྐྱེན་གྱིས་འདས་གྲོངས་སུ་གྱུར་ཡོད་སྐོར་གསུངས་སོང་། རྒྱ་གར་ནང་ད་ཆ་སྔོན་ཁབ་བརྒྱབས་ཟིན་པ་དེ་མི་གྲངས་འབུམ་ཉེར་གསུམ་ལྷག་ཆགས་ཀྱི་ཡོད་པ་དང་དེའི་ཁྲོད་གཟུགས་པོར་འཕྲོད་མིན་རྐྱེན་གྱིས་མི་གྲངས་ ༡༦ ཙམ་ཞིག་སྨན་ཁང་དུ་བཞུགས་དགོས་བྱུང་ཡོད་སྐོར་གསུངས་པ་དང་ཆབས་ཅིག  སྔོན་ཁབ་བརྒྱབ་སྐབས་ཐུགས་སྣང་གནང་དགོས་པའི་གནད་དོན་ཁག་ཅིག་དྲན་སྐུལ་ཚུལ་དུ་གསུངས་ཡོད། བདེ་ལེགས་སྨན་ཁང་གི་ཕྱི་ལུགས་སྨན་པ་བསྟན་འཛིན་རྣམ་གྲོལ་ལགས་ཀྱིས་སྔོན་ཁབ་དང་འབྲེལ་ནས་གསུངས་པར་སྔོན་ཁབ་དེ་རིམ་པ་གཉིས་བརྒྱབ་ཚར་བའི་རྗེས་སུ་ཁབ་དེའི་ནུས་པ་ཐོན་གྱི་ཡོད་པ་དང་ད་ཆ་རྒྱ་གར་གྱི་སྔོན་ཁབ་དེའི་གཉན་རིམས་སྔོན་འགོག་གི་ནུས་པ་དེ་བརྒྱ་ཆ་ ༦༠ ནས་ ༧༠ བར་ཡིན་པར་བརྟེན་སོ་སོའི་ངོས་ནས་སྔོན་འགོག་གི་ཐབས་ལམ་ཁག་མུ་མཐུད་ནས་གནང་དགོས་པ་སོགས་གཞེན་སྐུལ་གནང་སོང་། གཞི་རྩའི་ད་བར་རྒྱ་བལ་གཉིས་ཀྱི་ནང་ནད་གཞི་ཕོག་པའི་གྲངས་འབོར་དེ་ ༡༤༩༥ དང་དེའི་ཁྲོད་བོད་མི་ ༣༨ འདས་གྲོངས་སུ་ཕྱིན་པ་དེ་ལྟར་ཡང་ནད་གཞི་དེ་ལས་དྲག་སྐྱེད་སོང་བའི་གྲངས་ཐོ་དེ་ ༡༤༤༠ ཡིན་པ་དང་ད་ཆ་ནད་ཀྱིས་མནར་བཞིན་པ་དེ་ ༡༧ ཆགས་ཀྱི་ཡོད་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་གིས་རང་ལྟ་མཆོག་འཛིན་སྤང་དགོས་པར་བཀའ་སྩལ་བ། ༸གོང་ས་མཆོག་གི་བཀའ་སློབ་སྙིང་བསྡུས་ཀྱི་ཕྱག་དེབ་དཔར་བསྐྲུན། བོད་མིའི་དྭང་ཞབས་དམག་མི་ཁག་ཅིག་ལ་ཆེ་བསྟོད་ཞུས་པ། བསྟན་འཛིན་དོན་གྲུབ་ལགས་ Siliguri ཕྱོགས་སུ་གོམ་བགྲོད་གནང་བཞིན་འདུག འབྲས་ལྗོངས་ཁུལ་གྱི་འཕགས་བོད་ས་མཚམས་སུ་རྒྱ་དཀར་ནག་གི་དམག་མི་དབར་འཐབ་འཛིང་། ༢༠༢༢ ལོའི་པི་ཅིང་གི་དགུན་དུས་ཨོ་རྩེད་འཚོགས་རྒྱུའི་རྣམ་པ་བསྟན་འདུག དམིགས་གསལ་ལས་རིམ། ༸གོང་ས་མཆོག་གིས་ཕགས་བོད་འབྲེལ་ལམ་སྐོར་བསྩལ་བའི་བཀའ་སློབ། Wednesday 27/01/2021 Dalai Lama interacts with Strong Cities Network on Kind and Compassionate Leadership Dalai Lama's new book on words of encouragement on coping with challenges of life and pandemic 'Secret force' comprising Tibetans gets award for operation against China in Ladakh