Tibetan Royal Year of 2151 | Year of the Wood Dragon

རྒྱ་གར་བོད་དོན་རྐང་འཁོར་སྐོར་སྐྱོད་བ་བསམ་གཏན་ཡེ་ཤེས་ལགས་ Tatanagar ལ་འབྱོར་འདུག

Tibetan News Headlines

  • བོད་ནང་ཕྱི་རྒྱལ་གསར་འགོད་པ་བསྐྱོད་རྒྱུར་མུ་མཐུད་དམ་དྲག་བྱེད་བཞིན་པ་མངོན་གསལ།
  • BJP ཚོགས་པའི་འོས་བསྡུའི་བསྒྲགས་གཏམ་ནང་རྒྱལ་བ་ཀརྨ་པ་རིན་པོ་ཆེ་འབྲས་ལྗོངས་ནང་དུ་གདན་འདྲེན་ཞུ་ཐབས་གནང་རྒྱུ་ཡིན་པ་གསུངས་འདུག
  • སྲིད་བློན་ Modi མཆོག་གིས་རྒྱ་ནག་དང་ལྷན་འབྲེལ་ལམ་དམ་གཟབ་འཛིན་རྒྱུ་གལ་ཆེ་ཡིན་པ་གསུངས་འདུག
  • རྒྱ་གཞུང་གིས་ཁེ་ན་ཌའི་འོས་བསྡུའི་ནང་ཐེ་གཏོགས་ཡོད་པ་མངོན་གསལ།
  • རྒྱ་གཞུང་གིས་ཨ་རིའི་ཚོང་ལས་ཁང་གཉིས་ལ་སྲིད་དོན་ཉེས་ཆད་འགེལ་བ།
  • ༸དཔལ་གཤེན་བསྟན་སྨན་རིའི་གླིང་དུ་༸རྒྱལ་བ་སྨན་རིའི་སྒྲུབ་ཆེན་ཐེངས་ ༣༤ པ་འཚོགས་བཞིན་འདུག
  • བཙན་བྱོལ་བོད་མིའི་གནས་སྟངས། Karuna ངལ་གསོ་ཁང་གི་སྐོར་ལ་བཅར་འདྲི།

Friday 12/04/2024

  • China has allowed only FCCC journalist inside the ‘Tibet Autonomous Region in 2023: Report
  • Sikkim BJP manifesto promises return passage for Gyalwa Karmapa
  • India-China border situation needs to be addressed urgently: PM Modi
  • China meddled in past two Canada elections but results not impacted , says Justin Trudeau
  • China sanctions 2 US defence companies over supporting arms sales to Taiwan
  • 34th Menri Grand ‘Drubchen’ begins in Yungdrung Bon monastery in Dolanji
  • DIASPORA FEATURE: Karuna Retirement Home

ཉེ་ལམ་ཟླ་བ་འདིའི་ཚེས་ ༥  ཉིན་རྒྱ་གར་གྱི་གྲོང་ཁྱེར་ཀལ་ཀ་ཊ་ནས་རྒྱལ་ས་ལྡི་ལི་བར་རྐང་འཁོར་སྐོར་སྐྱོད་བརྒྱུད་བོད་དོན་གོ་རྟོགས་སྤེལ་མཁན་རྒྱ་གར་བ་སྐུ་ཞབས་ Sandesh Meshram འམ་བོད་མིང་དུ་བསམ་གཏན་ཡེ་ཤེས་ལགས་དེ་རིང་ Tatanagar ལ་འབྱོར་འདུག

སྐུ་ཞབས་ Meshram ཁ་སང་ Nayagram ཁུལ་དུ་བདེ་འབྱོར་བྱུང་བ་མ་ཐག་དེ་གའི་ས་གནས་སུ་དགུན་ཚོང་གཉེར་བཞིན་པའི་བོད་མི་རྣམས་ཀྱིས་ཁོང་ལ་ཕེབས་བསུའི་སྣེ་ལེན་ཟབ་རྒྱས་ཞུས་འདུག

