Monthly Archives: July, 2022

ཉན་པ།: Listen ཕབ་ལེན། Download རྩོམ་པ་པོ་འཇམ་དབྱངས་ནོར་བུ་ལགས་དང་ལྷན་ས་མཐོ་ཨེ་ཤི་ཡ་ཉམས་ཞིབ་ཁང་གི་སྐོར་གླེང་བ། Sunday 31/07/2022 High Asia Research Center: In conversation with Prominent Tibetan Writer Jamyang Norbu

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ལ་དྭགས་སུ་ཆོས་ཞུ་བ་འབུམ་བརྒལ་བར་འཕགས་པ་སྤྱན་རས་གཟིགས་ཐུགས་རྗེ་ཆེན་པོའི་བཀའ་དབང་བཀྲིན་སྩལ་གནང་མཛད་པ་མ་ཟད། ད་རེས་ཀྱི་ཆོས་འབྲེལ་གསོལ་འདེབས་ཞུ་མཁན་ལ་དྭགས་ནང་ཚོགས་དང་དགོན་ཚོགས་གཙོས་མང་ཚོགས་ནས་༸གང་ཉིད་ལ་བརྟན་བཞུགས་བསྟར་འབུལ་ཡང་ཞུས་སོང་།དེ་ཡང་དེ་རིང་སྔ་དྲོ་གླེ་གྲོང་ཁྱེར་གྱི་ཞི་བའི་ཚལ་ཕོ་བྲང་གི་གསུང་ཆོས་ར་བར་ཁ་སྔོན་ཉིན་གཉིས་ལས་ཆོས་ཞུ་བ་ལྡབ་འགྱུར་གྱི་མང་བ་ཕེབས་ཡོད་པ་མ་ཟད། ཆོས་ཞུ་བ་མང་པོ་ཞིག་ཆོས་རའི་ཕྱི་ཕྱོགས་དང་འགའ་རེ་གཞུང་ལམ་གྱི་ཐེམ་སྐས་བཅས་སུའང་བཞུགས་ཡོད་པར་ཁྱོན་ཆོས་ཞུ་བ་འབུམ་གཅིག་ལྷག་ཕེབས་ཡོད་སྐོར་ཚོད་དཔག་གནང་གི་འདུག བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྐབས་དེར་འཕགས་པ་སྤྱན་རས་གཟིགས་ཐུགས་རྗེ་ཆེན་པོ་ནི་རྒྱལ་བ་ཀུན་གྱི་སྙིང་རྗེའི་རང་གཟུགས་ཤིག་ཡིན་པ་དང་། བྱེ་བྲག་ཏུ་བོད་གངས་ཅན་ལྗོངས་ནི་འཕགས་པ་སྤྱན་རས་གཟིགས་ཀྱི་འདུལ་ཞིང་ཐུན་མོང་མ་ཡིན་པ་ཞིག་ཡིན་པ་མ་ཟད། ཚེ་རབས་མང་པོའི་རིང་ལས་འབྲེལ་ཡོད་པས་རྒྱུན་དུ་གསོལ་འདེབས་པ་དང་མ་ནི་སོགས་བགྲངས་ཚེ་བྱིན་རླབས་མྱུར་བ་དང་ཕན་ཡོན་ཆེ་བ་སོགས་ཀྱི་ངོ་སྤྲོད་བཀྲིན་སྩལ་གནང་མཛད་ཡོད། དེ་བཞིན་༸གོང་ས་༸སྐྱབས་མགོན་ཆེན་པོ་མཆོག་ནས་སྤྱན་རས་གཟིགས་ཐུགས་རྗེ་ཆེན་པོའི་བཀའ་དབང་གི་སྟ་གོན་དང་དངོས་གཞི་བཅས་བཀྲིན་སྩལ་གནང་མཛད་པ་མ་ཟད། མགོན་པོ་༸གང་ཉིད་མཆོག་ནས་དེ་རིང་དྲ་ཐོག་བརྒྱུད་བཀའ་དབང་ཞུ་མཁན་ཚོར་དེ་མཚུངས་ཀྱི་བྱིན་རླབས་ཐོབ་ཀྱི་ཡོད་པའང་བཀའ་སྩལ་མཛད་ཡོད། བཀའ་དབང་ལེགས་གྲུབ་བྱུང་མཚམས་སུ་༸གང་ཉིད་ནས་ཆོས་ཞུ་བ་རྣམས་ལ་ཉུང་མཐར་མ་ནི་ཁྲི་གཅིག་ཉིན་ལྟར་བགྲང་དགོས་པའི་ལམ་སྟོན་ཡང་བཀའ་སྩལ་མཛད་ཡོད། ༸སྐྱབས་རྗེ་ཁྲིག་སེ་རིན་པོ་ཆེས་དབུས་པའི་ཆོས་འབྲེལ་གསོལ་འདབེས་ཞུ་མཁན་ལ་དྭགས