Tibetan Royal Year of 2151 | Year of the Wood Dragon

ARCHIVE

Monthly Archives: December, 2022

རེས་གཟའ་སྤེན་པ། ༢༠༢༢།༡༢།༠༣

ཉན་པ།: Listen ཕབ་ལེན། Download རྒྱ་ནག་ནང་གི་ཤོག་བུ་དཀར་པོའི་སྒེར་ལངས་ཐད་གླེང་མོལ། Saturday 03/12/2022 China’s White Paper Revolution: Discussion  

རེས་གཟའ་པ་སངས། ༢༠༢༢།༡༢།༠༢

ཉན་པ།: Listen ཕབ་ལེན། Download ༸གོང་ས་མཆོག་༸སྐུ་ཁམས་གསལ་ཐང་ངང་༸སྐུ་ལྷོད་བཞུགས་མཛད་བཞིན་ཡོད་པར་བཀའ་སྩལ་བ། བཙན་བྱོལ་བོད་མི་ཚོས་རྒྱ་ནག་གི་ངོ་རྒོལ་བར་རྒྱབ་སྐྱོར་གྱི་ལས་འགུལ་སྤེལ་བ། Tower Hamlets ནང་རྒྱ་ནག་གཞུང་ཚབ་ཁང་གནས་སྤོ་བྱ་རྒྱུར་ཁས་ལེན་གནང་མི་འདུག རྔ་བ་ཀིརྟི་དགོན་པའི་གྲྭ་བློ་བཟང་ཆོས་འཕེལ་ལགས་ལ་ཁྲིམས་ཐག་བཅད་པ། བོད་ཀྱི་མ་འོངས་པའི་མདུན་ལམ་འཚོལ་ཞིབ་ཀྱི་ལྷན་ཚོགས་དང་འབྲེལ་གླེང་མོལ། བསྟན་སྒང་བོདམིའི་གཞིས་སྒར་གྱི་བོུ་སྤུན་གསུམ་གྱི་ཟ་ཁང་ Highway Inn སྐོར། Friday 02/12/2022 I am in sound health; convey this to Tibetans inside Tibet: HHDL to VOT Exiled Tibetans hold solidarity action for China’s protestors Chinese embassy move to Tower Hamlets rejected by council Tibetan monk from Ngaba sentenced to two and half years in prison Future of Tibet: Interview with Wangpo Tethong DIASPORA: ‘Highway Inn’ run by 3 sisters from Tenzingang  

