Tibetan Royal Year of 2151 | Year of the Wood Dragon

༸གོང་ས་མཆོག་གིས་སྐུ་ཞབས་ Justin Trudeau མཆོག་སླར་ཁེ་ན་ཌའི་སྲིད་བློན་དུ་འདེམས་ཐོན་བྱུང་བར་འཚམས་འདྲི་མཛད་པ།

Tibetan News Headlines

  • ༸གོང་ས་མཆོག་གིས་སོག་པོའི་དད་ལྡན་པ་རྣམས་ལ་ཉིན་གཉིས་ཀྱི་ཆོས་འབྲེལ་དབུ་འཛུགས།
  • ༸སྐུའི་གཅུང་མོ་ཨ་མ་རྗེ་བཙུན་པདྨ་ལགས་སུ་ Pearl S. Buck ཆེ་བསྟོད་གཟེངས་རྟགས་འབུལ་བཞེས།
  • བཞུགས་སྒར་རྡ་རམ་ས་ལར་བོད་ཀྱི་བེུད་ལྷན་ཚོགས་ཀྱི་ཚོགས་ཆེན་ཐེངས་ ༡༤ པ་དབུ་འཛུགས།
  • རྒྱ་གཞུང་གིས་བོད་དང་ཤིན་ཅང་ནང་སྤེལ་བཞིན་པའི་བྱ་སྤྱོད་ནི་འཆར་གཞི་ལྡན་པའི་མི་རིགས་རྩ་གཏོར་གྱི་སྲིད་བྱུས་ཡིན་པ་ཐེར་འདོན།
  • མོན་གྷོ་འདོད་རྒུ་གླིང་དུ་དྲག་ཆར་རླུང་ཚུབ་བྱུང་ཡང་མི་ཤི་སྐྱོན་ཆག་རིགས་བྱུང་མིན་འདུག

Friday 19/04/2024

  • Dalai Lama begins two-day teaching on ‘Gaden Lhagyama’ to Mongolian devotees
  • Jetsun Pema receives Randolph’s Pearl S. Buck award
  • 14th Tibetan Women Association General Body Meeting begins in Dharamshala
  • China spearheading systematic elimination of civilization and people, says UN expert
  • Mundgod Tibetan settlement hit with severe thunderstorm