་ནང་ཚོགས་དང་དགོན་ཚོགས། དེ་བཞིན་ས་གནས་ཀྱི་མང་ཚོགས་བཅས་ནས་མགོན་པོ་༸གང་ཉིད་མཆོག་སྐུ་ཚེ་ཞབས་པད་བསྐལ་བརྒྱར་བརྟན་སླད་བརྟན་བཞུགས་བསྟར་འབུལ་ཞུས་པ་དང་འབྲེལ། བཀྲིན་གཏང་རག་གི་མཎྜལ་གླུའི་མཆོད་པ་ཕུལ་སྟེ་ཉིན་གྲངས་གསུམ་རིང་ཇི་ལྟར་གསོལ་འདེབས་ཞུས་པ་ལྟར་ལ་དྭགས་ཀྱི་ཆོས་འབྲེལ་འདི་བཞིན་རེ་ཞིག་མཇུག་སྒྲིལ་སོང་། གཞི་རྩའི་དེ་རིང་ལ་དྭགས་དད་ལྡན་མང་ཚོགས་ཙམ་མ་ཟད། ཉེ་འབྲེལ་ཁུ་ནུ་དང་ལྷོ་ཕྱོགས་ཀྱི་གདན་ས་ཁག དེ་བཞིན་འབྲུག་དང་མོན། བལ་ཡུལ། ལྷག་པར་དུ་བོད་རིགས་དང་ནུབ་ཕྱོགས་རྒྱལ་ཁབ་འདྲ་མིན་ནས་ཁྱོན་ཆོས་ཞུ་བ་འབུམ་གཅིག་ལྷག་ཆོས་འབྲེལ་སྐབས་དངོས་སུ་བཅར་ཡོད། འདི་ག་ལ་དྭགས་ཡུལ་མི་ཞིག་ནས་གསུངས་དོན་དུ་དེ་རིང་ལ་དྭགས་ཀྱི་ས་ཁུག་ཡོད་ཚད་ནས་རྒན་གཞོན་བྱིས་གསུམ་ཡོངས་རྫོགས་ཆོས་ཞུར་ཕེབས་ཡོད་པའི་འགྲེལ་བརྗོད་དང་། གཞན་ཡང་ཆོས་ཞུ་བ་ཁག་གཅིག་ལ་བཀའ་དྲི་ཞུས་ཡོད་པ་གཤམ་འོག་སྒྲ་གསན་ཡོང་བ་ཞུ། ༸སྐུ་པར་བདག་དབང་། དགའ་ལྡན་ཕོ་བྲང་།

ཉན་པ།: Listen ཕབ་ལེན། Download ༸གོང་ས་མཆོག་གིས་དད་ལྡན་ཆོས་ཞུ་བ་འབུམ་བརྒལ་བར་སྤྱན་རས་གཟིགས་ཀྱི་བཀའ་དབང་བཀྲིན་སྩལ། བོད་ཀྱི་བེུད། མ་བྱན་ཆེན་མོ་བསྟན་འཛིན་སྒྲོལ་མ། Saturday 30/07/2022 Dalai Lama confers ‘Chenrezig’ initiation to hundreds and thousands of devotees in Ladakh Women of Tibet: In conversation with ‘Chef Tenzin Dolma’

ཉན་པ།: Listen ཕབ་ལེན། Download ཆོས་ཞུ་བ་ཁྲི་ཕྲག་བརྒལ་བ་ནས་ཆར་སིམ་ཁྲོད་༸གོང་ས་མཆོག་གི་དྲུང་ནས་སྤྱོད་འཇུག་ཆེན་མོའི་ལྗགས་ལུང་ཞུས་པ། གཞིས་ཀ་རྩེ་ནས་ཡིན་པའི་བོད་མི་ཚེ་དབང་རིན་ཆེན་ལགས་སུ་བཙོན་འཇུག་ཁྲིམས་ཐག་བཅད་འདུག གཏན་འཇགས་ཐབས་ཇུས་འཆར་འགོད་ཚོགས་ཆུང་གི་ཚོགས་འདུ་མཇུག་སྒྲིལ། ཐེ་ཝན་མཚོ་ཁའི་ཞི་བདེ་བརྟན་ལྷིང་ལ་གནོད་སྐྱེལ་ཚེ་དེར་ཨ་རི་ནས་དགག་པ་ཡོད་ཅེས་གསུངས་པ། ཨ་རིའི་སྐུ་ཚབ་དོན་ཟུར་ཕུན་ཚོགས་དོན་ལྡན་ལགས་སྐུ་ཚེ་འཕེན་པ་རྫོགས་པ། རྒྱ་གར་རྒྱལ་ཡོངས་འཛིན་རིམ་བཅུ་གཉིས་ཀྱི་ཡིག་རྒྱུགས་ནང་བརྒྱ་ཆ་༩༥ཡན་བཞེས་མཁན་བེུད་གཉིས་ལ་བཀའ་འདྲི་ཞུས་པའི་ལས་རིམ་ཕྱོགས་སྒྲིག Friday 29/07/2022 Thousands attend Dalai