༸གོང་ས་མཆོག་༸སྐུ་ཁམས་གསལ་ཐང་ངང་༸སྐུ་ལྷོད་བཞུགས་མཛད་བཞིན་ཡོད་པར་བཀའ་སྩལ་སོང་།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གཞིས་ལུས་རྒྱ་ཆེ་མང་ཚོགས་ལ་མགོན་པོ་༸གང་ཉིད་མཆོག་༸སྐུ་ཁམས་གསལ་ཐང་ངང་༸སྐུ་ལྷོད་བཞུགས་མཛད་བཞིན་ཡོད་སྐོར་བཀའ་ཕེབས་སོང་ཞེས་བརྡ་ལན་སྤྲོད་དགོས་པར་བཀའ་སྩལ་སོང་།དེང་སྐབས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་༸རྒྱལ་བའི་ཕོ་བྲང་དུ་མཇལ་བཅར་ཞུ་མཁན་ཚོར་མཇལ་ཁ་སྩལ་གྱི་ཡོད་པ་ལྟར། དེ་རིང་མཇལ་ཁའི་ཁྲོད་འདི་ག་རླུང་འཕྲིན་ཁང་འདས་ལོར་ལས་ཁུངས་དབུ་བརྙེས་ཏེ་ལོ་ངོ་ཉེར་ལྔ་ཧྲིལ་པོ་འཁོར་བའི་དུས་སྟོན་དང་འབྲེལ་ནས་མཇལ་བཅར་ཞུས་སྐབས་མགོན་པོ་༸གང་ཉིད་མཆོག་གིས་གཞིས་ལུས་རྒྱ་ཆེ་མང་ཚོགས་གཙོས་ཧི་མཱ་ལ་ཡའི་རི་རྒྱུད་ཀྱི་མང་ཚོགས་རྣམས་སེམས་ཤུགས་ཧ་ལས་པ་ཡོད་པ་དང་སྒོས་སུ་བོད་ནང་ལ་རྒྱ་གཞུང་གིས་དྲག་གནོན་དང་སློབ་གསོ་ཇི་ལྟར་སྤེལ་ཡང་བོད་རྒྱ་ཆེ་མི་མང་གི་ལྷག་བསམ་དང་སྙིང་སྟོབས་ལ་འགྱུར་བ་གཏན་ནས་གཏོང་ཐུབ་ཀྱི་མ་རེད་ཅེས་བཀའ་སྩལ་ཡོད།དེ་བཞིན་༸གོང་ས་༸སྐྱབས་མགོན་ཆེན་པོ་མཆོག་གིས་མི་མང་ལ་དངོས་ཡོད་གནས་ཚུལ་གྱི་གསར་འགྱུར་མང་ཙམ་སྤེལ་དགོས་གལ་ཡིན་པ་དང་། ལྷག་དོན་གནས་ཚུལ་དེ་བོད་ནང་ལ་དངོས་ཤུགས་བརྒྱུད་གསུམ་གྱི་ཐོག་ནས་གོ་ཐུབ་ཚེ་ཕན་ཐོགས་ཆེན་པོ་ཡོད་སྐོར་བཀའ་སྩལ་བ་དང་ཆབས་ཅིག ཧི་མཱ་ཡའི་རི་རྒྱུད་ཀྱི་མི་རིགས་ཚོས་མགོན་པོ་༸གང་ཉིད་མཆོག་ལ་དགའ་མོས་ཞུ་བཞིན་ཡོད་སྟབས་ཁྱེད་ཚོས་གསར་འགྱུར་གྱི་ཐོག་ནས་དེ་འབྲེལ་ཁྱབ་སྤེལ་ཐུབ་དགོས་ཞེས་ལམ་སྟོན་བཀའ་དྲིན་ཆེ་བ་སྩལ་སོང་ལ། མགོན་པོ་༸གང་ཉིད་མཆོག་གི་ཞབས་པུས་ཏོག་ཙམ་བདེ་མིན་ཙམ་ལས་དེ་མིན་བཞུགས་སྒར་དྷརྨ་སཱ་ལཱར་༸སྐུ་ཁམས་གསལ་ཐང་ངང་༸སྐུ་ལྷོད་བཞུགས་མཛད་བཞིན་ཡོད་སྐོར་གཞིས་ལུས་རྒྱ་ཆེ་མང་ཚོགས་ལ་ཞུ་རོགས་ཞེས་བཀའ་སྩལ་ཡོད།དེ་བཞིན་༸གོང་ས་༸སྐྱབས་མགོན་ཆེན་པོ་མཆོག་གིས་ད་ཆ་རྒྱ་ནག་ནང་གི་གནས་སྟངས་ལ་འགྱུར་ལྡོག་འགྲོ་བཞིན་འདུག་པས་བོད་ཀྱི་བདེན་མཐའ་གཏན་གཏན་གསལ་ངེས་རེད་བཀའ་སྩལ་སོང་བར་མ་ཟད་༸གོང་ས་མཆོག་གིས་བོད་གཙོས་ཧི་མཱ་ལ་ཡའི་རི་རྒྱུད་དང་དེ་མིན་མི་རིགས་གཞན་ཚོ་ལའང་ཕན་ཐོགས་མཛད་ཀྱི་ཡོད་སྐོར་བཀའ་སྩལ་སོང་བ་དང་ཆབས་ཅིག ཚན་རིག་པའི་ཁྲོད་ནས་ཀྱང་མགོན་པོ་༸གང་ཉིད་མཆོག་ལ་དགའ་མོས་ཞུ་མཁན་མང་པོ་ཡོད་ཅེས་བཀའ་སྩལ་ཡོད།ད་ལྟའི་ཆར་བོད་ཀྱི་སངས་རྒྱས་པའི་ཆོས་ལ་དོ་སྣང་གནང་མཁན་ཇེ་མང་དུ་འགྲོ་བཞིན་ཡོད་སྐོར་བཀའ་སྩལ་བ་དང་འབྲེལ་ཏེ་ཁྱེད་རང་ཚོ་བློ་བདེ་པོ་བྱོས་ཞེས་བཀའ་སློབ་ཟབ་རྒྱས་ཕེབས་ཡོད།རྩ་བའི་དེ་རིང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁར་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དང་ཤར་བྱང་མཁན་རིན་པོ་ཆེ་རྣམ་གཉིས། དེ་བཞིན་ཕྱི་རྒྱལ་མི་རིགས་དང་། གདན་གསུམ་ལྷ་ལྡན་ཆོ་འཕྲུལ་སྨོན་ལམ་ཆེན་མོའི་དགེ་རྩའི་ལས་ཐོག་རྒྱུན་ལས་སོགས་ཕེབས་འདུག