Tibetan peace marcher from Dhasa to Nathula reaches Siliguri IOC Chief speaks with Xi on 2022 Beijing Winter Games preparations Sino India troops clash at Sikkim Indo Tibet border, 20 Chinese soldiers injured FEATURE: Dalai Lama speaks on India Tibet relations

དེ་རིང་ཕྱི་ལོ་ ༢༠༢༡ ཟླ་ ༡ ཚེས་ ༢༧ ཉིན་གྱི་ཞོགས་པར།  བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱལ་སྤྱིའི་སྤྱི་ཚོགས་འདྲ་མིན་གྱི་གྲོང་སྡེའི་སྤྱི་ཁྱབ་པ་ཁག་ཅིག་དང་ལྷན་དུ་བྱམས་བརྩེ་ལྡན་པའི་དབུ་ཁྲིད་ཅེས་པའི་བརྗོད་གཞིའི་ཐོག་གསུང་བཤད་གནང་བ་བརྒྱུད་ནས་བཀའ་འདྲི་དགོངས་སྐོར་ཞུས་པ་ཁག་ལ་བཀའ་ལན་སྩལ་སོང་།དེ་ཡང་དེ་རིང་གི་གྲོང་སྡེ་སྤྱི་ཁྱབ་པ་རྣམས་དང་ལྷན་གྱི་བཀའ་མོལ་གྱི་ལས་རིམ་དེ་ནི། ཨ་རིའི་གྲོང་སྡེ་སྤྱི་ཁྱབ་པ་ཁག་གི་ལྷན་ཚོགས་དང་། དབྱིན་ཡུལ་དུ་རྟེན་གཞི་བྱས་པའི་སྲིད་བྱུས་བགྲོ་གླེང་བསྟི་གནས་ཁང་། དེ་བཞིན་རྒྱལ་སྤྱིའི་སྟོབས་ལྡན་གྱི་གྲོང་ཁྱེར་འབྲེལ་མཐུད་ཚོགས་པ་གསུམ་གྱི་གོ་སྒྲིག་གི་འོག  ཨ་རི་དང་ཁ་ན་ཌ། དེ་བཞིན་ནོར་ཝེ་དང་ཧྥུ་ལི་པེན་སོགས་ཀྱི་རྒྱལ་ཁབ་མང་པོ་ཞིག་གི་གྲོང་སྡེ་སྤྱི་ཁྱབ་པ་ཁག་ཅིག་གིས་འཛུལ་ཞུགས་ཀྱི་ཐོག   མགོན་པོ་གང་ཉིད་མཆོག་ནས་བྱམས་བརྩེ་ལྡན་པའི་དབུ་ཁྲིད་ཅེས་པའི་བརྗོད་གཞིའི ཐོག་བཀའ་སློབ་ལམ་སྟོན་མཛད་སོང་།མཛད་རིམ་གྱི་ཐོག་མར། མགོན་པོ་གང་ཉིད་མཆོག་གིས་དུས་རྒྱུན་ནས་འགྲོ་བ་མིའི་གཅིག་གྱུར་གྱི་འདུ་ཤེས་གོང་སྤེལ་གཏོང་ཐབས་ཀྱི་ཐོག་ལ་ཐུགས་བརྩོན་གནང་གི་ཡོད་པར་བཀའ་སྩལ་བ་དང་འབྲེལ་ནས།  ཚན་རིག་པ་རྣམས་ཀྱིས་སྤྱི་ཚོགས་ཀྱི་སེམས་ཅན་རྣམས་ནི་དུས་རྒྱུན་ནས་གཅིག་ལ་གཅིག་རྟེན་ཡིན་པའི་འདུ་ཤེས་ཡོད་པར་གསུངས་ཡོད་པ་ལྟར།  འགྲོ་བ་མི་ཡང་སྤྱི་ཚོགས་སེམས་ཅན་ཁོངས་སུ་གཏོགས་པ་ཡིན་དུས།  རང་ལྟ་མཆོག་འཛིན་གྱིས་ངའི་རྒྱལ་ཁབ་དང་ངའི་མི་རིགས། དེ་བཞིན་ངའི་ནང་མི་ཞེས་རང་ཁོ་ན་གཅེས་འཛིན་གྱི་བློ་དེ་དོར་ནས།  