Lama’s teaching in Ladakh China sentences Tibetan official for one and half years in prison Second permanent strategy meeting concludes in Dharamshala Xi warns Biden against 'playing with fire' over Taiwan Former Office of Tibet, US representative Phintso Thonden passes away Interview with two Tibetan students who secured above 95 in class XII

ལ་དྭགས་གླེ་གྲོང་ཁྱེར་གྱི་ཞི་བའི་ཚལ་གསུང་ཆོས་ར་བའི་ནང་དེ་རིང་གི་ཉིན་གཉིས་པའི་ཆོས་འབྲེལ་སྐབས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱལ་སྲས་ཆེན་པོ་ཞི་བ་ལྷས་མཛད་སྤྱོད་འཇུག་ཆེན་མོའི་ལེའུ་གཉིས་པ་ནས་ལྗགས་ལུང་བཀྲིན་སྩལ་གནང་མཛད་ཡོད།རྩ་བའི་དེ་རིང་ཉིན་གཉིས་པའི་ཆོས་འབྲེལ་སྐབས་ཆར་སིམ་ཁྲོད་ཆོས་ཞུ་བ་ལྔ་ཁྲི་ལྷག་ཕེབས་ཡོད་པའི་ཚོད་དཔག་དང་། ཆར་སིམ་འབབ་བཞིན་པའི་ཁྲོད་དེར་༸གོང་ས་༸སྐྱབས་མགོན་ཆེན་པོ་མཆོག་ནས་དེ་རིང་ཚེས་གཅིག་ལྷ་མོའི་ཚེས་གཏོར་དང་བསྟུན་༸གང་ཉིད་ནས་ལྷ་མོའི་འཕྲིན་བཅོལ་རྒྱས་པ་ཞིག་ཕུལ་ཡོད་པའི་ངོ་སྤྲོད་དང་སྦྲགས།     དལ་འབྱོར་མི་ལུས་བཟང་པོ་ཐོབ་པ་དེ་ནམ་འཆི་ངེས་མེད་ཡིན་སྟབས།  ཉིན་རེ་བཞིན་དལ་འབྱོར་ལུས་བརྟེན་དེའི་ཐོག་ནས་སྙིང་པོ་ལེན་རྒྱུ་གལ་འགངས་ཆེན་པོ་ཡིན་པ་དང་།    ལྷག་པར་བོད་གངས་ཅན་གྱི་ཞིང་དང་ཧཱི་མ་ལ་ཡའི་མི་རིགས་ཚོར་ལས་བཟང་པོའི་བག་ཆགས་ཡོད་པ་ཞིག་ཡིན་སྟབས།   མི་ལུས་བཟང་པོ་ཐོབ་པ་དེ་དོན་དང་ལྡན་པ་ཞིག་ཡོང་ཐབས་བྱ་དགོས་པ་སོགས་ཀྱི་ལམ་སྟོན་བཀའ་སྩལ་མཛད་སོང་།དེ་རྗེས་༸གོང་ས་༸སྐྱབས་མགོན་ཆེན་པོ་མཆོག་ནས་བོད་དང་ཧཱི་མ་ལ་ཡའི་མི་རིགས་ཚོས་རྒྱུན་གཏན་བྱང་ཆུབ་སེམས་ལ་དོ་སྣང་དང་སྐྱབས་འགྲོའི་སྨོན་ལམ་བཅས་གསུང་འདོན་གནང་གི་ཡོད་པར་ཧ་ཅང་སྐལ་པ་བཟང་པོ་ཞིག་ཡིན་སྐོར་བཀའ་སྩལ་དང་བསྟུན།  དོན་དང་ལྡན་པའི་བདེ་བ་ཞིག་ཡོང་ཐབས་སུ་ཉིན་རེ་བཞིན་བྱང་ཆུབ་སེམས་བསྒོམ་རྒྱུ་དེ་ཡིན་པའི་ལམ་སྟོན་དང་སྦྲགས་སྤྱོད་འཇུག་ཆེན་མོའི་ལེའུ་གཉིས་པ་སྡིག་བཤགས་ནས་ལྗགས་ལུང་བཀྲིན་སྩལ་གནང་མཛད་སོང་།གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་ནས་ད་རེས་ལ་དྭགས་ཆིབས་བསྒྱུར་འདི་བཞིན་ཏོག་དབྱིབས་གཉན་རིམས་ཁྱབ་གདལ་རྗེས་མགོན་པོ་༸གང་ཉིད་ནས་རྡ་རམ་ས་ལའི་ཕྱི་ཕྱོགས་སུ་ཆོས་འབྲེལ་བཀྲིན་སྩལ་བ་ཐེངས་དང་པོ་དེ་ཡིན་པ་མ་ཟད།    