Tibetan Royal Year of 2151 | Year of the Wood Dragon

ARCHIVE

Monthly Archives: November, 2022

རེས་གཟའ་ལྷག་པ། ༢༠༢༢།༡༡།༣༠

ཉན་པ།: Listen ཕབ་ལེན། Download འབྲས་སྤུངས་སྒོ་མང་གྲྭ་ཚང་དང་ལྷ་ལྡན་ཆོ་འཕྲུལ་སྨོན་ལམ་ཆེན་མོའི་དགེ་རྩ་ཐུན་མོང་ནས་༸གོང་ས་མཆོག་ལ་བརྟན་བཞུགས་བསྟར་འབུལ། རྒྱ་ནག་ནང་སྔར་ལྷག་འཇིགས་སྐུལ་དང་དོགས་སྲུང་བྱ་ར་བརྒྱུད་ངོ་རྒོལ་ལས་འགུལ་བ་རྩ་བརླག་གཏོང་ཐབས་བྱེད་བཞིན་པ། རྒྱ་ནག་གི་སྲིད་འཛིན་ཟུར་པ་ཅང་ཙེ་མེན་འདས་གྲོངས། རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་མཇུག་སྒྲིལ། རྒྱ་ནག་དང་ཚོང་འབྲེལ་བརྒྱུད་འགྲོ་བ་མིའི་ཐོབ་ཐང་གོང་མཐོར་ཡོང་བའི་ལངས་ཕྱོགས་དེ་ནི་རྟོགས་དཀའ་བར་གསུངས་འདུག Wednesday 30/11/2022 Long Life prayer service for the Dalai Lama in Dharamsala China uses surveillance, intimidation to snuff out Covid protests Former President Jiang Zemin, who guided China’s rise, dies at 96 All India TSG conference concludes with a Tibet declaration UK’s ‘golden era’ with China over, says Britain PM Rishi Sunak

༸གོང་ས་མཆོག་༸སྐུ་ཚེ་ཡུན་དུ་བརྟན་རྒྱུ་ནི་འཕགས་པ་སྤྱན་རས་གཟིགས་ཀྱི་ཕྱག་ལ་ཡོད་ཅེས་བཀའ་སྩལ་བ།

དེ་རིང་ཕྱི་ལོ་ ༢༠༢༢ ཟླ་ ༡༡ ཚེས་ ༣༠ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་༸དཔལ་ལྡན་འབྲས་སྤུངས་སྒོ་མང་གྲྭ་ཚང་དང་ལྷ་ལྡན་ཆོ་འཕྲུལ་སྨོན་ལམ་ཆེན་མོའི་དགེ་རྩ་ཐུན་མོང་ནས་བརྟན་བཞུགས་བསྟར་འབུལ་ཞུས་སྐབས་མགོན་པོ་༸གང་ཉིད་མཆོག་གིས་ངོས་ཀྱི་མགོན་དང་དཔུང་གཉེན་ཆོག་ཏུ་གྱུར་པ་ནི་ཇོ་བོ་ཝ་ཏི་བཟང་པོ་ཆགས་ཡོད་སྟབས། མགོན་པོ་༸གང་ཉིད་མཆོག་༸སྐུ་ཚེ་ཡུན་དུ་བརྟན་རྒྱུ་ནི་འཕགས་པ་སྤྱན་རས་གཟིགས་ཀྱི་ཕྱག་ལ་ཡོད་ཅེས་བཀའ་སྩལ་སོང་།སྒྲོལ་དཀར་ཡིད་བཞིན་འཁོར་ལོའི་ཚེ་ཆོག་དང་འབྲེལ་ནས་༸གོང་ས་མཆོག་༸སྐུ་ཚེ་མི་འཇིག་རྡོ་རྗེ་འཆང་གི་ངོ་བོར་བརྟེན་ཕྱིར་བརྟན་བཞུགས་རྒྱས་པ་ཞིག་བསྟར་འབུལ་ཞུས་སྐབས་