Tibetan Royal Year of 2151 | Year of the Wood Dragon

ARCHIVE

Monthly Archives: March, 2021

རེས་གཟའ་ལྷག་པ། ༢༠༢༡།༠༣།༣༡

ཉན་པ།: Listen ཕབ་ལེན། Download རྒྱ་གར་གྱི་སྲིད་འཛིན་ Ram Nath Kovind མཆོག་གི་སྨན་བཅོས་ལེགས་གྲུབ་བྱུང་བར་འཚམས་འདྲི། ཨ་རིའི་ཕྱི་སྲིད་ལྷན་ཁང་གིས་བོད་ནང་གི་འགྲོ་བ་མིའི་ཐོབ་ཐང་སྐོར་གྱི་སྙན་ཐོ་བཏོན་འདུག ཨ་རིའི་གཞུང་འཛིན་གསར་བར་བོད་དོན་སྲིད་བྱུས་ལག་བསྟར་གྱི་འབོད་སྐུལ། སྐབས་ ༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་སྤྱི་འཐུས་འཁྱུར་མཁན་ཁག་ཅིག་ལ་བཅར་འདྲི། Wednesday 31/03/2021 Dalai Lama greets President Ram Nath Kovind on successful surgery US State Department release 2020 human rights report, expresses concern over Tibet Pressure on Biden administration to act on Tibet crisis Interview with outgoing MPs of 16th Tibetan Parliament in Exile

རྒྱ་གར་གྱི་སྲིད་འཛིན་RamNathKovindམཆོག་གི་སྨན་བཅོས་ལེགས་གྲུབ་བྱུང་བར་འཚམས་འདྲི།

རྒྱ་གར་གྱི་སྲིད་འཛིན་སྐུ་ཞབས་RamNathKovindམཆོག་ཉེ་ལམ་བྲང་ཁོག་བདེ་མིན་གྱི་རྐྱེན་གྱིས་སྨན་ཁང་ཁག་ལ་བསྟེན་གཏུགས་གནང་འབྲས་སུ་སྙིང་རྩར་གཤག་བཅོས་གནང་རྒྱུའི་ལམ་སྟོན་ཕེབས་པ་ལྟར། ཁ་སང་ཞོགས་པ་AIIMSསྨན་ཁང་དུ་སྙིང་རྩར་གཤག་བཅོས་གནང་ནས་གཤག་བཅོས་ལེགས་གྲུབ་བྱུང་བའི་གནས་ཚུལ་ཐོན་པ་དང་འབྲེལ། དེ་རིང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་twitterདྲྭ་ལམ་བརྒྱུད་སྲིད་འཛིན་མཆོག་གི་སྨན་བཅོས་ལེགས་གྲུབ་བྱུང་བར་མགོན་པོ་༸གང་ཉིད་མཆོག་ཐུགས་བདེ་བོ་བྱུང་ཞེས་སྲིད་འཛིན་གྱི་མཚན་ཐོག་ཏུ་འཚམས་འདྲི་ཞིག་སྩལ་གནང་མཛད་འདུགམགོན་པོ་༸གང་ཉིད་མཆོག་གིས་སྲིད་འཛིན་མཆོག་སྙུང་གཞི་ལས་མགྱོགས་མྱུར་དྲག་སྐྱེད་ཡོང་རྒྱུའི་ཐུགས་སྨོན་མཛད་པ་དང་ཆབས་ཅིགསྲིད་འཛིན་ཁོང་ནི་ལོ་མང་ནས་ཡིད་ཆེས་གནང་སའི་གྲོགས་པོ་རྙིང་པ་ཞིག་ཡིན་པ་བཀའ་སྩལ་འདུག གཞི་རྩའི་སྲིད་འཛིན་RamNathKovindམཆོག་བདུན་ཕྲག་སྔོན་མའི་རེས་གཟའ་པ་སངས་ཉིན་བྲང་ཁོག་བདེ་མིན་གྱི་རྐྱེན་གྱིས་ལྡི་ལིར་རྟེན་གཞི་བྱས་པའི་Army Hospital ResearchAndReferralཞེས་པའི་སྨན་ཁང་ལ་བརྟག་དཔྱད་གནང་བར་ཕེབས་ནས་རྟོག་ཞིབ་སླད་ཟུར་འཇོག་གནང་འདུག་པ་དང་།ཕྱི་ཉིན་དེར་AIIMSསྨན་ཁང་ལ་བརྗེ་ལན་གནང་ནས་སྨན་པས་སྙིང་རྩ་གཤག་བཅོས་གནང་རྒྱུའི་ལམ་སྟོན་གནང་དོན་བཞིན་ཁ་སང་ཕྱི་ཚེས་༣༠ ཉིན་གྱི་ཞོགས་པ་གཤགབཅོས་ལེགས་གྲུབ་བྱུང་ནས་ད་ཆ་ཁོང་སྨན་ཁང་དེའི་སྨན་པ་རྒན་གྲས་ཁག་ཅིག་གིས་གཟིགས་རྟོག་དང་སྨན་བཅོས་གནང་བ་བཞིན་སྐུ་ཁམས་བདེ་ཐང་ཡོད་པ་རེད་འདུག

ཨ་རིའི་ཕྱི་སྲིད་ལྷན་ཁང་གིས་བོད་ནང་གི་འགྲོ་བ་མིའི་ཐོབ་ཐང་སྐོར་གྱི་སྙན་ཐོ་བཏོན་འདུག

