Tibetan Royal Year of 2151 | Year of the Wood Dragon

- Advertisement -spot_img

TAG

སྔོན་འགྲོ་འོས་བསྡུ།

དབྱིན་ཡུལ་ས་གནས་འོས་བསྡུ་ལས་ཁང་གི་འོས་ཤོག་གྲངས་བཤེར་དང་གྲུབ་འབྲས།

ཁྱོན་བོད་མི་ ༡༥༠༠ ལྷག་ཁ་འཐོར་དུ་གནས་ཡོད་པའི་དབྱིན་ཡུལ་ས་གནས་འོས་བསྡུ་ལས་ཁང་གི་ཁྱབ་ཁོངས་ལས་ཡོ་རོབ་རྒྱལ་ཁབ་གསུམ་གྱི་ཕྱི་ལོ་ ༢༠༢༡ ལོའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུ་གྲུབ་འབྲས་ཁ་ཉིན་རེས་གཟའ་སྤེན་པ་ཉིན་དབྱིན་ཡུལ་ས་གནས་འོས་བསྡུའི་འགན་འཛིན་བསོད་ནམས་ཚེ་རིང་ཕར་སི་ལགས་ཀྱིས་དྲ་ཐོག་ལམ་ནས་གསལ་བསྒྲགས་གནང་སོང་། སྤྱིར་ད་ལན་གྱི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡིུ་ནང་དབྱིན་ཡུལ་ས་གནས་འོས་བསྡུ་ལས་ཁང་ནས་དབྱིན་ཡུལ་གཙོས་ནོར་ལྦེ་དང་ཌན་མག སུད་ཌན། ཨར་ལེནཊ། དེ་བཞིན་པོ་ལན་ཌི་བཅས་ཁྱོན་ཡོ་རོབ་རྒྱལ་ཁབ་དྲུག་གིས་འོས་བསྡུའི་ལས་རིམ་གཉེར་ཡོད་ཅིང་། འོན་ཀྱང་ད་ལྟའི་ཆར་ས་གནས་སུ་ནད་ཡམས་ཀྱི་ཛ་དྲགས་གནས་སྟངས་རྐྱེན་པས་ཁ་ཉིན་ཕྱི་ཚེས་ ༩ བར་དབྱིན་ཡུལ་ས་གནས་འོས་བསྡུ་ལས་ཁང་ལ་ཁྱབ་ཁོངས་ནོར་ལྦེ་དང་ཌན་མག དེ་བཞིན་པོ་ལན་ཌི་བཅས་ཀྱི་འོས་གྲངས་སྦྲག་ཐོག་ནས་དུས་ཐོག་ཏུ་འབྱོར་མེད་སྟབས། ཉིན་དེར་དབྱིན་ཡུལ་ས་གནས་འོས་བསྡུའི་ལས་ཁང་གིས་འོས་ཤོག་གྲངས་བཤེར་ལེགས་གྲུབ་ཟིན་པའི་དབྱིན་ཡུལ་དང། སུད་ཌན། དེ་བཞིན་ཨར་ལན་ཌི་བཅས་རྒྱལ་ཁབ་གསུམ་གྱི་འོས་བསྡུའི་ཕྱོགས་བསྡོམས་གྲུབ་འབྲས་སྔོན་ལ་གསལ་བསྒྲགས་གནང་ཡོད་པ་རེད། སྐབས་དེར་གསལ་བསྒྲགས་གནང་བའི་རྒྱལ་ཁབ་གསུམ་གྱི་སྲིད་སྐྱོང་གི་སྔོན་འགྲོའི་འོས་བསྡུའི་གྲུབ་འབྲས་ལ་གཞིགས་ན། སྲིད་སྐྱོང་འོས་གཞིར་བཞེངས་མཁན་སྤེན་པ་ཚེ་རིང་ལགས་ལ་འོས་གྲངས། ༨༡ འབྲོང་ཆུང་དངོས་འགྲུབ་ལགས་ལ་གྲངས་ ༥༡ དབུ་དཀར་ཚང་སྐལ་བཟང་རྡོ་རྗེ་ལགས་ལ་འོས་གྲངས། ༤༦ རྒྱལ་རི་སྒྲོལ་མ་ལགས་ལ་འོས་གྲངས། ༤༦...

