Uncategorized

རྒྱ་ནག་གི་རྒྱལ་ས་པེ་ཅིང་དུ་དམར་ཤོག་ཚོགས་པའི་ཚོགས་ཆེན་ཐེངས་ ༢༠ པ་དེ་འཚོགས་བཞིན་པ་དང་བསྟུན། བོད་ཀྱི་ས་ཁུལ་མང་ཆེ་བའི་ནང་སྐྱ་སེར་དང་། ན་གཞོན་དབྱེ་བ་མེད་པར་ཚོགས་ཆེན་དེ་བཞིན་བཙན་གྱིས་ལྟ་རུ་བཅུག་གི་ཡོད་པ་དང་། དེ་ནི་རྒྱ་དམར་གཞུང་གིས་འཛམ་གླིང་ཕྱི་ལ་བོད་མི་རྣམས་ཀྱིས་ཏང་གི་ཚོགས་ཆེན་ ༢༠ པ་དེར་རེ་བ་དང་དགའ་ཚོར་ཆེན་པོ་བྱེད་ཀྱི་ཡོད་པའི་འཁྱོག་བརྗོད་ཀྱིས་དྲིལ་བསྒྲགས་ཀྱི་རྣམ་པར་བདེ་སྤྱོད་གཏོང་གི་ཡོད་སྐོར་གསུངས་སོང་། དེ་ཡང་བརྒྱུད་ལམ་ཁག་ཏུ་བོད་ནས་ཕྱིར་གྱར་བྱུང་བའི་བརྙན་པར་ཁག་ཅིག་སྤེལ་བར་གཞིགས་ན། རྒྱ་ནག་གི་རྒྱལ་ས་པེ་ཅིང་དུ་འཚོགས་བཞིན་པའི་དམར་ཤོག་ཚོགས་ཆེན་ཐེངས་ ༢༠ པ་དེ་བོད་ནང་དགེ་འདུན་པ་རྣམས་ལ་བཙན་གྱིས་ལྟ་རུ་བཅུག་གི་ཡོད་པ་མ་ཟད། ལྷག་པར་དུ་རྒྱ་ནག་གི་དབྱེ་བའི་བོད་རང་སྐྱོང་ལྗོངས་ནང་དུ་རྟེན་གཞི་བྱས་པའི་རྒྱ་ནག་གི་སྟངས་འཛིན་འོག་ཡོད་པའི་དཀར་མཛེས་ནང་པའི་ལྷན་ཚོགས་ཀྱི་དགེ་འདུན་པ་རྣམས་དམར་ཤོག་ཀྱི་སྲོལ་གཏོད་པ་པོ་ Marx ནས་རྒྱུད་དེ་ཞི་ཅིན་ཕིང་གི་བར་དུ་པར་རིས་དེ་དག་ལ་མགོ་སྒུར་དུ་བཅུག་ཅིང་། བརྙན་འཕྲིན་ནང་ཞི་ཅིན་ཕིང་གི་གཟུགས་བརྙན་ནམ་ཤར་ཚེ་རྒྱ་ནག་གི་རྒྱལ་དར་བཙན་གྱི་འཕྱར་དུ་བཅུག་ཀྱི་ཡོད་པ་མངོན་རྒྱུ་འདུག རྒྱ་ནག་གི་ Youth.cn གི་དྲ་ཐོག་སྤེལ་བའི་གནས་ཚུལ་ལ་གཞིགས་ན། ཆབ་མདོ་ཁུལ་གྱི་ན་གཞོན་ལས་བྱེད་དང་། དང་བླངས་པ། ལྷ་ས་ཁུལ་དུ་ཡོད་པའི་བོད་ཀྱི་གཙུག་ལག་སློབ་ཁང་གི་སློབ་ཕྲུག་སོགས་བོད་ཀྱི་ས་ཁུལ་མང་པོའི་ནང་བོད་ཀྱི་ན་གཞོན་དང་བྱིས་པ་རྣམས་ནས་ཏང་གི་ཚོགས་ཆེན་ཐེངས་ ༢༠ པའི་དབུ་འབྱེད་མཛད་སྒོ་དེ་ཉིད་བརྙན་འཕྲིན་དང་གློག་ཀླད། དེ་བཞིན་ཁ་པར་བརྒྱུད་བལྟས་ཏེ། རང་ཉིད་དགའ་སྣང་ཆེན་པོའི་བྱུང་བའི་ཚོར་བ་དང་ཚོགས་ཆེན་དེའི་བརྒྱུད་ནས་སྲིད་འཛིན་ཞི་ཅིན་ཕིང་དང་། རྒྱ་ནག་དམར་པོའི་གཞུང་ལ་ལ་རེ་བ་ཆེན་པོ་བྱེད་ཀྱི་ཡོད་ཚུལ་འཁོད་འདུག འདི་ག་རླུ་འཕྲིན་ཁང་ནས་གནད་དོན་དེའི་ཐོག་བཞུགས་སྒར་ཁུལ་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱལ་ལྟེ་གནས་ཁང་གི་བོད་གནས་ཉམས་ཞིབ་པ་ཉི་འོད་ལགས་སུ་དེ་འབྲེལ་བཅར་འདྲི་ཞུས་སྐབས་ཁོང་གིས། རྒྱ་ནག་གཞུང་ནས་དེ་ལྟར་བྱེད་དགོས་དོན་ནི། འཛམ་གླིང་ཕྱི་ལ་བོད་མི་རྣམས་ཀྱིས་ཏང་གི་ཚོགས་ཆེན་ཐེངས་ ༢༠ པ་དེ་ལ་དགའ་སྣང་དང་རེ་བ་ཆེན་པོ་བྱེད་ཀྱི་ཡོད་པའི་འཁྱོག་བརྗོད་ཀྱིས་དྲིལ་བསྒྲགས་ཆེད་ཡིན་པ་དང་འབྲེལ་ནས། དེའི་བརྒྱུད་ནས་རྒྱལ་སྤྱིའི་སྤྱི་ཚོགས་དང་། བོད་རིགས་རྣམས་ནས་དེར་འཁྲུལ་ནོར་གྱི་མགོ་སྐོར་ཐེབས་རྒྱུ་མེད་པ་གསུངས་བྱུང་། དེ་བཞིན་ཁོང་གིས་གལ་ཏེ་ཚོགས་ཆེན་དེའི་བརྒྱུད་ནས་ཞི་ཅིན་ཕིང་སླར་ཡང་དུས་ཡུན་ཐེངས་གསུམ་པར་འཁོད་ཚེ། བོད་ནང་སྔར་ལྷག་དམ་དྲག་དང་འགྲོ་བ་མིའི་ཐོབ་ཐང་གི་གནད་དོན་ཐད་སེམས་འཚབ་ཡོད་པ་གསུངས་བྱུང་། གཞན་ཡང་གནད་དོན་དེ་དང་འབྲེལ་ནས་ཁ་སྔོན་བོད་མིའི་སྒྲིག་འཛུགས་ཀྱི་མགྲིན་ཚབ་པ་བསྟན་འཛིན་ལེགས་བཤད་ལགས་ཀྱིས། རྒྱ་ནག་གཞུང་གི་དེ་ལྟར་བྱེད་དགོས་ནི་ཚོགས་ཆེན་འཚོགས་པའི་རིང་བོད་མི་རྣམས་ཀྱི་ངོ་རྒོལ་བྱ་མི་ཡོང་སྙམ་པའི་ཞེད་སྣང་གི་རྐྱེན་པས་ཡིན་པ་དང་། རྒྱ་ནག་གཞུང་ནས་བོད་འདི་ཧ་ཅང་ཚོར་བ་རྣོ་བའི་གནད་དོན་ཞིག་ལ་ངོས་འཛིན་བྱེད་ཀྱི་ཡོད་པ་དང་འབྲེལ། བོད་ཀྱི་གནད་དོན་ཐག་མ་གཅོད་བར་དུ་དཀའ་ངལ་དེ་དག་སེལ་ཐུབ་ཀྱི་མེད་སྐོར་གསུངས་འདུག  