ཁ་སང་ཨ་རིའི་ཕྱི་སྲིད་ལྷན་ཁང་གིས་ཕྱི་ལོ་ ༢༠༢༠ ལོའི་བོད་ནང་གི་འགྲོ་བ་མིའི་ཐོབ་ཐང་དང་འབྲེལ་བའི་སྙན་ཐོ་བཏོན་པའི་ནང་དུ། ཞིང་ལྗོངས་ལྔ་ཡིས་ཁྱབ་པའི་བོད་ས་གང་སར་རྒྱ་ནག་གི་དབང་འཛིན་པས་བོད་མི་རྣམས་ཀྱི་གཞི་རྩའི་འགྲོ་བ་མིའི་ཐོབ་ཐང་ལ་རྡོག་རོལ་བཏང་དང་གཏོང་བཞིན་པ་མ་ཟད། བོད་ཁུལ་དུ་རྒྱ་ནག་གི་དཔོན་རིགས་གང་མང་བསྐོ་བཞག་བྱས་ཏེ་བོད་མི་རྣམས་ལ་སྟངས་འཛིན་བྱེད་བཞིན་ཡོད་པ་ལས། སྤྱི་ཡོངས་ཀྱི་ཆ་ནས་བོད་མི་རྣམས་བོད་ཁུལ་དུ་དབང་ཆ་ལྡན་པའི་གོ་གནས་སུ་བསྐོ་བཞག་བྱས་མེད་པ་ཡོངས་གྲགས་ཀྱིས། རྒྱ་ནག་གི་དཔོན་རིགས་རྣམས་ཀྱི་སྟངས་འཛིན་དོ་དམ་གྱི་སྲིད་བྱུས་འོག་ཏུ། བོད་མི་རྣམས་ཀྱི་གཞི་རྩའི་འགྲོ་བ་མིའི་ཐོབ་ཐང་ལ་རྡོག་རོལ་ཐེབས་བཞིན་ཡོད་སྐོར་མངོན་གསལ་གནང་འདུགསྙན་ཐོ་དེར་གསལ་བ་ལྟར་ན། རྒྱ་ནག་ནག་གི་དབང་བསྒྱུར་གྱི་སྲིད་བྱུས་འོག་ཏུ།  བོད་ཁུལ་དུ་བོད་མི་རྣམས་ཀྱི་གཞི་རྩའི་འགྲོ་བ་མིའི་ཐོབ་ཐང་ལ་རྡོག་རོལ་དང་མི་སྤྱོད་ལས་འདས་བའི་སྲིད་བྱུས་ལག་བསྟར་གྱིས་ཆབ་སྲིད་ཀྱི་ཉེས་འདོགས་འདྲ་མིན་གྱི་ཁྲོད་ནས་བོད་མི་རྣམས་འཛིན་བཟུང་བྱས་དང་བྱེད་མུས་ཡིན་པ་དང་། ཐ་ན་བཙན་བྱོལ་གྱི་བོད་མི་རྣམས་ལ་ཡང་སྡང་ཟུག་ཆེན་པོ་བྱེད་ཀྱི་ཡོད་པ་མ་ཟད། བོད་ནང་དུ་སྨྲ་བརྗོད་རང་དབང་། དྲ་རྒྱ་རང་དབང་དང་འདུ་འཛོམས་རང་དབང་སོགས་ལ་བཀག་རྒྱ་དམ་པོ་བྱས་ཡོད་པ་དང་། དེ་བཞིན་བོད་མི་རྣམས་ཀྱིས་ཆབ་སྲིད་ནང་དུ་འཛུལ་ཞུགས་བྱེད་རྒྱུར་བཀག་སྡོམ་བྱས་ཏེ་བོད་བརྒྱུད་ནང་བསྟན་ཆོས་ལུགས་དེ་རྒྱ་ནག་གི་དབང་བསྒྱུར་སྲིད་བྱུས་ཀྱི་འོག་ཏུ་འཇུག་ཐབས་ཀྱིས། བོད་ཁུལ་དུ་རྒྱ་ནག་གི་དཔོན་རིགས་ཀྱིས་ལྐོག་ཟ་རུལ་སུངས་ཀྱི་ལས་ཀ་གཉེར་བ་བརྒྱུད་ནས། བོད་མི་རྣམས་ལ་དྲག་པོའི་འཇིགས་སྐུལ་བྱས་ཏེ་བྱིས་པ་མངལ་ནས་གསོད་པ་སོགས་ཕྱོགས་ཡོངས་ནས་དབང་བསྒྱུར་གྱི་སྲིད་བྱུས་དོ་ནན་ངང་ལག་བསྟར་བྱེད་ཀྱི་ཡོད་པ་མངོན་གསལ་གནང་འདུགསྙན་ཐོའི་ནང་དུ། སྔར་ལོ་རྒྱ་ནག་གིས་བོད་ཀྱི་ཆབ་སྲིད་བཙོན་པ་རྣམས་ལ་མི་སྤྱོད་ལས་འདས་བའི་སྡུག་སྦྱོང་མནར་གཅོད་དྲག་པོ་བཏང་ཡོད་པ་མངོན་གསལ་གནང་བའི་ནང་དུ། རྒྱ་ནག་གིས་ཁམས་འབྲི་རུ་ནས་ཡིན་པའི་འབྲོག་མོ་ལྷ་མོ་ལགས་ཀྱིས་ཕྱི་རྒྱལ་དུ་དངུལ་བཏང་བའི་ཉེས་མིང་འོག་འཛིན་བཟུང་བྱས་ཏེ་བཙོན་ཁང་དུ་གཅར་རྡུང་དྲག་པོ་བཏང་སྟེ་་དམར་གསོད་བྱས་ཡོད་པ་ལུང་འདྲེན་གནང་ཡོད་པ་དང་། དེ་བཞིན་བོད་མི་རྣམས་བཙོན་འཇུག་བྱས་པའི་བརྒྱུད་རིམ་གྱི་ནང་དུ་ཟླ་བ་མང་པོར་ཁེར་རྐྱང་གི་བཀག་སྡོམ་བྱས་བའི་ཁྲོད། ཟས་བཅུད་ཀྱི་མ་འདང་བ་དང་ཉི་འོད་མ་མཐོང་བ། དེ་བཞིན་སྨན་བཅོས་ལྟ་སྐྱོང་སོགས་ཞན་པའི་དབང་གིས་བོད་ཀྱི་ཚབ་སྲིད་བཙོན་པ་རྣམསཀྱི་གཟུགས་གཞིའི་འཕྲོད་བསྟེན་གྱི་གནས་བབ་ཛ་དྲག་གི་ངང་གནས་ཡོད་པ་འགྲེལ་བརྗོད་ཀྱིས།  ཁམས་ནག་ཆུ་ས་ཁུལ་ནས་ཡིན་པའི་བོད་ཀྱི་ཆབ་སྲིད་བཙོན་པ་དགེ་འདུན་ཤེས་རབ་ལགས་རྒྱ་ནག་གི་གཅར་རྡུང་དང་མནར་གཅོད་བྱས་པའི་དབང་གིས་འདས་གྲོངས་སུ་གྱུར་ཡོད་པ་ལུང་འདྲེན་གནང་འདུག དེ་བཞིན་སྙན་ཐོ་ནང་དུ། རྒྱ་ནག་གི་ནང་དུ་རང་དབང་ལྡན་པའི་ཁྲིམས་དང་ཁྲིམས་རྩོད་པ་མེད་པ་ཟད། ཁྲིམས་ཁང་གི་དབང་ཚད་ཡོད་ཚད་དམར་ཤོག་སྲིད་གཞུང་གི་དབང་བསྒྱུར་གྱི་འོག་ཏུ་ཡོད་སྟབས། བོད་ནང་གི་ཆབ་སྲིད་ཀྱི་བཙོན་པ་མང་པོ་ཞིག་ལ་འོས་འཚམས་ཀྱི་ཁྲིམས་གཏུགས་ཀྱི་ཐོབ་ཐང་གཅིག་ཀྱང་རག་གི་མེད་པར་ཁྲིམས་ཐག་གཅོད་ཀྱི་ཡོད་པ་མངོན་གསལ་གྱིས། དཔེར་ན་བོད་ཀྱི་སྐད་ཡིག་ལས་འགུལ་བ་བཀྲ་ཤིས་དབང་ཕྱུག་ལགས་ལྟ་བུར་མཚོན་ནའང་། ཁྲིམས་རྩོད་ཀྱི་ཐོབ་ཐང་མ་སྤྲད་པར་ཁྲིམས་ཐག་བཅད་ཡོད་པ་ཞིག་ཡིན་སྐོར་དང་འབྲེལ་ནས། སྤྱི་ཡོངས་ཀྱི་ཆ་ནས་བོད་ནང་དུ་རྒྱ་ནག་གིས་རྒྱལ་ཁབ་ཀྱི་བདེ་འཇགས་ལ་ཉེན་ཚབ་བཟོས་པ་དང་། ཁ་བྲལ་གྱི་ལས་འགུལ་ལ་ཁ་གཡར་བའི་ཐོག་ནས་བོད་མི་རྣམས་གང་བྱུང་འཛིན་བཟུང་བཙོན་འཇུག་བྱེད་བཞིན་ཡོད་པ་ཡོངས་གྲགས་ཀྱིས། རྒྱ་ནག་ནང་ཁྲིམས་སྒྲིག་ཡོད་ཚད་དམར་ཤོག་སྲིད་གཞུང་གི་སྟངས་འཛིན་གྱི་འོག་ཏུ་ཡོད་པ་མངོན་གསལ་གནང་འདུག གཞན་ཡང་རྒྱ་ནག་གིས་བལ་ཡུལ་སྲིད་གཞུང་གིས་བོད་མི་རྣམས་སྐྱབས་བཅོལ་དུ་འབྲོ་རྒྱུར་བཀག་འགོག་གིས་ཕྱིར་རྒྱ་ནག་ལ་རྩིས་སྤྲོད་དགོས་བའི་གནོན་ཤུགས་སྤྲོད་བཞིན་ཡོད་པ་མ་ཟད། ཐ་ན། ཕྱི་ལོག་ཏུ་ཡོད་པའི་བཙན་བྱོལ་བོད་མི་རྣམས་ཀྱི་ནང་མི་གཉེན་འབྲེལ་ལ་སྡིག་ར་སྐུལ་བ་དང་། དེ་བཞིན་སྐུ་སྒེར་ཡིག་ཚང་གི་ལས་བྱེད་དང་དབུས་བོད་མིའི་སྒྲིག་འཛུགས་ཀྱི་འགོ་ཁྲིད་རྣམས་ཀྱི་ཁ་པར་དུ་དྲ་འབུ་བཏང་ནས་གཏོར་རྒོལ་བྱེད་ཐབས་བྱས་པ་སོགས་ཀྱི་གནད་དོན་འགྲེལ་བརྗོད་གནང་བ་དང་སྦྲགས། ཕྱི་ལོག་གི་བཙན་བྱོལ་བོད་མི་རྣམས་ལ་ཡང་ཕྱོགས་མང་པོ་ནས་གནོན་ཤུགས་སྤྲོད་ཐབས་བྱེད་ཀྱི་ཡོད་པ་ཡང་གསལ་འགྲེལ་གནང་འདུག གཞི་རྩའི་ཐེངས་འདིའི་སྙན་ཐོ་ནང་དུ་སྔར་ལོ་བོད་མི་ཇི་ཙམ་ཞིག་རྒྱ་ནག་གིས་འཛིན་བཟུང་བཙོན་འཇུག་བྱས་ཡོད་པ་སོགས་ཀྱི་གནད་དོན་ཞིབ་ཕྲ་བཀོད་མེད་ནའང་། ཀུན་གཟིགས་པཎ་ཆེན་ཆུང་སྲིད་རིན་པ་ཆེ་མཆོག་གི་གཙོ་བྱས་པའི་བོད་ནང་ཁུལ་ནས་འཛིན་བཟུང་བྱས་ཏེ་ཡུན་རིང་ལ་གར་སོང་ཆ་མེད་དུ་གྱུར་བའི་ཕོ་བྲང་པོ་ཏཱ་ལའི་མཐོ་རིམ་དོ་དམ་པ་རྒན་བསོད་ནམས་ལགས་དང་། དེ་བཞིན་ བོད་ནང་གི་མཐོ་རིམ་ཞིབ་འཇུག་མི་སྣ་དང་སི་ཁྲོན་བོད་ཀྱི་ཞིབ་འཇུག་ཁང་གི་དྲུང་ཆེ་གཞོན་པ་བདེ་རོང་ཚེ་རིང་དོན་འགྲུབ་ལགས་སོགས་གར་སོང་ཆ་མེད་དུ་གྱུར་བའི་གནད་དོན་ཐེར་འདོན་གནང་བ་དང་སྦྲགས། ཨ་རིའི་ངོས་ནས་རྒྱ་ནག་གིས་བོད་ནང་གི་བོད་མི་རྣམས་ཀྱི་འགྲོ་བ་མིའི་ཐོབ་ཐང་གི་གནད་དོན་དང་འབྲེལ་བའི་སྙན་ཐོ་བཏོན་ཡོད་པ་ལྟར། རྒྱལ་ཁབ་གཞན་གྱིས་ཀྱང་གནད་དོན་འདིར་གལ་ཆེན་དུ་བརྩིས་པའི་ཐོག་རྒྱ་ནག་གི་དབང་བསྒྱུར་གྱི་སྲིད་བྱུས་དེ་ལམ་ལུགས་ལྟ་བུ་ཞིག་ཏུ་མ་འགྱུར་བའི་སྔོན་དུ་རྒྱ་ནག་གི་མདུན་དུ་ཐོན་ནས་སྐད་ཆ་བཤད་དགོས་བའི་སྐུལ་མ་གནང་འདུག