Tower Hamlets ནང་རྒྱ་ནག་གཞུང་ཚབ་ཁང་གནས་སྤོ་བྱ་རྒྱུར་ཁས་ལེན་གནང་མི་འདུག

དབྱིན་ཡུལ་རྒྱལ་ས་ལོན་ཌོན་ནང་གི་ Portland ས་ཚིགས་སུ་ཡོད་པའི་རྒྱ་ནག་གཞུང་ཚབ་ཁང་འདི་ཉིད་ Tower Hamlets ཁུལ་གྱི་ Royal Mint ཞེས་པའི་གྲགས་ཅན་ས་ཚིགས་སུ་གནས་སྤོ་བྱ་རྒྱུར་ཁས་ལེན་གནང་མི་འདུགདེ་ཡང་རྒྱ་ནག་གཞུང་གིས་ཡུན་རིང་ནས་དབྱིན་ཡུལ་རྒྱལ་ས་ལོན་ཌོན་ནང་དུ་ཡོད་པའི་རྒྱ་ནག་གཞུང་ཚབ་ཁང་འདི་ཉིད་ Tower Hamlets གྲོང་སྡེ་ནང་གི་ Tower of London མདུན་གྱི་ Royal Mint ཞེས་པའི་ལོ་རྒྱུས་ཀྱི་རང་བཞིན་ལྡན་པའི་གྲགས་ཅན་ས་ཚིགས་སུ་གནས་སྤོ་བྱ་རྒྱུར་ཞུ་གཏུགས་བྱས་ཡོད་ཀྱང་། དེ་རིང་ Tower Hamlets གྲོང་སྡེ་ལྷན་ཚོགས་ཀྱི་འཐུས་མི་རྣམས་ནས་དེར་ཁ་གཏད་ཤུགས་ཆེ་དང་སྦྲགས་སྤྱི་མོས་སྒོ་ནས་ཁས་ལེན་གནང་མི་འདུག གནས་ཚུལ་ཐོན་ཁག་ལ་གཞིགས་ན། གྲོང་སྡེ་ལྷན་ཚོགས་ཀྱི་འཐུས་མི་རྣམས་ཀྱིས་རྒྱ་ནག་གཞུང་ཚབ་ཁང་དེ་ཉིད་ཁུལ་དེར་གནས་སྤོ་བྱས་ན་ས་གནས་མི་མང་གི་བདེ་འཇགས་དང་། ཡུལ་སྐོར་སྤྲོ་འཆམ་པའི་བསྟི་གནས་ལ་དོ་ཕོག་བྱུང་ཉེན་ཙམ་མ་ཟད། ཚོགས་འདུའི་སྐབས་མ་འོངས་པར་ཁུལ་དེར་ཞི་བའི་ཐོག་ནས་ངོ་རྒོལ་རིགས་བྱུང་ཚེ་དེར་སྟངས་འཛིན་གང་འདྲ་བྱ་རྒྱུ་ཡིན་པའི་གནད་དོན་སོགས་ལ་འདྲི་རྩད་བྱས་སྐབས་ལན་འདེབས་གསལ་པོ་བྱུང་མེད་པ་བཅས་ཀྱི་རྒྱུ་མཚན་དང་འབྲེལ། འོས་ཤོག་༧ དང་ ༠ དེ་བཞིན་བར་བཞུགས་ ༡ བཅས་སྤྱི་མོས་ཀྱི་ཐོག་ནས་རྒྱ་ནག་གཞུང་ཚབ་ཁང་དེ་ཉིད་ཁུལ་དེར་གནས་སྤོ་བྱ་རྒྱུ་ཁས་ལེན་མེད་པའི་གཏན་འབེབས་བྱས་འདུགརྩ་བའི་ཨིན་ཡུལ་ནང་གི་རྒྱ་ནག་གཞུང་ཚབ་ཀྱི་ངོས་ནས་ཕྱི་ལོ་ ༢༠༡༨ ལོར་ Tower Hamlets གྲོང་སྡེ་ནང་གི་Tower of London མདུན་གྱི་ Royal Mint ཞེས་པའི་ས་ཚིགས་དེ་ཉོས་ཏེ། ས་ཚིགས་དེར་ལས་བྱེད་ ༢༠༠ ལྷག་ལྡན་པའི་ཡུ་རོབ་ནང་གི་རྒྱ་ནག་གཞུང་ཚབ་ལས་ཁུངས་ཆེ་ཤོས་དེ་རྒྱག་འཆར་ཡོད་པ་མངོན་གསལ་བྱས་ཡོད། འོན་ཀྱང་རྒྱ་ནག་གཞུང་གིས་ཤིན་ཅང་ནང་ཡུ་གུར་ཁ་ཆེའི་མང་ཚོགས་དང་། ཧོང་ཀོང་མང་ཚོགས་ཐོག་མི་སྤྱོད་ལས་འདས་པའི་དྲག་གནོན་དང་དམ་དྲག་བྱེད་བཞིན་པའི་ཁྲོད། Tower Hamlets ས་ཁུལ་དུ་ཡུ་གུར་ཁ་ཆེ་དང་ཧོང་ཀོང་སོགས་ཕྱི་མི་ཕོན་ཆེར་གནས་སྡོད་བྱེད་ཀྱི་ཡོད་པ་མ་ཟད། དེ་སྔ་ལོ་རྒྱུས་ཁྲོད་ཨིན་ཡུལ་ནང་དུ་ནད་ཡམས་ཚབས་ཆེན་བྱུང་སྐབས། མི་གྲོངས་པ་རྣམས་ Royal Mint ས་འོག་ཏུ་དུར་སྦས་བྱས་ཡོད་པར་བརྟེན། ས་གནས་དེའི་ལོ་རྒྱུས་ཀྱི་གནད་འགག་དང་། ས་གནས་མང་ཚོགས་ཀྱི་སེམས་ཚོར་བཅས་ལ་གཞིགས་ཏེ། ས་གནས་དེར་རྒྱ་ནག་གཞུང་ཚབ་ལས་ཁུངས་གསར་འཛུགས་བྱེད་འཆར་ཐོག་དེ་སྔ་ནས་སེམས་འཚབ་བྱེད་མཁན་མང་དག་ཅིག་ཡོད་པ་མ་ཟད། ས་གནས་མང་ཚོགས་ནས་དེ་འབྲེལ་གྲོང་སྡེ་ལྷན་ཚོགས་ལ་ཞུ་སྙན་ ༥༠ ལྷག་ཙམ་ཕུལ་ཡོད་པ་རེད་འདུགགཞི་རྩའི་ཁ་སང་ BBC གསར་ཁང་གི་གནས་ཚུལ་སྤེལ་བར་གཞིགས་ན། དབྱིན་ཡུལ་ནང་དུ་ཡོད་པའི་རྒྱ་ནག་གཞུང་ཚབ་ཁང་གིས་ལས་འཆར་གྱི་སྙན་ཞུ་དེའི་ནང་། Royal Mint ཞེས་པའི་ས་ཚིགས་སུ་རྒྱ་ནག་གཞུང་ཚབ་ཁང་གནས་སྤོ་བྱེད་པའི་བརྒྱུད་ཁུལ་དེའི་ཁོར་ཡུག་སོགས་དང་འབྲེལ་ནས་བཟང་ཕྱོགས་ཀྱི་ཕན་ཐོགས་འབྱུང་རྒྱུ་ཙམ་མ་ཟད། ལས་ཀའི་གོ་སྐབས་ཡང་མང་པོ་འབྱུང་གི་ཡོད་ཚུལ་དང་། ལྷག་པར་དུ་ Tower of London ཁུལ་གྱི་བདེ་འཇགས་སྲུང་སྐྱོབ་བྱེད་རྒྱུ་ཡིན་ཚུལ་སོགས་བཀོད་འདུག

