Tibetan Royal Year of 2151 | Year of the Wood Dragon

ARCHIVE

Monthly Archives: January, 2022

རེས་གཟའ་ཟླ་བ། ༢༠༢༢།༠༡།༣༡

ཉན་པ།: Listen ཕབ་ལེན། Download ཨོ་སི་ཀྲོ་ལི་ཡར་པེ་ཅིན་གྱི་ཨོ་རྩལ་ལ་ངོ་རྒོལ་སླད་བོད་དོན་ཞི་བའི་གོམ་བགྲོད་དབུ་འཛུགས། བོད་མིའི་ཁྱིམ་ཚང་ཞིག་གིས་རྒྱ་ནག་གི་ཨོ་རྩལ་ལ་ངོ་རྒོལ་སྐོར་སྐྱོད་ལས་འགུལ་སྤེལ་བ། དོན་གྲུབ་བཀྲིས་ལགས་བོད་མི་མང་སྤྱི་འཐུས་ནས་དགོངས་ཞུ། རྒྱ་ནག་ནང་གསར་འགོད་རང་དབང་གི་གནས་བབས་ཇེ་ཞན་ཡིན་པར་མངོན་གསལ། ཡུ་རོབ་མཐུན་ཚོགས་ཀྱིས་རྒྱལ་སྤྱིའི་ཚོང་ལས་ལྷན་ཚོགས་སུ་རྒྱ་ནག་ཁྲིམས་གཏུགས། Monday 31/01/2022 Tibetans in Australia begin peace march to protest 2022 Beijing Olympics Tibetan family in UK holds Boycott Beijing 2022 campaign across cities Dhondup Tashi resigns from parliament, assumes duty as Ladakh settlement officer Press freedom rapidly deteriorating in China, FCCC report EU sues China in WTO over Lithuania blockade

ཨོ་སི་ཀྲོ་ལི་ཡར་པེ་ཅིང་གི་ཨོ་རྩལ་ལ་ངོ་རྒོལ་སླད་བོད་དོན་ཞི་བའི་གོམ་བགྲོད་དབུ་འཛུགས།

