Tibetan Royal Year of 2151 | Year of the Wood Dragon

ARCHIVE

Monthly Archives: May, 2022

རེས་གཟའ་སྤེན་པ། ༢༠༢༢།༠༥།༢༨

ཉན་པ།: Listen ཕབ་ལེན། Download ཨོས་ལོའི་རང་དབང་གླེང་སྟེགས། གཞོན་སྐྱེས་དང་བོད་དོན་འཐབ་རྩོད། Saturday 28/05/2022 Oslo Freedom Forum: Tibetan youth and Freedom struggle with Chemi Lhamo and Golog Jigmey

རེས་གཟའ་པ་སངས། ༢༠༢༢།༠༥།༢༧

ཉན་པ།: Listen ཕབ་ལེན། Download བོད་ཀྱི་ཆོས་རིག་གིས་རྒྱ་ནག་མི་མང་དུང་ཕྱུར་ཁ་ཤས་ཡོད་པ་ཚོར་ཧ་ཅང་ཕན་ཐོགས་ཆེན་པོ་བྱུང་ཡོད། རྒྱ་གར་གཞུང་གིས་བོད་རྒྱ་གྲོས་མོལ་ཡོང་བར་འབད་བརྩོན་གནང་དགོས། ཉི་ཧོང་གྲོས་ཚོགས་ཀྱི་ཚོགས་ཁང་དུ་༸པཎ་ཆེན་རིན་པོ་ཆེའི་གནད་དོན་དྲན་གསོ། རྒྱ་གཞུང་གིས་བོད་དང་ཤིན་ཅང་ནང་སྤེལ་བའི་བྱ་སྤྱོད་དེ་དག་རྒྱལ་ཚོགས་ཀྱི་རྩ་ཁྲིམས་དང་ཡོངས་འགལ། སུད་སིར་བོད་བསྟན་སྲིད་ཆེད་མ་ཧཱ་གུ་རུའི་འབུམ་ཚོགས་ཐེངས་བདུན་པ་དབུ་འཛུགས། Friday 27/05/2022 Tibetan Buddhism and Culture has the capability to benefit over a billion Chinese people: HHDL Indian Govt should help facilitate Sino-Tibet dialogue: Nirupama rao 27th years of Panchen Lama’s forced disappearance marked in Japan Parliament building China’s actions in Tibet and Xinjiang going against core tenets of UN Charter: Anthony Blinken: Swiss Tibetan held its 7th Bumtso prayer for Tibet.

སེམས་ཀྱི་ཞི་བདེ་སྐྲུན་མཁན་བོད་ཀྱི་ཆོས་རིག་གིས་རྒྱ་ནག་མི་མང་དུང་ཕྱུར་ཁ་ཤས་ཡོད་པ་ཚོར་ཧ་ཅང་ཕན་ཐོགས་ཆེན་པོ་བྱུང་ཡོད།