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་བརྟན་བཞུགས་ཀྱི་སྐབས་འདིར་ཆེད་མངགས་ཇོ་བོ་ཝ་ཏི་བཟང་པོའི་སྐུ་པར་སྒྲིག་གཤོམ་མཛད་ཡོད་ཅེས་བཀའ་སྩལ་བ་དང་འབྲེལ་ཏེ་འཕགས་པ་སྤྱན་རས་གཟིགས་ནི་བོད་གངས་ཅན་ལྗོངས་ཀྱི་ལྷ་སྐལ་དང་དུས་ད་ལྟའི་བར་འཕགས་པ་སྤྱན་རས་གཟིགས་ཀྱི་༸སྐུའི་སྐུ་ཚབ་དང་གསུང་གི་གསུང་ཚབ། ཐུགས་ཀྱི་ཐུགས་ཚབ་མཛད་དེ་འཕགས་པའི་དགོངས་པ་ལྟར་བསྟན་པ་དང་འགྲོ་བའི་དོན་དུ་ལོ་བཅུ་ཕྲག་གཉིས་ཙམ་༸སྐུ་འཚོ་བཞུགས་མཛད་རྒྱུའི་གསོལ་འདེབས་མཛད་བཞིན་ཡོད་པར་བཀའ་སྩལ་ཡོད།དེ་བཞིན་༸གོང་ས་མཆོག་གིས་ང་ཚོ་བཙན་བྱོལ་དུ་གྱར་ནས་ཐབས་སྐྱོ་པོའི་གནས་ཚུལ་བྱུང་ཡོད་ཀྱང་། བཙན་བྱོལ་བའི་གོ་སྐབས་འདིའི་ཐོག་ནས་འཛམ་གླིང་སྤྱིར་བོད་ཀྱི་སངས་རྒྱས་པའི་བསྟན་པ་ཁྱབ་སྤེལ་མཛད་དེ་དགའ་མོས་བྱ་ཡུལ་དུ་གྱུར་ཡོད་ཅེས་བཀའ་སྩལ་བ་དང་སྦྲགས། བྱེས་ཀྱི་གདན་ས་ཁག་གིས་གཙོས་པའི་རིས་སུ་མ་མཆེད་པའི་ས་སྐྱ་དང་བཀའ་བརྒྱུད། རྙིང་མ། དེ་བཞིན་ཧི་མཱ་ལ་ཡའི་དགོན་སྡེ་ཁག་གིས་ད་བར་ཧུར་ཐག་གནང་བ་ལྟར་ད་དུང་ཐོས་དོན་བསྒྲུབ་ལ་ཞོལ་ནས་བསླབ་པ་སློབ་གཉེར་ཧུར་ཐག་གནང་དགོས་གལ་ཡིན་པར་ལམ་སྟོན་བཀའ་དྲིན་བ་སྩལ་སོང་།༸གོང་ས་༸སྐྱབས་མགོན་ཆེན་པོ་མཆོག་གིས་ཉེ་བའི་ཉིན་ཤས་ནང་རྒྱ་ནག་ནང་འགྱུར་ལྡོག་ཆེན་པོ་ཞིག་འགྲོ་བཞིན་ཡོད་པ་དང་ལྷག་དོན་རྒྱ་ནག་ནང་སརྒྱས་པའི་བསྟན་པར་དོ་སྣང་བྱེད་མཁན་ཇེ་མང་དུ་འགྲོ་བཞིན་ཡོད་སྐོར་བཀའ་སྩལ་བ་དང་ཆབས་ཅིག་བོད་གངས་ཅན་ལྗོངས་ཀྱི་ལྷ་མི་ཡོངས་ནས་༸རྒྱལ་བ་རིན་པོ་ཆེའི་དགོངས་པ་ཇི་བཞིན་བསྒྲུབ་རྒྱུར་འབད་བརྩོན་ཧུར་ཐག་གནང་བཞིན་པ་ལྟར་བོད་ཀྱི་བདེན་མཐའ་གསལ་ངེས་རེད་བཀའ་སྩལ་ཡོད།དེ་བཞིན་ཐེངས་འདིའི་བརྟན་བཞུགས་ལ་བཅར་བའི་འབྲས་སྤུངས་སྒོ་མང་གྲྭ་ཚང་གི་དགེ་འདུན་པའི་ཁོངས་ནས་དགུང་ལོ་བགྲེས་ཤོས་དགུང་གྲངས་ ༨༢ ལ་ཕེབས་པའི་རྒན་བསྟན་འཛིན་ནམ་མཁའ་ལགས་ཀྱིས་དེ་རིང་༸གོང་ས་༸སྐྱབས་མགོན་ཆེན་པོ་ཐུགས་ཧ་ཅང་དགྱེས་ཚོར་ཆེན་པོ་བྱུང་འདུག་དེ་ནི་༸རྒྱལ་བ་དགྱེས་པའི་མཆོད་པ་ཆགས་ཡོད་སྟབས་དེ་ལས་ལྷག་པ་ཞིག་ཡོད་མ་རེད་ཅེས་གསུངས་སོང།

