Tibetan Royal Year of 2151 | Year of the Wood Dragon

གཞུང་ཆེན་རིས་མེད་བགྲོ་གླེང་ཐེངས་བདུན་པ་དང་འབྲེལ་ནས་བཅར་འདྲི།

Tibetan News Headlines

  • North America Tibetans to offer ‘Tenshug’ to the Dalai Lama
  • Tibetans in Canada celebrate Resolve Tibet Act and Canadian parliament motion for Tibet’s self determination
  • Dalai Lama extends congratulations to Ms. Roberta Metsola and Ms. Ursula von der Leyen on EU leadership continuation
  • EU-China ties looking rocky after re-election of Ursula von der Leyen

རེས་གཟའ་ཟླ་བ། ༢༠༢༤།༠༧།༢༢

  • ༸གོང་ས་མཆོག་ལ་བྱང་ཨ་རིའི་བོད་མི་རྣམས་ནས་བརྟན་བཞུགས་བསྟར་འབུལ་ཞུ་རྒྱུ་ཞལ་བཞེས་ཐོབ་འདུག
  • ཨ་རིས་བོད་རྒྱའི་དཀའ་རྙོག་སེལ་ཐབས་ཀྱི་ཁྲིམས་ཡིག་དང་ཁེ་ན་ཌས་བོད་མིའི་རང་ཐག་རང་གཅོད་ཀྱི་ཐོབ་ཐང་ལ་རྒྱབ་སྐྱོར་གྱི་གྲོས་ཆོད་གཏན་འབེབས་གནང་བར་དགའ་སྟོན།
  • ༸གོང་ས་མཆོག་གིས་ཡོ་རོབ་གྲོས་ཚོགས་དང་ལྷན་ཚོགས་ཀྱི་ཚོགས་གཙོར་འཚམས་འདྲི་མཛད་འདུག
  • ལྕམ་ Ursula ལགས་ཀྱི་འཛིན་སྐྱོང་འོག་ཡུ་རོབ་མཐུན་ཚོགས་དང་རྒྱ་ནག་དབར་གྱི་འབྲེལ་ལམ་ཁག་ཏུ་འགྲོ་རྒྱུའི་ཚོད་དཔག

ཟླ་བ་འདིའི་ཚེས་ ༣ ནས་དབུ་འཛུགས་ཀྱི་དེ་རིང་ཚེས་ ༦ བར་ཁྱོན་ཉིན་གྲངས་བཞིའི་རིང་འཕགས་ཡུལ་བཀྲ་ཤིས་ལྗོངས་གདན་ས་ཁམས་པ་སྒར་གྱི་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་དུ་བོད་མིའི་སྒྲིག་འཛུགས་ཆོས་རིག་ལས་ཁུངས་དང་། ཁམས་སྒར་འབྲུག་མཐོ་སློབ་དྷརྨ་ཀཱ་ར་གཉིས་ཀྱི་གོ་སྒྲིག་འོག་གཞུང་ཆེན་རིས་མེད་བགྲོ་གླེང་ཐེངས་བདུན་པ་ཚོགས་ཡོད་པ་དང་འབྲེལ། དེ་རིང་བགྲོ་གླེང་འདི་ཉིད་མཇུག་སྒྲིལ་གནང་གི་ཡོད་པ་རེད།

དེ་ཡང་ཐེངས་འདིའི་བགྲོ་གླེང་གི་བརྗོད་གཞི་ནི་ཚད་མ་རྣམ་འགྲེལ་དང། བོན་གཞུང་ཚད་མ་ཀུན་བཏུས་ཡིན་འདུག་པ་དང་། རིས་མེད་བགྲོ་གླེང་འདིའི་ནང་གཡུང་དྲུང་བོན་དང་ས་དགེ་བཀའ་རྙིང་ཇོ་ནང་དང་བཅས་པའི་དགོན་སྡེ་ཁག་ ༣༡ ནས་དགེ་འདུན་གྲྭ་བཙུན་ཁྱོན་ ༥༥ ལྷན་ཞུགས་གནང་ཡོད་པ་དང་། གསུང་བཤད་གནང་མཁན་ ༡༨ ཡོད་པ་རེད་འདུག

འདི་ག་རླུང་འཕྲིན་ཁང་ནས་ཆོས་རིག་ལས་ཁུངས་ཀྱི་ལས་དྲུང་བསྟན་འཛིན་རྣལ་འབྱོར་ལགས་སུ་བཀའ་འདྲི་ཞུས་སྐབས། ཁོང་གིས་ད་ལྟའི་ཆར་བཙན་བྱོལ་ནང་ཆོས་བརྒྱུད་རིས་མེད་ཀྱི་གནས་བབ་ཡག་པོ་ཡོད་པ་དང་འབྲེལ། དེ་ལྟ་བུ་གོ་སྒྲིག་སྐབས་གྲྭ་བཙུན་མཉམ་ཞུགས་གནང་རྒྱུའི་ཐད་ངལ་བ་ཕྲན་བུ་འཕྲད་བཞིན་ཡོད་པ་སོགས་འགྲེལ་བརྗོད་གནང་བ་གོང་གི་སྒྲ་སྒམ་ནས་གསན་ཐུབ།

གཞི་རྩའི་གཞུང་ཆེན་རིས་མེད་བགྲོ་གླེང་འདི་བཞིན་ཕྱི་ལོ་ ༢༠༡༡ ལོར་ཆོས་རིག་ལས་ཁུངས་ཀྱིས་གོ་སྒྲིག་ཞུས་པའི་ཆོས་ཚོགས་ཐེངས་ ༡༡ པའི་སྐབས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་ཕེབས་དགོངས་དོན་བཞིན། ཕྱི་ལོ་ ༢༠༡༣ ལོར་བཤད་སྒྲུབ་བསྟན་པ་གོང་འཕེལ་ལྷན་ཚོགས་ཚོགས་ཏེ་ཆོས་སྡེ་ཁག་གི་སློབ་གཉེར་བ་ལྷན་འཛོམས་ཀྱིས་བགྲོ་གླེང་གནང་དགོས་པའི་གྲོས་ཆོད་གཞིར་བཟུང་། མཐར་ཕྱི་ལོ་ ༢༠༡༥ ལོ་ནས་འགོ་འཛུགས་ཀྱིས་ཐོག་མ་དཔལ་ལྡན་སྟོད་རྒྱུད་གྲྭ་ཚང་དང་། རིམ་པའི་གདན་ས་དཔལ་སྤུངས་ཤེས་རབ་གླིང་དང་། དཔལ་སྐྱ་མཐོ་སློབ། དཔལ་གཤེན་བསྟན་སྨན་རི་གླིང་། རྒྱ་གར་ལྷོ་ཕྱོགས་ཐེག་མཆོག་རྣམ་གྲོལ་བཤད་སྒྲུབ་དར་རྒྱས་གླིང་། དགའ་ལྡན་རྣམ་པར་རྒྱལ་བའི་གླིང་བཅས་སུ་ཚོགས་ཡོད་པ་དང་། ཐེངས་འདིར་ཁམས་སྒར་འབྲུག་མཐོ་སློབ་དྷརྨ་ཀཱ་རར་ཚོགས་ཡོད་པ་མ་ཟད། གཞུང་ཆེན་རིས་མེད་བགྲོ་གླེང་ཐེངས་ ༨ དེ་དཔལ་སྐྱའི་ཆོས་སྡེ་ཞིག་ཏུ་འཚོག་རྒྱུ་ཡིན་པ་རེད་འདུག

འབྲེལ་ཡོད་གསར་གནས།

གསར་གནས།