དེ་རིང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གིས་བཟོ་བསྐྲུན་གནང་བའི་སྨོན་ལམ་ཚིག་མཛོད་ཆེན་མོ་པོད་ ༢༢༣ གྱི་བདག་ཉིད་ཅན་དཔེ་དེབ་དང་ www.monlamdic.com ཞེས་པའི་ཚིག་མཛོད་ཆེན་མོའི་དྲ་རྒྱ་དབུ་འབྱེད་བཀའ་དྲིན་བསྐྱངས་པ་དང་འབྲེལ། རྒྱ་ནག་གཞུང་གིས་བོད་ཀྱི་ཆོས་དང་རིག་གཞུང་ལ་སྐྱོན་དུ་བལྟས་ནས་མེད་པར་བཟོ་ཐབས་དང་། ཐ་ན་བོད་ཡིག་སློབ་པ་ལའང་དམ་དྲག་བྱེད་བཞིན་ཡོད་ཀྱང་། དོན་དངོས་ཐོག་སེམས་ཀྱི་ཞི་བདེ་སྐྲུན་མཁན་བོད་ཀྱི་ཆོས་རིག་གིས་འཛམ་བུ་གླིང་སྤྱི་དང་སྒོས་རྒྱ་ནག་མི་མང་དུང་ཕྱུར་ཁ་ཤས་ཡོད་པ་ལ་དངོས་ཡོད་ཀྱིས་སེམས་ཀྱི་ཞི་བདེ་དང་། སྤྱི་ཚོགས་བག་ཕེབས་དང་ཞི་བདེ་ཡོང་བ་ལ་བོད་ཀྱི་ཆོས་དང་རིག་གཞུང་ཧ་ཅང་ཕན་ཐོགས་ཆེན་པོ་བྱུང་ཡོད་ཅེས་བཀའ་སྩལ་སོང་།དེ་རིང་ཕྱི་ཟླ་ ༥ ཚེས་ ༢༧ ཉིན་གཞུགས་སྒར་དུ་རྟེན་གཞི་བྱས་པའི་སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གི་གོ་སྒྲིག་འོག་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་སྨོན་ལམ་ཚིག་མཛོད་ཆེན་པོ་དང་འབྲེལ་བའི་མཛད་སྒོ་གཟབ་རྒྱས་ཤིག་ཚོགས་པའི་ཐོག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཆིབས་སྒྱུར་བཀྲིན་བསྐྱངས་ཏེ་སྨོན་ལམ་ཚིག་མཛོད་ཆེན་མོ་པོད་ ༢༢༣ གྱི་བདག་ཉིད་ཅན་དང་སྨོན་ལམ་ཚིག་མཛོད་ཆེན་མོའི་དྲ་རྒྱ་དབུ་འབྱེད་བཀའ་དྲིན་སྩལ་ཡོད།སྐབས་དེར་༸གོང་ས་༸སྐྱབས་མགོན་ཆེན་པོ་མཆོག་གིས་ང་ཚོ་བོད་གངས་ཅན་པའི་ཆོས་དང་རིག་གཞུང་ཧ་ཅང་གི་ཕྱུག་པོ་ཡིན་པ་མ་ཟད། བོད་ཀྱི་རིག་གཞུང་གིས་ཁ་ཡོད་ལག་ཡོད་ཀྱིས་མིའི་སེམས་ལ་ཞི་བདེ་སྤྲོད་ཐུབ་ཀྱི་ཡོད་ཅེས་བཀའ་སྩལ་བ་དང་། མགོན་པོ་༸གང་ཉིད་མཆོག་ལ་ཆ་མཚོན་ན་བོད་ཀྱི་རིག་གཞུང་ལ་སྦྱང་པའི་དགེ་སློང་ཞིག་ཆགས་ཡོད། གང་ལྟར་སོ་སོའི་ལུང་པར་བྲལ་ཏེ་བཙན་བྱོལ་ལ་སླེབས་ནས་དཀའ་ངལ་མང་པོ་ཞིག་འཕྲད་ཡོད་ཀྱང་སེམས་ཀྱི་ཞི་བདེ་དཀྲུགས་ཐུབ་ཀྱི་མི་འདུག་ལ། དེར་གནས་ཐུབ་ཡོད་པ་དེ་ང་ཚོའི་བོད་ཀྱི་ཆོས་དང་རིག་གཞུང་དང་གོམས་གཤིས་ལ་བརྟེན་ནས་བྱུང་བ་ཞིག་རེད་ཅེས་ལམ་སྟོན་སྩལ་སོང་།མགོན་པོ་མཆོག་གིས་བོད་མིའི་ངོས་ནས་བསམ་བློ་རྒྱ་ཆེ་ས་ནས་བཏང་སྟེ་མཐའ་གཅིག་ཏུ་རང་བཙན་རྩོད་ཀྱི་མེད་པ་དང་། རང་སྐྱོང་གི་མིང་ཐོག་ནས་བདག་པོ་ཡག་པོ་རྒྱག་ཐུབ་པ་ཞིག་དང་། དེའི་ཐོག་རྒྱ་ནག་ལ་ག་ཚོད་ཐུབ་ཐུབ་ཀྱིས་ཁྱབ་སྤེལ་གཏོང་ཐུབ་ན། འཛམ་གླིང་གི་མི་འབོར་ཆེ་ཤོས་ཀྱི་རྒྱལ་ཁབ་ནང་དུ་ང་ཚོའི་བྱམས་པ་དང་བརྩེ་བའི་ཤུགས་རྐྱེན་ཏན་ཏན་བྱུང་ཐུབ་པ་ཞིག་རེད། ཚང་མས་སེམས་ཤུགས་བསྐྱེད་ནས་གནང་ཤོག་ཅེས་ལམ་སྟོན་བཀའ་སློབ་བཀྲིན་ཆེ་བ་སྩལ་ཡོད།༸གོང་ས་མཆོག་གིས་སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གི་ལས་མི་ཡོངས་ལ་ཡི་རངས་བསྔགས་བརྗོད་མཛད་པ་དང་སྦྲགས་ཏེ། ཚིག་མཛོད་འདི་ལྟ་བུ་རྒྱ་ཡིག་ཏུ་བསྒྱུར་རྒྱུ་ཧ་ཅང་གལ་ཆེན་པོ་ཡིན་པར་ལམ་སྟོན་དང་། དང་ཐོག་རྒྱ་ནག་སྐམ་ས་ཆེན་མོར་ཐད་ཀར་གཏོང་མ་ཐུབ་ཀྱང་ཐེ་ཝན་དང་ཧོང་ཀོང་ལ་གཏོང་བའི་འབད་བརྩོན་གནང་དགོས་ཞེས་དང་། རྒྱ་མི་གུང་ཁྲན་གྱིས་བོད་ཀྱི་ཆོས་དང་རིག་གཞུང་དུག་རེད་ཟེར་བར་ཆོས་གང་འདྲ་ཡོད་པ་དང་། རིག་གཞུང་གང་འདྲ་ཡོད་པ་སྟོན་ཐུབ་པ་ཞིག་དང་། རིམ་བཞིན་རྒྱ་རིགས་སྤུན་ཟླ་ཚོས་ཤེས་ཐུབ་པ་ཞིག་བྱ་རྒྱུ་ཧ་ཅང་གལ་ཆེན་པོ་ཡིན་སྐོར་སོགས་ལམ་སྟོན་རྒྱ་ཆེར་མཛད་ཡོད།བོད་ཀྱི་ཁྱད་དུ་འཕགས་པའི་ཆོས་དང་རིག་གཞུང་གི་འབྱུང་ཁུངས་རྒྱ་གར་ཕགས་པའི་ཡུལ་དུ་དེང་སྐབས་ནུབ་ཕྱོགས་ཀྱི་དེང་དུས་ཤེས་ཡོན་དང་འཕྲུལ་ཆས་ཡག་པོ་ཡོད་སྟབས། རྒྱ་གར་བ་ཚོས་སྔ་མོའི་རིག་གཞུང་འདི་དང་དེ་རིང་ཁ་སང་གི་དངོས་པོ་ཡར་རྒྱས་གཉིས་པོ་ཟུང་འབྲེལ་ཐོག་ནས་གནང་ཐུབ་ཡག་ཡོད་སྐོར་དང་འབྲེལ། ༸སྐུའི་འཕྲོད་བཞེས་ཀྱི་གནས་ཚུལ་ཡག་པོ་བྱུང་སོང་ན་རིང་མིན་མགོན་པོ་མཆོག་རྒྱ་གར་གྱི་རྒྱལ་ས་ལྡི་ལིར་ཆིབས་བསྒྱུར་མཛད་དེ་ལྡི་ལི་བཙུག་ལག་སློབ་གྲྭ་ཁག་གི་དགེ་རྒན་རྣམས་དང་མཇལ་འཕྲད་མཛད་དེ་དེ་དག་ཐོག་བཀའ་བསྡུར་མཛད་འཆར་ཡོད་པར་བཀའ་སྩལ་སོང་།གཞི་རྩའི་དེ་རིང་གི་མཛད་སྒོ་ཐོག་དམིགས་བསལ་སྐུ་མགྲོན་དུ་༸དཔལ་ས་སྐྱ་གོང་མ་ཁྲི་ཆེན་རིན་པོ་ཆེ་མཆོག་དང་ས་སྐྱ་ཁྲི་འཛིན་ ༤༢ པ་དང་ ༤༣ པ། ཞྭ་དཀར་བསྟན་པའི་མངའ་བདག་༸སྐྱབས་རྗེ་རྒྱལ་བ་སྨན་རིའི་ཁྲི་འཛིན་སོ་བཞི་པ་མཆོག ༸སྐྱབས་རྗེ་གླིང་མཆོག་སྤྲུལ་རིན་པོ་ཆེ་མཆོག བཀའ་བློན་ཁྲི་ཟུར་༸སྐྱབས་རྗེ་ཟམ་གདོང་རིན་པོ་ཆེ་མཆོག དེ་བཞིན་བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་དབུས་པའི་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་བཅས་ཕེབས་གནང་འདུག ༸དཔལ་ས་སྐྱ་གོང་མ་ཁྲི་ཆེན་རིན་པོ་ཆེ་མཆོག་གིས་སྨོན་ལམ་ཚིག་མཛོད་ཆེན་མོའི་ཐོག་རྩོམ་སྒྲིག་པའི་ཕྱག་ལས་གནང་མཁན་ཆོས་བརྒྱུད་ཁག་གི་རྩོམ་སྒྲིག་པ་ ༡༡༣ སྐོར་ཞིག་ལ་གཟེངས་བསྟོད་ཕྱག་འཁྱེར་སྩལ་གནང་མཛད་སོང་།བཀའ་བློན་ཁྲི་ཟུར་༸སྐྱབས་རྗེ་ཟམ་གདོང་རིན་པོ་ཆེ་མཆོག་དང་གླིང་མཆོག་སྤྲུལ་རིན་པོ་ཆེ་མཆོག ༸སྐྱབས་རྗེ་རྒྱལ་བ་སྨན་རིའི་ཁྲི་འཛིན་སོ་བཞི་པ་མཆོག ༸དཔལ་ས་སྐྱ་ཁྲི་འཛིན་ ༤༣ པ་མཆོག་བཅས་ཀྱིས་སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གིས་གཙོ་སྐྱོང་དང་ཆོས་བརྒྱུད་གྲུབ་མཐའ་ཁག་དང་། ཤེས་ཡོན་སྡེ་ཚན་ཁག་མཉམ་འབྲེལ་གྱིས་རྩོམ་སྒྲིག་གནང་བའི་སྨོན་ལམ་ཚིག་མཛོད་ཆེན་མོ་པོད་ ༢༢༣ གྱི་བདག་ཉིད་ཅན་དང་ཚིག་མཛོད་ཆེན་མོའི་ལས་གཞི་སྤེལ་ཐུབ་པར་ཡི་རང་བསྔགས་བརྗོད་མཛད་ཡོད། བོད་ཀྱི་སྐད་ཡིག་འདི་ད་ལྟ་སའི་གོ་ལ་འདིའི་སྟེང་དུ་སྐད་ཡིག་ ༧༠༠༠ ལྷག་ཙམ་ཞིག་གསོན་གནས་ཡོད་པའི་ཁྲོད་ནས་ནང་པའི་ཆོས་དང་ནང་དོན་རིག་པའི་གཞུང་ལུགས་ཀྱི་རང་རྩོམ་དང་སྒྲ་སྒྱུར་གཉིས་ཀའི་ཐོག་ནས་གྲངས་འབོར་དང་སྤུས་ཚད་ཐོག་ནས་རྩེ་ཕུད་སོན་པ་དེ་བོད་ཀྱི་ཡིག་ཆགས་ཡོད་སྟབས། མ་འོངས་པར་ནང་པའི་གཞུང་ལུགས་ལ་གཟིགས་དགོས་ཚེ་བོད་སྐད་ལ་མ་བལྟ་ཐབས་མེད་དང་། བོད་སྐད་ཡག་པོ་ཤེས་པར་བོད་ཀྱི་ཚིག་མཛོད་འདི་ལྟ་བུར་བལྟ་དགོས་པ་ཞིག་ཆགས་པར་བརྟེན་མ་འོངས་པའི་མི་རབས་ཚོས་ལས་གཞི་འདིའི་རིགས་རྒྱུན་འཛིན་གལ་ཆགས་ཡོད་པ་སོགས་གསུངས་སོང་།བོད་མི་མང་སྤྱི་འཐུས་ཚོགས་གཙོ་མཆོག་དང་བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་བཅས་ཀྱིས་བོད་ནང་རྒྱ་ནག་གི་དྲག་གནོན་འོག་བོད་ཀྱི་སྐད་ཡིག་རྩ་མེད་གཏོང་ཐབས་བྱེད་བཞིན་པའི་ཁྲོད་ལས་གཞི་འདི་ཧ་ཅང་གི་གལ་གནད་ཆེན་པོ་ཆགས་ཡོད་སྐོར་སོགས་གསུངས་ཡོད།རྩ་བའི་དེ་རིང་དབུ་འབྱེད་གནང་བའི་སྨོན་ལམ་ཚིགས་འཛོད་ཆེན་མོ་དང་དྲ་རྒྱ་དབུ་བྱེད་གནང་བ་དེ་དག་གི་ཆེད་དུ་ཆོས་བརྒྱུད་ཁག་འདྲ་མིན་གྱི་མི་ ༢༠༠ ལྷག་གིས་ལོ་ངོ་ ༩ ཙམ་གྱི་རིང་ལ་རྩོམ་སྒྲིག་ཕྱག་ལས་གནང་ཡོད་པ་ལྟར་མཛད་སྒོའི་དངོས་གཞི་ཐོག་ཕེབས་ཐུབ་པ་མི་གྲངས་ ༡༡༣ བྱུང་འདུག

