གསར་འགྱུར།

རྒྱལ་སྤྱིའི་ཁྲོད་དེ་རིང་ཕྱི་ཟླ་ ༡༡ ཚེས་ ༢༥ ཉིན་རྒྱལ་སྤྱིའི་བེུད་ལ་འཚེ་བ་གཏན་འགོག་ཉིན་མོ་ཞེས་སྲུང་བརྩི་གནང་བཞིན་པ་དང་བསྟུན། བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་བཙན་བྱོལ་བོད་མིའི་སྤྱི་ཚོགས་ནང་དུའང་གནད་དོན་དེ་རིགས་འབྱུང་བཞིན་ཡོད་པ་དང་དེ་དག་འགོག་ཐབས་གནང་དགོས་པའི་གོ་རྟོགས་ཆེད་དེ་རིང་ནས་དབུ་འཛུགས་ཀྱིས་ཟླ་ ༡༢ ཚེས་ ༡༠ སྟེ་རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོ་བར་དུ་ཉིན་གྲངས་ ༡༦ རིང་ཕོ་མོ་དབྱེ་འབྱེད་ཀྱི་འཚེ་བ་འགོག་ཐབས་ཐོག་མྱོང་ཚོར་གསལ་བརྗོད་ཞེས་པའི་ལས་འགུལ་ཞིག་དབུ་འཛུགས་གནང་སོང་། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་སྔ་དྲོ་ཕྱག་ཚོད་ ༡༡ ཐོག་བཞུགས་སྒར་ནོར་བུ་གསོལ་མགྲོན་ཁང་དུ་མཛད་སྒོ་ཞིག་བསྐོང་ཚོགས་དང་སྦྲགས་ཏེ་ཕོ་མོ་དབྱེ་འབྱེད་ཀྱི་འཚེ་བ་འགོག་ཐབས་དང་འབྲེལ་བའི་ཉིན་གྲངས་ ༡༦ གི་ལས་འགུལ་དབུ་འཛུགས་གནང་རྒྱུའི་གསལ་བསྒྲགས་སྤེལ་བ་དང་འབྲེལ། ལྟེ་གནས་ཁང་གིས་འདི་ལོའི་ཕྱི་ཟླ་ ༩ པའི་ནང་རྒྱ་གར་བྱང་ཕྱོགས་བོད་མིའི་གཞིས་སྒར་ ༨ ཙམ་གྱི་ནང་དུ་སྐོར་བསྐྱོད་གནང་བའི་ཁྲོད་དུ་བེུད་ཐོག་བཙན་གཡེམ་དང་རྩུབ་སྤྱོད་སོགས་ཀྱི་གནད་དོན་ ༣༣ ཙམ་ཞིག་བྱུང་ཡོད་སྐོར་ལ་དོ་བདག་དང་འབྲེལ་ཡོད་ཁག་གཅིག་ལ་བཅར་འདྲི་ཞུས་པའི་བརྙན་པར་བླངས་ཁོངས་ནས་ཕོ་མོ་དབྱེ་འབྱེད་ཀྱི་འཚེ་བ་མྱོང་མཁན་བོད་རིགས་བེུད་དང་དང་བུ་མོ་ ༡༦ གི་གནས་ཚུལ་བརྒྱུད་སྤེལ་དང་གནས་ཡུལ་རྒྱ་གར་བྱང་ཕྱོགས་ཁུལ་གྱི་བཙན་བྱོལ་བོད་མིའི་སྤྱི་ཚོགས་ནང་ཕོ་མོ་དབྱེ་འབྱེད་ཀྱི་འཚེ་བ་མྱངས་པའི་བོད་རིགས་བུ་མོ་དང་བེུད་རྣམས་ཀྱི་མྱོང་ཚོར་སྐོར་གྱི་བརྙན་ཐུང་བཅས་ཟླ་ ༡༢ ཚེས་ ༡༠ བར་དེ་ལས་སྤྱི་ཚོགས་དྲྭ་རྒྱའི་ཐོག་འདོན་སྤེལ་གནང་རྒྱུ་ཡིན་པ་རེད། དེ་རིང་དབུ་བྱེད་མཛད་སྒོའི་ཐོག་རང་ཉིད་ནི་ཕོ་མོ་དབྱེ་འབྱེད་ཀྱི་འཚེ་བ་མྱངས་མྱོང་མཁན་ཞིག་ཡིན་པ་མ་ཟད་གནད་དོན་དེ་འགོག་ཐབས་ཐོག་རང་འགུལ་ནས་ལས་འགུལ་སྣེ་ཁྲིད་གནང་བའི་ཁྲོད་དུ་རང་གི་མྱོང་ཚོར་དང་འབྲེལ་བའི་ཕྱག་དེབ་འདོན་སྤེལ་གནང་མཁན་བོད་རིགས་བེུད་ཀུན་བཟང་སྒྲོལ་མ་ལགས་ད་རེས་མཛད་སྒོར་དངོས་སུ་བཅར་ཐུབ་མེད་པ་རེད། འོན་ཀྱང་ཁོང་གིས་རང་གི་མྱོང་ཚོར་སྐོར་བརྙན་པར་ཞིག་བཏང་ཡོད་པ་དེ་གཟིགས་འབུལ་གནང་སོང་བའི་ནང་དུ་ཀུན་བཟང་སྒྲོལ་མ་ལགས་ཀྱིས་ཚོར་བ་ཆེན་པོས་རང་ཉིད་ལོ་ ༡༥ ཐོག་བུ་ཞིག་གིས་བཙན་གཡེམས་བཏང་བ་དང་། དེའི་རྗེས་ཀྱི་དཀའ་ངལ་མང་དག་ཅིག་འཕྲད་པའི་མྱོང་ཚོར་སྐོར་གསུངས་པ་དང་འབྲེལ། ཁོང་དང་ཁོང་འདྲ་བའི་བོད་པའི་བེུད་མང་དག་ཞིཅི་ཡོད་པ་རྣམས་ལ་སྤྱི་ཚོགས་ནང་བེུད་ལ་གཙན་གཡེམ་དང་རྩུབ་སྤྱོད་གཏང་མཁན་སྐྱེས་པ་ཡོད་ཀྱང། བེུད་ལ་རྒྱབ་སྐྱོར་དང་བསམ་བཤེས་བྱེད་མཁན་སྐྱེས་པ་ཡང་མང་དག་ཅིག་ཡོད་པ་དང། རང་ལ་གནད་དོན་དེ་རིགས་བྱུང་བ་ཡིན་ན་དེའི་སྐོར་ལ་ངེས་པར་དུ་བཤད་ཐུབ་དགོས་པ་དང་། དེས་རང་གི་དཀའ་ངལ་ཉུང་རུ་འགྲོ་བ་དང་མཉམ་དུ་གཞན་ལ་ཡང་ཕན་ཐོགས་ཡོང་རྒྱུ་ཡིན་པ་གསུངས་འདུག དེ་བཞིན་༸དཔལ་ས་སྐྱ་༸གོང་མ་ཁྲི་ཆེན་རིན་པོ་ཆེ་མཆོག་གིས་དེ་རིང་གི་བརྗོད་གཞི་དང་འབྲེལ་བའི་གསུང་འཕྲིན་བསྩལ་བར་སྤྱིར་ནང་པ་སངས་རྒྱས་པའི་ཆོས་དང་སྒོས་ཐེག་པ་ཆེན་པོའི་ཆོས་ཀྱི་རྩ་བ་དེ་སྙིང་རྗེ་ཡིན་སྟབས། འཚེ་བའི་ལས་རིགས་སྤེལ་བ་ཡིན་ན་ནང་པའི་ཆོས་དང་འགལ་འགྲོ་རྒྱུ་ཡིན་པ་དང་། སེམས་ཅན་ཐམས་ཅད་གཉེན་དུ་བལྟས་ནས་མི་གཞན་དང་རང་གི་བཟའ་ཚང་དང་བེུད་སོགས་ལ་མཐོང་ཆུང་དང་བརྙས་བཅོས་བྱ་རྒྱུ་མེད་པ་མ་ཟད་རང་ནུས་གང་ལྕོགས་ཀྱིས་ཕྱག་རོགས་གནང་དགོས་པ་བཀའ་གནང་འདུག སྐབས་དེར་སྐུ་མགྲོན་གཙོ་བོ་དྷ་སའི་གྲོང་ཁྱེར་སྤྱི་ཁྱབ་ལྕམ་ Rajni Vyas ལགས་ཀྱིས་བོད་མི་དང་རྒྱ་གར་བའི་སྤྱི་ཚོགས་གཙོས་སྤྱི་ཚོགས་ཚང་མའི་ནང་དུ་བེུད་ལ་བཙན་གཡེམ་དང་རྩུབ་སྤྱོད་ཀྱི་གནད་དོན་རིགས་འབྱུང་བཞིན་ཡོད་པ་དང་། ཁོང་གིས་ད་བར་གྱི་ཉམས་མྱོང་ཁྲོད་དུ་བེུད་ ༢༠༠༠ བརྒལ་བར་གནད་དོན་དེ་རིགས་བྱུང་བ་ལས་ཤེས་རྟོགས་བྱུང་བའི་ནང་དུ་བྱིས་པ་བུ་མོ་ཟླ་བ་ ༡༣ ནས་ལོ་ ༦ དེ་བཞིན་མ་རྒན་ལོ་ ༨༠ ལའང་གནད་དོན་དེ་ལྟར་བྱུང་ཡོད་པ་དང་། བུ་མོ་ཡིན་པའི་རྐྱེན་གྱིས་གནད་དོན་དེ་རིགས་འབྱུང་བཞིན་ཡོད་སྟབས། ཁོང་དང་ཁོང་གི་སྤྱི་ཚོགས་ཀྱི་ངོས་ནས་དེ་འདྲའི་འཚེ་སྤྱོད་འགོག་ཐབས་ཀྱི་ལས་འགུལ་སྣ་མང་ཅིག་སྤེལ་བཞིན་པ་དང་ལས་འགུལ་སྤེལ་སྐབས་སུ་དཀའ་ངལ་ཡང་མང་དག་ཅིག་འཕྲད་བཞིན་ཡོད་ཀྱང་། བོད་མི་དང་རྒྱ་གར་བ་སོགས་སྤྱི་ཚོགས་ཚང་མས་མཉམ་རུབ་ཀྱིས་གདོང་ལེན་གནང་དགོས་གལ་ཡིན་སྐོར་གསུངས་པ་དང་འབྲེལ། ཁོང་གི་ལས་ཁུངས་ཀྱི་ངོས་ནས་བཙན་བྱོལ་བོད་མིའི་སྒྲིག་འཛུགས་ཀྱི་བེུད་ནུས་སྟོབས་གོང་འཕེལ་སྡེ་ཚན་ལ་ཕོ་མོ་དབྱེ་འབྱེད་ཀྱི་འཚེ་བའི་རིགས་ཀྱི་གནས་ཚུལ་ནམ་བྱུང་ལ་ཞུ་ས་ཡོད་པའི་ HelpLine