Tibetan Royal Year of 2151 | Year of the Wood Dragon

འཇར་མ་ན་སྲིད་འཛིན་མཆོག་གིས་རྒྱ་གཞུང་དང་ལྟ་ཕྱོགས་མི་མཐུན་པའི་མི་སྣ་ཁག་ཅིག་དང་མཇལ་འཕྲད་གནང་འདུག

Tibetan News Headlines

  • མན་སྤར་ཕན་བདེ་གླིང་བོད་མིའི་གཞིས་ཆགས་ཀྱི་ཞིང་པ་གཉིས་དང་གླེང་མོལ། 

Sunday 21/04/2024

  • Continuing Tradition: Meet the second Generation Tibetan Farmers in Mainpat Phendeyling

འཇར་མ་ནི་སྲིད་འཛིན་ལྕམ་ Angela Merkel མཆོག་གིས་རྒྱ་ནག་ནང་གཞུང་འབྲེལ་འཚམས་གཟིགས་ལ་ཕེབས་སྐབས་ཁུལ་དེའི་ནང་གི་འགྲོ་བ་མིའི་ཐོབ་ཐང་རྩོད་ལེན་པ་དང་རྒྱ་གཞུང་དང་ལྟ་ཕྱོགས་མི་མཐུན་མཁན་གྱི་མི་སྣ་དགུའི་ལྷན་མཇལ་འཕྲད་གནང་ཡོད་པ་རེད། དེ་ཡང་ཉེ་ཆར་ཕྱི་ཟླ་ ༡༠ ཚེས་ ༣༠ ཉིན་ Bloomberg ལ་སོགས་པའི་རྒྱལ་སྤྱིའི་བརྒྱུད་ལམ་ཁག་གི་དྲ་གནས་ཐོག་གནས་ཚུལ་སྤེལ་བར་གཞིགས་ན། འཇར་མ་ནི་དང་རྒྱ་ནག་དབར་ཚོང་གི་འབྲེལ་ལམ་གོང་མཐོར་བཏང་བར་དམིགས་ཏེ་ཟླ་བ་སྔོན་མའི་ཟླ་མཇུག་ཏུ་འཇར་མ་ནི་(Germany)སྲིད་འཛིན་ལྕམ་ Angela Merkelarticle-2683601-1F73E6CE00000578-67_634x457 མཆོག་རྒྱ་ནག་ནང་ཉིན་གཉིས་རིངགཞུང་འབྲེལ་འཚམས་གཟིགས་ལ་ཕེབས་པའི་ཁྲོད། ཕྱི་ཚེས་ ༢༩ ཉིན་གྱི་ཕྱི་དྲོ་རྒྱ་ནག་གི་རྒྱལ་ས་པེ་ཅིང་ནང་དུ་རྟེན་གཞི་བྱས་པའི་འཇར་མ་ནི་གཞུང་ཚབ་ཁང་ནང་དུ། ལྕམ་ Merkel མཆོག་ནས་འགྲོ་བ་མིའི་ཐོབ་ཐང་རྩོད་མཁན་གྱི་རྒྱ་རིགས་ཁྲིམས་རྩོད་པ་དང། རྩོམ་པ་པོ། དྲ་ཚིགས་འཇོག་མཁན་སོགས་མི་སྣ་དགུའི་ལྷན་དུ་མཇལ་འཕྲད་གནང་ཡོད་པ་རེད།  སྐབས་དེར་རྒྱ་རིགས་ལས་འགུལ་བ་རྣམས་ནས་སྲིད་འཛིན་ Merkel མཆོག་ལ་ ༢༠༡༢ ལོར་ XiJinping