རྒྱ་ནག་གི་མི་མང་འཐུས་མི་དང་སྲིད་གྲོས་ཚོགས་ཐོག་ཏུ་བོད་དོན་གླེང་སློང་།

གཞི་རྩའི་རྒྱ་ནག་གིས་འདི་ལོའི་ལོ་འཁོར་གྱི་མི་མང་འཐུས་མི་ཚོགས་ཆེན་དང་སྲིད་གྲོས་ཚོགས་འདུ་གཉིས་ཟླ་བ་འདིའི་ཚེས་ ༤ ནས་ ༡༡ བར་སྐོང་ཚོགས་ཀྱིས། རྒྱ་ནག་གི་ལོ་ལྔ་ཚན་བཅུ་བཞི་བའི་རྒྱལ་ཡོངས་ཀྱི་ལས་འཆར་སྤྱི་དང་། རྒྱ་ནག་ནང་གི་སྤྱི་ཡོངས་ཀྱི་ཆབ་སྲིད་ཀྱི་དམིགས་འབེན་སོགས་ཀྱི་སྐོར་ནས་གླེང་སློང་བྱས་བའི་ཁྲོད། བོད་ནང་དུ་སྔར་ལྷག་སྤྱི་ཚོགས་བརྟན་བརླིང་ལ་ཤུགས་སྣོན་རྒྱག་རྒྱུ་ཡིན་པར་ནན་བརྗོད་བྱས་འདུག ཁ་སང་། ཨ་རིར་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་རྒྱ་ནག་གི་འདི་ལོའི་མི་མང་འཐུས་མི་ཚོགས་ཆེན་དང་སྲིད་གྲོས་ཚོགས་འདུ་གཉིས་ཀྱི་སྐབས་སུ་བོད་རང་སྐྱོང་ལྗོངས་ཟེར་བའི་དམར་ཤོག་ཚོགས་པའི་དྲུང་ཆེ་ཝུ་ཡིན་ཅེ་དང་། དེ་བཞིན་བོད་རང་སྐྱོང་ལྗོངས་ཟེར་བའི་མི་མང་འཐུས་མི་ཚོགས་ཆེན་གྱི་འགོ་གཙོ་བློ་བཟང་རྒྱལ་མཚན་ཟེར་བ་དང་དེ་བཞིན་བོད་རང་སྐྱོང་ལྗོངས་ཀྱི་ཆེ་དགྲ་ལྷ་སོགས་ཀྱི་མཚོན་པའི་བོད་རང་སྐྱོང་ལྗོངས་ཀྱི་ཁྱབ་ཁོངས་ནས་ཚོགས་མི་ ༡༦ གིས་ཚོགས་ཞུགས་གནང་ཡོད་པ་ལུང་འདྲེན་དང་སྦྲགས། ཐེངས་འདིའི་ཚོགས་འདུའི་ཁྲོད། རྒྱ་ནག་གིས་སྔར་བཞིན་དེང་རབས་སྤྱི་ཚོགས་རིང་ལུགས་ཀྱི་རྒྱལ་ཁབ་རྩ་འཛུགས་དང་། བོད་ནང་དུ་སྔར་བཞིན་ཆབ་དཔལ་རིག་གསུམ་མཚུངས་བསྒྱུར་གྱི་སྲིད་བྱུས་མུ་མཐུད་དུ་ལག་བསྟར་བྱེད་རྒྱུ་མ་ཟད། བོད་དེང་རབས་ཅན་དུ་བསྒྱུར་རྒྱུའི་ཁ་གཡང་གི་འོག་ནས། བོད་བརྒྱུད་ནང་བསྟན་དེ་རྒྱ་བསྒྱུར་དང་ཕྱི་ཕྱོགས་ནས་བོད་དང་འབྲེལ་བའི་རྒྱལ་ནང་གི་གནད་དོན་ཐོག་ཐེ་གཏོགས་བྱེད་རྒྱུར་བཀག་སྡོམ། དེ་བཞིན་དམག་ཀྱི་སྟོབས་ཤུགས་བརྒྱུད་ནས་སྤྱི་ཚོགས་བརྟན་བརླིང་ལ་སྔར་ལས་ཤུགས་སྣོན་བྱེད་རྒྱུའི་ཐད་ནས་གླེང་སློང་བྱུང་ཡོད་པར་དགག་གཞག་གནང་སྟེ། རྒྱ་ནག་གིས་བོད་ཁུལ་དུ་ལག་བསྟར་བྱེད་བཞིན་པའི་དམར་ཤོག་གི་སྲིད་བྱུས་སྤྱི་དང་། སྒོས་སུ་ཆོས་ལུགས་རྒྱ་བསྒྱུར་བྱེད་བཞིན་པ་ནི་རྒྱ་ནག་དམར་ཤོག་སྲིད་གཞུང་གི་དྲིལ་བསྒྲགས་ཀྱི་རིགས་ཤིག་སྟེ། དྲིལ་བསྒྲགས་དེ་བརྒྱུད་ནས། རྒྱ་ནག་གི་བོད་ཀྱི་ཐུན་མོང་མ་ཡིན་པའི་ཆོས་དང་སྐད་ཡིག དེ་བཞིན་གཞུང་དང་ངོ་བོ་སོགས་ཡོངས་སུ་རྒྱ་ནག་གི་དབང་བསྒྱུར་འོག་ཏུ་འཇུག་ཐབས་ལ་རྩལ་འདོན་བྱེད་བཞིན་པ་ཞིག་ཡིན་པར་མངོན་གསལ་གནང་འདུགདེ་བཞིན་ལས་འགུལ་ཁང་གིས་རྒྱ་ནག་གིས་ལོ་ལྔ་ཚན་ ༡༤ བའི་ལས་འཆར་བརྒྱུད་ནས་བོད་ཁུལ་དུ་ལག་བསྟར་བྱེད་རྒྱུའི་སྲིད་བྱུས་ལ་དགག་གཞག་གནང་བའི་ཁྲོད་དུ། རྒྱ་ནག་གིས་མུ་མཐུད་དུ་དབུལ་སྐྱོབ་ཀྱི་མིང་ཐོག་ནས་བོད་མི་སྟོང་ཕྲག་མང་པོ་གནས་སྤོར་བྱེད་རྒྱུ་དང་། གྲོང་བརྡལ་འཛུགས་སྐྲུན་གྱི་ལས་གཞི་བརྒྱུད་ནས་བོད་མིའི་སྲོལ་རྒྱུན་གྱི་འཚོ་བ་སྐྱེལ་སྟངས་བརླག་ཐབས་བྱེད་རྒྱུ། གཞན་ཡང་བོད་ཁུལ་དུ་དཔལ་འབྱོར་གོང་མཐོར་གཏོང་ཐབས་ཀྱི་མིང་ཐོག་ནས་རྒྱ་ནག་གི་ཡུལ་སྐོར་སྤྲོ་འཆམ་པ་མང་པོ་ནང་འདྲེན་བྱེད་རྒྱུ། དེ་དང་དེ་བཞིན་རྒྱལ་ཁབ་ཀྱི་མཐའ་སྲུང་གི་མིང་ཐོག་ནས་བོད་ཁུལ་དུ་དམག་ཤུགས་ཀྱི་རྩ་འཛུགས་རྒྱ་བསྐྱེད་བྱེད་རྒྱུ་ཡིན་པ་སོགས་ཡོངས་གྲགས་ཀྱིས། རྒྱ་ནག་གིས་བོད་ཁུལ་དུ་དབུལ་སྐྱོབ་ཀྱི་ལས་གཞི་རྒྱ་བསྐྱེད་བྱས་ཡོད་པ་དྲིལ་བསྒྲགས་བྱས་བའི་ཁྲོད་དུ། བོད་མི་ ༦༢༨༠༠༠ དབུལ་ཐར་དུ་བཏང་ཡོད་པ་དང་། དེ་བཞིན་རྨ་འབྲི་རྫ་གསུམ་གྱི་མགོ་ཁོངས་སྲུང་སྐྱོབ་ཤུགས་ཆེར་བྱས་ཡོད་པར་དྲིལ་བསྒྲགས་བྱས་ཡོད་ཀྱང་། རྒྱ་ནག་གིས་ལས་གཞི་དེ་དག་བརྒྱུད་ནས་དོན་དངོས་ཀྱི་ཐོག་བོད་ཁུལ་གྱི་འབྲོག་ཁྱིམ་ས་ཡ་ལྷག་ཅིག་རང་གི་ཕ་མེས་ཡང་མེས་ཀྱི་གཞིས་ཀ་ནས་གནས་སྤོར་བཏང་བ་མ་ཟད། གནས་སྤོར་བྱས་པའི་ཁྱིམ་མི་དག་རང་ཁ་རང་གསོའི་འཚོ་བ་ལས་བསྒྱུར་ཏེ་རྒྱ་ནག་ལ་བརྟེན་དགོས་བ་ཞིག་ཏུ་སྒྱུར་ཡོད་པར་ལུང་འདྲེན་གྱིས། རྒྱ་ནག་གིས་དབུལ་སྐྱོབ་ཀྱི་མིང་ཐོག་ནས་བོད་མི་རྣམས་བཙན་གྱིས་གནས་སྤོར་གཏོང་བཞིན་པར་སྐྱོན་བརྗོད་གནང་འདུག དེ་བཞིན་ལས་འགུལ་ཁང་གིས། འགྲོ་བ་མིའི་ཐོབ་ཐང་ནི་རྒྱལ་སྤྱིར་ཁྱབ་པ་ཞིག་ཡིན་པར་ལུང་འདྲེན་གྱིས། རྒྱ་ནག་གི་མགོ་ཁྲིད་ཚོས་ནམ་རྒྱུན་ནས་རྒྱ་ནག་གི་ནང་དུ་འགྲོ་བ་མིའི་ཐོབ་ཐང་ལ་རྡོག་རོལ་ཐེབས་བཞིན་པ་དེ་ནི་རྒྱ་ནག་ནང་ཁུལ་གྱི་གནད་དོན་ཞིག་ཡིན་པར་བསྙད་ནས་ཕྱི་ཕྱོགས་ནས་ཐེ་གཏོགས་བྱས་མི་ཆོག་པར་བརྗོད་བཞིན་ཡོད་པར་སྐྱོན་བརྗོད་དང་། གཞན་ཡང་རྒྱལ་ཁབ་ཀྱི་བདག་དབང་ནི་རྒྱལ་སྤྱིའི་ཁྲིམས་སྒྲིག་ལས་གལ་འགངས་ཆེ་བ་ཞིག་ཏུ་རྩོད་སྒྲུབ་བྱེད་བཞིན་པར་སྐྱོན་བརྗོད་གནང་བ་དང་སྦྲགས། ཐེངས་འདིའི་རྒྱ་ནག་གི་འཐུས་ཚོགས་དང་སྲིད་གྲོས་སྐབས་སུ་ཡང་རྒྱ་ནག་གིས་ཕྱི་ཕྱོགས་ཀྱི་རྒྱལ་ཁབ་ཀྱིས་རྒྱ་ནག་གི་ནང་སྲིད་ལ་ཐེ་གཏོགས་བྱས་མི་ཆོག་པའི་ཐད་ནས་རྩལ་འདོན་བྱས་ཡོད་པ་ནི་རྒྱ་ནག་གིས་བོད་མི་དང་ཡུ་གུར་བ། དེ་བཞིན་ཧོང་ཀོང་གི་མང་གཙོ་དོན་གཉེར་བ་སོགས་ཀྱི་ཐོབ་ཐང་རྡོག་རོལ་གཏོང་བཞིན་པར་འགེབ་ཐབས་བྱས་པ་ཞིག་ཡིན་པར་མངོན་གསལ་གནང་འདུག ཚོགས་འདུའི་སྐབས་སུ་རྒྱ་ནག་གི་སྲིད་འཛིན་ཞིས་ཅིན་ཕིང་གིས་སྔོན་ཆད་ཕྱི་ལོ་ ༢༠༡༠ ལོར་ཡུལ་ཤུལ་ཁུལ་དུ་ས་འགུལ་བྱུང་མཚམས་སུ་ཁོང་ཁུལ་དེར་སྐྱོད་ཡོད་པ་དྲན་གསོ་བྱས་ཏེ། རྒྱ་ནག་སྲིད་གཞུང་གིས་བོད་རིགས་མང་ཚོགས་ལ་སེམས་ཁུར་ཡོད་པ་དང་། སྐབས་དེར་སྲིད་གཞུང་གིས་ཁུལ་དེར་ངལ་སེལ་གྱི་རོགས་དངུལ་སྤྲད་ནས་མི་མང་དཀའ་ངལ་ལས་གྲོལ་ཐབས་བྱས་ཡོད་པ་སོགས་ཀྱི་གཏམ་བཤད་བྱས་ཡོད་ཀྱང་། ལས་འགུལ་ཁང་གིས་དོན་དངོས་སུ་སྐབས་དེར་ཡུལ་ཤུལ་མི་མང་གིས་སྲིད་གཞུང་གིས་ཁུལ་དེའི་གནོད་ཐེབས་ཀྱི་མི་མང་ལ་རོགས་རམ་བྱེད་དགོས་བའི་ཞུ་འབོད་རིམ་པ་བྱས་པ་དང་། མི་མང་གིས་སྐབས་དེར་སྲིད་གཞུང་གིས་བོད་མིའི་སྲོལ་རྒྱུན་གྱི་ཚོང་ལས་ཀྱི་ལྟེ་གནས་དེ་རྒྱ་ནག་གི་ཡུལ་སྐོར་སྤྲོ་འཆམ་ས་ཚིགས་ཤིག་ཏུ་སྒྱུར་བར་བློ་འཚབ་ཡོད་པར་བརྗོད་ཡོད་པ་ལུང་འདྲེན་གནང་འདུག གཞི་རྩའི་ཐེངས་འདིའི་རྒྱ་ནག་མི་མང་འཐུས་མི་ཚོགས་ཆེན་དང་སྲིད་གྲོས་ཚོགས་འདུ་གཉིས་ཀྱི་བསྡུ་སྐོང་བྱས་མ་ཐག རྒྱ་ནག་དམར་ཤོག་སྲིད་གཞུང་གི་སྤྱི་ཚོགས་བརྟན་བརླིང་གི་མིང་ཐོག་ནས། བོད་རང་སྐྱོང་ལྗོངས་ཀྱི་ཁྱབ་ཁོངས་གང་སར་གོ་མཚོན་ཐོགས་པའི་དམག་མི་མང་པོ་ཞིག་དངོས་སུ་སྲང་ལམ་གང་སར་འགྲེམས་འཇོག་གིས་དམག་སྦྱོང་ཞིག་ལག་བསྟར་བྱས་ཡོད་པ་དང་། ཚོགས་དུས་ཀྱི་ཉིན་དང་པོའི་སྐབས་སུ་རྒྱ་ནག་གིས་ཨ་རིའི་ངོས་ནས་བོད་དོན་རྒྱབ་སྐྱོར་གྱི་ཁྲིམས་འཆར་བཞག་པར་སྐྱོན་བརྗོད་ཡོད་པར་བསྒྲགས་ཏེ་རྒྱ་ནག་ནང་སྲིད་ཀྱི་གནད་དོན་དེར་ཕྱི་ནས་ཐེ་གཏོགས་བྱེད་རྒྱུ་མེད་པའི་སྐོར་ནས་གླེང་མོལ་བྱས་འདུག

