བོད།

སྡེ་དགེ་ནས་འཛིན་བཟུང་བྱས་པའི་བོད་མི་ཞི་རྒོལ་བ་རྣམས་འཕྲལ་མར་གློད་བཀྲོལ་དགོས་པ་གསུངས་འདུག

ཁམས་སྡེ་དགེ་ཁུལ་གྱི་ཆུ་མཛོད་ལས་གཞི་དེ་འཕྲལ་མར་མཚམས་འཇོག་དགོས་པ་གསུངས་འདུག

བོད་མི་རང་ལུས་མེར་བསྲེགས་བཏང་དོན་གང་ཡིན་ཐོག་འགྲེམས་སྟོན་དབུ་འབྱེད།

༸གོང་ས་མཆོག་བཙན་བྱོལ་དུ་ཕེབས་སྐབས་བཞུགས་ཞག་མཛད་ཡུལ་ Lungla རྒྱལ་ཡོངས་ཡུལ་སྐོར་བའི་ས་ཁྲའི་ནང་འཐོན་རྒྱུ།

རྒྱ་གཞུང་གིས་ཁམས་སྡེ་དགེ་རྫོང་གི་དབོན་པོ་སྟོད་ཁུལ་གྱི་བོད་མི་མང་དག་ཞིག་སྡེབས་འཛིན་བྱས་འདུག

བོད་སྡེ་དགེ་རྫོང་གི་ཛ་དྲག་གནས་སྟངས་ལ་གདུང་སེམས་མཉམ་བསྐྱེད་ཀྱི་ངོ་རྒོལ་ལས་འགུལ་སྤེལ་བ།

ཆུ་མཛོད་གསར་རྒྱག་གི་ལས་གཞི་སླད་དགོན་པ་གནས་སྤོའི་བཙན་བཀར་བོད་མིས་ཚོར་ཤུགས་ཆེན་པོས་ཞུ་འབོད་གནང་འདུག