རྔ་བ་ཀིརྟི་དགོན་པའི་གྲྭ་བློ་བཟང་ཆོས་འཕེལ་ལགས་ལ་ཁྲིམས་ཐག་བཅད་པ།

ཕྱི་ལོ་ ༢༠༢༢ ཟླ་ ༡༠ པའི་ཚེས་མགོ་ཙམ་ལ་རྔ་བ་ཀིརྟི་དགོན་གྱི་དགེ་འདུན་པ་རང་ལོ་ ༣༩ ཡིན་པ་བློ་བཟང་ཆོས་འཕེལ་ལགས་ལོ་གཉིས་དང་ཟླ་དྲུག་གི་བཙོན་བཅུག་ཁྲིམས་ཐག་བཅད་འདུག བོད་མིའི་སྒྲིག་འཛུགས་ཀྱི་དྲ་གནས་ཐོག་གནས་ཚུལ་སྤེལ་བར་རྔ་བ་རྫོང་གཅའ་ཁོག་ཕྱུགས་ལས་འགབ་མ་ནས་ཡིན་པའི་ཕ་དགའ་ཚེ་དང་མ་གནས་སྐྱིད་གཉིས་ཀྱི་བུ་དགེ་འདུན་པ་བློ་བཟང་ཆོས་འཕེལ་ལགས་ཆུང་དུས་ཀིརྟི་དགོན་པར་ཆོས་ཞུགས་གནང་སྟེ་ཕྱི་ལོ་ ༢༠༡༡ ལོར་རྔ་བ་ཀིརྟི་དགོན་པར་རྒྱལ་གཅེས་ཆོས་གཅེས་ཀྱི་སློབ་གསོ་ཟེར་བ་ཟླ་མང་རིང་སྤེལ་བར་དང་ལེན་མ་བྱས་རྐྱེན་ཉིན་མང་པོར་བཀག་ཉར་བྱས་ཡོད་པ་མ་ཟད། ཁོང་འདི་ལོའི་དབྱར་ཁར་རྔ་བ་ཀིརྟི་དགོན་པའི་ནང་ནས་འཛིན་བཟུང་བཙན་ཁྲིད་བྱས་རྗེས་ཉེ་ཆར་བཙོན་བཅུག་ཁྲིམས་ཐག་བཅད་ཡོད་པ་ཙམ་ལས་རྒྱུ་མཚན་ཅི་ཡིན་དང་བཙོན་ཁང་གང་དུ་བཅུག་ཡོད་པ་སོགས་གནས་ཚུལ་ཞིབ་ཕྲ་གང་ཡང་ཤེས་རྟོགས་ཐུབ་ཀྱི་མེད་པ་རེད་འདུག གཞི་རྩའི་དགེ་འདུན་པ་བློ་བཟང་ཆོས་འཕེལ་ལགས་ཀྱི་ཕ་མ་གཅིག་པའི་སྤུན་ཆུང་བ་རྔ་བ་ཀིརྟི་དགོན་པའི་དགེ་འདུན་པ་བློ་བཟང་ལགས་ཀྱང་དེ་སྔོན་བཙོན་བཅུག་བྱས་མྱོང་ཡོད་པ་རེད་འདུག