རྒྱ་གཞུང་གིས་བོད་དང་ཤིན་ཅང་ནང་སྤེལ་བའི་བྱ་སྤྱོད་དེ་དག་རྒྱལ་ཚོགས་ཀྱི་གཞི་རྩའི་ལྟ་གྲུབ་དང་འགལ་ཡོད་པར་གསུངས་འདུག

ཨ་རིའི་ཕྱི་སྲིད་དྲུང་ཆེ་སྐུ་ཞབས་ Antony Blinken མཆོག་གིས་བོད་དོན་ལ་རྒྱབ་སྐྱོར་བསྐྱར་ནན་དང་འབྲེལ་ཏེ་རྒྱ་གཞུང་གིས་བོད་དང་ཧོང་ཀོང་སོགས་ཀྱི་གནད་དོན་ནི་རྒྱལ་ཁབ་དེའི་ནང་སྲིད་ཀྱི་གནད་དོན་ཞིག་ཡིན་པར་འགྲེལ་བརྗོད་བྱེད་བཞིན་པ་ནི་ནོར་འཁྲུལ་ཡིན་སྐོར་གསུངས་པ་མ་ཟད། རྒྱ་གཞུང་གིས་བོད་དང་ཤིན་ཅང་ནང་སྤེལ་བའི་བྱ་སྤྱོད་དེ་དག་རྒྱལ་ཚོགས་ཀྱི་རྩ་ཁྲིམས་དང་འགལ་ཡོད་པ་དང་། འགྲོ་བ་མིའི་ཐོབ་ཐང་གི་ཡོངས་ཁྱབ་གསལ་བསྒྲགས་ཀྱི་འབྲུ་དོན་དང་ཡོངས་སུ་འགལ་གྱི་ཡོད་པར་གསུངས་འདུགསྐུ་ཞབས་ Blinken མཆོག་གིས་ཁ་སང་ཚེས་ ༢༦ ཉིན་ཨ་རིའི་ཇོར་ཇི་ཝ་ཤིན་ཊོན་ (George Washington) གཙུག་ལག་སློབ་ཁང་དུ་ཨ་རིས་རྒྱ་ནག་ལ་འཛིན་པའི་སྲིད་བྱུས་ཐད་ཚོུད་ཕྱེད་ཀ་ལྷག་ཙམ་གྱི་རིང་གལ་ཆེ་གསལ་བཤད་གནང་བའི་ཁྲོད་ད་ལྟའི་ཆར་རྒྱལ་སྤྱིའི་ཚོགས་སྡེ་ཡོངས་ནས་ཨུ་རུ་སུ་དང་ཡུཀ་རེན་ནང་གི་དམག་འཁྲུག་ལ་དོ་སྣང་བྱེད་བཞིན་ཡོད་ཀྱང་། དོན་དངོས་སུ་ཕུངས་རྒྱང་རིང་པོའི་ཐོག་ནས་གཟིགས་ན་རྒྱ་ནག་དེ་རྒྱལ་སྤྱིའི་ངོས་ནས་གདོང་ལེན་ཤུགས་ཆེར་བྱེད་དགོས་པའི་ཛ་དྲག་གི་གནད་དོན་ཞིག་ཆགས་ངེས་ཡིན་སྐོར་གསུངས་པ་དང་ཆབས་ཅིག སྤྱིར་ཨ་རིའི་ངོས་ནས་རྒྱ་ནག་དང་ལྷན་དྲག་དམག་འདོད་ཀྱི་མེད་ཀྱང་ཨ་རིའི་ངོས་ནས་རྒྱ་ནག་གཞུང་གིས་རྒྱལ་སྤྱིའི་ཁྲིམས་ལ་དས་ལེན་གནང་མཁན་ཞིག་ཏུ་གཟིགས་འདོད་ཡོད་པ་གསུངས་འདུག ལྷག་པར་ཁོང་གིས་བོད་ཀྱི་གནད་དོན་གླེང་བ་དང་འབྲེལ་ནས་རྒྱ་གཞུང་ནས་བོད་ཀྱི་ཆོས་དང་རིག་གཞུང་། སྐད་ཡིག་སོགས་ཀྱི་ཐད་གདུག་རྩུབ་ཅན་གྱི་ལས་འགུལ་སྤེལ་བཞིན་པ་དང་། དེ་བཞིན་ཧོང་ཀོང་ནང་དུའང་རྒྱལ་ཁབ་བདེ་འཇགས་ཀྱི་གནད་དོན་ལ་ཁག་དཀྲིས་ཏེ། མང་གཙོ་དོན་གཉེར་ཅན་རྣམས་ལ་དམ་དྲག་ཤུགས་ཆེར་བྱེད་བཞིན་ཡོད་པ་ལུང་འདྲེན་གྱིས་ཨ་རིས་བོད་དོན་ལ་མུ་མཐུད་རྒྱབ་སྐྱོར་ཡོད་ཅེས་གསུངས་པ་མ་ཟད། རྒྱ་ནག་ཕྱོགས་ནས་གནད་དོན་དེ་དག་རྒྱ་ནག་རྒྱལ་ནང་གི་གནད་དོན་ཞིག་དང་། ཕྱི་ཕྱོགས་ནས་དེར་ཐེ་བྱུས་བྱ་རྒྱུའི་ཐོབ་ཐང་མེད་ཅེས་བཤད་པ་དེ་ནོར་འཁྲུལ་ཡིན་པར་ཐེར་འདོན་གནང་ཡོད། ཁོང་གིས་ད་དུང་རྒྱ་ནག་གཞུང་གིས་མི་རིགས་དང་ཆོས་ལུགས་ཐད་གྲངས་ཉུང་དུ་འགྱུར་བའི་བོད་དང་ཤིན་ཅང་ནང་གི་མང་ཚོགས་ཐོག་སྤེལ་བཞིན་པའི་བྱ་སྤྱོད་དེ་དག་ནི་རྒྱ་ནག་གིས་ཡང་ཡང་ལུང་འདྲེན་བྱས་པའི་རྒྱལ་ཚོགས་ཀྱི་རྩ་ཁྲིམས་དང་འགལ་ཡོད་པ་དང་། འགྲོ་བ་མིའི་ཐོབ་ཐང་གི་ཡོངས་ཁྱབ་གསལ་བསྒྲགས་ཀྱི་འབྲུ་དོན་དང་ཡོངས་སུ་འགལ་གྱི་ཡོད་པར་གསུངས་འདུག དེ་བཞིན་རྒྱ་ནག་གིས་ཧོང་ཀོང་ནང་གི་རང་དབང་དང་མང་གཙོ་དོན་གཉེར་ཅན་རྣམས་ལ་དམ་དྲག་ཤུགས་ཆེར་བྱེད་ཀྱི་ཡོད་པ་དེའང་རྒྱལ་ཚོགས་ནང་བཞུགས་ཡོད་པའི་རྒྱ་ནག་རང་ཉིད་ཀྱི་ཆིངས་ཡིག་མཚན་རྟགས་བཀོད་སྐབས་ཀྱི་ཁས་ལེན་དམ་བཅའ་དང་ཡོངས་སུ་འགལ་ཡོད་པར་སྐྱོན་བརྗོད་དང་སྦྲགས། ཨ་རིའི་ངོས་ནས་མུ་མཐུད་གནད་དོན་དེ་དག་གླེང་སློང་བྱ་རྒྱུ་དང་ལྷག་དོན་དེའི་ཐོག་ངེས་པར་དུ་འགྱུར་བ་ཞིག་ཡོང་ཐབས་ཀྱི་འབད་བརྩོད་གནང་རྒྱུ་ཡིན་པའི་ཞལ་བཞེས་གནང་བ་མ་ཟད་ཨ་རིས་དེ་འབྲེལ་ཞི་བདེ་དང་། བདེ་འཇགས། འགྲོ་བ་མིའི་རིན་ཐང་ལ་ཆེ་མཐོང་ཞུ་བཞིན་ཡོད་པ་ལས་རྒྱ་ནག་དང་ཁ་གཏད་དུ་བཞེང་རྒྱུ་མིན་ཞེས་གསུངས་ཡོད། སྐུ་ཞབས་ Blinken ལགས་ཀྱིས་ཨ་རིའི་གཞུང་གིས་རྒྱ་ནག་ཐོག་འཛིན་པའི་སྲིད་བྱུས་དང་འབྲེལ་བའི་གསུང་བཤད་དེའི་སྐབས་གཞན་ཡང་རྒྱ་ནག་ནག་ནང་འགྲོ་བ་མིའི་ཐོབ་ཐང་རྡོག་རོལ་གྱི་གནས་ཚུལ་དང་འབྲེལ་ཏེ། སྤྱིར་མཉམ་འབྲེལ་རྒྱལ་ཚོགས་ཀྱི་རྩ་ཁྲིམས་དང་། རྒྱལ་སྤྱིའི་འགྲོ་བ་མིའི་ཐོབ་ཐང་སོགས་ནི་འཛམ་གླིང་སྐྱེས་བུ་ཡོངས་ཀྱི་ཐུན་མོང་གྱི་མངོན་འདོད་ཞིག་ཡིན་པ་ལས། ནུབ་ཕྱོགས་རྒྱལ་ཁབ་རྣམས་ཀྱིས་བཟོས་པའམ་གཏན་འབེབས་བྱས་པ་ཞིག་མིན་སྟབས། ཨ་རིས་མཐུན་ཕྱོགས་རྒྱལ་ཁབ་དང་ལྷན་དུ་གླེང་མོལ་བྱ་ཡུལ་གཙོ་བོ་ཞིག་ནི་འགྲོ་བ་མིའི་ཐོབ་ཐང་གི་གནད་དོན་ཆགས་ཀྱི་ཡོད་ཅེས་གསུངས་ཡོད། ཁོང་གིས་ཨ་རི་ནི་རྒྱལ་ཁབ་དང་ས་ཕྱོགས་གང་དུ་འགྲོ་བ་མིའི་ཐོབ་ཐང་གི་གནས་སྟངས་ཞན་པོ་ཡོད་པ་དེར་གདོང་ལེན་བྱེད་ཀྱི་ཡོད་ལ། ལྷག་པར་དུ་ད་ལྟའི་ཆར་ཤིན་ཅང་ཁུལ་དུ་མི་ས་ཡ་གཅིག་ལྷག་ཆོས་ལུགས་དང་མི་རིགས་སོགས་ཀྱི་རྒྱུ་མཚན་དུ་བྱས་ཏེ་འཛིན་བཟུང་གིས་བཀག་སྐྱིལ་ཁང་དུ་བཀག་ཉར་བྱས་ཏེ་འགྲོ་བ་མིའི་ཐོབ་ཐང་རྡོག་རོལ་བཏང་དང་གཏོང་བཞིན་ཡོད་པར་སྐྱོན་བརྗོད་གནང་འདུག གཞི་རྩའི་ཨ་རིའི་ཕྱི་སྲིད་དྲུང་ཆེ་སྐུ་ཞབས་ Antony J.Blinken ལགས་ཀྱི་ཁ་སང་གི་གསུང་བཤད་དེ་དོན་ཚན་གསུམ་ལ་དབྱེ་ན། རྒྱལ་ནང་གི་ཚོང་སྡེ་ཆེ་ཁག་དང་། གསར་གཏོད་ཀྱི་ལས་གཞི། དེ་བཞིན་མང་གཙོ་སོགས་ཀྱི་ཐོག་མ་འཛུགས་བྱ་རྒྱུ། དེ་ནས་ཐུན་མོང་ཁེ་ཕན་དང་དམིགས་ཡུལ་བསྒྲུབ་འདོད་ཡོད་མཁན་གྱི་མཐུན་ཕྱོགས་རྒྱལ་ཁབ་རྣམས་ཆིག་སྒྲིལ་ཐོག་ལས་དོན་གཉེར་རྒྱུ། རིམ་བཞིན་རྒྱ་ནག་ལ་གདོང་ལེན་བྱེད་པའི་ཐོག་རང་གི་འདོད་པ་སྲུང་སྐྱོབ་དང་མ་འོངས་པར་འཆར་གཞི་སྒྲིག་རྒྱུ་བཅས་ཡིན་སྐོར་གསུངས་ཡོད།