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བདེ་མཆོག་ལཱུ་ཨི་པའི་བཀའ་དབང་མཇུག་སྒྲིལ་དང་འབྲེལ། དེ་རིང་༸དཔལ་ལྡན་རྒྱུད་གྲྭ་སྟོད་སྨད་གཉིས་ནས་མགོན་པོ་༸གང་ཉིད་མཆོག་སྐུ་ཚེ་ཞབས་པད་བསྐལ་བརྒྱར་བརྟན་སླད་བརྟན་བཞུགས་བསྟར་འབུལ་ཞུས་ཡོད་པ་དང་། ༸གོང་ས་མཆོག་གིས་སྐབས་དེར་༸གང་ཉིད་ལོ་བཅུ་ཕྲག་གཅིག་གཉིས་བཞུགས་རྒྱུའི་བཀའ་བཞེས་སྨིན་སྩལ་དང་འབྲེལ། ཆོས་ཁས་ལེན་མིན་ལ་མ་ལྟོས་པར་རྒྱུན་དུ་ནས་སེམས་པ་བཟང་པོ་དང་གཞན་ཕན་བསྒྲུབ་དགོས་པའི་ལམ་སྟོན་མཛད་པ་མ་ཟད། དེ་རིང་གི་གོ་སྐབས་འདིའི་བརྒྱུད་ནས་ཉེ་ལམ་༸སྐུའི་འཁྲུངས་སྐར་སྐབས་སུ་ཕྱོགས་མཐའ་ཁག་མང་པོ་ཞིག་ནས་འཚམས་འདྲི་ཞུ་མཁན་ཚང་མར་ཐུགས་རྗེ་ཆེ་ཞེས་བཀའ་སྩལ་མཛད་སོང་། དེ་རིང་ཟླ་ ༧ ཚེས་ ༡༠ ཉིན་གྱི་ཞོགས་པ་ཕྱག་ཚོད་ ༨་༣༠ ཡོལ་ཙམ་ལ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བཞུགས་སྒར་༸རྒྱལ་བའི་ཕོ་བྲང་ནས་ཐེག་ཆེན་ཆོས་གླིང་གཙུག་ལག་ཁང་གི་བཞུགས་ཁྲིར་༸ཞབས་སོར་འཁོད་གནང་མཛད་དེ་༸དཔལ་ལྡན་རྒྱུད་གྲྭ་སྟོད་སྨད་ཐུན་མོང་ནས་མཎྜལ་འདེགས་འབུལ་དང་མགོན་པོ་༸གང་ཉིད་མཆོག་བསྟན་འགྲོའི་མགོན་དུ་༸སྐུ་ཚེ་ཞབས་པད་མི་ཤིགས་རྡོ་རྗེ་ཁམས་ལྟར་བརྟན་པའི་བརྟན་བཞུགས་བསྟར་འབུལ་ཞུས་ཡོད། བརྟན་བཞུགས་གྲུབ་མཚམས་སུ་མགོན་པོ་༸གང་ཉིད་མཆོག་གིས་༸དཔལ་ལྡན་རྒྱུད་གྲྭ་སྟོད་སྨད་ཐུན་མོང་ནས་བརྟན་བཞུགས་བསྟར་འབུལ་ཞུས་པར་ཐུགས་རྗེ་ཆེ་ཞུས་དང་འབྲེལ། མགོན་པོ་༸གང་ཉིད་མཆོག་ད་དུང་དགུང་ལོ་ལོ་བཅུ་ཕྲག་གཅིག་གཉིས་བཞུགས་རྒྱུའི་བཀའ་བཞེས་བཟང་པོ་སྨིན་སྩལ་མཛད་སོང་།༸གོང་ས་