འམ་ཁ་པར་བརྒྱུད་འབྲེལ་བ་གནང་རྒྱུའི་མཐུན་རྐྱེན་སྦྱོར་བཞིན་ཡོད་པ་གསུངས་སོང་། ལས་འགུལ་དེའི་ཁྲོད་བོད་པའི་གཞིས་ཆགས་ཁག་བརྒྱད་ཀྱི་ནང་དུ་དངོས་སུ་གནད་དོན་རྒྱུས་ལོན་ཆེད་སྐོར་བསྐྱོད་གནང་མཁན་ལྟེ་གནས་ཁང་གི་ཉམས་ཞིབ་པ་བསྟན་འཛིན་ཟླ་བ་ལགས་དང་བརྙན་པར་ལེན་མཁན་བསྟན་འཛིན་ཕུལ་བྱུང་ལགས་གཉིས་ནས་བེུད་ཐོག་རྩུབ་སྤྱོད་སོགས་ཀྱི་གནད་དོན་དངོས་སུ་བྱུང་ཡོད་ནའང་དེའི་སྐོར་བཀའ་མོལ་གནང་མཁན་ཧ་ཅང་ཉུང་ཉུང་དང་བཀའ་མོལ་གནང་ཁག་པོ་ཡོད་པ། དེ་བཞིན་སྤྱི་ཚོགས་སྣེ་ཁྲིད་གནང་མཁན་མི་སྣ་ཁག་གཅིག་གིས་གནད་དོན་དེ་རིགས་རྩ་བ་ནས་བྱུང་མེད་སྐོར་བརྗོད་དེ་དེ་ལྟར་ཕྱག་ལས་གནང་དཀའ་སྐོར་སོགས་ཀྱི་མྱོང་ཚོར་གསུངས་སོང་། བོད་པའི་སྤྱི་ཚོགས་ནང་དུ་གནད་དོན་དེ་རིགས་བྱུང་གི་ཡོད་པ་གསལ་པོ་ཆགས་པ་དང་། དེའི་འོག་དཀའ་ངལ་འཕྲད་མཁན་རྣམས་ལ་སྤྱི་ཚོགས་ཁྲོད་གཟིགས་སྟངས་ངན་པའི་ངལ་བ་འཕར་མ་འཕྲད་བཞིན་ཡོད་པ། དེ་བཞིན་བེུད་ཐོག་བཙན་གཡེམ་བྱེད་མཁན་མི་སྣར་སུས་ཀྱང་གང་ཡང་བཤད་མ་ཐུབ་པར་རང་དབང་ངང་འཚོ་བ་རོལ་བཞིན་ཡོད་པ་སོགས་ཀྱི་གནད་དོན་མང་དག་ཅིག་རྒྱུས་ལོན་བྱུང་ཡོད་པ་སོགས་གསུངས་སོང་།  དེ་བཞིན་དེ་རིང་གི་ཉིན་མོ་དང་བསྟུན་མཛད་སྒོའི་ཐོག་འགྲོགས་མོ་ཞེས་པའི་བེུད་ཐོབ་ཐང་རྩོད་མཁན་ཚོགས་པའི་ངོས་ནས་འདི་ལོ་རྒྱ་གར་བྱང་ཤར་ཁུལ་གྱི་བོད་པའི་སློབ་གྲྭ་ཁག་གཅིག་གི་ནང་དུ་བྱིས་པའི་ཐོག་རྩུབ་སྤྱོད་དང་བཙན་གཡེམ་གྱི་གནད་དོན་ཇི་འཕྲད་ཀྱི་ཉམས་ཞིབ་གནང་བའི་སྙན་ཐོ་འདོན་སྤེལ་གནང་ཡོད་པ་དེའི་སྐོར་གསུངས་པ་དང་འབྲེལ། སྤྱི་ཚོགས་ནང་དུ་གནད་དོན་དེ་རིགས་འབྱུང་བཞིན་པ་ཕྱིར་ཐོན་ཁག་པོ་ཡོད་པ་སོགས་ཀྱི་གནས་སྟངས་མངོན་གསལ་གནང་ཡོད།

བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཉེ་ལམ་ཨ་རིའི་རྒྱལ་སར་གཞུང་འབྲེལ་འཚམས་གཟིགས་སུ་ཕེབས་པ་དང་བསྟུན་རྒྱ་རིགས་མཁས་དབང་དང་ལས་འགུལ་བ་ ༣༠ མན་ཙམ་མཇལ་འཕྲད་ཀྱིས་བོད་ཀྱི་གནད་དོན་དང་འབྲེལ། རྒྱ་གཞུང་ལ་གདོང་ལེན་གནང་ཕྱོགས་སྐོར་གཏམ་བཤད་གནང་འདུག བོད་མིའི་སྒྲིག་འཛུགས་ཀྱིས་དྲྭ་གནས་ཐོག་འདོན་སྤེལ་གནང་བའི་གནས་ཚུལ་ལ་གཞིགས་ན་ཨ་རི་སྐུ་ཚབ་དོན་གཅོད་ཁང་གིས་ཚེས་ ༢༠ ཉིན་གོ་སྒྲིག་གནང་བའི་འདུ་འཛོམས་དེའི་ཐོག་རྒྱ་རིགས་མི་གྲངས་ ༣༠ ཡོད་པ་དེའི་ཁོངས་རྒྱ་རིགས་ཁྲིམས་རྩོད་པ་དང་རང་དབང་འཐབ་རྩོད་པ་གྲགས་ཅན་སྐུ་ཞབས་ Chen Guangcheng ལགས་དང། Wei Jinsheng དེ་བཞིན་ཨ་རིར་རྟེན་གཞི་བྱས་པའི་རྒྱ་རིགས་སྤྱི་དམངས་སྟོབས་ཤུགས་ཚོགས་པའི་ཚོགས་གཙོ་ yang jianli ལགས་བཅས་ཀྱིས་གཙོས་པའི་ཧོང་ཀོང་དང་ཐེ་ཝན་གྱི་སྐུ་ཚབ་ཁག་གཅིག་ཕེབས་འདུག སྐབས་དེར་སྲིད་སྐྱོང་མཆོག་གིས་རྒྱ་གཞུང་གི་དྲག་གནོན་འོག་ལྷུང་བའི་བོད་མི་གཙོས་མི་རིགས་གཞན་ཁག་གི་གནས་སྟངས་ངོ་སྤྲོད་དང་འབྲེལ། རྒྱའི་དབང་ཤུགས་འོག་ལྷུང་བའི་མི་རིགས་རྣམས་ནས་རྒྱ་གཞུང་ལ་གདོང་ལེན་བྱེད་དགོས་སྐོར་དང་། རྒྱ་གཞུང་ལ་གདོང་ལེན་གནང་བ་བརྒྱུད་གནས་སྟངས་ལ་བསྒྱུར་བཅོས་ཀྱི་གོ་སྐབས་ཤིག་ཡོང་ངེས་ཡིན་པ་གསུངས་འདུག དེང་རབས་རྒྱ་གཞུང་གིས་ཡིག་ཆ་ཨང་ ༥ ཞེས་བླ་སྤྲུལ་ངོ་འཛིན་བྱེད་ཕྱོགས་ཀྱི་རྩ་འཛིན་གྱི་ཡིག་ཆ་ཞིག་འདོན་སྤེལ་བརྒྱུད་བོད་བརྒྱུད་ནང་བསྟན་གྱི་བླ་སྤྲུལ་བདམ་ཕྱོགས་ཐད་ཐེ་བྱུས་བྱེད་བཞིན་ཡོད་སྐོར་དང་། ཕྱོགས་གཞན་ཞིག་ནས་རྒྱ་གཞུང་གིས་བོད་པའི་དགོན་སྡེ་ཁག་གཏོར་བཤིག་དང་ཆོས་ལུགས་ལ་དམ་དྲག་ཧ་ཅང་བྱེད་བཞིན་ཡོད་སྟབས་རྒྱ་རིགས་གྲོགས་པོ་ཚོ་ནས་བོད་ཀྱི་རང་དབང་བསྐྱར་གསོའི་སླད་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་ཞུས་འདུག དེ་བཞིན་སྐུ་ཞབས་ Chen Guangcheng ལགས་ཀྱིས་རྒྱ་གཞུང་ནས་རྒྱ་ནག་ཧན་མི་རིགས་ཚོར་དྲག་གནོན་བྱས་སྐོར་དང་ཉེ་ལམ་ཨ་རི་གྲོས་ཚོགས་གོང་འོག་ནས་ཧོང་ཀོང་གི་འགྲོ་བ་མིའི་ཐོབ་ཐང་སྲུང་སྐྱོབ་དང་འབྲེལ་ཁྲིམས་འཆར་འདོན་སྤེལ་གནང་བ་དེས་ཨ་རི་ངོས་ནས་རྒྱ་ནག་ལ་བརྡ་ལན་གསལ་པོ་ཞིག་བཏང་ཡོད་པ་དང་།      ཧོང་ཀོང་གི་གནད་དོན་དང་འབྲེལ་རྒྱབ་སྐྱོར་གནང་མཁན་རྒྱལ་སྤྱིའི་ཚོགས་པ་ཁག་ནས་སེམས་ཤུགས་ནམ་ཡང་མ་ཆག་པར་མུ་མཐུད་དེ་འབྲེལ་ལས་དོན་གནང་བར་འབོད་སྐུལ་ཞུས་འདུག ཁོང་གིས་ད་དུང་གཉིས་སྨན་དབུ་མའི་ལམ་གྱི་སྲིད་བྱུས་ལ་བསྔགས་བརྗོད་དང་སྦྲགས་ཏེ་རྒྱ་གཞུང་ནི་ཚང་མའི་ཐུན་མོང་གི་དགྲ་བོ་ཅིག་ཏུ་གྱུར་ཡོད་སྟབས་རྒྱ་གཞུང་ལ་ཁ་གཏད་གནང་སླད་ཚང་མས་ཕྱར་བ་གྲུ་འདེགས་ཀྱི་སྒོ་ནས་གདོང་ལེན་གནང་དགོས་པ་གསུངས་འདུག འདུ་འཛོམས་དེའི་ཁོངས་སུ་ཡོད་པ་རྒྱ་རིགས་འགྲོ་བ་མིའི་ཐོབ་ཐང་དོན་གཉེར་བ་སྐུ་ཞབས་ Wei Jingsheng ལགས་ཀྱིས་ཧོང་ཀོང་གི་གནད་དོན་དང་འབྲེལ། ཧོང་ཀོང་མང་ཚོགས་ཀྱི་སེམས་ཤུགས་ལ་བསྔགས་བརྗོད་དང་རྒྱའི་དབང་བསྒྱུར་འོག་ལྷུང་བ་རྣམས་ནས་ཧོང་ཀོང་གི་ལས་འགུལ་ལས་སློབ་གསོ་བླང་དགོས་པ་མ་ཟད་རྒྱ་གཞུང་ནས་བླ་སྤྲུལ་ཡང་སྲིད་བདམ་ཕྱོགས་ཐད་ཐེ་བྱུས་བྱས་པ་དེས་མང་ཚོགས་ཀྱི་ཆོས་དད་རྩ་མེད་བཟོ་རྒྱུར་དམིགས་ཀྱི་ཡོད་སྐོར་གསུངས་འདུག གཞི་རྩའི་སྲིད་སྐྱོང་མཆོག་ཨ་རིར་འཚམས་གཟིགས་གནང་བ་དེའི་ཁྲོད་ཉེ་ལམ་ཝ་ཤིང་ཊོན་དུ་བོད་དོན་ཁྲིམས་འཆར་གསར་པར་རྒྱབ་སྐྱོར་ཐོབ་ཆེད་ཡུལ་དེའི་གྲོས་ཚོགས་གོང་འོག་གཉིས་ཀྱིས་གཙོས་པའི་ཕྱི་སྲིད་ལྷན་ཁང་གི་དབུ་ཁྲིད་མི་སྣ་ཁག་གཅིག་དང་མཇལ་མོལ་གནང་ཡོད་པ་མ་ཟད།  The Heritage Foundation  ཞེས་པའི་སྲིད་བྱུས་ཉམས་ཞིབ་ཁང་གི་གདན་ཞུས་ཐོག་བོད་ནང་གི་རང་དབང་སྲུང་སྐྱོབ་དང་འབྲེལ་བའི་གསུང་བཤད་གནང་ཡོད་པ་རེད།