རེས་གཟའ་ཕུར་བུ། ༢༠༢༢།༡༢།༠༡

ཉན་པ།: Listen ཕབ་ལེན། Download རྒྱལ་ཚོགས་ལ་བོད་ནང་གི་བཅའ་སྡོད་སློབ་གྲྭར་རྟོག་ཞིབ་དགོས་པའི་ཞུ་སྐུལ། བོད་མིའི་སྒྲིག་འཛུགས་ལ་དངུལ་ལས་གྲུབ་པའི་ཆོས་ཀྱི་འཁོར་ལོའི་གཟེངས་རྟགས་ཕུལ་བ། རྒྱ་གཞུང་གིས་མི་མང་ལ་དྲག་གནོན་བྱས་པ་དེས་རང་ཉིད་ཀྱི་སྐྱོན་ཆ་མངོན་གསལ་བྱེད་ཀྱི་ཡོད། ཅང་ཙེ་མིན་སྐབས་བོད་རྒྱ་གཉིས་འབྲེལ་མོལ་བསྐྱར་གསོ་བྱུང་ཡང་བོད་ཐོག་སྲིད་བྱུས་མཁྲེགས་འཛིན། འཕྲོད་བསྟེན་ཤེས་བྱ་ངོ་སྤྲོད། གཉེན་ནད་རེག་དུག་སྐོར། Thursday 01/12/2022 CECC Chairs seek investigation on forced family separations in Tibet Hunsur Tibetan community honours CTA with silver trophy Blinken says China's repression of Covid protests 'sign of weakness' JiangZemin’s tenure saw re-engaged talks but also hardening policies on Tibet Health and Wellness: HIV Aids  