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རེས་གཟའ་ཟླ་བའི་མཚན་མོར་ཁེ་ན་ཌའི་རྒྱལ་ཡོངས་འོས་བསྡུ་ཆེན་མོ་ཐེངས་ ༤༤ པའི་ཁྲོད་སྐུ་ཞབས་ Justin Trudeau མཆོག་གིས་དབུ་ཁྲིད་པའི་གཞུང་འཛིན་ཚོགས་པར་སླར་ཡང་རྒྱལ་ཁ་ཐོབ་པར་འཚམས་འདྲིའི་གསུང་འཕྲིན་ཞིག་སྩལ་བ་དང་སྦྲགས་ཏེ་ཁོང་གི་སྲིད་བློན་གྱི་ལས་ཡུན་རིང་ལ་དགོངས་དོན་མཐའ་དག་བགེག་བར་མེད་པར་ལྷུན་འགྲུབ་ཡོང་བའི་ཐུགས་སྨོན་མཚམས་སྦྱོར་མཛད་འདུག༸གོང་ས་མཆོག་གིས་ཁ་སང་ཕྱི་ཟླ་ ༩ ཚེས་ ༢༢ ཉིན་སྩལ་བའི་གསུང་འཕྲིན་དེའི་ནང་། འཛམ་གླིང་མི་མང་ཡོངས་ལ་གཉན་རིམས་ཁྱབ་གདལ་གྱིས་ཛ་དྲག་ངལ་བ་འཕྲད་བཞིན་པའི་སྐབས་སུ་སྐུ་ཞབས་ Trudeau མཆོག་གིས་དབུ་ཁྲིད་པའི་འོག་ཁེ་ན་ཌའི་ནང་དུ་ནད་ཡམས་ལ་གདོང་ལེན་གྱི་ཕྱག་ལས་གནང་ཕྱོགས་དང་། ལྷག་དོན་ཁེ་ན་ཌ་གཞུང་མང་གཉིས་ཀྱིས་ཡུན་རིང་ནས་ངལ་བ་འཕྲད་པའི་རྒྱལ་ཁབ་གཞན་གྱི་མང་ཚོགས་ཚོ་ཁེ་ན་ཌའི་ནང་ཕེབས་བསུའི་སྣེ་ལེན་གནང་བཞིན་བའི་བྱམས་བརྩེ་ཅན་གྱི་སྲིད་བྱུས་ལ་ཡི་རངས་མཛད་བཞིན་ཡོད་པར་བཀའ་སྩལ་བ་དང་ཆབས་ཅིག མགོན་པོ་༸གང་ཉིད་མཆོག་རྒྱལ་ཁབ་དེའི་ཆེ་བསྟོད་མི་སེར་ཡིན་པའི་ཆ་ནས་ཀྱང་ཁེ་ན་ཌས་གཏོང་ཕོད་ཆེན་པོས་འགྲོ་བ་མིའི་བདེ་སྡུག་ལ་ཐུགས་འཁུར་ཆེ་བཞེས་ཀྱིས་ཕྱག་ལས་གནང་སྟངས་ལ་སྤོབས་པ་ཡོད་ཅེས་བཀའ་སྩལ་ཡོད།དེ་བཞིན་འདས་པའི་ལོ་མང་གི་དུས་ཡུན་ནང་༸གོང་ས་༸སྐྱབས་མགོན་ཆེན་པོ་མཆོག་ཁུལ་དེར་ཆིབས་སྒྱུར་མཛད་སྐབས་ཁེ་ན་ཌའི་སྤྱི་ཚོགས་ཁྱོན་ཡོངས་ནས་མགོན་པོ་༸གང་ཉིད་མཆོག་ལ་མཛའ་བརྩེའི་འདུན་པ་ཤུགས་ཆེ་བསྟན་པ་དེས་མགོན་པོ་མཆོག་ལ་ཐུགས་འགུལ་ཐེབས་ཡོད་སྐོར་བཀའ་སྩལ་བ་དང་ཆབས་ཅིག སྐུ་ཞབས་ Trudeau མཆོག་གི་ཡབ་དམ་པ་ཁེ་ན་ཌའི་སྲིད་བློན་ཡིན་པའི་སྐབས་ནས་བཟུང་ཁེ་ན་ཌ་གཞུང་གིས་བོད་མི་སྐྱབས་བཅོལ་བ་ཚོ་ཡུལ་དེའི་ནང་གནས་སྤོས་ཞུ་རྒྱུ་ཐད་རོགས་རམ་ཤུགས་ཆེ་གནང་བཞིན་པའི་ལས་འཆར་ལ་དམིགས་བསལ་གྱི་ཐུགས་རྗེ་ཆེ་ཞེས་དང་ཁུལ་དེར་གཞིས་སྡོད་བོད་མི་ཚོས་ཀྱང་སྤྱི་ཚོགས་ལ་ལེགས་སྐྱེས་འབུལ་བཞིན་ཡོད་པ་རེད་ཅེས་བཀའ་སྩལ་མཛད་འདུགགསུང་འཕྲིན་གྱི་མཇུག་ཏུ་འབྱུང་འགྱུར་སྐུ་ཉིད་མཆོག་གི་སྲིད་བློན་གྱི་ལས་ཡུན་རིང་ལ་ཁེ་ན་ཌའི་མང་ཚོགས་ཀྱི་མངོན་འདོད་དང་མཐུན་པའི་མདུན་སྐྱོད་ཀྱིས་བྱ་བ་མཐའ་དག་ལེགས་འགྲུབ་ཡོང་བའི་ཐུགས་སྨོན་མཚམས་སྦྱོར་བཅས་སྩལ་ཡོད་པ་རེད།གཞི་རྩའི་ཐེངས་འདིའི་ཁེ་ན་ཌའི་རྒྱལ་ཡོངས་འོས་བསྡུ་ཆེན་མོ་སྐབས་ Conservative Party འམ་རྙིང་ཞེན་གྱི་ཚོགས་པར་ཁྱོན་ཞབས་སྟེགས་ ༡༡༩ ཐོབ་པ་དང་སྐུ་ཞབས་ Trudeau མཆོག་གིས་དབུ་ཁྲིད་པའི་གུ་ཡངས་ཚོགས་པར་ཁྱོན་ཞབས་སྟེགས་ ༡༥༨ ཐོབ་པའི་ཐོག་ནས་གཞུང་འཛིན་གནང་རྒྱུ་ཡིན་པ་རེད། སྐུ་ཞབས་ Trudeau མཆོག་གིས་རང་ཉིད་ཀྱི་འཕྲུལ་སྒྲའི་ཐོག་ཁེ་ན་ཌའི་མང་ཚོགས་ཀྱིས་གུ་ཡངས་ཚོགས་པར་ཡིད་ཆེས་དང་བཀྲག་མདངས་ལྡན་པའི་མ་འོངས་གདམ་ག་གནང་སྟེ་འོས་ཤོག་འཕངས་པར་ཐུགས་རྗེ་ཆེ་ཞུས་པ་དང་སྦྲགས་ཏེ། ང་ཚོའི་ངོས་ནས་གཉན་རིམས་ ༡༩ ལ་གདོང་ལེན་གནང་ཕྱིར་མདུན་སྐྱོད་དང་ལྷག་དོན་ཁེ་ན་ཌའི་ཆེད་དུ་མདུན་སྐྱོད་གནང་རྒྱུ་ཡིན་ཞེས་གསུངས་འདུགསྐུ་ཞབས་ Justin Trudeau མཆོག་ད་ལན་སླར་ཡང་ཁེ་ན་ཌའི་སྲིད་བློན་དུ་འདེམས་ཐོན་བྱུང་བར་ཨ་རིའི་སྲིད་འཛིན་ཇོ་བྷ་ཌན་མཆོག་གིས་གཙོས་པའི་དབྱིན་ཡུལ་གྱི་སྲིད་བློན་ Boris Johnson མཆོག་དང་རྒྱ་གར་གྱི་སྲིད་བློན་ Narendra Modi མཆོག་སོགས་ཀྱིས་དགའ་བསུའི་འཚམས་འདྲི་ཞུས་པ་དང་འབྲེལ་ཏེ། ཁེ་ན་ཌ་དང་རྒྱལ་ཁབ་ཕན་ཚུན་དབར་གྱི་འབྲེལ་ལམ་དང་ཟུང་འབྲེལ་གྱི་ཐོག་ནས་དཔལ་འབྱོར་དང་གཉན་རིམས་༡༩ ལ་གདོང་ལེན་གནང་དགོས་པའི་དགོངས་འཆར་གནང་འདུག

འབྲེལ་ཡོད་གསར་གནས།

གསར་གནས།