Monthly Archives: February, 2022

ཉན་པ།: Listen ཕབ་ལེན། Download གྲོས་མོལ་བརྒྱུད་ཡུ་ཀེ་རེན་ནང་དུ་ཞི་བདེ་སླར་གསོ་གནང་དགོས་པར་བཀའ་སྩལ་མཛད་པ། ༸གོང་ས་མཆོག་གིས་རང་དབང་ནི་ཡར་རྒྱས་གོང་འཕེལ་གྱི་གཞི་རྩ་ཡིན་པར་བཀའ་སྩལ་བ། དབྱིན་ཡུལ་གྲོས་ཚོགས་སུ་རྒྱ་ནག་གིས་བོད་མིའི་ཆོས་རིག་རྩ་གཏོར་གཏོང་བཞིན་པའི་གླེང་སློང་། ལོ་གསར་གྱི་ཚེས་གཅིག་ནས་སླར་ཡང་ཐེག་ཆེན་ཆོས་གླིང་གཙུག་ལག་ཁང་སྒོ་ཕྱེ་རྒྱུ། རྒྱལ་ཚོགས་ཀྱི་ལྷན་ཚོགས་དང་བསྟུན་བོད་མི་ཚོས་ངོ་རྒོལ་གྱི་ལས་འགུལ་སྤེལ་བ། དམིགས་བསལ་ལས་རིམ། བོད་ཆོལ་ཁ་གསུམ་གྱི་དགུ་གཏོར་ངོ་སྤྲོད། Monday 28/02/2022 HHDL saddened by conflict in Ukraine, hopes for swift restoration of peace through dialogue Freedom is foundation for development: HHDL to Enes Kanter Freedom Tibet issue raised in British Parliament; UK urged to address rights abuses in Tibet ‘Thekchen Choeling’ to be reopened from Losar, temple closed for almost 2 years Tibetans hold protest against China as UNHRC opens 49th regular session Losar Feature: Introduction to ‘Gutor’

ཟླ་བ་འདིའི་ཕྱི་ཚེས་ ༢༤ ཉིན་ཨུ་རུ་སུའི་སྲིད་འཛིན་ Vladimir Putin གྱིས་ཁྱིམ་མཚེས་རྒྱལ་ཁབ་ Ukraine ལ་དྲག་པོའི་དམག་དཔུང་བཏང་སྟེ་བཙན་འཛུལ་གྱིས་ད་ཆ་ཡུ་ཀེ་རེན་ནང་དམག་འཁྲུག་གི་གོད་ཆག་ཆེན་པོ་འཕྲད་བཞིན་པ་དང་བསྟུན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ཡུ་ཀེ་རན་གྱི་གནས་སཏྔས་ལ་ཐུགས་ཕམ་དང་སྦྲགས་ཏེ། གྲོས་མོལ་བརྒྱུད་ཡུ་ཀེ་རེན་ནང་ཞི་བདེ་སླར་གསོ་གནང་དགོས་པའི་གསུང་འཕྲིན་ཤིག་སྩལ་འདུག༸གོང་ས་མཆོག་གི་གསུང་འཕྲིན་ནང་། ད་ལྟ་ཡུ་ཀེ་རེན་ནང་དུ་ངལ་བ་འཕྲད་བཞིན་པའི་དམག་འཁྲུག་གི་ དོན་རྐྱེན་དེར་མགོན་པོ་༸གང་ཉིད་མཆོག་ཐུག་ཕམ་ཆེན་པོ་བྱུང་ཞེས་བཀའ་སྩལ་བ་དང་སྦྲགས། ང་ཚོ་འཛམ་གླིང་འདིའི་ཐོག་གཅིག་ལ་གཅིག་བརྟེན་གྱི་ཐོག་ནས་གནས་དགོས་སྟབས། རྒྱལ་ཁབ་ཕྱོགས་གཉིས་ཀྱི་དམག་འཁྲུག་དོན་རྐྱེན་དེས་འཛམ་གླིང་སྤྱིར་ལྡོག་ཏུ་མེད་པའི་ཤུགས་རྐྱེན་ཐེབས་བཞིན་ཡོད་པ་དང་ལྷག་པར་དུ་དམག་འཁྲུག་ཞེས་པ་ནི་དུས་ཚོད་ཡོལ་ཟིན་པའི་ཐབས་ལམ་ཞིག་ཡིན་སྟབས། འཚེ་མེད་ཞི་བའི་ཐབས་ལམ་ཁོ་ནའི་ཐོག་ནས་འགྲོ་བ་མི་གཅིག་འགྱུར་གི་བསམ་བློ་གོང་འཕེལ་དང་འཛམ་གླིང་འདི་བཞིན་ཞི་བདེ་ལྡན་པ་ཞིག་ཡོང་ཐུབ་ངེས་རེད་ཅེས་བཀའ་སྩལ་འདུགམགོན་པོ་༸གང་ཉིད་མཆོག་གིས་ཕྱོགས་ཕན་ཚུན་དབར་གྱི་བདེ་དོན་གཞི་རྩར་བཞག་ནས་ཆེ་མཐོང་དང་བསམ་ཤེས་ལྡན་པའི་ཐོག་གྲོས་མོལ་གནང་ཐུབ་ཚེ་དོན་དམ་པའི་ཞི་བདེ་ཡོང་ངེས་ཡིན་སྟབས། རྒྱལ་ཁབ་ཕན་ཚུན་དབར་མ་མཐུན་པའི་ཆ་དང་དཀའ་ངལ་རིགས་གང་ཡོད་ཀྱང་ཀྱང་གྲོས་མོལ་གྱི་ལམ་ནས་སེལ་ཐབས་གནང་རྒྱུ་ནི་ཐབས་ལམ་བཟང་ཤོས་དེ་ཡིན་པ་དང་། འདས་ཟིན་པའི་དུས་རབས་ ༢༠ ནི་དམག་འཁྲུག་དང་མི་གསོད་ཁྲག་སྦྱོར་གྱིས་དུས་རབས་ཤིག་ཆགས་ཡོད་ཀྱང་། ང་ཚོའི་རེ་བ་ནམ་ཡང་མ་དོར་བར་ད་ལྟའི་དུས་རབས་ ༢༡ འདི་བཞིན་གྲོས་མོལ་གྱི་དུས་རབས་ཤིག་ལ་ངེས་པར་དུ་ངོས་འཛིན་གནང་དགོས་པའི་ལམ་སྟོན་སྩལ་བ་དང་ཆབས་ཅིག ཡུ་ཀེ་རེན་ལ་མགྱོགས་མྱུར་ཞི་བདེ་སླར་གསོ་ཐུབ་པའི་ཐུགས་སྨོན་མཛད་འདུགདེ་བཞིན་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་མཆོག་གིས་ཕྱི་ཚེས་ ༢༥ ཉིན་འཕྲུལ་སྒྲ་ཐོག་ཨུ་རུ་སུས་ཡུ་ཀེ་རེན་ནང་དུ་བཙན་འཛུལ་བྱེད་བཞིན་པའི་གནས་སྟངས་འདིས་དེ་སྔ་ ༡༩༥༠ ལོར་རྒྱ་ནག་གིས་བོད་ལ་བཙན་འཛུན་བྱས་པའི་གནས་སྟངས་དེ་བསྐྱར་དུ་དྲན་གསོ་བྱས་ཡོད་པར་འགྲེལ་བརྗོད་དང་འབྲེལ་ཏེ། འཚེ་བའི་ལམ་ལ་བསྐྱོད་རྒྱུ་དེ་ནི་འགྲོ་བ་མི་ཞིག་གི་གནང་སྟངས་མིན་པར་མ་ཟད་དེ་ནི་ད་ལྟའི་དུས་ཚོད་དང་མི་མཐུན་པའི་བྱེད་སྟངས་ཤིག་ཀྱང་རེད་ཅེས་གསུངས་པ་དང་ལྷན་ཅིག་ཏུ་ཡུ་ཀེ་རེན་ལ་གང་མགྱོགས་ཞི་བདེ་སླར་གསོ་གནང་དགོས་པར་གསུངས་འདུགགཞི་རྩའི་ད་ཆ་ཨུ་རུ་སུས་ཡུ་ཀེ་རེན་ནང་དུ་དྲག་པོའི་བཙན་འཛུལ་བྱས་ནས་ཉི་མ་ལྔ་ཙམ་འགྲོ་བ་བཞིན་པའི་ཁྲོད་འདིར་ཨུ་རུ་སུའི་ཕྱོགས་ནས་ཡུ་ཀེ་རེན་གྱི་གྲོང་ཁྱེར་ཁག་ཅིག་ཏུ་དངོས་སུ་འབར་རྫས་དང་གོ་མཚོན་གྱི་ལམ་ནས་གཏོར་རྒོལ་ཚབས་ཆེན་བཏང་བར་བརྟེན་ཡུ་ཀེ་རེན་གྱི་མི་སེར་འབུམ་བཞི་ལྷག་ Poland དང་ Slovakia དེ་བཞིན་ Hungary སོགས་ཉེ་འཁོར་ཁྱིམ་མཚེས་རྒྱལ་ཁབ་ཁག་ཏུ་སྐྱབས་བཅོལ་ལ་ཕྱིན་ཡོད་ཀྱང་། ཡུ་ཀེ་རེན་གྱི་སྲིད་འཛིན་སྐུ་ཞབས་ Volodymyr Zelenskyy ལགས་ཀྱིས་གཙོས་པའི་ཡུལ་དེའི་དམག་མི་དང་དང་བླངས་མི་སེར་མང་དག་ཅིག་ཨུ་རུ་སུའི་དམག་དཔུང་ལ་འགོག་རྒོལ་གྱི་རྒྱལ་ཁབ་སྲུང་སྐྱོབ་གནང་དང་གནང་མུས་ཡིན་པ་དང་། བརྒྱུད་རིམ་དེའི་ཁྲོད་འདས་གྲོངས་སུ་གྱུར་བའི་གྲངས་ཐོ་ཁ་གསལ་མེད་ཀྱང་བརྒྱུད་ལམ་ཁག་གིས་གནས་ཚུལ་སྤེལ་བར་ད་བར་དོན་རྐྱེན་དེའི་ཁྲོད་ཡུ་ཀེ་རེན་གྱི་སེར་ ༦༠༠ ལྷག་དང་ཨུ་རུ་སུའི་དམག་མི་དང་ལས་མི་ ༣༥༠༠ ལྷག་གི་ཚེ་སྲོག་ཤོར་ཡོད་པར་གསུང་བཞིན་འདུགཨུ་རུ་སུས་ཡུ་ཀེ་རེན་ལ་དྲག་པོའི་བཙན་འཛུལ་བྱེད་བཞིན་པའི་གནད་དོན་དང་འབྲེལ་ཏེ་ཨ་རི་དང་ཁེ་ན་ཌ་གཙོས་ཡུ་རོབ་མཐུན་ཚོགས་རྒྱལ་ཁབ་ཁག་གིས་ཨུ་རུ་སུ་ལ་ཚོང་དང་ཆབ་སྲིད་ཀྱི་འབྲེལ་ལམ་སོགས་ཀྱི་ཐོག་ཉེས་ཆད་སྣ་ཚོགས་བཏང་དང་གཏོང་མུས་་ཡིན་པ་མ་ཟད། རྒྱལ་སྤྱིའི་མང་ཚོགས་ཁྲོད་ལ་ཨུ་རུ་སུའི་དྲག་པོའི་བྱ་སྤྱོད་ལ་ངོ་རྒོལ་དང་ཡུ་ཀེ་རེན་གྱི་མི་སེར་ཚོར་གདུང་སེམས་མཉམ་བསྐྱེད་ཡོད་པ་སོགས་ཀྱི་ལས་འགུལ་སྤེལ་མཁན་མང་དག་ཅིག་འདུག་ལ། ཨོ་སི་ཀྲོ་ལི་ཡའི་ཁེན་བྷིར་རཱ་དང་ཝི་ཊོ་རི་ཡ་ སོགས་སུ་སྤེལ་བའི་ལས་འགུལ་ཁག་ཅིག་ལ་ས་གནས་བོད་མི་ཁག་ཅིག་མཉམ་ཞུགས་དང་སྦྲགས། ང་ཚོ་བོད་མི་ཚོས་རང་གི་རྒྱལ་ཁབ་ཕྱིའི་རྒྱལ་ཁབ་ཅིག་གིས་བཙན་དབང་གིས་བཙན་བཟུང་བྱས་པའི་གནས་སྟངས་དེ་ཤེས་ཀྱི་ཡོད། དེར་བརྟེན་ད་རེས་ཡུ་ཀེ་རེན་ལ་བྱུང་བའི་དོན་རྐྱེན་ལ་གདུང་སེམས་མཉམ་བསྐྱེད་དང་ངལ་བ་དེ་ཞི་བར་སྨོན་ལམ་རྒྱག་བཞིན་ཡོད་ཅེས་སོགས་ཀྱི་མཆན་བཀོད་འདུག་མ་ཟད། ཁག་ཅིག་གིས་ངོ་དེབ་དང་སྤྱི་ཚོགས་དྲ་རྒྱའི་ཐོག་ཡུ་ཀེ་རེན་མི་མང་ལ་གདུང་སེམས་མཉམ་བསྐྱེད་མཚོན་ཆེད་ད་རེས་བོད་ཀྱི་ལོ་གསར་སྲུང་བརྩི་ཞུ་ཡི་མིན་ཞེས་ཡིག་པར་བཀོད་མཁན་བྱུང་ཡོད།

ཁ་ཉིན། དབྱིན་ཡུལ་གྱི་འདི་ལོའི་དགུན་དུས་ཀྱི་གྲོས་ཚོགས་ཀྱི་དབུས་སུ། དབྱིན་ཡུལ་གྲོས་ཚོགས་འཐུས་མི་སྐུ་ཞབས Navendu Mishra ལགས་ཀྱིས་བོད་དོན་གླེང་སློང་བྱས་ཏེ་རྒྱ་ནག་གིས་བོད་ནང་གི་འགྲོ་བ་མིའི་ཐོབ་ཐང་དང་བོད་ཀྱི་ཆོས་རིགས་རྩ་གཏོར་གཏོང་གི་ཡོད་པར་མངོན་གསལ་གནང་འདུག དེ་ཡང་དབྱིན་ཡུལ་གྱི་གྲོང་ཆེར་ Manchester གྱི་ཁོངས་གཏོགས་ཀྱི་གྲོང་བརྡལ་ Stockport ཡི་གྲོས་ཚོགས་འཐུས་མི་ Navendu Mishra ལགས་ཀྱིས་སྔར་ལོ་ཁོང་དབྱིན་ཡུལ་ཁུལ་གྱི་བོད་ཀྱི་དོན་གཅོད་ཁང་ལ་ཆེད་བཅར་ཞུས་ཡོད་པ་ལུང་འདྲེན་གྱིས། སྐབས་དེར་ཁོང་གིས་རྒྱ་ནག་བོད་ཀྱི་ཐུན་མོང་མ་ཡིན་པའི་རིག་གཞུང་དང་ཆོས་ལུགས། དེ་བཞིན་སྐད་ཡིག་གི་ངོ་བོ་སོགས་རྩ་གཏོར་གཏོང་གི་ཡོད་པའི་ཐད་ནས་ཤེས་གཏོགས་བྱུང་ཡོད་པར་གསུངས་ཏེ་དབྱིན་ཡུལ་གྱི་ངོས་ནས་གནད་དོན་དེར་རྟོག་ཞིབ་གནང་དགོས་བའི་སྐུལ་མ་གནང་འདུག ཁོང་གིས་སྐབས་དེར། རྒྱ་ནག་གིས་མི་ལོ་བདུན་ཅུའི་སྔོན་ལ་བོད་ས་བཙན་བཟུང་བྱས་པ་ནས་བཟུང་བོད་ནང་དུ་དྲག་གནོན་བྱེད་འགོ་ཚུགས་ཏེ་ཕྱི་ལོགས་ཀྱི་མི་རྣམས་ཀྱིས་བོད་མིའི་གནས་སྟངས་ལ་རྒྱུས་ལོན་བྱེད་ཐབས་མེད་པར་གྱུར་ནས་མུ་མཐུད་དུ་དྲག་གནོན་བྱེད་བཞིན་པ་ཞིག་ཡིན་པ་མ་ཟད། ད་ཆ་རྒྱ་ནག་གིས་བོད་ནང་དུ་སྐད་གཉིས་སློབ་གསོ་ཟེར་བ་ལག་བསྟར་གྱིས་བོད་མི་རྣམས་ལ་སྔར་ལྷག་དྲག་གནོན་བྱེད་བཞིན་པ་མ་ཟད། བོད་ཁུལ་དུ་བཅའ་སྡོད་སློབ་གྲྭ་ཆེད་འཛུགས་ཀྱིས་བོད་ཕྲུག་སློབ་མ་འབུམ་དགུ་ལྷག་ཕ་མ་དང་ཁ་བྲལ་བཏང་སྟེ་རྒྱ་ནག་གིས་ཆེད་འཛུགས་ཀྱི་བཅའ་སྡོད་སློབ་གྲྭ་ཁག་ཏུ་གཏོང་གི་ཡོད་པ་དེ་ཡིས་བོད་མིའི་སྐད་ཡིག་སྦྱང་བརྩོན་གྱི་སྲིད་བྱུས་ལ་མུ་མཐུད་དུ་དམ་དྲག་བྱེད་མུས་ཡིན་པར་གསུངས་འདུག