སུད་སི་ཇི་ནི་ཝ་ནང་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ཀྱི་མདུན་ཐང་དུ་ཁྱིམ་ཚང་ལྔས་བོད་དོན་ཞུ་གཏུག་གི་ལས་འགུལ་ཐེངས་ ༤༤ པ་སྤེལ་ཡོད་པ་རེད་འདུག
ཟླ་ ༨ ཕྱི་ཚེས་ ༡༢ ཉིན་སུད་སིར་རྟེན་གཞི་བྱས་པའི་བོད་མི་བཀྲ་བསྟན་ཚང་པ་སངས་དང། ངག་དབང་ཚང་ངག་དབང་དཔལ་ལྡན། རྒྱལ་ཚང་བཀྲ་ཤིས་ལྷ་མོ། སྟག་ཚང་དཀོན་ཅོག ཡེ་ཤེས་ལྷ་མོ་ནང་མི་བཅས་ཁྱིམ་ཚང་ལྔས་སུད་སི་ཇི་ནི་ཝ་རྒྱལ་ཚོགས་ཀྱི་མདུན་ཐང་དུ་བོད་དོན་སླད་ཞུ་གཏུག་གི་ལས་འགུལ་ཐེངས་ ༤༤ པ་སྤེལ་ཡོད་པ་དང།
ལས་འགུལ་དེའི་ནང་སུད་སི་བོད་མི་ཡར་ཀ་ཚང་བསྟན་པ་རིན་ཆེན་དང་། ཡར་ཀ་ཚང་ཚེ་རིང་མཚོ། ནོར་འཛིན། སྐལ་བཟང་ཚང་བདེ་མཆོག སྟག་ཚང་རིག་འཛིན་བཅས་མཉམ་ཞུགས་གནང་ནས་རྒྱལ་ཚོགས་ཀྱི་དྲུང་ཆེ་དང་། རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས། དེ་བཞིན་སུད་སིར་རྟེན་གཞི་བྱས་པའི་ཨེ་ཤི་ཡའི་རྒྱལ་ཁབ་ ༣༨ ཀྱི་གཞུང་ཚབ་བཅས་ལ་ལས་འགུལ་གོ་སྒྲིག་པས་ཆེད་དུ་བཏོན་པའི་བོད་ཀྱི་བདེན་དོན་ཐད་རྒྱབ་སྐྱོར་དགོས་པའི་ཞུ་སྙན་དང་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱིས་འདོན་སྤེལ་གནང་པའི་བོད་ནང་གི་འགྲོ་བ་མིའི་ཐོབ་ཐང་གི་སྙན་ཐོའི་ཡིག་ཆ་ཁག་ཅིག་ཀྱང་ཟུར་འཛར་ཐོག་ཕུལ་ཡོད་པ་དང་། དེ་བཞིན་རྒྱ་ནག་དང་ཡུ་རོབ་ཁུལ་གཙོས་པའི་འཛམ་གླིང་གི་ཡུལ་སྐོར་སྤྲོ་འཆམ་པ་མང་དག་ཞིག་ནས་བོད་གནས་ཡིག་ཆ་འགྲེམས་སྤེལ་གྱིས་བོད་དོན་དྲིལ་བསྒྲགས་དང་རྒྱབ་སྐྱོར་ཤུགས་ཆེས་ཞུ་འབོད་གནང་འདུག
སྐབས་དེར་རྒྱལ་ཚོགས་གྱི་དྲུང་ཆེ་བྷན་ཁེ་མོན་ལགས་ཀྱི་མཚན་ཐོག་ལ་ཕུལ་བའི་ཞུ་སྙན་ནང་མཉམ་འབྲེལ་རྒྱལ་ཚོགས་ཀྱི་ངོས་ནས་བོད་ཐོག་གྲོས་ཆོད་སྔ་ཕྱི་འཇོག་པ་དེ་དག་ལ་བདག་སྐྱོང་གནང་དགོས་པ་དང། བོད་ནང་ཞི་བདེ་དང་རང་དབང་སླར་གསོ་གནང་དགོས་པ། ༸གོང་ས་༸སྐྱབས་མགོན་ཆེན་པོ་མཆོག་ལ་ཆ་རྐྱེན་གང་ཡང་མེད་པར་བོད་ནང་ཕྱིར་ཕེབས་གནང་ཆོག་པ། བོད་རྒྱ་འབྲེལ་མོལ་བསྐྱར་མཐུད་བྱ་དགོས་པ་དང། དེ་བཞིན་འདི་ལོ་རྒྱའི་བཙོན་ཁང་ནང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གློ་བུར་དུ་རྒྱ་གཞུང་གི་བཙོན་ཁང་ནང་སྐུ་བཀྲོངས་པའི་གནས་ཚུལ་སོགས་གཙོས་བོད་མིའི་ཆབ་སྲིད་བཙོན་པ་རྣམས་ཀྱི་ཚེ་སྲོག་ལ་སྲུང་སྐྱོབ་གནང་དགོས་སྐོར་སོགས་འཁོད་ཡོད་པ་རེད། ལས་འགུལ་དེ་སུད་སི་ནང་རྟེན་གཞི་བྱས་པའི་བོད་མི་ཁྱིམ་ཚང་གཉིས་ནས་ཆེས་ཐོག་མར་་ཕྱི་ལོ་ ༢༠༡༢ ལོའི་ཕྱི་ཟླ་ ༡༢ ཚེས་ ༡༠ ནས་འགོ་འཛུགས་ཐོག་མཉམ་འབྲེལ་རྒྱལ་ཚོགས་ལས་ཁུངས་ཀྱི་མདུན་དུ་བོད་དོན་ཞུ་འབོད་ཀྱི་ལས་འགུལ་སྤེལ་ནས་ད་ཆ་ལོ་གསུམ་ཙམ་ཕྱིན་ཟིན་པ་དང་། དེ་ནས་རིམ་བཞིན་སུད་སི་ནང་གཏན་སྡོད་བོད་མི་ཁྱིམ་ཚང་གཞན་ཁག་ཅིག་ནས་ལས་འགུལ་དེའི་ནང་མཉམ་ཞུགས་གནང་ནས་ད་བར་བོད་དོན་ལས་འགུལ་ཐེངས་ ༤༤ པ་དེ་ཆགས་ཀྱི་ཡོད་པ་རེད།
རྒྱལ་ཚོགས་ཀྱི་མདུན་ཐང་དུ་ཁྱིམ་ཚང་ལྔས་བོད་དོན་ཞུ་གཏུག་ལས་འགུལ་སྤེལ་འདུག
Tibetan News Headlines
- Tibetan leaders thank US Congress for ‘Resolve Tibet Act’ at special Capitol Hill reception
- Jaishankar meets Chinese FM Wang in Laos, pushes for urgency in resolving LAC standoff
- 25th Kargil Jijay Divas: Tibetan war veterans recount 1999 Kargil war
- US lawmaker introduces bill to strengthen US-India security partnership
- Cloudburst in Manali: Flash floods wreak havoc, no damages to Tibetan settlements
རེས་གཟའ་པ་སངས། ༢༠༢༤།༠༧།༢༦
- བོད་དོན་ཁྲིམས་ཡིག་སླད་སྐུ་ལས་བསྐྱོན་མཁན་གྱི་གྲོས་ཚོགས་འཐུས་མི་རྣམས་ལ་ཐུགས་རྗེ་ཆེ་ཞུའི་མཛད་སྒོ་ཚོགས་འདུག
- རྒྱ་དཀར་ནག་གཉིས་ཀྱི་ཕྱི་སྲིད་བློན་ཆེན་དབར་ས་མཚམས་ཀྱི་གནད་དོན་ཛ་དྲག་གི་སྒོ་ནས་གདོང་ལེན་བྱ་རྒྱུའི་མོས་མཐུན་བྱས་འདུག
- ཀར་གྷིལ་དམག་འཁྲུག་ཁྲོད་རྒྱ་གར་ལ་རྒྱལ་ཁ་ཐོབ་ནས་མི་ལོ་ ༢༥ འཁོར་བའི་དུས་དྲན་སྲུང་བརྩི།
- ཨ་རིའི་གྲོས་ཚོགས་གོང་མའི་ནང་དུ་ཨ་རི་དང་རྒྱ་གར་གཉིས་དབར་རྒྱལ་སྲུང་ཐད་མཉམ་ལས་སྲ་བརྟན་གཏང་རྒྱུའི་ཁྲིམས་འཆར་ངོ་སྤྲོད།
- Manali ཁུལ་དུ་ཆུ་ལོག་གི་དོན་རྐྱེན་བྱུང་ཡང་བོད་མིའི་གཞིས་ཆགས་ཡོད་སར་གནོད་འཚེ་གང་ཡང་བྱུང་མིན་འདུག