རྒྱ་ནག་གི་སྲིད་འཛིན་ཟུར་པ་ཅང་ཙེ་མིན་འདས་གྲོངས་སུ་གྱུར་འདུག

རྒྱ་ནག་དམར་ཤོག་གཞུང་ལ་སྒོ་གང་ས་ནས་མང་ཚོགས་ཀྱི་སྒེར་ལངས་བྱས་དང་བྱེད་མུས་ཀྱི་ཁྲོད་འདིར་དེ་རིང་རྒྱ་ནག་ནས་གལ་ཆེའི་གནས་ཚུལ་གཞན་ཞིག་ཕྱིར་ཐོན་པར་གཞིགས་ན་སྲིད་འཛིན་ཟུར་པ་ཅང་ཙེ་མིན་རང་ལོ་ ༩༦ ཐོག་དེ་རིང་ཉིན་རྒྱབ་འདས་གྲོངས་སུ་གྱུར་འདུགགནས་ཚུལ་ཡོང་ཁུངས་ཁག་གིས་འགྲེལ་བརྗོད་གནང་བར་རྒྱ་ནག་གི་སྲིད་འཛིན་ཟུར་པ་ཅང་ཙེ་མིན་ Leukemia འམ་ཕྲ་ཕུང་དཀར་པོ་མང་བའི་ནད་གཞི་གཙོས་ལུས་པོའི་དབང་པོ་རྣམས་ཀྱི་བྱེད་ལས་ཉམས་ཏེ་འདས་གྲོངས་སུ་གྱུར་ཡོད་སྐོར་སྤེལ་འདུགཕྱི་ལོ་ ༡༩༨༩ ལོར་གནམ་སྡེ་སྒོ་མོ་ཆེའི་ཐང་ཆེན་དུ་མི་གསོད་ཁྲག་སྦྱོར་གྱི་དོན་རྐྱེན་བྱུང་རྗེས་ནུབ་ཕྱོགས་པའི་རྒྱལ་ཁབ་མང་པོས་རྒྱ་ནག་ལ་སྐྱོན་བརྗོད་གནང་བ་དང་སྦྲགས་ཏེ། རྒྱལ་སྤྱིའི་སྤྱི་ཚོགས་ནས་ཟུར་ཕུད་གནང་བའི་ཁྲོད་ཁོ་པས་རྒྱ་ནག་གི་སྲིད་འཛིན་གྱི་འགན་ཁུར་བའི་འོག་ཧོང་ཀོང་དེ་བཞིན་དབྱིན་ཡུལ་ནས་རྩིས་ལེན་དང་ཕྱི་ལོ་ ༢༠༠༨ ལོའི་པེ་ཅིང་ཨོ་ལམ་པིཀ་རྩེད་འགྲན་གྱི་མགྲོན་བདག་ཐོབ་པ། དེ་བཞིན་འཛམ་གླིང་ཚོང་འབྲེལ་སྒྲིག་འཛུགས་ནང་འཛུལ་ཞུགས་ཐུབ་པ་སོགས་བརྒྱུད་ནས་རྒྱ་ནག་དེ་རྒྱལ་སྤྱིའི་སྤྱི་ཚོགས་ཁྲོད་དཔུང་པ་མཉམ་གཤིབས་ཀྱི་གནས་བབ་བཟོ་མཁན་གྱི་འགོ་ཁྲིད་དམིགས་བསལ་ཅན་ཞིག་ལ་ངོས་འཛིན་བྱེད་བཞིན་ཡོད་པ་རེད།ཕྱོགས་གཞན་ཞིག་ནས་ཁོ་པས་རང་ཉིད་ཀྱི་ལས་ཡུན་ཁྲོད་ཐེ་ཝན་གྱི་གནད་དོན་ཐད་སྲིད་བྱུས་མཁྲེགས་འཛིན་བྱས་པར་མ་ཟད་ཧྥ་ལུང་གྷུང་ཆོས་བརྒྱུད་ལ་དམ་དྲག་ཤུགས་ཆེར་བྱེད་མཁན་ཞིག་ལ་ངོས་འཛིན་གནང་མཁན་ཡང་ཡོད། བོད་ཀྱི་གནད་དོན་ལ་མཚོན་ན། ཁོ་པའི་སྲིད་འཛིན་གྱི་ལས་ཡུན་ཁྲོད་སྐབས་དེའི་ཨ་རིའི་སྲིད་འཛིན་ Bill Clinton མཆོག་གིས་པེ་ཅིང་དུ་གསར་འགོད་ལྷན་ཚོགས་ཤིག་གི་ཐོག་བོད་རྒྱ་གྲོས་མོལ་དགོས་པའི་གཞེན་སྐུལ་གནང་བར་ཁོང་གིས་༸གོང་ས་ཏཱ་ལའི་བླ་མས་བོད་དང་ཐེ་ཝན་དེ་རྒྱ་ནག་གི་ཁ་བྲལ་ཐབས་མེད་པའི་ཆ་ཤས་ཡིན་པར་ཡོངས་གྲགས་ཐོག་ཞལ་བཞེས་གནང་ཚེ་གྲོས་མོལ་གྱི་སྒོ་ཕྱེས་ནས་ཡོད་ཅེས་བཤད་ཡོད་པ་དེ་ནི། རྒྱ་ནག་གི་ངོས་ནས་བོད་རྒྱ་གྲོས་མོལ་ཐད་སྔོན་འགྲོའི་ཆ་རྐྱེན་ནང་ཐེ་ཝན་གྱི་གནད་དོན་བཀོད་པ་ཆེས་ཐོག་མར་ཆགས་ཡོད།སྤྱིར་ཁོ་པས་ཕྱི་ལོ་ ༡༩༩༣ ནས་ ༢༠༠༣ བར་རྒྱ་ནག་གི་སྲིད་འཛིན་གྱི་ལས་གནས་བཟུང་ཡོད་པ་དང་། ལས་ཡུན་མ་འཁྱུར་གོང་ཕྱི་ལོ་ ༢༠༠༢ ལོར་བོད་རྒྱ་གཉིས་དབར་འབྲེལ་མོལ་བསྐྱར་གསོ་བྱུང་ནས་ལོ་དེའི་ཕྱི་ཟླ་ ༩ པ་ནང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་རྒྱ་རི་བློ་གྲོས་རྒྱལ་མཚན་ལགས་དམ་པ་དེ་ཉིད་ཀྱི་སྣེ་ཁྲིད་འོག་མི་སྣ་བཞི་ལས་གྲུབ་པའི་བོད་མིའི་སྐུ་ཚབ་ཚོ་ཁག་རྒྱ་ནག་དང་བོད་ལ་ཕེབས་ཡོད། པར་ཁག་སྤྱི་ཚོགས་དྲ་རྒྱ་ལས་བཏུས།

མ་འོངས་ལས་དོན་བྱེད་ཕྱོགས་ཀྱི་བསྒྲགས་གཏམ་སྤེལ་ཏེ་རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་མཇུག་སྒྲིལ།