རྒྱ་གར་གཞུང་གིས་བོད་རྒྱ་གྲོས་མོལ་ཡོང་བར་འབད་བརྩོན་གནང་དགོས།

རྒྱ་གར་གྱི་ཕྱི་སྲིད་དྲུང་ཆེ་ཟུར་པ་དང་རྒྱ་ནག་དང་ཨ་རི་གཉིས་སུ་རྒྱ་གར་གྱི་གཞུང་ཚབ་པའི་ཐུགས་འགན་བཞེས་མྱོང་ཡོད་པ་ལྕམ་ Nirupama Rao ལགས་ཀྱིས་རྒྱ་གར་གཞུང་གིས་བོད་ཀྱི་མ་འོངས་གནད་དོན་དང་འབྲེལ་བོད་རྒྱ་གྲོས་མོལ་ཡོང་བར་འབད་བརྩོན་གནང་དགོས་པ་གསུངས་འདུག ཁ་སང་ཨ་རི་ནང་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གི་བོད་དོན་གླེང་མོལ་གྱི་ལས་རིམ་ཐོག་རྒྱ་གར་གྱི་ཕྱི་སྲིད་དྲུང་ཆེ་ཟུར་པ་ལྕམ་ Nirupama Rao ལགས་དང་ལྷན་དུ་ཁོང་གིས་རྩམས་པའི་ The Fractured Himalaya: India Tibet China 1949-62 ཆག་གྲུམ་ཤོར་བའི་ཧི་མཱ་ལ་ཡ། རྒྱ་གར། བོད། རྒྱ་ནག ༡༩༤༩ ནས་ ༦༢ ཞེས་འཁོད་པའི་རྒྱལ་རབས་ལོ་རྒྱུས་དང་འབྲེལ་བའི་དཔེ་དེབ་ཀྱི་ནང་དོན་སྐོར་གླེང་མོལ་གནང་འདུག་པ་དང་། གླེང་མོལ་ཐོག་ཁྲོད་ལྕམ་ Nirupama Rao ལགས་ཀྱིས་རྒྱ་ནག་གིས་བོད་བཙན་འཛུན་བྱས་པའི་བརྒྱུད་རིམ་ཁག་ཅིག་དྲན་གསོ་དང་སྦྲགས་ཏེ་རྒྱ་ནག་གིས་བོད་བཙན་འཛུལ་བྱས་པའི་རྗེས་སུ་རྒྱ་གར་གྱི་བདེ་འཇགས་དང་། དེ་སྔ་བོད་དང་ས་འབྲེལ་ཡོད་པའི་ས་མཚམས་ཀྱི་ངོས་བཞེས་ཐོག་ཤུགས་རྐྱེན་ཆེན་པོ་ ཐེབས་ནས་སྐབས་དེའི་འཕགས་བོད་གཉིས་ཀྱི་ས་མཚམས་ཁག་དང་འབྲེལ་བའི་གནད་དོན་རྣམས་ད་ཆ་རྒྱ་ནག་དང་འབྲེལ་བ་བྱེད་དགོས་པའི་གནད་སྟངས་ཤིག་ཆགས་ཡོད་པར་མ་ཟད་ས་མཚམས་ཀྱི་དོན་རྐྱེན་དེས་ཕྱི་ལོ་ ༡༩༦༢ ལོར་རྒྱ་དཀར་ནག་གཉིས་དབར་དམག་འཁྲུག་དང་ཉེ་ས་ཕྱི་ལོ་ ༢༠༢༠ ལོར་ Galwan ལུང་གཤོངས་སུ་བྱུང་བའི་གདོང་ཐུག་གི་གནད་དོན་སོགས་དུས་ད་ལྟའང་རྒྱ་དཀར་ནག་གཉིས་དབར་ས་མཚམས་ཀྱི་བདེ་འཇགས་མེད་པའི་གནས་སྟངས་སུ་གྱུར་ཡོད་པ་ནི་རྒྱ་ནག་གིས་བོད་ལ་བཙན་འཛུལ་བྱས་པའི་རྗེས་སུ་རྒྱ་གར་ལ་ཐེབས་པའི་ཤུགས་རྐྱེན་ཆེ་ཤོས་དེ་ཆགས་ཡོད་པ་གསུངས་འདུག ཁོང་ནས་ད་ལྟའི་གནས་སྐབས་སུ་སྐབས་དེའི་གནད་དོན་དང་ལས་དོན་བྱེད་ཕྱོགས་སྐོར་གསུངས་པར་ཕྲན་བུའི་མི་བདེ་བ་ཞིག་འདུག་ཀྱང་དོན་དངོས་ཚོར་བར་སྐབས་དེའི་རྒྱ་གར་གྱི་སྲིད་བྱུས་གཏན་འབེབས་གནང་མཁན་གྱི་དབུ་ཁྲིད་ཚོས་བོད་དང་འབྲེལ་བའི་རྒྱ་གར་གྱི་ཕུགས་རྒྱང་ཐོག་དགོངས་པ་དེ་ཙམ་བཞེས་ཐུབ་མེད་པ་དང་ལྷག་པར་དེ་སྔ་བོད་ནང་ཡོད་པའི་རྒྱ་གར་གྱི་རང་དབང་དང་ཐོབ་ཐང་དེ་དག་སྲུང་སྐྱོབ་མ་ཐུབ་པར་རྒྱ་ནག་གི་ལག་ཏུ་སྤྲད་ཡོད་པར་དགོངས་ཚུལ་ཆེན་པོ་ཡོད་སྐོར་གསུངས་འདུག ལྷག་དོན་ལྕམ་ Nirupama Rao ལགས་ད་ལྟའི་བོད་ཀྱི་གནས་བབ་དང་འབྲེལ་ཏེ་ཉེ་ཆར་ཨ་རིའི་བོད་དོན་དམིགས་བསལ་འབྲེལ་མཐུད་པ་ལྕམ་ Uzra Zeya མཆོག་ བཞུགས་སྒར་དུ་དངོས་སུ་ཆེད་ཕེབས་ཀྱིས་༸གོང་ས་མཆོག་གིས་དབུས་པའི་བོད་མིའི་དབུ་ཁྲིད་ཚོ་དང་མཇལ་འཕྲད་གནང་བ་དེས་ཨ་རི་གཞུང་དང་ཕྱི་སྲིད་ལས་ཁུངས། དེ་བཞིན་ཆབ་སྲིད་ཀྱི་སྲིད་བྱུས་ཐོག་ཕྱག་ལས་གནང་མཁན་ཚོས་བོད་དོན་ལ་དོ་སྣང་གནང་བ་ཞིག་མཚོན་གྱི་ཡོད་པ་སོགས་འགྲེལ་བརྗོད་དང་སྦྲགས། རྒྱ་གར་གྱི་ངོས་ནས་ཀྱང་བོད་དོན་ཐོག་ད་ལྟའི་གནས་བབ་ལས་མང་ཙམ་གནང་ཐུབ་རྒྱུ་ཡོད་པ་དང་། གཙོ་བོ་བཙན་བྱོལ་ནང་ཡོད་པའི་བོད་མིའི་དབུ་ཁྲིད་དང་རྒྱ་ནག་དབར་བོད་ཀྱི་མ་འོངས་གནས་བབ་སྐོར་གྲོས་བསྡུར་དང་གྲོས་མོལ་ཡོང་བར་འབད་འབད་བརྩོན་གནང་དགོས་པར་གསུངས་འདུག དེ་བཞིན་ཁོང་གིས་ཨ་རི་དང་རྒྱ་གར་གཉིས་ནས་བསམ་བློ་བརྗེ་རེས་ཙམ་མིན་པར་ད་ལྟའི་བོད་ཀྱི་གནད་དོན་འདིར་མཇུག་འབྲས་བཟང་པོ་ཞིག་ཡོང་བར་སྲིད་བྱུས་ཀྱི་འདམ་ག་གང་ཡོད་མེད་ལའང་དགོངས་པ་བཞེས་རྒྱུ་གལ་ཡིན་པ་དང་། རྒྱ་ནག་ཕྱོགས་ནས་ཀྱང་དུས་རྟག་ཏུ་བོད་འདི་རྒྱ་ནག་རྒྱལ་ནང་གི་གནད་དོན་ཞིག་ཡིན་སྟབས་ཕྱིའི་རྒྱལ་ཁབ་ཚོས་དེར་ཐད་གཏོགས་གནང་བར་ཁ་རྩོད་ཁོ་ན་བྱས་ནས་མ་བསྡད་པར་བོད་རྒྱའི་དཀའ་རྙོག་སེལ་ཐབས་སུ་ཐུན་མོང་གི་གཞི་གཏན་ཞིག་གི་ཐོག་ལ་བབ་དགོས་ཞེས་གསུངས་ཡོད། ལྕམ་སྐུ་ Nirupama Rao ལགས་ཀྱི་ཁ་སང་གི་གླེང་མོལ་ལས་རིམ་དེ་ནི་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་ལྷན་ཚོགས་ཀྱི་ཚོགས་མི་དང་ཨེ་ཤ་ཡའི་གནད་དོན་ཐོག་གྱི་ཆེད་མཁས་པ་ལྕམ་ Ellen Bork ལགས་ནས་གཙོ་སྐྱོང་གནང་བ་སྦྲགས། རྒྱ་དཀར་ནག་གཉིས་ཀྱི་གནད་དོན་ཙམ་མ་ཟད་རྒྱ་ནག་གི་བོད་བཙན་འཛུལ་བྱེད་སྐབས་དང་དེའི་མཇུག་འབྲས་སྐོར་སོགས་འཁོད་པའི་དཔེ་དེབ་ The Fractured Himalaya: India Tibet China 1949-62 ཞེས་པ་ལོ་རྒྱུས་ཀྱི་དེབ་གལ་ཆེ་ཞིག་ཡིན་སྐོར་སོགས་གསུངས་འདུག གཞི་རྩའི་སྔར་ལོའི་ལོ་མཇུག་ཙམ་ལ་འདོན་སྤེལ་གནང་བའི་རྒྱ་གར་གྱི་ཕྱི་སྲིད་དྲུང་ཆེ་ཟུར་པ་ལྕམ་ Nirupama Rao ལགས་ཀྱི་དཔེ་དེབ་ The Fractured Himalaya: India Tibet China 1949-62 ནང་བོད་དང་རྒྱ་གར། རྒྱ་ནག་བཅས་ཀྱི་ཆབ་སྲིད་ཀྱི་འབྲེལ་ལམ། ཕྱོགས་ཕན་ཚུན་དབར་བྱུང་བའི་བཙན་འཛུལ་དང་དམག་དོན། དེ་བཞིན་འབྲུག་ཡུལ་སོགས་ཉེ་འཁོར་ཁྱིམ་མཚེས་རྒྱལ་ཁབ་ཁག་གི་གནས་བབ་དང་ཆབ་སྲིད་ཀྱི་སྲིད་བྱུས་སོགས་ཀྱི་སྐོར་འཁོད་ཡོད་པ་དང་། ལྕམ་ Nirupama Rao ལགས་ཀྱི་དཔེ་དེབ་དེ་ཐོག་མར་འདོན་སྤེལ་སྐབས་སུ་བརྒྱུད་ལམ་ཁག་གི་བཅར་འདྲིའི་ཐོག་ཕྱི་ལོ་ ༡༩༤༢ ནས་ ༦༢ བར་གྱི་ལོ་རྒྱུས་ཀྱི་འཕོ་འགྱུར་ཆེ་ཤོས་དེ་རྒྱ་ནག་བཅིངས་གྲོལ་དམག་མི་བོད་དུ་འཛུལ་བ་དེ་ཆགས་ཡོད་པ་མ་ཟད། སྐབས་དེའི་རྒྱ་གར་གཞུང་གི་ནོར་འཁྲུལ་ཆེ་ཤོས་དེ་བོད་ནང་ཡོད་པའི་རང་ཉིད་ཀྱི་རང་དབང་དང་ཐོབ་ཐང་ཁག་བློས་བཏང་གནང་བ་དེ་རེད་ཅེས་གསུངས་ཡོད།