རྒྱལ་ཚོགས་ལ་བོད་ནང་གི་བཅའ་སྡོད་སློབ་གྲྭར་རྟོག་ཞིབ་དགོས་པའི་ཞུ་སྐུལ།

CECC ཞེས་ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་གིས་རྒྱལ་ཚོགས་ཀྱིས་རྒྱ་ནག་གཞུང་གིས་བོད་ནང་གི་བོད་ཕྲུག་རྣམས་བཙན་གྱིས་རང་ཉིད་ཀྱི་ཕ་མ་དང་ཁ་བྲལ་བཏང་སྟེ་གཏན་འཇགས་སློབ་གྲྭར་བཅུག་གི་ཡོད་པ་དེ་འབྲེལ་ཐད་ངེས་པར་དུ་རྟོག་ཞིབ་གནང་དགོས་ཞེས་གསུངས་འདུགཁ་སང་ཕྱི་ཚེས་ ༣༠ ཉིན་ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་གི་གཙོ་འཛིན་གྲོས་ཚོགས་གོང་མའི་འཐུས་མི་སྐུ་ཞབས་ Jeff Merkley མཆོག་དང་ཚོགས་ཆུང་གི་གཙོ་འཛིན་གཞོན་པ་གྲོས་ཚོགས་འོག་མའི་འཐུས་མི་སྐུ་ཞབས་ Jim McGovern རྣམ་གཉིས་ཀྱིས་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་གཙོ་འཛིན་སྐུ་ཞབས་ Volker Türk ལགས་ཀྱི་མཚན་ཐོག་ཏུ་ཕྱག་བྲིས་ཕུལ་བར་བོད་དོན་ལས་འགུལ་བསྟི་གནས་ཁང་གིས་འདས་ལོར་བཅའ་སྡོད་སློབ་གྲྭའི་སྐོར་སྙན་ཐོ་འདོན་ཁག་ལུང་འདྲེན་གྱིས་བོད་ནང་ལོ་ན་ ༦ ནས་ ༡༨ དབར་གྱི་བོད་ཕྲུག་བརྒྱ་ཆ་ ༨༠ ཙམ་ཞིག་འཆར་གཞི་ལྡན་པའི་ཐོག་ནས་རང་ཉིད་ཀྱི་ཕ་མ་དང་ཁ་བྲལ་བཏང་སྟེ་བོད་མིའི་ངོ་བོ་རྩ་བརླག་གཏོང་ཕྱིར་ཆབ་སྲིད་ཀྱི་སློབ་གསོ་སྤྲོད་པ་བརྒྱུད་ནས་བཅའ་སྡོད་སློབ་གྲྭར་གཏོང་གི་ཡོད་པ་དང་།   རྒྱ་གཞུང་གིས་བྱེད་ཕྱོགས་དེས་མཇུག་འབྲས་སུ་བོད་མིའི་འགྲོ་བ་མིའི་ཐོབ་ཐང་དང་རིག་གཞུང་རྡོག་རོལ། སྐད་ཡིག་རྩ་མེད་འགྲོ་གི་ཡོད་སྟབས། རྒྱལ་ཚོགས་ཀྱིས་བོད་ནང་གི་གནད་དོན་ཐད་རྟོག་ཞིབ་གནང་རོགས་ཞེས་ཞུ་སྐུལ་གནང་འདུགལྷག་པར་དུ་ཕྱག་བྲིས་ནང་བོད་ནང་གི་བོད་ཕྲུག་ཚོའི་ཕ་མ་རྣམས་ལ་བཅའ་སྡོད་སློབ་གྲྭར་བོད་ཕྲུག་གཏོང་མིན་ཐད་གདམ་ཀ་གང་ཡང་མེད་པ་དང་ཆབས་ཅིག་བོད་ནང་གི་སློབ་གྲྭ་ཁག་གཅིག་སྒོ་རྒྱག་དགོས་པའི་བཙན་བཀའ་བཏང་ཡོད་སྐོར་ལུང་འདྲེན་གནང་སྟེ་རྒྱ་ནག་གཞུང་གི་སྲིད་བྱུས་དེས་བོད་ཕྲུག་རྣམ་པའི་ཤེས་ཡོན་གྱི་གདམ་ཀ་དང་ཐོབ་ཐང་རྡོག་རོལ་གཏོང་བཞིན་ཡོད་པ་གསུངས་འདུག  International Covenant on Economic, Social, and Cultural Rights