Tibetan Royal Year of 2151 | Year of the Wood Dragon

དབྱིན་ཡུལ་གྲོས་ཚོགས་ནང་བོད་ཀྱི་ལོ་གསར་སྲུང་བརྩི།

Tibetan News Headlines

  • In conversation with 3 former bodyguards of the Dalai Lama

རེས་གཟའ་ཉི་མ། ༢༠༢༤།༠༦།༡༦

  • ༸གོང་ས་མཆོག་གི་༸སྐུའི་སྲུང་བྱའི་ཐོག་ཞབས་ཞུ་བསྒྲུབས་མྱོང་མཁན་སྐུ་སྲུང་ཟུར་པ་གསུམ་དང་གླེང་མོལ།

དབྱིན་ཡུལ་གྲོས་ཚོགས་ནང་དུ་ཁུལ་དེའི་གྲོས་ཚོགས་འཐུས་མི་སྐོར་ཞིག་དང་ས་གནས་སུ་ཡོད་པའི་གཞུང་ཚབ་ཁག་ཅིག་གི་སྐུ་ཚབ་རྣམ་པ་ལྷན་འཛོམས་ཐོག་རབ་གནས་ས་ཁྱི་ལོའི་བོད་ཀྱི་ལོ་གསར་སྲུང་བརྩི་ཞུས་པ་དང་སྦྲགས། བོད་ནང་གི་འགྲོ་བ་མིའི་ཐོབ་ཐང་སྲུང་སྐྱོབ་དགོས་གལ་སྐོར་འབོད་སྐུལ་ཞུས་འདུག

ལས་རིམ་འདི་ནི་ཁུལ་དེའི Tibet Society བོད་དོན་རྒྱབ་སྐྱོར་ཚོགས་པ་དང་དབྱིན་ཡུལ་གྱི་ཆབ་སྲིད་ཚོགས་པ་འདྲ་མིན་ལས་གྲུབ་པའི་གྲོས་ཚོགས་བོད་དོན་རྒྱབ་སྐྱོར་ཚོགས་པ་གཉིས་ཐོུང་གིས་གོ་སྒྲིག་ཞུས་པ་ཆེས་ཐོག་མ་ཞིག་ཆགས་ཀྱི་འདུག་པ་དང་། མཛད་སྒོའི་ཐོག་དབྱིན་ཡུལ་གྱི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ Chris law ལགས་དང་ Tibet Society ཚོགས་པའི་ཚོགས་གཙོ་སྐུ་ཞབས་ Norman Baker ལགས་རྣམ་གཉིས་ནས་ས་ཁྱི་ལོའི་བོད་ཀྱི་ལོ་གསར་པའི་འཚམས་འདྲིའི་གསུང་བཤད་གནང་འདུག

Tibet Society ཚོགས་པའི་ཚོགས་གཙོ་གྲོས་ཚོགས་འཐུས་མི་སྐུ་ཞབས་ Norman Baker ལགས་ཀྱིས་ལས་རིམ་འདི་ལྟ་བུ་དུས་སང་ནས་མུ་མཐུད་སྲུང་བརྩི་ཞུས་ཐུབ་པའི་རེ་བ་ཡོད་པ་གསུངས་འདུག་པ་དང་། དབྱིན་ཡུལ་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ Chris Law ལགས་ནས་སྐབས་དེའི་མཛད་སྒོའི་ཐོག་ཕེབས་པའི་གྲོས་ཚོགས་འཐུས་མི་རྣམས་ལ་ཁོང་སྐུ་སྒེར་གྱི་ངོས་ནས་བོད་དང་བོད་མིར་རྒྱབ་སྐྱོར་ཤུགས་ཆེ་གནང་མུས་སྐོར་གསུངས་པ་དང་ཆབས་ཅིག ཕྱག་སྦྲེལ་གྲོས་ཚོགས་འཐུས་མི་རྣམ་པའི་ངོས་ནས་ཀྱང་བོད་ནང་གི་འགྲོ་བ་མའི་ཐོབ་ཐང་སྲུང་སྐྱོབ་ཡོང་སླད་དུ་མཉམ་རུབ་ཀྱི་རྒྱབ་སྐྱོར་གནང་སྐྱོང་ཡོང་བའི་གཞེན་སྐུལ་གནང་འདུག

བོད་རྒྱལ་ལོ་ ༢༡༤༥ རབ་གནས་ས་ཁྱི་ལོའི་གནམ་ལོ་གསར་དུ་བཞད་པའི་དགའ་སྟོན་གྱི་མཛད་སྒོ་དེའི་སྟེང་གྲོས་འཐུས་མི་སྐུ་ཞབས་ Chris Law ལགས་དང་ Kerry McCarthy ལགས་ཀྱིས་གཙོས་པའི་ཆབ་སྲིད་ཚོགས་པ་འདྲ་མིན་གྱི་འཐུས་མི་ ༥ དང་ས་གནས་སུ་ཡོད་པའི་ཕྱི་རྒྱལ་གཞུང་ཚབ་ཁག་ཅིག་གི་སྐུ་ཚབ་བཅས་ཕེབས་ཡོད་པ་རེད།

འབྲེལ་ཡོད་གསར་གནས།

གསར་གནས།