རེས་གཟའ་མིག་དམར། ༢༠༢༡།༠༣།༣༠

ཉན་པ།: Listen ཕབ་ལེན། Download ཆེས་མཐོའི་ཁྲིམས་ཞིབ་པ་རྣམས་འཕོ་འགྱུར་དང་དེའི་ཤུགས་རྐྱེན། Tuesday 30/03/2021 Impeachment of Tibetan Justice Commissioners: The process and implications

རེས་གཟའ་ཟླ་བ། ༢༠༢༡།༠༣།༢༩

ཉན་པ།: Listen ཕབ་ལེན། Download དུས་རབས་ཀྱི་འགྱུར་འགྲོས་དང་བསྟུན་གཞན་སེམས་བསྐྱེད་དགོས། བོད་ཀྱི་ཞིང་བྲན་ཚོར་བཅིངས་གྲོལ་བཏང་སྐོར་བཤད་པ་དེ་བདེན་པ་མ་རེད། དྲྭ་ལམ་བརྒྱུད་རྒྱ་རིགས་དང་ལྷན་བོད་དོན་གླེང་སློང་གནང་བ། རྒྱ་གཞུང་གིས་ཨ་རི་དང་ཁེ་ན་ཌའི་དཔོན་རིགས་ཁག་ཅིག་ལ་ཉེས་ཆེད། དམིགས་བསལ་ལས་རིམ། བོད་ཀྱི་རྒྱལ་དར་ངོ་སྤྲོད། Monday 29/03/2021 Dalai Lama interacts with Russian students on ‘Our World in the Time of Change’ Chinese from both inside and out of China join online discussion on Tibet China sanctions USCIRF officials, Canadian MP and Parliament subcommittee Serfs’ Emancipation Day: China misleading the world with false history, says CTA HISTORY FEATURE: Historical background and Symbolism of Tibetan National Flag