རྒྱལ་སྤྱིའི་ཁྲོད་དེ་རིང་ཕྱི་ཟླ་ ༡༡ ཚེས་ ༢༥ ཉིན་རྒྱལ་སྤྱིའི་བེུད་ལ་འཚེ་བ་གཏན་འགོག་ཉིན་མོ་ཞེས་སྲུང་བརྩི་གནང་བཞིན་པ་དང་བསྟུན། བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་བཙན་བྱོལ་བོད་མིའི་སྤྱི་ཚོགས་ནང་དུའང་གནད་དོན་དེ་རིགས་འབྱུང་བཞིན་ཡོད་པ་དང་དེ་དག་འགོག་ཐབས་གནང་དགོས་པའི་གོ་རྟོགས་ཆེད་དེ་རིང་ནས་དབུ་འཛུགས་ཀྱིས་ཟླ་ ༡༢ ཚེས་ ༡༠ སྟེ་རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོ་བར་དུ་ཉིན་གྲངས་ ༡༦ རིང་ཕོ་མོ་དབྱེ་འབྱེད་ཀྱི་འཚེ་བ་འགོག་ཐབས་ཐོག་མྱོང་ཚོར་གསལ་བརྗོད་ཞེས་པའི་ལས་འགུལ་ཞིག་དབུ་འཛུགས་གནང་སོང་། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་སྔ་དྲོ་ཕྱག་ཚོད་ ༡༡ ཐོག་བཞུགས་སྒར་ནོར་བུ་གསོལ་མགྲོན་ཁང་དུ་མཛད་སྒོ་ཞིག་བསྐོང་ཚོགས་དང་སྦྲགས་ཏེ་ཕོ་མོ་དབྱེ་འབྱེད་ཀྱི་འཚེ་བ་འགོག་ཐབས་དང་འབྲེལ་བའི་ཉིན་གྲངས་ ༡༦ གི་ལས་འགུལ་དབུ་འཛུགས་གནང་རྒྱུའི་གསལ་བསྒྲགས་སྤེལ་བ་དང་འབྲེལ། ལྟེ་གནས་ཁང་གིས་འདི་ལོའི་ཕྱི་ཟླ་ ༩ པའི་ནང་རྒྱ་གར་བྱང་ཕྱོགས་བོད་མིའི་གཞིས་སྒར་ ༨ ཙམ་གྱི་ནང་དུ་སྐོར་བསྐྱོད་གནང་བའི་ཁྲོད་དུ་བེུད་ཐོག་བཙན་གཡེམ་དང་རྩུབ་སྤྱོད་སོགས་ཀྱི་གནད་དོན་ ༣༣ ཙམ་ཞིག་བྱུང་ཡོད་སྐོར་ལ་དོ་བདག་དང་འབྲེལ་ཡོད་ཁག་གཅིག་ལ་བཅར་འདྲི་ཞུས་པའི་བརྙན་པར་བླངས་ཁོངས་ནས་ཕོ་མོ་དབྱེ་འབྱེད་ཀྱི་འཚེ་བ་མྱོང་མཁན་བོད་རིགས་བེུད་དང་དང་བུ་མོ་ ༡༦ གི་གནས་ཚུལ་བརྒྱུད་སྤེལ་དང་གནས་ཡུལ་རྒྱ་གར་བྱང་ཕྱོགས་ཁུལ་གྱི་བཙན་བྱོལ་བོད་མིའི་སྤྱི་ཚོགས་ནང་ཕོ་མོ་དབྱེ་འབྱེད་ཀྱི་འཚེ་བ་མྱངས་པའི་བོད་རིགས་བུ་མོ་དང་བེུད་རྣམས་ཀྱི་མྱོང་ཚོར་སྐོར་གྱི་བརྙན་ཐུང་བཅས་ཟླ་ ༡༢ ཚེས་ ༡༠ བར་དེ་ལས་སྤྱི་ཚོགས་དྲྭ་རྒྱའི་ཐོག་འདོན་སྤེལ་གནང་རྒྱུ་ཡིན་པ་རེད། དེ་རིང་དབུ་བྱེད་མཛད་སྒོའི་ཐོག་རང་ཉིད་ནི་ཕོ་མོ་དབྱེ་འབྱེད་ཀྱི་འཚེ་བ་མྱངས་མྱོང་མཁན་ཞིག་ཡིན་པ་མ་ཟད་གནད་དོན་དེ་འགོག་ཐབས་ཐོག་རང་འགུལ་ནས་ལས་འགུལ་སྣེ་ཁྲིད་གནང་བའི་ཁྲོད་དུ་རང་གི་མྱོང་ཚོར་དང་འབྲེལ་བའི་ཕྱག་ འོན་ཀྱང་ཁོང་གིས་རང་གི་མྱོང་ཚོར་སྐོར་བརྙན་པར་ཞིག་བཏང་ཡོད་པ་དེ་གཟིགས་འབུལ་གནང་སོང་བའི་ནང་དུ་ཀུན་བཟང་སྒྲོལ་མ་ལགས་ཀྱིས་ཚོར་བ་ཆེན་པོས་རང་ཉིད་ལོ་ ༡༥ ཐོག་བུ་ཞིག་གིས་བཙན་གཡེམས་བཏང་བ་དང་། དེའི་རྗེས་ཀྱི་དཀའ་ངལ་མང་དག་ཅིག་འཕྲད་པའི་མྱོང་ཚོར་སྐོར་གསུངས་པ་དང་འབྲེལ། ཁོང་དང་ཁོང་འདྲ་བའི་བོད་པའི་བེུད་མང་དག་ཞིཅི་ཡོད་པ་རྣམས་ལ་སྤྱི་ཚོགས་ནང་བེུད་ལ་གཙན་གཡེམ་དང་རྩུབ་སྤྱོད་གཏང་མཁན་སྐྱེས་པ་ཡོད་ཀྱང། བེུད་ལ་རྒྱབ་སྐྱོར་དང་བསམ་བཤེས་བྱེད་མཁན་སྐྱེས་པ་ཡང་མང་དག་ཅིག་ཡོད་པ་དང། རང་ལ་གནད་དོན་དེ་རིགས་བྱུང་བ་ཡིན་ན་དེའི་སྐོར་ལ་ངེས་པར་དུ་བཤད་ཐུབ་དགོས་པ་དང་། དེས་རང་གི་དཀའ་ངལ་ཉུང་རུ་འགྲོ་བ་དང་མཉམ་དུ་གཞན་ལ་ཡང་ཕན་ཐོགས་ཡོང་རྒྱུ་ཡིན་པ་གསུངས་འདུག དེ་བཞིན་༸དཔལ་ས་སྐྱ་༸གོང་མ་ཁྲི་ཆེན་རིན་པོ་ཆེ་མཆོག་གིས་དེ་རིང་གི་བརྗོད་གཞི་དང་འབྲེལ་བའི་གསུང་འཕྲིན་བསྩལ་བར་སྤྱིར་ནང་པ་སངས་རྒྱས་པའི་ཆོས་དང་སྒོས་ཐེག་པ་ཆེན་པོའི་ཆོས་ཀྱི་རྩ་བ་དེ་སྙིང་རྗེ་ཡིན་སྟབས། འཚེ་བའི་ལས་རིགས་སྤེལ་བ་ཡིན་ན་ནང་པའི་ཆོས་དང་འགལ་འགྲོ་རྒྱུ་ཡིན་པ་དང་། སེམས་ཅན་ཐམས་ཅད་གཉེན་དུ་བལྟས་ནས་མི་གཞན་དང་རང་གི་བཟའ་ཚང་དང་བེུད་སོགས་ལ་མཐོང་ཆུང་དང་བརྙས་བཅོས་བྱ་རྒྱུ་མེད་པ་མ་ཟད་རང་ནུས་གང་ལྕོགས་ཀྱིས་ཕྱག་རོགས་གནང་དགོས་པ་བཀའ་གནངསྐབས་དེར་སྐུ་མགྲོན་གཙོ་བོ་དྷ་སའི་གྲོང་ཁྱེར་སྤྱི་ཁྱབ་ལྕམ་ Rajni Vyas ལགས་ཀྱིས་བོད་མི་དང་རྒྱ་གར་བའི་སྤྱི་ཚོགས་གཙོས་སྤྱི་ཚོགས་ཚང་མའི་ནང་དུ་བེུད་ལ་བཙན་གཡེམ་དང་རྩུབ་སྤྱོད་ཀྱི་གནད་དོན་རིགས་འབྱུང་བཞིན་ཡོད་པ་དང་། ཁོང་གིས་ད་བར་གྱི་ཉམས་མྱོང་ཁྲོད་དུ་བེུད་ ༢༠༠༠ བརྒལ་བར་གནད་དོན་དེ་རིགས་བྱུང་བ་ལས་ཤེས་རྟོགས་བྱུང་བའི་ནང་དུ་བྱིས་པ་བུ་མོ་ཟླ་བ་ ༡༣ ནས་ལོ་ ༦ དེ་བཞིན་མ་རྒན་ལོ་ ༨༠ ལའང་གནད་དོན་དེ་ལྟར་བྱུང་ཡོད་པ་དང་། བུ་མོ་ཡིན་པའི་རྐྱེན་གྱིས་གནད་དོན་དེ་རིགས་འབྱུང་བཞིན་ཡོད་སྟབས། ཁོང་དང་ཁོང་གི་སྤྱི་ཚོགས་ཀྱི་ངོས་ནས་དེ་འདྲའི་འཚེ་སྤྱོད་འགོག་ཐབས་ཀྱི་ལས་འགུལ་སྣ་མང་ཅིག་སྤེལ་བཞིན་པ་དང་ལས་འགུལ་སྤེལ་སྐབས་སུ་དཀའ་ངལ་ཡང་མང་དག་ཅིག་འཕྲད་བཞིན་ཡོད་ཀྱང་། བོད་མི་དང་རྒྱ་གར་བ་སོགས་སྤྱི་ཚོགས་ཚང་མས་མཉམ་རུབ་ཀྱིས་གདོང་ལེན་གནང་དགོས་གལ་ཡིན་སྐོར་གསུངས་པ་དང་འབྲེལ། ཁོང་གི་ལས་ཁུངས་ཀྱི་ངོས་ནས་བཙན་བྱོལ་བོད་མིའི་སྒྲིག་འཛུགས་ཀྱི་བེུད་ནུས་སྟོབས་གོང་འཕེལ་སྡེ་ཚན་ལ་ཕོ་མོ་དབྱེ་འབྱེད་ཀྱི་འཚེ་བའི་རིགས་ཀྱི་གནས་ཚུལ་ནམ་བྱུང་ལ་ཞུ་ས་ཡོད་པའི་ HelpLine འམ་ཁ་པར་བརྒྱུད་འབྲེལ་བ་གནང་རྒྱུའི་མཐུན་རྐྱེན་སྦྱོར་བཞིན་ཡོད་པ་གསུངས་སོང་། ལས་འགུལ་དེའི་ཁྲོད་བོད་པའི་གཞིས་ཆགས་ཁག་བརྒྱད་ཀྱི་ནང་དུ་དངོས་སུ་གནད་དོན་རྒྱུས་ལོན་ཆེད་སྐོར་བསྐྱོད་གནང་མཁན་ལྟེ་གནས་ཁང་གི་ཉམས་ཞིབ་པ་བསྟན་འཛིན་ཟླ་བ་ལགས་དང་བརྙན་པར་ལེན་མཁན་བསྟན་འཛིན་ཕུལ་བྱུང་ལགས་གཉིས་ནས་བེུད་ཐོག་རྩུབ་སྤྱོད་སོགས་ཀྱི་གནད་དོན་དངོས་སུ་བྱུང་ཡོད་ནའང་དེའི་སྐོར་བཀའ་མོལ་གནང་མཁན་ཧ་ཅང་ཉུང་ཉུང་དང་བཀའ་མོལ་གནང་ཁག་པོ་ཡོད་པ། དེ་བཞིན་སྤྱི་ཚོགས་སྣེ་ཁྲིད་གནང་མཁན་མི་སྣ་ཁག་གཅིག་གིས་གནད་དོན་དེ་རིགས་རྩ་བ་ནས་བྱུང་མེད་སྐོར་བརྗོད་དེ་དེ་ལྟར་ཕྱག་ལས་གནང་དཀའ་སྐོར་སོགས་ཀྱི་མྱོང་ཚོར་གསུངས་སོང་། བོད་པའི་སྤྱི་ཚོགས་ནང་དུ་གནད་དོན་དེ་རིགས་བྱུང་གི་ཡོད་པ་གསལ་པོ་ཆགས་པ་དང་། དེའི་འོག་དཀའ་ངལ་འཕྲད་མཁན་རྣམས་ལ་སྤྱི་ཚོགས་ཁྲོད་གཟིགས་སྟངས་ངན་པའི་ངལ་བ་འཕར་མ་འཕྲད་བཞིན་ཡོད་པ། དེ་བཞིན་བེུད་ཐོག་བཙན་གཡེམ་བྱེད་མཁན་མི་སྣར་སུས་ཀྱང་གང་ཡང་བཤད་མ་ཐུབ་པར་རང་དབང་ངང་འཚོ་བ་རོལ་བཞིན་ཡོད་པ་སོགས་ཀྱི་གནད་དོན་མང་དག་ཅིག་རྒྱུས་ལོན་བྱུང་ཡོད་པ་སོགས་གསུངས་སོང་། དེ་བཞིན་དེ་རིང་གི་ཉིན་མོ་དང་བསྟུན་མཛད་སྒོའི་ཐོག་འགྲོགས་མོ་ཞེས་པའི་བེུད་ཐོབ་ཐང་རྩོད་མཁན་ཚོགས་པའི་ངོས་ནས་འདི་ལོ་རྒྱ་གར་བྱང་ཤར་ཁུལ་གྱི་བོད་པའི་སློབ་གྲྭ་ཁག་གཅིག་གི་ནང་དུ་བྱིས་པའི་ཐོག་རྩུབ་སྤྱོད་དང་བཙན་གཡེམ་གྱི་གནད་དོན་ཇི་འཕྲད་ཀྱི་ཉམས་ཞིབ་གནང་བའི་སྙན་ཐོ་འདོན་སྤེལ་གནང་ཡོད་པ་དེའི་སྐོར་གསུངས་པ་དང་འབྲེལ། སྤྱི་ཚོགས་ནང་དུ་གནད་དོན་དེ་རིགས་འབྱུང་བཞིན་པ་ཕྱིར་ཐོན་ཁག་པོ་ཡོད་པ་སོགས་ཀྱི་གནས་སྟངས་མངོན་གསལ་གནང་ཡོད།

དེ་རིང་རྒྱ་གར་གྱི་དུས་བབ་གསར་ཁང་གིས་གནས་ཚུལ་སྤེལ་བར་ལྟར་ན། ཁ་སང་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་རྒྱལ་ས་ལྡི་ལི་ནས་མཁའ་ལམ་བརྒྱུད་དེ་རྒྱ་གར་ནུབ་ཕྱོགས་ཀྱི་མངའ་སྡེ་ Maharashtra   ཁུལ་གྱི་ Aurangabad  གྲོང་ཁྱེར་དུ་རྟེན་གཞི་བྱས་པའི་ནང་པའི་དགོན་པ་ Lokuttra Mahavihara and Bhikkhu Training Centre ཞེས་པར་ཆིབས་བསྒྱུར་བཀའ་དྲིན་ཐེངས་གཉིས་པ་དེ་བསྐྱངས་ཡོད་པ་དང་། ས་གནས་ཀྱི་འབྲེལ་ཡོད་ཀྱི་གདན་ཞུ་བ་དང་དད་ལྡན་མང་ཚོགས། དེ་བཞིན་སློབ་གྲྭ་ཁག་གི་སློབ་ཕྲུག་སྟོང་ཕྲག་བརྒལ་བས་དགའ་བསུའི་མེ་ཏོག་མཆོད་པའི་ཐོག་༸གོང་ས་མཆོག་ཁུལ་དེར་༸ཞབས་སོར་བདེ་བོར་འཁོད་ཡོད་སྟབས། ཁ་སང་ནས་བཟུང་དགོན་པ་དེར་ཞི་བདེ་དང་མཐུན་ལམ། མཛའ་བརྩེ་སོགས་ཀྱི་དུས་ཚོད་དམིགས་བསལ་བ་ཞིག་ཆགས་ཀྱི་ཡོད་པར་བརྗོད་འདུག ཉིན་གསུམ་རིང་གི་སྤྱིའི་ནང་པའི་ལྷན་ཚོགས་དབུ་འཛུགས་གནང་ཡོད་པ་ལྟར་དེ་རིང་༸གོང་ས་༸སྐྱབས་མགོན་མཆོག་དབུ་བཞུགས་ཐོག་རྒྱ་གར་གྱི་ནང་པའི་དགེ་འདུན་པ་སུམ་བརྒྱ་ལྷག་དང་། རྒྱལ་ཁབ་བཅུ་ལྷག་གི་ཆེད་མཁས་ཀྱི་མི་སྣ་རྣམས་ལྷན་འཛོམས་ཀྱིས་ནང་པའི་བསྟན་པ་རིན་པོ་ཆེ་དེ་འཕེལ་རྒྱས་གཏོང་ཕྱོགས་ཀྱི་ཐད་ནས་བཞུགས་མོལ་ལྷན་ཚོགས་ཤིག་ཚོགས་ཡོད་པ་དང། ཐེངས་འདིའི་ལྷན་ཚོགས་ཐོག་རྒྱ་གར་གྱི་བདེ་སྲུང་དོ་དམ་སྔར་ལྷག་བརྟན་པོ་བྱས་ཡོད་པ་མ་ཟད་ལྷན་ཚོགས་དེར་གདན་ཞུའི་མི་སྣ་མ་གཏོགས་གཞན་སུའང་ཚོགས་བཅར་ཞུ་ཆོག་གི་མེད་པ་རེད། རྒྱ་གར་རྒྱལ་ཡོངས་ནང་པའི་དགེ་འདུན་པའི་དབུ་ཁྲིད་ Sadanand Mahasatvir ལགས་དང་རྒྱལ་སྤྱིའི་ནང་པའི་དགེ་སློང་རྣམས་ལ་སྦྱོང་བརྡར་སྤྲོད་སའི་ལྟེ་གནས་ Chauka ཞེས་པའི་འགན་འཛིན་ Bodhipalo Mahathero ལགས་རྣམ་གཉིས་ཀྱིས་གཟའ་ལྷག་པའི་ཉིན་གསར་འགོད་པ་རྣམས་ལ་འགྲེལ་བརྗོད་གནང་དོན་ལྟར་ན། ཐེངས་འདིའི་རྒྱལ་སྤྱིའི་ནང་པའི་ལྷནཚོགས་དེ་ Aurangabad རུ་འཚོགས་གཏན་འཁེལ་བ་དེ་ནི་ཁུལ་དེར་ལོ་ངོ་ཉིས་སྟོང་ལྔ་བརྒྱ་ལྷག་གི་ལོ་རྒྱུས་རང་བཞིན་ལྡན་པའི་འབྲེལ་བ་དམིགས་བསལ་བ་ཞིག་ཡོད་པ་དང་། དགོན་གྲོང་དེའི་ཉེ་འཁྲིས་སུ་བདག་ཅག་གི་སྟོན་པས་དངོས་སུ་བཀའ་ཆོས་བསྩལ་སའི་གནས་བྱིན་རླབས་ཅན་གཉིས་ཡོད་པ་གསུངས་འདུག  Bodhipalo ལགས་ཀྱིས་གསར་འགོད་པར་སྦྱོང་བརྡར་ལྟེ་གནས་ཁང་དེ་ནས་ད་བར་དགེ་འདུན་པ་བརྒྱ་སྐོར་ཞིག་ལ་སྦྱོང་བརྡར་གནང་ཡོད་པ་དང་། དགེ་འདུན་པ་དེ་དག་གིས་གིས་ཐེངས་འདིའི་ལྷན་ཚོགས་དང་འབྲེལ་བའི་ཕྱོགས་མཐའ་ཁག་གི་དད་ལྡན་པ་ཡོངས་ལ་སྒྲིག་སྤྱོད་ཕྱག་ལེན་ཐད་ནས་འགན་རྐང་བཞེས་གནང་གི་ཡོད་པ་མ་ཟད། ཉིན་གསུམ་རིང་གི་ཚོགས་འདུ་དེར་ཞི་བདེ་བརྟན་བརླིང་སྐྲུན་པར་མཐུན་འགྱུར་གྱི་རོགས་རམ་གནང་གཏན་འཁེལ་ཡོད་པ་ལྟར། ས་གནས་ཀྱི་དད་ལྡན་པ་ཡོངས་ཀྱིས་ཐག་རིང་ནས་ཕེབས་པའི་སྐུ་མགྲོན་རྣམས་ལ་མཐུན་འགྱུར་གནང་གི་ཡོད་པ་རེད་འདུག