དེ་རིང་ Tatanagar ལ་བོད་དོན་གོ་རྟོགས་ཀྱི་རྐང་འཁོར་སྐོར་སྐྱོད་གནང་མུས་ཡིན་པ་དང་བསྟུན་གསར་འགོད་པར་ཁོང་ལ་ཐེངས་འདིའི་ལས་འགུལ་དང་འབྲེལ་ནས་ཞལ་པར་བརྒྱུད་བཀའ་འདྲི་ཞུས་པར་ས་གནས་རྒྱ་གར་བ་ཚོས་ཁོང་དང་ཐུག་འཕྲད་གནང་བའི་བརྙན་དང་པར་སོགས་བླངས་པ་མ་ཚད་པར་གོ་རྟོགས་ཀྱི་བརྙན་བླངས་ཏེ་རྒྱབ་སྐྱོར་གནང་གི་འདུག་ཅེས་ངོ་སྤྲོད་གནང་བ་དང་ཆབས་ཅིག་ཁ་རཀ་པུར་དུ་དགུན་ཚོང་གཉེར་མཁན་བོད་མི་གཙོས་ལམ་བར་དུ་འཕྲད་པའི་བོད་མི་ཚོས་ཀྱང་བཞུགས་གནས་སོགས་གོ་སྒྲིག་གནང་སོང་ཞེས་སོགས་གསུངས་སོང་།

རྩ་བའི་སྐུ་ཞབས་ Sandesh Meshram འམ་བསམ་གཏན་ཡེ་ཤེས་ལགས་རྒྱ་གར་གྱི་Maharashtra མངའ་སྡེའི་ Nagpur གྲོང་ཁྱེར་ནས་ཡིན་པ་དང་། ཁོང་གིས་ད་བར་བོད་དོན་ཆེད་རྐང་འཁོར་སྐོར་སྐྱོད་ཀྱི་ལས་འགུལ་ཐེངས་ལྔ་ལྷག་སྤེལ་མྱོང་ཡོད་པ་རེད།

ཐེངས་འདིའི་ལས་འགུལ་དེ་བརྒྱུད་རྒྱ་གར་གྱི་མང་ཚོགས་རྣམས་ལ་བོད་རང་བཙན་དང་རྒྱ་གར་གྱི་བདེ་འཇགས་སྐོར་མང་ཚོགས་ལ་གོ་རྟོགས་སྤེལ་རྒྱུ་དང་། བོད་ནང་གི་ཛ་དྲག་གི་གནས་སྟངས་དྲིལ་བསྒྲགས་གནང་རྒྱུ་གཙོས་བོད་མིའི་ཆབ་སྲིད་བཙོན་པ་ཀརྨ་བསམ་གྲུབ་ལགས་གློད་བཀྲོལ་དགོས་པའི་ཞུ་འབོད་སོགས་གནང་བཞིན་ཡོད་པ་རེད།

གཞི་རྩའི་སྐུ་ཞབས་ Meshram ལགས་དེ་རིང་ Nayagram ནས་ Jamshedpur ལ་ཐོན་ཡོད་པ་དང་ཐེངས་འདིའི་ལས་འགུལ་ཁྲོད། རྒྱ་གར་གྱི་ས་གནས་ Kolkata ནས་དབུ་འཛུགས་ཀྱིས་ Kharagpur དང་། Nayagram  དེ་བཞིན་ Tatanagar  Jamshedpur དང་ཝཱ་རཱ་ཎ་སཱི། Luckonw སོགས་བརྒྱུད་ནས་ཁྱོན་སྤྱི་ལེ་ ༢༥༠༠ ལྷག་སྐོར་སྐྱོད་གནང་རྗེས་མཐར་ཕྱི་ཟླ་ ༡༢  ཚེས་ ༡༠ སྟེ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་འཛམ་གླིང་ནང་ཆེས་སྙན་པར་གྲགས་པའི་འཛམ་གླིང་ཞི་བདེའི་གཟེངས་རྟགས་འབུལ་བཞེས་མཛད་པའི་ཉིན་མོ་དང་དེ་བཞིན་རྒྱལ་སྤྱིའི་འགྲོ་བ་མིའི་ཐོབ་ཉིན་མོར་ལས་འགུལ་དེ་རྒྱལ་ས་ལྡི་ལིར་མཇུག་སྒྲིལ་གནང་རྒྱུ་ཡིན་པ་རེད།

འབྲེལ་ཡོད་གསར་གནས།

གསར་གནས།