དུས་རབས་ཀྱི་འགྱུར་འགྲོས་དང་བསྟུན་པའི་གཞན་སེམས་བསྐྱེད་གལ་བཀའ་སྩལ་བ།

དེ་རིང་སྟེ། ཕྱི་ལོ་ ༢༠༢༡ ཟླ་བ་ ༣ ཚེས་ ༢༩ ཉིན་གྱི་ཞོགས་པ་ཕྱག་ཚོད་ ༩་བའི་ཐོག   བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨུ་རུ་སུའི་གཙུག་ལག་སློབ་གཉེར་ཁང་ལྔ་ཡི་སློབ་ཕྲུག་རྣམས་ལ་འགྱུར་ལྡོག་དུས་རིམ་ཁྲོད་ཀྱི་ང་ཚོའི་འཛམ་གླིང་ཞེས་པའི་བརྗོད་གཞིའི་ཐོག་བཀའ་སློབ་གནང་བ་མ་ཟད། སློབ་ཕྲུག་ཁག་ཅིག་གིས་བཀའ་འདྲི་དགོངས་སྐོར་ཞུས་པ་ཁག་ལ་བཀའ་ལན་བཀའ་དྲིན་ཆེ་བ་སྩལ་སོང་།དེ་རིང་གི་བཀའ་སློབ་ཀྱི་ཐོག་མར། མགོན་པོ་གང་གིས་ང་ཚོ་ཚང་མ་བདེ་བ་འདོད་ཅིང་སྡུག་བསྔལ་མི་འདོད་པ་གཅིག་པ་ཡིན་པ་མ་ཟད། ཐ་ན་སེམས་ཅན་གཞན་དང་འབུ་སྲིན་ཕྲ་མོ་རྣམས་ཀྱིས་ཀྱང་བདེ་སྐྱིད་འདོད་ཀྱི་ཡོད་པར་བཀའ་སྩལ་བ་དང་འབྲེལ་ནས། འགྲོ་བ་མི་ལ་ཐུན་མོང་མ་ཡིན་པའི་ཁྱད་ཆས་ཤིག་ཡོད་པ་ནི་ཆོས་རབ་ཏུ་རྣམ་འབྱེད་ཀྱི་ཤེས་རབ་དེ་ཆགས་ཡོད་སྟབས། ང་ཚོས་བདེ་སྐྱིད་ལྡན་པའི་མི་ཚེ་ཞིག་ཡོང་ཕྱིར་རྣམ་དཔྱོད་དེ་བེད་སྤྱོད་གཏོང་གི་ཡོད་ནའང་། སྐབས་འགར་ང་ཚོའི་མཐོང་རྒྱ་ཆུང་དྲགས་པ་དང་བསམ་བློ་གུ་དོག་པའི་དབང་གིས་དཀའ་ངལ་མང་པོར་འཕྲད་བཞིན་ཡོད་པའི་བཀའ་འབྲེལ་དང་སྦྲགས། དུས་རབས་སྔ་མོའི་ནང་དུ་འགྲོ་བ་མིའི་རིགས་ཀྱི་རང་ཞེན་གྱི་བསམ་བློ་གཙོ་འཛིན་གྱི་དབང་གིས་འཛམ་གླིང་གི་དམག་ཆེན་སྔ་རྗེས་གཉིས་ཀྱི་མཚོན་པའི་འཐུས་ཤོར་ཆེན་པོ་ཕྱིན་ཡོད་པ་དང་། སྐབས་དེར་འགྲོ་བ་མིའི་རིགས་ཀྱི་རྣམ་དཔྱོད་ཀྱི་རྩལ་དེ་རྡུལ་མཚོན་དང་གོ་མཚོན་བཟོ་བ་སོགས་མིའི་རིགས་ལ་གཏོར་རྒོལ་གཏོང་ཐབས་སུ་བེད་སྤྱོད་བཏང་ཡོད་པར་དྲན་གསོ་མཛད་དེ། ད་ཆ་འགྲོ་བ་མི་ཡོངས་ཀྱིས་དུས་རབས་ཀྱི་འགྱུར་འགྲོས་དང་བསྟུན་ཏེ་རང་ཞེན་གྱི་བསམ་བློ་དོར་ནས་འཛམ་གླིང་ལ་དམིགས་པའི་བསམ་བློ་དེ་གོང་འཕེལ་བྱེད་དགོས་བར་བཀའ་སྩལ་སོང་།དེ་བཞིན་མགོན་པོ་གང་གིས་ད་ལྟའི་ཆར་ང་ཚོས་འདོད་མོས་ཡོད་མེད་ལ་མ་བལྟས་པར་གོ་ལ་གཅིག་གྱུར་གྱི་འཛམ་གླིང་འདིའི་ནང་དུ་འགྲོ་བ་མི་ཐེར་འབུམ་བདུན་པོ་མཉམ་གནས་བྱེད་དགོས་བའི་དུས་ལ་བབ་ཡོད་སྟབས། ཕན་ཚུན་ནང་ཁུལ་དུ་དམག་འཁྲུག་བརྒྱབ་པ་དེ་ཡིས་རང་གཞན་གང་ལ་ཡང་ཕན་ཐོགས་མེད་པར་བཀའ་གནང་བ་དང་འབྲེལ་ནས། འཛམ་གླིང་ཞི་བདེ་དང་མི་ཚེ་བདེ་སྐྱིད་ལྡན་པ་ཞིག་སྐྲུན་དགོས་ན། ང་ཚོའི་འཛམ་གླིང་ཤར་ནུབ་གྱི་ཡུལ་ལུང་དང་རིག་གཞུང་། དེ་བཞིན་ཆོས་ལུགས་བཅས་ནི་རིམ་པ་གཉིས་པའི་མི་འདྲ་བའི་ཆ་ཞིག་ཡིན་པ་ཤེས་དགོས་བའི་ཐོག  ཚང་མ་བདེ་སྐྱིད་དང་ལྡན་པའི་ངང་ནས་མཉམ་གནས་བྱེད་རྒྱུ་གལ་ཆེན་པོ་ཡིན་པ་ལྟར། ཨུ་རུ་སུ་ལ་ཆ་མཚོན་ན་ཡང་ལོ་རྒྱུས་ལྡན་པའི་རྒྱལ་ཁབ་ཅིག་ཡིན་པ་མ་ཟད། འཛམ་གླིང་ཞི་བདེ་སྐྲུན་ཐབས་ལ་ནུས་པ་ཆེན་པོ་ཡོད་པའི་རྒྱལ་ཁབ་ཅིག་ཡིན་པར་བརྟེན། མགོན་པོ་གང་ཉིད་མཆོག་གིས་ཨུ་རུ་སུའི་སློབ་ཕྲུག་ཚོར་བཀའ་སློབ་གནང་རྒྱུའི་གོ་སྐབས་བྱུང་བར་ཐུགས་མཉེས་པོ་བྱུང་ཡོད་པར་བཀའ་སྩལ་སོང་། དེ་རིང་གི་བཀའ་སློབ་ཀྱི་ལས་རིམ་དེ་གྲུབ་མཚམས་སུ། ཨུ་རུ་སུའི་སློབ་ཕྲུག་ཁག་ཅིག་གིས་མགོན་པོ་གང་ཉིད་མཆོག་ལ་བཀའ་འདྲི་དགོངས་སྐོར་ཞུས་པའི་ཁྲོད། ཁལ་མུག་གཙུག་ལག་སློབ་ཆེན་གྱི་སློབ་མ་ཞིག་གིས་སྔར་ལོར་རིམས་ནད་ཁྱབ་བརྡལ་དུ་ཕྱིན་པ་ན་བཟུང་། སློབ་མ་རྣམས་ཀྱིས་དབང་བོ་སྐྱོན་ཅན་དང་ཁེར་རྐྱང་དུ་ལྷག་པ་རྣམས་ལ་སྨན་དང་ཞལ་ལག་སྐྱེལ་འདྲེན་བྱས་ཡོད་པར་ངོ་སྤྲོད་དང་འབྲེལ་ནས། གཞན་དོན་གྱི་ཕྱིར་དུ་རང་གི་ཚེ་སྲོག་ལ་ཉེན་ཁ་འཕྲད་ཀྱང་བློས་གཏོང་བྱེད་རྒྱུ་དེ་གལ་ཆེན་པོ་ཡིན་མིན་གྱི་ཐད་ནས་བཀའ་འདྲི་ཞུས་པར། མགོན་པོ་གང་ཉིད་མཆོག་གིས་ཁ་ཡོད་ལག་ཡོད་ཀྱི་བྱམས་སྙིང་རྗེ་གཙིགས་སུ་བཟུང་ནས་ལག་བསྟར་བྱེད་མཁན་ཞིག་ཡིན་ན། གཙོ་བོ་གཞན་གྱི་བདེ་སྡུག་དང་ཁེ་ཕན་གཙོར་བཟུང་བྱེད་དགོས་བར་བཀའ་གནང་བ་དང་འབྲེལ་ནས། སྔར་ལོའི་རིམས་ནད་ཁྱབ་བརྡལ་དང་འབྲེལ་ནས་སྨན་པ་དང་སྨན་ཞབས་པ་མང་པོའི་རང་སྲོག་ལ་མ་འཛེམ་པར་སྤྱི་ཚོགས་ལ་ཞབས་འདེགས་ཆེན་པོ་སྐྲུན་ཡོད་པར་བཀའ་དྲིན་ཆེ་ཞུས་གནང་བ་དང་འབྲེལ་ནས། སྙིང་རྗེ་ངོ་མ་དེ་ནི་རང་གི་དཀའ་སྡུག་ལ་འཛེམ་མེད་ཀྱི་གཞན་དོན་སྒྲུབ་རྒྱུ་དེ་ཡིན་པར་བཀའ་གནང་སྟེ། ནང་པ་རྣམས་ལ་མཚོན་ན་ཚེ་རབས་དུ་མའི་ལས་ཀྱི་འཁོར་སྐྱོད་ལ་ཁས་ལེན་མཁན་ཞིག་ཡིན་པར་བརྟེན་ཚེ་འདིར་གཞན་དོན་གྱི་ཆེད་དུ་རང་སྲོག་བློས་བཏང་བ་ཡིན་ཚེ་རྗེས་མར་བཟང་ཕྱོགས་སུ་འགྱུར་རྒྱུ་ཡིན་པར་ངེས་བ་རེད་ཅེས་བཀའ་སྩལ་སོང་།དེ་བཞིན་སློབ་ཕྲུག་གཞན་ཞིག་གིས་དད་པ་དང་འབྲེལ་བའི་བཀའ་འདྲི་ཞུས་པར་མགོན་པོ་མཆོག་གིས། བོད་རྒྱུད་ནང་བསྟན་གྱི་གཞུང་དུ་དབང་རྣོན་ཆོས་ཀྱི་རྗེས་འབྲངས་དང་དབང་རྡུལ་དད་པའི་རྗེས་འབྲངས་ཞེས་པའི་དད་པ་ལ་ཡང་གང་ཟག་གི་རྣམ་དཔྱོད་ལ་དཔག་པའི་རིགས་གཉིས་ཡོང་གི་ཡོད་པར་བཀའ་སྩལ་དང་འབྲེལ། ནང་པའི་གཞུང་གི་ནང་དུ། དད་པ་དང་ཤེས་རབ་དེ་གཉིས་གཅིག་ཕན་གཅིག་གྲོགས་ཀྱིས་མཉམ་དུ་འགྲོ་དགོས་བ་ཞིག་ཡིན་པ་དང་། དད་པ་ཟེར་དུས་དངོས་ཡོད་གནས་ཚུལ་ལ་དཔྱད་པ་ཡང་ཡང་བྱས་ཏེ། དཔྱད་དོན་དེར་ངེས་ཤེས་ཟབ་མོ་རྙེད་པའི་ཐོག་ནས་དད་པ་བྱས་པ་ཡིན་ན་དད་པ་དེ་ཡང་དག་པའི་དད་པ་ཞིག་ཆགས་ཀྱི་ཡོད་པར་བཀའ་སྩལ་སོང་།གཞན་ཡང་སློབ་ཕྲུག་ཅིག་གིས་མིའི་མི་ཚེ་དེ་རང་གི་དཀའ་སྡུག་གིས་སྐྲུན་དགོས་བ་ཞིག་གམ། ཡང་ནང་ལས་དབང་གིས་ཡོད་ཚད་བཀོད་སྒྲིག་ཟིན་པ་ཞིག་ཡིན་པར་བཀའ་འདྲི་ཞུས་པར་མགོན་པོ་གང་གིས། རྩ་བའི་འཛམ་གླིང་གི་ནང་དུ་འཇིག་རྟེན་བཀོད་པ་པོ་ཁས་ལེན་མཁན་གྱི་ཆོས་ལུགས་ཁག་ཅིག་ཡོད་ནའང་། ནང་པ་དང་གཅེར་བུ་བ་ལྟ་བུར་མཚོན་ན་འཇིག་རྟེན་བཀོད་པ་པོ་ཁས་མི་ལེན་སྟབས། འཁོར་བ་ལ་ཐོག་མཐའ་མེད་པ་ཡིན་དུས། རང་གི་ད་ལྟའི་བྱེད་ལས་དེས་སྐྱེ་བ་རྗེས་མའི་རྒྱུ་བྱེད་ཀྱི་ཡོད་སྟབས། རང་གིས་བྱམས་སྙིང་རྗེ་གཞི་ལ་བཞག་པའི་ཉམས་ལེན་ཡག་པོ་ཞིག་གནང་རྒྱུ་དེ་གལ་ཆེན་པོ་ཡིན་པར་བཀའ་སྩལ་སོང་།དྲི་བ་དྲིས་ལན་གྱི་མཛད་རིམ་གྲུབ་མཚམས་སུ། མགོན་པོ་གང་ཉིད་མཆོག་གིས། ནང་པ་ཞིག་ཡིན་པའི་ངོས་ནས། ཞལ་འདོན་གསོག་སྒྲུབ་དང་དད་པ་ཁོ་ན་བྱས་ཏེ་ཡིད་ཚིམས་རྒྱུ་མེད་པར།  དུས་རྒྱུན་ནས་ནང་པའི་ལྟ་གྲུབ་དང་མཚན་ཉིད་རིག་པའི་གཞུང་ལ་སློབ་སྦྱོང་གནང་རྒྱུ་དེ་གལ་ཆེན་པོ་ཡིན་སྟབས། རང་གཞན་གཉིས་ཀྱིས་དཔེ་ཀློག་མཛད་ནས་སློབ་སྦྱོང་གནང་སྟེ་དེང་རབས་ཚན་རིག་དང་མཐུན་པའི་སྒོ་ནས་བསམ་བློ་ཡང་ཡང་གཏོང་བའི་ནང་པ་ཞིག་ཞིག་བྱེད་རྒྱུ་གལ་ཆེན་པོ་ཡིན་པའི་ལམ་སྟོན་དང་འབྲེལ་ནས། དེ་རིང་གི་བཀའ་སློབ་ལམ་སྟོན་གྱི་ལས་རིམ་དེ་རེ་ཞིག་མཇུག་སྒྲིལ་སོང་།