ཞེས་རྒྱལ་སྤྱིའི་དཔལ་འབྱོར་དང་སྤྱི་ཚོགས། རིག་གཞུང་ཐོབ་ཐང་ཐོག་གི་གྲོས་མཐུན་ནང་གང་ཟག་སུ་ཞིག་གིས་རིག་གཞུང་སྲུང་བརྩི་དང་འབྲེལ་ཏེ་སྤེལ་བའི་བྱེད་སྒོར་གཞུང་ནས་ཐེ་གཏོགས་མི་ཆོག་པ་འཁོད་ཡོད་པ་དང་སྒོས་དེ་འབྲེལ་གྱི་ཐོབ་ཐང་འདི་ཤེས་ཡོན་གྱི་ཐོབ་ཐང་དང་འབྲེལ་བ་ཡང་ཆགས་ཡོད་པས་རྒྱ་ནག་ནས་དེར་ངེས་པར་དུ་གུས་བརྩི་ཞུ་དགོས་པར་གསུངས་འདུག རྒྱ་ནག་གཞུང་གིས་བོད་ཕྲུག་ཚོའི་རང་ཉིད་ཀྱི་ནང་མི་དང་སྤྱི་ཚོགས་ཀྱི་འཚོ་བའི་ནང་མཉམ་ཞུགས་གནང་རྒྱུར་ཐེ་གཏོགས་བྱས་པ་དེས་རྒྱ་ནག་གིས་མོས་མཐུན་བྱས་པའི Convention on the Rights of the Child འམ་བྱིས་པའི་ཐོབ་ཐང་གི་གྲོས་མཐུན་དེ་བརྩི་མེད་བཏང་ཡོད་པར་གསུངས་ཏེ། རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གིས་བོད་ནང་གི་བཅའ་སྡོད་སློབ་གྲྭ་སྐོར་དོ་སྣང་དང་ལྷག་པར་ཕྱི་ལོ་ ༢༠༢༣ ལོའི་ཟླ་ ༣ ནང་འགྲོ་བ་མིའི་ཐོབ་ཐང་ལྷན་ཚོགས་ཐོག་གནད་དོན་འདི་དོ་སྣང་གཙོ་ཆེར་གནང་ཡུལ་ཞིག་ལ་ངོས་འཛིན་རོགས་ཞེས་གསུངས་འདུག ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་གཙོ་འཛིན་མཆོག་གིས་ཤེས་ཡོན་ཐོབ་ཐང་དང་ཆོས་ལུགས་ཀྱི་རང་དབང་། རིག་གཞུང་གི་ཐོབ་ཐང་། གྲངས་ཉུང་མི་རིགས་ཀྱི་གནད་དོན་ཐོག་རྒྱལ་ཚོགས་ཀྱི་དམིགས་བསལ་ཆེད་ལས་སྐུ་ཚབ་རྣམས་བོད་ཁུལ་དུ་འཚམས་གཟིགས་ལ་ཕེབས་ཏེ་བཅའ་སྡོད་སློབ་གྲྭའི་ལམ་ལུགས་དང་སློབ་གྲྭའི་བོད་ཕྲུག་དང་ཕ་མ། རིག་གཞུང་སྤྱི་ལ་ཤུགས་རྐྱེན་གང་འདྲ་ཐེབས་ཡོད་མེད་ཐད་རྟོག་ཞིབ་གནང་དགོས་པའི་འབོད་སྐུལ་ཞུ་རོགས་ཞེས་གསུངས་ཡོད། མཐའ་དོན་ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་ནས་བོད་ནང་གི་བཅའ་སྡོད་སློབ་གྲྭ་ཐད་སེམས་འཚབ་ཡོད་པ་དེ་ནི་འགྲོ་བ་མིའི་ཐོབ་ཐང་གོང་མཐོར་གཏོང་རྒྱུ་གཅིག་པུ་མིན་པར་བྱང་ཨ་རིའི་གཞུང་གི་སྐུ་ཚབ་གནང་བའི་ཐོག་ནས་ལོ་རྒྱུས་བསྐྱར་ཟློས་བྱས་པར་ལྟ་འདོད་མེད་པར་མ་ཟད། དེ་སྔ་ཨ་རི་དང་ཁེ་ན་ཌ་གཉིས་ནང་གཞུང་གིས་ཡུལ་དེ་གར་སྐྱེས་པའི་ཕྲུ་གུ་རྣམས་ནང་མི་དང་ཁ་བྲལ་བཏང་ནས་བཙན་གྱིས་གཏན་འཇགས་སློབ་གྲྭར་བཏང་སྟེ་རིག་གཞུང་རྩ་གཏོར་གྱི་སྲིད་བྱུས་ལག་བསྟར་བྱས་ཡོད་སྐོར་འགྲེལ་བརྗོད་དང་ཆབས་ཅིག་རྒྱལ་སྤྱིའི་ཚོགས་སྡེས་སྲིད་བྱུས་དེ་བོད་ནང་ལག་བསྟར་བྱེད་མི་ཆོག་པ་བཟོ་དགོས་ཞེས་གསུངས་འདུག

