Tibetan Royal Year of 2151 | Year of the Wood Dragon

རྒྱལ་སྤྱི།

སྤྲུལ་སྐུ་བསྟན་འཛིན་བདེ་ལེགས་གཤེགས་པའི་གནད་དོན་ཐད་རྒྱལ་སྤྱིའི་རང་དབང་ལྡན་པའི་རྟོག་ཞིབ་དགོས་པའི་དགོས་འདུན་བཏོན་འདུག

ཟླ་འདིའི་ཚེས་ ༡༢ ཉིན་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་རྒྱ་ནག་གཞུང་གི་བཙོན་ཁང་ནང་དགོངས་པ་རྫོགས་པའི་གནད་དོན་དང་འབྲེལ། ཟླ་འདིའི་ཚེས་ ༢༠ ཉིན་ཨ་རིའི་གྲོས་ཚོགས་འཐུས་མི་དང་གྲོས་ཚོགས་ཀྱི་ Tom Lantos འགྲོ་བ་མིའི་ཐོབ་ཐང་ཚོགས་ཆུང་གི་ཚོགས་གཙོ་སྐུ་ཞབས་ Jim McGovern ལགས་ཀྱིས་གསར་འགོད་བསྒྲགས་གཏམ་ཞིག་སྤེལ་ནས། རིན་པོ་ཆེའི་གནད་དོན་ཐད་རྒྱལ་སྤྱིའི་རང་དབང་ལྡན་པའི་རྟོག་ཞིབ་གནང་དགོས་པའི་དགོས་འདུན་བཏོན་འདུགསྐུ་ཞབས་ Mcgovern ལགས་ཀྱིས་རིན་པོ་ཆེ་ཁོང་རྒྱའི་བཙོན་ནང་སྐུ་འདས་གྲོངས་སུ་འགྱུར་བར་བློ་ཕམ་ཆེན་པོ་དང་གདུང་སེམས་མཉམ་བསྐྱེད་ཡོད་པ་གསུངས་པ་དང་ཆབས་ཅིག ཁོང་སྐུ་སྒེར་དང་དང་ཨ་རིའི་གཞུང་གི་ངོས་ནས་དེ་སྔ་རྒྱ་ནག་གཞུང་ལ་རིན་པོ་ཆེ་སྨན་བཅོས་སླད་གློད་བཀྲོལ་དགོས་པའི་དགོས་འདུན་སྔ་རྗེས་བཏོན་ཀྱང། རྒྱ་གཞུང་གིས་སྣང་མེད་དུ་བཞག་ཡོད་པ་དང། རྒྱ་གཞུང་ཉེན་རྟོག་པས་ཁོང་གི་སྐུ་ཕུང་ནང་མིར་རྩིས་སྤྲོད་མ་བྱེད་པ་དང་རིན་པོ་ཆེའི་ཞལ་མཆུ་དང་ཕྱག་སེར་ནག་པོ་ཆགས་ཡོད་སྟབས། རྒྱ་གཞུང་ཉེན་རྟོག་པས་རིན་པོ་ཆེར་དུག་གིས་བཀྲོངས་ཡོད་པ་དཔང་རྟགས་ཡིན་པ་ལུང་འདྲེན་དང་སྦྲགས། གནད་དོན་དེའི་ཐོག་འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་མཁས་ལས་པ་གཙོ་བཞུགས་ཀྱིས་རྒྱལ་སྤྱིའི་རང་དབང་ལྡན་པའི་ནས་རྟོག་ཞིབ་མཐིལ་ཕྱིན་པ་ཞིག་གནང་དགོས་པ་གསུངས་འདུག གཞན་ཡང་རྒྱལ་སྤྱིའི་བོད་དོན་འབྲེལ་མཐུད་ལས་འགུལ་ཁང་གི་འགན་འཛིན་ Alison Reynolds ལགས་ཀྱིས་ཁ་སང་རྒྱལ་ཚོགས་ཀྱི་ཆེ་མཐོའི་འགྲོ་བ་མིའི་ཐོབ་ཐང་གི་གཙོ་འཛིན་སྐུ་ཞབས་ Zeid Raad Al Hussein མཆོག་གི་མཚན་ཐོག་ལ་སྙན་ཞུ་ཞིག་ཕུལ་ཏེ། སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་ཁོང་སྐུ་གཤེགས་པའི་གནད་དོན་ཐད་འཕྲལ་དུ་རྟོག་ཞིབ་གནང་དགོས་གལ་ཡིན་པ་གསུངས་འདུག