རིང་མིན་ཕྱི་ཟླ་ ༢ ཚེས་ ༤ ཉིན་རྒྱ་ནག་པེ་ཅིང་ནང་དགུན་དུས་ཨོ་ལམ་པིཀ་རྩེད་འགྲན་འཚོགས་གཏན་ཁེལ་ཡོད་ཀྱང་རྒྱལ་སྤྱིའི་ཁྲོད་བོད་མི་དང་ཡུ་གུར་མི་རིགས་སོགས་ནས་རྒྱ་ནག་གིས་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་བྱ་སྤྱོད་ལ་ངོ་རྒོལ་གནང་སྟེ་པེ་ཅིང་གི་ཨོ་རྩལ་འགྲན་ཚོགས་ཕྱིར་འཐེན་དགོས་པ་དང་།  རང་དབང་ཅན་གྱི་རྒྱལ་ཁབ་རྣམས་ནས་དགུན་དུས་ཨོ་རྩེད་ལ་ངོ་རྒོལ་གནང་དགོས་པའི་འབོད་སྐུལ་གྱི་ལས་འགུལ་རྣམ་པ་འདྲ་མིན་ཐོག་ནས་སྤེལ་མུས་ཡིན་པ་ལྟར། དེ་རིང་ཨོ་སི་ཀྲོ་ལི་ཡ་ནང་དུ་ཡོད་པའི་བོད་མི་རྣམས་ཀྱིས་བོད་དོན་སླད་ Newcastle ནས་སིཌ་ནི་བར་དུ་ཞི་བའི་གོམ་བགྲོད་ཀྱི་ལས་འགུལ་ཞིག་དབུ་འཛུགས་གནང་འདུག ཨོ་གླིང་རྒྱལ་ཡོངས་སུ་བོད་རིགས་མཐུན་ཚོགས་ཁག་དང་བོད་དོན་ལྷན་ཁང་། ཡུ་གུར་མཐུན་ཚོགས། དེ་བཞིན་ཧོང་ཀོང་དང་རྒྱ་ནག་མང་གཙོ་དོན་གཉེར་བ་རྣམས་ཟུང་འབྲེལ་གྱིས་པེ་ཅིང་གི་དགུན་དུས་ཨོ་རྩལ་ལ་ངོ་རྒོལ་དང་རྒྱ་གཞུང་གིས་བོད་དང་ཡུ་གུར་སོགས་གྲངས་ཉུང་མི་རིགས་ཁག་གི་འགྲོ་བ་མིའི་ཐོབ་ཐང་རྩིས་མེད་རྡོག་རོལ་བཏང་དང་གཏོང་བཞིན་པའི་དྲག་གནོན་ཅན་གྱི་སྲིད་བྱུས་རྣམས་འཕྲལ་དུ་མཚམས་འཇོག་དགོས་པ།  ཉེ་ཆར་ཁམས་བྲག་མགོར་༸སྟོན་པའི་སྐུ་བརྙན་དང་མ་ཎི་དུང་འཁོར་སོགས་གཏོར་བཤིག་བཏང་བར་ངོ་རྒོལ་སླད་ཨོ་གླིང་གི་ Newcastle བོད་རིགས་མཐུན་ཚོགས་ཀྱི་ངོས་ནས་དེ་རིང་ཕྱི་ཚེས་ ༣༡ ནས་ཟླ་ ༢ ཚེས་ ༤ བར་ Newcastle ནས་སིཌ་ནི་གྲོང་ཁྱེར་བར་སྤྱི་ལེ་ ༡༦༤ ཙམ་གྱི་ཞི་བའི་གོམ་བགྲོད་གནང་རྒྱུ་ཡིན་པ་དང་། ཕྱི་ཟླ་ ༢ ཚེས་ ༣ ཉིན་གྱི་ཕྱི་དྲོར་སིཌ་ནི་ས་གནས་ Deewhy ལ་ཕེབས་འབྱོར་གནང་རྒྱུ་དང་དེ་བཞིན་ཟླ་ ༢ ཚེས་ ༤ ཉིན་གྱི་སྔ་དྲོའི་ཚོུད་ ༧ ཐོག་ Deewhy Walters Gors Park ནང་ཉིན་ལྔ་པའི་གོམ་བགྲོད་དབུ་འཛུགས་ཐོག་སིཌ་ནི་བོད་རིགས་མཐུན་ཚོགས་མཉམ་ཞུགས་ངང་ Deewhy ནས་སིཌ་ནི་གྲོང་ཁྱེར་བར་སྤྱི་ལེ་ ༡༨ ཙམ་ལ་ཞི་བའི་གོམ་བགྲོད་གནང་རྒྱུ་རེད་འདུག དེ་བཞིན་ཉིན་དགུང་ཚོུད་ ༡༢ ཐོག་སིཌ་ནི་གྲོང་ཁྱེར་ Martin Place ནང་ཞི་བའི་གོམ་བགྲོད་ཀྱི་ལས་འགུལ་མཇུག་སྒྲིལ་དང་ཚོགས་པ་ཁག་མཉམ་རུབ་ཐོག་དབུ་འབྱེད་ཀྱི་མཛད་སྒོར་གཞི་རྒྱ་ཆེ་བའི་ལས་འགུལ་སྤེལ་འཆར་འདུག ནིའུ་ཁཱས་ཊིལ་བོད་རིགས་མཐུན་ཚོགས་ཀྱི་ཚོགས་གཙོ་མགུར་འབུམ་རྒྱལ་ལགས་ཀྱིས་རླུང་འཕྲིན་ཁང་ལ་གོམ་བགྲོད་ཀྱི་ལས་འགུལ་ངོ་སྤྲོད་གནང་བ་དང་འབྲེལ། གོམ་བགྲོད་པ་རྣམས་ནས་ཕྱི་ཚེས་ ༤ ཉིན་ Martin Place ནང་རྟེན་གཞི་བྱས་པའི་ Channel 7 བརྙན་འཕྲིན་ཁང་གི་ངོས་ནས་པེ་ཅིང་གི་དགུན་དུས་ཨོ་རྩལ་རྩེད་འགྲན་དང་འབྲེལ་བའི་ཐད་གཏོང་གནང་རྒྱུ་མེད་པའི་འབོད་སྐུལ་ཞུ་རྒྱུ་ཡིན་པ་དང་གལ་ཏེ་དེ་ལྟར་མ་གནང་ཚེ་ང་ཚོའི་ངོས་ནས་དེར་བལྟ་རྒྱུ་མིན་ཞེས་བརྡ་ལན་སྤྲད་རྒྱུ་ཡིན་པ་གསུངས་སོང་།ལྷག་པར་དུ་ད་བར་བོད་མི་སོགས་ནས་རང་ཉིད་ཀྱི་གནས་ཡུལ་ས་གནས་སོ་སོར་པེ་ཅིང་གི་དགུན་དུས་ཨོ་རྩལ་ལ་ངོ་རྒོལ་གནང་རྐྱེན་ད་ཆ་ཨ་རི་གཙོས་ཨོ་གླིང་སོགས་རྒྱལ་ཁབ་ཁག་ཅིག་གིས་པེ་ཅིང་གི་ཨོ་རྩལ་འགྲན་ཚོགས་ལ་གཞུང་འབྲེལ་སྐུ་ཚབ་གཏང་རྒྱུ་མིན་པར་ཐག་གཅོད་གནང་ཡོད་པ་རེད། དེ་འབྲེལ་ལས་འགུལ་སྤེལ་ཤུགས་ཆེ་བ་གཅིག་ནི་ཨོ་གླིང་གི་མི་སྒེར་ནས་འགྲན་ཚོགས་ཀྱི་ཐད་གཏོང་ལ་མ་གཟིགས་བ་དེས་རྣམ་འགྱུར་ངེས་ཅན་ཞིག་ཆེད་འདོན་གནང་གི་འདུག་ཅེས་གསུངས་ཡོད།

