Tibetan Royal Year of 2151 | Year of the Wood Dragon

རྔ་བ་ཀིརྟིའི་དགོན་པའི་གྲྭ་བློ་བཟང་ལགས་ལ་ལོ་གསུམ་གྱི་བཙོན་འཇུག་ཁྲིམས་ཐག་བཅད་འདུག

Tibetan News Headlines

  • Wronged, Tried, and Killed: The Custodial Death of Tibetan Political Prisoners in Chinese Prisons

རེས་གཟའ་སྤེན་པ། ༢༠༢༤།༠༧།༡༣

  • རྒྱ་གཞུང་གི་དོ་དམ་མནར་གཅོད་འོག་ཚེ་སྲོག་ཤོར་བའི་བོད་མི་ཆབ་སྲིད་བཙོན་པའི་གནད་དོན་གླེང་བ།

སྔ་ལོའི་བོད་མདོ་སྨད་རྔ་བ་རྫོང་ཐོག་ཏུ་ཞི་བའི་རྔམ་སྟོན་གནང་སྟེ་འཛིན་བཟུང་བཀག་ཉར་བྱས་པའི་ཀིརྟི་དགོན་པའི་གྲྭ་བློ་བཟང་ལགས་ལ་ལོ་གསུམ་རིང་དུས་བཀག་བཙོན་འཇུག་གི་ཁྲིམས་ཐག་གཅད་འདུག

དེའང་ཡུ་རོབ་རྒྱལ་43da7873-f98c-46fa-9727-77583d137dc0ཁབ་སུད་སིར་བཞུགས་པའི་བསོད་ནམས་ལགས་ཀྱིས་ཁུངས་ལྡན་གནས་ཚུལ་འགྲེལ་བརྗོད་གནང་དོན། སྔ་ལོའི་ཕྱི་ཟླ་ ༩ པའི་རྔ་བ་རྫོང་ཐོག་ཏུ་ཞི་རྒོལ་གནང་རྐྱེན་རྒྱ་གཞུང་ཉེན་རྟོག་མི་སྣས་འཛིན་བཟུང་བྱས་པའི་རྔ་བ་ཀིརྟི་དགོན་པའི་གྲྭ་བློ་བཟང་ལགས། དུས་དེ་ནས་བཟུང་ད་བར་ཟླ་བ་ ༡༠ ལྷག་ཙམ་བཙོན་འཇུག་བྱས་རྗེས། དེ་རིང་ཁོང་ལ་ལོ་གསུམ་རིང་དུས་བཀག་བཙོན་འཇུག་གི་ཁྲིམས་ཐག་བཅད་འདུག་པ་དང་། དེ་རིང་ཁྲིམས་ཐག་བཅད་སར་ཁོང་གི་ནང་མི་ཉེ་འབྲེལ་སུ་གང་ཡང་བཏང་མེད་སྐོར་སོགས་གསུངས་སོང་།

གཞི་རྩའི་རང་ལོ་ ༢༣ སོན་པའི་གྲྭ་བློ་བཟང་ལགས་ནི། རྒྱ་གཞུང་གིས་སྔ་ལོ་སྤྱི་ལོ་ ༢༠༡༥ ལོའི་ཟླ་ ༩ པའི་ནང་རྔ་བ་རྫོང་ཐོག་ཏུ27fddc3a-38c6-4b5e-be42-8e26437a6276་ཁོང་གིས་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་པར་དང་༸པཎ་ཆེན་རིན་པོ་ཆེ་མཆོག་རྣམ་གཉིས་ཀྱི་༸སྐུ་པར་མཐོང་གྲོལ་རིན་པོ་ཆེ་མཁའ་མཁའ་དབྱིངས་སུ་འཕྱར་ནས་༸གོང་ས་མཆོག་༸སྐུ་ཚེ་ཁྲི་ལོར་བརྟན་པར་ཤོག བོད་ལ་རང་དབང་དགོས། ༸པཎ་ཆེན་ཆུང་སྲིད་རིན་པོ་ཆེ་བཙོན་ནས་གློད་འགྲོལ་གཏོང་དགོས་ཞེས་གོམ་བགྲོད་དང་ཞི་རྒོལ་སྐད་འབོད་གནང་སྟབས། དེ་མ་ཐག་རྒྱ་གཞུང་ཉེན་རྟོག་པ་སླེབས་ཏེ་ཁོང་འཛིན་བཟུང་བཙན་ཁྲིད་བྱས་རྗེས་ད་བར་གནས་ཚུལ་གང་ཡང་ཤེས་རྟོགས་ཐུབ་མེད་པ་གྱུར་ཡོད་པ་རེད། འོན་ཀྱང་དེ་རིང་ཟླ་ ༧ ཚེས་ ༡༩ ཉིན་རྔ་བ་རྫོང་ཐོག་ནས་སྤྱི་ལེ་ ༣༠༠ མཚམས་སུ་ཡོད་པའི་མོ་ཞན་ས་གནས་ཁྲིམས་ཁང་དུ་ཁོང་ལ་ལོ་གསུམ་རིང་བཙོན་འཇུག་གི་ཁྲིམས་ཐག་བཅད་པ་ཤེས་རྟོགས་ཐུབ་འདུག

རྩ་བའི་གྲྭ་བློ་བཟང་ལགས་ནི་རང་ལོ་ ༢༣ སོན་ཡོད་པ་དང་། ཕ་ཡུལ་ཕྱུགས་ལས་འགབབ་མ་ནས་ཡིན་ཞིང་།  ཁོང་དགོན་པའི་ནང་དུ་ཕར་ཕྱིན་ལོ་རིམ་དང་པོར་སློབ་གཉེར་གནང་མུས་ཡིན་འདུག

 

འབྲེལ་ཡོད་གསར་གནས།

གསར་གནས།