གཞན་ཡང་ཁོང་གིས། རྒྱལ་སྤྱིའི་བོད་དོན་ལས་འགུལ་ཁང་གིས་སྔར་ལོ་གནས་ཚུལ་སྤེལ་བའི་ནང་དུ། རྒྱ་ནག་གིས་བོད་ནང་དུ་སྐད་ཡིག་རྒྱ་སྒྱུར་གྱི་སྲིད་བྱུས་དང་འབྲེལ་ནས། བོད་རིགས་སློབ་མ་གཉིས་ཀྱིས་དེར་འབྲེལ་གྱི་དགོངས་ཚུལ་གསུངས་པ་འབྲེལ་ནས་རྒྱ་ནག་གིས་འཛིན་བཟུང་བྱས་ཡོད་པར་འཁོད་པ་མ་ཟད། བོད་རིགས་དགེ་རྒན་ཞིག་ཀྱང་རྒྱ་ནག་གིས་སློབ་གྲྭ་བཙན་དབང་གིས་སྒོ་རྒྱག་ཏུ་བཅུག་པ་དང་འབྲེལ་ནས་འཛིན་བཟུང་བཙན་ཁྲིད་བྱས་ཡོད་པའི་གནས་ཚུལ་ལུང་འདྲེན་གྱིས། ཁོང་གིས་ཟླ་བ་སྔོན་མའི་ནང་དུ་ཡང་དབྱིན་ཡུལ་གྲོས་ཚོགས་སུ་ཡང་དེར་འབྲེལ་གྱི་གནད་དོན་གླེང་སློང་གིས་དབྱིན་ཡུལ་གྱི་བློན་ཆེན་ལས་ཁུངས་ཁག་གིས་རྒྱ་ནག་དང་ལྷན་དུ་བོད་མིའི་སློབ་ཕྲུག་ཁག་རྒྱ་ནག་གི་བཅའ་སྡོད་སློབ་གྲྭར་གཏོང་བཞིན་པའི་ཐད་ནས་གླེང་སློང་བྱེད་དགོས་བའི་འབོད་སྐུལ་གནང་ཡོད་ཀྱང་ད་བར་དེར་འབྲེལ་གྱི་ཡ་ལན་མ་བྱུང་བར་བློ་ཕམ་ཡོད་ཅེས་གསུངས་འདུག ཁོང་གིས་དབྱིན་ཡུལ་གྱི་བློན་ཆེན་ལས་ཁུངས་ཁག་གིས་རྒྱ་ནག་དང་ལྷན་དུ་རྒྱ་ནག་གིས་བོད་ཕྲུལ་སློབ་མ་རྣམས་བཙན་དབང་གིས་བཅའ་སྡོད་སློབ་གྲྭར་གཏོང་བཞིན་པའི་གནད་དོན་དེར་གླེང་སློང་བྱེད་དགོས་བར་སྐུལ་བ་མ་ཟད། རྒྱ་ནག་གིས་བོད་ཀྱི་སྐད་ཡིག་ཙམ་མིན་པར། བོད་ནང་གི་དགོན་པ་གྲྭ་ཚང་ཁག་ལ་ཡང་དམ་དྲག་བྱེད་བཞིན་པ་མངོན་གསལ་གནང་སྟེ། རྒྱ་ནག་གིས་བོད་མི་རྣམས་ཀྱི་གཙོ་བྱས་པའི་མི་མང་གི་འགྲོ་བ་མིའི་ཐོབ་ཐང་ལ་བརྩི་བཀུར་ཞུ་དགོས་བའི་འབོད་སྐུལ་གནང་འདུག གཞན་ཡང་ཁོང་གིས། རྒྱ་ནག་གི་སྲིད་འཛིན་ཞི་ཅིན་ཕིང་གི་འགོ་ཁྲིད་ཀྱི་འོག་ཏུ། བོད་བརྒྱུད་ནང་བསྟན་དེ་རྒྱ་ནག་གི་རྒྱ་སྒྱུར་བྱེད་ཐབས་ལ་ཤུགས་སྣོན་བྱེད་བཞིན་པ་ལུང་འདྲེན་གྱིས། ཉེ་ཆར་ཁམས་བྲག་མགོ་ཁུལ་ནས་སྟོན་པའི་སྐུལ་བརྙན་དང་རྗེ་བཙུན་བྱམས་མགོན་གྱི་སྐུལ་བརྙན་སོགས་རྩ་གཏོར་བཏང་བ་མ་ཟད། ཁུལ་དེའི་བོད་མི་རྣམས་ལ་དྲག་གནོན་བྱས་པ་སོགས་ཀྱི་གཙོ་བྱས་པའིི་བོད་མི་རྣམས་ཀྱི་དད་མོས་རང་དབང་ལ་དོ་ཕོག་གཏོང་གི་ཡོད་པའི་ཁྲོད། གཞིས་ལུས་བོད་མི་རྣམས་ཀྱིས་༸གོང་ས་སྐྱབས་མགོན་ཆེན་པོ་མཆོག་བོད་ནང་དུ་ཕྱིར་ཆིབས་སྒྱུར་བསྐྱང་རྒྱུའི་མངོན་འདོད་ཕྱི་ལ་སྟོན་པའམ། ཡང་མགོན་པོ་གང་གི་སྐྱེས་སྐར་ལ་གཞས་ཀྱི་མཆོད་པ་ཕུལ་བ་ཙམ་གྱིས་འཛིན་བཟུང་དམ་དྲག་བྱེད་བཞིན་པ་སོགས་དང་འབྲེལ་ནས། ད་ཆ་བོད་ཁུལ་གྱི་དགོན་པ་གྲྭ་ཚང་ཁག་ཡོངས་ལ་རྒྱ་ནག་གིས་སྟངས་འཛིན་དོ་དམ་ནན་པོ་བྱེད་བཞིན་པ་ཡང་མངན་གསལ་གནང་སྟེ།་དབྱིན་ཡུལ་གྱི་བློན་ཆེན་རྣམས་ཀྱིས་གནད་དོན་དེར་ངེས་བར་དུ་རྟོག་ཞིབ་གནང་དགོས་བའི་སྐུལ་མ་ཞུས་འདུག