རྒྱ་གར་ལྷོ་ཕྱོགས་སྦེལ་ཀོབ་ནང་རྟེན་གཞི་བྱས་པའི་སེར་བྱེས་མཁས་སྙན་གྲྭ་ཚང་གིས་ཇི་ལྟར་གསོལ་འདེབས་ཞུས་པ་བཞིན་རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེའི་སྤྱི་ཁྱབ་བློན་ཆེན་པདྨ་མཁའ་འགྲོ་མཆོག་ཁ་སང་སེར་བྱེས་གྲྭ་ཚང་དུ་ཕེབས་འབྱོར་གནང་བ་དང་འབྲེལ། དེ་རིང་ཕྱི་ཚེས་ ༢༡ ཉིན་སེར་བྱེས་མཁས་སྙན་གྲྭ་ཚང་གི་འབྲིང་རིམ་སློབ་གྲྭ་དེ་ཉིད་རྒྱ་གར་རྒྱལ་ཡོངས་དབུས་ཤེས་ཡོན་ལྷན་ཚོགས་ཀྱི་ངོས་འཛིན་ཐོབ་སྟེ་ལོ་ངོ་ ༢༥ འཁོར་བའི་དུས་ཚིགས་དང་ཉེ་བའི་གཙུག་ལག་རབ་འབྱམས་པའི་དབུ་འབྱེད་ཀྱི་མཛད་སྒོར་དབུ་བཞུགས་གནང་ཡོད།སློབ་གྲྭའི་ཚོགས་ཁང་ནང་སྔ་དྲོའི་ཕྱག་ཚོད་ ༨༌༣༠ ཐོག་སྐུ་མགྲོན་གཙོ་བོ་ཨ་རུ་ནཱ་ཅལ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་པདྨ་མཁའ་འགྲོ་མཆོག་དང་རྒྱ་གར་རྒྱལ་ཡོངས་གྲངས་ཉུང་མི་རིགས་ལྷན་ཚོགས་ཀྱི་ཚོགས་མི་ལྕམ་རིན་ཆེན་ལྷ་མོ་ལགས། མེ་སོར་གྲོང་ཁྱེར་གྱི་རྒྱལ་པོ་ HE Yaduveer Krishna data Chamaraj Wadiyar མཆོག མེ་སོར་གཙུག་ལག་སློབ་གཉེར་ཁང་གི་འགན་འཛིན་གཞོན་པ་འབུམ་རམས་པ་ G Hemantha Kumar  མཆོག་བཅས་དབུས་གདན་སའི་གནད་ཡོད་འགོ་འཛིན་རྣམ་པ་དང་སློབ་གྲྭའི་སློབ་སྤྱི་དང་ལས་བྱེད། དེ་བཞིན་སེར་བྱེས་འབྲིང་རིམ་སློབ་གྲྭའི་སློབ་སྤྱི་དང་དགེ་སློབ་ལས་ཟུར་བཅས་ལྷན་འཛོམས་གནང་འདུགསྐུ་མགྲོན་གཙོ་བོ་ཨ་རུ་ནཱ་ཅལ་མངའ་སྡེའི་སྤྱི་ཁྱབ་བློན་ཆེན་པདྨ་མཁའ་འགྲོ་མཆོག་གིས་སེར་བྱེས་འབྲིང་རིམ་སློབ་གྲྭས་མོན་པའི་དགེ་འདུན་པ་མང་དག་ཅིག་ལ་ནང་པའི་གཞུང་ཆེན་ཁག་གིས་གཙོས་པའི་བསླབ་པ་སློབ་གཉེར་ཐད་ལ་ཐུགས་ཁུར་ཆེ་བཞེས་གནང་དང་གནང་བཞིན་པར་བསྔགས་བརྗོད་གནང་འདུགསྐུ་ཞབས་པདྨ་མཁའ་འགྲོ་མཆོག་ཁ་སང་ཉིན་རྒྱབ་སྦེལ་ཀོབ་སེར་བྱེས་གྲྭ་ཚང་ལ་ཕེབས་འབྱོར་གནང་ སྐབས་སུ་གདན་སའི་སྐྱབས་གནས་མཁན་རིན་པོ་ཆེ་མཆོག་དང་ཕྱག་མཛོད་རྣམ་པ། དེ་བཞིན་གདན་སའི་དགེ་འདུན་པ་རྣམས་ཀྱིས་ཕྱག་ཏུ་དཀར་གཙང་མཇལ་དར་དང་དྲི་བཟང་བདུག་སྤོས། ཞུགས་ཏོག་སོགས་ཐོགས་ནས་ཕེབས་བསུ་གཟབ་རྒྱས་དང་ཞལ་མཇལ་ཞུས་ཡོད།ཁོང་གིས་དེ་རྗེས་གདན་སར་གནས་གཟིགས་དང་། གྲྭ་ཚང་གི་ཆོས་རར་གཟིགས་སྐོར། ལྷག་པར་སེ་ར་བྱེས་སྨད་གཉིས་ཀྱི་གྲྭ་ཚང་ནང་སློབ་གཉེར་གནང་བཞིན་པའི་མོན་པའི་དགེ་འདུན་པ་རྣམས་ལ་ཟུར་དུ་མཇལ་མོལ་གནང་སྟེ་མོན་པའི་དགེ་འདུན་པ་ཚོས་བོད་བརྒྱུད་ནང་བསྟན་གྱི་གནའ་བོའི་རིག་གཞུང་ལ་དོ་སྣང་འཕར་མ་གནང་སྟེ་སླད་མར་མོན་ཡུལ་ལ་དམ་པའི་ཆོས་ཀྱི་བྱ་བ་མང་ཙམ་སྤེལ་ཐུབ་རྒྱུར་འབད་རྩོལ་གནང་དགོས་ཞེས་གསུངས་ཡོད།དེ་རིང་ཉིན་རྒྱབ་ཕྱག་ཚོད་གཉིས་པའི་ཐོག་གདན་སའི་བཀྲ་ཤིས་ཆོས་གླིང་སློབ་གཉེར་ཁང་དུ་དགེ་འདུན་པ་རྣམས་ཀྱིས་དཔལ་ནཱ་ལེནྡཱ་ནས་བརྒྱུད་པའི་གཞུང་ཆེན་དག་ལ་སློབ་གཉེར་གནང་བཞིན་པ་ལྟར་རྒྱལ་སྤྱིའི་སྡིངས་ཆའི་ཐོག་མཁས་པ་གཞན་དང་ལྷན་དུ་དཔུང་པ་མཉམ་གཤིབ་དང་། གནའ་བོའི་བོད་བརྒྱུད་ནང་བསྟན་གྱི་སྒོ་ནས་དེང་རབས་ཤེས་ཡོན་གྱི་ལྟེ་གནས་ཁག་ཏུ་སློབ་ཁྲིད་ཡོང་ཐབས་སུ་ཉེ་ལམ་མེ་སོར་གཙུག་ལག་སློབ་གཉེར་ཁང་དང་ཟུང་འབྲེལ་ཐོག་ཉེ་བའི་གཙུག་ལག་རབ་འབྱམས་པའི་ཕྱག་འཁྱེར་ཐོབ་རྒྱུའི་དེབ་སྐྱེལ་གནང་ཐུབ་པ་བྱུང་བ་ལྟར་དབུ་འབྱེད་མཛད་སྒོར་དབུ་བཞུགས་གནང་འདུགགཞི་རྩའི་གདན་སའི་ཁྱབ་ཁོངས་སེར་བྱེས་སློབ་གྲྭ་དེ་ཕྱི་ལོ་ ༡༩༧༣ ཟླ་ ༣ ཚེས་ ༡ ཉིན་གསར་འཛུགས་གནང་བ་དང་། ཕྱི་ལོ་ ༡༩༩༧ ལོར་རྒྱ་གར་དབུས་གཞུང་གི་ཤེས་ཡོན་ལྷན་ཚོགས་ཀྱི་ངོས་འཛིན་ཐོབ་སྟེ་ད་ཆ་ལོ་ངོ་ ༢༥ འཁོར་གྱི་ཡོད་པ་རེད།