ལྷག་པར་དུ་མགོན་པོ་༸གང་ཉིད་ལ་དྭགས་ཁུལ་དུ་ལོ་གསུམ་ལྷག་གི་རྗེས་ཐེངས་དང་པོར་ཆིབས་བསྒྱུར་བཀྲིན་མཛད་ཀྱི་སྐོར་དང་།   ལ་དྭགས་ཀྱི་ས་ཕྱོགས་གང་ས་ནས་ཆོས་ཞུ་བ་སྟོང་ཕྲག་མང་པོ་གྲོང་ཁྱེར་གླེ་ཁུལ་དུ་འདུ་འཛོམས་བྱུང་ཡོད་པ་མ་ཟད།   ལྷག་པར་དུ་བོད་མིའི་གཙོས་རྒྱ་བལ་འབྲུག་གསུམ་དང་། ནུབ་ཕྱོགས་རྒྱལ་ཁབ་ཁག་ནས་ཁྱོན་ཆོས་ཞུ་བ་སྟོང་ཕྲག་མང་པོ་འདུ་འཛོམས་བྱུང་འདུག་པ་ལྟར། ཆོས་ཞུ་བ་ཁག་ཅིག་གི་ཚོར་བ་དེ་ལྟར་འགྲེལ་བརྗོད་གནང་བྱུང་།སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ལ་དྭགས་ནང་ཚོགས་དང་དགོན་ཚོགས་གཉིས་ནས་ཇི་ལྟར་གསོལ་འདེབས་ཞུས་པ་ལྟར་སྤྱོད་འཇུག་ཆེན་མོའི་ཆོས་འབྲེལ་འདི་ཉིད་དེ་རིང་རེ་ཞིག་མཇུག་སྒྲིལ་དང་འབྲེལ།    སང་ཉིན་ཕྱི་ཚེས་ ༣༠ ཉིན་མགོན་པོ་༸གང་ཉིད་མཆོག་ནས་དད་ལྡན་ཆོས་ཞུ་བ་ཚོར་འཕགས་པ་སྤྱན་རས་གཟིགས་ཐུགས་རྗེ་ཆེན་པོའི་བཀའ་དབང་བཀྲིན་སྩལ་རྒྱུ་མ་ཟད། ལ་དྭགས་ནང་ཚོགས་དང་དགོན་གཉིས་ནས་བརྟན་བཞུགས་བསྟར་འབུལ་ཞུ་རྒྱུ་བཅས་ཀྱི་མཛད་འཆར་ཡོད་པ་རེད་འདུག

ཟླ་བ་འདིའི་ཕྱི་ཚེས་ ༢༧ སྟེ། རེས་གཟའ་ལྷག་པ་ནས་འགོ་འཛུགས་ཀྱིས་དེ་རིང་རེས་གཟའ་པ་སངས་བར་ཉིན་གསུམ་རིང་བཞུགས་སྒར་རྡ་སྟེང་བོད་ཕྲུག་ཁྱིམ་སྡེའི་ཉེ་འདབས་སུ་རྟེན་གཞི་བྱས་པའི་ Asia Health Resorts གསོལ་མགྲོན་ཁང་གི་ཡང་སྟེང་ཚོགས་ཁང་དུ་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དབུས་པའི་གཏན་འཇགས་ཐབས་ཇུས་འཆར་འགོད་ཚོགས་ཆུང་གི་སློབ་སྟོན་པ་དང་ཚོགས་མི་རྣམས་ལྷན་བཞུགས་ཐོག་ཚོགས་ཆུང་གི་ཚོགས་འདུ་ཐེངས་གཉིས་པ་དེ་ཚོགས་ཡོད།དེ་རིང་ཚོགས་འདུ་མཇུག་སྒྲིལ་དང་བསྟུན་ཚོགས་ཆུང་གི་ཚོགས་མི་ཕྱི་དྲིལ་དྲུང་ཆེ་ཀརྨ་ཆོས་དབྱིངས་ལགས་སུ་ཐེངས་འདིའི་ཚོགས་འདུའི་ནང་གནད་དོན་གཙོ་བོ་གང་གི་ཐོག་གྲོས་བསྡུར་གནང་ཡོད་སྐོར་དང་། མ་འོངས་ལས་གཞི་གཏན་འབེབས་ཇི་བྱུང་སོགས་ཀྱི་ཐད་བཅར་འདྲི་ཁག་ཅིག་ཞུས་པར།  