བོད་ཀྱི་ཞིང་བྲན་ཚོར་བཅིངས་གྲོལ་བཏང་སྐོར་བཤད་པ་དེ་བདེན་པ་མ་རེད།

རྒྱ་ནག་གཞུང་གིས་ཁ་སང་ཚེས་ ༢༨ ཉིན་བོད་ཀྱི་རྒྱལ་ས་ལྷ་སའི་ཕོ་བྲང་པོ་ཏ་ལའི་ཐང་ཆེན་དུ་མང་ཚོགས་ཆིག་སྟོང་ལྷག་ཆེད་སྐོང་གིས་བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་གྲོལ་ཐོབ་པའི་དྲན་གསོ་ཉིན་མོ་ཞེས་པའི་བྱ་འགུལ་སྤེལ་ཡོད་པ་ལྟར། བོད་མིའི་སྒྲིག་འཛུགས་ཀྱི་མགྲིན་ཚབ་པ་ཕྱི་འབྲེལ་དྲུང་ཆེ་ཀརྨ་ཆོས་དབྱིངས་ལགས་ཀྱིས་བོད་ཀྱི་དེ་ལྟ་བུའི་བྱུང་བ་ངོ་སྤྲོད་དང་འབྲེལ་ནས་བོད་ཀྱི་ཞིང་བྲན་ཚོར་བཅིངས་གྲོལ་བཏང་བ་ཡིན་ཅེས་བཤད་པ་དེ་བདེན་པ་མ་རེད་ཅེས་གསུངས་སོང་།རྒྱ་ནག་གི་གཞུང་འབྲེལ་བརྒྱུད་ལམ་ཁག་ཏུ་གནས་ཚུལ་སྤེལ་བར་གཞིགས་ན། ཁ་སང་ཚེས་ ༢༨ ཉིན་གྱི་སྔ་དྲོའི་ཆུ་ཚོད་ ༡༠ ཐོག་ཕོ་བྲང་པོ་ཏ་ལའི་ཐང་ཆེན་དུ་བོད་མི་དང་ལས་རིགས་འདྲ་མིན་གཉེར་མཁན་མང་ཚོགས་ཆིག་སྟོང་ལྷག་ཆེད་སྐོང་གིས་རྒྱ་ནག་གི་རྒྱལ་དར་སྒྲེང་བ་དང་རྒྱ་ནག་གི་རྒྱལ་གླུ་བླངས་བཅུག་ནས་བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་གྲོལ་ཐོབ་པའི་རྗེས་དྲན་ཉིན་མོ་ཞེས་པའི་བྱ་འགུལ་སྤེལ་འདུག་པ་མ་ཟད། དེ་སྔ་ཕྱི་ལོ་ ༡༩༥༩ ཟླ་ ༣ ཚེས་ ༢༨ ཉིན་བོད་རང་སྐྱོང་ལྗོངས་གྲ་སྒྲིག་ཨུ་ཡོན་ལྷན་ཁང་ཟེར་བ་ཆེད་བཙུགས་ཀྱིས་སྐབས་དེའི་བོད་ས་གནས་སྲིད་གཞུང་ངམ་བོད་གཞུང་མེད་པ་བཟོས་ཏེ་བོད་གཞུང་གི་གནང་སྒོ་བཀག་སྡོམ་གྱིས་བོད་མི་དང་ལས་རིགས་འདྲ་མིན་གཉེར་མཁན་མང་ཚོགས་ཚོ་སྣེ་ཁྲིད་དེ་བཅོས་སྒྱུར་བྱས་ཡོད་སྐོར་འཁོད་འདུག དེ་བཞིན་དུས་དེ་ནས་བཟུང་ལོ་ངོ་སྟོང་གི་བཀས་བཀོད་རྒྱུད་འཛིན་ཞིང་བྲན་ལམ་ལུགས་རྩ་མེད་བཟོས་པར་བརྟེན་བོད་མི་རྣམས་མང་གཙོའི་རྒྱལ་ཁབ་ཀྱི་མི་མང་ལྟར་རང་ཉིད་ཀྱི་རྒྱལ་ཁབ་དང་སྤྱི་ཚོགས་ཀྱི་བདག་པོར་གྱུར་བ་རེད་ཅེས་འཁོད་འདུགརླུང་འཕྲིན་ཁང་གིས་བོད་མིའི་སྒྲིག་འཛུགས་ཀྱི་མགྲིན་ཚབ་པ་ཕྱི་འབྲེལ་དྲུང་ཆེ་ཀརྨ་ཆོས་དབྱིངས་ལགས་སུ་རྒྱ་ནག་གི་བྱ་འགུལ་དེ་དང་འབྲེལ་ནས་བཀའ་འདྲི་ཁག་ཅིག་ཞུས་པར་ཁོང་གིས་བོད་ཀྱི་དེ་ལྟ་བུའི་བྱུང་བ་ངོ་སྤྲོད་གནང་བ་དང་འབྲེལ་ནས་རྒྱ་ནག་གཞུང་གིས་བོད་དོན་དང་འབྲེལ་བའི་རྫུན་གཏམ་གྱི་དྲིལ་བསྒྲགས་ཁོ་ན་བྱས་པ་མ་ཟད་བོད་ཀྱི་ཞིང་བྲན་ཚོར་བཅིངས་གྲོལ་བཏང་བ་ཡིན་སྐོར་བཤད་པ་དེ་བདེན་པའི་གནས་ལུགས་གང་ཡང་ཡོད་མ་རེད་ཅེས་གསུངས་སོང་།ཁོང་གིས་རྒྱ་ནག་གིས་བོད་ལ་བཙན་འཛུལ་བྱས་པ་ནས་བཟུང་བོད་མིར་མུ་གེ་ཐེབས་པ་གཙོས་མི་སྤྱོད་ལས་འདས་པའི་ངལ་བ་དུ་མ་འཕྲད་དང་འཕྲད་མུས་ཡིན་པའི་ཁར་རྒྱ་གཞུང་གིས་བོད་ཀྱི་ཐུན་མོང་མ་ཡིན་པའི་ཆོས་རིག་དང་ལེགས་བྱང་སོགས་བོད་མིའི་ངོ་བོ་རྩ་མེད་བཟོ་ཐབས་འབའ་ཞིག་ལ་ཆེད་དམིགས་ཀྱིས་བྱ་སྤྱོད་དེ་དག་བརྩམས་ཡོད་པར་མངོན་གསལ་གནང་སོང་། གཞན་ཡང་ཁོང་གིས་གོང་གནད་དང་འབྲེལ་ནས་བོད་ནང་ལ་ཕྱིའི་འཛུགས་སྐྲུན་ཁོ་ན་ཙམ་མི་འགྲིག་པར་གཞི་རྩའི་འགྲོ་བ་མིའི་ཐོབ་ཐང་དེ་དགོས་གལ་ཆགས་ཡོད་སྟབས། ཉེ་བའི་ཆར་ཨ་རི་གཞུང་གིས་བོད་དོན་སྲིད་བྱུས་ཁྲིམས་འཆར་གཏན་འབེབས་གནང་ཡོད་པར་བརྟེན་རྒྱ་ནག་གིས་རྒྱལ་སྤྱིར་བོད་ནང་རང་དབང་ཡོད་པའི་རྣམ་པ་བསྟན་ཐབས་ཙམ་ཡིན་པ་གསུངས་ཡོད།གཞི་རྩའི་བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་འགྲོལ་ཐོབ་པའི་དྲན་གསོའི་ཉིན་མོ་ཞེས་པ་དེ་ཕྱི་ལོ་ ༢༠༠༩ ཟླ་ ༡ ཚེས་ ༡༩ ཉིན་བོད་རང་སྐྱོང་ལྗོངས་མི་དམངས་འཐུས་ཚོགས་སྐབས་ ༩ པའི་ཚོགས་འདུ་ཐེངས་ ༢ ཐོག་འདེམས་ཤོག་འཕངས་ཏེ་ལོ་རེའི་ཕྱི་ཟླ་ ༣ ཚེས་ ༢༨ ཉིན་དེ་ལྟར་བྱེད་དགོས་པའི་གཏན་འབེབས་བྱས་པ་ཞིག་ཆགས་ཀྱི་འདུག