རྒྱ་གར་གྱི་རྒྱལ་ས་ལྡི་ལི་ནང་ཁ་ཉིན་ཕྱི་ཚེས་ ༢༨ ནས་རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་བདུན་པ་དབུ་འཛུགས་གནང་ཡོད་པ་ལྟར་ཁ་སང་ཉིན་རྒྱབ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་མཛད་སྒོའི་སྐུ་མགྲོན་གཙོ་བོར་ཆེད་ཕེབས་དང་སྦྲགས་ཏེ་ཉིན་གྲངས་གཉིས་རིང་ཚོགས་པའི་ཚོགས་འདུ་དེའི་ཐོག་ནས་མ་འོངས་ལས་དོན་བྱེད་ཕྱོགས་ཀྱི་བསྒྲགས་གཏམ་སྤེལ་ཏེ་ཚོགས་ཆེན་རེ་ཞིག་མཇུག་སྒྲིལ་གནང་ཡོད། རྒྱ་གར་གྱི་མངའ་སྡེ་འདྲ་མིན་ནས་ཕེབས་པའི་བོད་དོན་རྒྱབ་སྐྱོར་ཚོགས་པའི་ཚོགས་མི་གྲངས་ ༢༠༠ ལྷག་འདུ་འཛོམས་བྱུང་ཡོད་པ་དེ་དག་གི་ངོས་ནས་འདས་པའི་ཉིན་གྲངས་གཉིས་ནང་ས་གནས་སོ་སོའི་ལས་བསྡོམས་སྙན་སྒྲོན་དང་མཁས་དབང་མི་སྣའི་གསུང་བཤད། ལྷག་པར་དུ་ཚོགས་བཅར་བ་རྣམས་ཚོགས་ཆུང་ཆ་བགོས་ཀྱིས་མ་འོངས་ལས་དོན་བྱེད་ཕྱོགས་ཐོག་གྲོས་མོལ་ལྷུག་པོ་གནང་ཡོད་པ་རེད།ཕྱི་ལོ་ ༡༩༥༩ ལོར་ཐོག་མར་གསར་འཛུགས་གནང་སྟེ་དུས་ཡུན་ད་བར་གནས་པའི་རྒྱ་གར་གྱི་བོད་དོན་རྒྱབ་སྐྱོར་ཚོགས་པ་དེ་ད་ཆ་རྒྱལ་ཡོངས་སུ་གོང་འཕེལ་སླར་གསོ་བྱུང་ཡོད་པ་ལྟར། འཕགས་བོད་གཉིས་ཀྱི་རིག་གཞུང་དང་ཆོས་ཕྱོགས། སྤྱི་ཚོགས། དཔལ་འབྱོར་སོགས་དེ་བྱུང་གི་རང་བཞིན་ལྡན་པའི་འབྲེལ་བ་ཡོད་པ་དེ་དག་ངོས་འཛིན་པའི་ཐོག་ནས་རྒྱ་ནག་གཞུང་གིས་བོད་ནང་བོད་མིའི་ཆོས་དང་རིག་གཞུང་། སྐད་ཡིག མི་རིགས། དེ་བཞིན་ཁོར་ཡུག་བཅས་པ་རྩ་མེད་བཟོ་བཞིན་པའི་སྲིད་བྱུས་ཁག་ལ་མཐའ་གཅིག་ཏུ་ངོ་རྒོལ་དང་བློ་འཚབ་ཡོད་པ་གསུངས་ཏེ། རྒྱ་གར་གཞུང་མང་གི་ངོས་ནས་དབུས་བོད་མིའི་སྒྲིག་འཛུགས་འདི་ཉིད་གཞིས་བྱེས་གཉིས་ཀྱི་བོད་མིའི་ཁྲིམས་མཐུན་ངོ་ཚབ་ལ་ངོས་འཛིན་གནང་སྐྱོང་ཡོང་ཐབས་དང་བོད་རྒྱ་གཉིས་དབར་དབུ་མའི་ལམ་གྱི་ཐོག་ནས་གྲོས་མོལ་གང་མགྱོགས་ཡོང་ཐབས། རྒྱ་ནག་གཞུང་གི་ངོས་ནས་བོད་ཀྱི་ངོ་བོ་རྩ་མེད་བཟོ་ཐབས་ཀྱི་སྲིད་བྱུས་ཁག་ལ་མཐའ་གཅིག་ཏུ་ངོ་རྒོལ་གནང་རྒྱུ་ཡིན་པ་སོགས་ཀྱི་བསྒྲགས་གཏམ་སྤེལ་ཡོད།རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་བདུན་པའི་མཇུག་སྡོམ་མཛད་སྒོའི་སྐུ་མགྲོན་གཙོ་བོ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་རྒྱ་གར་གཞུང་མང་གི་ངོས་ནས་བོད་མི་དང་བོད་དོན་ཐོག་ད་བར་རྒྱབ་སྐྱོར་གང་ཡོང་གནང་བར་ཐུགས་རྗེ་ཆེ་ཞུས་པར་མ་ཟད་མ་འོངས་པར་མུ་མཐུད་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་དང་། ལྷག་དོན་རྒྱ་ནག་གིས་བོད་དང་བོད་མིའི་ཐོག་འཛིན་པའི་སྲིད་བྱུས་ངན་པ་དེས་རྒྱ་ནག་ཁོ་ན་ཙམ་མིན་པར་འཛམ་གླིང་ཀུན་ལ་ཤུགས་རྐྱེན་ངན་པ་ཐེབས་ངེས་ཡིན་སྐོར་གསུངས་ཡོད།མཇུག་སྡོམ་གྱི་མཛད་སྒོ་ཐོག་བོད་མིའི་སྒྲིག་འཛུགས་ཀྱི་ཕྱི་འབྲེལ་ལས་ཁུངས་ཀྱི་དྲུང་ཆེ་ཀརྨ་ཆོས་དབྱིངས་ལགས་དང་ཧི་མཱ་ཅལ་མངའ་སྡེའི་དབུས་གཙུག་ལག་སློབ་གྲྭ་ཆེན་མོའི་རིགས་བདག་སློབ་དཔོན་ Kuldeep Chand Agnihotri མཆོག་གིས་དབུས་པའི་རྩོམ་བྲིས་པ་གྲགས་ཅན་ལྕམ་སྐུ་ Dr. Neerja Madhav ལགས་ཀྱིས་ཀྱང་གསུང་བཤད་གནང་ཡོད་པར་མ་ཟད། བོད་དོན་རྒྱབ་སྐྱོར་ཚོགས་པའི་སྡེ་ཚན་ནང་མའི་རྒྱལ་ཡོངས་འབྲེལ་མཐུད་པ་སྐུ་ཞབས་རིན་ཆེན་མཁའ་འགྲོ་ཀེར་མཱེ་ལགས་ཀྱིས་མཇུག་སྡོམ་གསུང་བཤད་གནང་ཡོད།རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པ་ ༡༥ ལྷག་ནས་ཕེབས་པའི་ཚོགས་བཅར་བ་རྣམས་ཚོགས་ཆེན་འདིའི་ཐོག་ནས་དགོངས་པ་པ་དང་སེམས་ཤུགས་འཕར་མ་ཞིག་གི་ཐོག་ནས་སོ་སོའི་ས་གནས་སུ་ཕྱིར་ཕེབས་ཡོད་པ་རེད།

རྒྱ་ནག་ནང་སྔར་ལྷག་འཇིགས་སྐུལ་དང་དོགས་སྲུང་བྱ་ར་བརྒྱུད་ངོ་རྒོལ་གྱི་ལས་འགུལ་རྩ་བརླག་གཏོང་ཐབས་བྱེད་བཞིན་པ།

