Tibetan Royal Year of 2151 | Year of the Wood Dragon

རྒྱ་གཞུང་གི་བཙོན་འོག་ཏུ་ཚུད་པའི་བོད་མིའི་རྩོམ་པ་པོ་རྣམས་ལ་རྗེས་དྲན་ཞུས་པ།

Tibetan News Headlines

  • མན་སྤར་ཕན་བདེ་གླིང་བོད་མིའི་གཞིས་ཆགས་ཀྱི་ཞིང་པ་གཉིས་དང་གླེང་མོལ། 

Sunday 21/04/2024

  • Continuing Tradition: Meet the second Generation Tibetan Farmers in Mainpat Phendeyling

དེ་རིང་ཟླ་ ༡༡ ཚེས་ ༡༥ ཉིན་གྱི་ཞོགས་པ་ཕྱག་ཚོད་ ༡༠ ཐོག་དྷ་སར་རྟེན་གཞི་བྱས་པའི་བོད་ཀྱི་དཔེ་མཛོད་ཁང་དུ་པེན་བོད་ཀྱི་རྩོམ་པ་པོ་མཐུན་ཚོགས་དང་དྷ་སར་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གཉིས་ཟུང་འབྲེལ་གྱིས་བཙོན་འོག་ཏུ་ཚུད་པའི་རྒྱལ་སྤྱིའི་རྩོམ་པ་པོའི་ཉིན་མོ་སྲུང་བརྩི་ཞུས་སོང་།སྐབས་དེར་མཛད་སྒོའི་སྐུ་མགྲོན་གཙོ་བོ་ ཨ་མྱེས་རྨ་ཆེན་བོད་ཀྱི་རིག་གཞུང་ཞིབ་འཇུག་ཁང་གི་འགན་འཛིན་ལོ་རྒྱུས་སྨྲ་བ་མཁས་དབང་བཀྲ་ཤིས་ཚེ་རིང་ལགས་དང་དམིགས་བསལ་སྐུ་མགྲོན་བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོར་ལགས་རྣམ་གཉིས་གདན་ཞུས་ཐོག་བཀག་སྡོམ་དང་དབྱེ་འབྱེད་འོག་གི་བོད་ཀྱི་རྩོམ་རིག་ཅེས་པའི་བོད་དབྱིན་སྐད་ཡིག་གཉིས་ཀྱི་ནང་ཞིབ་འཇུག་སྙན་ཐོ་རྒྱས་པ་ཞིག་དང་། དབྱིན་སྒྱུར་བྱིས་སྒྲུང་དེབ་བརྒྱད། སྙན་ངག་ཆེད་དེབ་གཅིག་བཅས་དབུ་འབྱེད་གནང་ཡོད་པ་རེད།སྐུ་མགྲོན་གཙོ་བོ་མཁས་དབང་བཀྲིས་ཚེ་རིང་ལགས་ཀྱིས་པེན་བོད་ཀྱི་རྩོམ་པ་པོ་མཐུན་ཚོགས་དང་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གཉིས་ནས་ལས་འགུལ་སྣ་མང་དང་། དཔྱད་ཞིབ་གནང་ནས་དཔེ་དེབ་མང་དག་ཞིག་འདོན་སྤེལ་གནང་བར་བསྔགས་བརྗོད་དང་འབྲེལ། དོན་དངོས་ཐོག་བཙན་བྱོལ་སྤྱི་ཚོགས་ཀྱི་བོད་པའམ་རྩོམ་པ་པོ་ཞིག་ཡིན་ཕྱིན་ཆད་དབུས་བོད་མི་སྒྲིག་འཛུགས་དང་། རྒྱ་གཞུང་། གཞིས་ལ་ཡོད་པའི་སྤུན་ཉེ། རྒྱ་གར་གཞུང་ལ་སྐྲག་ཏེ་བསྟུན་དགོས་སྟབས་རང་དབང་ཞིག་ཡོད་མ་རེད་ཅེས་གསུངས་ཡོད། དམིགས་བསལ་སྐུ་མགྲོན་དགེ་བཤེས་ལྷག་རྡོར་ལགས་ཀྱིས་འཆད་རྩོད་རྩོམ་གསུམ་སྟེ། འཆད་པ་ནི་གསལ་པོ་ཤེས་པའི་ཕྱིར་དུ་ཡིན་པ་དང་རྩོད་པ་ནི་ལོག་རྟོག་སེལ་ཕྱིར་ཡིན་པ། རྩོམ་པ་ནི་ཚིག་གི་སྦྱོར་བ་དེས་ཀློག་པ་པོར་དགའ་བ་སྐྲུན་ཐུབ་པ་ཞིག་དགོས་ཀྱི་ཡོད་སྐོར་དང་འབྲེལ། རྩོམ་པོ་པོ་མང་དག་ཞིག་གིས་ཕར་བཤུ་ཚུར་བཤུ་བྱས་པ་དང་སྔར་གྱི་མཁས་པའི་ལེགས་བྱ་ལེན་ནས་བྲིས་པ་ཙམ་ལས་རང་གི་མྱོང་ཚོར་དེ་དག་བསམ་བློ་བཏང་ནས་འབྲི་མཁན་དཀོན་པོ་ཡིན་སྟབས་བློ་སྐྱེད་གསར་པ་རྙེད་རྒྱུ་དཀོན་པོ་ཡོད་སྐོར་གྱི་དགོངས་ཚུལ་གསུངས་པ་མ་ཟད་བོད་ནང་གི་གནས་ཚུལ་དེ་དག་བརྩམས་ནས་རྒྱལ་སྤྱིའི་སྡིངས་ཆར་སླེབས་ཐབས་ལ་འབད་དགོས་པར་ལམ་སྟོན་གནང་ཡོད།

བོད་པའི་རིག་གཞུང་དེ་གཞན་དང་མི་འདྲ་བ་ཞིག་ཡོད་པ་ནི་བོད་པའི་རིག་གཞུང་ལས་ཆས་པའི་ནང་བསམ་བློ་དང་འབྲེལ་བའི་རིག་གཞུང་ཁྱད་འཕགས་བ་ཞིག་ཆགས་ཡོད་སྟབས། དེ་དག་ཉམས་སུ་ལེན་པར་འབད་བརྩོན་དང་བརྩོན་འགྲུས་གནང་གནད་ཡིན་པ་མ་ཟད་བོད་ནང་རྩོམ་རིག་རང་དབང་མེད་པར་རྟོགས་ནས་བཙན་བྱོལ་ནང་གི་རང་དབང་དེ་ལོངས་སུ་སྤྱད་དེ་དགའ་བ་བསྒོམས་ནས་འབད་དགོས་པ་གསུངས་སོང་།དེ་བཞིན་པེན་བོད་ཀྱི་རྩོམ་པ་པོ་མཐུན་ཚོགས་ཀྱི་ཚོགས་གཞོན་སྨན་ཞར་བློ་གྲོས་ལགས་ཀྱིས་བཀག་སྡོམ་དང་དབྱེ་འབྱེད་འོག་གི་བོད་ཀྱི་རྩོམ་རིག་ཅེས་པའི་ཞིབ་འཇུག་སྙན་ཐོ་དང་འབྲེལ་བའི་ངོ་སྤྲོད་གནང་ཡོད་པ་དང་། བོད་ཀྱི་དཔེ་མཛོད་ཁང་གི་ཉམས་ཞིབ་པ་དང་རྩོམ་སྒྲིག་འགན་འཛིན་ན་ག་སངས་རྒྱས་བསྟན་དར་ལགས་ཀྱིས་རྩོམ་པ་པོ་དང་རྩོམ་སྒྲིག་རང་དབང་གལ་ཆེན་ཡིན་པའི་སྐོར་གསུང་བཤད་གནང་ཡོད། དེ་བཞིན་ས་རཱ་བོད་ཀྱི་མཐོ་རིམ་སློབ་གཉེར་ཁང་གི་ལོ་རྒྱུས་སློབ་དཔོན་བསོད་ནམས་རྒྱལ་མཚན་ལགས་ནས་རིག་གཞུང་རྒྱུན་གནས་ཡོང་ཐབས་སུ་རྩོམ་པ་པོའི་གལ་གནད་སྐོར་དང་། སྨོན་ལམ་བོད་ཀྱི་བརྡ་སྒྲིག་ཞིབ་འཇུག་ཁང་གི་ཚིག་མཛོད་རྩོམ་སྒྲིག་པ་མཁན་པོ་འཇུ་བསྟན་སྐྱོང་ལགས་ནས་རྩོམ་འབྲི་རང་དབང་གལ་ཆེན་ཡིན་པ་སོགས་ཀྱི་ཐད་གསུང་བཤད་གནང་ཡོད་པ་རེད།

 

འབྲེལ་ཡོད་གསར་གནས།

གསར་གནས།