དྲྭ་ལམ་བརྒྱུད་རྒྱ་རིགས་དང་ལྷན་བོད་དོན་གླེང་སློང་གནང་བ།

དེའང་ཟླ་བ་འདིའི་ཚེས་ ༢༦ རེས་གཟའ་པ་སངས་ཉིན་བྱང་ཨ་རིའི་སྐུ་ཚབ་དོན་ཁང་གི་རྒྱ་རིགས་འབྲེལ་མཐུད་པའི་གོ་སྒྲིག་འོག་ Clubhouse ཞེས་པའི་བཀོལ་སྤྱོད་མཉེན་ཆས་བརྒྱུད་ China news ཞེས་པའི་ཚོགས་པའི་སྟངས་འཛིན་བརྒྱུད་བོད་ཀྱི་གནད་དོན་ཐད་རྒྱ་རིགས་ཁྱད་ལས་མི་སྣ་གདན་ཞུས་ཀྱིས་དྲྭ་ཐོག་གླེང་མོལ་ལས་རིམ་ཆེས་ཐོག་མ་དེ་གོ་སྒྲིག་གནང་འདུག བོད་དོན་སྐོར་གྱི་དྲྭ་ཐོག་གླེང་མོལ་འདི་བཞིན་རྐང་ཨ་རིའི་བོད་ཀྱི་སྐུ་ཚབ་དོན་ཁང་དང་དེའི་ཐོག་རྒྱ་ནག་གསར་འགྱུར་ལས་ཁང་གི་སྟངས་འཛིན་པ་ཁག་ཅིག་གིས་མཐུན་འགྱུར་འོག་གོ་སྒྲིག་གནང་བ་ཞིག་ཆགས་ཀྱི་འདུག་པ་དང་དེར་རྒྱབ་སྐྱོར་གནང་མཁན་ཡུ་གུར་དང་ཧོང་ཀོང་། སོག་པོ། ཐེ་ཝན། དེ་བཞིན་རྒྱ་ནག་སྐམ་ས་ཆེན་མོ་དང་ཕྱི་ཕྱོགས་ཀྱི་རྒྱ་རིགས་སོགས་མཉམ་ཞུགས་ཀྱིས་བོད་སྐོར་དམིགས་བསལ་མཁྱེན་འདོད་ཀྱི་རྣམ་པ་མངོན་གནང་འདུག་པ་མ་ཟད། ཨ་རིའི་ནང་གི་ཉིན་རྒྱབ་ཚོུད་ ༡ པོ་ནས་དབུ་འཛུགས་ཀྱིས་ཕྱི་དྲོ་ཚོུད་ ༡༡ བར་བགྲོ་གླེང་དེ་གསན་མཁན་ཁྱོན་མི་གྲངས་ ༨༠༠ ཙམ་བྱུང་འདུག བོད་ཀྱི་གནད་དོན་ཐད་ཕྱག་ཚོད་ ༡༠ ཙམ་རིང་བགྲོ་གླེང་གནང་བའི་ཁྲོད་རྒྱ་ནག་སྐམ་ས་ཆེན་མོའི་རྒྱ་རིགས་མང་དག་ཅིག་ནས་བོད་ནང་གི་དམ་དྲག་དང་ཉམ་ཐག་གི་དཀའ་ངལ་སོགས་དངོས་སུ་མཐོང་མྱོང་ཡོད་པའི་རང་ཉིད་སྒེར་གྱི་མྱོང་བ་ཁག་གསུངས་འདུག་པ་མ་ཟད་རྒྱ་རིགས་ཁྲིམས་རྩོད་པ་དང་རང་དབང་འཐབ་རྩོད་པ་གྲགས་ཅན་སྐུ་ཞབས་ Chen Guangcheng ལགས་དང་རྒྱ་རིགས་སྒྱུ་རྩལ་བ་གྲགས་ཅན་སྐུ་ཞབས་ Ai WeiWei ལགས་རྣམ་གཉིས་ཀྱིས་བགྲོ་གླེང་ཐོག་ཆ་ཤས་བཞེས་པ་ལྟར་སྐུ་ཞབས་ Chen Guangcheng ལགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་མཇལ་མྱོང་ཡོད་པ་དང་ཨ་རིར་གནས་སྡོད་བོད་མིའི་བྱམས་སྙིང་རྗེའི་བསམ་བློ་འཁྱེར་སོ་ལ་ཁོང་རང་ཉིད་ཇི་ལྟར་སེམས་འགུལ་ཐེབས་ཡོད་སྐོར་གྱི་མྱོང་ཚོར། རྒྱ་རིགས་རྣམས་བོད་མིའི་མདུན་ནས་བྱམས་སྙིང་རྗེ་དང་ནང་ཆོས་ཉམས་ལེན་བྱེད་སྟངས་ཐོག་ལེགས་བཤད་བླང་དགོས་སྐོར་གསུངས་འདུགདེ་བཞིན་སྐུ་ཞབས་ Ai WeiWei ལགས་ཀྱིས་ཀྱང་རྒྱ་གཞུང་ནས་དུས་ད་ལྟའང་བོད་ནང་ཆེས་དྲག་གནོན་གྱི་སྲིད་བྱུས་ལག་བསྟར་བྱེད་བཞིན་པའི་ཁར། འདས་པའི་ལོ་ཤས་ནས་བོད་གི་གནས་སྟངས་ཆེས་ཇེ་སྡུག་ཏུ་ཕྱིན་ཡོད་པར་འགྲེལ་བརྗོད་དང་། ལྷག་དོན་ཁོང་རྒྱ་རིགས་ཤིག་ཡིན་པའི་ཆ་ནས་བོད་ནང་གི་ཡིད་སྐྱོའི་གནས་ཚུལ་ཁག་ཐོས་སྐབས་སེམས་ནང་བློ་འགྱོད་ཞིག་བྱུང་གི་ཡོད་པར་གསུངས་པ་མ་ཟད། ཐེ་ཝན་དང་ཡུ་གུར། སོག་པོ་དང་རྒྱ་རིགས་སྐུ་ཚབ་རྣམས་ནས་ཀྱང་དྲྭ་ཐོག་གླེང་མོལ་གྱི་སྡིངས་ཆ་བརྒྱུད་བོད་མིའི་དཀའ་སྡུག་ལ་ཚོར་ཤུགས་དྲག་པོས་གདུང་སེམས་མཉམ་བསྐྱེད་ཞུས་འདུག སྐབས་དེར་ཨ་རིའི་བོད་ཀྱི་སྐུ་ཚབ་དོན་ཁང་གི་རྒྱ་རིགས་འབྲེལ་མཐུད་པ་ཚུལ་ཁྲིམས་རྒྱ་མཚོ་ལགས་ཀྱིས་རྒྱ་ནག་གཞུང་གིས་བོད་ནང་གདུག་རྩུབ་ཅན་གྱི་སྲིད་བྱུས་ལག་བསྟར་འོག་ད་ལྟའི་བོད་ནང་གི་གནས་བབ་དང་ལྷག་དོན་རྒྱ་གཞུང་གིས་ཆེས་དམ་དྲག་རྐྱེན་གྱིས་བོད་ནས་གནས་ཚུལ་ཕྱི་ལོགས་སུ་བརྒྱུད་བསྒྲགས་མི་ཐུབ་པའི་དཀའ་ངལ་སོགས་གསལ་འདོན་གནང་སྟེ་བོད་མིའི་ངོས་ནས་གཉིས་སྨན་དབུ་མའི་ལམ་གྱི་སྲིད་བྱུས་བརྒྱུད་བོད་མིར་མིང་དོན་མཚུངས་པའི་རང་སྲིད་རང་སྐྱོང་སྤྲོད་དགོས་པའི་དགོས་འདུན་ཆེད་འདོན་གནང་མུས་ཡིན་པར་བསྐྱར་ནན་གནང་སྟེ་མཉམ་ཞུགས་བ་རྣམས་ཀྱི་དྲི་བར་ལན་འདེབས་གནང་འདུག  མཐར་ཁོང་གིས་ལས་རིམ་འདི་གསན་མཁན་ཡོངས་ལ་བོད་ཀྱི་རྒྱུ་ལོས་སྐོར་མཁྱེན་རྟོགས་ཡོང་སླད་བོད་མི་དང་ལྷན་འབྲེལ་བ་གང་མང་གནང་དགོས་པ་དང་ལྷག་དོན་བོད་རྒྱ་འབྲེལ་མོལ་ཡོང་རྒྱུའི་ལས་དོན་གྱི་གླེང་སྟེགས་ཚང་མར་མཉམ་ཞུགས་ཡོང་བའི་གཞེན་སྐུལ་གནང་འདུག

Latest news