སུད་སིར་བོད་བསྟན་སྲིད་ཆེད་མ་ཧཱ་གུ་རུའི་འབུམ་ཚོགས་ཐེངས་བདུན་པ་དབུ་འཛུགས།

སུད་སི་བོད་རིགས་མི་མང་གིས་བོད་བསྟན་སྲིད་སྤྱི་དང་སྒོས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་༸སྐུ་ཚེ་མི་འཇིག་རྡོ་རྗེ་འཆང་གི་ངོ་བོར་བརྟན་ཅིང་། རླབས་ཆེན་གྱི་མཛད་འཕྲིན་ཕྱོགས་བཅུར་རྒྱས་པའི་ཆེད་དུ་ཕྱི་ཟླ་ ༥ ཚེས་ ༢༦ ཉིན་ནས་དབུ་འཛུགས་ཀྱིས་ས་གནས་སུ་ཉིན་གྲངས་གསུམ་རིང་བསམ་པ་ལྷུན་འགྲུབ་ཀྱི་ཆོ་གའི་ཐོག་ནས་མ་ཧཱ་གུ་རུའི་འབུམ་ཚོགས་ཐེངས་བདུན་པ་དབུ་འཛུགས་གནང་སོང་།སྤྱིར་མ་ཧཱ་གུ་རུའི་འབུམ་ཚོགས་ཆེན་མོ་འདི་ནི་སུད་སི་དང་ལེཀ་ཊེན་སྤྲཡན་བོད་རིགས་མི་མང་གི་ལོ་གཅིག་ནང་གི་ཆོས་ཕྱོགས་ཀྱི་གནང་སྒོ་གལ་འགང་ཆེ་ཤོས་ཤིག་ཆགས་ཡོད་པ་དང་། འདས་པའི་ལོ་གཉིས་ནང་ཏོག་དབྱིབས་གཉན་རིམས་ཁྱབ་གདལ་གྱི་རྐྱེན་གྱིས་ཚོགས་ཐུབ་མེད་པ་རེད།སྐབས་བཅོ་བརྒྱད་པའི་སུད་སི་ལིག་ཏེན་སིཊཡན་བོད་རིགས་མི་མང་གི་སྒྲིག་འཛུགས་ཀྱི་ཚོགས་གཙོ་ཀརྨ་ཆོས་སྐྱིད་ལགས་དང་ཚོགས་གཞོན་བསྟན་འཛིན་དབང་འདུས་ལགས་གཉིས་ཀྱིས་ད་ཆ་ནད་ཡམས་ཀྱི་གནས་སྟངས་ཕྲན་བུ་ཡར་རྒྱས་སུ་སོང་བར་བརྟེན་མ་ཧཱ་གུ་རུའི་འབུམ་ཚོགས་སླར་སྔར་རྒྱུན་བཞིན་ཚོགས་ཐུབ་པ་དེ་སྐལ་པ་བཟང་པོ་ཞིག་བྱུང་བར་ངོས་འཛིན་གནང་གི་ཡོད་སྐོར་གསུངས་སོང་།སྤྱིར་མ་ཧཱ་གུ་འབུམ་ཚོགས་ནི། ཐོག་མར་སུད་སི་ནང་ཀུན་བཟང་མདོ་སྔགས་ཚེས་བཅུ་ཚོགས་པ་ཞེས་པ་དབུ་འཛུགས་གནང་བ་ཞིག་ཆགས་ཡོད་ཅིང། ཕྱི་ལོ་ ༢༠༡༤ ལོ་ནས་བཟུང་མ་ཧཱ་གུ་རུའི་འབུམ་ཚོགས་ཆེན་མོ་དེ་སི་དང་ལེཀ་ཊེན་སྤྲཡན་བོད་རིགས་མི་མང་གི་གཙོ་འགན་ཐོག་ས་གནས་སུ་ཡོད་པའི་ཀུན་བཟང་མདོ་སྔགས་ཚེས་བཅུ་ཚོགས་པ་དང། རི་ཀོན་ཆོས་འཁོར་དགོན་བཅས་ཀྱི་རམ་འདེགས་འོག་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་པའི་རིས་མེད་བོད་ཀྱི་བླ་ཆེན་རྣམས་དང་བསྟན་འཛིན་གྱི་སྐྱེས་བུ་དམ་པ་རྣམས་༸སྐུ་ཚེ་བསྐལ་བརྒྱར་བརྟན་པ། ད་བར་བོད་བསྟན་སྲིད་མི་རིགས་ཀྱི་དོན་དུ་རང་གི་གཅེས་པའི་ལུས་སྲོག་ལོངས་སྤྱོད་དང་བཅས་ཡོངས་རྫོགས་བློས་བཏང་གནང་བའི་རྒྱལ་གཅེས་དཔའ་བོ་དཔའ་མོ་ཡོངས་ཀྱི་ལ་བསྔོ་སྨོན།  དེ་བཞིན་བོད་མིའི་སྤྱི་མཐུན་བསོད་ནམས་གོང་འཕེལ་ཆེད་ཡིན་པ་རེད། མ་ཧཱ་གུ་རུའི་འབུམ་ཚོགས་གོ་སྒྲིག་པའི་ངོས་ནས་ཚོགས་མགོན་དུ་བོད་མིའི་སྒྲིག་འཛུགས་ཀྱི་ཆོས་རིགས་ལས་ཁུངས་ཀྱི་ལམ་སྟོན་འོག་བོད་བརྒྱུད་ནང་བསྟན་གྱི་རིས་མེད་ཀྱི་བླ་ཆེན་དང་སྐུ་ཚབ་མཁན་པོ་སོགས་གདན་ཞུས་ཀྱིས་ས་གནས་མི་མང་ལ་བཀའ་ཆོས་གནང་སྲོལ་ཡོད་པ་དང། འདི་ལོའི་མ་ཧཱ་གུ་རུའི་འབུམ་ཚོགས་ཐེངས་ ༧ ཚོགས་མགོན་དུ་རི་ཀོན་ཆོས་འཁོར་དགོན་གྱི་མཁན་རིན་པོ་ཆེ་གདན་འདྲེན་ཞུས་ཡོད་པ་རེད། རྩ་བའི་འདི་ལོའི་མ་ཧཱ་གུ་རུའི་འབུམ་ཚོགས་ཐེངས་བདུན་པ་དེ་ནི། ཁ་སང་ཕྱི་ཚེས་ ༢༦ ནས་དབུ་འཛུགས་གནང་སྟེ་ཚེས་ ༢༨ བར་ཉིན་གྲངས་གསུམ་རིང་ཚོགས་ཀྱི་འདུག  