དེ་བཞིན་ཁོང་གིས་རྒྱལ་སྤྱིའི་ཐོག་དང་རྒྱ་གར་ནང་གི་ནང་པའི་བསྟན་པར་ཞུགས་མཁན་རྣམས་ལ་ཁྱད་པར་ཏོག་ཙམ་ཞིག་ཡོང་གི་ཡོད་ཀྱང་། དེ་ནི་ནང་པའི་ཆོས་གཞུང་དང་འབྲེལ་བ་ཞིག་མ་ཡིན་པར་སྤྱི་ཚོགས་སོ་སོའི་ནང་གི་སྤྱི་ཚོགས་ཀྱི་དཔལ་འབྱོར་གྱི་གྲལ་རིམ་དང་ཤེས་ཡོན་གྱི་འབྱུང་ཁུངས་བཅས་ཀྱི་ཁྱད་པར་ཞིག་ཡིན་པར་བརྗོད་པ་མ་ཟད། ནང་པའི་བསྟན་པ་རིན་པོ་ཆེ་རྒྱ་གར་དུ་ཐོག་མར་དབུ་བརྙེས་ཏེ་རྗེས་སུ་འཛམ་གླིག་གི་ཡུལ་ཕྱོགས་གང་སར་དར་ཁྱབ་བྱུང་བ་ཞིག་ཡིན་ཀྱང་། རྒྱ་གར་གྱི་རྩ་ཁྲིམས་ཀྱི་ཡབ་ཆེན་དུ་འབོད་པའི་མཁས་དབང་ཆེན་པོ་སྐུ་ཞབས་ Dr B.R Ambedkar ལགས་ཀྱི་བཀའ་དྲིན་མ་གཏོགས་ནང་པའི་བསྟན་པ་དེ་རྒྱ་གར་གྱི་ནང་དུ་རྩ་སྟོང་དུ་ཕྱིན་ཡོད་སྐོར་ངོ་སྤྲོད་གནང་འདུག Mahasatvir ལགས་ཀྱིས་ཀྱང་སྔོན་ཆད་རྒྱ་གར་གྱི་ནང་དུ་ནང་པའི་དགོན་པ་ ༨༤༠༠༠ ལྷག་ཡོད་པ་མ་ཟད་དགོན་པ་དེ་དག་ཏུ་དགེ་འདུན་པ་རྣམས་ཀྱིས་ནང་ཆོས་ལ་འཆད་ཉན་ཚགས་ཚུད་གནང་གི་ཡོད་པ་བརྗོད་འདུག གཞི་རྩའི་ཐེངས་འདིའི་རྒྱལ་སྤྱིའི་ནང་པའི་ལྷན་ཚོགས་ཐོག་ཤྲི་ལངྐ་དང་བལ་ཡུལ། ལྷོ་ཀོ་རི། ཐེ་ཝན་སོགས་ཀྱི་རྒྱལ་ཁབ་བཅུའི་དགེ་འདུན་པའི་འཐུས་ཚབ་ཀྱིས་འཛུལ་ཞུགས་གནང་ཡོད་པ་རེད། མཛད་འཆར་ལྟར་ན་སང་ཞོགས་མགོན་པ་༸གང་ཉིད་མཆོག་གིས་ PES ལུས་སྦྱོང་མཐོ་སློབ་ཀྱི་རྩེད་ཐང་དུ་མང་ཚོགས་ལ་ཆོས་འབྲེལ་བསྩལ་རྒྱུ་ཡིན་པ་རེད། ༸སྐུ་པར་རྣམས་༸དཔལ་ལྡན་དགའ་ལྡན་ཕོ་བྲང་ཡིག་ཚང་།

བཙན་བྱོལ་བོད་མིའི་ཁྲིམས་ཞིབ་ཁང་གིས་བྱང་ཨ་རིའི་སྐུ་ཚབ་དོན་གཅོད་ཟུར་པ་ཚོགས་ཟུར་སྤེན་པ་ཚེ་རིང་ལགས་ཀྱིས་སྲིད་སྐྱོང་བློ་བཟང་སེང་དགེ་མཆོག་གི་བརྒྱུད་འཛིན་སྐྱོང་བཀའ་ཤག་གིས་ཁོང་ལ་མ་ཉེས་ཁག་གཡོག་གནང་བའི་ཁ་མཆུ་ཨང་ ༢༠ པའི་བཅད་ཁྲ་ཉམས་ལེན་འཇུག་སྐྱོང་གི་བཀའ་ཁྱབ་བཏང་སྟེ་རྩོད་ལེན་པ་བཀའ་བཀའ་ཤག་ནས་ཕྱི་ཟླ་ ༡༢ ཚེས་ ༢༧ རེས་གཟའ་པ་སངས་ཉིན་གྱི་ཕྱི་དྲོ་ཕྱག་ཚོད་ ༤ པའི་གོང་ཆེས་མཐོའི་ཁྲིམས་ཞིབ་ཁང་གི་བཅད་ཁྲའི་དགོངས་དོན་འཚེམས་ལུས་མེད་པར་ཇི་མ་ཇི་བཞིན་ཉམས་ལེན་ལག་བསྟར་ཟིན་པ་དགོས་རྒྱུ་དང། དེ་ལྟར་མ་གནང་ཚེ་བཀའ་ཤག་སྐབས་ ༡༥ པའི་སྲིད་སྐྱོང་བློ་བཟང་སེང་གེ་དང་བཀའ་བློན་རྣམ་པས་སྔར་བཤགས་ཕྱིས་འདོམས་མ་བྱས་བར་དུ་གདམ་བྱ་འདེམས་བྱེད་ཀྱི་ཐོབ་དབང་བཀག་བསྐྱིལ་བྱ་རྒྱུ་ཡིན་པ་གསུངས་འདུག དེ་ཡང་ཆེས་མཐོའི་ཁྲིམས་ཞིབ་ཁང་ནས་ཁ་མཆུ་ཨང་ ༢༠ ཐོག་ཟླ་བ་སྔོན་མའི་ཚེས་ ༡༤ ཉིན་མཐའ་མའི་བཅད་ཁྲ་ཁྱབ་བསྒྲགས་གནང་བའི་ནང་དུ་བཀའ་ཤག་ནས་ཉིན་གྲངས་སུམ་ཅུ་ནང་ཚུད་སྤེན་པ་ཚེ་རིང་ལགས་ལ་བཟོད་གསོལ་ཞུ་རྒྱུ་ཡིན་ཞེས་བརྗོད་བྱ་འདི་རང་བཀོད་པའི་དགོངས་སེལ་ཞུ་ཡིག་ཅིག་བོད་དབྱིན་སྐད་ཡིག་གཉིས་ཀའི་ནང་བོད་མིའི་སྒྲིག་འཛུགས་ཀྱི་གཞུང་འབྲེལ་གསར་འགྱུར་བརྒྱུད་ལམ་ཐོག་འདོན་སྤེལ་གསལ་བསྒྲགས་གནང་དགོས་པ་དང་། ཞུ་སྦྱོར་བའི་ཁྲིམས་རྩོད་པའི་གླ་ཡོན་སྤྲོད་དམིགས་ཧིན་སྒོར་ ༩༨༠༠༠ གནང་དགོས་པ་བཀོད་ཡོད་ཀྱང་། བོད་མིའི་སྒྲིགས་འཛུགས་བཀའ་ཤག་ནས་ཟླ་ ༡༡ ཚེས་ ༡༤ ཉིན་གཞུང་འབྲེལ་དྲྭ་རྒྱའི་ཐོག་བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་ནས་ཁ་མཆུ་དེབ་འགོད་ཨང་ ༢༠ པའི་བཅད་ཁྲ་གསལ་བསྒྲགས་གནང་བ་དེ་འདོད་བློ་ཁེངས་པ་ཞིག་མ་བྱུང་བ་དང་། མི་མང་གི་ཁྲོད་དུའང་ཐག་གཅོད་དེ་དྲང་བདེན་མ་བྱུང་བའི་བསམ་ཚུལ་དང་བློ་ཕམ་ཡོང་བཞིན་འདུག་ཀྱང་། སྒྲིག་འཛུགས་སྲ་བརྟན་དང་སྤྱི་ཚོགས་ནང་རྡོག་རྩ་གཅིག་སྒྲིལ་དགོས་རྒྱུ་གལ་གནད་ཆེ་བས་ཆེས་མཐོའི་ཁྲིམས་ཞིབ་ཁང་གི་བཅད་ཁྲར་བརྩི་འཇོག་ཞུ་རྒྱུ་ཡིན་ཞེས་འཁོད་པ་མ་གཏོགས་བཅད་ཁྲའི་ནང་གསལ་ལྟར་ཞུ་སྦྱོར་བར་དངོས་སུ་དགོངས་སེལ་ཞུས་མེད་པ་ལྟར་ཞུ་སྦྱོར་བ་སྤེན་པ་ཚེ་རིང་གིས་ཉེས་ཆར་ཚེས་ ༢༠ ཉིན་ཆེས་མཐོའི་ཁྲིམས་ཞིབ་ཁང་ལ་སྤྱི་མང་ཁྲིམས་ཡིག་དོན་ཚན་ ༥༡ དང་ ༨༤ འོག་བཅད་ཁྲ་ཉམས་ལེན་འཇུག་སྐྱོང་ཡོང་བའི་སྙན་ཞུ་ཞིག་ཕུལ་ཡོད་པ་གཞིར་བཟུང། ཁ་སང་ཕྱི་ཚེས་ ༢༢ ཉིན་ཆེས་མཐོའི་ཁྲིམས་ཁང་ནས་ཀྱང་རྩོད་ལེན་པའི་ངོས་ནས་དཔྱད་ཁྲའི་དགོངས་དོན་ཇི་བཞིན་ལག་བསྟར་མེད་པར་ངོས་འཛིན་དང་སྦྲགས་ཏེ་བཅད་ཁྲ་ཉམས་ཉེན་འཇུག་སྐྱོང་གི་བཀའ་ཁྱབ་ཅིག་བཏང་ཡོད་པ་རེད། བཀའ་ཁྱབ་འདིའི་ནང་སྤྱི་མང་གཏུག་བཤེར་འགྲོ་ལུགས་རྩ་འཛིན་ཁྲིམས་ཡིག་དོན་ཚན་ ༥༡ ནང་གསེས་ཁ་པའི་དོན་ཚན་ ༡ པོ་ནང་བཅད་ཁྲའི་དགོངས་དོན་ཉམས་ལེན་དུས་ཐོག་ལག་བསྟར་མི་བྱེད་མཁན་བྱུང་ན། དེར་ཁྲིམས་ཞིབ་ཁང་ནས་བཀའ་ཁྱབ་དང་འབྲེལ་ལག་བསྟར་བྱེད་དུ་འཇུག་རྒྱུའི་ལས་འགན་ལེན་དགོས་ཞེས་གསལ་བ་ལྟར། རྩོད་ལེན་པའི་ངོས་ནས་ཟླ་བ་རྗེས་མའི་ཚེས་ ༢༧ རེས་གཟའ་པ་སངས་ཉིན་གྱི་ཕྱི་དྲོ་ཆུ་ཚོད་ ༤ གོང་ཆེས་མཐོའི་ཁྲིམས་ཞིབ་ཁང་གི་བཅད་ཁྲའི་དགོངས་དོན་འཚེམས་ལུས་མེད་པར་ཇི་མ་ཇི་བཞིན་ཉམས་ལེན་ལག་བསྟར་ཟིན་དགོས་རྒྱུ་དང། ཅི་སྟེ་ཉམས་ལེན་ལག་བསྟར་ཇི་མ་ཇི་བཞིན་མ་ཞུས་ཚེ་སྤྱི་མང་གཏུག་བཤེར་འགྲོ་ལུགས་རྩ་འཛིན་ཁྲིམས་ཡིག་དོན་ཚན་ ༥༡ པའི་ནང་སེས་ཁ་པའི་དོན་ཚན་ ༢ པའི་ནང་། གྱོད་ཡ་སུ་རུང་ནས་ཁྲིམས་ཁང་གི་བཅད་ཁྲ་དང། བཀའ་ཁྲ། བཀའ་ཁྱབ། བཀའ་ཤོག