བོད་མིའི་ཁྱིམ་ཚང་ཞིག་གིས་རྒྱ་ནག་གི་ཨོ་རྩལ་ལ་ངོ་རྒོལ་སྐོར་སྐྱོད་ལས་འགུལ་སྤེལ་བ།

དབྱིན་ཡུལ་ནང་གནས་སྡོད་བསྟན་འཛིན་བཟང་མོ་ལགས་དང་ཁོང་གི་སྐུ་ཟླ་བཀྲིས་དོན་གྲུབ་ལགས་རྣམ་གཉིས་ཀྱིས་ལོ་བདུན་སོན་པའི་བོུ་བསྟན་འཛིན་མཚོ་མོ་དང་བསྟན་འཛིན་བདེ་ཆེན་གཉིས་ཁྲིད་དེ་དབྱིན་ཡུལ་ལྷོ་ནུབ་གྲོང་ཁྱེར་ཆེ་གྲས་ཁག་བཞིའི་ནང་དུ་བོད་ཀྱི་རྒྱལ་དར་བསྣམས་ཏེ་འཚོགས་ལ་ཉེ་བའི་ཕྱི་ལོ་ ༢༠༢༢ ལོའི་པེ་ཅིང་དགུན་དུས་ཨོ་རྩལ་འགྲན་ཚོགས་དེ་མི་རིགས་སྡེབ་གསོད་ཀྱི་རྩེད་འགྲན་ཞིག་ཡིན་པ་དང། རྒྱལ་སྤྱིའི་མང་ཚོགས་ཀྱི་ངོས་ནས་རྒྱ་ནག་གི་མངའ་འོག་ཏུ་སྡུག་རྩུབ་མྱོང་བཞིན་པའི་བོད་མི་གཙོས་གྲངས་ཉུང་མི་རིགས་ཁག་གི་འགྲོ་བ་མིའི་ཐོབ་ཐང་གི་རང་དབང་ལ་རྒྱབ་སྐྱོར་གནང་སྟེ་རྒྱ་ནག་གི་ཨོ་རྩལ་ལ་མཉམ་ཞུགས་གནང་ཕྱིར་འཐེན་དང་གཟིགས་རྒྱུ་མེད་པའི་འབོད་སྐུལ་གྱི་སྐོར་སྐྱོད་ལས་འགུལ་ཞིག་དབུ་འཛུགས་གནང་ཡོད་པ་རེད།རྩ་བའི་ཁོང་བཞི་པོས་ལས་འགུལ་དེ་ཟླ་ ༡ ཕྱི་ཚེས་ ༢༨ ཉིན་དབྱིན་ཡུལ་གྱི་ལྟོ་ནུབ་གྲོང་ཁྱེར་ Bath ནས་དབུ་འཛུགས་ཀྱིས་རིམ་པས་གྲོང་ཁྱེར་ Cardiff དང་། Birmingham དེ་བཞིན་ Bristol བཅས་གྲོང་ཁྱེར་ཆེ་ཁག་བཞིའི་ནང་གི་མང་ཚོགས་དང་ཡུལ་སྐོར་སྤྲོ་འཆམ་པ་འདུ་འཛོམས་ཆེ་བའི་ས་ཚིགས་སུ་ཞུ་འབོད་ཀྱི་སྐོར་སྐྱོད་གནང་བཞིན་ཡོད་པ་དང། ཁོང་རྣམ་པས་ཕྱི་ལོ་ ༢༠༢༢ པེ་ཅིང་དགུན་དུས་ཨོ་རྩལ་འགྲན་ཚོགས་ལ་མཉམ་ཞུགས་ཕྱིར་འཐེན་དང་མི་རིགས་སྡེབ་གསོད་ཀྱི་རྩེ་འགྲན་མཚམས་འཇོག་དགོས། འགྲོ་བ་མིའི་ཐོབ་ཐང་མེད་ན་རྩེད་འགྲན་མེད་ཅེས་སོགས་ངོ་རྒོལ་མཚོན་པའི་ཤོག་སྦྱང་བཤམ་སྟོན་དང། ཁྲོམ་གཞུང་ཐོག་ཏུ་ཕེབས་མཁན་མང་ཚོགས་ལ་ཨོ་རྩལ་འགྲན་ཚོགས་གོ་སྒྲིག་བྱེད་མཁན་རྒྱ་དམར་པོའི་གཞུང་ནི་མང་ཚོགས་ཀྱི་འགྲོ་བ་མིའི་ཐོབ་ཐང་དང་རང་དབང་རྩིས་མེད་རྡོག་རོལ་ཚབས་ཆེན་གཏང་མཁན་མི་གསོད་ཁྲག་སྦྱོར་བའི་གཞུང་ཞིག་ཡིན་པའི་གོ་རྟོགས་སྤེལ་བཞིན་འདུག རྩ་བའི་དབྱིན་ཡུལ་ནང་གནས་སྡོད་བསྟན་འཛིན་བཟང་མོ་ལགས་དང་ཁོང་གི་སྐུ་ཟླ་བཀྲིས་དོན་གྲུབ་ལགས་རྣམ་གཉིས་ཀྱིས་ལོ་བདུན་སོན་པའི་བོུ་བསྟན་འཛིན་མཚོ་མོ་དང་བསྟན་འཛིན་བདེ་ཆེན་གཉིས་བཅས་ཀྱིས་ད་རེས་བོད་དོན་ལས་འགུལ་སྤེལ་བ་འདི་ཆེས་ཐོག་མ་མ་ཡིན་པར་རྒྱུན་དུ་ནས་བོད་དོན་འཐབ་རྩོད་དང་འབྲེལ་བའི་དུས་ཚིགས་ཁག་ལ་ས་གནས་སུ་དང་བླངས་ཐོག་ནས་བོད་དོན་དང་འབྲེལ་བའི་ལས་འགུལ་འདྲ་མིན་སྤེལ་བཞིན་ཡོད་པ་རེད།དེ་མཚུངས་སུ་འདས་པའི་གཟའ་འཇུག་ནང་ཡོ་རོབ་རྒྱལ་ཁབ་སྦེལ་འཇམ་དང་ནི་ཌར་ལན་ཌི། ཕ་རན་སི་སོགས་རྒྱལ་ཁབ་ཁག་ཅིག་ནང་དུ་བོད་དོན་རྒྱབ་སྐྱོར་བ་ཚོས་གོ་སྒྲིག་གནང་སྟེ། འཚོགས་ལ་ཉེ་བའི་པེ་ཅིང་དགུན་དུས་ཨོ་རྩལ་འགྲན་ཚོགས་ལ་ངོ་རྒོལ་སྐད་འབོད་དང་བགྲོ་གླེང་སོགས་ཀྱི་ལས་འགུལ་རྣམ་པ་འདྲ་མིན་སྤེལ་དང་སྤེལ་མུས་ཡིན་པ་རེད།ཕྱི་ཚེས་ ༢༩ ཉིན་ཡོ་རོབ་རྒྱལ་ཁབ་སི་པཱན་གྱི་གྲོང་ཁྱེར་སྦར་སི་ལོ་ནར་རྒྱ་ནག་གི་ལོ་གསར་གླུ་སྒར་གྱི་ཁྲོམ་སྟོན་ཐོག་རྒྱ་གཞུང་གིས་བོད་དོན་འཁྱོག་བཤད་དྲིལ་བསྒྲགས་སྤེལ་བཞིན་པའི་ས་ཚིགས་སུ་བོད་རིགས་ཚོགས་པའི་བོད་མི་ཁག་ཅིག་གིས་བོད་ཀྱི་རྒྱལ་དར་འཕྱར་ཏེ་རྒྱ་གཞུང་གིས་ཕྱིའི་མི་རིགས་ལ་བོད་དེ་རྒྱ་ཁོངས་ཡིན་པ་དང་བོད་ཀྱི་གླུ་སྒར་སྒྱུ་རྩལ་ལ་འཁྱོག་བཤད་བྱེད་བཞིན་པར་ངོ་རྒོ་གྱི་ལས་འགུལ་སྤེལ་ཡོད།