རྒྱ་ནག་གི་འགོ་ཁྲིད་ཆགས་པ་ནས་བཟུང་ད་བར་རྒྱ་ནག་ནང་འགྲོ་བ་མིའི་ཐོབ་ཐང་གི་གནས་སྟངས་ཇེ་ཞན་ཇེ་སྡུག་ཏུ་ཕྱིན་ཡོད་པ་སོགས་སྙན་གསེང་ཞུས་ཡོད་པ་རེད་འདུག དེའི་ཐད་རྒྱ་ནག་གི་ Hubei མངའ་ཁུལ་དུ་རྟེན་གཞི་བྱས་པའི་རྒྱ་ནག་གི་སྤྱི་དམངས་ཐོབ་ཐང་དང་འཚོ་བའི་ལྟ་ཞིབ་ཚོགས་པ་གསར་བཙུགས་ གནང་མཁན་སྐུ་ཞབས་ LiuFeiyui ལགས་ཀྱིས་མཇལ་འཕྲད་དེར་དགའ་བསུ་ཞུས་པ་དང་། ཁོང་གིས་ཉེ་ཆར་དབྱིན་ཡུལ་གཞུང་གིས་རྒྱ་ སྲིད་འཛིན་ Xi Jinping ལ་སྣེ་ལེན་ཞུས་སྟངས་སོགས་ལུང་འདྲེན་གནང་པ་མ་ཟད། ལྷག་དོན་རྒྱལ་སྤྱིའི་སྤྱི་ཚོགས་པ་དང། ཡར་ཐོན་ཅན་གྱི་ནུབ་ཕྱོགས་མང་གཙོ་རྒྱལ་ཁབ་མང་དག་ཞིག་ནས་རྒྱ་ནག་གི་དཔལ་འབྱོར་གྱི་སྟོབས་ཤུགས་འོག་མགོ་སྒུར་བའི་ལམ་སྲོལ་ཆགས་ཡོད་པ་དེས་རྒྱལ་ཁབ་དེ་དག་ནས་རང་དབང་དང་མང་གཙོ། འགྲོ་བ་མིའི་ཐོབ་ཐང་སོགས་རིན་ཐང་འབྲལ་བའི་ལྟ་གྲུབ་ལ་རྒྱབ་སྐྱོར་བྱེད་ཀྱི་ཡོད་པ་བརྗེད་ཀྱི་ཡོད་པའི་རྣམ་པ་མངོན་པ་དང། དེའི་ཐད་རྒྱ་ནག་ནང་གི་འགྲོ་བ་མིའི་ཐོབ་ཐང་ཐོག་རྩོད་ལེན་པ་དང་ལས་འགུལ་བ་རྣམས་ཀྱིས་སྐྱོན་བརྗོད་ཤུགས་ཆེ་བྱས་པ་འདི་བཞིན་ད་ལན་ལྕམ་ Merkel མཆོག་གི་གནང་སྟངས་དེས་རྒྱ་ནག་གི་མང་གཙོ་དོན་གཉེར་བ་རྣམས་ལ་སེམས་འགུལ་ཐེབས་གཞི་ཞིག་འགྱུར་ཡོད་པ་རེད་འདུག ལྕམ་ Merkel མཆོག་གིས་ད་བར་གནད་ཡོད་མི་སྣ་གཞན་ཚོའི་གནང་མ་ཐུབ་པའི་ཕྱག་ལས་གནད་ཆེ་ཞིག་གནང་ཡོད་པ་དེ་ལྟར་ཡང། ལྕམ་སྐུ་མཆོག་ནས་ཡོངས་བསྒྲགས་ཐོག་རྒྱ་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཐོག་གླེང་གློང་དང། རྒྱ་གཞུང་གི་བཙོན་འོག་ཏུ་ཡོད་པའི་ཆབ་སྲིད་བཙོན་པ་རྣམས་གློད་བཀྲོལ་བཏང་དགོས་པའི་དགོས་འདུན་ཞིག་ངེས་པར་དུ་བཏོན་དགོས་ངེས་ཡིན་སྐོར་གསུངས་འདུག

 

འབྲེལ་ཡོད་གསར་གནས།

གསར་གནས།