རྒྱ་ནག་ནང་སྤེལ་བཞིན་པའི་མང་ཚོགས་ཀྱི་གཞི་རྒྱ་ཆེ་བའི་ངོ་རྒོལ་གྱི་ལས་འགུལ་དེ་རྩ་མེད་བཟོ་ཐབས་དང་འབྲེལ་ཏེ་རྒྱ་ནག་གི་ཉེན་རྟོག་པས་མང་ཚོགས་ཀྱི་ཁ་པར་སྔོག་གཤེར་བྱས་པར་མ་ཟད་འདྲི་རྩད་དང་ངོ་རྒོལ་ལ་ཞུགས་མཁན་རྩད་གཅོད་བརྒྱུད་འཇིགས་སྐུལ་དང་དོགས་སྲུང་བྱ་ར་ཤུགས་ཆེར་སྤེལ་བཞིན་འདུགའདས་པའི་གཟའ་མཇུག་ནས་རྒྱ་ནག་གི་རྒྱལ་ས་པེ་ཅིང་དང་གྲོང་ཁྱེར་ཧྲང་ཧེ་གཙོས་ནན་ཅིན་དང་ཝུ་ཧན་ལ་སོགས་པའི་གྲོང་ཁྱེར་མང་པོར་ཏོག་དབྱིབས་ནད་དུག་གཙང་སེལ་སྲིད་བྱུས་ལ་ངོ་རྒོལ་གྱི་ལས་འགུལ་ཆེས་ཆེར་སྤེལ་ཡོད་པའི་མཚམས་འདིར་དེ་རིང་རྒྱལ་སྤྱིའི་བརྒྱུད་ལམ་ཁག་ཏུ་དེ་འབྲེལ་གནས་ཚུལ་གསར་པ་ཐོན་པར་ཁ་སང་རྒྱ་ནག་དམར་ཤོག་ཚོགས་པའི་བདེ་འཇགས་འགོ་ཁྲིད་མཐོ་གྲས་དབར་ཚོགས་འདུ་ཞིག་ཚོགས་ཏེ་གཞུང་འབྲེལ་དཔོན་རིགས་རྣམས་ལ་ཁྲིམས་འགལ་གྱི་ལས་དོན་སྤེལ་མཁན་ལ་ཚོད་འཛིན་སྔར་ལྷག་བྱེད་དགོས་པའི་བཀོད་ཁྱབ་བཏང་དོན་ལྟར་ཁ་སང་ཕྱི་དྲོ་པེ་ཅིང་དུ་མང་ཚོགས་ཀྱི་ཀྱི་ངོས་ནས་ངོ་རྒོལ་གྱི་ལས་འགུལ་མུ་མཐུད་དུ་སྤེལ་རྒྱུའི་འཆར་གཞི་ཡོད་ཀྱང་། ཉེན་རྟོག་པས་འཕྲལ་དུ་མི་ཚོགས་འདུ་འཛོམས་བྱ་ཡུལ་གྱི་ས་ཚིགས་ཁག་མཐའ་སྐོར་ནས་ལས་འགུལ་བ་འཛིན་བཟུང་བྱས་པ་དང་ལྷག་དོན་པེ་ཅིང་དང་ཧྲང་ཧེ་སོགས་ལ་ཉེན་རྟོག་པས་ཡང་ཡང་སྐོར་གཡེང་བྱས་ཏེ་མང་ཚོགས་ཀྱི་ལག་ཐོགས་ཁ་པར་བཙན་སྔོག་གིས་ཕྱི་རྒྱལ་གྱི་བཀོལ་ཆས་ཕབ་ལེན་བྱས་ཡོད་མེད་དང་དེ་བཞིན་ཁོང་རྣམས་ཀྱིས་དྲ་ལམ་དུ་ངོ་རྒོལ་བ་ཚོ་སླར་འདུ་འཛོམས་བྱེད་དགོས་པའི་བརྡ་འཕྲིན་གཏོང་མིན་གྱི་གནས་ཚུལ་རྟོགས་ཞིབ་བྱེད་བཞིན་པར་མ་ཟད་དེ་འབྲེལ་ལས་འགུལ་བསྐྱར་སྤེལ་མི་ཆོག་པའི་འཇིགས་སྐུལ་བྱེད་བཞིན་ཡོད་པ་གསལ་འདུགལྷག་པར་པེ་ཅིང་ངོ་རྒོལ་ལས་འགུལ་ནང་ཞུགས་མཁན་ཕལ་ཆེ་བར་རྒྱ་ནག་ཉེན་རྟོག་པས་ཁ་པར་བཏང་བ་དང་ཡང་ན་བཙན་ཤེད་ཐོག་དོ་བདག་རེ་རེའི་ཁྱིམ་དུ་སོང་བས་འདྲི་རྩད་བྱས་པ་དང་དེ་ནི་ཁྲིམས་འགལ་གྱི་འདུ་འཛོམས་ཤིག་རེད་ཅེས་ནན་བརྗོད་བྱས་ཡོད་པ་མ་ཚད་པར་ལས་འགུལ་བ་ཁག་ཅིག་ལ་ཉེན་རྟོག་ལས་ཁུངས་སུ་ཡོང་དགོས་པ་དང་གཟའ་ཉི་མའི་དགོང་མོར་གང་གནང་ཡོད་མེད་ཡིག་ཐོག་ཏུ་བཀོད་དགོས་པའི་བཀོད་ཁྱབ་བཏང་ཡོད་པ་དེ་ལྟར་ནའང་། ད་ཆ་རྒྱ་གཞུང་གིས་རྒན་རྒོན་ཚོར་ནུས་ཤུགས་སྤོར་བྱེད་སྨན་ཁབ་རྒྱག་རྒྱུར་ཤུགས་སྣོན་རྒྱག་དགོས་པའི་གསལ་བསྒྲགས་སྤེལ་བ་བརྒྱུད་ཏོག་དབྱིབས་ནད་དུག་སྔོན་འགོག་གི་སྒྲིག་ཁྲིམས་ཁག་ལྷོད་ཡངས་གཏོང་བའི་རྣམ་པ་མཚོན་ཐབས་བྱེད་བཞིན་ཡོད་འདུག པར་ཁག་སྤྱི་ཚོགས་དྲ་རྒྱ་ལས་བཏུས།