བོད་རྒྱ་འབྲེལ་མོལ་ཡོངས་ཐབས་སུ་ཕྱིའི་རྒྱལ་ཁབ་ཁག་ལ་འབྲེལ་བ་གནང་ཕྱོགས་དང་། ཡོ་རོབ་གཙོས་པའི་རྒྱལ་སྤྱིའི་ཐོག་བོད་དོན་ཞུ་གཏུག་ལས་འགུལ་ཞི་རྒྱ་ཆེ་རུ་གཏོང་ཐབས། བོད་ནང་གི་གནས་སྟངས་དང་རྒྱ་ནག་ནང་གི་ཆབ་སྲིད་འགྱུར་གྲོས། དེ་བཞིན་དེ་སྔོན་ཚོགས་པའི་ཚོགས་དུས་དང་པོའི་སྐབས་གྲོས་བསྡུར་བྱུང་བའི་གནད་དོན་ལ་མཇུག་སྐྱོང་དང་། གཏན་འཇགས་ཐབས་ཇུས་འཆར་འགོད་ཚོགས་ཆུང་གི་སློབ་སྟོན་པ་རྣམ་པའི་ལས་དོན་གནང་ཕྱོགས་སོགས་ཀྱི་ཐོག་གྲོས་བསྡུར་ལྷུག་པོ་བྱུང་ཡོད་པ་གསུངས་བྱུང་།རྩ་བའི་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་དབུ་ཁྲིད་པའི་འཛིན་སྐྱོང་བཀའ་ཤག་སྐབས་ ༡༦ པས་སྔར་ལོའི་ཕྱི་ཟླ་ ༨ ཚེས་ ༡༣ ཉིན་དེ་སྔ་ཡོད་བཞིན་པའི་བོད་རྒྱ་གྲོས་མོལ་ལས་དོན་ཚོགས་ཆུང་ཕྱིར་བསྡུ་དང་སྦྲགས། གཏན་འཇགས་ཐབས་ཇུས་འཆར་འགོད་ཚོགས་ཆུང་ཞིག་ཆེད་བཙུགས་གནང་སྟེ། ཚོགས་ཆུང་གི་ཚོགས་འདུ་ཆེས་ཐོག་མ་དེ་སྔར་ལོའི་ཕྱི་ཟླ་ ༡༡ ཕྱི་ཚེས་ ༡༦ ནས་ ༡༨ བར་ཁྱོན་ཉིན་གསུམ་རིང་བཞུགས་སྒར་ནོར་གླིང་ཉེ་འཁྲིས་སུ་ཚོགས་མི་དང་སློབ་སྟོན་པ་ཚང་འཛོམས་ཐོག་ཚོགས་འདུ་ཚོགས་ཡོད་པ་དང་། ད་རེས་ཚོགས་འདུ་ཐེངས་གཉིས་པའི་ཐོག་སྲིད་སྐྱོང་སྤེན་པ་ཚེ་རིང་མཆོག་དང་ཚོགས་ཆུང་གི་སློབ་སྟོན་པ་བཀའ་ཟུར་འབྲོང་ཆུང་དངོས་གྲུབ་མཆོག་དང་༸གོང་ས་༸སྐྱབས་མགོན་ཆེན་པོ་མཆོག་གི་དམིགས་བསལ་སྐུ་ཚབ་ཟུར་པ་སྐལ་བཟང་རྒྱལ་མཚན་མཆོག ཚོགས་ཆུང་གི་ཚོགས་མི་བདེ་སྲུང་དྲུང་ཆེ་ཀརྨ་རིན་ཆེན་ལགས་དང་ཕྱི་དྲིལ་དྲུང་ཆེ་ཀརྨ་ཆོས་དབྱིངས་ལགས། བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་ཟླ་བ་ཚེ་རིང་ལགས། བཀའ་ཤག་གི་ཆབ་སྲིད་དྲུང་ཆེ་བཀྲིས་རྒྱ་མཚོ་ལགས་བཅས་དངོས་སུ་ས་གནས་ལ་མཉམ་ཞུགས་དང་། ཚོགས་ཆུང་གི་སློབ་སྟོན་པ་བཀའ་ཟུར་བསྟན་པ་ཚེ་རིང་མཆོག་དང་། དམིགས་གསལ་གདན་ཞུ་དགའ་ལྡན་ཕོ་བྲང་གི་འབྲེལ་ཡོད་དྲུང་ཆེ་རྔ་བ་ཚེ་རྒྱམ་ལགས་གཉིས་དྲ་རྒྱའི་བརྒྱུད་མཉམ་ཞུགས་གནང་ཡོད་པ་རེད།  

རྒྱ་གཞུང་གིས་དབྱེ་བའི་རང་སྐྱོང་ལྗོངས་དབུས་ཁུལ་གྱི་གཞིས་ཀ་རྩེ་རིན་སྤུངས་རྫོང་ནས་ཡིན་པའི་བོད་མི་ཚེ་དབང་རིན་ཆེན་ལགས་ཞུ་བ་ཞིག་ལ་རྒྱལ་ཁབ་ཀྱི་ལས་དོན་འཐུས་ཤོར་དང་ཕྱོགས་ཞེན་གྱིས་དབང་ཆ་ལོག་སྤྱོད་བྱས་འདུག་ཟེར་བའི་ཉེས་མིང་འོག་དུས་ཡུན་ལོ་གཅིག་དང་ཟླ་བ་དྲུག་རིང་གི་ཁྲིམས་