ཨ་རིའི་གྲོས་ཚོགས་སུ་བོད་དོན་ཉན་ཞིབ་གནང་བ།

ཟླ་འདིའི་ཕྱི་ཚེས་ ༡༤ ཉིན་ཨ་རིའི་གྲོས་ཚོགས་ནང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པ་དེ་ཉིད་ཀྱི་སླད་མྱ་ངན་གྱི་ངག་བཅད་གནང་བ་དང་འབྲེལ། རྒྱ་ནག་གཞུང་ནས་རིན་པོ་ཆེ་མཆོག་གི་སྐུ་ཕུང་ནང་མིར་རྩིས་སྤྲོད་དགོས་པའི་དགོས་འདུན་བཏོན་པ་མ་ཟད། ཨ་རིའི་གཞུང་ངོས་ནས་རྒྱ་ནག་ཐོག་སྲིད་བྱུས་མཁྲེགས་ཙམ་འཛིན་དགོས་པའི་སྐུལ་མ་ཞུས་འདུག ཁ་སང་ཨ་རིའི་གྲོས་ཚོགས་ཀྱི་ Tom Lantos འགྲོ་བ་མིའི་ཐོབ་ཐང་ཚོགས་ཆུང་ནས་བོད་རྒྱའི་གནད་དོན་སྐོར་ལ་ཉན་ཞིབ་ཀྱི་ལས་རིམ་ཞིག་ཚོགས་ཡོད་པ་དང། ལས་རིམ་དེའི་ཐོག་ཨ་རིའི་ཕྱི་སྲིད་ལས་ཁུངས་ཀྱི་བོད་དོན་དམིགས་བསལ་འབྲེལ་མཐུད་པ་ལྕམ་སྐུ་ Sarah Sewall དང། འགྲོ་བ་མིའི་ཐོབ་ཐང་ལྟ་ཞིབ་ཚོགས་པའི་རྒྱ་ནག་སྡེ་ཚན་གྱི་ངེས་སྟོན་པ་ sophie Richardson དེ་བཞིན་རྒྱལ་སྤྱིའི་བོད་དོན་ལས་འགུལ་ཁང་གི་ཚོགས་གཙོ་གློག་བརྙན་ཁྲབ་སྟོན་པ་སྐུ་ཞབས་ Richard Gere དང། ཨ་རི་བོད་ཀྱི་སྐུ་ཚབ་དོན་གཅོད་ཨུ་ཀ་ཚང་སྐལ་རྡོར་ལགས་བཅས་མཉམ་ཞུགས་གནང་འདུག སྐབས་དེར་ Tom Lantos འགྲོ་བ་མིའི་ཐོབ་ཐང་ཚོགས་ཆུང་གི་ཚོགས་གཙོ་ Jim McGovern དང། Joe Pitts ལགས་དང་ལྕམ་སྐུ་ Nancy Pelosi ལགས་གཙོས་པའི་གྲོས་ཚོགས་འཐུས་མི་མི་ཉུང་བ་ཞིག་ནས་ཀྱང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་གནད་དོན་ཐོག་ཐུགས་འཚབ་ཡོད་པའི་གསུང་བཤད་གནང་འདུགསྐུ་ཞབས་ Jim McGovern ལགས་ནས་ཉན་ཞིབ་ཀྱི་ལས་རིམ་འདི་བཞིན། སྤྲུལ་བསྟན་འཛིན་བདེ་ལེགས་རིན་པོ་ཆེ་མཆོག་གི་གནད་དོན་ངོ་སྤྲོད་དང་སྦྲགས་ནས་དབུ་འཛུགས་གནང་བ་དང། དེ་བས་ཀྱང་ཁོང་གིས་རྒྱ་ནག་གཞུང་གིས་བོད་མིའི་ཐོག་བྱེད་སྟངས་དེ་ནི་ཚད་ལས་བརྒལ་བ་དང་རྒྱུ་མཚན་དང་མི་ལྡན་པ་ཞིག་ཡིན་པས་བོད་ཀྱི་གནད་དོན་ཐད་ང་ཚོས་ད་ཆ་བསམ་བློ་གསར་པ་ཞིག་དང་དོན་དངོས་ཐོག་ནུས་པ་ལྡན་པའི་ཕྱག་ལས་གསར་པ་ཞིག་གནང་དགོས་ཀྱི་འདུག རྒྱ་ནག་གཞུང་ནས་༸གོང་ས་མཆོག་དགོངས་པ་རྫོགས་ན་བོད་ཀྱི་གནད་དོན་རང་བཞིན་གྱིས་ཡལ་འགྲོ་རྒྱའི་རེ་བ་བཅང་བཞིན་ཡོད་པ་དེ་ནི་འདི་ནི་རྩིས་ནོར་བ་ཞིག་རེད། ང་ཚོས་བོད་ཀྱི་གནད་དོན་ནམ་ཡང་བརྗེད་ཀྱི་མ་རེད་ཅེས་གསུངས་འདུགཉན་ཞིབ་ཀྱིས་ལས་རིམ་དེའི་སྐབས་ད་དུང། ཨ་རིའི་བོད་དོན་དམིགས་བསལ་འབྲེལ་མཐུད་པ་ལྕམ་སྐུ་Sarh Sewall ལགས་ཀྱིས་རྒྱ་ནག་གཞུང་ལ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་སྐུ་ཕུང་ནང་མིར་རྩིས་སྤྲོད་དགོས་པའི་ནན་བཤད་དང་འབྲེལ། ཨ་རིའི་གཞུང་ངོས་ནས་རྒྱ་ནག་གི་བདག་དབང་ལ་གུས་བརྩི་ཞུ་བ་དང་ཆབ་གཅིག རྒྱ་ནག་སྤྱིའི་བདེ་འཇགས་དང་རྒྱལ་ཁབ་དེའི་ཕུགས་རྒྱང་རིང་བའི་ཁེ་ཕན་ཆེད། ང་ཚོས་སླར་ཡང་རྒྱ་ནག་གཞུང་ལ་༸གོང་ས་མཆོག་དང་ཡང་ན་༸གང་ཉིད་ཀྱི་སྐུ་ཚབ་ལྷན་དུ་ཆ་རྐྱེན་གང་ཡང་མེད་པར་གྲོས་མོལ་བསྐྱར་གསོ་བྱེད་དགོས་པའི་འབོད་སྐུལ་མུ་མཐུད་ཞུ་ཡི་ཡོད་ཅེས་གསུངས་འདུག དེ་བཞིན་རྒྱལ་སྤྱིའི་བོད་དོན་ལས་འགུལ་ཁང་གི་ཚོགས་གཙོ་སྐུ་ཞབས་ Richard Gere ལགས་ཀྱིས་ཀྱང། ད་རེས་རིན་པོ་ཆེ་མཆོག་རྒྱ་ནག་གི་བཙོན་ཁང་ནང་གློ་བུར་དུ་དགོངས་པ་རྫོགས་པ་དེས་བོད་ཀྱི་གནས་སྟངས་ཛ་དྲག་ཇི་ལྟར་ཆགས་ཡོད་གསལ་པོ་བཏོན་གྱི་ཡོད་སྐོར་གསུངས་པ་མ་ཟད། རྒྱ་ནག་གཞུང་གིས་༸གོང་ས་མཆོག་དང་ལྷན་ཞི་མོལ་བརྒྱུད་བོད་དོན་བདེན་མཐའ་སེལ་དགོས་པ་དང། ༸གོང་ས་མཆོག་ནི་དཀའ་ངལ་གྱི་གཞི་རྩ་མ་ཡིན་པར་བོད་ཀྱི་གནད་དོན་སེལ་ཐུབ་མཁན་གྱི་ཐབས་ལམ་ལེགས་ཤོས་དེ་ཡིན་པར་འགྲེལ་བརྗོད་གནང་འདུག དེ་བཞིན་ཡང་ཨ་རིའི་བོད་ཀྱི་སྐུ་ཚབ་དོན་གཅོད་དབུ་དཀར་ཚང་སྐལ་རྡོར་ལགས་ནས་རྒྱ་གཞུང་གིས་བོད་མིའི་ཐོག་བྱེད་འབྱེད་ཀྱི་སྲིད་བྱུས་འཛིན་བཞིན་པར་སྐྱོན་བརྗོད་གནང་བ་དང་སྦྲགས། བོད་མིའི་སྒྲིགས་འཛུགས་ཀྱི་ངོས་ནས་༸གོང་ས་མཆོག་གིས་འདོན་གནང་མཛད་པའི་དབུ་མའི་ལམ་གྱི་སྲིད་བྱུས་ཐོག་སྲ་བརྟན་གནས་བཞིན་པ་ལྟར། བོད་རྒྱ་འབྲེལ་མོལ་ཐད་གྲ་སྒྲིག་ཨང་སར་ཡོད་པར་འགྲེལ་བརྗོད་ཀྱང་གནང་འདུག  