བཀོད་འདོམས་བཅས་ལ་བརྩི་མེད་བྱས་ཚེ། གནས་ཡུལ་གཞུང་གི་ཁྲིམས་ཐོག་ནས་འབྲེལ་བ་མེད་པའི་དོ་བདག་གང་དེར་བཙན་བྱོལ་བོད་མིའི་བཅའ་ཁྲིམས་དོན་ཚན་ ༢༢ དང། ༦༣། ༩༧། ༡༠༡། དེ་བཞིན ༡༠༧ ནང་གསལ་དང། བཙན་བྱོལ་བོད་མིའི་འོས་བསྡུའི་སྒྲིག་གཞི་དོན་ཚན་ ༤ ནང་གསལ་བཅས་ཀྱི་འབྲུ་དོན་བཞིན་བཀའ་ཤག་སྐབས་ ༡༥ པའི་སྲིད་སྐྱོང་བློ་བཟང་སེང་གེ་དང་བཀའ་བློན་རྣམ་པས་སྔར་བཤགས་ཕྱིས་འདོམས་མ་བྱས་བར་དུ་གདམ་བྱ་འདེམས་བྱེད་ཀྱི་ཐོབ་དབང་བཀག་བསྐྱིལ་བྱ་རྒྱུ་ཡིན་པའི་བཀའ་ཁྱབ་བཏང་འདུག གཞི་རྩའི་ཆེས་མཐོའི་ཁྲིམས་ཞིབ་ཁང་གིས་ཟླ་ ༡༠ ཚེས་ ༡༤ ཉིན་ཁ་མཆུ་ཨང་ ༢༠ པའི་ཐོག་མཐའ་མའི་བཅད་ཁྲ་ཁྱབ་བསྒྲགས་གནང་བའི་རྗེས་སུ་རྩོད་ལེན་པའི་ཁྲིམས་རྩོད་པ་སྤྱི་འཐུས་བློ་བཟང་གྲགས་པ་ལགས་ཀྱིས་གསར་འགོད་པར་བཀའ་མོལ་གནང་བའི་ནང་དུ་ཆེས་མཐོའི་ཁྲིམས་ཞིབ་ཁང་གི་དཔྱད་ཁྲར་འདོད་བློ་ཁེངས་མེད་པ་དང། དེའང་མི་གཅིག་གི་རྐང་ལག་བཅད་བཏུབ་ཀྱིས་འགུལ་སྐྱོད་གཏང་རྒྱུ་མེད་པའི་ཁ་མཆུ་ཞིག་གཏུག་བཅུག་པའི་གནས་སྟངས་ཡིན་པར་ངོས་འཛིན་གནང་སྐོར་སོགས་བརྗོད་ཡོད་པ་རེད། གནད་དོན་དེ་དང་འབྲེལ་ཏེ་ཁ་སང་ཆེས་མཐོའི་ཁྲིམས་ཞིབ་ཁང་གིས་ཉན་ཞིབ་ཀྱི་གསལ་བསྒྲགས་ཤིག་སྤེལ་བའི་ནང་དུ་རྩོད་ལེན་པའི་ཁྲིམས་རྩོད་པ་བློ་བཟང་གྲངས་པས་ཕྱི་ཟླ་ ༡༠ ཚེས་ ༡༤ ཉིན་ཁ་མཆུ་ཨང་ ༢༠ པའི་བཅད་ཁྲ་ཁྱབ་བསྒྲགས་གནང་བའི་ཐད་གསར་འགོད་པར་གཏམ་བཤད་བྱས་པ་དེ་རིགས་སྤྱི་མང་ཁྲིམས་ཡིག་དོན་ཚན་ ༨༥ ནང་གསེས་ ཁ་པ་ ནང་གསལ་ཆེས་མཐོའི་ཁྲིམས་ཞིབ་ཁང་གི་ལ་ཁྱད་གསོད་བྱས་པའི་བཅོས་གསོའི་ཆད་པ་འགེལ་མ་དགོས་པའི་རྒྱུ་མཚན་བརྗོད་རྒྱུའི་ཉན་ཞིབ་ཆེད་རིང་མིན་ཕྱི་ཟླ་ ༡༢ ཚེས་ ༦ ཉིན་གྱི་ཕྱི་དྲོ་ཆུ་ཚོད་ ༢༌༣༠ སྟེང་ཉན་ཞིབ་བྱ་རྒྱུ་ཡིན་པའི་གསལ་བསྒྲགས་སྤེལ་འདུག

དབྱིན་ཡུལ་གྱི་གསར་ཁང་ཆེ་གྲས་ Daily Mirror ཞེས་པས་ཁུལ་དེར་རྟེན་གཞི་བྱས་པའི་ Woodland Trust ཞེས་ནགས་ཚལ་སྲུང་སྐྱོབ་དང་ཤིང་སྣ་འདེབས་ལས་ཐོག་གོ་རྟོག་སྤེལ་མཁན་གྱི་ཐེབས་རྩ་ཁང་དང་ཟུང་འབྲེལ་གྱིས་དབྱིན་ཡུལ་གཙོས་རྒྱལ་སྤྱིའི་ས་གནས་གང་སར་ཤིང་སྣ་འདེབས་འཛུགས་དང་འབྲེལ་བའི་ Million Trees campaign ཞེས་ཤིང་སྣ་ས་ཡ་ལྷག་འདེབས་འཛུགས་ཞེས་པའི་ལས་འགུལ་ཞིག་དབུ་འཛུགས་གནང་ཡོད་པ་རེད།  ལས་འགུལ་དེ་དབུ་འཛུགས་གནང་སྟེ་ཉིན་ཤས་སོང་མཚམས་སུ་རྒྱལ་སྤྱིའི་གློག་བརྙན་འཁྲབ་སྟོན་པ་དང་། གཞས་པ་གྲགས་ཅན། དེ་བཞིན་ས་གནས་ཀྱི་གནད་ཡོད་མི་སྣ། མང་ཚོགས་མི་ཉུང་བ་ཞིག་ནས་རྒྱབ་སྐྱོར་གྱིས་སོ་སོའི་སྡོད་ཁང་ཉེ་འཁོར་གཙོ་གྱུར་ས་གནས་ཁག་ཏུ་ཤིང་སྣ་འདེབས་འཛུགས་གནང་བཞིན་ཡོད་པ་མ་ཟད། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཤིང་སྣ་འདེབས་འཛུགས་ཀྱི་བྱ་བ་དེ་ནི་གནམ་གཤིས་འགྱུར་ལྡོག་དང་འབྲེལ་བའི་དཀའ་ངལ་སེལ་བའི་ཐབས་སུ་ང་ཚོ་མི་རྣམས་ནས་གནང་ཐུབ་པའི་བྱ་བ་ཅིག་ཡིན་པར་བཀའ་བསྩལ་དང་སྦྲགས་ཏེ་ད་རེས་ Daily Mirror གསར་ཁང་ནས་ཤིང་སྣ་འདེབས་འཛུགས་ཀྱི་ལས་འགུལ་སྤེལ་བ་དེ་ནི་གཞན་ལ་སེམས་འགུལ་ཐེབས་གཞིའི་ལས་འགུལ་ཞིག་ཀྱང་རེད་ཅེས་བསྔགས་བརྗོད་མཛད་འདུག དེ་བཞིན་༸གོང་ས་མཆོག་གིས་དེང་ཀྱི་འཛམ་བུ་གླིང་འདིའི་ཐོག་ལ་མི་འབོར་འཕེལ་རྒྱས་དང་གནམ་གཤིས་འགྱུར་ལྡོག་དང་འབྲེལ་བའི་དཀའ་ངལ་གཉིས་ནི་ཆེས་ཛ་དྲག་རང་བཞིན་ཅན་ཞིག་ཆགས་ཡོད་སྟབས། དཀའ་ངལ་དེར་ང་ཚོས་མཉམ་རུབ་ཀྱིས་གདོང་ལན་གནང་དགོས་པ་དང་། མགོན་པོ་༸གང་ཉིད་མཆོག་ནས་རྣམ་ཀུན་ཤིང་སྣ་འདེབས་འཛུགས་གནང་སྐབས་སུ་ཤིང་སྣ་དེ་དག་རིམ་པས་འཚར་ལོངས་བྱུང་བ་དང་ལྷན་དུ་འཛམ་བུ་གླིང་འདིའི་བདེ་སྐྱིད་དང་ཞི་བདེ་འཕེལ་བའི་ཐུགས་སྨོན་མཛད་བཞིན་ཡོད་པ་བཀའ་བསྩལ་འདུག ཤིང་སྣ་ས་ཡ་འདེབས་འཛུགས་ཀྱི་ལས་འགུལ་ནང་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་ལྷན་ཚོགས་ཀྱི་ཚོགས་གཙོ་ཨ་རིའི་གློག་བརྙན་འཁྲབ་སྟོན་པ་གྲགས་ཅན་སྐུ་ཞབས་ Richard Gere ལགས་ནས་མཉམ་ཞུགས་གནང་བ་དང་འབྲེལ། བོད་མཐོ་སྒང་དེ་ནི་ཨེ་ཤ་ཡའི་རྒྱལ་ཁབ་མང་པོའི་ཆུའི་འབྱུང་ཁུངས་ཡིན་པ་མ་ཟད་འཛམ་གླིང་ཐོག་གྱི་འཁྱགས་རོམ་གྱི་སྣེ་མོ་གསུམ་པར་གྲགས་ཡོད་པ་དང་། ད་ཆ་བོད་མཐོ་སྒང་གི་གནམ་གཤིས་ལ་འགྱུར་ལྡོག་ཕྱིན་ཏེ་འཁྱགས་རོམ་ཁག་ལྡབ་གསུམ་ཙམ་མགྱོགས་པ་བཞུར་བཞིན་པ་སོགས་འགྲེལ་བརྗོད་དང་སྦྲགས། བོད་ཀྱི་གནམ་གཤིས་གནས་སྟངས་ལ་འགྱུར་བ་ཕྱིན་པ་དེས་བོད་ཙམ་མ་ཟད་ཨེ་ཤ་ཡ་དང་ཡོ་རོབ་སོགས་འཛམ་གླིང་སྤྱིའི་གནམ་གཤིས་ལའང་དོ་ཕོག་ཐེབས་ངེས་ཤིག་ཡིན་པ་གསུངས་འདུག ཁོང་ནས་ཐེངས་འདིའི་ཤིང་སྣ་འདེབས་འཛུགས་ཀྱི་ལས་འགུལ་དེ་ནི་དུས་ཚོད་ཀྱི་ཆ་ནས་དགོས་ངེས་ཅན་ཞིག་ཡིན་པར་འགྲེལ་བརྗོད་དང་འབྲེལ་ཏེ་མང་ཚོགས་ནས་སོ་སོའི་ས་གནས་ནང་ཤིང་སྣ་འདེབས་འཛུགས་གནང་སྐྱོང་ཡོང་བའི་སྐུལ་མ་གནང་འདུག གཞི་རྩའི་དབྱིན་ཡུལ་གྱི་ Daily Mirror ཞེས་པའི་གསར་ཁང་ནས་ཤིང་སྣ་ས་ཡ་འདེབས་འཛུགས་ཀྱི་ལས་འགུལ་དང་འབྲེལ་གསར་ཁང་དེའི་གསར་ཤོག་མངགས་ཉོ་གནང་མཁན་གཙོས་མང་ཚོགས་ཚོར་ཤིང་སྣའི་རིགས་འདྲ་མིན་འགྲེམས་སྤེལ་གནང་བ་མ་ཟད། ཚགས་ཤོག་ཐོག་ཤིང་སྣ་འདེབས་འཛུགས་གནང་དགོས་གལ་སྐོར་གོ་རྟོགས་སོགས་སྤེལ་མུས་ཡིན་པ་རེད།

