Tibetan Royal Year of 2151 | Year of the Wood Dragon

རྒྱ་ནག་གཞུང་གིས་བོད་ཀྱི་གནད་དོན་དང་འབྲེལ་ཨ་རི་བ་གཉིས་ལ་སྲིད་དོན་ཉེས་ཆད་བཀལ་འདུག

Tibetan News Headlines

  • འབྲི་ཆུའི་བཞུར་རྒྱུན་དུ་ཁམས་སྡེ་དགེ་ཁུལ་གྱི་དོན་རྐྱེན་དང་འབྲེལ་ནས་གླེང་མོལ།

Saturday 02/03/2024

  • China’s dam projects in Tibet: Social and environmental impact

རྒྱ་ནག་གཞུང་གིས་བོད་ཀྱི་གནད་དོན་དང་འབྲེལ་ཨ་རིའི་ལོ་རྒྱུས་སྨྲ་བ་དང་འཐབ་བྱུས་མཁས་པ་ཞིག་དང་། དེ་བཞིན་ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་གི་མཐོ་རིམ་ལས་བྱེད་གཅིག་ལ་སྲིད་དོན་ཉེས་ཆད་བཀལ་འདུགཨ་རིའི་ནོར་སྲིད་ལས་ཁུངས་ཀྱིས་ཟླ་བ་འདིའི་ཕྱི་ཚེས་ ༩ སྟེ་རྒྱལ་སྤྱིའི་ལྐོག་ཟ་རུལ་སུངས་འགོག་རྒོལ་དང་འགྲོ་བ་མིའི་ཐོབ་ཐང་གི་ཉིན་མོ་དང་བསྟུན། རྒྱལ་སྤྱིའི་རྒྱལ་ཁབ་ ༩ ནང་གི་ཚོགས་སྒེར་ ༤༠ ལྷག་ལ་སྲིད་དོན་ཉེས་ཆད་བཀལ་ཡོད་པའི་ཁྲོད་དེ་སྔ་ཕྱི་ལོ་ ༢༠༡༦ ནས་ ༢༠༢༡ བར་རྒྱ་ནག་གིས་དབྱེ་བས་བོད་རང་སྐྱོང་ལྗོངས་ཀྱི་དམར་ཤོག་དྲུང་ཆེ་བྱས་མྱོང་ཡོད་པའི་རྒྱ་རིགས་ Wu Yingjie དང་། ཕྱི་ལོ་ ༢༠༡༨ ལོ་ནས་བཟུང་བོད་རང་སྐྱོང་ལྗོངས་ཀྱི་ཉེན་རྟོག་སྤྱི་ཁྱབ་གཙོ་འཛིན་བྱེད་མུས་ཡིན་པ་ Zhang Hongbo གཉིས་ཀྱིས་བོད་རིགས་རྣམས་ལ་སྡུག་སྦྱོང་མནར་གཅོད་སོགས་འགྲོ་བ་མིའི་ཐོབ་ཐང་རྡོག་རོལ་ཚབས་ཆེན་བཏང་བའི་གནད་དོན་འོག་སྲིད་དོན་ཉེས་ཆད་བཀལ་བ་ལྟར། ཁ་སང་ཕྱི་ཚེས་ ༢༢ ཉིན་རྒྱ་ནག་གཞུང་གིས་འཁོན་ལན་ཚུལ་དུ་ཨ་རིའི་ལོ་རྒྱུས་སྨྲ་བ་དང་། དེ་སྔ་ཕྱི་སྲིད་དྲུང་ཆེ་ཟུར་པ་སྐུ་ཞབས་ Mike Pompeo མཆོག་གི་རྒྱ་ནག་ཐོག་གི་སློབ་སྟོན་པ་གནང་མྱོང་ཡོད་པའི་སྐུ་ཞབས་ Miles Yu Maochun ལགས་དང་། དེ་བཞིན་ཕྱི་ལོ་ ༢༠༢༡ ལོ་ནས་ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་ལས་བྱེད་ཀྱི་དབུ་འཛིན་གཞོན་པ་གནང་མུས་དང་། དེ་སྔ་ཨ་རིའི་བོད་དོན་དམིགས་བསལ་འབྲེལ་མཐུད་པ་ལྕམ་སྐུ་ Sarah Sewall ལགས་ཀྱི་སློབ་སྟོན་པ་བགྲེས་པ་གནང་མྱོང་ཡོད་པའི་སྐུ་ཞབས་ Todd Stein ལགས་སུ་སྲིད་དོན་ཉེས་ཆད་གསལ་བསྒྲགས་གནང་བ་མ་ཟད།  ཁོང་རྣམ་གཉིས་ཀྱི་རྒྱ་ནག་ནང་ཡོད་པའི་རྒྱུ་དངོས་དང་ཚོགས་སྒེར་ཁག་དང་འབྲེལ་བའི་ལས་དོན་ཡོངས་རྫོགས་བཀག་སྡོམ་གནང་ཡོད་པ་དང་ཆབས་གཅིག ཁོང་རྣམ་པའི་ནང་མི་ཉེ་འབྲེལ་ལའང་སྲིད་དོན་ཉེས་ཆད་བཀལ་འདུགརྩ་བའི་ཨ་རིའི་ཕྱི་སྲིད་བློན་ཆེན་སྐུ་ཞབས་ Antony Blinken མཆོག་གིས་ཨ་རི་གཞུང་ནས་རྒྱ་ནག་གི་འགོ་ཁྲིད་གཉིས་ལ་བཀལ་བའི་སྲིད་དོན་ཉེས་ཆད་དེ་ནི་བོད་རང་སྐྱོང་ལྗོངས་ཟེར་བའི་ནང་གི་བོད་རིགས་མང་ཚོགས་ལ་དྲག་གནོན་དང་ཁྲིམས་འགལ་སྒོ་ནས་མི་སྣ་གང་བྱུང་འཛིན་བཟུང་བྱས་པ་སོགས་ཀྱི་ལས་དོན་རིགས་འཕྲལ་མར་མཚམས་འཇོག་ཡོང་ཕྱིར་ཡིན་པར་གསུངས་ཡོད་ཀྱང་། ཐེངས་འདིར་རྒྱ་ནག་གི་དེ་འབྲེལ་འཁོན་ལན་དུ་ཨ་རིའི་མི་སྣ་གཉིས་ལ་སྲིད་དོན་ཉེས་ཆད་བཀལ་དགོས་དོན་ཁ་གསལ་བྱས་མེད་པ་མ་ཟད། རྒྱ་ནག་ཕྱི་སྲིད་བློན་ཆེན་ Wang Yi གིས་སྲིད་དོན་ཉེས་ཆད་དེ་ཉིད་དེ་རིང་ཕྱི་ཚེས་ ༢༣ ནས་ལག་བསྟར་བྱེད་རྒྱུ་ཡིན་པ་ཡོངས་གྲགས་བྱས་འདུགསྤྱིར་ཨ་རི་དང་ཡོ་རོབ་མཐུན་ཚོགས་གཙོ་བོར་འགྱུར་བའི་རྒྱལ་ཁབ་ཁག་ཅིག་གིས་ཧོང་ཀོང་དང་རྒྱ་ནག་གི་དཔོན་རིགས་མང་དག་ལ་སྲིད་དོན་ཉེས་ཆད་རིམ་པར་བཀལ་ཡོད་པའི་གནད་དོན་ཁྲོད། རྒྱ་ནག་གཞུང་ནས་ཀྱང་ Tit-for-tat sanction ཞེས་ཚུར་སྲིད་དོན་ཉེས་ཆད་བཀལ་ན་ཕར་སྲིད་དོན་ཉེས་ཆད་བཀལ་རྒྱུའི་ཁྲིམས་གཞི་ཁག་གཅིག་གཏན་འབེབས་ཀྱིས་ད་བར་ཨ་རི་དང་ཡུ་རོབ་ཀྱི་མི་སྣ་མང་པོར་དེ་ལྟ་བུའི་ཉེས་ཆད་བཀལ་ཡོད་པ་རེད།

འབྲེལ་ཡོད་གསར་གནས།

གསར་གནས།