གོ་ལ་གཅིག་འགྱུར་གྱི་དུས་རབས་དང་མཐུན་པའི་ཐོག་ནས་འགྲོ་བ་མི་ཡོད་ཚད་གཅིག་གྱུར་ཡིན་པའི་འདུ་ཤེས་གོང་སྤེལ་བཏང་བ་བརྒྱུད་དེང་གི་སྤྱི་ཚོགས་ནང་གི་དཀའ་ངལ་མང་པོ་ཞིག་མིས་བཟོས་བ་ཤ་སྟག་ཡིན་སྟབས། འགྲོ་བ་མི་ཡོད་ཚད་ཀྱིས་གཅིག་གྱུར་གྱིས་རང་གི་བྱེད་ལས་ཀྱིས་གྲུབ་པའི་དཀའ་ངལ་རྣམས་སེལ་ཐབས་སུ་མཉམ་ལས་གནང་གལ་ཆེ་བའི་ལམ་སྟོན་བཀའ་སློབ་མཛད་གནང་སོང་། དེ་བཞིན་མགོན་པོ་གང་ཉིད་མཆོག་གིས་ནུབ་ཕྱོགས་ཀྱི་དེང་རབས་ཀྱི་ཤེས་ཡོན་ལམ་ལུགས་ཀྱི་ནང་དུ་དངོས་གཙོ་རིང་ལུགས་གཙོ་ཆེར་འཛིན་བཞིན་ཡོད་པར་བཀའ་གནང་བ་དང་འབྲེལ་ནས།  སྤྱི་ཚོགས་ཀྱི་ནང་དུ་དཔལ་འབྱོར་དང་ཆབ་སྲིད་ཀྱི་སྟོབས་ཤུགས་ཁོ་ནའི་འགྲོ་བ་མིའི་རིགས་ཀྱི་འབྲེལ་འདྲིས་ཀྱི་ཁྲོད་དུ་ཡིད་ཆེས་སྐྲུན་ཐབས་མེད་པར་བཀའ་གནང་སྟེ། གནའ་བོའི་རྒྱ་གར་གྱི་རིག་གཞུང་གི་ནང་དུ་འཚེ་མེད་ཞི་བ་དང་བྱམས་སྙིང་རྗེ་སོགས་ཀྱི་འགྲོ་བ་མིའི་རིགས་ཀྱི་ནང་སེམས་ཀྱི་དཔལ་ཡོན་ཐད་ཀྱི་ལྟ་གྲུབ་ཁག་ཡོད་པ་ལྟར། དེང་རབས་ཀྱི་ཤེས་ཡོན་ཀྱིལམ་ལུགས་ནང་དུ་མིའི་རིགས་ཀྱི་ནང་སེམས་ཀྱི་ལོངས་སྤྱོད་ལྟ་བུའི་སློབ་ཚན་ཁག་གཏན་འབེབས་བྱེད་རྒྱུ་གལ་ཆེན་པོ་ཡིན་པར་བཀའ་གནང་སོང་།དེ་རིང་གི་བཀའ་སློབ་ཀྱི་ལས་རིམ་དེ་ལེགས་པར་གྲུབ་མཚམས་སུ་རྒྱལ་སྤྱིའི་སྤྱི་ཚོགས་སྣ་མང་གི་གྲོང་སྡེ་སྤྱི་ཁྱབ་པ་ཁག་ཅིག་གིས་བཀའ་འདྲི་དགོངས་སྐོར་ཞུས་པའི་ཁྲོད། ཨ་རིའི་ནང་གི་གྲོང་སྡེ་སྤྱི་ཁྱབ་པ་ཞིག་གིས་འདས་བའི་ལོ་འགའི་རིང་ལ་ཨ་རིའི་གཙོ་བྱས་པའི་སྤྱི་ཚོགས་གང་སར་དབྱེ་འབྱེད་ཀྱི་རིགས་ཤུགས་ཆེར་བྱུང་ཡོད་སྟབས། མགོ་ཁྲིད་ཅིག་ཡིན་པའི་ཆ་ནས་མི་མང་ནང་དུ་མཐུན་ལམ་རྡོག་རྩ་གཅིག་སྒྲིལ་གནང་སྟངས་ཀྱི་སྐོར་ནས་བཀའ་འདྲི་ཞུས་པར་མགོན་པོ་མཆོག་གིས།  སྤྱི་ཡོངས་ཀྱི་ཆ་ནས་སྤྱི་ཚོགས་ཀྱི་ནང་དུ་མི་རེ་ཟུང་གི་བྱ་སྤྱོད་ལས་མི་རིགས་དཀར་ནག་གི་དབྱེ་འབྱེད་དང་། དེ་བཞིན་ཨ་རི་དང་པོ་ཡིན་ཟེར་མཁན་རེ་ཟུང་བྱུང་ཡོད་པ་ནི་ནོར་འཁྲུལ་ཡིན་པར་བཀའ་གནང་སྟེ།  སྤྱི་ཡོངས་ཀྱི་ཆ་ནས་ཨ་རི་རྒྱལ་ཁབ་ནི་རང་དབང་གི་འཛམ་གླིང་ལ་སྣེ་ཁྲིད་གནང་མཁན་གྱི་རྒྱལ་ཁབ་གལ་ཆེན་ཞིག་ཡིན་སྟབས། ཨ་རིའི་རྒྱལ་ཁབ་ཀྱི་གཞི་བརྩའི་ཞི་བདེ་དང་རང་དབང་གི་བླ་སྲོག་ལ་འགྱུར་བ་འགྲོ་བཞིན་པ་ཞིག་ལ་ངོས་འཛིན་གནང་གི་མེད་པར་བཀའ་ལན་སྩལ་སོང་།དེ་བཞིན་ནོར་ཝེ་ནས་ཡིན་པའི་སྤྱི་ཁྱབ་པ་ཞིག་གིས་དམག་འཐབ་དང་དབུལ་ཕོངས་སོགས་དང་འབྲེལ་