ཉེ་ཆར་ཁམས་སེར་ཤུལ་རྫོང་རྫ་དབོན་པོར་རྒྱ་གཞུང་གིས་གྲྭ་པ་ལྔ་འཛིན་བཟུང་བྱས་པའི་ཁྲོད་དུ་ཁ་སང་མི་སྐྱ་གཉིས་ཀྱིས་བོད་རང་བཙན་གྱི་ཡིག་ཆ་གཏོར་ནས་ངོ་རྒོལ་སྐད་འབོད་གནང་རྐྱེན་ཉེན་རྟོག་པས་འཛིན་བཟུང་བྱས་འདུག བོད་མི་ཞིག་གིས་འདི་གར་གནས་ཚུལ་ངོ་སྤྲོད་གནང་བར་ཁ་སང་ཉིན་རྒྱབ་བོད་ནང་གི་ཚོུད་ ༢༌༣༠ ཙམ་ལ་ཁམས་སེར་ཤུལ་རྫོང་རྫ་དབོན་པོ་སྡེ་པའི་ཡུལ་མི་ཡོན་ཏན་ཟེར་བ་ཞིག་དང་ལྷ་རྒྱལ་ལམ་ཆོས་རྒྱལ་ཟེར་བའི་མི་སྐྱ་གཞོན་སྐྱེས་གཉིས་ཀྱིས་དབོན་པོ་ཡུལ་ཚོའི་ཉེན་རྟོག་ལས་ཁུངས་ཀྱི་མདུན་དུ་སྣག་ཚ་ནག་པོ་དང་དམར་པོའི་བྲིས་པའི་བོད་རང་བཙན་གྱི་ཡིག་ཆ་གཏོར་འགྲེམས་གནང་ནས་བོད་རང་བཙན་ཡིན་ཞེས་པའི་སྐད་འབོད་གནང་བར་བརྟེན་འཛིན་བཟུང་བྱས་འདུག ཁོང་གཉིས་ཀྱི་ངོ་རྒོལ་ལས་འགུལ་དེ་མ་སྤེལ་བའི་སྔོན་དུ་བརྙན་ཐུང་གཉིས་བཟོས་ཡོད་པ་དང་བརྙན་ཐུང་དེ་གཉིས་ཀྱི་ནང་དུ་༸གོང་ས་མཆོག་གི་༸སྐུ་པར་དང་སྣག་ཚ་ནག་པོ་དང་དམར་པོས་བོད་རང་བཙན་ཞེས་པའི་ཡིག་ཤོག་མང་པོ་མཇལ་རྒྱུ་ཡོད་པ་མ་ཟད་དེ་བཞིན་ཁོང་གཉིས་ཀྱི་པར་བཅས་སྒྲིགས་ནས་བཀྲམས་ཡོད་པ་དང་། ཁོང་གཉིས་ཀྱི་སྐད་འཕྲིན་གྱི་རྒྱབ་ངོས་སུ་བོད་མི་རིགས་ཀྱི་བདེ་སྡུག་དང་འབྲེལ་བའི་ཐོག་ནས་རང་གི་ཁ་ཕྱོགས་ཞེས་པ་དང་སྐད་ཆ་ཞེས་པའི་མཚན་བྱང་ཅན་གྱི་རྩོམ་ཐུང་གཉིས་སྤེལ་འདུག ཡོན་ཏན་གྱི་སྐད་འཕྲིན་རྒྱབ་ངོས་སུ་རང་གི་ཁ་ཕྱོགས་ཞེས་པའི་ཁ་བྱང་འོག་ང་ཚོའི་མི་རིགས་ཀྱི་བདེ་སྡུག་ཆེད་དུ་སྲོག་ཤོར་བའི་དཔའ་བོ་རྣམས་དང་ང་ཚོའི་མི་རིགས་ཀྱི་ཆེད་དུ་རང་བཙན་གྱིས་རྩོད་ལེན་བྱས་པས་ཕོ་རྒོད་རྣམ་པ། ཁྱེད་རྣམས་གསོད་གཅོད་དང་སྡུག་བསྔལ་གྱི་ཁྲོད་དུ་སོང་ཡོད་པ་ང་ཡི་ཐོས། ད་ལྟ་ང་ཚོ་དབོན་པོ་ནས་རང་བཙན་རྩོད་ལེན་བྱས་པས་སྤུན་གྲོགས་རྣམ་པ་ཁྱེད་ཚོ་མི་ནག་བཙོན་བྲལ་དུ་བཙན་གྱིས་ཁྲིད་སོང་བ་ང་ལ་སྐྱོ་སྡུག་ཧ་ཅང་ཆེ། མི་འགྱང་བར་ཐོན་སྤུན་ཟླ་ཞེས་བཀོད་འདུག་པ་དང་། དེ་བཞིན་ལྷ་རྒྱལ་ལགས་ཀྱི་སྐད་འཕྲིན་རྒྱབ་ངོས་སུ་སྐད་ཆ་ཞེས་པའི་མཚན་བྱང་འོག་སྡེབ་སྦྱོར་རྩོམ་ལ་མཁས་པའི་ཡོན་ཏན་ང་ལ་མེད། ལག་མཁས་བྲིས་ལ་མཁས་པའི་ཡིག་རྩལ་ང་ལ་མེད། འབྱོན་རྒྱ་ཤེས་རྒྱ་ཆེ་བའི་རིག་གནས་ང་ལ་མེད། མི་རིགས་ལ་རྒྱ་སོ་སོའི་ཕྲག་ཏུ་ཡོད། ནམ་ཡང་མི་དོར་ཞེས་བཀོད་ཡོད་པ་རེད། གནས་ཚུལ་ངོ་སྤྲོད་པས་མུ་མཐུད་བརྗོད་དོན་ད་ཆ་ཁོང་གཉིས་རྫ་སྨད་ཡུལ་ཚོའི་ཉེན་རྟོག་ལས་ཁུངས་ལ་བཀག་སྡོམ་བྱས་ཡོད་པ་དང་། ལྷག་དོན་རྒྱ་གཞུང་གིས་རྫ་སྨད་ནང་ཁ་སང་ཕྱི་དྲོ་ནས་དམ་དྲག་ཤུགས་ཆེ་བྱས་ཏེ་ལྐོག་ཉན་འཕྲུལ་ཆས་སོགས་བེད་སྤྱོད་བྱེད་བཞིན་པར་བརྟེན་ས་གནས་མི་མང་ཕན་ཚུན་དབར་ཁ་པར་གཏང་རྒྱུ་དང་སྐད་ཆ་བཤད་རྒྱུར་དོགས་ཟོན་བྱེད་བཞིན་པས་གནས་ཚུལ་རྒྱུས་ལོན་གནང་རྒྱུར་དཀའ་ངལ་འཕྲད་བཞིན་ཡོད་པར་འགྲེལ་བརྗོད་གནང་སོང་། རྩ་བའི་ད་ལན་ཁོང་གཉིས་ཀྱི་ངོ་རྒོལ་འདི་ནི་ཟླ་ ༡༡ འདིའི་ནང་དུ་རྫ་དབོན་པོ་སྡེ་བར་བོད་མིས་རྒྱ་གཞུང་ལ་ངོ་རྒོལ་གནང་བ་ཐེངས་གཉིས་པ་དེ་ཡིན་པ་དང་། ངོ་རྒོལ་དང་པོ་དེ་ཟླ་ ༡༡ ཚེས་ ༧ ཉིན་གནང་ཡོད་པ་རེད། དོན་རྐྱེན་དེའི་འོག་རྫ་དབོན་པོ་དགའ་ལྡན་བཤད་སྒྲུབ་གླིང་གི་དགེ་འདུན་པ་ལྔ་འཛིན་བཟུང་བྱས་པའི་ཁྲོད་དུ་དགེ་འདུན་པ་གཅིག་ཕྱི་ཚེས་ ༡༨ ཉིན་གློད་བཀྲོལ་བཏང་ཡོད་ཀྱང་ཉིན་དེར་གྲྭ་པ་གཞན་ཞིག་ཀྱང་དྲྭ་ཐོག་ཏུ་གོང་ཞུས་གྲྭ་བ་འཛིན་བཟུང་བྱས་པ་ཚོར་རྒྱབ་སྐྱོར་གྱི་ཡི་གེ་བྲིས་རྐྱེན་འཛིན་བཟུང་བྱས་ཡོད་པ་རེད།

ཨ་རིའི་གྲོས་ཚོགས་ཀྱི་ Tom Lantos འགྲོ་བ་མིའི་ཐོབ་ཐང་ཚོགས་ཆུང་གི་ཚོགས་གཙོ་སྐུ་ཞབས་ James P. Mcgovern ལགས་དང་ Christopher H. Smith ལགས་གཉིས་ནས་ཨ་རིའི་རྒྱལ་ས་ཝ་ཤིན་ཊོན་དུ་རྟེན་གཞི་བྱས་པའི་བལ་ཡུལ་གཞུང་ཚབ་ཁང་གི་གཞུང་ཚབ་ཆེན་མོ་ H.E.Dr. Arjun Kumar Karki ལགས་ཀྱི་མཚན་ཐོག་ཏུ་ཡི་གེ་ཞིག་ཕུལ་ནས་བལ་ཡལ་ནང་གི་བོད་མིའི་འགྲོ་བ་མིའི་ཐོབ་ཐང་ཁག་སྲུང་སྐྱོབ་བྱེད་དགོས་པའི་ཞུ་སྐུལ་གནང་འདུག བོད་མིའི་སྒྲིག་འཛུགས་ཀྱི་དྲྭ་གནས་ཚུལ་སྤེལ་བར་ཟླ་ ༡༡ ཚེས་ ༨ ཉིན་ཨ་རིའི་གྲོས་ཚོགས་ཀྱི་ཚོགས་གཙོ་གཉིས་པོའི་བལ་ཡུལ་གཞུང་ཚབ་པར་ཕྱག་བྲིས་ཕུལ་བ་དེའི་སྐོར་འདྲ་པར་དང་བཅས་གྲོས་ཚོགས་འཐུས་མི་སྐུ་ཞབས་ James Mcgovern ལགས་དང་ Christopher Smith ལགས་གཉིས་ཀྱི་ཕྱག་བྲིས་དེར་ཨ་རིའི་གྲོས་ཚོགས་འཐུས་མི་སྐུ་ཞབས་ Eliot L. Engel མཆོག་དང་། ཨ་རིའི་གྲོས་ཚོགས་འཐུས་མི་ Vern Buchanan མཆོག ཨ་རིའི་གྲོས་ཚོགས་འཐུས་མི་ Michael T. McCaul མཆོག ཨ་རིའི་གྲོས་ཚོགས་འཐུས་མི་ལྕམ་སྐུ་ Pramila Jayapal མཆོག ཨ་རིའི་གྲོས་ཚོགས་འཐུས་མི་སྐུ་ཞབས་ Steve Chabot མཆོག ཨ་རིའི་གྲོས་ཚོགས་འཐུས་མི་སྐུ་ཞབས་ David Price