༸གོང་ས་མཆོག་རྒྱལ་ཁབ་གསུམ་གྱི་ནང་མཛད་འཕྲིན་ལེགས་གྲུབ་ཀྱིས་བཞུགས་སྒར་དུ་ཞབས་སོར་འཁོད་པ།

༄༅། །བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཉེ་སྔོན་དབྱིན་ཡུལ་དང། ཨ་རི། དེ་བཞིན་འཇར་མ་ནི་ནང་མཛད་འཕྲིན་ཁག་ལེགས་པར་གྲུབ་བསྟུན། དེ་རིང་ཟླ་ ༧ ཚེས་ ༡༥ སྔ་དྲོ་ཚོུད་ ༡༠།༣༠ ཡོལཙམ་ལ་བཞུགས་སྒར་དུ་ཞབས་སོར་བདེ་བར་འཁོད་གནང་སོང་། མགོན་པོ་༸གང་ཉིད་རྒྱ་གར་དུ་ཆིབས་ཞལ་མ་བསྒྱུར་གོང་འཇར་མ་ནི་ནང་གྱི་ཉིན་མཐའ་མའི་མཛད་འཆར་ཁྲོད་གཙོ་བོ་མངའ་སྡེ་གྲོས་ཚོགས་སུ་ཆིབས་སྒྱུར་གནང་ཏེ་གྲོས་ཚོགས་ཀྱི་ཚོགས་གཙོ་མཆོག་གཙོས་བཀའ་ཤག་ལྷན་རྒྱས་དང་། གྲོང་སྡེ་སྤྱི་ཁྱབ་ཆེན་མོ་མཆོག ཆབ་སྲིད་ཚོགས་ཁག་གི་དབུ་ཁྲིད་རྣམས་དང་ལྷན་དུ་བཀའ་བསྡུར་གནང་འདུགགཞན་ཡང་ཁུལ་དེའི་ནང་རྟེན་གཞིས་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གི་ཚོགས་གཙོ་གཙོས་རྒྱུན་ལས་རྣམས་དང་ལྷན་མཇལ་གནང་བ་དང། ལྷག་དོན་མགོན་པོ་མཆོག་དགུང་གྲངས་ ༨༠ ཕེབས་བསྟུན། འཇར་མ་ནི་རྒྱལ་ཡོངས་ནང་༸སྐུའི་གྱ་སྟོན་གྱི་འཁྲུངས་སྐར་སྲུང་བརྩི་ཞུ་སླད་༸གང་ཉིད་ཀྱི་༸སྐུ་པར་འཁོད་པའི་སྦྲག་རྟགས་ཤིག་གསར་བཟོ་ཐུབ་པ་དེའི་རྒྱབ་ལྗོངས་དང་སྦྲགས་ནས་༸གང་ཉིད་ལ་སྤྱན་འབུལ་ཞུས་འདུགསྐབས་དེར་མགོན་པོ་མཆོག་གིས་རྒྱལ་སྤྱིའི་བོད་དོན་ལས་འགུལ་ཁང་གིས་ད་བར་དུ་བོད་དོན་ཐད་རྒྱབ་སྐྱོར་གནང་མུས་ཡིན་པར་ཐུགས་རྗེ་ཆེ་ཞུས་དང་སྦྲགས། དེ་བཞིན་བོད་དོན་རྒྱབ་སྐྱོར་བ་ཚོས་ཀྱང་མུ་མཐུད་ཤུགས་སྣོན་བསྐྱོན་དགོས་པའི་བླང་དོར་གྱི་བཀའ་སློབ་སྩལ་རྗེས་གོ་སྒྲིག་ཚོགས་ཆུང་གི་དང་བླངས་ཚོགས་མི་ཚོར་མཇལ་འཕྲད་ཀྱིས་མཇལ་དར་དང་ཕྱག་རྟགས་གནང་ནས་འཚམས་འདྲི་གནང་འདུག རྩ་བས་ད་ལན་༸གོང་ས་མཆོག་འཇར་མ་ནི་ནང་རྟེན་གཞིས་བྱས་པའི་བོད་རིགས་ཚོགས་པ་དང་འཇར་མན་ཚོགས་པ་ Friends of Friend ཞེས་པའི་ཚོགས་པ་གཉིས་ཀྱིས་གདན་ཞུས་གནང་བ་ཞིག་རེད་འདུག