ཨ་རི་གཞུང་གིས་རྒྱ་ནག་གཞུང་ནས་མི་མང་ལ་དྲག་གནོན་བྱེད་པ་དེ་སྲིད་གཞུང་གི་སྐྱོན་ཆ་གསལ་བཏོན་བྱེད་ཀྱི་ཡོད་པ་གསུངས་འདུག

ཨ་རིའི་ཕྱི་སྲིད་དྲུང་ཆེ་སྐུ་ཞབས་ Antony Blinken ལགས་ཀྱིས་རྒྱ་ནག་དམར་པོའི་གཞུང་གིས་ཏོག་དབྱིབས་གཉན་རིམས་ཀྱི་ཐེམ་སྤང་བཀའ་རྒྱའི་འོག་ངོ་རྒོལ་སྐད་འབོད་བྱེད་མཁན་རྣམས་འགོག་ཐབས་སླད་དྲག་གནོན་དང་དམ་དྲག་བྱེད་པ་དེ་ནི་རྒྱ་ནག་དམར་པོའི་སྲིད་གཞུང་གི་སྐྱོན་ཆ་གསལ་བཏོན་བྱེད་ཀྱི་ཡོད་པ་གསུངས་འདུགདེ་ཡང་ཨ་རིའི་ཕྱི་སྲིད་དྲུང་ཆེ་སྐུ་ཞབས་ Antony Blinken ལགས་ཟླ་བ་འདིའི་ཕྱི་ཚེས་ ༢༨ ནས་ ༣༠ བར་ཉིན་གྲངས་གསུམ་གྱི་རིང་ Romania ནང་ NATO ཚོགས་འདུའི་ནང་མཉམ་ཞུགས་གནང་ཡོད་པ་དང་བསྟུན། ཁ་སང་ NBC གསར་ཁང་གིས་ཁོང་ལ་ད་ལྟའི་ཆར་རྒྱ་ནག་ནང་གི་ངོ་རྒོལ་གནད་དོན་དང་འབྲེལ་ནས་བཅར་འདྲི་ཞུས་སྐབས། ཁོང་གིས་རྒྱལ་ཁབ་གང་འདྲ་ཞིག་གི་མི་མང་ཡིན་རུང་། ཁོང་ཚོས་ཞི་བའི་ཐོག་ནས་རང་ཉིད་ཀྱི་མི་འདོད་པའི་རྣམ་འགྱུར་རྣམས་ཕྱིར་འདོན་བྱ་རྒྱུ་ཐོབ་ཐང་ཡོད་པ་དང་འབྲེལ། མི་མང་གི་ངོ་རྒོལ་གནད་དོན་དེ་དག་ལ་སྲིད་གཞུང་གི་ངོས་ནས་ངོ་རྒོལ་གྱི་ལས་འགུལ་འགོག་ཐབས་སླད་དྲག་གནོན་བྱེད་པ་དེ་རྒྱལ་ཁབ་དེའི་སྲིད་གཞུང་གི་སྐྱོན་ཆ་གསལ་བཏོན་བྱེད་ཀྱི་ཡོད་པ་གསུངས་འདུགདེ་བཞིན་ཁོང་གིས་རྒྱ་ནག་ནང་ངོ་རྒོལ་གྱི་གནད་དོན་དེ་ནི་ཏོག་དབྱིབས་གཉན་རིམས་ཀླད་ཀོར་ཞེས་པའི་སྲིད་བྱུས་འོག་ནས་བྱུང་བ་ཞིག་ཡིན་པ་དང་ཆབས་ཅིག ཨ་རིའི་ངོས་ནས་སྲིད་བྱུས་དེ་ལས་ལྡོག་སྟེ། མི་མང་གི་འཕྲོད་བསྟེན་སོགས་ཀྱི་མཐུན་རྐྱེན་སྦྱོར་སྤྲོད་སོགས་བྱས་ཏེ། དོན་འབྲས་སོན་ཡོད་སྐོར་གསུངས་པ་དང་འབྲེལ། རྒྱ་ནག་དམར་པོའི་གཞུང་ནས་ཏོག་དབྱིབས་གཉན་རིམས་སེལ་ཐབས་ཀྱི་ཐབས་ལམ་གཞན་འཚོལ་དགོས་ཤིང་། ཐབས་ལམ་དེའི་བརྒྱུད་ནས་མི་མང་གི་འཕྲོད་བསྟེན་ཐད་ལ་མཐུན་རྐྱེན་སྦྱོར་སྤྲོད་ཐུབ་རྒྱུ་དང་། ལྷག་པར་དུ་མི་མང་གི་དགོས་མཁོ་བསྒྲུབ་དགོས་སྐོར་གསུངས་འདུགགནས་ཚུལ་ཐོན་ཁག་ལ་གཞིགས་ན། ཁ་སང་ཕྱི་ཚེས་ ༣༠ ཉིན་གྱི་མཚན་མོར་རྒྱ་ནག་གི་ Guangzhou གྲོང་ཁྱེར་ནང་སླར་ཡང་མི་མང་གི་ཞི་བའི་ངོ་རྒོལ་གནང་ཡོད་པ་དང་། སྐབས་དེར་ཉེན་རྟོག་པ་དང་མི་མང་བར་གདོང་ཐུག་སོགས་ཀྱི་གནད་དོན་བྱུང་བར་རྒྱ་ནག་གཞུང་གིས་ངོ་རྒོལ་བ་རྣམས་ལ་དམ་དྲག་དང་དྲག་གནོན་བྱ་རྒྱུའི་བཀོད་ཁྱབ་བཏང་ཡོད་འདུག  དེ་བཞིན་རྒྱ་ནག་དམར་ཤོག་གཞུང་དང་ཞི་ཅིན་ཕིང་ལ་ངོ་རྒོལ་བྱེད་མཁན་རྒྱ་ནག་ནང་ཙམ་མིན་པར་ཨ་རིའི་དང་དབྱིན་ཡུལ། དེ་བཞིན་ཁེ་ན་ཌ་དང་ཨོས་ཊོ་ལི་ཡ། ཉི་ཧོང་སོགས་ཀྱི་གྲོང་ཁྱེར་ཆེ་ཁག་ནང་གནས་སྡོད་རྒྱ་རིགས་གཙོས་པའི་མི་རིགས་གཞན་རྣམས་ནས་རྒྱ་ནག་ནང་མི་མང་གི་ཞི་རྒོལ་ལ་རྒྱབ་སྐྱོར་དང་གདུང་སེམས་མཉམ་སྐྱེད་མཚོན་ཕྱིར་ཁུལ་དེ་དག་གི་ནང་ཞི་རྒོལ་བྱེད་བཞིན་ཡོད་པ་རེད་འདུགགཞི་རྩའི་ཡོངས་གྲགས་སུ་ཤོག་བུ་དཀར་པོའི་གྱེན་ལངས་ཞེས་པའི་ལས་འགུལ་དེ་ནི་རྒྱ་ནག་དམག་ཤོག་ཚོགས་པའི་འགོ་ཁྲིད་ཞི་ཅིན་ཕིང་གིས་སྲིད་དབང་བཟུང་ནས་ད་བར་མི་མང་ནས་གཞུང་ལ་ངོ་རྒོལ་གྱི་ལས་འགུལ་ཆེ་ཤོས་ཤིག་ཆགས་ཀྱི་ཡོད་པ་དང་འབྲེལ། དེ་སྔ་ཕྱི་ལོ་ ༡༩༦༦ ནས་ ༡༩༧༦ བར་ལོ་བཅུའི་རིང་རིག་གནས་གསར་བརྗེ་བྱུང་བའི་རྗེས་མི་མང་གིས་མང་གཙོ་དགོས་ཞེས་པའི་ངོ་རྒོལ་དང་། ཕྱི་ལོ་ ༡༩༨༩ ལོ་དྲུག་བཞི་དོན་རྐྱེན། དེ་བཞིན་ཕྱི་ལོ་ ༢༠༠༨ ལོར་བོད་ནང་དུ་ས་བྱི་ཞི་རྒོལ་ཆེན་མོ་སོགས་མདོར་ན་བོད་གཙོས་པའི་རྒྱ་ནག་མི་མང་ནས་ཀྱང་རྒྱ་ནག་དམར་པོའི་སྲིད་གཞུང་གི་ལངས་ཕྱོགས་ལ་མི་འདོད་པའི་རྣམ་འགྱུར་མཚོན་པའི་ངོ་རྒོལ་རིམ་པས་བྱུང་ཡོད། རྒྱ་ནག་ནང་ཐེངས་འདིའི་ངོ་རྒོལ་བརྒྱུད་གཉན་རིམས་ཀླད་ཀོར་ཞེས་པའི་སྲིད་བྱུས་དེ་མཚམས་འཇོག་བྱ་དགོས་པ་དང་འབྲེལ། ཞི་ཅིན་ཕིང་སྲིད་དབང་ནས་རྩ་དགོངས་ཞུ་དགོས། རང་དབང་དང་མང་གཙོ་དགོས་ཞེས་སྐད་འབོད་དང་འཕྲེད་དར་སོགས་འཕྱར་ཡོད་པ་རེད།

Latest news