མཆོག་གིས་སྐབས་དེར་ད་དུང་༸དཔལ་ལྡན་རྒྱུད་གྲྭ་སྟོད་སྨད་གཉིས་ནས་རྒྱུད་གཞུང་ཙམ་མ་ཡིན་པར་གཞུང་ཆེན་དག་ལ་སློབ་གཉེར་གནང་གལ་ཡིན་པའི་ལམ་སྟོན་སྩལ་སོང་། ༸གོང་ས་༸སྐྱབས་མགོན་ཆེན་པོ་མཆོག་གིས་ཉེ་ལམ་མགོན་པོ་༸གང་ཉིད་མཆོག་གི་༸སྐུའི་འཁྲུངས་སྐར་སྐབས་ཕྱོགས་མཐའ་ཁག་མང་པོ་ཞིག་ནས་ངོས་ལ་རྒྱབ་སྐྱོར་གྱི་འཚམས་འདྲི་ཞུ་བར་ཐུགས་རྗེ་ཆེ་ཞེས་བཀའ་སྩལ་བ་དང་སྦྲགས། དེ་ནི་ངོས་ཀྱིས་ད་ལྟའི་བར་དུ་ཧུར་ཐག་བྱས་པ་ལ་ངོས་ལེན་ཡོད་པའི་ཐོག་ནས་རྒྱབ་སྐྱོར་བྱེད་ཀྱི་ཡོད་པ་རེད། དེས་ན་གོ་སྐབས་འདི་བཟུང་ནས་བཀྲ་ཤིས་བདེ་ལེགས་ཞུ་མཁན་ཚང་མར་ཐུགས་རྗེ་ཆེ་ཞེས་བཀའ་སྩལ་དང་སྦྲགས། ཆོས་ཁས་ལེན་མིན་ལ་མ་ལྟོས་པར་རྒྱུན་དུ་སེམས་པ་བཟང་པོ་དང་གཞན་ཕན་བསྒྲུབ་དགོས་པའི་ལམ་སྟོན་མཛད་པ་དང་ཆབས་ཅིག དེའི་བརྒྱུད་ནས་འཛམ་གླིང་སྤྱི་ལ་དངོས་གནས་དྲང་གནས་སེམས་ཀྱི་ཞི་བདེ་ཡོད་པ་དང་ཞི་བདེ་ཡོང་བའི་གོ་སྐབས་ཡོད་པ་རེད་ཅེས་ལམ་སྟོན་བཀྲིན་ཆེ་བ་མཛད་ཡོད། གཞི་རྩའི་༸དཔལ་ལྡན་རྒྱུད་གྲྭ་སྟོད་སྨད་གཉིས་ནས་ཇི་ལྟར་གསོལ་འདེབས་ཞུས་དོན་ལྟར་༸གོང་ས་༸སྐྱབས་མགོན་ཆེན་པོ་མཆོག་གིས་ཟླ་བ་འདིའི་ཕྱི་ཚེས་ ༨ དང་ ༩ བཅས་ཉིན་གཉིས་ཀྱི་རིང་བདེ་མཆོག་ལཱུ་ཨི་པའི་བཀའ་དབང་གི་སྟ་གོན་དང་དངོས་གཞི་རིམ་པར་བཀའ་དྲིན་སྩལ་བའི་སྐལ་བཟང་དགའ་སྟོན་གྱི་རྗེས་འབྲེལ། དེ་རིང་ཕྱི་ཚེས་ ༡༠ ཉིན་༸དཔལ་ལྡན་རྒྱུད་གྲྭ་སྟོད་སྨད་ཐུན་མོང་ནས་བརྟན་བཞུགས་བསྟར་འབུལ་ཞུས་སྐབས་༸སྐྱབས་རྗེ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་གིས་དབུས་པའི་བླ་ཆེན་དང་མཁན་པོ་རྣམ་པ།...