ཁ་སང་ཕྱི་ཚེས་ ༡༩ ཉིན་རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེ་ནང་རྟེན་གཞི་བྱས་པའི་བསྟན་འཛིན་སྒང་ཉིན་སློབ་དབུ་བརྙེས་ནས་ལོ་ངོ་ ༥༠ འཁོར་བའི་དུས་སྟོན་ཐོག་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འཚམས་འདྲིའི་བཀའ་ཡིག་སྩལ་བའི་ནང་དགེ་རྒན་ཚོས་འགྲོ་བ་མིའི་བཟང་སྤྱོད་ཀྱི་བསླབ་གཞིར་ཤུགས་སྣོན་རྒྱག་དགོས་པ་ལམ་སྟོན་སྩལ་འདུགངཤུགས མཛད་སྒོའི་སྐུ་མགྲོན་གྱི་གཙོ་བོ་ཨ་རུ་ནཱ་ཅལ་མངའ་སྡེའི་སྤྱི་ཁྱབ་བློན་ཆེན་པདྨ་མཁའ་འགྲོ་མཆོག་དང་ཤར་པ་ཆོས་རྗེ་༸རྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག པདྨ་ཤྲི་གུ་རུ་རིན་པོ་ཆེ་མཆོག ཨ་རུ་ནཱ་ཅལ་རིག་གཞུང་ཚོགས་ཆུང་གི་ཚོགས་གཙོ་འཇམ་དཔལ་དབང་འདུས་ལགས། གཞུང་འབྲེལ་དང་གཞུང་འབྲེལ་མིན་པའི་སྐུ་ཚབ་རྣམ་པ། སློབ་གྲྭའི་དགེ་ལས་སློབ་ཟུར། མི་མང་བཅས་ལྷན་འཛོམས་ཀྱིས་མཛད་སྒོ་གཟབ་རྒྱས་ཚོགས་འདུགདུས་སྟོན་ཐོག་༸གོང་ས་༸སྐྱབས་མགོན་ཆེན་པོ་མཆོག་གིས་སྩལ་བའི་བཀའ་ཡིག་ནང་སློབ་གྲྭ་འདི་ཉིད་རྟེན་གཞི་བྱས་པའི་ས་ཁུལ་ནི་ལོ་རྒྱུས་ཀྱི་ཐོག་ནས་བོད་དང་འབྲེལ་བ་ཡོད་པ་ཞིག་ཆགས་ཡོད་པ་དང་། སློབ་གྲྭ་དེ་ཁུལ་དེར་ཐོག་མ་བཙན་བྱོལ་ནང་གི་བོད་ཕྲུག་རྣམས་ཀྱི་སློབ་སྦྱོང་ལ་དམིགས་ནས་བཙུགས་ཡོད་ཀྱང་། ད་ལྟའི་ཆར་དེས་ཨ་རུ་ནཱ་ཅལ་གཙོས་པའི་ཧི་མཱ་ལ་ཡའི་རི་རྒྱུད་ཀྱི་ས་ཁུལ་ཁག་གི་སློབ་ཕྲུག་རྣམས་ལའང་སློབ་སྦྱོང་གྱི་མཐུན་རྐྱེན་སྦྱོར་སྤྲོད་གནང་གི་ཡོད་པར་ཐུགས་དགྱེས་ཚོར་ཆེན་པོ་བྱུང་ཞེས་བཀའ་སྩལ་བ་དང་ཆབས་ཅིག་སློབ་གྲྭའི་དགེ་རྒན་རྣམས་ནས་སློབ་སྦྱོང་ཟེར་བ་དེ་སྤྱི་ཚོགས་ལ་བཟང་ཕྱོགས་ཀྱི་ཕན་ནུས་འདྲེན་ཐུབ་པའི་ནུས་པ་ཞིག་ཡོད་པ་ངེས་པར་དུ་ཤེས་དགོས་གལ་ཡིན་པ་དང་། ལྷག་པར་དུ་མགོན་པ་༸གང་ཉིད་མཆོག་གིས་དགེ་རྒན་རྣམས་ཀྱིས་སློབ་སྦྱོང་སྤྲོད་སྐབས་འགྲོ་བ་མིའི་ཡ་རབས་བཟང་སྤྱོད་ཀྱི་རིན་ཐང་གི་བསླབ་གཞིར་ཤུགས་སྣོན་རྒྱག་དགོས་པ་དང་། དེ་ནི་མ་འོངས་པར་སློབ་ཕྲུག་དང་སྤྱི་ཚོགས་ལ་ཕུགས་རྒྱང་རིང་པོར་ཕན་ཐོགས་ཆེན་པོ་འབྱུང་ངེས་ཡིན་པ་ལམ་སྟོན་སྩལ་འདུགདེ་བཞིན་༸གོང་ས་༸སྐྱབས་མགོན་ཆེན་པོ་མཆོག་གིས་སློབ་ཕྲུག་རྣམས་ཀྱིས་སློབ་སྦྱོང་ཐོག་ནས་རང་ཉིད་ཀྱི་རྣམ་དཔྱོད་དེ་བཟང་ཕྱོགས་ལ་བེད་སྤྱོད་ཐུབ་དགོས་གལ་བཀའ་སྩལ་བ་དང་། དེའི་ནང་སྙིང་རྗེ་དང་སེམས་བཟང་པོ་བྱ་རྒྱུའི་ཐབས་ལམ་ཡོད་པ། དེ་ལྟ་བུའི་སློབ་སྦྱོང་དེས་མ་འོངས་པར་མི་རིགས་ལ་དབྱེ་འབྱེད་མེད་པར་སྤྱི་ཚོགས་ལ་དོན་སྙིང་ལྡན་པའི་ཕན་ནུས་འདྲེན་མཁན་ཞིག་བཟོ་ཡི་ཡོད་པ་བཀའ་སྩལ་འདུགམགོན་པོ་༸གང་ཉིད་མཆོག་གིས་རྒྱ་གར་དབུས་གཞུང་ལ་དེ་ལྟ་བུའི་སློབ་གྲྭར་རྒྱབ་སྐྱོར་དང་ལྷག་པར་དུ་ཨ་རུ་ནཱ་ཅལ་མངའ་སྡེ་གཞུང་མང་གཉིས་ཀྱིས་བཙན་བྱོལ་བོད་མི་རྣམས་ལ་མུ་མཐུད་ནས་མཐུན་འགྱུར་རོགས་རམ་གནང་བ་ནི་བཀའ་དྲིན་ཆེན་པོ་ཡིན་ཞེས་བཀའ་སྩལ་མཛད་འདུགམཛད་སྒོའི་སྐུ་མགྲོན་གཙོ་བོ་སྤྱི་ཁྱབ་བློན་ཆེན་པདྨ་མཁའ་འགྲོ་མཆོག་གིས་འཚམས་འདྲི་དང་སྦྲགས་ཏེ་སློབ་གྲྭའི་འཛིན་སྐྱོང་གི་ངོས་ནས་སྤུས་ཚད་ལྡན་པའི་སློབ་སྦྱོང་གི་མཐུན་འགྱུར་གནང་གི་ཡོད་པ་དང་། ལྷག་པར་དུ་རྒྱལ་ཁབ་ཡར་རྒྱས་ཆེད་ཞབས་འདེགས་ཞུ་མཁན་གྱི་སློབ་ཕྲུག་ཚད་ལྡན་གསོ་སྐྱོང་གནང་གི་ཡོད་པར་ཡི་རངས་བསྔགས་བརྗོད་གནང་འདུག