བཞུགས་སྒར་དུ་རྟེན་གཞི་བྱས་པའི་ཐེག་ཆེན་ཆོས་གླིང་དགེ་རྩ་ཚོགས་པས་དེ་རིང་ཟླ་ ༢ ཚེས་ ༢༨ ཉིན་གཉུག་མར་གནས་པ་དང་གློ་བུར་དུ་ལྷགས་པའི་སེར་སྐྱ་མང་ཚོགས་ཀུན་ལ་ཡོངས་གསལ་ཤིག་གནང་བར་གཞིགས་ན། བོད་རྒྱལ་ལོ་ ༢༡༤༩ རབ་གནས་ཆུ་སྟག་ལོའི་གནམ་ལོ་གསར་བཞད་ཀྱི་ཚེས་གཅིག་སྟེ། ཕྱི་ལོ་ ༢༠༢༢ ཟླ་ ༣ ཚེས་ ༣ ཉིན་གྱི་སྔ་ཚོུད་ ༡༠ ཐོག་ལ་མང་ཚོགས་རྣམ་པ་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་མཆོད་མཇལ་ལ་བཅར་འཐུས་ཆོག་གི་འདུག འོན་ཀྱང་རྒྱ་ནག་ནས་ཆེས་ཐོག་མར་ཁྱབ་གདལ་བྱུང་བའི་གཉན་རིམས་དེ་རྒྱལ་སྤྱིའི་ཁྱོན་དུ་དུས་ད་ལྟའང་གཙང་དྲག་བྱུང་མེད་སྟབས། རང་གཞན་ཀུན་གྱི་འཕྲོད་བསྟེན་ལ་དགོངས་བཞེས་གནང་གལ་ཆེ་བས། མཆོད་མཇལ་ཞུ་མཁན་སྐབས་ངེས་པར་དུ་ཁ་རས་གྱོན་དགོས་པ་དང་སྤྱི་ཚོགས་རྒྱང་བཀྱེད་བསྟེན་དགོས་པ། དེ་བཞིན་ལག་པ་གཙང་འཁྲུ་དང་དུག་སེལ་གནང་རྒྱུ་བཅས་དགོངས་དགོས་པའི་གཞེན་སྐུལ་གནང་འདུགཤེས་རྟོགས་བྱུང་བར་ལོ་གསར་གྱི་ཚེས་གཅིག་གི་སྔ་དྲོར་བོད་མིའི་སྒྲིག་འཛུགས་ཀྱི་དྲུང་འཕར་ཡན་གྱི་སྲི་ཞུ་བ་རྣམས་ཚང་འཛོམས་ཐོག་༸དཔལ་ལྡན་འདོད་ཁམས་དབང་ཕྱུག་མའི་ཚེས་གཏོར་གནང་རྒྱུ་དང་། སྔ་དྲོའི་ཕྱག་ཚོད་ ༡༠ པ་རྗེས་ནས་དངོས་སུ་དད་ལྡན་མང་ཚོགས་རྣམས་ལ་ཐེག་ཆེན་ཆོས་གླིང་གཙུག་ལག་ཁང་དུ་མཆོད་མཇལ་ཞུ་བར་གཏང་གཏན་ཁེལ་འདུགགཞི་རྩའི་རྒྱ་ནག་ཝུ་ཧན་གྲོང་ཁྱེར་ནས་ཐོག་མར་མཆེད་པའི་ཏོག་དབྱིབས་ནད་རིམས་དེ་འཛམ་གླིང་ས་གནས་གང་སར་ཁྱབ་གདལ་ཆེས་ཆེར་འགྲོ་བཞིན་པའི་དུས་སྐབས་སུ། ཧི་མཱ་ཅལ་ཀང་ར་རྫོང་དཔོན་གྱིས་ཕྱི་ལོ་ ༢༠༢༠ ཕྱི་ཟླ་ ༣ ཚེས་ ༡༦ ཉིན་རྫོང་འདིའི་ནང་ཁྲིམས་གཞི་ ༡༤༤ དགོངས་དོན་བཞིན་རྫོང་ནང་མི་ལྔ་དང་ལྔ་ལས་མང་བ་འདུ་འཛོམས་མི་ཆོག་པའི་བཀོད་ཁྱབ་བཏང་དོན་ལྟར། ལོ་དེའི་ཕྱི་ཟླ་ ༣ ཚེས་ ༡༧ ཉིན་ནས་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་མང་ཚོགས་ནས་མཆོད་མཇལ་ཞུ་རྒྱུ་དེ་རེ་ཞིག་མཚམས་འཇོག་གནང་དོན་ལྟར་ད་བར་སྒོ་བརྒྱབ་ནས་བཞག་ཡོད་པ་རེད།

ཉེ་ལམ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨ་རིའི་སིལ་སྤོལ་རྩེད་མཁན་གྲགས་ཅན་སྐུ་ཞབས་ Enes Kanter Freedom ལགས་ལ་དམིགས་བསལ་མཇལ་ཁ་སྩལ་སྐབས་མགོན་པོ་༸གང་ཉིད་མཆོག་གིས་རང་དབང་ནི་ཡར་རྒྱས་གོང་འཕེལ་གྱི་གཞི་རྩ་རེད་ཅེས་ལམ་སྟོན་མཛད་འདུགཕྱི་ཟླ་ ༢ ཚེས་ ༢༣ ཉིན་༸གོང་ས་མཆོག་གིས་སྐུ་ཞབས་ Enes Kanter ལགས་སུ་དྲ་ལམ་བརྒྱུད་མཇལ་ཁ་སྩལ་བའི་སྐོར་སྐུ་ཞབས་ཁོང་ནས་སྒེར་གྱི་ངོ་དེབ་ཐོག་ཡོངས་གྲགས་གནང་ཡོད་པ་དང་ཁ་སྔོན་ཕྱི་ཚེས་ ༢༦ ཉིན་དམིགས་བསལ་མཇལ་ཁ་སྐབས་བཀའ་སློབ་གང་གནང་ཡོད་པའི་བརྙན་པར་ཕྱིར་བསྒྲགས་གནང་འདུག  ༸གོང་ས་མཆོག་གིས་སྐུ་ཞབས་ Enes Kanter ལགས་ཀྱི་སྟོད་ཐུང་ཐོག་ Freedom