ཐག་བཅད་འདུགདེ་ཡང་འདི་གའི་གསར་འགོད་པར་བཙན་བྱོལ་ནང་གནས་སྡོད་བོད་མི་ཞིག་གིས་གནས་ཚུལ་མཁོ་སྤྲོད་གནང་བར་གཞིགས་ན་ཚེ་དབང་རིན་ཆེན་ལགས་གཞིས་ཀ་རྩེ་རིན་སྤུངས་རྫོང་འབྲོག་སའི་དྲུང་ཡིག་གྱི་ལས་གནས་ཡོད་སྟབས་རྒྱ་གཞུང་གིས་བཀའ་བརྒྱ་བཏང་སྟེ་འབྲོག་པ་རྣམས་གྲོང་ཁྱེར་ལ་གནས་སྤོ་བྱ་དགོས་པའི་བཙན་བཀའ་ཡང་ཡང་བཏང་ཡང་ཚེ་དབང་རིན་ཆེན་ལགས་ཀྱིས་བཀའ་བརྒྱ་དེར་རྩི་མཐོང་བྱས་མ་སོང་ཟེར་བ་དང་རྒྱལ་ཁབ་ཀྱི་ལས་དོན་འཐུས་ཤོར་དང་ཕྱོགས་ཞེན་གྱིས་དབང་ཆ་ལོག་སྤྱོད་ཟེར་བའི་ཉེས་མིང་འོག་ཟླ་བ་འདིའི་ཕྱི་ཚེས་ ༡༦ ཉིན་གཞིས་ཀ་རྩེ་ནང་ཡོད་པའི་མི་མང་ཁྲིམས་ཁང་ནས་ཁོང་ལ་ལོ་གཅིག་དང་ཟླ་བ་དྲུག་རིང་བཙོན་འཇུག་གི་ཁྲིམས་ཐག་བཅད་པ་མ་ཟད། རྒྱ་སྒོར་ ༣༥༠༠༠ རྒྱ་གཞུང་ལ་སྤྲད་དགོས་པ་དང་ཁོང་གིས་དྲུང་ཡིག་གི་ལས་གནས་དེ་ཡང་ཕྱིར་བསྡུ་བྱས་འདུག་ ད་ལྟ་ཁོང་གི་གནས་སྟངས་དང་བཙོན་ཁང་གང་དུ་ཡོད་མིན་ཤེས་ཚོད་ཁག་པོར་གྱུར་འདུག གཞི་རྩའི་བོད་མི་ཚེ་དབང་རིན་ཆེན་ལགས་ཀྱིས་ཕྱི་ལོ་ ༢༠༡༣ ལོ་འགོ་ནས་རྒྱ་གཞུང་གིས་ས་གནས་འབྲོག་པའི་འཚོ་བ་སྐྱེལ་སྟངས་དེ་མེད་པར་བཟོས་ནས་འབྲོག་པ་རྣམས་གྲོང་ཁྱེར་ནང་སྤོ་དགོས་པའི་ཁྲིམས་བཟོ་སྐབས་ས་གནས་གཞུང་ལ་སྔར་རྒྱུན་ནས་གནས་པའི་འབྲོག་པའི་འཚོ་བ་དེ་མེད་པར་བཟོས་ནས་ཁོང་རྣམས་གྲོང་ཁྱེར་དུ་སྤོས་ཚེ་མ་འོངས་པར་འབྲོག་མི་རྣམས་ལ་དཀའ་ངལ་ཚད་མེད་འཕྲད་བའི་ཉེན་ཁ་ཡོད་ལུགས་འགྲེལ་བརྗོད་དང་། འབྲོག་པ་རྣམས་སྔར་བཞིན་ས་མཐོ་སར་སྒོ་ཕྱུགས་སེམས་ཅན་དང་མཉམ་དུ་འཚོ་བ་སྐྱེལ་བཅུག་ཚེ་དེས་འབྲོག་པ་རྣམས་ལ་ཕན་ཐོགས་ཡོད་པའི་སྙན་ཐོ་ཞིག་རྒྱ་གཞུང་ལ་ཕུལ་མྱོང་ཡོད་པ་རེད་འདུག པར་དབང་བོད་ཀྱི་དུས་བབ།

ལ་དྭགས་ནང་ཚོགས་དང་དགོན་ཚོགས་ཐུན་མོང་ནས་གསོལ་འདེབས་ཞུས་པ་ལྟར།   བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་སྟེ་ཕྱི་ཚེས་ ༢༨ ནས་ ༣༠ བར་ཉིན་གྲངས་གསུམ་རིང་ཆོས་འབྲེལ་བཀའ་དྲིན་འདི་བཞིན་དངོས་སུ་དབུ་འཛུགས་མཛད་སོང་།དེ་ཡང་ལ་དྭགས་གྲོང་ཁྱེར་གླེའི་ཞི་བའི་ཚལ་ཕོ་བྲང་གི་གསུང་ཆོས་ར་བར་ཉིན་དང་པོའི་ཆོས་འབྲེལ་སྐབས་ཕྱི་ནང་དད་ལྡན་ཆོས་ཞུ་བ་མི་གྲངས་གསུམ་ཁྲི་བརྒལ་བ་ཞིག་འདུ་འཛོམས་བྱུང་ཡོད་པ་དང་། ༸གོང་ས་༸སྐྱབས་