དོན་གྲུབ་བཀྲིས་ལགས་བོད་མི་མང་སྤྱི་འཐུས་ནས་དགོངས་ཞུ། 

སྐབས་ ༡༧ པའི་བོད་མི་མང་སྤྱི་འཐུས་དོན་གྲུབ་མཀྲ་ཤིས་ལགས་སྤྱི་འཐུས་ཀྱི་ལས་གནས་ནས་དགོངས་པ་ཞུས་ཏེ་སང་ཉིན་ཕྱི་ཟླ་ ༢ ཚེས་ ༡ ནས་རྒྱ་གར་བྱང་ཕྱོགས་ལ་དྭགས་ཀྱི་ལ་སྤྱི་འམ་ས་གནས་འགོ་འཛིན་གྱི་ཐུགས་འགན་བཞེས་རྒྱུ་རེད་འདུགསྔར་ལོའི་ལོ་མཇུག་ཙམ་ལ་ལ་དྭགས་བསོད་ནམས་གླིང་གཞིས་སྒར་གཙོས་ཁུལ་དེར་ཡོད་པའི་བོད་རྣམས་ཀྱིས་ས་གནས་ཀྱི་ལ་སྤྱི་འམ་འགོ་འཛིན་གྱི་འོས་བསྡུའི་ལས་རིམ་ཁག་དབུ་འཛུགས་གནང་ཡོད་པ་དང་། སྐབས་དེར་བོད་མི་མང་སྤྱི་འཐུས་ཀྱི་འཐུགས་བཞེས་བཞིན་པ་དོན་གྲུབ་བཀྲིས་ལགས་ལ་ས་གནས་མི་མང་གི་ངོས་ནས་རྒྱབ་སྐྱོར་ཤུགས་ཆེ་གནང་ཐོག་དངོས་གཞིའི་འོས་མི་གཉིས་ཀྱི་ཁོངས་སུ་ཚུད་པ་མ་ཟད་ཕྱི་ཟླ་ ༡༢ ཚེས་ ༢༦ ཉིན་དངོས་གཞིའི་འོས་བསྡུའི་ལས་རིམ་ཁྲོད་སྤྱི་འཐུས་དོན་གྲུབ་བཀྲ་ཤིས་ལགས་ལ་འོས་གྲངས་ ༡༡༡༨ ཐོབ་ནས་ལ་སྤྱིར་འོས་བདེམས་བྱུང་ཡོད།ད་ཆ་ལ་དྭགས་ཀྱི་ལ་སྤྱི་གསར་རྙིང་གི་རྩིས་སྤྲོད་རྩིས་ལེན་གྱི་ལས་རིམ་གནང་བཞིན་པ་དང་བསྟུན། དེ་རིང་རླུང་འཕྲིན་ཁང་གིས་སྤྱི་འཐུས་དོན་གྲུབ་བཀྲ་ཤིས་ལགས་སུ་ཞལ་པར་བརྒྱུད་དེ་འབྲེལ་བཀའ་འདྲི་ཁག་ཅིག་ཞུས་པར་ཁོང་གིས་ཁོང་རང་ཉིད་ཟླ་བ་འདིའི་ཕྱི་ཚེས་ ༡༧ ཉིན་ཚོགས་དྲུང་ལས་ཁུངས་སུ་ཆེད་བཅར་གྱིས་སྤྱི་འཐུས་ཀྱི་ལས་གནས་ནས་དགོངས་པ་ཞུས་དོན་ལྟར་ཕྱི་ཚེས་ ༢༠ ཉིན་བཀའ་འཁྲོལ་ཐོབ་ཡོད་པ་གསུངས་སོང་།   དེ་བཞིན་སྤྱི་འཐུས་ཀྱི་ལས་གནས་ནས་དགོངས་པ་ཞུས་ཏེ་ལ་དྭགས་སུ་ལ་སྤྱིའི་ཐུགས་འགན་བཞེས་རྒྱུའི་དགོངས་པ་དེ་ནི་གཙོ་བོ་ལོ་ཤས་ནང་དུ་རྒྱ་གར་གཞུང་གིས་ལ་དྭགས་རང་སྐྱོང་གི་གནས་བབས་གནང་བའི་གནས་སྟངས་ཁྲོད་ས་གནས་མི་མང་རྣམས་ནས་ཉམས་མྱོང་ལྡན་པའི་ལ་སྤྱི་ཞིག་དགོས་པ་སོགས་ཀྱི་རེ་བ་ཆེན་པོ་གནང་བཞིན་པའི་གནས་སྟངས་སྤྱི་དང་སྒོས་མི་མང་ལ་སྨན་པའི་ཞབས་ཞུ་བསྒྲུབ་ཐུབ་ན་མཐོ་གོ་ས་དང་མིང་རྐྱང་ལ་གནད་ཆེར་མ་དགོངས་ནས་ལ་སྤྱིར་བཞེངས་པ་ཡིན་སྐོར་གསུངས་ཡོད།རྩ་བའི་དོན་གྲུབ་བཀྲ་ཤིས་ལགས་དེ་སྔ་སྐབས་གསུམ་པའི་ལ་སྤྱིའི་ཐུགས་འགན་བཞེས་མྱོང་ཡོད་པ་དང་། ཕྱི་སུ་ཕྱི་ལོ་ ༢༠༡༦ ལོར་སྲིད་སྤྱི་གཉིས་ཀྱི་འོས་བསྡུ་ཆེན་མོའི་ནང་ལ་མཉམ་ཞུགས་གནང་སྟེ་དབུས་གཙང་ཆོལ་ཁའི་ཁོངས་ནས་སྐབས་ ༡༦ པའི་བོད་མི་མང་སྤྱི་འཐུས་སུ་བསྐོ་གཞག་བྱུང་སྟེ་ལོ་ལྔའི་རིང་སྤྱི་འཐུས་ཀྱི་ཐུགས་འགན་བཞེས་ཡོད་པ་རེད། དེ་རྗེས་སླར་འདི་ལོ་ ༢༠༢༡ ལོའི་སྲིད་སྤྱི་གཉིས་ཀྱི་འོས་བསྡུའི་ཆེན་མོའི་ནང་དབུས་གཙང་ཆོལ་ཁོངས་ནས་འོས་གྲངས་ ༡༠༡༠༨ ཐོབ་ཏེ་སྤྱི་འཐུས་སུ་འདེམས་ཐོན་བྱུང་ཡོད།དོན་གྲུབ་བཀྲིས་ལགས་སྤྱི་འཐུས་ནས་དགོངས་པ་ཞུས་པའི་དབང་གིས་དབུས་གཙང་ཆོལ་ཁའི་སྤྱི་འཐུས་ཀྱི་སྒུག་ཐོ་དང་པོ་བསྟན་འཛིན་ཆོས་འཛིན་ལགས་ཆགས་ཀྱི་ཡོད་སྟབས་ཁོང་སྐབས་ ༡༧ པའི་བོད་མི་མང་སྤྱི་འཐུས་སུ་བསྐོ་གཞག་གནང་གི་ཡོད་པ་རེད།

