Tibetan Royal Year of 2151 | Year of the Wood Dragon

- Advertisement -spot_img

TAG

རྡོ་རྗེ་བཀྲིས་ལགས་གློད་བཀྲོལ་དང་འབྲེལ་བའི་ལས་འགུལ་རེ་ཞིག་མཚམས་འཇོག

རྡོ་རྗེ་བཀྲིས་ལགས་གློད་བཀྲོལ་དང་འབྲེལ་བའི་ལས་འགུལ་རེ་ཞིག་མཚམས་འཇོག

ཕྱི་ལོ་ ༢༠༠༨ ལོ་ནས་བཟུང་རྒྱ་གཞུང་གི་བཙོན་ཁང་དུ་མོ་སྤྱོད་ལས་འདས་པའི་མནར་གཅོད་མྱོང་བཞིན་པའི་བོད་མི་ཚོང་པ་གྲགས་ཅན་རྡོ་རྗེ་བཀྲིས་ལགས་ཀྱི་སྲིང་མོ་མགོན་པོ་སྐྱིད་ལགས་དང་སྤུན་མཆེད་རྡོ་རྗེ་ཚེ་བརྟན་ལགས་གཉིས་ཀྱིས་ཉེན་རྟོག་པའི་ཉེན་བརྡ་བཏང་མིན་ལ་མ་ལྟོས་པར་ལས་འགུལ་གྱི་རྣམ་པ་འདྲ་མིན་སྒོ་ནས་ཁོང་གང་མགྱོགས་གློད་བཀྲོལ་ཡོང་ཐབས་སུ་འབད་བརྩོན་གནང་བཞིན་པ་དེ་ལྟར་ཡང་། བདུན་ཕྲག་སྔོན་མར་ཁྲིམས་ཁང་གིས་རྡོ་རྗེ་བཀྲིས་ལགས་ཀྱི་གནད་དོན་ཐོག་བདུན་ཕྲག་གཅིག་གི་ནང་ཚུལ་ཡར་ལེན་སྤྲད་རྒྱུའི་ཁས་ལེན་བྱས་ཡོད་སྟབས། རྡོ་རྗེ་བཀྲིས་ལགས་ཀྱི་སྤུན་མཆེད་གཉིས་ནས་ཁོང་གློད་བཀྲོལ་དང་འབྲེལ་བའི་ལས་འགུལ་རེ་ཞིག་མཚམས་འཇོག་གནང་འདུག རྡོ་རྗེ་བཀྲིས་ལགས་ནི་དུས་རྟག་ཏུ་གཞན་ཕན་ལ་འབད་མཁན་གྱི་བོད་མི་ཚོང་པ་གྲགས་ཅན་ཞིག་ཡིན་པ་དང་། ཕྱི་ལོ་ ༢༠༠༨ ལོར་བོད་ནང་ས་བྱི་ཞི་རྒོལ་ཆེན་མོ་བྱུང་སྐབས་ས་གནས་ཆབ་སྲིད་འགོ་ཁྲིད་ཁག་གཅིག་གིས་ཁོང་ལ་རྒྱལ་ཁབ་ཁ་བྲལ་གཏོང་ཐབས་བྱེད་བཞིན་ཡོད་པར་ཉེས་མིང་བཏགས་ནས་འཛིན་བྱུང་ཡོད་པ་དེ་ལྟར་ཡང་། ད་བར་ནག་ཉེས་རྩ་བ་ནས་ཁུངས་སྐྱེལ་མ་ཐུབ་པའི་རྐྱེན་གྱིས་ཆབ་སྲིད་ཀྱི་ནག་ཉེས་དེ་དག་ཕྱིར་འཐེན་བྱས་ཡོད། ཕྱི་ལོ་ ༢༠༡༠ ཟླ་ ༦ ཚེས་ ༢༦ ཉིན་ལྷ་སར་རྒྱ་ནག་གི་ཁྲིམས་ཁང་ནས་གསང་བའི་ངང་ཁྲིམས་རྭ་ཚོགས་ཏེ་རྡོ་རྗེ་བཀྲ་ཤེས་ཀྱིས་བུ་ལོན་གཡོ་ལེན་བྱས་ཡོད་པའི་ཉེས་འཛུགས་འོག་ཚེ་བཙོན་གྱི་ཁྲིམས་ཐག་བཅད་ཡོད་པ་རེད། ད་བར་རྡོ་རྗེ་བཀྲི་ཤིས་ལགས་དང་ཁོང་གི་ཁྲིམས་རྩོད་པ་གཉིས་ཀའི་ངོས་ནས་རྒྱ་གཞུང་གིས་ཉེས་འཛུགས་བྱས་པར་ངོས་ལེན་རྩ་བ་ནས་གནང་གི་མེད་པ་རེེད། དེའི་བར་ན་ཁོང་གི་སྲིང་མོ་མགོན་པོ་སྐྱིད་ལགས་དང་གཅེན་པོ་རྡོ་རྗེ་ཚེ་བརྟན་ལགས་ཉིས་ཀྱིས་འདས་པའི་བདུན་ཕྲག་བར་རྡོ་རྗེ་བཀྲིས་ལགས་ལ་མ་ཉེས་ཁ་ཡོག་བྱས་པ་དང་། དྲང་བདེན་གྱི་ཁྲིམས་གཅོད་བྱས་མེད་སྟབས་ཁོང་འཕྲལ་མར་གློད་བཀྲོལ་བཏང་དགོས། བཙོན་ཁང་ནང་ཁོང་གི་གཟུགས་གཞིའི་གནས་སྟངས་ཛ་དྲག་གྱུར་ཡོད་པ་དང་། ཁོང་གི་ནང་མི་རྣམས་ལ་བཙོན་ཁང་དུ་ཁོང་དང་ཐུག་འཕྲད་སླད་བསྐྱོད་བཅུག་གི་མེད་པ་སོགས་ཀྱི་གནས་སྟངས་ཆེས་མངོན་གསལ་གནང་སྟེ་ལྷ་སའི་མི་དམངས་ཁྲིམས་ཁང་གི་མདུན་དུ་ཞུ་གཏུག་དང་དྲ་རྒྱ་ཐོག་བརྒྱུད་ནས་ལས་འགུལ་རིམ་པ་སྤེལ་ཡོད་པ་རེད། ཁ་སང་བོད་གནས་ལྟ་ཞིབ་ཁང་གིས་ Free Tibet བོད་དོན་རྒྱབ་སྐྱོར་ཚོགས་པ་བརྒྱུད་ནས་གནས་ཚུལ་སྤེལ་བར་ཉེ་ཆར་ཕྱི་ཟླ་ ༡...

Latest news

- Advertisement -spot_img