༸གོང་ས་མཆོག་ནས་འཇར་མན་ Frankfurt གྲོང་ཁྱེར་སྤྱི་ཁྱབ་མཆོག་དང་མཇལ་འཕྲད་གནང་འདུག

ཟླ་འདིའི་ཚེས་ ༡༣ སྔ་དྲོར་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་འཇར་མ་ནིའི་གྲོས་ཚོགས་ཀྱི་འགྲོ་བ་མིའི་ཐོབ་ཐང་ཚོགས་ཆུང་གི་ཚོགས་གཙོ་དང་གྲོས་ཚོགས་ཀྱི་འཐུས་མི་རྣམས་དང་མཇལ་འཕྲད་གནང་བ་མ་ཟད། འཇར་མན་ Frankfurt གྲོང་ཁྱེར་སྤྱི་ཁྱབ་སྐུ་ཞབས་ Peter Feldmann མཆོག་དང་ལྷན་དུའང་མཇལ་འཕྲད་གནང་འདུག སྐབས་དེར་གྲོང་ཁྱེར་སྤྱི་ཁྱབ་མཆོག་གིས་གྲོང་ཁྱེར་ཚོགས་ཁང་ཆེན་མོར་༸གང་ཉིད་ལ་སྣེ་ལེན་གཟབ་རྒྱས་ཞུ་ཐོག་རིག་གཞུང་སྣ་འཛོམས་དང་། རྒྱལ་ཁབ་འདྲ་མིན་གྱི་མི་རིགས་འདྲ་མིན་ཡོད་པའི་ frankfurt གྲོང་ཁྱེར་དེའི་ནང་འཚེ་མེད་ཞི་བདེ་དང་ཆོས་ལུགས་མཐུན་སྒྲིལ་གོང་མཐོར་སྤེལ་མཁན་༸གོང་ས་༸སྐྱབས་མགོན་ཆེན་པོ་མཆོག་ཞབས་སོར་འཁོད་རྒྱུ་བྱུང་བ་དེ་ནི་ཧ་ཅང་སྐལ་བ་བཟང་པོ་ཞིག་ཡིན་སྐོར་གསུངས་པ་མ་ཟད།  ༸གང་ཉིད་དགུང་གྲངས་ ༨༠ ཕེབས་པའི་སྐལ་བཟང་གི་དུས་ཚིགས་དེ་དང་སྟབས་འཁེལ་བ་དེ་ནི་ཧ་ཅང་དགའ་དགོས་པ་ཞིག་ཡིན་པར་འགྲེལ་བརྗོད་གནང་འདུག ༸གོང་ས་མཆོག་གིས་དེ་རྗེས་འཇར་མ་ནིའི་འགྲེམས་སྟོན་ཁང་ཞིག་ཏུ་ཆིབས་བསྒྱུར་གནང་ཐོག་ཡུལ་དེའི་མཐོ་སློབ་ཁག་འདྲ་མིན་ནས་སློབ་གཉེར་བ་ལེགས་གྲས་འདེམས་གྲུབ་ཀྱིས་ཁྱོན་སློབ་ཕྲུག་ ༧༠ ལྷག་ལ་རྒྱུན་དུ་སྤྱི་ཚོགས་ནང་གཞན་ཕན་གྱི་ཕྱག་ལས་གནང་ཕྱོགས་དང་།དུས་རབས་ཉི་ཤུ་པ་དེ་ཞི་བདེའི་སྤྱི་ཚོགས་ཤིག་ཏུ་བསྐྲུན་རྒྱུའི་འགན་ཡོད་ལུགས་དང་འབྲེལ་བའི་ཐོག་བཀའ་སློབ་སྩལ་འདུག གཞན་ཡང་འཇར་མ་ནི་ནང་རྟེན་གཞིས་བྱས་པའི་བོད་རིགས་ཚོགས་པས་གོ་སྒྲིག་འོག ༸སྐུའི་གྱ་སྟོན་ཆེན་མོའི་མཛད་སྒོར་དབུ་བཞུགས་མཛད་པ་དང། མཛད་སྒོའི་ཐོག་འཇར་མ་ནི་སྲིད་འཛིན་ཟུར་པ་སྐུ་ཞབས་ Prof. Christian Schwarz-Schilling ལགས་དང།  ཡོ་རོབ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ Thoman Mann ལགས། དེ་བཞིན་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དབུས་པའི་སྐུ་མགྲོན་ཁག་ཅིག་ཆེད་ཕེབས་ཀྱིས་མཁྱོན་མི་གྲངས་ ༢༢༠༠ ལྷག་ནས༸སྐུའི་གྱ་སྟོན་གྱི་འཁྲུངས་སྐར་གཟབ་རྒྱས་ངང་སྲུང་བརྩི་ཞུས་འདུག སྐབས་དེར་མགོན་པོ་མཆོག་གིས་བོད་རོགས་དང་རྒྱ་རིགས་ཚོར་བཀའ་སྩལ་བའི་ཁྲོད་དུ་ང་ཚོ་བོད་རིགས་རྣམས་ལ་ཐུན་མོང་མ་ཡིན་པའི་བོད་ཀྱི་སྐད་ཡིག་གཉིས་དང་ལེགས་བྱང་ཁྱད་པར་བ་ཡོད་པ་དེ་དག་མི་རབས་གཞོན་པ་ཚོས་དོ་སྣང་གནང་དགོས་གལ་ཆེ་བར་བཀའ་སྩལ་འདུག་པ་མ་ཟད། ལྷག་དོན་དུ་རྒྱ་རོགས་ཚོར་བོད་ཀྱི་བདེན་དོན་གང་ཡིན་ཤེས་རྟོགས་ཡོད་ཐོག་འགྲེལ་བརྗོད་གནང་གལ་ཆེ་བ་དང་ད་བར་བོད་དོན་ཐོག་རྒྱབ་སྐྱོར་གནང་མུས་ཡིན་པ་དེའང་རྒྱུན་ཁྱོངས་ཡོང་བའི་ཞེན་སྐུལ་གྱི་བཀའ་སྩལ་མཛད་འདུག མཛད་འཆར་ལྟར་ན། དེ་རིང་ཚེས་ ༡༤ སྔ་དྲོ་༸གོང་ས་མཆོག་འཇར་མ་ནི་ Hessen མངའ་སྡེ་གྲོས་ཚོགས་ཀྱི་ཚོགས་གཙོ་དང་སྲིད་བློན་དེ་བཞིན་གནད་ཡོད་མི་སྣ་ཁག་ཅིག་དང་མཇལ་འཕྲད་ཀྱི་མཛད་འཆར་ཁག་ཅིག་གྲུབ་རྗེས།  ༸གང་ཉིད་མཆོག་རྒྱ་གར་ལ་ཆིབས་ཤལ་བསྒྱུར་གནང་རྒྱུ་རེད་འདུག  