བའི་བཀའ་འདྲི་ཞུས་པར་མགོན་པོ་གང་ཉིད་མཆོག་གིས་འཛམ་གླིང་གི་དམག་ཆེན་གཉིས་བའི་རྗེས་ནས་བཟུང་། མགོ་ཁྲིད་རྣམས་ཀྱིས་དཀའ་ངལ་ཆུང་ཆུང་ཞིག་ལ་ཞིབ་ཚགས་ཀྱིས་ལྟ་རྒྱུ་དེ་མིན་པར། དཀའ་ངལ་ག་རེ་ཡིན་ཡང་གཞི་རྒྱ་ཆེ་ནས་དགོངས་བ་བཞེས་རྒྱུ་དེ་གལ་ཆེན་པོ་ཡིན་པ་ལྟར། སྔོན་ཆད་རྒྱལ་ཁབ་སོ་སོས་རྡུལ་ཕྲན་མཚོན་ཆ་ཡོད་ན་སྤོབས་པ་སྐྱེད་བཞིན་ཡོད་ནའང་། རིམ་པའི་འཛམ་གླིང་གི་ནང་དུ་རྡུལ་ཕྲན་མཚོན་ཆ་སོགས་མེད་པར་བཟོས་ཡོད་པ་དེ་ནི་ཁྱོན་ཡོངས་ཀྱི་སྤྱི་ཚོགས་ལེགས་ལམ་དུ་སོང་ཡོད་པའི་མིག་དཔེ་ཞིག་ཡིན་པར་བཀའ་གནང་སྟེ། དེང་གི་དུས་རབས་འདིར་གླིང་ཕྲན་དང་གླིང་ཕྲན་དབར་དང་། དེ་བཞིན་རྒྱལ་ཁབ་དང་རྒྱལ་ཁབ་བར་དུ་ཞི་བདེ་ངང་ནས་མཉམ་གནས་བྱེད་རྒྱུ་དེ་གལ་ཆེན་པོ་ཡིན་པར་བཀའ་གནང་སོང་། གཞི་རྩའི་སྔར་ལོའི་རིམས་ནད་ཁྱབ་བརྡལ་བྱུང་བ་ནས་བཟུང་། མགོན་པོ་གང་ཉིད་མཆོག་གིས་དྲ་རྒྱའི་ལམ་ནས་ཆོས་འབྲེལ་བཀའ་དྲིན་བསྐྱངས་བ་དང་། དེ་བཞིན་འཛམ་གླིང་གི་ཚོགས་སྡེ་སྣ་ཚོགས་ཀྱི་གསོལ་འདེབས་ལྟར་བཀལ་སློབ་ལམ་སྟོན་གྱི་མཛད་རིམ་སྐྱོང་བཞིན་པ་ལྟར། དེ་རིང་གི་མཛད་རིམ་དེ་དང་བཞུགས་སྒར་ནས་དྲྭ་རྒྱ་བརྒྱུད་དེ་རྒྱ་བོད་དབྱིན་གསུམ་གྱི་གཙོ་བྱས་པའི་སྐད་ཡིག་སྣ་མང་གི་ཐོག་ནས་རྒྱང་སྲིང་གནང་ཡོད་པ་རེད།

ཁ་སང་ཕྱི་ཚེས་ ༢༦ ཉིན་རྒྱ་གར་རྒྱལ་ཡོངས་སུ་རྒྱ་གར་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ་ ༧༢ འཁོར་བའི་དུས་དྲན་སྲུང་བརྩི་གཟབ་རྒྱས་ཞུས་ཡོད་པ་དང་། ལྷག་པར་དུ་རྒྱལ་ས་ལྡི་ལིའི་ Rajpath ས་ཚིགས་སུ་རྒྱ་གར་གྱི་སྲིད་འཛིན་སྐུ་ཞབས་ Ram Nath Kovind མཆོག་དང་སྲིད་བློན་སྐུ་ཞབས་ Narendra Modi མཆོག་རྣམ་གཉིས་ཀྱིས་དབུས་པའི་གནད་ཡོད་མི་སྣ་རྣམས་ལྷན་ཞུགས་ཐོག་རྒྱ་གར་གྱི་དམག་དང་བདེ་སྲུང་སྡེ་ཚན་ཁག མངའ་སྡེ་སོ་སོའི་རིག་གཞུང་འགྲེམས་སྟོན་སོགས་གནང་སྟེ་ཉིན་མོ་དེ་སྲུང་བརྩི་གཟབ་རྒྱས་ཞུས་ཡོད་པ་རེད། སྐབས་དེའི་མཛད་སྒོའི་ཐོག་རྒྱ་གར་དབུས་གཞུང་གིས་རྒྱལ་སྲུང་དམག་མི་དང་གཟེངས་སུ་ཐོན་པའི་མི་སྣ་འདས་པོ་དང་ད་ལྟ་ལས་གནས་ཁག་ཏུ་ཞུགས་པའི་མི་སྣ་ཁག་ལ་མྱ་ངན་གུས་འདུད་གཙོས་ཆེས་མཐོའི་གཟེངས་རྟགས་ཁག་ཅིག་འབུལ་ལམ་ཞུ་སྲོལ་ཡོད་པ་ལྟར་འདི་ལོར་ཁྱོན་རྒྱ་གར་གྱི་དམག་སྤྱི་དང་རུ་དཔོན་སོགས་གཟེངས་སུ་ཐོན་པའི་མི་སྣ་ ༣༩༩ ཙམ་ལ་ཆེས་མཐོའི་གཟེངས་རྟགས་ PARAM VISHISHT དང་ MAHAVIR CHAKRA KIRTI CHAKRA སོགས་གཟེངས་རྟགས་མི་འདྲ་བ་ ༡༦ ཙམ་ཕུལ་ཡོད་པ་དང་། དེའི་ཁོངས་སུ་རྒྱ་གར་བྱང་ཕྱོགས་ལ་དྭགས་ཁུལ་དུ་ཆགས་པའི་རྒྱ་གར་དང་བོད་གཉིས་ཀྱི་ས་མཚམས་ས་ཁུལ་དུ་རྒྱ་ནག་གི་དམག་དཔུང་ལ་གདོང་ལེན་གནང་མཁན་རྒྱ་གར་གྱི་ Snow Leopard སྡེ་ཚན་ཁོངས་སུ་ཡོད་པ་བོད་མིའི་དྭང་ཞབས་དམག་སྒར་གྱི་དམག་མི་རུ་དཔོན་ཚེ་རིང་ནོར་བུ་ལགས་ OPERATION RAKSHAK ཞེས་པའི་ཆེས་མཐོའི་གཟེངས་རྟགས་བཞེས་མཁན་ཁོངས་སུ་མཚན་འདོན་གནང་འདུག གཟེངས་རྟགས་དེ་བཞེས་མཁན་ཁོངས་སུ་བོད་མིའི་དྭང་ཞབས་དམག་སྒར་གྱི་སྤྱི་ཁྱབ་ PRASHANT PASBOLA ལགས་གཙོས་དམག་སྡེ་གཞན་གྱི་མི་སྣ་ ༥༤ ཡོད་པ་དང་བོད་མིའི་དྭང་ཞབས་དམག་སྒར་གྱི་དམག་སྤྱི་ NEERAJ KUMAR SINGH ལགས་ལ་ SENA MEDAL ཞེས་པའི་གཟེངས་རྟགས་ཐོབ་འདུག རྩ་བའི་ Special Frontier Force ཞེས་བོད་མིའི་དྭང་ཞབས་དམག་སྒར་དེ་ཐོག་མར་ཕྱི་ལོ་ ༡༩༦༢ ལོར་གསར་འཛུགས་གནང་སྟེ་དེ་སྔ་ཕྱི་ལོ་ ༡༩༧༡ ལོར་རྒྱ་གར་དང་ Pakistan དེ་བཞིན་ Bangladesh བཅས་དབར་བྱུང་བའི་དམག་དང་ཕྱི་ལོ་ ༡༩༩༩ ལོར་རྒྱ་གར་དང་པ་ཀིས་ཐན་ དབར་བྱུང་བའི་དམག་སོགས་སུ་མཉམ་ཞུགས་གནང་མྱོང་ཡོད་ཀྱང་། རྒྱ་གར་གཞུང་གི་ངོས་ནས་གནད་དོན་དེ་དག་གསང་བའི་ཐོག་བཞག་ནས་མངོན་གསལ་གནང་གྱི་མེད་པ་དེ་ལྟར་ཡང་ད་རེས་རྒྱ་གར་དབུས་གཞུང་གིས་བོད་མིའི་དྭང་ཞབས་དམག་སྒར་གྱི་དམག་མིར་མངོན་གསལ་དོད་པོའི་ཐོག་ཆེ་བསྟོད་གནང་བ་ཆེས་ཐོག་མ་ལྟ་བུ་ཆགས་ཀྱི་ཡོད་པ་རེད།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་སྔ་རྗེས་སུ་བཀའ་ཆོས་དང་བཀའ་སློབ་སྩལ་ཁག་ཕྱོགས་སྒྲིག་ཞུས་པའི་ The Little Book of Encouragement ཞེས་བློ་སྟབས་ཀྱི་ཕྱག་དེབ་ཅིག་དཔར་སྐྲུན་གནང་འདུག ཕྱག་དེབ་དེ་ནི། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དུས་ད་ལྟ་བར་བོད་མི་གཙོས་པའི་ཕྱི་ནང་གི་དད་ལྡན་དང་མང་ཚོགས་ཁྱད་མེད་ལ་སྩལ་བའི་བཀའ་ཆོས་དང་བཀའ་སློབ། ལམ་སྟོན་ལ་སོགས་པ་ཕྱོགས་གཅིག་ཏུ་བསྡུས་པའི་བཀའ་སློབ་སྙིང་པོར་བཀོད་པའི་དེབ་ཆུང་ཞིག་ཆགས་ཀྱི་འདུག