ཝེ་ཏི་ནམ་གྱི་དགེ་འདུན་པས་ཆེས་ཐོག་མའི་དགེ་བཤེས་ལྷ་རམས་པའི་མཚན་གནས་བཞེས་པ།

ཉེ་ལམ་ཕྱི་ཟླ་ ༡༡ ཚེས་ ༢༧ ཉིན་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་གཞིས་ཆགས་སུ་རྟེན་གཞི་བྱས་པའི་དགའ་ལྡན་ཤར་རྩེ་ཐོས་བསམ་ནོར་གླིང་གྲྭ་ཚང་དུ་མི་ལོ་ཉེར་ལྔ་ལྷག་གི་རིང་གཞུང་ཆེན་བཀའ་པོད་ལྔར་བསླབ་པ་སློབ་གཉེར་གནང་སྟེ་མཐར་དགེ་བཤེས་ལྷ་རམས་པའི་མཚན་གནས་བཞེས་ཡོད་པ་རེད།འདི་ལོར་གདན་ས་ཆེན་པོ་ཤར་རྩེ་ནས་ཁྱོན་དགེ་འདུན་པ་ཞལ་གྲངས་བཅིུག་གིས་དགེ་བཤེས་ལྷ་རམས་པའི་ཕྱག་འཁྱེར་བཞེས་ཡོད་པ་ལྟར་དེའི་ཁོངས་སུ་ཝེ་ཏི་ནམ་ནས་ཡིན་པའི་དགེ་འདུན་པ་དཀོན་མཆོག་འོད་ཟེར་ལགས་ཀྱིས་བོད་བརྒྱུད་ནང་བསྟན་གྱི་གཞུང་ཆེན་བཀའ་པོད་ལྔར་སློབ་གཉེར་གནང་མཐར་དགེ་བཤེས་ལྷ་རམས་པའི་མཚན་གནས་བཞེས་པ་ནི་ལོ་རྒྱུས་ཁྲོད་དུ་ཝེ་ཏི་ནམ་གྱི་དགེ་འདུན་པས་དགེ་བཤེས་ལྷ་རམས་པའི་མཚན་གནས་བཞེས་པ་ཆེས་ཐོག་མ་དེ་ཆགས་ཡོད།དགེ་བཤེས་ལྷ་རམས་པའི་མཛད་སྒོ་ཐོག་དགོན་པའི་མཁན་རིན་པོ་ཆེ་དང་ས་གནས་འགོ་འཛིན། དགོན་པའི་དགེ་འདུན་འདུས་མང་བཅས་ལྷན་འཛོམས་གནང་འདུག་པ་དང་དེ་བཞིན་དགེ་བཤེས་དཀོན་མཆོག་འོད་ཟེར་ལགས་ཀྱི་ཡབ་ཡུམ་དང་དང་གཅེན་པོ་བཅས་ཆེད་ཕེབས་ཀྱིས་གྲྭ་ཚང་ལ་ཐུགས་རྗེ་ལེགས་འབུལ་ཞུས་འདུགདགེ་བཤེས་དཀོན་མཆོག་འོད་ཟེར་ལགས་ནི་ཝེ་ཏི་ནམ་གྱི་མི་རིགས་ཡིན་པ་གང་ཞིག་ལ་ཨ་རིར་འཚར་ལོངས་བྱུང་བ་ཞིག་ཆགས་ཡོད། དགུང་ལོ་ ༡༣ ལ་ཕེབས་སྐབས་དགེ་བའི་ཤེས་གཉེན་གཉིས་དང་འཕྲད་དེ་གདན་ས་ཆེན་པོ་ཤར་རྩེར་ཆོས་ཞུགས་གནང་སྟེ་འདས་པའི་མི་ལོ་ཉེར་ལྔ་རིང་བོད་བརྒྱུད་ནང་བསྟན་ཐོག་བསླབ་པ་སློབ་གཉེར་གནང་ཡོད།

རྒྱ་ནག་གཞུང་གིས་མང་ཚོགས་ཀྱི་མངོན་འདོད་དང་མི་མཐུན་པའི་སྲིད་བྱུས་འཛིན་རྐྱེན་མི་མང་ནས་ངོ་རྒོལ་གནང་བཞིན་ཡོད་པ་གསུངས་སོང་།