ཡུ་རོབ་མཐུན་ཚོགས་ཀྱིས་རྒྱལ་སྤྱིའི་ཚོང་ལས་ལྷན་ཚོགས་སུ་རྒྱ་ནག་ཁྲིམས་གཏུགས།

དེ་ཡང་གཟའ་འཁོར་སྔོན་མའི་རེས་གཟའ་ཕུར་བའི་ཉིན། ཡུ་རོབ་མཐུན་ཚོགས་ཀྱིས་རྒྱ་ནག་གིས་དབྱེ་འབྱེད་རང་བཞིན་གྱི་རྒྱལ་སྤྱིའི་ཚོང་ལས་ལག་བསྟར་བྱེད་ཀྱི་ཡོད་པ་དང་འབྲེལ་ནས། WTO ཞེས་པའི་རྒྱལ་སྤྱིའི་ཚོང་ལས་ལྷན་ཚོགས་སུ་རྒྱ་ནག་གི་བྱེད་བབ་དང་འབྲེལ་བའི་ཚོང་དོན་གྱོད་གཞིའི་ཁྲིམས་གཏུགས་བྱེད་འགོ་ཚུགས་འདུག ཡུ་རོབ་མཐུན་ཚོགས་ཀྱིས། རྒྱ་ནག་གིས་ Baltic མངའ་ཁུལ་གྱིས་ཐེ་ཝན་དང་མཉམ་དུ་འབྲེལ་ལམ་གཏིང་ཟབ་ཏུ་བཏང་བ་དང་འབྲེལ་ནས་རྒྱ་ནག་གིས་ཁུལ་དེའི་ལི་ཐོ་ཎི་ཡ་རྒྱལ་ཁབ་དང་མཉམ་དུ་ཚོང་འབྲེལ་ཡོད་ཚད་བཀག་སྡོམ་བྱས་པར་ ཡུ་རོབ་མཐུན་ཚོགས་ཀྱིས་རྒྱ་ནག་གིས་དབྱེ་འབྱེད་རང་བཞིན་གྱི་ཚོང་ལས་ལག་བསྟར་བྱེད་ཀྱི་ཡོད་པར་ངོས་འཛིན་གྱིས་རྒྱལ་སྤྱིའི་ཚོང་ལས་ལྷན་ཚོགས་སུ་ཁྲིམས་གཏུགས་བྱས་ཡོད་འདུགདེ་ཡང་ཡུ་རོབ་མཐུན་ཚོགས་ཀྱི་ཚོང་ལས་ཀྱི་གཙོ་འཛིན།  སྐུ་ཞབས Valdis Dombrovskis ལགས་ཀྱིས་འགྲེལ་བརྗོད་བྱས་པའི་ནང་དུ། གཞི་རྩའི་རྒྱལ་སྤྱིའི་ཚོང་ལས་ལྷན་ཚོགས་ལ་གྱོད་དོན་ཞུ་གཏུགས་བྱེད་རྒྱུ་དེ་ནི་ང་ཚོ་ལས་སླ་བོ་ཞིག་ལ་ངོས་འཛིན་བྱེད་བཞིན་མེད་ཀྱང་། རྒྱལ་ཁབ་ཕྱོགས་གཉིས་ཀྱིས་ཐེངས་མང་པོ་ཚོང་འབྲེལ་གྱི་གྱོད་དོན་དེ་ཞི་འགྲིག་ཐུབ་ཐབས་སུ་འབད་བརྩོན་བྱས་ཀྱང་གྲུབ་འབྲས་མ་བྱུང་བས།  ད་ནི་རྒྱལ་སྤྱིའི་ཚོང་ལས་ལྷན་ཚོགས་སུ་ཞུ་སྐུལ་གྱིས་རྒྱ་ནག་དང་འབྲེལ་བའི་གྱོད་དོན་དེ་ཞི་འཇགས་ཡོང་ཐབས་སུ་སྐུལ་མ་གནང་རྒྱུ་ལས་ལྷག་མེད་པ་ཞིག་ཡིན་པར་མངོན་གསལ་གནང་འདུག གཞན་ཡང་ཁོང་གིས། ཡུ་རོབ་མཐུན་ཚོགས་ནི་ཚོང་ར་གཅིག་གི་ངོ་བོར་གནས་ཡོད་པ་དང་རྒྱལ་སྤྱིའི་ཚོང་ལས་ལྷན་ཚོགས་ཀྱི་ཁྲིམས་སྒྲིག་དང་འགལ་བའི་བྱ་སྤྱོད་ལ་ཐུག་སྐབས་ཀྱང་ཡུ་རོབ་མཐུན་ཚོགས་ཀྱིས་གནད་དོན་དེར་མཉམ་མཐུན་གྱིས་ཁ་གཏད་གཅོག་རྒྱུ་ཡིན་ལུགས་ངོ་སྤྲོད་ཀྱིས། ཚོང་ལས་ཀྱི་ཁྲིམས་སྒྲིག་རྩ་གཏོར་བྱིན་པ་དེ་ཡིས་ཡུ་རོབ་མཐུན་ཚོགས་ཀྱི་ཚོང་རའི་གཅིག་སྒྲིལ་ལ་ཉེན་ཁ་སྤྲད་པ་ཞིག་ཡིན་སྟབས་ཕྱི་འབྲེལ་གྱི་མི་སྣ་བརྒྱུད་ནས་གནད་བབ་དེ་གང་མགྱོགས་ཞི་འཇགས་ཡོང་ཐབས་གནང་དགོས་བར་སྐུལ་འདུགཡུ་རོབ་ལྷན་ཚོགས་ཀྱི་རྒྱལ་སྤྱིའི་ཚོང་ལས་ལྷན་ཚོགས་ཀྱི་སྐུ་ཚབ་པས་ཚོང་ལས་ལྷན་ཚོགས་སུ་དང་ཁ་གཏད་ཀྱི་རྒྱ་ནག་སྐུ་ཚབ། Li