རེས་གཟའ་ཕུར་བུ། ༢༠༢༢།༠༥།༢༦

ཉན་པ།: Listen ཕབ་ལེན། Download ཞི་ཅིན་ཕིང་གིས་ལྕམ་ Bachelet མཆོག་ལ་རྒྱལ་ཁབ་གཞན་གྱི་ནང་སྲིད་ལ་ཐེ་བྱུས་བྱ་རྒྱུ་མེད་པའི་ནན་བཤད། དབྱིན་ཡུལ་གྲོས་ཚོགས་ནང་ Chen Quanguo ལ་ཉེས་ཆད་གང་བཀལ་མིན་གྱི་འདྲི་རྩད་གནང་འདུག ཝང་དབྱང་བོད་ཀན་ལྷོ་ཁུལ་དུ་སྐོར་བསྐྱོད་བྱས་པ། ཇར་མ་ནིས་འགྲོ་བ་མིའི་ཐོབ་ཐང་གཙོ་བཟུང་གིས་རྒྱ་ནག་ཐོག་འཛིན་པའི་སྲིད་བྱུས་ལ་འགྱུར་བ་གཏོང་རྒྱུ། Thursday 26/05/2022 'No need for preachers,' Xi Jinping tells UN human rights chief German Changing its China policy with higher priority on Human rights, says German FM In wake of leaked data from Xinjiang police laptop, UK MP calls for sanction against Chen Quanguo. China’s top political advisor inspects Tibetan areas in Kansu province

ཞི་ཅིན་ཕིང་གིས་ལྕམ་སྐུ་ Michelle Bachelet མཆོག་ལ་རྒྱལ་ཁབ་གཞན་གྱི་ནང་སྲིད་ལ་ཐེ་བྱུས་བྱ་རྒྱུ་མེད་པའི་ནན་བཤད།