རྒྱ་ནག་གཞུང་གིས་རིམས་ནད་ཀླད་ཀོར་གྱི་སྲིད་བྱུས་ཞེས་པ་མུ་མཐུད་རྒྱ་ནག་གིས་གཙོས་པའི་བོད་དང་ཤིན་ཅང་སོགས་གྲངས་ཉུང་མི་རིགས་ཀྱི་ས་གནས་ཡོངས་སུ་ལག་བསྟར་གྱིས་ཁྱོན་མི་སེར་སྟོང་ཕྲག་མང་པོ་ཟུར་བཀག་ཏུ་ཆེད་བཞག་བྱས་པ་མ་ཚད་པར་རིམས་ནད་དང་འབྲེལ་བའི་ཁྱིམ་སྡོད་བཀའ་རྒྱ་བསྡམས་པ་སོགས་ཀྱི་དམ་དྲག་ཧ་ཅང་ནན་པོ་བྱེད་བཞིན་ཡོད་པར་ལྟོས་མེད་ད་ཆ་རྒྱ་ནག་ནང་ཉིན་རེ་ལས་མ་འདས་པར་ཏོག་དབྱིབས་གཉན་རིམས་ཕོག་པའི་གྲངས་འབོད་ཇེ་མང་དུ་འགྲོ་མུས་ཁྲོད་འདས་པའི་གཟའ་འཁོར་ནང་ཤིན་ཅང་གི་གྲོང་ཁྱེར་ལྟེ་བ་ Wulumuqi ནང་གི་ཐོག་བརྩེགས་ཅན་གྱི་ཁང་པ་ཞིག་ལ་མེ་སྐྱོན་ཕོག་པར་བརྟེན་མི་བཅུ་རྐྱེན་འདས་སུ་གྱུར་བ་དང་མི་དགུ་ལ་རྨས་སྐྱོན་ཕོག་ཡོད་སྟབས་ Shanghai གྲོང་ཁྱེར་དུ་ཡོད་པའི་ Wulumuqi ཞེས་པའི་སྲང་ལམ་དུ་མི་ཚོགས་འགའ་ཤས་འདུ་འཛོམས་ཀྱིས་མྱ་ངན་གྱི་མཆོད་མེ་ལས་འགུལ་ཞིག་སྤེལ་ཡོད་པ་དེ་རིམ་བཞིན་རྒྱ་ནག་རྒྱལ་ཡོངས་སུ་རྒྱ་ནག་དམར་པོའི་གཞུང་དང་ཞི་ཅིན་ཕིང་གཉིས་ལ་ངོ་རྒོལ་གྱི་ལས་འགུལ་ཆགས་པ་དང་འབྲེལ། ཁ་སང་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་རྒྱ་གར་རྒྱལ་ས་ལྡི་ལིར་བཞུགས་ཡོད་པ་དང་བསྟུན། ས་གནས་གསར་འགོད་པས་བཅར་འདྲི་ཞུས་པར་སྲིད་སྐྱོང་མཆོག་གིས་རྒྱ་ནག་གཞུང་གིས་དངོས་ཡོད་གནས་སྟངས་དང་མི་མང་གི་མངོན་འདོད་དང་མི་མཐུན་པའི་སྲིད་བྱུས་འབའ་ཞིག་འཛིན་རྐྱེན་རྒྱ་ནག་གཞུང་ལ་ངོ་རྒོལ་གྱི་གནད་དོན་དེ་བྱུང་བར་འགྲེལ་བརྗོད་དང་སྦྲགས་ཏེ་རྒྱལ་ཁབ་ཀྱི་སྲིད་བྱུས་དེ་དག་མི་མང་གི་མངོན་འདོད་དང་མཐུན་དགོས་ཞེས་གསུངས་སོང་།ཁ་སང་ཨ་རི་ནང་རྟེན་གཞི་བྱས་པའི་ Human Rights Watch ཞེས་འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་རྒྱ་ནག་གི་གྲོང་ཁྱེར་འདྲ་མིན་ནང་མང་ཚོགས་ཀྱིས་སྲིད་གཞུང་གི་གཉན་རིམས་ཀླད་ཀོར་ཞེས་དམ་དྲག་ཅན་གྱི་སྲིད་བྱུས་ལ་ངོ་རྒོལ་གྱིས་རྒྱ་ནག་ནང་རང་དབང་དང་འགྲོ་བ་མིའི་ཐོབ་ཐང་དགོས་པ། དབང་ཆ་གཅིག་སྡུད་བྱེད་མཁན་སྲིད་འཛིན་ཞི་ཅིན་ཕིང་ལ་ངོ་རྒོལ་སྐད་འབོད་གནང་བཞིན་པ་དང་འབྲེལ་བའི་གནས་ཚུལ་སྤེལ་བར་རྒྱ་ནག་གཞུང་གི་ངོས་ནས་མང་ཚོགས་ཀྱི་གཞི་རྩའི་སྨྲ་བརྗོད་རང་དབང་དང་ཞི་བའི་རྔམ་སྟོན་ཁྲོམ་སྐོར་གྱི་རང་དབང་ལ་གུས་བརྩི་ཞུ་དགོས་པ་དང་། ཁྲིམས་འགལ་ཐོག་ནས་འཛིན་བཟུང་བྱས་པ་རྣམས་འཕྲལ་མར་གློད་བཀྲོལ་དགོས་པ་གསུངས་འདུགའགྲོ་བ་མིའི་ཐོབ་ཐང་ཚོགས་པའི་རྒྱ་ནག་ཉམས་ཞིབ་པ་བགྲེས་པ་ Yaqiu Wang ལགས་ཀྱིས་རྒྱ་ནག་ཁྱོན་ཡོངས་ཀྱི་ནང་མང་ཚོགས་ནས་ཉེན་ཁར་མ་འཛེམས་པར་རང་ཉིད་ཀྱི་གཞི་རྩའི་འགྲོ་བ་མིའི་ཐོབ་ཐང་རྩོད་བཞིན་ཡོད་སྟབས། རྒྱ་ནག་གཞུང་གི་ངོས་ནས་མང་ཚོགས་ཀྱི་དགོངས་འཆར་ལ་བསམ་ཞིབ་བྱེད་དགོས་གལ་ཡིན་པ་སོགས་གསུངས་ཡོད།རྒྱ་ནག་རྒྱལ་ཁབ་ཀྱི་རྩ་ཁྲིམས་དང་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཁྲིམས་སྒྲིག རྒྱལ་ཚོགས་ཀྱི་འགྲོ་བ་མིའི་ཐོབ་ཐང་དང་འབྲེལ་བའི་འགྲེལ་བརྗོད་རྣམས་ལུང་འདྲེན་གྱིས། རྒྱ་ནག་ལ་ཕྱི་ནང་གཉིས་ཀའི་ཐོག་ནས་མང་ཚོགས་ལ་ཞི་བའི་ངོ་རྒོལ་གནང་བར་བརྩི་འཇོག་དང་ཁོང་རྣམས་ཀྱི་ཐོབ་ཐང་སྲུང་སྐྱོབ་བྱེད་རྒྱུའི་འོས་འགན་ཡོད་ཅེས་མངོན་གསལ་གནང་འདུགཕྱོགས་མཚུངས་ཁ་སང་ AFP གསར་ཁང་གིས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་མགྲིན་ཚབ་པ་སྐུ་ཞབས་ Jeremy Laurence ལགས་ཀྱིས་བཀའ་མོལ་གསུངས་པ་ཞིག་ཡོངས་གྲགས་གནང་འདུག་པར་ཁོང་གིས་ད་ལྟ་རྒྱ་ནག་ནང་ངོ་རྒོལ་གནང་བཞིན་ཁག་ལ་རྒྱལ་སྤྱིའི་ཁྲིམས་སྒྲིག་གནས་ཚད་དང་མཐུན་པའི་ཐོག་ནས་ཐག་གཅོད་ལག་བསྟར་བྱེད་དགོས་པ་སོགས་གསུངས་ཏེ་འཛིན་བཟུང་བྱས་པར་སྐྱོན་བརྗོད་གནང་འདུག པར་བདག་དབང་། reuters