Chenggang ལགས་སུ་ཡི་གེ་བཏང་བའི་ནང་དུ། པེ་ཅིང་གིས་ལི་ཐོ་ཎི་ཡའི་ཚོང་ལས་ནང་འདྲེན་དང་རྒྱ་ནག་གི་ཅ་དངོས་ཕྱིར་འདྲེན་སོགས་ཡོངས་སུ་བཀག་སྡོམ་བྱས་ཡོད་པ་ཞིག་ཡིན་པར་འཁོད་ཡོད་པ་མ་ཟད། རྒྱ་ནག་གིས་ལི་ཐོ་ཎི་ཡ་དང་འབྲེལ་བའི་ཚོང་ལས་དང་ཞབས་ཞུའི་རིགས་བཀག་སྡོམ་བྱས་པའི་ཁྲོད།  ཡུ་རོབ་མཐུན་ཚོགས་བརྒྱུད་པའི་ཚོང་ལས་ལ་ཡང་དོ་ཕོག་འགྲོ་བཞིན་ཡོད་པར་མངོན་གསལ་གནང་འདུག རྒྱ་ནག་གིས་ཡུ་རོབ་མཐུན་ཚོགས་ཀྱི་གྱོད་དོན་དེ་དང་འབྲེལ་ནས་གནད་དོན་དེ་ནི་རྒྱ་ནག་དང་ལི་ཐོ་ཎི་ཡ་གཉིས་བར་གྱི་གནད་དོན་ཞིག་ཡིན་པར་འགྲེལ་བརྗོད་ཀྱིས། ཡུ་རོབ་མཐུན་ཚོགས་ཀྱིས་གནད་དོན་དེར་ཐེ་གཏོགས་མི་བྱེད་རྒྱུའི་ཉེན་བརྡ་བཏང་ཡོད་པ་དང་། རྒྱ་ནག་གིས་ལི་ཐོ་ཎི་ཡ་དང་འབྲེལ་བའི་ཚོང་འབྲེལ་བྱེད་ཕྱོགས་དེ་ནི་རྒྱ་ནག་གི་ཚོང་ལས་ཀྱི་འདོད་མོས་ཡིན་པ་ལས་གནད་དོན་གཞན་དང་འབྲེལ་བ་ཡོད་པར་ཁས་ལེན་བྱས་མེད་ཀྱང་ཡུ་རོབ་ལྷན་ཚོགས་ཀྱིས་རྒྱ་ནག་གི་འགྲེལ་བརྗོད་བྱེད་སྟངས་དེར་ངོས་ལེན་གནང་མེད་པ་རེད་འདུགགཞི་རྩའི་ཡུ་རོབ་མཐུན་ཚོགས་ཀྱིས་རྒྱ་ནག་གིས་ཡུ་གུར་ཁ་ཆེ་མི་མང་ངལ་རྩོལ་བསྒྱུར་བཀོལ་བྱས་པའི་གནད་དོན་དང་འབྲེལ་ནས་རྒྱ་ནག་གི་འབྲེལ་ཡོད་དཔོན་རིགས་ཁག་ཅིག་ཡུ་རོབ་ཏུ་འགྲོ་སྐྱོད་མི་ཆོག་པའི་ཁྲིམས་ཀྱི་ཉེས་ཆད་བཅད་པ་དང་བསྟུན་ནས་རྒྱ་ནག་གིས་ཀྱང་ཡུ་རོབ་ཀྱི་དཔོན་རིགས་ཁག་ཅིག་རྒྱ་ནག་གི་ནང་དུ་ཡོང་མི་ཆོག་པའི་བཀའ་རྒྱ་བསྒྲགས་ཡོད་པ་དང་བསྟུན་ནས།  ཡུ་རོབ་མཐུན་ཚོགས་དང་རྒྱ་ནག་གཉིས་ཀྱི་བར་དུ་ཚོང་དོན་གྱི་གན་རྒྱ་མང་པོ་ཞིག་དུས་ལྟར་འཇོག་མ་ཐུབ་པར་རང་སོར་ལྷག་ཡོད་པ་རེད།

རེས་གཟའ་ཉི་མ། ༢༠༢༢།༠༡།༣༠

ཉན་པ།: Listen ཕབ་ལེན། Download བོད་ཀྱི་བེུད་ལེ་ཚན། ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་འགན་འཛིན་རྡོ་རྗེ་སྐྱིད་ལགས་དང་གླེང་མོལ། Sunday 30/01/2022 Women of Tibet: Dorji Kyi, Director of Lha Charitable Trust

རེས་གཟའ་སྤེན་པ། ༢༠༢༢།༠༡།༢༩

ཉན་པ།: Listen ཕབ་ལེན། Download རྒྱ་ནག་གི་དགུན་དུས་ཨོ་རྩལ་དང་བོད་མིའི་ལས་འགུལ། Saturday 29/01/2022 Beijing Olympics and Exile Tibetan’s Appeal