འམ་རང་དབང་ཞེས་བྲིས་པ་དེ་ལྗགས་ཀློག་མཛད་སྐབས་ཁོང་གིས་མགོན་པོ་མཆོག་ལ་འདི་ངའི་མིང་མཐའ་མ་རེད། འཛམ་གླིང་གི་འགྲོ་བ་མི་ཚང་མས་རང་དབང་དོན་དུ་རྩོད་ཀྱི་ཡོད་ཅེས་ཞུས་མ་ཐག་ཏུ་༸གོང་ས་མཆོག་གིས་རང་དབང་ནི་ཡར་རྒྱས་གོང་འཕེལ་གྱི་གཞི་རྩ་ཡིན་ཞིང་། རང་དབང་མེད་ན་གཞན་གྱི་བཀའ་སྒུག་ལས་ཡར་རྒྱས་གོང་འཕེལ་གྱི་རྣམ་པ་ཡོང་གི་མེད། འགྲོ་བ་མིར་ལེགས་ཉེས་བླང་དོར་འབྱེད་པའི་རྣམ་དཔྱོད་ལྡན་ཡོད་པ་མ་ཟད་རྣམ་དཔྱོད་དེ་སྤྱོད་པར་རང་དབང་ནི་ཆེས་གནད་ཆེ་ཡིན་ཅེས་བཀའ་སྩལ་ཡོད།དེ་བཞིན་ Enes Kanter ལགས་ཀྱིས་ཁོང་ནི་༸གོང་ས་༸སྐྱབས་མགོན་ཆེན་པོ་མཆོག་ལྟར་བཙན་བྱོལ་བ་ཞིག་ཡིན་པ་དང་རང་ཉིད་ཀྱི་པཱ་ལགས་ཆབ་སྲིད་བཙོན་ཟུར་ཞིག་དང་ཁོང་གི་ངོས་ནས་ཊར་ཀི་མང་ཚོགས་ཀྱི་འགྲོ་བ་མིའི་ཐོབ་ཐང་རྡོག་རོལ་དང་ཆབ་སྲིད་བཙོན་པ་རྣམས་ཀྱི་སྐོར་གོ་རྟོགས་སྤེལ་ཐབས་གནང་བཞིན་ཡོད་སྐོར་སྙན་སེང་ཞུས་ཡོད།  ལྷག་པར་ད་རེས་༸གོང་ས་མཆོག་དང་མཇལ་མོལ་ཞུ་རྒྱུའི་གོ་སྐབས་བྱུང་བར་ཧ་ཅང་དགའ་ཚོར་ཆེན་པོ་བྱུང་ཞེས་ཞུས་ཡོད་པ་རེད། མགོན་པོ་༸གང་ཉིད་མཆོག་གིས་སྐབས་དེར་གཞོན་སྐྱེས་ནི་འཛམ་གླིང་གི་མ་འོངས་པ་ཆགས་ཀྱི་ཡོད་པ་དང་སྒོས་དེང་དུས་ཀྱི་ཤེས་ཡོན་ལམ་ལུགས་ནང་རང་ཉིད་ཀྱི་རྒྱལ་ཁབ་སོགས་ལ་ཆེད་དམིགས་ཀྱི་བསམ་བློ་གུ་དོག་པོའི་དབང་སུ་མ་སོང་བར་འཛམ་གླིང་སྤྱིའི་ཐོག་དགོངས་པ་བཞེས་དགོས་གལ་ཡིན་པར་བཀའ་སྩལ་སོང་། མཇལ་མོལ་སྐབས་སྐུ་ཞབས་ Enes Kanter ལགས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་ལ་ཁོང་གི་ཆེད་ལས་ངོ་སྤྲོད་ཞུས་ཏེ་མགོན་པོ་༸གང་ཉིད་མཆོག་གི་སྐུ་རྩེད་མཉེས་ཤོས་གང་ཡིན་ནམ་ཞེས་བཀའ་འདྲི་ཞུས་པར་མགོན་པོ་༸གང་ཉིད་མཆོག་གིས་ཁུ་ཚུར་རྩལ་འགྲན་ལ་ཐུགས་མཉེས་པོ་ཡོད་སྐོར་བཀའ་སྩལ་འདུག  མཐའ་དོན་ Enes Kanter ལགས་ཀྱིས་རང་ཉིད་ཁ་ཆེ་བ་ཞིག་ཡིན་པ་དང་ཁ་ཆེ་ཚོར་བརྡ་ལན་གང་ཡོད་དང་དེ་བཞིན་ཊར་ཀིའི་གནས་སྟངས་སྐོར་འགྲེལ་བརྗོད་དང་སྦྲགས་༸གོང་ས་མཆོག་ནས་ཁོང་གི་ནང་མི་དང་ཊར་ཀི་མང་ཚོགས་ཆེད་ཐུགས་སྨོན་མཛད་རོགས་ཞེས་གསོལ་འདེབས་ཞུས་དོན་བཞིན་མགོན་པོ་༸གང་ཉིད་མཆོག་གིས་འཛམ་གླིང་གི་ཆོས་ལུགས་ཚང་མས་བྱམས་པ་དང་བརྩེ་བའི་བརྡ་ལན་གཅིག་མཚུངས་གནང་གི་ཡོད་པ་དང་སྒོས་སུ་རྒྱ་གར་ལྟ་བུའི་ནང་འཛམ་གླིང་གི་ཆོས་ལུགས་མང་དག་ཅིག་འཆམ་མཐུན་ངང་གནས་བཞིན་ཡོད་སྟབས་རྒྱལ་ཁབ་གཞན་ནས་རྒྱ་གར་གྱི་གནང་ཕྱོགས་ལས་སློབ་གསོ་བཞེས་དགོས་ཞེས་བཀའ་ལན་བཀྲིན་བ་མཛད་ཡོད་པ་མ་ཟད། ༸གོང་ས་ཆོག་གིས་འཛམ་གླིང་གི་ཆབ་སྲིད་དང་དཔལ་འབྱོར།  ཆོས་ལུགས་སོགས་ཀྱི་རྒྱུ་རྐྱེན་ལ་བརྟེན་ནས་མི་མཐུན་པ་ཡོང་བཞིན་པ་དེ་ལྟར་ནའང་ད་ཆ་འགྱུར་ལྡོག་འགྲོ་བཞིན་ཡོད་པ་དང་།  རྩ་བའི་ང་ཚོའི་དམིགས་ཡུལ་དངོས་ནི་འཛམ་གླིང་འདི་བདེ་ཞིང་སྐྱིད་ལྡན་པ་ཞིག་བསྐྲུན་པར་མཉམ་ལས་གནང་དགོས་ཞེས་ལམ་སྟོན་བཀྲིན་ཆེ་བ་སྩལ་ཡོད། སྐུ་ཞབས་ཨེ་ནེས་ཀེན་ཊར་ལགས་ནི་ཨ་རིའི་ NBA རྩེད་འགྲན་པ་ཆགས་ཀྱི་ཡོད་པ་དང་།  ཁོང་གིས་ཉེ་དུས་ནས་བཟུང་རྒྱ་གཞུང་དང་ཞི་ཅིན་ཕིང་ལ་སྐྱོན་བརྗོད་ཤུགས་ཆེ་གནང་ཡོད་སྟབས་ཁོང་གི་རྩེད་འགྲན་རྒྱ་ནག་ནང་རྒྱང་སྲིང་མི་ཆོག་པ་སོགས་ཀྱི་གནད་དོན་བྱུང་ཡོད། ལྷག་པར་དུ་ཁོང་ནས་རྩེད་འགྲན་པ་ཚོས་དངུལ་ཁོ་ནར་མ་བསམ་པར་སྐབས་རེ་སོ་སོ་ནས་ལངས་ཕྱོགས་བརྟན་པོ་གནང་གལ་རེད་ཅེས་གསུངས་ཡོད་པ་དང་།  ཁོང་འདི་ལོའི་ནོ་སྦེལ་ཞི་བདེའི་གཟེངས་རྟགས་ཀྱི་འོས་མི་ཁོངས་སུ་མཚན་འདོན་གནང་ཡོད་ལ་དེ་བཞིན་ Geneva Summit for Human Rights and Democracy ཞེས་རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་པ་ཁག་ ༢༥ ལས་གྲུབ་པའི་ལྷན་ཚོགས་ཀྱིས་ཁོང་ཕྱི་ལོ་ ༢༠༢༢ ལོའི་སྙིང་སྟོབས་ (Courage Award) གཟེངས་ཤིག་ཀྱང་གནང་གཏན་ཁེལ་ཡོད་པ་རེད། ཁོང་གིས་ཐེངས་འདིའི་མཇལ་མོལ་ཁྲོད་སླད་མར་མགོན་པོ་༸གང་ཉིད་མཆོག་ཁོང་ཉིད་ཀྱི་རྩེད་འགྲན་སྐབས་གདན་ཞུ་ཕུལ་རྒྱུ་ཡིན་སྐོར་ཞུས་ཡོད།

དེ་རིང་ཕྱི་ཚེེས་ ༢༨ ཉིན་ཇི་ནི་ཝར་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་ཆེན་ཐེངས་ ༤༩ དབུ་འཛུགས་གནང་ཡོད་པ་དང་བསྟུན་སུད་སི་དང་ལིག་ཏེན་སིཊཡན་བོད་རིགས་མི་མང་ཚོས་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་གཙོ་འཛིན་ལྕམ་སྐུ་ Michelle Bachelet མཆོག་ལ་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཇེ་ཞན་ཇེ་སྡུག་ཏུ་འགྲོ་བཞིན་པའི་གནད་དོན་ཐོག་མུ་མཐུད་ནས་ཁུ་སིམ་པོར་མ་བཞུགས་པར་ལྷན་ཚོགས་ཐོག་ངེས་པར་དུ་གསུངས་དགོས་ཞེས་དགོས་འདུན་ཕུལ་ཏེ་རྒྱལ་ཚོགས་མདུན་དུ་འདུ་འཛོམས་ཀྱིས་བོད་ཀྱི་རྒྱལ་དར་རྒྱ་ནག་གཞུང་གིས་བོད་ནང་འགྲོ་བ་མིའི་ཐོབ་ཐང་རྡོག་རོལ་མཚམས་འཇོག་དགོས་པ་སོགས་ཀྱི་འབོད་ཚིག་འཁོད་པའི་ཤོག་བྱང་བསྣམས་ངོ་རྒོལ་སྐད་འབོད་ཀྱི་ལས་འགུལ་སྤེལ་སོང་།ལས་འགུལ་ཐོག་སུད་སི་བོད་ཀྱི་སྐུ་ཚབ་དོན་གཅོད་ཁང་གི་ལས་བྱེད་དང་སུད་སི་དང་ལིག་ཏེན་སིཊཡན་བོད་རིགས་མི་མང་། ས་གནས་གཞུང་འབྲེལ་མིན་པའི་སྐུ་ཚབ། དེ་བཞིན་བོད་དོན་རྒྱབ་སྐྱོར་བ་བཅས་མཉམ་ཞུགས་གནང་ཡོད་པ་རེད།སྤྱིར་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་ཆེན་ཐེངས་ ༤༩ པ་དེ་ཕྱི་ཟླ་ ༢ ཚེས་༢༨ ནས་ཟླ་ ༤ ཆེས་ ༡ བར་ཚོགས་ཀྱི་ཡོད་པ་དང། ད་ལན་གྱི་ལྷན་ཚོགས་དང་བསྟུན་སུད་སི་དང་ལིག་ཏེན་སིཊཡན་བོད་རིགས་མི་མང་ནས་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་གཙོ་འཛིན་ལྕམ་སྐུ་ Michelle Bachelet