རྒྱ་གར་ནང་གི་གཙུག་ལག་སློབ་གཉེར་ཁང་གྲགས་ཅན་གྲས་ཁོངས་རྒྱལ་ས་ལྡི་ལིར་རྟེན་གཞི་བྱས་པའི་ནེཧརུ་གཙུག་ལག་སློབ་ཁང་གི་མཁས་དབང་སློབ་དཔོན་ལྕམ་སྐུ་ Renuka Singh ལགས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་གིས་སྩལ་བའི་བཀའ་ཆོས་དང་བཀའ་སློབ་སོགས་སྙིང་བསྡུས་སུ་རྩོམ་སྒྲིག་གནང་བའི་བློ་སྟོབས་ཀྱི་དེབ་ཆུང་ཞིག་དང་། རྒྱ་གར་ནང་གི་དཔར་སྐྲུན་ཁང་གྲགས་ཅན་ Penguin གྱིས་དཔར་སྐྲུན་གནང་ཞིང་། ཕྱག་དེབ་དེར་ཁྱོན་ཤོག་གྲངས་ ༡༦༠ དང་ད་ལྟའི་ཆར་ Flipkart དང་ Amazon དྲྭ་ཐོག་བརྒྱུད་ནས་ཧིན་སྒོར་ ༢༩༩ ཐོག་བླུ་ཡོན་ཞུ་རྒྱུ་འདུག ཕྱག་དེབ་ཀྱི་སྔོན་གླེང་ནང་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་སློབ་དང་བཀའ་ཆོས། དེ་བཞིན་ཁོར་ཡུག གནམ་གཤིས་འགྱུར་ལྡོག གཉན་རིམས་སོགས་ཁྱི་གནད་དོན་ཐོག་ལ་གདོང་ལེན་གནང་ཕྱོགས་དང་འབྲེལ་བའི་བཀའ་སློབ་སྩལ་ཡོད་པར་མ་ཟད་ཆེས་ངལ་བ་ཆེ་བའི་གནས་སྟངས་འཕྲད་སྐབས་བྱམས་པ་དང་སྙིང་རྗེ། བཟོད་བསྲན་སོགས་གནང་གནད་སྐོར། ལྷག་དོན་ཏོག་དབྱིབས་གཉན་རིམས་ཁྱབ་གདལ་ཆེས་ཆེར་འགྲོ་མུས་ཀྱི་གནས་སྟངས་ཁྲོད་སྨན་པ་དང་སྨན་ཞབས་པ་ཚོས་ནང་སེམས་ཀྱི་འཕྲོད་བསྟེན་གཅེས་སྲུང་གིས་གདོང་ལེན་དགོས་གལ་ཡིན་པ་སོགས་ཀྱི་ལམ་སྟོན་སྩལ་འདུག གཞི་རྩའི་མཁས་དབང་སློབ་དཔོན་ལྕམ་སྐུ་ Renuka Singh ལགས་ཀྱིས་ད་བར་༸གོང་ས་༸སྐྱབས་མགོན་ཆེན་པོ་མཆོག་གིས་སྩལ་བའི་Path To Tranquility ཞེས་བག་ཕེབས་ཀྱི་ལམ་བུ་ཞེས་པའི་ཕྱག་དེབ་ཤོག་གྲངས་ ༤༣༢ ཅན་རྩོམ་སྒྲིག་གནང་མྱོང་ཡོད་པ་རེད།

སྔ་ལོའི་ཟླ་ ༡༡ ཚེས་ ༢ ཉིན་བོད་མི་ན་གཞོན་བསྟན་འཛིན་དོན་གྲུབ་ལགས་ཀྱིས་བཞུགས་སྒར་དྷརྨ་ས་ལ་ནས་དབུ་འཛུགས་ཀྱིས་འཕགས་བོད་ཀྱི་ས་མཚམས་རྣ་ཐོས་ལ་བར་ཞི་བའི་གོམ་བགྲོད་ཀྱི་ལས་འགུལ་ཞིག་དབུ་འཛུགས་གནང་སྟེ་ད་ཆ་ཟླ་བ་གཉིམ་ཙམ་སོང་ཟིན་པ་བཞིན་ཁོང་དང་ཁོང་གི་ཕྱག་རོགས་བསྟན་འཛིན་ཉི་མ་ལགས་གཉིས་དེ་རིང་སི་ལི་གོ་རིར་འབྱོར་གྱི་འདུག