༸གོང་ས་མཆོག་ཨ་རི་ནས་འཇར་མ་ནི་ནང་ཆིབས་ཞལ་བསྒྱུར་གནང་བ།

༄༅ །། སྤྱི་ལོ་ ༢༠༡༥ ཟླ་ ༧ ཚེས་ ༡༢ ཉིན་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ད་ལན་ཨ་རིའི་མངའ་སྡེ་ཆེ་གྲས་ Taxes དང། California དང།། ནེའུ་ཡོག་བཅས་གསུམ་ནང་གི་མཛད་འཕྲིན་ཁག་ལེགས་པར་གྲུབ་བསྟུན། ཨ་རི་གྲོང་ཁྱེར་ནིའུ་ཡོག་ནས་འཇར་མ་ནིར་ཆིབས་ཞལ་བསྒྱུར་གནང་མཛད་དེ་ཞབས་སོར་བདེ་བར་འཁོད་གནང་འདུག མགོན་པོ་༸གང་ཉིད་མཆོག་འཇར་མ་ནིའི་ Hessen མངའ་སྡེ་ནུབ་དབུས་རྒྱལ་ས་ Wiesbaden ནང་གི་བཞུགས་གནས་གསོལ་སྒྲོན་ཁང་དུ་བོད་མི་ཚོ་གཙོས་པའི་བོད་དོན་རྒྱབ་སྐྱོར་བ་བཅས་ཀྱིས་དགའ་གུས་སྤྲོ་གསུམ་ངང་ནས་ཕེབས་བསུ་གཟབ་རྒྱས་ཞུས་འདུག ཉིབ་རྒྱབ་ཏུ་འཇར་མ་ནིའི་གྲོས་ཚོགས་ཀྱི་ཚོགས་གཞོན་ལྕམ་སྐུ་ Mrs. Claudia Roth མཆོག་དང། གྲོང་སྡེའི་སྤྱི་ཁྱབ་སྐུ་ཞབས་ MR. Anno Gossmann མཆོག Hessen སྲིད་བློན་ཟུར་པ་དང་བོད་དོན་རྒྱབ་སྐྱོར་བ་སྐུ་ཞབས་ Mr. Roland Koch མཆོག་བཅས་རྣམ་པ་གསུམ་གྱིས་མགོན་པོ་མཆོག་གིས་ཀུར་པཀ་སྐྱེད་ཚལ་ནང་ལ་མང་ཚོགས་ ༢༥༠༠༠ ལྷག་བརྒལ་བར་བྱམས་བརྩེ་ཞེས་པའི་བརྗོད་གཞིའི་ཐད་བཀའ་སློབ་མ་བསྩལ་གོང་དུ་༸གང་ཉིད་ལ་འཚམས་འདྲི་ཞུས་འདུག ཟླ་འདིའི་ཚེས་ ༡༣ མགོན་པོ་༸གང་ཉིད་མཆོག་འཇར་མ་ནིའི་འགྲེམས་སྟོན་ཁང་ the museum of applied arts ལ་ཆིབས་བསྒྱུར་གནང་ཐོག་ཁུལ་དེའི་མཐོ་སློབ་སློབ་གཉེར་བ་ ༧༠ ལྷག་ལ་ Taking care of others ཞེས་པའི་ཐོག་བཀའ་སློབ་བཀྲིན་ཆེ་བར་སྩལ་གནང་འདུག ཉིན་རྒྱབ་ཏུ་འཇར་མ་ནི་ནང་རྟེན་གཞིས་བྱས་པའི་བོད་རིགས་ཚོགས་པས་གོ་སྒྲིག་ཞུས་པའི་མཛད་སྒོའི་ཐོག་སྐུ་མགྲོན་དུ་ཡོ་རོབ་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ Thoman Mann ལགསདང། འཇར་མན་གྲོས་ཚོགས་འཐུས་མི་སྐུ་ཞབས་ Michael Brand ལགས། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ཀྱང་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༠ ཕེབས་པའི་༸སྐུའི་འཁྲུངས་སྐར་ལ་འཚམས་འདྲིར་བཅར་གནང་འདུག་པ་མ་ཟད། བོད་གཞུང་ཟློས་གར་ཚོགས་པ་དང་། མོན་གོལ། རྒྱ་རིགས་བཅས་ཀྱིས་དགའ་དད་སྤྲོ་གསུམ་་ཐོག་༸སྐུའི་གྱ་སྟོན་གྱི་བསྟོད་དབྱངས་དང་རྐང་བྲོ་གླུ་གཞས་སོགས་སྤྱན་འབུལ་ཞུས་ཏེ་༸སྐུའི་འཁྲུངས་སྐར་གཟབ་རྒྱས་ངང་སྲུང་བརྩི་ཞུས་འདུག སང་ཕྱི་ཚེས་ ༡༤ ཉིན་མགོན་པོ་༸གང་ཉིད་མཆོག་རྒྱ་གར་དུ་ཞལ་མ་བསྒྱུར་གོང་ Wiesbaden གྲོང་སྡེའི་སྤྱི་ཁྱབ་སྐུ་ཞབས་མཆོག་གིས་ཇི་ལྟར་གསོལ་འདེབས་ཞུས་པ་བཞིན་དེར་ཞབས་སོར་འཁོད་གནང་མཛད་རྒྱུ་རེད་འདུག    

བྱང་ཨ་རིའི་བོད་རིགས་སྤྱི་མཐུན་ཚོགས་པ་ཐུན་མོང་ནས་༸གོང་ས་མཆོག་ལ་བཀྲིན་རྗེས་དྲན་གྱི་བརྟན་བཞུགས་བསྟར་འབུལ་ཞུས་པ།