མགོན་ཆེན་པོ་མཆོག་གིས་སྐབས་དེར་བདེ་སྐྱིད་ཀྱི་རྩ་བ་ནི་སེམས་བཟང་པོ་བྱ་རྒྱུ་དེ་ཡིན་པའི་དྲན་སྐུལ་དང་། གཞི་རྩའི་ཆོས་ལུགས་ཚང་མས་དེ་ལྟར་གསུངས་ཀྱི་ཡོད་ཀྱང་། ནང་པ་སངས་རྒྱས་པའི་ཆོས་སྤྱི་དང་། ལྷག་པར་དུ་དཔལ་ན་ལན་ཌ་ནས་བརྒྱུད་པའི་ནང་པའི་ཆོས་དེ་རྒྱུ་མཚན་ཡང་དག་ཡོད་པའི་ཆོས་ལུགས་ཤིག་ཡིན་པ་བཅས་ནང་ཆོས་ཀྱི་སྙིང་པོ་གང་ཡིན་ལམ་སྟོན་བཀྲིན་སྩལ་གནང་མཛད་པ་མ་ཟད། བོད་ཀྱི་ཁྱིམ་མཚེས་ལ་དྭགས་དང་ཧཱི་མ་ལའི་མི་རིགས་ཚོས་སེམས་བཟང་པོ་བྱས་ཚེ།  བོད་ནང་ཤུགས་རྐྱེན་ཆེན་པོ་བྱུང་གི་ཡོད་པ་དང།   བོད་བསྟན་སྲིད་ལའང་ཕན་ཐོགས་ཆེན་པོ་ཡོད་སྐོར་དང་།  ལྷག་པར་འཛམ་གླིང་ཞི་བདེ་ཡོང་ཐབས་སུའང་དོན་དམ་གྱི་ཕན་ཐོགས་ཡོད་པའི་ལམ་སྟོན་སོགས་ཀྱང་བཀའ་དྲིན་སྩལ་གནང་མཛད་ཡོད། དེ་ཡང་༸གོང་ས་༸སྐྱབས་མགོན་ཆེན་པོ་མཆོག་ནས་འགྲོ་བ་མི་ཡིན་ཕྱིན་ཆད་སྤྱི་ཚོགས་ལ་བསྟུན་དགོས་པ་དང་།    སེམས་པ་བཟང་པོ་ཀུན་ནས་བླངས་ཏེ་གྲོགས་པོའི་འདུ་ཤེས་ཐོག་གནས་ཐུབ་ཚེ་ཪང་གཞན་ཀུན་གྱི་མི་ཚེ་སྐྱིད་པ་ཡོང་རྒྱུ་དང་།    རྒྱུན་དུ་ང་ཚོས་འཛམ་གླིང་ཞི་བདེ་འདོད་ཀྱི་ཡོད་ཀྱང་།  སེམས་ནང་ང་རྒྱལ་དང་ཕྲག་དོག་འཇིགས་སྣང་བཅས་ལ་བརྟེན་པས་འཛམ་གླིང་ཞི་བདེ་ཡོང་གི་མེད་པར།   ཞི་བདེའི་རྩ་བ་དེ་སེམས་བཟང་པོ་བྱ་རྒྱུ་དེ་ཡིན་པའི་ལམ་སྟོན་བཀྲིན་སྩལ་གནང་མཛད་ཡོད།༸གོང་ས་༸སྐྱབས་མགོན་ཆེན་པོ་མཆོག་ནས་སྐབས་དེར་ད་དུང་།   བོད་རྒྱ་ཆེའི་མང་ཚོགས་ནས་༸གང་ཉིད་ལ་རེ་བ་དང་ཡིད་ཆེས་བློ་འཁེལ་གནང་གི་ཡོད་པ་ལྟར།  ངོས་རང་སེམས་པ་བཟང་པོ་དང་དེའི་གཞི་རྩར་སྙིང་སྟོབས་ཡོད་སྐོར་དང་། བོད་མི་ཚོར་གཞི་རྩའི་དཀའ་ངལ་ཆེན་པོ་ཞིག་ཡོད་ཀྱང་སེམས་པ་བཟང་པོ་ཀུན་ནས་བླངས་པའི་སྙིང་སྟོབས་ལྡན་ཚེ་ང་ཚོའི་གནས་སྟངས་རིང་མིན་འགྱུར་བ་འགྲོ་ངེས་པ་སོགས་ཀྱི་སྐོར་བཀའ་གནང་སྟེ།   ཀུན་ལ་བརྩེ་སེམས་བྱ་རྒྱུ་དེ་འཛམ་གླིང་ཞེ་བདེའི་རྩ་བ་ཡིན་པ་བཅས་ཀྱི་ལམ་སྟོན་ཡང་བཀའ་སྩལ་མཛད་ཡོད།༸གོང་ས་༸སྐྱབས་མགོན་ཆེན་པོ་མཆོག་གིས་དུས་རབས་བདུན་པ་དང་བརྒྱད་པ་ནས་བྱུང་པའི་བོད་ཀྱི་སྐད་ཡིག་དང་ནང་པའི་ཆོས་བཅས་ཧ་ཅང་ཕན་ཐོགས་ཡོད་པ་ཞིག་དང་།    སྐད་ཡིག་གཞན་ལ་བརྟེན་མི་དགོས་པར་བཀའ་འགྱུར་དང་བསྟན་འགྱུར་གཙོས་ཟབ་པ་དང་རྒྱ་ཆེ་བའི་ལམ་སྟོན་པའི་ཕྱག་དཔེ་སྟོང་ཕྲག་མང་པོ་དེ་དག།   