བསྟན་འཛིན་གྲུབ་ལགས་ཀྱིས་རླུང་འཕྲིན་ཁང་ལ་འགྲེལ་བརྗོད་གནང་བར་གཞིགས་ན། ཁོང་གིས་བཞུགས་སྒར་དྷརྨ་ས་ལ་ནས་དབུ་འཛུགས་ཀྱིས་རྣ་ཐོས་ལའི་ས་མཚམས་བར་ཞི་བའི་གོམ་བགྲོད་ཀྱི་ལས་འགུལ་དབུ་འཛུགས་གནང་སྟེ་ད་ཆ་ཟླ་བ་གཉིས་ཙམ་ཕྱིན་ཡོད་པ་དང་། དེ་རིང་ཉིན་རྒྱབ་ཡོལ་ཙམ་ལ་ཁོང་དང་ཁོང་གི་ཕྱག་རོགས་བསྟན་འཛིན་ཉི་མ་ལགས་རྣམ་གཉིས་རྒྱ་གར་གྱི་ནུབ་བྷེང་གྷལ་མངའ་སྡེར་རྟེན་གཞི་བྱས་པའི་སི་ལི་གོ་རིར་འབྱོར་གྱི་ཡོད་སྟབས། ཁུལ་དེར་གནས་བཞུགས་བོད་མི་གཙོས་པའི་ཀ་སྦུག་དང་རྡོར་གླིང་། སི་ལི་གོ་རིའི་གཞུང་འབྲེལ་མིན་པའི་ཚོགས་ཁག་གི་འཐུས་མི་ཚོས་གོམ་བགྲོད་ནང་མཉམ་ཞུགས་ཀྱིས་ཕེབས་བསུའི་སྣེ་ལེན་ཞུས་ཡོད་པ་དང་།སང་ཞོགས་བོད་མི་ཁག་ཅིག་གིས་གོ་སྒྲིག་གནང་བའི་འོག་ཁུལ་དེར་དོན་ཚན་གསུམ་གྱི་ཐོག་གསར་འགོད་ལྷན་ཚོགས་ཤིག་ཀྱང་གནང་འཆར་ཡོད་སྐོར་གསུངས་སོང་། དེ་བཞིན་ཁོང་གིས་བོད་མི་ཚོས་རང་ཉིད་ཀྱི་ངོས་ནས་བོད་ཀྱི་བདེན་དོན་སེལ་བར་ལས་འགུལ་གང་ཞིག་སྤེལ་རྒྱུའི་འདུན་པ་ཡོད་ཚེ་དེར་བོད་མི་མང་ཚོགས་ནས་རྒྱབ་སྐྱོར་གནང་བར་ཐེ་ཚོམ་གང་ཡང་མེད་པའི་ཚོར་སྣང་བྱུང་སྐོར་གསུངས་སོང་། ཁོང་གིས་ད་ལྟའི་བོད་མི་རབས་ཀྱི་བོད་མི་ཚོས་༧གོང་ས་མཆོག་དགུང་ལོ་བགྲེས་པོར་ཕེབས་ཡོད་སྟབས་༧སྐུ་འཚོ་ཞིང་བཞེས་པའི་དུས་སྐབས་འདིར་བོད་ཀྱི་བདེན་དོན་སེལ་ཐབས་སུ་འབད་བརྩོན་གནང་དགོས་གལ་ཡིན་པར་མ་ཟད། ད་ལྟའི་དུས་སུ་དེ་ལྟར་མ་གནང་ཚེ་མི་རབས་རྗེས་མར་རེ་བ་གཟིགས་ཀྱི་མེད་པར་ཚོར་སྣང་ཆེན་པོས་གཞེན་སྐུལ་གནང་ཡོད། གཞི་རྩའི་བོད་དོན་གོམ་བགྲོད་པ་རྣམ་གཉིས་ཀྱིས་རྒྱ་གར་གྱི་ཡུལ་མི་རྣམས་དང་གསར་འགོད་པ་རྣམས་ལ་བོད་དེ་རྒྱ་ནག་གིས་བཙན་འཛུལ་བྱས་པའི་རྒྱལ་ཁབ་ཅིག་ཆགས་ཡོད་པ་དང་། ད་ཆ་རྒྱ་ནག་གིས་དབང་སྒྱུར་འོག་ཏུ་བོད་ནང་གི་སྐྱེ་ཁམས་ཁོར་ཡུག་གི་གནས་བབ་ཛ་དྲག་ཏུ་འགྱུར་བཞིན་ཡོད་པ་སོགས་དྲིལ་བསྒྲགས་གནང་ཡོད་པ་རེད། ད་ལྟའི་ཆར་འབྲས་ལྗོངས་མངའ་སྡེ་གཞུང་གི་ངོས་ནས་ཁོང་གཉིས་ལ་རྣ་ཐོས་ལའི་ས་མཚམས་བར་གོམ་བགྲོད་གནང་རྒྱུའི་ཆོག་མཆན་གནང་མི་འདུག

