Tibetan Royal Year of 2151 | Year of the Wood Dragon

བོད་ནམ་ཡང་མ་བརྗེད་ཅེས་པའི་རྐང་འཁོར་སྐོར་བསྐྱོད་ཀྱི་ལས་འགུལ་དབུ་འཛུགས།

Tibetan News Headlines

  • Dalai Lama congratulates president Murmu on her 66th birthday
  • China places stringent restrictions on access to sacred Tibetan religious site in Golok
  • Tibetans worldwide hold prayer vigils for Dalai Lama’s successful knee surgery
  • Xi’s visit to Tibetan areas in Qinghai shows continuation of his Sinicization policy
  • Australian Tibetan protestor hospitalized after attack by China supporter during Li Qiang’s visit
  • US approves new $360 million arms sale to Taiwan for drones, related equipment

རེས་གཟའ་ཕུར་བུ། ༢༠༢༤།༠༦།༢༠

  • ༸གོང་ས་མཆོག་གིས་རྒྱ་གར་གྱི་སྲིད་འཛིན་ Murmu མཆོག་གི་སྐྱེས་སྐར་ཉིན་འཚམས་འདྲི་སྩལ་བ། མགོ་ལོག་ཁུལ་གྱི་གནས་ཆེན་གཉན་པོ་གཡུ་རྩེ་རུ་ཆོས་ཕྱོགས་ཀྱི་བྱེད་སྒོར་དམ་བསྒྲགས།
  • བོད་མི་ཚོས་༸གོང་ས་མཆོག་གི་ཞབས་པུས་སྨན་བཅོས་ལེགས་གྲུབ་ཡོང་བའི་གསོལ་འདེབས་སྨོན་ལམ་ཞུ་བཞིན་འདུག
  • ཞི་ཅིན་ཕིང་གི་མཚོ་སྔོན་ལྟ་སྐོར་དེ་ནི་རྒྱ་གཞུང་གིས་བོད་མིའི་ཐོག་རྒྱ་བསྒྱུར་གྱི་སྲིད་བྱུས་དེ་མུ་མཐུད་ལག་བསྟར་མཁྲེགས་འཛིན་བྱེད་བཞིན་པའི་རྣམ་པ་རེད།
  • ཨོ་གླིང་བོད་མི་ཞི་རྒོལ་བར་རྒྱ་ནག་རྒྱབ་སྐྱོར་བས་ཉེས་རྡུང་གིས་སྨན་ཁང་དུ་བསྐྱལ་དགོས་བྱུང་འདུག
  • ཨ་རིས་ཐའེ་ཝན་ལ་ཨ་སྒོར་ས་ཡ་ ༣༦༠ ལྷག་གི་གོ་ལག་ཚོང་འགྲེམས་བྱ་རྒྱུ།

དེ་རིང་ཕྱི་ཚེས་ ༡༢ ཉིན་གྱི་སྔ་དྲོ་ཕྱ་ཚོད་ ༡༡ ཐོག་བོད་མི་འཇམ་དབྱངས་བསྟན་འཛིན་ལགས་ཀྱིས་ང་ཚོས་བོད་ནམ་ཡང་མ་བརྗེད་ཅེས་པའི་འབོད་ཚིག་འོག་བཞུགས་སྒར་རྡ་རམ་ས་ལ་ནས་གནས་མཆོག་རྡོ་རྗེ་གདན་བར་ལམ་ཐག་སྤྱི་ལེ་ ༢༠༠༠ ལྷག་གི་རྐང་འཁོར་སྐོར་བསྐྱོད་ཀྱི་ཞི་བའི་ལས་འགུལ་ཞིག་དབུ་འཛུགས་གནང་སོང་།