རེས་གཟའ་མིག་དམར། ༢༠༢༢།༡༡།༢༩

ཉན་པ།: Listen ཕབ་ལེན། Download སྲིད་སྐྱོང་མཆོག་གིས་རྒྱ་ནག་ནང་གི་ངོ་རྒོལ་དེ་ནི་མང་ཚོགས་ཀྱི་མངོན་འདོད་དང་མི་མཐུན་པའི་སྲིད་བྱུས་ལ་བརྟེན་ནས་ཡིན་པར་སྐྱོན་བརྗོད། གཞུང་འབྲེལ་མིན་པའི་ཚོགས་པ་ཁག་གིས་ཤོག་བུ་དཀར་པོའི་གྱེན་ལངས་ཀྱི་ལས་འགུལ་སྤེལ་བ། ཕྱི་ཟླ་ ༡ ཚེས་ ༡ ཉིན་གནས་མཆོག་རྡོ་རྗེ་གདན་དུ་༸གོང་ས་མཆོག་ལ་བརྟན་བཞུགས་རྒྱས་པ་ཞིག་བསྟར་འབུལ་ཞུ་རྒྱུ། བོད་མིའི་འཚེ་མེད་ཞི་བའི་ལས་འགུལ་ལ་ཆེ་བསྟོད་ཀྱི་གཟེངས་རྟགས་ཕུལ་བ། ཝེ་ཏི་ནམ་གྱི་དགེ་འདུན་པས་ཆེས་ཐོག་མའི་དགེ་བཤེས་ལྷ་རམས་པའི་མཚན་གནས་བཞེས་པ། Tuesday 29/11/2022 China protests: Sikyong urges Beijing to address people’s aspiration Tibetans express solidarity to protestors in China with White Paper campaign Geluk Tibetan Buddhist Tradition to hold Tenshug for Dalai Lama in Bodhgaya Tibetan Parliamentarian receives International award of PAPARRA First Vietnam monk receives Geshe Lharampa degree  

ཕྱི་ལོ་ ༢༠༢༣ ཕྱི་ཟླ་ ༡ ཚེས་ ༡ ཉིན་གནས་མཆོག་རྡོ་རྗེ་གདན་དུ་༸གོང་ས་མཆོག་ལ་བརྟན་བཞུགས་རྒྱས་པ་ཞིག་བསྟར་འབུལ་ཞུ་རྒྱུ།

དེ་རིང་ཉིན་རྒྱབ་ཕྱག་ཚོད་ ༡ པོའི་ཐོག་༸སྐྱབས་རྗེ་བྱང་རྩེ་ཆོས་རྗེ་སྒོ་སོག་རིན་པོ་ཆེ་ངག་དབང་གསུང་རབ་བསྟན་འཛིན་དགེ་ལེགས་མཆོག་དབུ་བཞུགས་ཐོག་དྷ་སར་རྟེན་གཞི་བྱས་པའི་ནོར་བུ་གསོལ་མགྲོན་ཁང་དུ་རིང་མིན་གནས་མཆོག་རྡོ་རྗེ་གདན་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་རི་བོ་དགེ་ལྡན་པའི་ཆོས་བརྒྱུད་འཛིན་པ་ཡོངས་ནས་བརྟན་བཞུགས་རྒྱས་པ་ཞིག་བསྟར་འབུལ་ཞུ་རྒྱུ་ཙམ་མ་ཟད། སྨོན་ལམ་ཆེན་མོ་ཞིག་བསྐོང་ཚོགས་གནང་རྒྱུའི་གསར་འགོད་ལྷན་ཚོགས་ཤིག་བསྐོང་ཚོགས་གནང་སོང་།གསར་འགོད་ལྷན་ཚོགས་ཐོག་ཕྱི་ཟླ་ ༡༢ པའི་ཚེས་ ༢༩ ནས་ཕྱི་ཟླ་ ༡ ཚེས་ ༣ བར་༸གོང་ས་༸སྐྱབས་མགོན་ཆེན་པོ་མཆོག་གིས་མང་ཚོགས་ལ་གསུང་ཆོས་བཀྲིན་ཆེ་བར་བསྩལ་རྒྱུའི་དུས་ཚིགས་དང་བསྟུན། རྒྱལ་སྤྱིའི་དགེ་ལྡན་ལྷན་ཚོགས་ཀྱི་སྨོན་ལམ་ཚོགས་ཆུང་ནས་ཇི་ལྟར་གསོལ་འདེབས་ཞུས་པ་ལྟར་འཛམ་གླིང་ཀུན་ལ་འབྱུང་གཞིའི་གནོད་པ་མཚོན་པའི་དམག་འཁྲུག་དང་མུ་གེ དེ་བཞིན་ནད་ཡམས་སོགས་མྱུར་དུ་ཞི་སླད་སྨོན་ལམ་རྒྱས་པ་ཞིག་བསྐོང་ཚོགས་གནང་རྒྱུ་དང་། ལྷག་པར་དུ་རི་བོ་དགེ་ལྡན་པའི་གདན་ས་ཁག་གིས་གཙོས་ཧཱི་མ་ལ་ཡའི་དགོན་སྡེ་གྲྭ་ཚང་། དེ་བཞིན་སེར་སྐྱ་མང་ཚོགས་ནས་ཕྱི་ལོ་ ༢༠༢༣ ལོའི་ཕྱི་ཟླ་ ༡ ཚེས་ ༡ ཉིན་ཆོས་དང་དུས། སྟོན་པ། གནས། འཁོར་བཅས་ཕུན་ཚོགས་ལྔ་ལྡན་གྱི་སྒོ་ནས་བརྟན་བཞུགས་རྒྱས་པ་ཞིག་བསྟར་འབུལ་ཞུ་རྒྱུ་ཡིན་སྐོར་གསུངས་སོང་།བརྟན་བཞུགས་གོ་སྒྲིག་ཚོགས་ཆུང་ནས་ཐེངས་འདིའི་གོ་སྐབས་དང་བསྟུན། བརྟན་བཞུགས་ཀྱི་ཚེ་སྒྲུབ་སླད་ཕྱི་ཟླ་ ༡༢ པའི་ཚེས་ ༧ ཉིན་ཉིན་བརྒྱ་དུས་གཅིག་གི་སྒོ་ནས་གདན་ས་ཁག་ནས་༸རྗེ་བླ་མ་ཙོང་ཁ་པའི་དྲང་ངེས་ལེགས་བཤད་སྙིང་པོ་གསུང་འདོན་གནང་དགོས་པ་དང་། མང་ཚོགས་ནས་སྟོན་པའི་མཚན་སྔགས་དང་མ་ཎི་ཡིག་དྲུག ཚེ་ལྷ་རྣམ་གསུམ་གྱི་གཟུངས་སྔགས། རྒྱལ་བའི་ཞབས་བརྟན་གསོལ་འདེབས། པཎ་གྲུབ་བཅུ་བདུན་གྱི་གསོལ་འདེབས། སྒྲོལ་བསྟོད། དམིགས་བརྩེ་མ་སོགས་གསོག་སྒྲུབ་གནང་དགོས་པ་ཞུ་སྐུལ་གནང་སོང་།    

Latest news