རེས་གཟའ་པ་སངས། ༢༠༢༢།༠༡།༢༨

ཉན་པ།: Listen ཕབ་ལེན། Download རྒྱ་ནག་གཞུང་གིས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་གཙོ་འཛིན་་ཤིང་ཅང་དུ་གདན་ཞུ། རྒྱལ་སྤྱིའི་ཚོགས་སྡེ་ཁག་ ༢༤༣ གྱིས་པེ་ཅིང་གི་དགུན་དུས་ཨོ་རྩལ་འགྲན་ཚོགས་ལ་ངོ་རྒོལ། དང་བླང་དགེ་རྒན་ཞིག་ལ་རྒྱ་གར་གྱིས་ཆེ་བསྟོད་ཀྱི་གཟེངས་རྟགས་ཕུལ་འདུག ཨམ་བྷ་ལའི་བོད་མིའི་ཁྲོམ་སར་མེ་སྐྱོན་ཁྲོད་འབུམ་དགུ་བཅུ་གོ་བརྒྱད་ལྷག་གི་གྱོང་གུད། ༸སྐྱབས་རྗེ་ཡོངས་འཛིན་མཆོག་སྤྲུལ་གླིང་རིན་པོ་ཆེ་མཆོག་སེངྒ་ལར་ཆིབས་བསྒྱུར། Friday 28/01/2022 UN human rights chief allowed to visit Xinjiang after Olympics Beijing winter Olympics: 243 global groups call for action on rights concerns Tibetan youth felicitated for voluntary social service in Miao, Arunachal Tibetan sweater sellers in Ambala incur loss of over 98 lac INR in recent fire incident Ling Rinpoche visits Sri Lanka, meets its Supreme Patriarch Kyabjé Dodrupchen Rinpoche passes away, in state of ‘Thudam’

རྒྱ་གཞུང་གིས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་གཙོ་འཛིན་ཤིན་ཅང་དུ་ཕེབས་རྒྱུའི་གདན་ཞུ།