ཁ་སང་རྒྱ་ནག་གི་སྲིད་འཛིན་ཞི་ཅིན་ཕིང་ནས་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གཙོ་འཛིན་མཆོག་ལ་བརྙན་པར་བརྒྱུད་ཐུག་འཕྲད་སྐབས་རྒྱ་གཞུང་ནས་འགྲོ་བ་མིའི་ཐོབ་ཐང་སྲུང་བརྩི་བྱེད་བཞིན་ཡོད་ཚུལ་བརྗོད་པ་དང་།  ད་ལྟའི་གནད་དོན་དེ་ཆབ་སྲིད་ཀྱི་ལག་ཆར་བེད་སྤྱོད་བྱས་ནས་རྒྱལ་ཁབ་གཞན་གྱི་ནང་སྲིད་ལ་ཐེ་བྱུས་བྱ་རྒྱུ་མེད་པའི་ནན་བཤད་བྱས་འདུག རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གཙོ་འཛིན་ལྕམ་སྐུ་ Michelle Bachelet ལགས་ཀྱིས་བདུན་ཕྲག་འདིའི་རེས་གཟའ་ཟླ་བ་ནས་དབུ་འཛུགས་ཀྱིས་སྤེན་པ་བར་ཉིན་གྲངས་དྲུག་རིང་གི་རྒྱ་ནག་ནང་གཞུང་འབྲེལ་འཚམས་གཟིགས་སླད་གཟའ་ཟླ་བ་ནས་རྒྱ་ནག་གི་ Guangzhou གྲོང་ཁྱེར་དུ་ཕེབས་འབྱོར་བྱུང་ཡོད་པ་ལྟར། ཁ་སང་རེས་གཟའ་ལྷག་པ་ཉིན་ལྕམ་སྐུ་ Bachelet མཆོག་ནས་རང་གི་ལྷན་དུ་རྒྱ་ནག་གི་ཕྱི་སྲིད་བློན་ཆེན་ Wang Yi སོགས་ཡོད་པའི་ཐོག་ལ་རྒྱ་ནག་གི་སྲིད་འཛིན་ཞི་ཅིན་ཕིང་ལ་བརྙན་པར་བརྒྱུད་ཐུག་འཕྲད་བྱས་འདུག་པ་དང་།  སྐབས་དེར་གཙོ་འཛིན་མཆོག་ནས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གི་སྤྱི་ཁྱབ་ནས་ལོ་ངོ་ ༡༧ རྗེས་ཐེངས་དང་པོར་རྒྱ་ནག་ལ་གཞུང་འབྲེལ་འཚམས་གཟིགས་སུ་ཕེབས་རྒྱུའི་ཆོད་སེམས་བཅངས་པ་འདི་ནི་གཙོ་བོ་འགྲོ་བ་མིའི་ཐོབ་ཐང་གི་གནད་དོན་ཐོག་ལ་རྒྱ་གཞུང་དང་ཐད་ཀར་འབྲེལ་བ་བྱེད་རྒྱུ་ནི་ཁོ་མོས་གལ་ཆེ་དོན་ཆེར་བརྩི་བཞིན་ཡོད་ཅེས་གསུངས་པ་མ་ཟད། ས་གནས་ས་ཐོག་དང་ས་མཚམས་བརྒལ་ནས་ཞི་བདེ་དང་བདེ་འཇགས་ཡར་རྒྱས་གོང་འཕེལ་གྱི་ཆེད་དུ་རྒྱལ་ནང་གཙོས་གླིང་ཆེན་དང་ཁུལ་སོ་སོ། དེ་བཞིན་འཛམ་གླིང་ཡོངས་ཀྱི་འགྲོ་བ་མིའི་ཐོབ་ཐང་ཐད་མཉམ་ལས་ག་འདྲ་གནང་དགོས་མིན་ཐད་གཟིགས་རྒྱུ་ཡིན་ཞེས་གསུངས་འདུག ལྕམ་སྐུ་མཆོག་གིས་ད་དུང་ད་ཆ་རྒྱལ་སྤྱིའི་ཞི་བདེ་དང་བདེ་འཇགས་ལ་ཉེན་ཁ་དང་དེ་བཞིན་དཔལ་འབྱོར་གྱི་གནས་བབ་མ་མཉམ་པ་དང་། གནམ་གཤིས་ལ་འགྱུར་ལྡོག་སོགས་འཛམ་གླིང་སྤྱི་ལ་ངལ་བ་མང་དག་ཞིག་འཕྲད་པ་གདོང་ལེན་བྱེད་རྒྱུར་རྒྱལ་ཁབ་མང་པོའི་མཉམ་ལས་ནང་ལ་རྒྱ་ནག་ལ་ལས་འགན་གནད་འགགས་ཡོད་སྟབས་ཁོང་གི་ལས་ཁུངས་ཀྱིས་རྒྱ་ནག་དང་ལྷན་དེ་འབྲེལ་གནད་དོན་གཙོས་གནད་དོན་གཞན་ཁག་གི་ཐོག་ལ་གྲོས་བསྡུར་གཟབ་ནན་གནང་དགོས་པའི་རེ་འདུན་བཅངས་བཞིན་ཡོད་པ་མ་ཟད། འགྲོ་བ་མིའི་ཐོབ་ཐང་དང་དྲང་བདེན། མི་ཀུན་ལ་ཁྲིམས་ཀྱི་དབང་བསྒྱུར་བཅས་ཀྱི་གོང་འཕེལ་དང་སྲུང་སྐྱོབ་ཆེ་རུ་བྱ་རྒྱུ་ནི་ཁོང་གི་ལས་ཁུངས་ཀྱིས་འབད་བརྩོན་བྱ་ཐུབ་རྒྱུའི་རེ་བ་ཡོད་ཅེས་གསུངས་འདུག འོན་ཀྱང་དྲ་ལམ་གྱི་ཐུག་འཕྲད་དེའི་སྐབས་སྲིད་འཛིན་ཞི་ཅིན་ཕིང་གིས་རྒྱ་ནག་ནས་དུས་ཡུན་རིང་པོའི་རིང་དཀའ་ལས་བརྒྱབ་ནས་ཡུལ་དེའི་ནང་གི་གནས་སྟངས་སྤྱི་དང་སྒོས་དུས་ཚོད་དང་མཐུན་པའི་འགྲོ་བ་མིའི་ཐོབ་ཐང་ཡར་རྒྱས་གཏོང་རྒྱུའི་ལམ་ལ་ལེགས་པར་བཞུགས་ཡོད་ཚུལ་གྱིས་འགྲོ་བ་མིའི་ཐོབ་ཐང་སྲུང་བརྩི་བྱས་པའི་བྱེད་ལུགས་དང་གནད་དོན་འདི་ཐད་སྐྱོན་མེད་པའི་རྒྱལ་ཁབ་སུ་ཡང་མེད་ལ་འདིའི་ཐད་གཅིག་གི་དགེ་རྒན་ལྟར་རྒྱལ་ཁབ་གཞན་ལ་ཚོགས་གཏམ་བཏང་དགོས་ཡག་མེད་པ་མ་ཟད།འགྲོ་བ་མིའི་ཐོབ་ཐང་གི་གནད་དོན་དེ་ཆབ་སྲིད་ཀྱི་ལག་ཆར་བཟོས་ནས་མ་ཡིན་ཡིན་ཁུལ་བྱེད་རྒྱུ་ཡང་ན་དེ་རྒྱལ་ཁབ་གཞན་གྱི་ནང་སྲིད་ལ་ཐེ་བྱུས་བྱ་རྒྱུར་སྙད་འདོགས་བྱེད་ས་ཞིག་ཏུ་བཟོ་རྒྱུ་མེད་པ་སོགས་བཤད་འདུག རྩ་བའི་ཞི་ཅིན་ཕིང་དང་དྲ་ཐོག་གི་ཚོགས་འདུ་དེའི་སྐབས་ཡུ་གུར་བའི་སྐོར་ལ་གླེང་ཡོད་དང་མེད་ཀྱི་ཐད་ལ་ཁ་སང་པེ་ཅིང་དུ་རྒྱ་ནག་ཕྱི་སྲིད་ལྷན་ཁང་གི་མགྲིན་ཚབ་པར་གསར་འགོད་པས་སྐད་ཆ་དྲིས་དུས་མགྲིན་ཚབ་པ་ Wang Wenbin གིས་ལན་གཡོལ་བའི་གནས་ཚུལ་འདུག་པ་དང་། ད་ཐེངས་ཀྱི་དྲ་ལམ་ཚོགས་འདུ་འདིའི་སྐོར་རྒྱ་ནག་གཞུང་བརྙན་བརྒྱུད་ལམ་ CCTV ཡི་ནང་དུ་གང་ཡང་བཀོད་མེད་ལ།  དེ་བཞིན་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལས་ཁུངས་ཀྱི་བསྒྲགས་གཏམ་ནང་དུའང་ཤིན་ཅང་གི་གནས་ཚུལ་སྐོར་གང་ཡང་གསལ་མེད་པ་རེད་འདུག

རེས་གཟའ་ལྷག་པ། ༢༠༢༢།༠༥།༢༥

ཉན་པ།: Listen ཕབ་ལེན། Download བོད་ཀྱི་གནས་སྟངས་ལ་གཞིགས་ཏེ་དགུང་གྲངས་བརྒྱ་ཙམ་བཞུགས་རྒྱུར་བཀའ་བཞེས་སྨིན་སྩལ། བོད་ནང་གི་སྔོན་འགྲོའི་གཏན་སློབ་ཁག་སྒོ་བརྒྱབ་ནས་བོད་ཕྲུག་བྱིས་པའི་ཐོབ་ཐང་སྲུང་སྐྱོབ་གནང་དགོས། འཆི་མེད་ལྷ་མོ་ལགས་ཀྱིས་ཨོས་ལོའི་རང་དབང་གླེང་སྟེགས་ཐོག་བོད་དོན་གཏམ་བཤད་གནང་བ། ཧི་མཱ་ལ་ཡའི་ཁྱིམ་ཚང་དང་རྒྱ་གར་བ་རྣམས་དུས་རྟག་ཏུ་བོད་མིའི་ལྷན་དུ་ཡོད། ཐེ་ཝན་གྱི་གནད་དོན་ཐོག་རྒྱ་ནག་གིས་ཨ་རིར་སྐྱོན་བརྗོད། Wednesday 25/05/2022 Sakya Tibetan Buddhist Tradition offers ‘Tenshug’ to Dalai Lama Eyewitness confirms China operating colonial style boarding schools in Tibet Tibet activist Chemi Lhamo speaks at Oslo Freedom Forum We are always together with you: Himalaya Pariwar’s new Himachal President Flirting with Danger: China warns Biden over Taiwan

Latest news