Tibetan Royal Year of 2151 | Year of the Wood Dragon

ས་སྤྲེལ་ཞི་རྒོལ་ཆེན་མོ་བྱུང་ནས་ལོ་ངོ་ ༥༠ འཁོར་བའི་དུས་དྲན་སྲུང་བརྩི།

Tibetan News Headlines

  • འགྲོ་བ་མིའི་ཐོབ་ཐང་རྩོད་ལེན་པའི་བུ་ཕྲུག་ཐོག་མཉམ་བསྡུས་ཀྱི་ཉེས་ཆད་འགེལ་བཞིན་པ་མངོན་གསལ།
  • སྨར་ཁམས་རྫོང་ནང་རྒྱ་མི་དང་བོད་མི་དབར་འཁྲུག་རྩོད་ཤོར་ནས་བོད་མི་བཞི་འཛིན་བཟུང་བྱས་འདུག
  • འཇར་མ་ནིའི་སྲིད་བློན་མཆོག་གིས་རྒྱ་གཞུང་ལ་དྲང་བདེན་གྱི་ཚོང་ལས་གཉེར་དགོས་ཞེས་ཉེན་བརྡ་བཏང་འདུག
  • བལ་ཡུལ་ལྷ་མོ་ཚོགས་པ་དང་ཧི་མ་ལ་ཡའི་རི་རྒྱུད་ཀྱི་འཁྲབ་སྟོན་པ།

Tuesday 16/04/2024

  • China using ‘collective punishment’ against activists’ families: Rights group
  • 4 arrested over protest against seizure of pastureland in Tibet
  • Germany’s Scholz calls for fair competition, warns against dumping during China visit
  • Nepal Tibetan Lhamo Association and its Himalayan artists: Feature

དེ་རིང་ཟླ་ ༡༠ ཚེས་ ༢༦ ཉིན་རྒྱབ་ཚོུད་ ༢  ཐོག་དྷ་སར་རྟེན་གཞི་བྱས་པའི་བོད་ཀྱི་དཔེ་མཛོད་ཁང་གི་ཚོགས་ཁང་དུ་འགུ་ལོག་དམ་ཆོས་དཔལ་བཟང་ལགས་དང་རྨེའུ་རུ་མའི་རྭ་བདེ་ལགས་རྣམ་གཉིས་ཀྱིས་གོ་སྒྲིག་འོག་ ༡༩༦༨ ལོར་ས་སྤྲེལ་ཞི་རྒོལ་ཆེན་མོ་བྱུང་ནས་ལོ་ངོ་ ༥༠ འཁོར་བ་དང་བསྟུན། ཞི་རྒོལ་ཆེན་མོ་དེའི་སྐོར་རྒྱ་ཆེ་མང་ཚོགས་ནས་མཁྱེན་རྟོགས་ཡོང་ཆེད་དང་ལོ་རྒྱུས་ཉམས་ཞིབ་པ་རྣམས་ལ་ཕན་ཐོགས་ཡོང་བར་ཆེད་དམིགས་ཀྱིས་ས་སྤྲེལ་ཞི་རྒོལ་ཆེན་མའི་སྐོར་ལ་རྒྱུས་མངའ་ཡོད་པའི་མི་སྣ་ཁག་ཅིག་གདན་ཞུ་ཐོག་གོ་རྟོགས་སྤེལ་སོང་།

རྩ་བའི་ས་སྤྲེལ་ཞི་རྒོལ་ཆེན་མོ་ནི་རིག་གནས་གསར་བརྗེའི་སྐབས་ཀྱི་ཚོགས་པའི་མིང་ཞིག་ཡིན་པ་དང་རིམ་བཞིན་རྒྱ་ནག་དམར་པའི་མནར་གཅོད་གདུག་རྩུབ་འོག་སྨྲ་བརྗོད་རང་དབང་དང་ཆོས་དད་རང་དབང་མེད་པའི་རྐྱེན་གྱིས་ཚོགས་པའི་ངོ་བོ་བསྒྱུར་ནས་དགུང་ཁྲན་ཏང་ལ་ངོ་རྒོལ་གནང་མཁན་ཞིག་ཆགས་ཡོད་པ་རེད།སྐབས་དེར་གཏམ་བཤད་གནང་མཁན་གྱི་གྲས་སུ་འགུལ་ལོག་དམ་ཆོས་དཔལ་བཟང་ལགས་དང་། རྨེའུ་རུ་མའི་རྭ་བདེ་ལེགས་ལགས། སྐུ་སྒེར་དྲུང་ཆེ་རྔ་བ་ཚེ་རྒྱམ་ལགས། ས་རཱ་མཐོ་སློབ་ཀྱི་དགེ་རྒན་གཙང་ཕྲུག་སྟོབས་ལགས་བཅས་གདན་ཞུ་གནང་ཡོད་པ་དང་། ཁོང་རྣམས་ནས་ཞིང་ཆེན་གསུམ་དང་ཁུལ་བཞིའི་རྫོང་ཁག་ ༡༤ ནས་མི་མང་གིས་རྒྱ་གཞུང་ལ་ཞི་རྒོལ། ཞི་རྒོལ་ནང་དངོས་སུ་ཞུགས་པའི་བརྒྱུད་རིམ་དང་མཐོང་ཐོས་ཇི་བྱུང་རྣམས་གསལ་བཤད། སྐབས་དེར་བོད་མི་དམར་གསོད་དང་རྐྱེན་ལམ་དུ་བཏང་བའི་མཚན་གཞུང་ཡོངས་ཁྱབ་གནང་བ་དང་། ཕྱི་ལོ་ ༡༩༦༩ ལོར་སྙེ་མོའི་ཞི་རྒོལ་གྱི་གནས་སྟངས་སོགས་་བརྗོད་གཞི་ཁག་མི་འདྲ་བ་བཞིའི་ཐོག་གཏམ་བཤད་གནང་ཡོད་པ་རེད།སྐུ་སྒེར་དྲུང་ཆེ་རྔ་བ་ཚེ་རྒྱམ་ལགས་ཀྱིས་ཧོང་ཁྲན་གྱི་ལོ་རྒྱུས་དེ་བོད་གངས་ཅན་གྱི་ལོ་རྒྱུས་སུ་གལ་ཆེན་ཞིག་ཡིན་སྐོར་གསུངས་པ་དང་འབྲེལ། ལོ་རྒྱུས་དེ་ཤེས་མཁན་གྱི་མི་སྣ་ཧ་ཅང་ཉུང་ཉུང་ཡིན་སྟབས་རྒན་པ་རྣམས་ཡོད་ཐོག་ལ་ཡིག་འཇོག་གནང་ཐུབ་ཚེ་ལོ་རྒྱུས་ཀྱི་ཉམས་ཞིབ་པར་ཕན་ཐོགས་ཆེན་པོ་ཞིག་ཡོང་ངེས་ཡིན་པར་གསུངས་ཡོད།

འབྲེལ་ཡོད་གསར་གནས།

གསར་གནས།