འདི་ག་རླུང་འཕྲིན་ཁང་གིས་ཁོང་ལ་ལས་འགུལ་དེ་དང་འབྲེལ་ནས་བཀའ་འདྲི་ཞུས་སྐབས་ཁོང་གིས། ལས་འགུལ་དེའི་བརྒྱུད་ནས་གནས་ཡུལ་རྒྱ་གར་ཡུལ་མིའི་ཁྲོད་དུ་བོད་དོན་དྲིལ་བསྒྲགས་བྱ་རྒྱུ་དང་། བོད་མིའི་སྤྱི་ཚོགས་ནང་བོད་སྤྱིའི་རྩ་དོན་འཐབ་རྩོད་གལ་འགངས་ཆེ་བ་ཡོད་པའི་དྲན་སྐུལ་ཞུ་རྒྱུ། དེ་བཞིན་འཆར་ལོའི་ནང་དབུས་བོད་མིའི་སྒྲིག་འཛུགས་ཀྱི་ལས་དོན་དང་གྲོས་ཚོགས་སོགས་གང་སྤྱིའི་ཐད་ནས་ཚགས་ཚུད་ལེགས་གྲུབ་ཡོང་བའི་སྨོན་འདུན་དང་། བོད་རིགས་གཞོན་སྐྱེས་ཚོར་མ་འོངས་པར་བོད་དོན་ལས་འགུལ་སྤེལ་རྒྱུའི་ཐད་སྐུལ་མའམ་སེམས་ཤུགས་སྤེལ་རྒྱུ་བཅས་ལ་དམིགས་པ་ཞིག་ཡིན་པ་མ་ཟད། དེ་ལྟ་བུ་བོད་དོན་གྱི་ལས་འགུལ་སྤེལ་རྒྱུ་དང་མཉམ་ཞུགས་གནང་རྒྱུ་སོགས་ནི་ཁོང་རང་ཉིད་ཀྱི་ཕ་དམ་པའི་བོད་ལ་བཅངས་པའི་ལ་རྒྱ་དང་རྒྱལ་ཞེན་བཅས་ཀྱི་བསམ་བློ་ལས་སེམས་འགུལ་ཐེབས་པ་ཞིག་ཡིན་པ་འགྲེལ་བརྗོད་གནང་སོང་།

དེ་བཞིན་འཇམ་དབྱངས་བསྟན་འཛིན་ལགས་ཀྱིས་ལས་འགུལ་དེ་ནི་ཉིན་གྲངས་ ༥༥ ཙམ་གྱི་འཆར་གཞི་ཞིག་ཡིན་པ་དང་། ཐེངས་འདིའི་ལས་འགུལ་དེ་བཞིན་བོད་དོན་ཐོག་སེམས་ནང་སེམས་ཚབས་ཆེན་པོ་ཞིག་ཡོད་པའི་རྐྱེན་གྱིས་སྤེལ་བ་ཞིག་ཡིན་པ་མ་ཟད། དེའི་བརྒྱུད་ནས་གོང་གི་དམིགས་ཡུལ་དེ་དག་བསྒྲུབ་པའི་རེ་བ་དང་། ལྷག་པར་དུ་བོད་རིགས་གཞོན་སྐྱེས་རྣམས་ནས་བོད་དོན་ཐོག་ཐུགས་འཁུར་བཞེས་ཆེད་ཡིན་པ་གསུངས་སོང་།

རྩ་བའི་དེ་རིང་ལས་འགུལ་དེ་དབུ་འཛུགས་མ་ཞུས་གོང་དུ་འཇམ་དབྱངས་བསྟན་འཛིན་ལགས་སུ་བཞུགས་སྒར་མེག་གྷན་ཁྲོམ་གཞུང་དུ་བོད་ཀྱི་གཞོན་ནུ་ལྷན་ཚོགས་དང་། བོད་ཀྱི་བུད་མེད་ལྷན་ཚོགས། དེ་བཞིན་ཚོགས་སྒེར་གཞན་ཁག་གིས་དཀར་གཙང་མཇལ་དར་གྱིས་སྨོན་འདུན་ཞུས་རྗེས་མེག་གྷན་ཁྲོམ་གཞུང་དུ་རྐང་འཁོར་ཐོག་སྐོར་བ་ལེན་གསུམ་རྒྱག་སྟེ་བོད་རྒྱལ་ལོ་ཞེས་འབོད་པའི་ཐོག་ནས་ཞི་བའི་ལས་འགུལ་དབུ་འཛུགས་གནང་ཡོད་པ་རེད།

གཞི་རྩའི་འཇམ་དབྱངས་བསྟན་འཛིན་ལགས་ལྟ་བུ་ཆ་མཚོན་ན། དྷེ་ར་དྷུན་གནས་སྡོད་བྱེད་མཁན་བོད་མི་ཞིག་ཡིན་པ་དང་འབྲེལ། ད་ལྟའི་ཆར་ཁོང་དགུང་ལོ་ ༦༣ ཡིན་པ་དང་། དུས་རྒྱུན་ནས་བོད་ཀྱི་གཞོན་ནུའི་ལས་འགུལ་སོགས་ཀྱི་ནང་མཉམ་ཞུགས་གནང་མཁན་ཞིག་ཡིན་པ་རེད་འདུག

འབྲེལ་ཡོད་གསར་གནས།

གསར་གནས།