རྒྱ་ནག་གཞུང་ངོས་ནས་ཡུལ་དེའི་ནང་ཚོགས་རྒྱུའི་ཨོ་རྩལ་འགྲན་ཚོགས་ཀྱི་རྗེས་སམ། འདི་ལོའི་ལོ་དཀྱིལ་དུ་མཉམ་འབྲེལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་གཙོ་འཛིན་ལྕམ་སྐུ་ Michelle Bachelet ལགས་ཤིན་ཅང་དུ་བསྐྱོད་རྒྱུའི་ཆོག་མཆན་ཕུལ་ཡོད་པའི་གནས་ཚུལ་ཐོན་འདུགདེ་རིང་ལྷོ་རྒྱ་ནག་གི་ཞོགས་པའི་ཆ་འཕྲིན་གསར་ཤོག་ཐོག་གནས་ཚུལ་ཐོན་པར་གཞིགས་ན། ལྕམ་སྐུ་ Michelle Bachelet ལགས་ཀྱིས་ཕྱི་ལོ་༢༠༡༨ ལོ་ནས་བཟུང་ཤིན་ཅང་ཁུལ་དུ་སྐུ་ཚབ་ཚོགས་པ་ཞིག་ཆེད་གཏོང་བྱེད་རྒྱུར་གྲ་སྒྲིག་བྱས་པ་ལྟར། རྒྱ་ནག་གཞུང་གིས་འདི་ལོའི་ཟླ་བ་ ༤ བའི་ཚེས་ ༢༠ རྗེས་སམ། པེ་ཅང་གི་ཨོ་རྩལ་འགྲན་ཚོགས་མཇུག་སྒྲིལ་རྗེས་ལྕམ་སྐུ་མཆོག་གི་སྣེ་ཁྲིད་འོག་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་ཆེས་མཐོའི་སྐུ་ཚབ་ཚོ་ཁག་ཤིན་ཅང་གི་ནང་དུ་ཆེད་ཕེབས་གནང་རྒྱུའི་ཆོག་མཆན་ཕུལ་ཡོད་པ་དེ་ལྟར་ཡང་། ཐེངས་འདིའི་སྐོར་སྐྱོད་དེ་ནི་ཕན་ཚུན་གྲོགས་པའི་མཛའ་བརྩེའི་ངང་ནས་ཆེད་ཕེབས་གནང་རྒྱུ་ཡིན་པ་ལས་དམིགས་བསལ་གྱི་རྟོག་ཞིབ་ཀྱི་ངོ་བོའི་ཐོག་ནས་ཕེབས་རྒྱུ་མིན་པར་བསྒྲགས་འདུག མ་ཟད་དེ་རིང་པེ་ཅིང་དུ་ཚོགས་པའི་གསར་འགོད་ལྷན་ཚོགས་ཤིག་གི་ཐོག རྒྱ་ནག་གི་ཕྱི་སྲིད་ལས་ཁུངས་ཀྱི་མགྲིན་ཚབ་པས། རྒྱ་ནག་གཞུང་གི་ངོས་ནས་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་ལ་ལྕམ་སྐུ་མཆོག་རིང་མིན་ཤིན་ཅང་གཙོ་བྱས་པའི་རྒྱ་ནག་གི་ས་ཁུལ་ཁག་ཏུ་ཆེད་ཕེབས་གནང་རྒྱུར་གདན་ཞུ་ཕུལ་ཟིན་པ་དང་། ད་ལྟའི་ཆར་ཕྱོགས་གཉིས་དབར་གནད་དོན་དེའི་སྐོར་འབྲེལ་བ་བྱེད་མུས་ཡིན་པར་བརྗོད་འདུག རྩ་བའི་ཐེངས་འདིར་རྒྱ་ནག་གཞུང་གིས་རྒྱལ་ཚོགས་ལ་ཕུལ་བའི་གདན་ཞུ་དེ་ནི་ད་ལྟའི་ཆར་སུད་སི་ཇཱ་ནི་ཝ་གྲོང་ཁྱེར་ནང་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་ལྷན་ཚོགས་ ༤༦ པ་དེ་འཚོགས་བཞིན་པའི་ཁྲོད་ཕུལ་བ་ཞིག་ཡིན་པ་དང་། བརྒྱུད་ལམ་ཁག་གཅིག་ཏུ་ཐོན་པའི་འབྲེལ་ཡོད་གནས་ཚུལ་ཞིག་གི་ནང་གསལ་ལྟར་ན། རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ནས་རིང་མིན་ཤིན་ཅང་དང་འབྲེལ་བའི་སྙན་ཐོ་ཞིག་འདོན་འཆར་ཡོད་ཀྱང་། རྒྱ་ནག་གཞུང་ནས་ཐེངས་འདིའི་ཨོ་ལམ་སྤིག་རྩེད་འགྲན་མ་འཚོགས་གོང་དུ་སྙན་ཐོ་དེ་འདོན་སྤེལ་གནང་རྒྱུ་མེད་པའི་གནོན་ཤུགས་སྤྲད་ཡོད་པ་རེད་འདུག སྤྱིར་ཕྱི་ལོ་ ༢༠༠༨ ལོའི་པེ་ཅིང་ཨོ་ལམ་སྤིག་རྩེད་འགྲན་སྐབས་བཞིན། ཐཻངས་འདིའི་པེ་ཅིང་གི་དགུན་དུས་ཨོ་ལམ་སྤིག་རྩེད་འགྲན་གྱི་སྔ་རོལ་དུ་རྒྱ་ནག་ནང་གི་ཆེས་ཞན་པའི་འགྲོ་བ་མིའི་ཐོབ་ཐང་གི་གནས་སྟངས་ཐོག་སླར་ཡང་རྒྱལ་སྤྱིའི་ཁྲོད་དོ་སྣང་དང་བགྲོ་གླེང་ཡོང་བཞིན་པའི་ཁྲོད། ཨ་རི་གཙོས་པའི་རྒྱལ་ཁབ་མང་དག་ཅིག་གིས་རྒྱ་ནག་གིས་ཡུ་གུར་མི་རིགས་རྩ་གཏོར་གྱི་སྲིད་བྱུས་ལག་བསྟར་བྱེད་བཞིན་ཡོད་པར་འགྲེལ་བརྗོད་ཀྱིས་འདི་ལོའི་རྩེད་འགྲན་སྐབས་གཞུང་འབྲེལ་སྐུ་ཚབ་གཏོང་རྒྱུ་མིན་པར་ཐག་གཅོད་གནང་ཡོད་པ་རེད།འགྲོ་བ་མིའི་ཐོབ་ཐང་ལྟ་ཞིབ་ཚོགས་པའི་རྒྱ་ནག་སྡེ་ཚན་གྱི་ངེས་སྟོན་པ་ Sophie Richardson ལགས་ཀྱིས་Reuters གསར་སྤེལ་ཁང་ལ་ཡིག་ལམ་ནས་འགྲེལ་བརྗོེད་གནང་བའི་ནང་དུ། རྒྱལ་སྤྱིའི་སྣེ་འདྲེན་གྱི་རྒྱལ་ཁབ་ཁག་གི་འགྲོ་བ་མིའི་ཐོབ་ཐང་གི་ཕྱི་འབྲེལ་གྱི་སྐུ་ཚབ་མི་སྣ་རྣམས་རྒྱ་ནག་གིས་ཡུ་གུར་ཁ་ཆེ་མི་རིགས་ལ་དམིགས་པ་སོགས་ཀྱི་མཚོན་པའི་འགྲོ་བ་མིའི་རིགས་ལ་བསགས་པའི་ནག་ཉེས་ལས་གཡོལ་ཐབས་ཀྱི་བསླུ་བྲིད་འོག་ཏུ་ཚུད་རྒྱུ་མེད་པར་བརྗོད་འདུག གཞི་རྩའི་རྒྱ་ནག་གི་དམར་ཤོག་སྲིད་གཞུང་གི་འོག་ཏུ་ཡོད་པའི་གྲངས་ཉུ་མི་རིགས་ཀྱི་ས་ཁུལ་སོ་སོར་འགྲོ་བ་མིའི་ཐོབ་ཐང་གི་གཙོ་བྱས་པའི་སྐད་ཡིག་དང་ཆོས་ལུགས་དད་མོས་ལ་རྡོག་རོལ་ཆེས་ཆེར་ཐེབས་བཞིན་པ་ཡོངས་གྲགས་ཡིན་པ་ལྟར། སྔར་ལོ་ཨོ་གླིང་དུ་རྟེན་གཞི་བྱས་པའི་ཨོ་གླིང་གི་འཐབ་བྱུས་ལྟེ་གནས་ཁང་(ASPI) གིས་ཟུང་སྐར་བརྒྱུད་བླངས་པའི་པར་རིས་དང་། གཞུང་འབྲེལ་ཡིག་ཆ། དེ་བཞིན་ཕྱི་རྒྱལ་དུ་བྲོས་བྱོལ་དུ་སོང་བའི་ཡུ་གུར་རྣམས་ཀྱི་དངོས་བྱུང་མྱོང་བ་ཁག་ལ་གཞིར་བཟུང་སྟེ་ཞིབ་འཇུག་བྱས་ནས་སྙན་ཐོ་ཞིག་བཏོན་པའི་ནང་དུ། རྒྱ་ནག་གཞུང་གིས་ཡུ་གུར་འདུས་སྡོད་ཆེ་སའི་ཤིན་ཅང་ཁུལ་དུ་ཉུང་མཐར་བཀག་སྐྱིལ་ཁང་ཆེ་ཆུང་མི་འདྲ་བ་ ༣༨༠ ལྷག་འཛུགས་སྐྲུན་བྱས་ཏེ། མི་མང་བཀག་སྐྱིལ་དང་བསམ་བློ་བཅོས་སྒྱུར་བྱེད་བཞིན་ཡོད་པ་མངོན་གསལ་གནང་ཡོད་པ་རེད།

Latest news