བཙན་བྱོལ་བོད་མི་ཚོས་སྐུ་ལས་བསྐྱོན་པའི་འོག་གདན་ས་གསུམ་གྱི་གཙོས་ཆོས་སྡེ་ཚོས་རྩ་བ་གསར་འཛུགས་ཐུབ་པའི་སྐོར་བཀའ་སྩལ་གནང་པ་མ་ཟད།   དེང་སྐབས་བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་བཅས་ལ་འཛམ་གླིང་ཁྱོན་ཡོངས་ནས་དོ་སྣང་བྱེད་ཀྱི་ཡོད་པའི་སྐོར་སོགས་བཀའ་གནང་ཡོད།  ལ་དྭགས་པ་ཚོས་རྒྱུན་དུ་རིག་ལམ་གྱི་ཐོག་ནས་གཞུང་ཆེན་ཁག་ལ་དོ་སྣང་གནང་དགོས་པའི་ལམ་སྟོན་བཀའ་སྩལ་དང་བསྟུན།   དེ་རིང་གྱི་ཆོས་འབྲེལ་དངོས་གཞི་སྤྱོད་འཇུག་ཆེན་མོའི་མཛད་པོ་རྒྱལ་སྲས་ཆེན་པོ་ཞི་བ་ལྷའི་མཛད་རྣམ་སྙིང་བསྡུས་ཤིག་བཀའ་གནང་སྟེ།   བྱང་ཆུབ་སེམས་ཀྱི་ཕན་ཡོན་བསྟན་པའི་ལེའུ་དང་པོ་ངོ་སྤྲོད་སྩལ་གནང་མཛད་ཡོད།དེ་རིང་གྱི་ཉིན་དང་པོའི་ཆོས་འབྲེལ་དེའི་སྐབས་ལ་དྭགས་ཁུལ་གྱི་ས་གནས་མང་པོ་ནས་དད་ལྡན་སྟོང་ཕྲག་མང་པོ་ཆེད་ཕེབས་གནང་འདུག་པ་མ་ཟད།   རྒྱལ་ཁབ་འདྲ་མིན་ནས་ཕེབས་པའི་ཕྱི་རྒྱལ་མི་རིགས་དང་།   དེ་བཞིན་རྒྱ་གར་གྱི་ས་ཕྱོགས་གང་ས་ནས་བོད་མི་ཆོས་ཞུ་བ་ཡང་མང་པོ་ཕེབས་ཡོད་པ་བཅས་ཉིན་དང་པོའི་ཆོས་འབྲེལ་དེར་མི་གྲངས་ཁྲི་གསུམ་ལྷག་འདུ་འཛོམས་བྱུང་ཡོད་པའི་ཚོད་དཔག་གནང་གི་འདུག

ཉན་པ།: Listen ཕབ་ལེན། Download ༸གོང་ས་མཆོག་གིས་ལ་དྭགས་དང་ཧི་མཱ་ལ་ཡའི་མི་རིགས་ཚོས་སེམས་བཟང་པོ་བྱེད་ན་བོད་བསྟན་སྲིད་ལ་ཕན་ཐོགས་ཡོད་པ་བཀའ་སྩལ་བ། རྒྱ་ནག་གི་ Guangdong ཞིང་ཆེན་ནང་བོད་བརྒྱུད་ནང་བསྟན་ལ་ཚོད་འཛིན་བྱ་རྒྱུའི་བཙན་བཀའ་བཏང་འདུག བོད་སློབ་ཁག་གི་འཛིན་རིམ་བཅུ་གཉིས་དང་བཅུ་པའི་རྒྱུགས་འཕྲོད་བརྒྱ་ཆ་ ༩༧.༠༨ དང་ ༩༤.༠༢ སོ་སོར་བྱུང་བ། རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཚོགས་ཆུང་ནས་ཧོང་ཀོང་ནང་གི་རྒྱལ་ཁབ་བདེ་འཇགས་ཀྱི་ཁྲིམས་གཞི་ཕྱིར་འཐེན་དགོས་པའི་ཞུ་སྐུལ། Thursday 28/07/2022 More compassionate Himalayan will help Tibetan cause: HHDL Crackdown on Tibetan Buddhism in Guangdong Class XII achieves pass percentage of 97.08, class X 94.02 UN Rights group urge Hong Kong to repeal draconian national security law