ཨ་རི་ནང་ཟླ་འདིའི་ཚེས་ ༡༠ ཉིན་གྱི་སྔ་དྲོར་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་གཙོས་པའི་ཕྱི་ནང་གི་ནང་པའི་དད་ལྡན་ཆོས་ཞུ་བ་ ༡༦༠༠༠ ལྷག་ལ་སྒྲོལ་དཀར་ཡེ་ཤེས་འཁོར་ལོའི་ཚེ་དབང་བཀྲིན་སྩལ་འདུག ཉིན་རྒྱབ་ཏུ་ནེའུ་ཡོག་གྲོང་ཁྱེར་ཏུ་ Javits Center ཞེས་པའི་ཚོགས་ཁང་ནང་དུ་བྱང་ཨ་རིའི་བོད་རིགས་སྤྱི་མཐུན་ཚོགས་པས་གོ་སྒྲིག་འོག༸གང་ཉིད་ལ་བཀྲིན་རྗེས་དྲན་ཞུ་རྒྱུའི་མཛད་སྒོའི་ཐོག ༸གོང་ས་༸སྐྱབས་མགོན་ཆེན་པོ་མཆོག་དབུ་ཞུགས་གནང་ཐོག་སྐུ་མགྲོན་གཙོ་བོ་ཨ་རིའི་སྲིད་འཛིན་Barack Obama མཆོག་གི་སློབ་སྟོན་པ་འགན་གྲས་ལྕམ་སྐུ་ Valerie Jarrett མཆོག་དང། སྐུ་མགྲོན་གྱི་ཁོངས་སུ་ཨ་རིིའི་གྲོས་ཚོགས་འཐུས་མི་ལྕམ་སྐུ་ Nancy Pelosi མཆོག ཨ་རིའི་གློག་བརྙན་འཁྲབ་སྟོན་གྲགས་ཅན་སྐུ་ཞབས་ Richard Gere མཆོག རྒྱ་རིགས་མཁས་དབང་ Ming Xia ལགས། དེ་བཞིན་བོད་མིའི་སྒྲིག་འཛུགས་སྲིད་སྐྱོང་བློ་བཟང་སེང་གེ་མཆོག བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་དང། ཕྱག་འབྲེལ་བཀའ་བློན་རྣམ་པ་ཁག་ཅིག་གཙོས། གཞན་ཡང་བྱང་ཨི་རིའི་ཁུལ་གྱི་བོད་མི་རྣམས་དང། རྒྱ་རིགས། འབྲུག་པ། ཨུ་རུ་སུ། སོག་པོ། བལ་པོ། ཀོམ་སྦུ་ཀྲིཡ། ཀོ་རི་ཡ། ཕི་ལི་ཕིན་དང། ཧི་མ་ལ་ཡའི་མི་རིགས་སོགས་ཚོགས་པ་སྐྱིད་སྡུག་ཁགགི་སྐུ་ཚབ་ནས་ཡུལ་ལུང་སོ་སོའི་གྱོན་ཆས་ལེགས་པར་སྤྲད་ནས་བཀྲིས་པའི་མཆོད་རྫས་འདེགས་འབུལ་དང་སྦྲགས། ཕྱི་ནང་གི་དད་ལྡན་མང་ཚོགས་སོགས་ཁྱོན་མི་གྲངས་ ༡༦༠༠༠ ལྷག་འདུ་འཛོམས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་ལ་བཀྲིན་རྗེས་དྲན་ཞུས་བསྟུན། མགོན་པོ་མཆོག་༸སྐུ་ཚེ་མི་གཤེགས་རྡོ་རྗེའི་ཁམས་སུ་བརྟན་ཕྱིར་བརྟན་བཞུགས་རྒྱས་པ་ཞིག་ཀྱང་བསྟར་འབུལ་ཞུས་འདུག་པ་དང། དེ་མཚུངས་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༨༠ ཕེབས་པའི་༸སྐུའི་འཁྲུངས་སྐར་ལ་འཚམས་འདྲིའི་མངར་བཟས་འདེགས་འབུལ་དང་འབྲེལ། ས་གནས་བོད་ཕྲུག་ཚོས་༸སྐུའི་གྱ་སྟོན་གྱི་བསྟོད་དབྱངས་གཟིགས་འབུལ་ཞུ་བ་དང། ས་གནས་ཀྱི་བོད་མི། སོག་པོ། འབྲུག་པ། ཁེལ་མུག་གཙོས། མང་ཚོགས་ཚོས་ཀྱང་དགའ་དད་སྤྲོ་གསུམ་འཁོད་པའི་ངང་ནས་གཞས་སྣ་སོགས་གཟིགས་འབུལ་གྱིས་༸གང་ཉིད་ཀྱི་༸སྐུའི་འཁྲུངས་སྐར་འཚམས་འདྲི་ཞུས་འདུག སྐབས་དེར་མགོན་པོ་མཆོག་གིས་བཀའ་སྩལ་བའི་ཁྲོད་དུ་སྔོན་གྱི་ལས་དང་སྨོན་ལམ་སྟོབས་ཀྱིས་༸གང་ཉིད་དང་བོད་མིའི་དབར་གྱི་དམིགས་བསལ་གྱི་འབྲེལ་བ་ཞིག་ཡོད་པར་བཀའ་སྩལ་བ་དང་སྦྲགས། མང་ཚོགས་ཚོས་ཀྱང་༸གང་ཉིད་ཀྱི་ཐུགས་དགོངས་ལྟར། བྱམས་བརྩེ་དང་ལྡན་པའི་མི་ཞིག་བྱ་དགོས་གལ་ཆེ་བའི་བཀའ་ནན་པོ་བསྩལ་འདུག

ཨ་རིའི་གྲོས་ཚོགས་ནང་བོད་རྒྱ་གྲོས་མོལ་བསྐྱར་གསོ་དགོས་པའི་གྲོས་ཆོད་གྲོས་འཆར་གཏན་འབེབས་གནང་བ།

ཟླ་འདིའི་ཚེས་ ༨ ཉིནཨ་རིའི་གྲོས་ཚོགས་ནང་༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ལ་ཆེ་བསྟོད་དང་བསྟུན། རྒྱ་གཞུང་ལ་ཆ་རྐྱེན་གང་ཡང་མེད་པའི་ཐོག་ནས་བོད་རྒྱ་གྲོས་མོལ་བསྐྱར་གསོ་དགོས་པའི་གྲོས་འཆར་ཞིག་ཚེས་ ༨ ལ་གཏན་འབེབས་གནང་འདུག ཟླ་་སྔོན་མའི་ཚེས་ ༢༤ ཉིན་ཨ་རིའི་གྲོས་ཚོགས་ཀྱི་ཕྱི་འབྲེལ་ལས་དོན་ཚོགས་ཆུང་གི་ཚོགས་མི་དང་ནིའུ་ཡོག་ས་ཁུལ་གྱི་གྲོས་ཚོགས་འོག་མའི་འཐུས་མི་གཅིག་ལྕོགས་ཡིན་པ་སྐུ་ཞབས་ Eliot L. Engel མཆོག་དང་ Arizona ས་ཁུལ་གྱི་གྲོས་ཚོགས་འོག་མའི་འཐུས་མི་སྐུ་ཞབས་ Matt Salmon མཆོག དེ་བཞིན་ Tom lantos འགྲོ་བ་མིའི་ཐོབ་ཐང་རྟོག་ཞིབ་ཚོགས་ཆུང་གི་འགན་འཛིན་གཞོན་པ་དང་གྲོས་ཚོགས་འོག་མའི་འཐུས་མི་སྐུ་ཞབས་ Joseph Pitts མཆོག གྲོས་ཚོགས་འོག་མའི་འཐུས་མི་སྐུ་ཞབས་James McGovern མཆོག་བཅས་ཀྱིས་གཙོ་འགན་བཞེས་ཐོག ཨ་རིའི་གྲོས་ཚོགས་འོག་མའི་ནང་བོད་དོན་དཀའ་རྙོག་སེལ་སླད་རྒྱ་གཞུང་ནས་སྔོན་འགྲོའི་ཆ་རྐྱེན་གང་ཡང་མེད་པར་རྒྱ་ནག་དང་༸གོང་ས་མཆོག་གི་སྐུ་ཚབ་དབར་དོན་དམ་གྱི་གྲོས་མོལ་ཡོང་བར་ཨ་རིའི་གཞུང་ཕྱོགས་ནས་ཤུགས་སྣོན་བསྐྱོན་དགོས་པའི་གྲོས་ཆོད་གྲོས་འཆར་ཞིག་བཏོན་ཡོད་པ་རེད། རྩ་བའི་གྲོས་ཆོད་གྲོད་འཆར་དེ་བསྣམས་ཕེབས་མཁན་ཨ་རིའི་གྲོས་ཚོགས་ཀྱི་ཕྱི་འབྲེལ་ལས་དོན་ཚོགས་ཆུང་གི་ཚོགས་མི་སྐུ་ཞབས་ Eliot L. Engel ལགས་ཡིན་འདུག་པ་དང་། གཏན་འབེབས་གནང་ཟིན་པའི་གྲོས་ཆོད་དེའི་ནང་གཙོ་བོ་རྒྱ་གཞུང་ནས་སྔོན་འགྲོའི་ཆ་རྐྱེན་གང་ཡང་མེད་པར་༸གོང་ས་མཆོག་གི་སྐུ་ཚབ་དབར་དོན་སྙིང་ལྡན་པའི་གྲོས་མོལ་བརྒྱུད་བོད་མིའི་དཀའ་སྡུག་སེལ་སླད་ཐག་གཅོད་ཀྱིས་གྲོས་མཐུན་གཏན་འབེབས་གནང་དགོས་པ་དང་། ལྷ་སར་ཨ་རིའི་གཞུང་ཚབ་གསར་འཛུགས་དགོས་སྐོར་དང་སྦྲགས། གཞུང་ཚབ་དེ་བརྒྱུད་ནས་བོད་ནང་གི་ཆབ་སྲིད་དང་། དཔལ་འབྱོར། རིག་གཞུང་ཡར་རྒྱས་བཅས་ཀྱི་གནས་སྟངས་ལ་སྟངས་འཛིན་བྱ་རྒྱུ་དང་། གཞན་ཡང་རྒྱ་གཞུང་ལ་༸ཀུན་གཟིགས་པཎ་ཆེན་རིན་པོ་ཆེ་མཆོག་དབུས་པའི་བོད་མིའི་ཆབ་སྲིད་བཙོན་པ་རྣམས་ཆ་རྐྱེན་གང་ཡང་མེད་པར་གློད་ཀྲོལ་དགོས་པའི་སྐུལ་མ་གནང་དགོས་པ་མ་ཟད། དེ་བས་ཀྱང་ཨ་རི་དང་བོད་མིའི་དབར་འགྱུར་མེད་ཀྱི་མཛའ་བརྩེའི་འབྲེལ་ལམ་མུ་མཐུད་སྲ་བརྟན་གནང་རྒྱུའི་ཁས་ལེན་གནང་དགོས་སྐོར་སོགས་འཁོད་འདུག