དེ་བཞིན་ཁོང་གིས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྩལ་བའི་གསུང་འཕྲིན་གི་ནང་དོན་ལུང་འདྲེན་ཞུས་ཏེ་སློབ་ཕྲུག་རྣམས་ལ་སྤྱིར་བཏང་ཤེས་ཡོན་དང་ལྷན་དུ་འགྲོ་བ་མིའི་རིན་ཐང་དང་འབྲེལ་བའི་སློབ་སྦྱོང་སྤྲོད་དགོས་གལ་ཡིན་པ་དང་ཆབས་ཅིག་ཨ་རུ་ནཱ་ཅལ་མངའ་སྡེའི་མི་མང་རྣམས་ཀྱིས་བོད་མི་ལ་བརྟེན་ནས་རང་ཉིད་སྐད་ཡིག་དང་རིག་གཞུང་། ལེགས་བྱང་སོགས་མི་ཉམས་རྒྱུན་འཛིན་ཇི་ལྟར་གནང་དགོས་མིན་སོགས་ལེགས་ཆ་མང་པོ་བླངས་ཡོད་སྐོར་གསུངས་འདུག

ཉན་པ།: Listen ཕབ་ལེན། Download རྡོ་རྗེ་བཀྲ་ཤིས་ལགས་ཀྱི་ནང་མིས་ཁོང་གློད་བཀྲོལ་སླད་ཡོངས་གྲགས་ཐོག་ནས་ལས་འགུལ་སྤེལ་འདུག བོད་མི་སེར་སྐྱ་དྲུག་ལ་ལོ་བཞི་ནས་བཅུ་བཞི་བར་གྱི་བཙོན་འཇུག་ཁྲིམས་ཐག་བཅད་པ། ༸གོང་ས་མཆོག་གིས་རང་དོན་སྒྲུབ་རྒྱུའི་ཐབས་ལམ་ལེགས་ཤོས་དེ་གཞན་གཅེས་འཛིན་ཡིན་པ་བཀའ་སྩལ། ཧོང་ཀོང་གི་ལས་འགུལ་བར་ཉེས་རྡུང་བཏང་མཁན་རྒྱ་ནག་གཞུང་ཚབ་ལས་ཁང་གི་ལས་མི་རྣམས་ཕྱིར་ཕུད་གཏང་དགོས།   Wednesday 19/10/2022 Family of famous imprisoned Tibetan businessman campaign for justice Chinese Govt. sentences six Tibetans to four to fourteen years of imprisonment Helping others is 'wise-selfish', : The Dalai Lama emphasizes practice of Altruism UK summons Chinese diplomat amid call for expulsion over Manchester consulate violence

དེ་རིང་སྔ་དྲོ་ཚོུད་ ༩༌༣༠ ཐོག་བོད་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་འོག་བཞུགས་སྒར་ཉེ་འདབས་སུ་རྟེན་གཞི་བྱས་པའི་ས་རྭ་བོད་ཀྱི་མཐོ་རིམ་སློབ་གཉེར་ཁང་དུ་རྒྱ་གར་ན་གཞོན་ཉམས་ཞིབ་པའི་ཚོགས་འདུ་ཐེངས་བཞི་པ་དབུ་འཛུགས་གནང་ཡོད།ཚོགས་འདུའི་དབུ་འབྱེད་མཛད་སྒོར་སྐུ་མགྲོན་གཙོ་བོ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་གཞོན་པ་གཙོ་གྱུར་ཉམས་ཞིབ་པ་རྣམ་པ། རྒྱ་གར་གྱི་གཞོན་སྐྱེས་ཉམས་ཞིབ་པ་བཅས་ལྷན་ཞུགས་གནང་ཡོད་པ་མ་ཟད། འབྲས་ལྗོངས་གཙུག་ལག་སློབ་གཉེར་ཁང་གི་ཉེ་བའི་རིགས་བདག་ཟུར་པ་སྐུ་ཞབས་ Tanka Bahadur Subba ལགས། དེ་བཞིན་ཆེད་དོན་མི་སྣའི་བགྲོ་གླེང་གཏམ་བཤད་པ་ ༥ བཅས་ཆེད་འབོད་གནང་འདུགཐེངས་འདིའི་ཉམས་ཞིབ་ཚོགས་འདུའི་ཐོག་རྒྱ་གར་གྱི་ས་གནས་འདྲ་མིན་ནང་ཡོད་པའི་གཙུག་ལག་སློབ་གཉེར་ཁང་ཁག་ཏུ་བོད་དང་རྒྱ་གར། རྒྱ་ནག་བཅས་ཀྱི་གནད་དོན་ཐོག་ཉམས་ཞིབ་གནང་བཞིན་པའི་རྒྱ་གར་གྱི་ན་གཞོན་ཉམས་ཞིབ་པ་ ༣༠ ཆེད་ཕེབས་གནང་ཡོད།བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་གཞོན་པ་ཀུན་དགའ་རྒྱལ་མཚན་ལགས་ཀྱིས་ལྷན་ཚོགས་བརྒྱུད་རྐང་རྒྱ་གར་གྱི་གཞོན་སྐྱེས་ཁྲོད་དུ་བོད་ཀྱི་གནད་དོན་ངོ་མ་གང་ཡིན་ངོ་སྤྲོད་གནང་ཞུ་རྒྱུ་དང་། བོད་པ་དང་རྒྱ་གར་བ་ཉམས་ཞིབ་པའི་དབར་དགོངས་ཚུལ་བརྗེ་ལེན་ཐུབ་རྒྱུ། ལྷག་དོན་བོད་པའི་ངོས་ནས་རྒྱ་གར་གྱི་ན་གཞོན་ཉམས་ཞིབ་པ་བརྒྱུད་ནས་རྒྱལ་སྤྱིའི་ཐོག་བོད་ནང་གི་དངོས་ཡོད་གནས་སྟངས་ཁྱབ་སྤེལ་རྒྱ་གང་ཆེ་གནང་རྒྱུ་བཅས་ལ་དམིགས་བཞིན་ཡོད་པ་གསུངས་སོང་།སྐུ་མགྲོན་གཙོ་བོ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་བོད་མིར་ངཀའ་ངལ་དུ་མ་འཕྲད་པའི་སྐབས་སུ་རྒྱ་གར་གཞུང་གིས་རོགས་སྐྱོང་གང་ཐུབ་གནང་བར་བརྟེན་ནས་བོད་མིའི་ཆོས་རིག་དང་སྐད་ཡིག་བཅས་པ་བདག་ཉར་ཐུབ་ཡོད་པར་རྒྱ་གར་གཞུང་མང་གཉིས་དང་སྒོས་རྒྱ་གར་གྱི་གཞོན་སྐྱེས་ཉམས་ཞིབ་པ་རྣམས་ནས་བོད་དང་འབྲེལ་བའི་གནད་དོན་ཐོག་ཉམས་ཞིབ་གནང་བར་ཐུགས་རྗེ་ཆེ་ཞེས་དང་། ད་ལྟའི་རྒྱ་ནག་གི་སྲིད་འཛིན་ཞི་ཅིན་ཕིང་གི་དབང་འཛིན་འོག་བོད་ནང་གི་གནས་སྟངས་ཆེས་ཇེ་སྡུག་ཏུ་འགྲོ་བཞིན་ཡོད་པར་འགྲེལ་བརྗོད་གནང་སྟེ། ད་ལྟའི་ན་གཞོན་ཉམས་ཞིབ་པ་རྣམས་མ་འོངས་འཛམ་གླིང་གི་དབུ་ཁྲིད་ཆགས་རྒྱུ་ཡིན་སྟབས་ཁྱེད་རྣམས་ཀྱིས་རྒྱ་ནག་གིས་དུས་རྟག་ཏུ་འཁྱོག་བཤད་དྲིལ་བསྒྲགས་བྱེད་བཞིན་པར་བདེན་དཔང་ར་སྤྲོད་གནང་སྟེ་ལོ་རྒྱུས་ཐོག་བོད་དེ་རྒྱ་ནག་གི་ཆ་ཤས་ནམ་ཡང་མིན་པ་མ་ཟད། བོད་དེ་རྒྱ་ནག་གིས་བཙན་འཛུལ་བྱས་པའི་རྒྱལ་ཁབ་ཞིག་ཡིན་པར་རྒྱལ་སྤྱིའི་ཁྲོད་མངོན་གསལ་གནང་དགོས་པའི་གཞེན་སྐུལ་གནང་སོང་།གསར་འགོད་པས་ཐེངས་འདིའི་ཚོགས་འདུ་ཐོག་ཆེད་ཕེབས་གནང་བའི་འབྲས་ལྗོངས་གཙུག་ལག་སློབ་གཉེར་ཁང་གི་ཉེ་བའི་རིགས་བདག་ཟུར་པ་མཁས་དབང་སྐུ་ཞབས་ Tanka Bahadur Subba ལགས་སུ་ཚོགས་འདུའི་གལ་གནད་དང་འབྲེལ་བཅར་འདྲི་ཞུས་པར་ཁོང་གིས་འདི་ལྟ་བུའི་ལྷན་ཚོགས་བརྒྱུད་བོད་ཀྱི་གནད་དོན་དེ་གསོན་པོ་གནས་རྒྱུར་ཕན་ཐོགས་ཡོད་པ་མ་ཚད་པར་མ་འོངས་རྒྱ་གར་གྱི་ན་གཞོན་ཉམས་ཞིབ་པའི་ཁྲོད་ལ་བོད་དོན་གོ་རྟོགས་རྒྱ་ཆེ་སྤེལ་རྒྱུར་ཤུགས་རྐྱེན་ཆེན་པོ་ཐེབས་ངེས་རེད་ཅེས་གསུངས་ཡོད།རྒྱ་གར་ན་གཞོན་ཉམས་ཞིབ་པའི་ཚོགས་འདུ་དེ་དེ་རིང་ཕྱི་ལོ་ ༢༠༢༢ ཟླ་ ༡༠ ཚེས་ ༡༧ ནས་ ༡༩ བར་ཉིན་གསུམ་རིང་ཚོགས་ཀྱི་ཡོད་པ་ལྟར། ཉམས་ཞིབ་པ་རྣམས་ནས་བོད་དང་ཧི་མཱ་ལ་ཡ་ཞེས་པའི་བརྗོད་གཞིའི་འོག་རྒྱ་གར་གྱི་བདེ་འཇགས་ནང་གི་བོད་ཀྱི་གལ་གནད། ཨིན་ཇི་དང་རྒྱ་གར་གྱི་བོད་ཐོག་འཛིན་པའི་སྲིད་བྱུས། དེ་བཞིན་རྒྱ་གར་གྱི་ས་འགུལ་གྱི་ཆབ་སྲིད་ནང་བོད་ཀྱི་ཆུ་བོ་ཁག་གི་གལ་གནད། བོད་དང་ཁུ་ནུའི་འབྲེལ་ལམ། བོད་ནང་གཞིས་ཆགས་པའི་རྒྱ་ནག་གི་དམག་དཔུང་དང་དེས་རྒྱ་གར་གྱི་བདེ་འཇགས་ལ་ཤུགས་རྐྱེན། གོ་ལའི་གནམ་གཤིས་འགྱུར་ལྡོག་ལ་བོད་མཐོ་སྒང་གི་གལ་གནད་སོགས། བོད་དང་རྒྱ་གར། དེ་བཞིན་རྒྱ་ནག་བཅས་དང་འབྲེལ་བའི་གནད་དོན་ཐོག་ཉམས་ཞིབ་གནང་བའི་གྲུབ་དོན་དག་ལ་གྲོས་བསྡུར་ཚུལ་དུ་དྲི་བ་དྲིས་ལན་གནང་གི་ཡོད་པ་རེད། པར་གྱི་བདག་དབང་བོད་ཀྱི་སྲིད་བྱུས་ཉམས་ཞིབ་ཁང་།  

ཉན་པ།: Listen ཕབ་ལེན། Download རྒྱ་ནག་དམར་ཤོག་ཚོགས་པའི་ཚོགས་ཆེན་ཐེངས་ཉི་ཤུ་པར་དོ་སྣང་བྱེད་དགོས་པའི་གནད་དོན་དང་རྒྱ་ནག་སྤྱིའི་མ་འོངས་ཆབ་སྲིད་གནས་བབ་སྐོར་གླེང་མོལ།   Saturday 15/10/2022 Decoding the 20th Communist Party Congress with TPI’s Director  