མཆོག་གི་མཚན་ཐོག་ལ་རྒྱ་གཞུང་གིས་ཉེ་ཆར་ཁམས་བྲག་མགོར་སྟོན་པའི་སྐུ་བརྙན་གཏོང་བཤིག་བཏང་བའི་གནད་དོན་དང་། བོད་མིའི་སྐད་ཡིག་དང་ངོ་བོ་རྩ་མེད་བཟོ་ཆེད་བོད་ཁུལ་དུ་བཅའ་སྡོད་སློབ་གྲྭ་རྒྱ་སྐྱེད་སྲིད་བྱུས་སྤེལ་བཞིན་པའི་སྐོར། བོད་ནང་གི་བོད་མིའི་ཆོས་ཕྱོགས་ཀྱི་གནང་སྒོ་ཁག་ལ་མུ་མཐུད་དམ་དྲག་དང། བོད་མིའི་འགྲོ་བ་མིའི་ཐོབ་ཐང་སྲུང་སྐྱོབ་པ་བཙོན་འཇུག་ཁྲིམ་ཐག་བཅད་པ་སོགས། བོད་ནང་དུ་བཞུགས་པའི་བོད་མིའི་འགྲོ་བ་མིའི་ཐོབ་ཐང་གི་གནས་སྟངས་མུ་མཐུད་ནས་ཇེ་སྡུག་ཏུ་འགྲོ་བཞིན་ཡོད་སྐོར་འཁོད་པའི་ཞུ་སྙན་ཞིག་ཕུལ་བ་དང་འབྲེལ། རྒྱལ་ཚོགས་ཀྱི་གཙོ་འཛིན་མཆོག་ནས་མུ་མཐུད་བོད་ཀྱི་གནད་དོན་ཐོག་ཁུ་སིམ་པོར་བཞུགས་པའི་ཉེས་ལས་ཀྱིས་རྒྱ་གཞུང་ལ་བོད་ནང་འགྲོ་བ་མིའི་ཐོབ་ཐང་རྡོག་རོལ་གཏོང་རྒྱུར་སྙིང་རྗེ་མེད་པར་འགྱུར་བཞིན་ཡོད་སྟབས་ལྷན་ཚོགས་སྐབས་གཙོ་འཛིན་མཆོག་གིས་བོད་ཀྱི་གནད་དོན་ཐོག་ངེས་པར་དུ་གསུངས་དགོས་ཞེས་དགོས་འདུན་ཕུལ་ཡོད་པ་རེད།

ཉན་པ།: Listen ཕབ་ལེན། Download བོད་ཀྱི་ལོ་གསར་གྱི་ལོ་རྒྱུས་དང་སྡེར་ཁའི་ངོ་སྤྲོད། Sunday 27/02/2022 Introduction to ‘Losar’ and ‘Derkha’ Offering

ཉན་པ།: Listen ཕབ་ལེན། Download སྐབས་ ༡༧ པའི་བོད་མི་མང་སྤྱི་འཐུས་རྣམས་ཀྱི་གཞུང་འབྲེལ་འཚམས་གཟིགས་ཐེངས་དང་པོ་གནང་ཟིན་པའི་སྤྱི་འཐུས་ཁག་ཅིག་ལ་བཀའ་འདྲི། Saturday 26/02/2022 17th TPiE members’ first visitation program: Discussion

ཉན་པ།: Listen ཕབ་ལེན། Download ཕྱི་དྲིལ་བཀའ་བློན་དང་དྲུང་ཆེས་ཨ་རིར་བོད་དོན་དམིགས་བསལ་འབྲེལ་མཐུད་པ་དང་མཇལ་མོལ་གནང་བ། རྒྱ་གཞུང་གིས་ཨུ་རུ་སུས་ཡུཀ་རེན་ལ་དྲག་རྒོལ་བྱས་པ་དེ་བཙན་འཛུལ་མ་རེད་ཅེས་བརྗོད་པ། ཆབ་སྲིད་བརྩོན་ཟུར་ངག་དབང་རྒྱལ་མཚན་ལགས་ལྷ་སའི་སྨན་རྩིས་ཁང་དུ་སྙིང་ནད་རྐྱེན་གྱིས་འདས་གྲོངས། གཞུང་ཆེན་རིགས་གཅིག་རྐང་འཛིན་སྐབས་གཉིས་པའི་སློབ་གཉེར་བའི་དཔྱད་རྩོམ་ལ་དཔྱད་ཞིབ་དང་ངག་རྒྱུགས་ཀྱི་མཛད་སྒོ་ཚོགས་པ། པེ་ཅིང་ཨོ་རྩལ་བྱས་རྗེས་དངོས་ནི་ལས་འགུལ་བ་ཚང་མ་ཆིག་སྒྲིལ་ཐུབ་པ་དེ་ཆགས་ཡོད། གསོ་བཅུད་ཁང་དང་འགོག་དབྱེ་ཟུར་འཇོག་ཁང་སོགས་ཕྱིར་བསྡུ། Friday 25/02/2022 DIIR Kalon and Secretary meets Uzra Zeya in Washington DC Russia military op against Ukraine not "Invasion", term "Prejudiced": China Uniting campaigners will remain as the true legacy of Beijing winter Olympics: Rights group New information on political prisoner Ngawang Gyaltsen, in state of ‘Thukdam’ Second Batch Buddhist Studies Research Program Sikyong meets specialists pursuing Buddhist studies