དེ་རིང་རྒྱ་གར་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ་ ༧༢ འཁོར་བའི་དུས་དྲན་སྲུང་བརྩིའི་ཐོག་བོད་མིའི་སྒྲིག་འཛུགས་ཀྱི་སྲིད་ཚབ་ཆོས་རིག་བཀའ་བློན་མཆོག་གིས་བཙན་བྱོལ་བོད་མི་རྣམས་ནས་རང་ཉིད་ལ་ཡོད་བཞིན་པའི་རྩ་ཆེན་གྱི་མང་གཙོའི་སྲོལ་བཟང་རིང་ལུགས་འདི་དོན་དང་ལྡན་པའི་ངང་ལག་བསྟར་གནང་དགོས་གལ་ཡིན་པ་དང་ལྷག་དོན་བོད་ནང་ཡང་དག་པའི་མང་གཙོའི་ལམ་སྲོལ་ཞིག་ཡོང་བར་སྨོན་འདུན་དང་འབད་བརྩོན་ཞུ་མུས་ཡིན་པ་གསུངས་སོང་། དེ་རིང་སྔ་དྲོ་ཕྱག་ཚོད་ ༩།༣༠ ཐོག་བོད་མིའི་སྒྲིག་འཛུགས་བཀའ་ཤག་གི་མདུན་ཐང་དུ་བཀའ་བློན་རྣམ་པ་གཙོས་པའི་ལྷན་ཁང་ཁག་གི་དྲུང་ཆེ་ཆུང་རྣམས་ལྷན་འཛོམས་ཀྱིས་རྒྱ་གར་རྒྱལ་དར་མཁའ་དབྱིངས་སུ་སྒྲེང་འཛུགས་ཀྱིས་རྒྱ་གར་རྒྱལ་གྱི་གླུ་བླངས་ཏེ་ཉིན་མོ་དེ་སྲུང་བརྩི་ཞུས་པ་དང་སྦྲགས། སྐབས་དེར་སྲིད་ཚབ་མཆོག་གིས་དེ་རིང་གི་ཉིན་མོ་དང་བསྟུན་བོད་མིའི་སྒྲིག་འཛུགས་དང་བོད་མི་སྤྱི་ཡོངས་ཀྱི་ཚབ་ཞུས་ཏེ་རྒྱ་གར་གཞུང་མང་གཉིས་ལ་དགའ་བསུའི་འཚམས་འདྲི་ཞུས་པར་མ་ཟད། ད་བར་བོད་མི་རྣམས་ལ་བསམ་བརྗོད་ལས་འདས་པའི་བཀའ་དྲིན་བསྐྱངས་དང་སྐྱོང་བཞིན་པར་ཐུགས་རྗེ་ཆེ་ཞུས་པ་དང་རྒྱ་གར་རྒྱལ་ཁབ་འདི་ད་ཆ་མང་གཙོའི་རིང་ལུགས་ཐོག་ཕྱོགས་ཡོངས་ནས་ཡར་རྒྱས་ཆེན་པོ་ཕྱིན་ཡོད་སྟབས་མ་འོངས་པར་འཛམ་གླིང་གི་མང་གཙོའི་རྒྱལ་ཁབ་མིག་དཔེ་འོས་པ་ཞིག་ཏུ་འགྱུར་རྒྱུའི་ཡིད་ཆེས་ཡོད་སྐོར་གསུངས་ཡོད། བཀའ་བློན་མཆོག་གིས་བོད་མིར་མཚོན་ན་བཙན་བྱོལ་ནང་རང་ཉིད་ཀྱི་རྩ་དོན་མི་ཉམས་རྒྱུན་འཛིན་གནང་ཐུབ་པ་དེ་རྒྱ་གར་གཞུང་མང་གཉིས་ཀྱི་བཀའ་དྲིན་ཡིན་པས་དེར་བཀའ་དྲིན་སྙིང་བཅངས་ཞུ་བཞིན་ཡོད་པ་དང་བཙན་བྱོལ་བོད་མིའི་མི་འབོར་ལ་གཞིགས་ཚེ་མི་འབོར་ཉུང་ངུ་ལས་མེད་པ་དང་དེའི་ནང་ནས་ད་ཆ་ཛ་དྲག་གི་གནས་སྟངས་འོག་བཞུགས་ཡོད་སྟབས། བོད་མི་རྣམས་ལ་ཡོད་བཞིན་པའི་རྩ་ཆེན་གྱི་མང་གཙོའི་ལམ་སྲོལ་འདིའི་རིན་ཐང་མཁྱེན་པའི་ཐོག་ལག་ལེན་མ་འཕྱུག་པ་གནང་དགོས་གལ་ཡིན་པ་དང་། དེ་དོན་དང་ལྡན་ཞིང་དང་མཚན་ཉིད་ཚང་བ་ཞིག་ཡོང་བར་ཚང་མས་འབད་བརྩོན་གནང་དགོས་ཞེས་གསུངས་སོང་། ལྷག་པར་དུ་བོད་ནང་རིམ་བཞིན་མང་གཙོའི་ལམ་སྲོལ་དེ་ཡར་རྒྱས་ཕྱིན་ནས་འཛམ་གླིང་རྒྱལ་ཁབ་གཞན་ལྟར་ཡང་དག་པའི་མང་གཙོའི་རིང་ལུགས་གཅིག་མཚུངས་ཡོང་རྒྱུར་སྨོན་འདུན་དང་དེ་ལྟར་ཡོང་བར་བཙན་བྱོལ་བོད་མི་རྣམས་ནས་མུ་མཐུད་འབད་བརྩོན་ས་མུས་བཞིན་གཞོན་རབས་ཚོས་ཀྱང་དེ་ལྟར་ཡོང་བར་སྔར་ལྷག་གནང་བར་ཡིད་ཆེས་ཡོད་སྐོར་ནན་སྐུལ་གནང་ཡོད།