རྒྱ་ནག་གཞུང་གིས་འཛིན་བཟུང་བཀག་ཉར་བྱས་པའི་བོད་མི་རྩོམ་པ་པོ་གྲགས་ཅན་སྒོ་ཤེས་རབ་རྒྱ་མཚོ་ལགས་ལ་ལྷ་ས་འབྲིང་རིམ་མི་མང་ཁྲིམས་ཁང་ནས་ལོ་ངོ་བཅུའི་རིང་བཙོན་འཇུག་ཁྲིམས་ཐག་བཅད་འདུགབོད་མདོ་སྨད་རྔ་པ་ནས་ཡིན་པ་རྩོམ་པ་པོ་སྒོ་ཤེས་རབ་རྒྱ་མཚོ་ལགས་ཀྱི་གྲོགས་པོ་སྐྱེས་སར་ཀླུ་སྒྲུབ་ལགས་ཀྱིས་རླུང་འཕྲིན་ཁང་ལ་གནས་ཚུལ་མཁོ་སྤྲོད་གནང་བར་སྒོ་ཤེས་རབ་རྒྱ་མཚོ་ལགས་རྒྱ་གཞུང་གིས་སྔ་ལོའི་ཕྱི་ཟླ་ ༡༠ ཚེས་ ༢༦ ཉིན་འཛིན་བཟུང་བྱས་རྗེས་ལོ་གཅིག་དང་ཟླ་བ་གཅིག་ཙམ་གི་རིང་བཀག་ཉར་བྱས་མཐར་ཉེ་ཆར་ཕྱི་ཟླ་ ༡༡ ནང་དུ་ལྷ་ས་ཁྲིམས་ཁང་ཞིག་གིས་ཁོང་ལ་རྒྱལ་ཁབ་ཁ་བྲལ་དང་མི་མང་ལ་ངན་སྐུལ་གནང་བའི་ཉེས་འཛུགས་ཀྱིས་མི་ལོ་བཅུའི་རིང་བཙོན་འཇུག་ཁྲིམས་ཐག་བཅད་ཡོད་པར་ངོ་སྤྲོད་གནང་སོང་། ཁོང་གིས་ད་དུང་སྒོ་ཤེས་རབ་རྒྱ་མཚོ་ལགས་ལ་ཁྲིམས་ཐག་བཅད་རྗེས་ཁོང་གི་ནང་མི་ཉེ་འབྲེལ་རྣམས་ལ་ཐུག་འཕྲད་གནང་རྒྱུའི་གོ་སྐབས་ཕྲན་བུ་བྱུང་བ་མ་གཏོགས་དེ་སྔ་བཀག་ཉར་འོག་ལོ་གཅིག་དང་ཟླ་བ་གཅིག་ཙམ་ལུས་པའི་སྐབས་སུ་ཁོང་ལ་རྩམ་པ་རྒྱ་མ་ལྔ་མ་གཏོགས་སྐྱེལ་ཐུབ་མེད་སྟབས། ད་ལྟའི་ཆར་ཁོང་གི་གཟུགས་གཞིའི་གནས་སྟངས་གང་འདྲ་ཡོད་མེད་སོགས་ཞིབ་ཕྲ་ཤེས་རྟོགས་ཐུབ་མེད་ཀྱང་། ཁོང་དུས་ཡུན་ལོ་གཅིག་ལྷག་བཀག་ཉར་འོག་འདྲི་རྩད་དང་མནར་གཅོད་ཚད་མེད་མྱངས་ཡོད་པར་བརྟེན་གཟུགས་གཞིའི་གནས་སྟངས་ཐོག་སེམས་ཁྲལ་ཡོད་པ་གསུངས་ཡོད། སྒོ་ཤེས་རབ་རྒྱ་མཚོ་ལགས་ནི། བོད་ཨ་མདོ་རྔ་པར་འཁྲུངས་ཤིང་། རྔ་པ་ཀིརྟི་དགོན་ཆེན་ནས་ནང་པའི་གཞུང་ཆེན་ཁག་ལ་སློབ་སྦྱོང་གནང། དེ་རྗེས་རྒྱ་གར་དང་བལ་ཡུལ། རྒྱ་ནག་སོགས་ཀྱིས་མཚོན་པའི་ཨེ་ཤ་ཡའི་རྒྱལ་ཁབ་མང་པོར་འགྲུལ་བཞུད་གནང་ནས་ཉམས་ཞིབ་གནང་། ཕྱི་ལོ་ ༡༩༩༨ ལོར་རྔ་པ་ཀིརྟི་དགོན་ཆེན་གྱི་གཙོས་རྔ་པ་ཁུལ་གྱི་དགོན་ཁག་བཞི་བཅུ་ལྷག་ལ་རྒྱ་ནག་གཞུང་གིས་རྒྱལ་གཅེས་ཆོས་གཅེས་ཞེས་པའི་གཏིང་ནག་གི་སྲིད་བྱུས་སྤེལ་སྐབས་ཞི་རྒོལ་དང་སྦྱར་ཡིག་སྣ་ཚོགས་འགྲེམས་སྤེལ་གནང་བའི་རྐྱེན་གྱིས་ལོ་ངོ་བཞི་ལྷག་ལ་རྒྱ་ནག་གིས་བཙོན་འཇུག་བྱས། དེ་རྗེས་སླར་ཡང་ ༢༠༠༨ ལོར་བོད་ཁམས་ཡོངས་སུ་ས་བྱི་ཞི་རྒོལ་ཆེན་མོ་བྱུང་སྐབས་ལྷ་ས་ནས་ཨ་མདོ་རྔ་པའི་དགེ་འདུན་པ་ཚོས་སྣེ་ཁྲིད་དེ་ཞི་རྒོལ་གནང་སྟབས་རྒྱ་གཞུང་གིས་འཛིན་བཟུང་བྱས་ཏེ་ལོ་ངོ་གཅིག་གི་རིང་ལ་བཙོན་འཇུག་འོག་ཏུ་བཞུགས་དགོས་བྱུང་འདུག   ༢༠༠༩ ལོར་ཁོང་གིས་བརྩམས་པའི་ཕྱག་དེབ་ང་ཚོ་སད་རན་ཞེས་པ་ལ་བོད་ཁམས་ཡོངས་ནས་མཚན་སྙན་ཆེན་པོ་ཐོབ་ཡོད་པ་མ་ཟད་ཁོང་གི་བརྩམས་ཆོས་རྒྱུན་ཤེས་དང་ལམ། དཔྱད་འཚོལ་དང་ལྟ་ཚུལ། རང་ལམ་རང་འཚོལ། བླང་དོར་ལྟ་ཚུལ།...