ཁ་སང་འདི་ག་བོད་སྒར་བསམ་ཡས་གླིང་དུ་སྐབས་དྲུག་པའི་རྒྱུན་ལས་ཀྱི་ཚོགས་གཙོ་བཀྲིས་དབང་འདུས་ལགས་དབུ་བཞུགས་ཐོག་ལྡི་ལི་ཁུལ་དུ་ཡོད་པའི་བོད་རིགས་ཚོང་པ་ཚོའི་ལྷན་ཚོགས་ཤིག་གནང་ཡོད།ལྡི་ལི་བོད་སྒར་བསམ་ཡས་གླིང་གི་བརྒྱ་འཐུས་ཚོགས་ཁང་དུ་ལྷན་ཚོགས་ཐོག་ཚོགས་གཙོ་བཀྲིས་དབང་འདུས་ལགས་ཀྱིས་མ་འོངས་པར་ཚོང་པའི་བདེ་ཚོགས་ཀྱི་ངོས་ནས་ལྡི་ལི་བོད་སྒར་བསམ་ཡས་གླིང་རང་དུ་བོད་ཀྱི་དུས་སྟོན་གོ་སྒྲིག་གནང་འཆར་ཡོད་པ་དང་ལྷག་པར་དེང་སྐབས་བོད་མིའི་གཞིས་ཆགས་ཁག་ཏུ་ཡུལ་སྐོར་སྤྲོ་འཆམ་པ་འཕེལ་རྒྱས་འགྲོ་བཞིན་པའི་གོ་སྐབས་དང་བསྟུན་གཞིས་ཆགས་སོ་སོའི་ནང་བོད་ཀྱི་དུ་སྟོན་གོ་སྒྲིག་ཐུབ་ཐབས། དེ་བཞིན་སྤྱི་ཚོགས་དྲ་རྒྱའི་དུས་སྐབས་དང་བསྟུན་བོད་ཀྱི་ཚོང་ལས་བདེ་ཚོགས་ཀྱིས་ Amazon ལྟ་བུ་བོད་པའི་ཚོང་པ་ཚོའི་བཟོ་ཚོང་གོང་འཕེལ་ཡོང་ཐབས་སོགས་ཀྱི་ལས་འཆར་གསར་གཏོད་གནང་རྒྱུ་བང་རིམ་སྒྲིག་ཡོད་སྐོར་གསུངས་སོང་།  དེ་བཞིན་ཁོང་གིས་མ་འོངས་པར་བོད་མིའི་ཟ་ཁང་དང་མགྲོན་ཁང་། འགྲེམ་འགྲུལ་ལས་ཁང་སོགས་སྤྱི་ཚོགས་དང་འབྲེལ་བའི་ཚོང་ལས་གཉེར་མཁན་ཚོར་ཞབས་ཞུ་ཚད་ལྡན་ཞུ་ཐབས་ཀྱི་ཟབ་སྦྱོང་གོ་སྒྲིག་གནང་འཆར་ཡོད་པ་སོགས་གསུངས་པ་དང་འབྲེལ་ཏེ། ལྡི་ལི་ས་གནས་སྲིད་གཞུང་གིས་བོད་སྒར་བསམ་ཡས་གླིང་འདི་བཟའ་བཏུང་གི་ལྟེ་གནས་ food Hub ཤིག་བསྐྲུན་ཐབས་ཀྱི་ལས་འཆར་ཡོད་པར་བོད་མིའི་ཚོང་ལས་བདེ་ཚོགས་ཀྱི་ངོས་ནས་གོ་སྐབས་དམ་འཛིན་གནང་སྟེ་ཁ་སང་ཡུལ་སྐོར་སྤྲོ་འཆམ་གྱི་བློན་ཆེན་སྐུ་ཞབས་ Rajendra Pal མཆོག་དང་དངོས་སུ་འཇལ་འཕྲད་ཞུས་ཡོད་ཅེས་གསུངས་ཡོད།བོད་མིའི་ཚོང་ལས་བདེ་ཚོགས་ཀྱི་ལྷན་ཚོགས་སྐབས་ལྡི་ལི་ཁུལ་དུ་ཡོད་པའི་ཚོང་པའི་བདེ་ཚོགས་ཀྱི་ཚོགས་མི་སུམ་ཅུ་ལྷག་མཉམ་ཞུགས་གནང་འདུགལྷན་ཚོགས་ཐོག་མ་འོངས་པར་ཚོང་ལས་བདེ་ཚོགས་ཀྱི་ཚོགས་འབྲེལ་སྐུ་ཚབ་ཨ་རིར་སྐོར་སྐྱོད་གནང་ཕྱོགས་སོགས་ཀྱི་སྐོར་ལ་གྲོས་བསྡུར་གནང་ཡོད་པ་མ་ཚད་པར་ཕྱི་དྲོར་ཚོགས་གཙོས་དབུས་པའི་རྒྱུན་ལས་ཁག་གཅིག་རྒྱལ་ས་ལྡི་ལིར་ཡོད་པའི་ཐེ་ཝན་གྱི་ཚོང་ལས་སྡེ་ཚོགས་ཀྱི་སྐུ་ཚབ་ཁག་དང་ལྷན་དུ་དམིགས་བསལ་འཇལ་འཕྲད་ཞུས་ཡོད་པ་རེད། བོད་ཀྱི་ཚོང་ལས་བདེ་ཚོགས་སམ་ Tibetan Chamber of Commerce ནི་རྒྱལ་སྤྱིའི་ནང་ཡོད་པའི་བོད་མི་ཚོང་པ་ཕན་ཚུན་དབར་མཐུན་འབྲེལ་གོང་འཕེལ་དང་ཚོང་ལས་ཀྱི་གོ་སྐབས་གསར་བསྐྲུན་ཡོང་ཐབས་བཅས་ལ་ཆེད་དམིགས་ཀྱིས་གསར་འཛུགས་གནང་བའི་ཚོང་ལས་བདེ་ཚོགས་ཤིག་ཡིན་པ་རེད།

བོད་ཀྱི་སྐད་ཡིག་ཞབས་ཞུ་ཁང་གིས་རྒྱ་གར་བྱང་ཕྱོགས་ཁུལ་དུ་ཡོད་པའི་བོད་མིའི་གཞིས་སྒར་དང་སློབ་གྲྭ་ཁག་ཏུ་ཕྱི་ཟླ་ ༡༠ དང་ ༡༡ ལ་བོད་ཀྱི་སྐད་ཡིག་ཆེད་སྐོར་སྐྱོད་ཀྱི་ལས་འགུལ་སྤེལ་རྒྱུ་རེད་འདུག བོད་ཀྱི་སྐད་ཡིག་ཞབས་ཞུ་ཁང་ནས་དེ་རིང་ཕྱག་ཚོད་ ༡༢ ཐོག་བཞུགས་སྒར་གངས་སྐྱིད་དུ་རྟེན་གཞི་བྱས་པའི་བོད་ཀྱི་དཔེ་མཛོད་ཁང་དུ་བོད་ཀྱི་སྐད་ཡིག་ཆེད་སྐོར་སྐྱོད་ཀྱི་ལས་འགུལ་སྤེལ་རྒྱུའི་གསར་འགོད་གསལ་བསྒྲགས་ཤིག་གནང་སོང་བ་དང་། སྐབས་དེར་ཚོགས་པའི་ཚོགས་གཙོ་ཐུབ་བསྟན་རབ་བརྟན་ལགས་ཀྱིས་ལས་འགུལ་གྱི་དམིགས་ཡུལ་གཙོ་བོ་ནི། བཙན་བྱོལ་སྤྱི་ཚོགས་ནང་སྐད་ཡིག་ཉམས་ཆག་གི་གནས་སྟངས་དེ་དཀའ་ངལ་ཆེན་པོ་ཆགས་ཡོད་པ་དང་། ལྷག་པར་དུ་བོད་ནང་ལ་མཚོན་ན་རྒྱ་ནག་གཞུང་གིས་ཆེད་མངགས་བོད་ཀྱི་སྐད་ཡིག་རྩ་མེད་བཟོས་དང་བཟོ་བཞིན་ཡོད་སྟབས་ང་ཚོའི་བཙན་བྱོལ་སྤྱི་ཚོགས་ཀྱི་ངོས་ནས་དེར་གདོང་ལེན་གནང་ཕྱིར་ལས་འགུལ་འདི་ལྟར་སྤེལ་གལ་གཟིགས་ཀྱི་ཡོད་སྐོར་གསུངས་སོང་། གསར་འགོད་པས་བཅར་འདྲི་ཞུས་སྐབས་ཚོགས་གཙོ་ཐུབ་བསྟན་རབ་བརྟན་ལགས་ཀྱིས་སྐད་ཡིག་སྲུང་སྐྱོབ་ཐོག་ང་ཚོ་ཚང་མས་ཤུགས་རྒྱག་དགོས་པ་དང་ལྷག་པར་ཁྱིམ་ཚང་ནང་ཕ་མ་ཚོས་གང་ཐུབ་ཅི་ཐུབ་ཀྱིས་བོད་སྐད་རྒྱག་རྒྱུ་དེ་གལ་ཆེན་པོ་ཆགས་ཀྱི་ཡོད་པ་དང་། ཁྱད་པར་དུ་བོད་མི་ཕན་ཚུན་དབར་ཕྱག་བྲིས་གནང་སྐབས་ངེས་པར་དུ་བོད་ཡིག་བཀོད་སྤྱོད་གནང་གནད་ཡིན་སྟབས་དེར་འབད་རྩོན་གནང་རོགས་ཞེས་གཞེན་སྐུལ་གནང་སོང་།  དེ་བཞིན་ཚོགས་པའི་དངུལ་གཉེར་ལོ་ཡག་བཀྲ་ཤིས་ལགས་ཀྱིས་ད་ཆ་ང་ཚོ་བོད་མིའི་སྤྱི་ཚོགས་ཁྱོན་ཡོངས་ཀྱི་ངོས་ནས་བོད་ཀྱི་སྐད་ཡིག་ལ་ཐུགས་སྣང་ཞིག་གནང་གི་ཡོད་པ་རེད་ལ། བོད་ཀྱི་སྐད་ཡིག་བཀོལ་སྤྱོད་གནང་བ་ཙམ་གྱིས་ཡག་པོ་རེད་བསམ་གྱི་འདུག་ཀྱང་། དྲ་ཐོག་ལ་བོད་ཡིག་བྲིས་ནས་ནོར་མཁན་ཚོར་སྐྱོན་བརྗོད་མ་གནང་བར་ཕ་རོལ་པོ་ལ་ཐབས་མཁས་པོའི་ཐོག་ནས་ཞུ་གལ་ཡིན་པས་དེ་ལྟར་གནང་རོགས་ཞེས་འབོད་སྐུལ་ཞུས་ཡོད། རྩ་བའི་ཕྱི་ལོ་ ༢༠༡༩ འདི་ལོ་ནས་བཟུང་བོད་པའི་སློབ་གྲྭ་ཁག་ཏུ་རྒྱལ་ཡོངས་འཛིན་གྲྭ་བཅུ་གཉིས་ཀྱི་ཡིག་རྒྱུགས་ཁྲོད་བོད་ཡིག་ལ་བརྒྱ་ཆ་ ༩༥ སོན་མཁན་ཚང་མར་ཆེ་བསྟོད་ཀྱི་ཕྱག་འཁྱེར་དང་ཧིན་སྒོར་ལྔ་སྟོང་རེ་གནང་བཞིན་ཡོད་པ་རེད། གཞི་རྩའི་བོད་ཀྱི་སྐད་ཡིག་ཞབས་ཞུ་ཁང་ནི་ཕྱི་ལོ་ ༢༠༡༣ ལོར་གསར་འཛུགས་བྱས་ཤིང་། འདས་པའི་ལོ་ངོ་དགུའི་རིང་བོད་ཀྱི་སྐད་ཡིག་སྲུང་སྐྱོབ་ཀྱི་ཆེད་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་དུས་འཁོར་དབང་ཆེན་སྩལ་སྐབས་དང་བོད་ཀྱི་མཐོ་སློབ་ཁག སློབ་གྲྭ གཞིས་ཆགས། དེ་བཞིན་ཕྱི་རྒྱལ་སོགས་ས་གནས་དུ་མར་ཚོགས་མི་ཚོས་གོ་སྐབས་ནམ་བྱུང་ལ་བོད་ཀྱི་སྐད་ཡིག་འཛིན་སྐྱོང་སྤེལ་གསུམ་ཆེད་ལས་འགུལ་སྣ་མང་སྤེལ་དང་སྤེལ་མུས་ཡིན་པ་མ་ཟད། ཚོགས་པའི་དམིགས་ཡུལ་གཙོ་བོ་ནི་སྦྲགས་སྐད་རྒྱག་རྒྱུ་ཉུང་དུ་གཏོང་ཐབས་དང་བོད་སྐད་གཙང་མ་རྒྱག་ཐབས། བོད་ཡིག་གང་ཐུབ་ཀྱིས་བཀོད་སྤྱོད་གནང་ཐབས་བཅས་ཡིན་པ་རེད། ད་ལྟའི་ཆར་ཚོགས་པ་དེར་ཚོགས་མི་ ༤༠ ཙམ་ཞིག་ཡོད་པ་རེད། ཚོགས་པའི་ངོས་ནས་བོད་ཀྱི་སྐད་ཡིག་ཆེད་སྐོར་སྐྱོད་དང་པོ་དེ་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གྱ་སྟོན་དང་འབྲེལ་རྒྱ་གར་ལྷོ་ཕྱོགས་ཁུལ་དུ་གནང་ཡོད་པ་དང་གཉིས་པ་ཕྱི་ལོ་ ༢༠༡༩ ལོར་༸ཀུན་གཟིགས་༸པཎ་ཆེན་སྐུ་ཕྲེང་བཅུ་པ་ཆེན་པོ་མཆོག་སྐུ་གཤེགས་ནས་མི་ལོ་ ༣༠ འཁོར་བའི་རྗེས་དྲན་དང་བསྟུན་རྒྱ་གར་བྱང་ཕྱོགས་ཀ་རྡོར་སྒང་གསུམ་གྱི་བོད་མིའི་གཞིས་ཁག་ཏུ་ཕྱོགས་སྐྱོད་གནང་ཡོད།

༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་སོག་ཡུལ་དུ་གདན་ཞུས་ཀྱིས་རྒྱ་གར་གཞུང་གིས་སོག་ཡུག་མི་མང་རྣམས་ལ་སོག་སྐད་དུ་བཞུགས་པའི་༸རྒྱལ་བའི་བཀའ་འགྱུར་རིན་པོ་ཆེ་པོ་ཏི་ ༡༠༨ པར་བསྐྲུན་གྱིས་ཕྱག་རྟགས་སུ་ཕུལ་འདུག རྒྱ་གར་དབུས་གཞུང་རིག་གཞུང་བློན་ཆེན་ལས་ཁུངས་དང་ཡུལ་སྐོར་སྤྲོ་འཆམ་ལས་ཁུངས། དེ་བཞིན་སོག་ཡུལ་དུ་རྟེན་གཞི་བྱས་པའི་དགའ་ལྡན་དགོན་པ་བཅས་ཐུན་མོང་གིས་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ལ་ཇི་ལྟར་གསོལ་འདེབས་ཞུས་དོན་ལྟར་བཀའ་བཞེས་བཟང་པོ་སྨིན་སྩལ་ཐོབ་ཏེ་རིན་པོ་ཆེ་མཆོག་ཟླ་ ༡༠ ཚེས་ ༧ ཉིན་སོག་ཡུལ་དུ་༸ཞབས་སོར་བདེ་བར་འཁོད་གནང་མཛད་དེ་ཁ་སང་ཚེས་ ༩ ཉིན་རྒྱལ་ས་ཨུ་ལན་བྷ་དྷོར་ནང་རྟེན་གཞི་བྱས་པའི་དགའ་ལྡན་དགོན་པའི་ཚོགས་ཁང་དུ་རྒྱ་གར་གཞུང་གིས་སོག་ཡུག་མི་མང་རྣམས་ལ་སོག་སྐད་དུ་བཞུགས་པའི་༸རྒྱལ་བའི་བཀའ་འགྱུར་རིན་པོ་ཆེ་པོ་ཏི་ ༡༠༨ ཆ་ཚང་ཚར་ ༥༠ ཐམ་པ་པར་བསྐྲུན་གྱིས་ཕྱག་རྟགས་སུ་འབུལ་ལམ་གྱི་མཛད་སྒོར་དབུ་བཞུགས་མཛད་འདུག༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་གི་ཕྱག་མཛོད་བསྟན་འཛིན་མཁྱེན་བརྩེ་ལགས་ཀྱིས་འདི་ག་རླུང་འཕྲིན་ཁང་ལ་གནས་ཚུལ་ངོ་སྤྲོད་གནང་བར་གཞིགས་ན། མཛད་སྒོ་ཐོག་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་གིས་དབུས་པའི་སོག་ཡུལ་ནང་པ་ཡོངས་ཀྱི་དབུ་ཁྲིད་མཁན་པོ་ Nomun Khan མཆོག དེ་བཞིན་སོག་པོའི་ཤེས་རིག་བློན་ཆེན་མཆོག རིག་གཞུང་བློན་ཆེན་གཞོན་པ། དེ་མིན་རྒྱ་གར་གཞུང་ཚབ་པ་སོགས་རྒྱ་གར་དང་སོག་པོའི་གནད་ཡོད་མི་སྣ་ཁག་གཅིག་ཆེད་ཕེབས་གནང་འདུགཐེངས་འདིའི་མཛད་འཆར་ཁྲོད་གླིང་མཆོག་སྤྲུལ་རིན་པོ་ཆེ་མཆོག་གིས་ཟླ་བ་འདིའི་ཚེས་ ༧ ཉིན་ལོ་རྒྱུས་རང་བཞིན་ལྡན་པའི་དགའ་ལྡན་དགོན་པའི་ནང་རྒྱ་གར་གཞུང་ཚབ་ཁང་དང་དགའ་ལྡན་དགོན་པའི་གོ་སྒྲིག་འོག་རྒྱ་གར་དང་སོག་པོའི་གནད་ཡོད་མི་སྣ་གཙོས་རྒྱ་གར་དབུས་རིག་གཞུང་ལྷན་ཁང་གི་འཛིན་སྐྱོང་གནང་བའི་ལྡི་ལི་ Indra Gandhi རྒྱལ་ཡོངས་མཐོ་སློབ་དང་སོག་ཡུལ་མཐོ་རིམ་སློབ་གྲྭ་ཁག་བཞི་ལྷན་གྲོས་མཐུན་ཡིག་ཆར་ཕན་ཚུན་མཚན་རྟགས་བཀོད་པའི་མཛད་སྒོར་དབུ་བཞུགས་མཛད་པ་དང་། དེ་བཞིན་དགའ་ལྡན་དགོན་པར་སྒྲོལ་དཀར་ཚེ་དབང་དང་དཔལ་ལྡན་ལྷ་མོའི་བཀའ་དབང་སྩལ་བ། སོག་ཡུལ་གྱི་མཐོ་སློབ་དང་དགོན་སྡེ་ཁག དེ་བཞིན་ཆོས་ཚོགས་ཁག་བཅས་སུ་ཆིབས་བསྒྱུར་མཛད་རྒྱུ་རེད་འདུག མཛད་འཆར་ལ་གཞིགས་ན། ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་སོག་ཡུལ་ནང་ཟླ་བ་འདིའི་ཚེས་ ༧ ནས་ ༡༢ བར་ཉིན་གྲངས་དྲུག་རིང་བཞུགས་བཞག་མཛད་ཀྱི་འདུག སོག་ཡིག་ནང་ཡོད་པའི་༸རྒྱལ་བའི་བཀའ་འགྱུར་རིན་པོ་དེ་བོད་ཡིག་ནས་སོག་སྐད་དུ་ཕབ་བསྒྱུར་ཞུས་ཡོད་པ་དང་། སོག་ཡུལ་གྱི་ལུགས་སྲོལ་ལྟར་བཀའ་འགྱུར་ཆ་ཚང་རེ་སོག་ཡུལ་གྱི་དགོན་སྡེ་ཚང་མའི་ནང་རྟེན་དུ་བཞུགས་ཡོད་ཀྱང་། སོག་ཡུལ་དུ་དམར་ཤོག་གིས་དབང་བསྒྱུར་བྱས་པར་བརྟེན་སྐབས་དེའི་བཀའ་འགྱུར་སོགས་ཀྱི་ཤིང་པར་རྣམས་མེར་བསྲེགས་དང་རྩ་ཆེའི་དཔེ་ཆ་ཡོངས་རྫོགས་དགོན་པ་ནས་རྩ་མེད་བཏང་ཡོད་པ་རེད། རྒྱ་གར་གྱི་སྲིད་བློན་མོ་དི་མཆོག་གི་ཐུགས་དགོངས་དང་ལམ་སྟོན་འོག་རྒྱ་གར་དབུས་གཞུང་རིག་གཞུང་ལས་ཁུངས་དང་ཡུལ་སྐོར་སྤྲོ་འཆམ་ལས་ཁུངས་ཐུན་མོང་གིས་ཐུགས་འགན་བཞེས་ཏེ་སོག་ཡིག་གི་བཀའ་འགྱུར་པོ་ཏི་ ༡༠༨ ཆ་ཚང་ཕྲ་གཟུགས་སྦྱིན་ཤོག་ལས་བསྐྱར་དུ་པར་བསྐྲུན་ཞུས་ཏེ། བཀའ་འགྱུར་པར་ཕུད་ཐོག་མ་དེ་ཕྱི་ལོ་ ༢༠༢༠ ལོར་རྒྱ་གར་གྱི་སྲིད་འཛིན་མཆོག་ལ་ཕུལ་ཡོད་པ་དང་དེ་རྗེས་ ༢༠༢༡ ལོར་ཨུ་རུ་སུའི་མངའ་ཁོངས་ཀྱི་ནང་པའི་དགོན་སྡེ་དང་དཔེ་མཛོད་བཅས་ལ་པར་བསྐྲུན་གནང་ཡོད་ཅིང་། ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ལ་ཆིབས་བསྒྱུར་གསོལ་འདེབས་ཇི་ལྟར་ཞུས་དོན་ལྟར་བཀའ་བཞེས་སྨིན་སྩལ་གྱིས་བོད་གངས་ཅན་པ་དང་སོག་པོའི་མི་མང་དབར་ལོ་རྒྱུས་ཐོག་ནས་ཐུན་མིན་གྱི་འབྲེལ་བ་དམ་ཟབ་ཡོད་པར་བཀའ་སྩལ་ཡོད་པ་རེད།