Tibetan Royal Year of 2151 | Year of the Wood Dragon

ནེ་ཐར་ལན་ཌི་རྒྱལ་པོས་རྒྱ་ནག་གི་འགྲོ་བ་མིའི་ཐོབ་ཐང་གི་གནས་སྟངས་ལ་ངོས་ལེན་མེད་པ་གསུངས་འདུག

Tibetan News Headlines

  • མན་སྤར་ཕན་བདེ་གླིང་བོད་མིའི་གཞིས་ཆགས་ཀྱི་ཞིང་པ་གཉིས་དང་གླེང་མོལ། 

Sunday 21/04/2024

  • Continuing Tradition: Meet the second Generation Tibetan Farmers in Mainpat Phendeyling

ཌར་ཅ་ (Dutch) གྱི་རྒྱལ་པོ་ Willེem Alexander མཆོག་གིས་ནེ་ཐར་ལན་ཌི་ (Netherland) རྒྱལ་ཁབ་དང་མི་སེར་ངོས་ནས་རྒྱ་ནག་ནང་གི་འགྲོ་མིའི་ཐོབ་ཐང་གི་གནས་སྟངས་དང་། དེའི་ཐོག་ལ་རྒྱ་གཞུང་གིས་འཛིན་བཞིན་པའི་སྲིད་བྱུས་ཁག་ལ་ངོས་ལེན་མེད་ཅེས་གསུངས་ཡོད་པ་རེད།  ཁ་སང་ཕྱི་ཚེས་ ༢༧ ཉིན་ཌར་ཅ་ (Dutch News) གསར་ཁང་གིས་དྲ་རྒྱ་ཐོག་སྤེལ་བའི་གནས་ཚུལ་ལ་གཞིགས་ན། ནེ་ཐར་ལན་ཌི་རྒྱལ་པོ་Willem Alexander ལགས་ཟླ་འདིའི་ཚེས་ ༢༥ ཉིན་ནས་དབུ་འཛུགས་ཀྱིས་རྒྱ་ནག་ནང་གཞུང་འབྲེལ་ཕྱོགས་བསྐྱོད་གནང་བཞིན་ཡོད་པ་རེད། དེ་ཡང་ཕྱི་ཚེས་ ༢༦ ཉིན་རྒྱ་ནག་མི་དམངས་ཚོགས་ཁང་ཆེན་མོའི་ནང་ལ་གཞུང་འབྲེལ་གསོལ་སྟོན་ཐོག་རྒྱལ་པོ་མཆོག་གིས་རྒྱ་ནག་དང་ ནེ་ཐར་ལན་ཌི་གཉིས་ཀྱི་དབར་ལ་དཔལ་འབྱོར་དང་ཚོང་འབྲེལ་སོགས་ཀྱི་ཐད་ལ་བསམ་བློ་མཐུན་པའི་ཆ་མང་པོ་ཡོད་ན་ཡང་། ནེ་ཐར་ལན་ཌིའི་རྒྱལ་ཁབ་དང་གཞུང་འཛིན་ངོས་ནས་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཐད་ལ་ངོས་ལེད་ནམ་ཡང་མེད་པ་གསུངས་འདུག Queen-Maxima-0 xiiii དེ་བཞིན་སྐབས་དེར་རྒྱལ་པོ་མཆོག་གིས་རྒྱ་ནག་རྒྱལ་ཁབ་ནས་རྒྱལ་སྤྱའི་ཐོག་ཚོང་དང་དཔལ་འབྱོར་གྱི་མཐུན་རྐྱེན་མང་དག་ཞིག་བསྐྲུན་བཞིན་པར་བསྔགས་བརྗོད་གནང་པ་མ་ཟད། ནེ་ཐར་ལན་ཌི་རྒྱལ་ཁབ་ངོས་ནས་ཀྱང་རྒྱ་ནག་ལྷན་དུ་ཚོང་དང་དཔལ་འབྱོར་གྱི་འབྲེལ་ལམ་ཐད་ལ་མུ་མཐུད་གྲོས་བསྡུར་དང་གྲོས་ཆོད་སོགས་འཇོག་རྒྱུར་གྲ་སྒྲིག་ཡོད་པ་གསུངས་འདུག ད་དུང་ཡུལ་གཉིས་ཀྱི་དབར་ལ་བསམ་ཚུལ་མི་མཐུན་པའི་གཞི་ནི་འགྲོ་བ་མིའི་ཐོབ་ཐང་གི་གནད་དོན་ཡིན་སྟབས། དེའི་ཐད་ངེས་པར་དུ་གླེང་སློང་གནང་གལ་ཡིན་པར་ངོས་འཛིན་གནང་གི་ཡོད་སྐོར་གསུངས་འདུག  གནས་ཚུལ་དེ་དང་འབྲེལ་རྒྱལ་སྤྱིའི་ཉེ་ཡངས་ཚོགས་པའི་ངེས་སྟོན་པ་སྐུ་ཞབས་ Eduard Nazarksi ལགས་ཀྱིས་ཀྱང་རྒྱལ་པོ་ Willem Alexander ལགས་ལ་ཆེ་བསྟོད་དང་སྦྲགས། ད་རེས་རྒྱལ་པོ་མཆོག་ནས་རྒྱ་ནག་ལྷན་དུ་ཚོང་གི་གནད་དོན་ཙམ་མ་ཡིན་པར་འགྲོ་བ་མིའི་ཐོབ་ཐང་གི་གནད་དོན་སྐོར་ལ་མང་ཚོགས་འདུ་འཛོམས་བྱུང་བའི་ཐོག་ཕྱི་གསལ་ནང་གསལ་ངང་གླེང་སློང་གནང་པར་དགའ་བསུ་ཡོད་ཅེས་བཞུས་གནང་འདུག  ཡང་དེ་བཞིན་སང་ཉིན་ནས་German སྲིད་བློན་ Angela Merkel མཆོག་རྒྱ་ནག་ནང་གཞུང་འབྲེལ་ཕྱོགས་བསྐྱོད་དུ་བསྐྱོད་གནང་པ་དང་བསྟུན། རྒྱལ་སྤྱིའི་ཉེ་ཡངས་ཚོགས་པ་དང་རྒྱལ་སྤྱིའི་བོད་དོན་ལས་འགུལ་ཁང་། དེ་བཞིན་རྒྱལ་སྤྱིའི་ཡུ་གུར་ World Uyghur Congress ཚོགས་པ་བཅས་ཚོགས་པ་གསུམ་གྱིས་སྲིད་བློན་མཆོག་ནས་རྒྱ་ནག་ལྷན་དུ་འགྲོ་བ་མིའི་ཐོབ་ཐང་གི་གནད་དོན་སྐོར་ལ་གླེང་སློང་གནང་དགོས་པའི་ཞུ་སྙན་ཕུལ་ཡོད་པ་རེད།

འབྲེལ་ཡོད་གསར་གནས།

གསར་གནས།