མཆོག་བཅས་ནས་མཚན་རྟགས་བཀོད་དེ་རྒྱབ་སྐྱོར་གནང་ཡོད་པ་རེད་འདུག ཕྱག་བྲིས་དེའི་དོན་གཙོ་བོ་ནི་བལ་ཡུལ་གཞུང་གིས་བལ་ཡུལ་ནང་གནས་སྡོད་བོད་མི་ཚོའི་འགྲོ་བ་མིའི་ཐོབ་ཐང་ལ་སྲུང་སྐྱོབ་བྱེད་དགོས་པ་མ་ཟད་འདི་ལོ་ཕྱི་ཟླ་ ༩ ནང་བོད་ནས་བོད་མི་དྲུག་བལ་ཡུལ་བརྒྱུད་བཙན་བྱོལ་དུ་ཕེབས་སྐབས་སུ་བལ་ཡུལ་གཞུང་གིས་རྒྱ་ནག་ལ་ཕྱིར་སློག་བཏང་བའི་གནད་དོན་ལུང་འདྲེན་དང་སྦྲགས། གནད་དོན་དེ་ནི་བལ་ཡུལ་གཞུང་གི་དེ་སྔ་རྒྱལ་ཚོགས་ཀྱི་སྐྱབས་བཅོལ་སྡེ་ཚན་དང་ལྷན་དུ་སྐྱབས་བཅོལ་བ་ཕྱིར་སློག་བྱ་རྒྱུ་མིན་པའི་ཁས་ལེན་བྱས་པ་དེ་དང་ཡོངས་སུ་འགལ་ཡོད་སྐོར་དང་འབྲེལ། དེ་སྔ་ ༢༠༠༣ ལོར་བལ་ཡུལ་གཞུང་གིས་བོད་ནས་ཕེབས་མཁན་བོད་མི་ ༡༨ ཕྱིར་སློག་པ་དང་འབྲེལ། ཨ་རིའི་གྲོས་ཚོགས་ནས་བལ་ཡུལ་དང་ལྷན་དུ་ཚོང་འབྲེལ་གྱི་གྲོས་ཆོད་ཕྱིར་འཐེན་བྱེད་པ་བཞིན། ཨ་རིའི་གྲོས་ཚོགས་ཀྱི་ངོས་ནས་གནད་དོན་འདི་རིག་གལ་ཆེན་པོ་དང་དོ་སྣང་ཆེན་པོ་གནང་བཞིན་ཡོད་པ་གསུངས་འདུག དེ་བཞིན་འདི་ལོ་རྒྱ་ནག་གི་སྲིད་འཛིན་ཞི་ཅིན་ཕིང་བལ་ཡུལ་ནང་ཡོང་སྐབས་དང་བསྟུན་བལ་ཡུལ་གཞུང་གིས་བལ་ཡུལ་ནང་གི་བོད་མིའི་ཐོག་དམ་བསྒྲགས་དང་། བལ་ཡུལ་ནང་བཅའ་བསྡོད་བྱེས་མཁན་བོད་མི་ ༣༠ སྐོར་ཞིག་དྷ་རྨ་སཱ་ལཱར་ཕྱིན་རྗེས་ཞི་ཅིན་ཕིང་མ་ཕྱིན་བར་དུ་ཕྱིར་ལོག་གནང་མ་བཅུག་པར་བཀག་སྡོམ་བྱས་པའི་གནད་དོན་སོགས་ ལ་བློ་འཚབ་ཆེན་པོ་བྱུང་ཡོད་པ་དང། ལྷག་པར་དུ་བལ་ཡུལ་དང་རྒྱ་ནག་དབར་ཉེས་འཛུགས་མི་སྣ་ཕྱིར་སྤྲོད་བྱ་རྒྱུའི་ཆིངས་ཡིག་མི་འཇོག་པའི་སྐོར། དེ་བཞིན་བལ་ཡུལ་ནང་གི་བོད་མི་ཚོའི་འདུ་འཛོམས་རང་དབང་དང་སྨྲ་བརྗོད་རང་དབང་སོགས་ཀྱི་ཐད་ལ་བལ་ཡུལ་གཞུང་གིས་དམ་བསྒྲགས་བྱས་དང་བྱེད་བཞིན་པར་ཐུགས་འཚབ་ཡོད་སྐོར། སྤྱིར་བལ་ཡུལ་གཞུང་གིས་བལ་ཡུལ་ས་ཐོག་ཏུ་རྒྱ་ནག་ལ་སྐྱོན་བརྗོད་ཀྱི་བྱ་སྤྱོད་རིགས་སྤེལ་བཅུག་གི་མེད་པ་དེ་ལ་ཁ་གཡར་ཏེ་བལ་ཡུལ་ནང་གི་བོད་མི་རྣམས་ལསྐྱབས་གཅོལ་ལག་ཁྱེར་མ་སྤྲད་པ་སོགས་གཞི་རྩའི་ཐོབ་ཐང་གཞན་ཁག་མ་སྤྲད་པ་བཞག་ཐབས་མེད་པ་སོགས་གསུངས་པ་དང་འབྲེལ། ཨ་རིའི་གྲོས་ཚོགས་འཐུས་མི་རྣམ་པས་བལ་ཡལ་གཞུང་ལ་བལ་ཡུལ་གཞུང་གིས་བལ་ཡུལ་གྱི་རྒྱལ་སྤྱིའི་སྐྱབས་བཅོལ་བའི་ཁྲིམས་ལ་རྩི་སྲུང་གནང་སྟེ་བལ་ཡུལ་ནང་གི་བོད་མི་ཚོ་རྒྱ་ནག་ལ་ཕྱིར་སློག་མི་བྱ་རྒྱའི་འབོད་སྐུལ་ཞུས་འདུག གྲོས་ཚོགས་འཐུས་མི་དག་ནས་བལ་ཡུལ་གཞུང་ལ་བལ་པོའི་ས་མཚམས་ནས་བོད་མི་ཕྱིར་སློག་གནང་མཚམས་བཞག་དགོས་པ་དང་། བལ་ཡུལ་ནང་ཡོད་པའི་བོད་མི་རྣམས་ཁྲིམས་མཐུན་གྱི་ཐོ་འགོད་བྱེད་དགོས་པ། གནང་ཕྱོགས་དེ་དག་བརྒྱུད་དེ་བལ་ཡུལ་གཞུང་གི་བཟང་ཕྱོགས་ཀྱི་འོས་འགན་དང་རྒྱལ་སྤྱིའི་སྤྱི་ཚོགས་ལ་ཁས་བླངས་པ་ལྟར་བོད་མིའི་འགྲོ་བ་མིའི་ཐོབ་ཐང་ཁག་སྲུང་སྐྱོབ་གནང་ཐུབ་རྒྱུ་ཡིན་པ་གསུངས་འདུག   DOWNLOAD (size: 594KB)

སུ་ཛ་ལན་ཌི་ཁུལ་དུ་གནས་སྡོད་བྱེད་མཁན་བུ་སྤུན་གཉིས་ནས་བོད་མིའི་སྒྲིག་འཛུགས་བརྒྱུད་ནས་བོད་ཕྲུག་ཚོའི་ཤེས་ཡོན་ལ་དམིགས་ཏེ་ཧིན་སྒོར་བྱེ་བ་གཅིག་དང་འབུམ་བཞི་ལྷག་སློབ་ཡོན་དུ་གནང་འདུག བོད་མིའི་སྒྲིག་འཛུགས་ཀྱི་དྲྭ་གནས་ཐོག་གནས་ཚུལ་སྤེལ་བར་ Switzerland ཁུལ་དུ་གནས་སྡོད་བྱེད་མཁན་གཅེན་གཅུང་ཚ་བ་པད་མ་དང་བསོད་ནམས་གཉིས་ནས་བོད་ཕྲུག་ཚོའི་ཤེས་ཡོན་གྱི་སློབ་ཡོན་ལ་དམིགས་ནས་སུད་སྒོར་ ༡༤༧༠༠༠ དང་ཧིན་སྒོར་དུ་དབབ་ཚེ་བྱེ་བ་གཅིག་དང་འབུམ་བཞི་ལྷག་ཞལ་འདེབས་གནང་ཡོད་པ་དང་། སློབ་ཡོན་དེའི་མིང་ལ་ལས་ལུང་སློབ་ཡོན་ཞེས་མཚན་འདོགས་རྒྱུ་དང་སློབ་ཡོན་དེའང་བོད་ནས་ཕེབས་པའི་སློབ་ཕྲུག་ཚོའི་ཤེས་ཡོན་ལ་ཆེད་དམིགས་ཀྱིས་གནང་བ་ཞིག་ཡིན་པ་བཀོད་འདུག རྩ་བའི་ལས་ལུང་སློབ་གྲྭའི་རོགས་ཚོགས་ཞེས་པ་ནི་ཚ་བ་པད་མ་དང་བསོད་ནམས་གཅེན་གཅུང་གཉིས་ཕྱི་ལོ་ ༡༩༩༣ ལོར་བོད་ལ་ཕེབས་ནས་ཁུལ་དེར་ཡོད་པའི་བོད་ཕྲུག་ཚོར་སློབ་སྦྱོང་གི་གོ་སྐབས་ཤིག་དགོས་གལ་ཆེན་པོར་གཟིགས་ནས་ཕྱི་ལོ་ ༡༩༩༤ ལོར་ཚོགས་པ་དེ་སུད་སི་ཁུལ་ཆེད་འཛུགས་གནང་བ་ཞིག་དང་། ཚོགས་པའི་ངོས་ནས་ཕྱི་ལོ་ ༡༩༩༤ ནས་བོད་ཕྲུག་ཚོའི་ཤེས་ཡོན་སློབ་སྦྱོང་གི་མཐུན་འགྱུར་རོགས་རམ་གནང་ནས་ད་བར་སློབ་མ་བརྒྱ་ཕྲག་ཁ་ཤས་ལ་སློབ་ཡོན་གནང་ཟིན་པ་ཞིག་ཆགས་ཀྱི་འདུག སློབ་མ་དེ་དག་གི་ཁོངས་སུ་འདས་པའི་ལོ་ངོ་ ༢༥ ནང་སློབ་མ་ ༡༤༧ ཙམ་མཐོ་རིམ་སློབ་གཉེར་ཁང་ཁག་ཏུ་འགྲིམས་ཐུབ་པ་བྱུང་ཡོད་པ་རེད་ཅེས་ཤེས་རིག་ལས་ཁུངས་ཀྱི་སློབ་ཡོན་དང་སློབ་འཇུག་ཚན་པའི་དགེ་འཛིན་བསོད་ནམས་བཟང་མོ་ལགས་ཀྱིས་འགྲེལ་བརྗོད་གནང་སོང་། བསོད་ནམས་བཟང་མོ་ལགས་ཀྱིས་ད་དུང་བོད་ཕྲུག་ཚོའི་ཤེས་ཡོན་སློབ་གསོ་ལ་དམིགས་ནས་བོད་རིགས་ཤིག་གིས་སློབ་ཡོན་གནང་བ་ལ་ཚ་བའི་གཅེན་གཅུང་གཉིས་ལ་ཡི་རང་བསྔགས་བརྗོད་དང་ཐུགས་རྗེ་ཆེ་ཞེས་གསུངས་པ་དང་སྦྲགས། རང་རེའི་སྤྱི་ཚོགས་ཀྱི་ངོས་ནས་འདི་ལྟ་བུའི་རླབས་ཆེན་གྱི་ཕྱག་ལས་ལ་མི་དཔེ་བླངས་ཏེ་བོད་ཕྲུག་ཚོའི་ཤེས་ཡོན་སླད་དུ་རང་ནུས་གང་ལྕོགས་ཀྱིས་རོགས་རམ་ཞུ་དགོས་པའི་སྐུལ་མ་གནང་ཡོད།