དབྱིན་ཡུལ་ནང་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུ་སྔ་སྣུར།

བདུན་ཕྲག་འདིའི་རེས་གཟའ་ཉིན་མ་སྟེ་ཕྱི་ཚེས་ ༣ ཉིན་བཙན་བྱོལ་བོད་མི་གནས་སྡོད་འཛམ་གླིང་ས་ཕྱོགས་གང་སར་ཕྱི་ལོ་ ༢༠༢༡ ལོའི་སྲིད་སྤྱི་གཉིས་ཀྱི་སྔོན་འགྲོ་འོས་བསྡུ་ཆེན་མོ་གནང་གི་ཡོད་པ་དེ་ལྟར་ཡང། དབྱིིན་ཡུལ་ཁུལ་དུ་ད་ཆ་ Mutant Covid ཞེས་ཏོག་དབྱིབས་གཉན་རིམས་ཀྱི་ངོ་བོ་འགྱུར་ལྡོག་གིས་གཉན་སྲིན་གསར་པ་ཐོན་པའི་དཀའ་ངལ་དང་འབྲེལ་དབྱིན་ཡུལ་ནང་གྱི་བོད་མི་ཚོས་ཐེངས་འདིའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུ་དེ་ཉིན་གཅིག་སྔ་སྣུར་གནང་གཏན་འཁེལ་འདུག ད་ཆ་འཛམ་གླིང་ཁྱོན་ཡོངས་སུ་ཏོག་དབྱིབས་གཉན་རིམས་ཀྱི་དཀའ་ངལ་སྤྱི་དང་ལྷག་པར་དུ་ཟླ་བ་འདིའི་ནང་དབྱིན་ཡུལ་ནང་ Mutant Covid ཞེས་ཏོག་དབྱིབས་གཉན་རིམས་ཀྱི་ངོ་བོ་འགྱུར་ལྡོག་གྱིས་གཉན་སྲིན་གསར་པ་ཐོན་ཏེ་ད་ཆ་ཁུལ་དེའི་རྒྱལ་ས་ལོ་ཊོན་གཙོ་བོར་གྱུར་པའི་དབྱིན་ཡུལ་རྒྱལ་ནང་དུ་ནད་པའི་གྲངས་འབོར་ཉིན་རེ་བཞིན་ཇེ་ཆེར་འཕར་བཞིན་འདུག་པ་མ་ཟད། ད་ཆ་དབྱིན་ཡུལ་གཞུང་གིས་རྒྱལ་ས་ལོ་ཊོན་ཁུལ་དུ་ཚད་མཐོའི་ཁྱིམ་སྡོད་བཀའ་བརྒྱ་བསྡམས་ཡོད་པ་རེད།གསར་འགོད་པས་དབྱིན་ཡུལ་དོན་གཅོད་ལས་བྱེད་དང་ས་གནས་འོས་བསྡུའི་འགན་འཛིན་ལས་རོགས་ཚེ་རིང་མཚོ་མོ་ལགས་སུ་ད་ལྟའི་ས་གནས་ཀྱི་ཛ་དྲག་གནས་བབ་དེའི་འོག་དབྱིན་ཡུལ་ཁུལ་དུ་སྲིད་སྤྱི་གཉིས་ཀྱི་སྔོན་འགྲོ་འོས་བསྡུའི་ལས་དོན་ལེགས་གྲུབ་ཐུབ་མིན་ཐད་བཅར་འདྲི་ཞུས་པར་ཁོང་གིས་ས་གནས་འོས་བསྡུ་ལས་ཁང་གིས་སྲིད་སྤྱི་གཉིས་ཀྱི་སྔོན་འགྲོའི་ཀྱི་འོས་བསྡུའི་ལས་དོན་ཚགས་ཚུགས་དང་དབྱིན་ཡུལ་ཁུལ་གྱི་བོད་མི་ཚོས་འོས་ཤོག་སྟབས་བདེ་ངང་འཕེན་ཐུབ་ཕྱིར་དེ་སྔ་དང་མི་འདྲ་བར་དབྱིན་ཡུལ་ནང་དུ་འོས་བླུགས་སའི་ས་ཚིགས་འཕར་མ་བཞི་གོ་སྒྲིག་གནང་ཡོད་པ་མ་ཟད། དེ་བཞིན་དབུས་འོས་བསྡུ་ལས་ཁང་ལ་ས་གནས་ཀྱི་གནས་བབ་དང་དཀའ་ངལ་ཇི་ཡོད་ཁག་སྙན་སེང་ཞུས་ཏེ་བཀའ་འཁྲོལ་དང་བཅས་རྒྱལ་ས་ལོ་ཊོན་ཁུལ་དུ་ཡོད་པའི་འོས་བསྡུའི་ས་ཁུལ་ཁག་གསུམ་ལ་ཕྱི་ཚེས་ ༢ རེས་གཟའ་སྤེན་པའི་ཉིན་སྲིད་སྤྱི་གཉིས་ཀྱི་སྔོན་འགྲོ་འོས་བསྡུ་དེ་ཉིན་གཅིག་སྔར་སྣུར་གནང་གཏན་འཁེལ་ཡོད་པ་གསུངས་ཡོད། དེ་བཞིན་ཁོང་གིས་དབྱིན་ཡུལ་དོན་གཅོད་ཀྱི་ཁྱབ་ཁོངས་རྒྱལ་ཁབ་གཞན་ནོར་ཝེ་དང་ཌན་མག སུ་ཌན། ཨར་ལན་ཌི། དེ་བཞིན་པོ་ལན་ཌི་བཅས་ཡོ་རོབ་རྒྱལ་ཁབ་ལྔ་ནང་དུ་སྲིད་སྤྱི་གཉིས་ཀྱི་སྔོན་འགྲོ་འོས་བསྡུ་ཆེན་མོའི་དུས་ཚོད་ལ་འགྱུར་གང་ཡང་ཕྱིན་པར་གསུངས་སོང་། སྤྱིར་གསར་འགོད་པས་སླེབས་ལ་ཉེ་བའི་སྲིད་སྤྱི་གཉིས་ཀྱི་སྔོན་འགྲོ་འོས་བསྡུ་དང་འབྲེལ་ད་བར་དུ་ཡོ་རོབ་རྒྱལ་ཁབ་གཞན་ཁག་གྱི་གནས་བབ་རྒྱུས་ལོན་ཞུས་ཏེ་ཤེས་རྟོགས་བྱུང་བར་གཞིགས་ན། དབྱིན་ཡུལ་ཕུད་པའི་ཡོ་རོབ་རྒྱལ་ཁབ་གཞན་ཁག་ཏུ་ད་ལྟའི་ཆར་སྲིད་སྤྱི་གཉིས་ཀྱི་སྔོན་འགྲོ་འོས་བསྡུ་ཆེན་མོའི་དུས་ཚོད་ལ་འགྱུར་བ་གང་ཡང་མེད་པར་དབུས་འོས་བསྡུ་ལས་ཁང་གིས་བཀོད་ཁྱབ་ཇི་གནང་ལྟར་ཚེས་ ༣ ཉིན་གནང་གཏན་འཁེལ་འདུག

Latest news

- Advertisement -spot_img