བོད་ཀྱི་ཆོས་དང་རིག་གཞུང་ལ་བརྟེན་ནས་བོད་ཆོལ་ཁ་གསུམ་རྡོག་གཅིག་ཏུ་སྒྲིལ་ཐུབ་ཡོད་པར་བཀའ་སྩལ་འདུག

༸གོང་ས་མཆོག་ California མངའ་སྡེ་ Anaheim གྲོང་ཁྱེར་དུ་བྱམས་བརྩེའི་ལྷན་ཚོགས་ཀྱི་མཛད་རིམ་ལེགས་གྲུབ་རྗེས། ཟླ་འདིའི་ཕྱི་ཚེས་ ༧ གྱི་ཉིན་རྒྱབ། California གཙུག་ལག་སློབ་གཉེར་ཁང་དུ་བོད་རིགས་དང་། སོག་པོ། དེ་བཞིན་བལ་པོ་དང་ཧི་མ་ལ་ཡའི་རི་བརྒྱུད་བཅས་ནས་མཇལ་ཁར་བཅར་མཁན་མང་ཚོགས་ཉིས་སྟོང་བརྒལ་བར་བླང་དོར་གྱི་བཀའ་སློབ་བཀྲིན་བསྩལ་འདུག སྐབས་དེར་མགོན་པོ་མཆོག་གིས་ས་གནས་བོད་རིགས་རྣམས་ལ་དེང་སང་འཛམ་གླིང་གང་དུའང་མེད་པ། ང་ཚོ་བོད་མི་རྣམས་ལ་ཆོས་དང་རིག་གཞུང་ཐོུང་མ་ཡིན་པ་སྤོབས་པ་སྐྱེས་དགོས་ཡག་ཅིག་ཡོད་པའི་སྐོར་བཀའ་གནང་སྟེ། བོད་ཡིག་དང་བོད་སྐད་ལ་དོ་སྣང་དང་སློབ་སྦྱོང་གནང་དགོས་གལ་ཡིན་པར་ལམ་སྟོན་གྱི་བཀའ་སྩལ་འདུག ད་དུང་མགོན་པོ་༸གང་ཉིད་ཀྱིས་བཀའ་སློབ་སྩལ་བའི་ཁྲོད་དུ་བོད་མིའི་དབར་ལ་ཆིག་སྒྲིལ་གྱི་ནུས་པ་ཡག་པོ་ཡོད་པ་ལ་བསྔགས་བརྗོད་གནང་བ་དང་སྦྲགས། ཆིག་སྒྲིལ་གོང་བུ་གཅིག་ཏུ་སྒྲིལ་དགོས་གལ་ཆེ་བ་དང། གཞན་ཡང་བོད་བསྒྱུར་ནང་བསྟན་ཆོས་བརྒྱུད་ཕན་ཚུན་དབར་ལ་མཐུན་སྒྲིལ་དང་སློབ་གཉེར་ཐོག་ཤུགས་སྣོན་སྐྱོན་དགོས་གལ་དང་། དེ་བཞིན་དོལ་རྒྱལ་སྐོར་སོགས་བཀའ་སློབ་བསྩལ་འདུག་ སྐབས་དེར་དུས་ཡུན་ཚོུད་ ༢ མན་ཙམ་རིང་ལ་བཀའ་སློབ་གྲུབ་མཚམས་སུ། དེ་གར་འདུས་པའི་མང་ཚོགས་ནས་མགོན་པོ་མཆོག་༸སྐུ་ཚེ་ཡུན་དུ་བརྟན་པའི་གསོལ་འདེབས་སྨོན་ལམ་ཞུས་པར། ༸གང་ཉིད་ཀྱིས་༸སྐུའི་འཕྲོད་བཞེས་ཡག་ཐག་ཆོད་ཡོད་པས་སེམས་འཁྲལ་རྩ་བ་ནས་མི་དགོས་པར་བློ་བདེ་པོའི་ངང་སྡོད་རོགས་ཞེས་བཀའ་བཞེས་བཟང་པོ་སྩལ་འདུག  

