Tibetan Royal Year of 2151 | Year of the Wood Dragon

- Advertisement -spot_img

TAG

གོང་ས་མཆོག་གིས་གནས་མཆོག་རྡོ་རྗེ་གདན་དུ་ཆོས་ཞུ་བ་བདུན་ཁྲི་ལྷག་ལ་ཆོས་འབྲེལ་དབུ་འཛུགས།

༸གོང་ས་མཆོག་གིས་གནས་མཆོག་རྡོ་རྗེ་གདན་དུ་ཆོས་ཞུ་བ་བདུན་ཁྲི་ལྷག་ལ་ཆོས་འབྲེལ་དབུ་འཛུགས།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་དུ་ཆོས་ཞུ་བ་བདུན་ཁྲི་ལྷག་ལ་བྱང་ཆུབ་སེམས་བསྐྱེད་ཀྱི་སྡོམ་པ་འབོག་པར་མཛད་པ་དང་ཆབས་ཅིག་དཔལ་མགོན་འཕགས་པ་ཀླུ་སྒྲུབ་ཀྱིས་མཛད་པའི་བྱང་ཆུབ་སེམས་འགྲེལ་གྱི་ཆོས་འབྲེལ་དབུ་འཛུགས་མཛད་སོང་།༸གོང་ས་མཆོག་གིས་ཆོས་འབྲེལ་གྱི་སྔོན་འགྲོར་གནས་མཆོག་རྡོ་རྗེ་གདན་ནི་ནང་པ་སངས་རྒྱས་པའི་གནས་ཀྱི་ནང་ནས་གཙོ་བོ་དེ་ཡིན་པ་དང་།    ཆོས་ཀྱི་སྙིང་པོ་ནི་རང་ཉིད་ཀྱི་སེམས་རྒྱུད་འདུལ་བར་བྱ་རྒྱུ་དེ་ཡིན་པའི་ལམ་སྟོན་དང་འབྲེལ།   རྒྱུན་དུ་གཞན་གཅེས་འཛིན་གྱི་བསམ་བློ་དགོས་གལ་ཡིན་པའི་ལམ་སྟོན་བཀྲིན་སྩལ་སོང་།མགོན་པོ་༸གང་ཉིད་མཆོག་གིས་ད་དུང་ཆོས་ཁས་ལེན་མིན་ལ་མ་ལྟོས་པར་དངོས་ཡོད་གནས་ཚུལ་གྱི་ཐོག་ནས་འགྲོ་བ་མི་རྣམས་བདེ་བ་འདོད་པ་དང་སྡུག་བསྔལ་མི་འདོད་པ་གཅིག་མཚུངས་ཡིན་པ་དང་། ཉིན་ལྟར་བྱང་ཆུབ་ཀྱི་སེམས་དང་སྟོང་ཉིད་ཀྱི་ལྟ་བར་ཉམས་ལེན་གནང་ཐུབ་ཚེ་ཕན་ཡོན་ཆེན་པོ་ཡོད་སྐོར་བཀའ་སྩལ་དང་སྦྲགས། བྱང་ཆུབ་སེམས་བསྐྱེད་ཀྱི་སྡོམ་པ་འབོག་པར་མཛད་གནང་བ་དང་ཆབས་ཅིག བྱང་ཆུབ་སེམས་འགྲེལ་གྱི་བཀའ་ཆོས་དངོས་གཞི་བཀྲིན་བསྐྱངས་གནང་མཛད་ཡོད་།གཞི་རྩའི་ཐེངས་འདིར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་གནས་མཆོག་རྡོ་རྗེ་གདན་གྱི་ཆོས་འབྲེལ་དེ་ནི།   ཏོག་དབྱིབས་གཉན་རིམས་གྱི་ནད་གཞི་ཁྱབ་གདལ་རྗེས་གནས་མཆོག་རྡོ་རྗེ་གདན་དུ་ཆོས་འབྲེལ་ཐོག་མ་དེ་ཆགས་ཀྱི་ཡོད་པ་དང་། ཆོས་འབྲེལ་དེར་རྒྱ་བལ་འབྲུག་གསུམ་གྱི་བོད་མིས་གཙོས་ཧི་མཱ་ལ་ཡའི་རི་བརྒྱུད་ཀྱི་དད་ལྡན་མང་ཚོགས་དང་།  ལྷག་པར་དུ་ཕྱི་རྒྱལ་ཡུལ་གྲུ་ཁག་ ༦༠ ལྷག་ནས་ཆོས་ཞུ་བ་སྟོང་ཕྲག་འགའ་ཤས་ཆེད་ཕེབས་ཀྱིས་དུས་འཁོར་ཐང་ཆེན་འདི་ཉིད་ཆོས་ཞུ་བའི་ཁེངས་འདུག་པ་མ་ཟད།  ཆོས་ཞུ་བ་མང་པོ་ཞིག་ཆོས་རའི་ཕྱི་ཕྱོགས་སུ་བཞུགས་ཏེ་གསུང་ཆོས་ཞུ་བཞིན་ཡོད་པ་མངོན་རྒྱུ་འདུག

Latest news

- Advertisement -spot_img