༸གོང་ས་མཆོག་གིས་བྱམས་བརྩེ་ནི་ལུས་སེམས་བདེ་ཐང་གི་སྨན་ལེགས་ཤོས་ཡིན་པར་བཀའ་སྩལ་བ།

འདི་ལོ་ ༢༠༡༥ ལོའི་ནང་འཛམ་གླིང་ས་ཕྱོགས་གང་ས་ནས་དགའ་གུས་དད་གསུམ་ངང་རྒྱ་ཁྱབ་ཆེན་པོས་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་དགུང་གྲངས་ ༨༠ ཕེབས་པའི་༸སྐུའི་འཁྲུངས་སྐར་བསུ་བའི་འཚམས་ཞུ་དང་བསྟུན། ཟླ་འདིའི་ཕྱི་ཚེས་ ༥ ནས་ ༧ བཅས་སུ་ཨ་རིའིལྷོ་ California མངའ་སྡེ་ Anaheim གྲོང་ཁྱེར་དུ་འཛམ་གླིང་ཞི་བདེ་དེད་དཔོན་༸གོང་ས་༸སྐྱབས་མགོན་ཆེན་པོ་མཆོག་དབུ་ཞུགས་ཐོག་འཛམ་གླིང་ནང་ཞི་བདེའི་གཟེངས་རྟགས་བཞེས་མྱོང་མཁན་དང། སྲིད་དོན་མི་སྣ། ཚན་རིག་པ། སྤྱི་ཚོགས་ལས་འགུལ་བ། སྒྱུ་སྩལ་བ་བཅས་གནད་ཡོད་མི་སྣ་དང་མང་ཚོགས་ཆིག་ཁྲི་ལྷག་ལྷན་འཛོམས་ཐོག་༸གོང་ས་མཆོག་གི་༸སྐུའི་འཁྲུངས་སྐར་དུས་ཆེན་སྲུང་བརྩི་དང་བྱམས་བརྩེའི་ལྷན་ཚོགས་ཤིག་ཀྱང་ཚོགས་གནང་འདུག ཨ་རིའི་ནང་ཁ་སང་ཕྱི་ཚེས་ ༧ གྱི་སྔ་དྲོར་བྱམས་བརྩེའི་ལྷན་ཚོགས་ཀྱི་ཉིན་མཐའ་མར་ UCI གཙུག་ལག་སློབ་གཉེར་ཁང་དུ་༸གོང་ས་སྐྱབས་མགོན་ཆེན་པོ་མཆོག་གིས་ཤེས་ཡོན་གྱི་ལམ་ནས་གོ་ལ་ཀུན་ལ་ཁྱབ་པའི་འགྲོ་བ་མིའི་རིན་ཐང་གོང་འཕེལ་གཏོང་ཕྱོགས་ཀྱི་བརྗོད་གཞིའི་ཐད་མང་ཚོགས་༦༠༠༠ ལྷག་དང་ན་གཞོན་འགོ་ཁྲིད་ཁག་ཅིག་དང་མཉམ་དུ་གླེང་མོལ་མཛད་འདུག མགོན་པོ་༸གང་ཉིད་ཀྱིས་བཀའ་སློབ་སྩལ་བའི་ཁྲོད་དུ་གླེང་མོལ་གྱི་ལས་རིམ་འདིའི་ཐོག་མཉམ་ཞུགས་གནང་བའི་ན་གཞོན་འགོ་ཁྲིད་ཚོ་གཙོས་པའི་མང་ཚོགས་རྣམས་ལ་ད་བར་སྐུ་སྒེར་གྱི་སློབ་གཉེར་གནང་བའི་ནང་ནང་པའི་ལྟ་གྲུབ་ལས། རྟེན་འབྲེལ་གྱི་རྣམ་གཞག་དང། བློ་སྦྱོང་སོགས་ཀྱིས་སྐུ་སྒེར་གྱི་༸སྐུ་ཚེའི་དོན་དངོས་ལ་ཕན་རླབས་བྱུང་ཅེས་༸སྐུའི་མྱོང་བ་དང་སྦྲགས་ནས་གསུངས་པ་དང། རང་ཉིད་ཀྱི་ཉིན་རེའི་མི་ཚེ་ནང་ཧ་ཅང་གི་ཕན་ཐོགས་ཆེན་པོ་ཡོད་པའི་རིན་ཐང་ལྡན་པ་དང། འགྲོ་བ་མི་ཡིན་ཕྱིན་ཆད་ལ་བྱམས་པ་དང་བརྩེ་བའི་བློ་སྐྱེས་རྒྱུའི་ནུས་པ་ཡོད་པ་ཞིག་ཡིན་སྟབས། བླེ་དེ་རང་ཅག་རྣམས་ནས་བེད་སྤྱོད་ཡང་དག་པ་ཞིག་བྱེད་དགོས་པ་དང། བྱམས་བརྩེའི་བློ་དེ་ནི་ལུས་སེམས་བདེ་ཐང་ཡོང་རྒྱུའི་སྨན་གོང་ཁེ་ཤོས་དང་ལེགས་ཤོས་ཤིག་ཡིན་པར་བཀའ་སྩལ་འདུག གཞི་རྩའི་ཨ་རིའི་ནང་ཉིན་གསུམ་རིང་བྱམས་བརྩེའི་གླེང་མོལ་གྱི་ལས་རིམ་གོ་སྒྲིག་ཞུ་ཡུལ་ UCI གཙུག་ལག་སློབ་གཉེར་ཁང་དེའི་ནང་ ༢༠༠༤ ནས་བཟུང་༸གོང་ས་མཆོག་གི་མཚན་ཐོག་ནས་བྱམས་བརྩེ་དང། ཞི་བདེ་ལ་སོགས་པའི་༸གོང་ས་མཆོག་གི་དགོངས་གཞི་དང་མཐུན་པའི་བྱམས་བརྩེའི་ལས་དོན་སྤེལ་མཁན་གྱི་སློབ་མ་ཁག་ཅིག་ལ་༸གོང་ས་མཆོག་མཚན་ཐོག་ནས་སློབ་ཡོན་གནང་མུས་ཡིན་པ་དང། ད་བར་སློབ་ཡོན་ཞུ་མཁན་གྱི་སློབ་གཉེར་བ་ ༡༠༠ ལྷག་གིས་འགྲོ་བ་སྤྱི་ལ་སྨན་པའི་ལས་དོན་འདྲ་མིན་སྤེལ་བཞིན་ཡོད་པ་རེད་འདུག ད་རེས་ཀྱི་མཛད་རིམ་དེའི་ཐོག་ནས་སློབ་མ་དེ་དག་གིས་༸གང་ཉིད་ཀྱི་༸སྐུའི་འཁྲུངས་སྐར་ལ་འཚམས་འདྲི་ཞུ་པ་དང་། ད་བར་སློབ་ཡོན་དེ་དང་འབྲེལ་བའི་ལས་དོན་ཅི་གྲུབ་ཀྱི་སྙན་ཐོ་ཞིག་ཀྱང་མགོན་པོ་མཆོག་ལ་སྤྱན་འབུལ་ཞུས་འདུག།

Latest news