Tibetan Royal Year of 2151 | Year of the Wood Dragon

ཨ་རིའི་གྲོས་ཚོགས་གོང་མ་ནས་བོད་ནང་འདྲ་མཉམ་ཐོག་འགྲུལ་བཞུད་ཆོག་པའི་ཁྲིམས་འཆར་གཏན་འབེབས་ཡོང་བར་དམིགས་བསལ་ཞུ་གཏུགས་ལས་འགུལ།

Tibetan News Headlines

  • མན་སྤར་ཕན་བདེ་གླིང་བོད་མིའི་གཞིས་ཆགས་ཀྱི་ཞིང་པ་གཉིས་དང་གླེང་མོལ། 

Sunday 21/04/2024

  • Continuing Tradition: Meet the second Generation Tibetan Farmers in Mainpat Phendeyling

ཨ་རིའི་གྲོས་ཚོགས་གོང་མ་ནས་བོད་ནང་འདྲ་མཉམ་ཐོག་འགྲུལ་བཞུད་ཆོག་པའི་ཁྲིམས་འཆར་གཏན་འབེབས་ཡོང་སླད་དམིགས་བསལ་ཞུ་གཏུགས་ལས་འགུལ་སྤེལ་འདུགཁ་སང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ཨ་རིའི་གྲོས་ཚོགས་ནས་གསེར་གྱི་གཟེངས་རྟགས་འབུལ་བཞེས་མཛད་ནས་ལོ་ངོ་བཅིུག་འཁོར་བའི་ཉིན་མོ་དང་བསྟུན་ཨ་རིའི་རྒྱལ་ས་ཝ་ཤིང་ཀྲོན་ DC རུ་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་དང་ས་གནས་བོད་རིགས་སྤྱི་མཐུན་ཚོགས་པ། དེ་བཞིན་ཨ་རིའི་མངའ་ཁུལ་གྱི་བོད་རིགས་སྤྱི་མཐུན་ཚོགས་པའི་ཚོགས་མི་རྣམ་པ་ཁག་ཅིག་བཅས་ནས་ཨ་རིའི་གྲོས་ཚོགས་གོང་མའི་འཐུས་མི་བརྒྱ་ཡི་ལས་ཁུངས་སུ་ངོ་བཅར་གྱིས་གྲོས་ཚོགས་གོང་མའི་འཐུས་མི་ཁག་ཅིག་དང་ལས་བྱེད་ཁག་ཅིག་བཅས་མཇལ་མོལ་བརྒྱུད་ཟླ་བ་སྔོན་མར་ཨ་རིའི་གྲོས་ཚོགས་འོག་མས་གཏན་འབེབས་གནང་བའི་བོད་ལ་ཕར་འགྲོ་ཚུར་འོང་གི་ཐོབ་ཐང་འདྲ་མཉམ་དགོས་པའི་ཁྲིམས་འཆར་དེར་གྲོས་ཚོགས་གོང་མའི་འཐུས་མི་རྣམས་ཀྱིས་ཀྱང་དེ་མཚུངས་རྒྱབ་སྐྱོར་གནང་སྟེ་གཏན་འབེབས་ཡོང་ཐབས་སུ་ཞུ་སྐུལ་གནང་འདུགསྐབས་དེར་རྒྱལ་སྤྱིའི་བོད་དོན་ལས་འགུལ་ཁང་ནས་ཚོགས་པའི་དྲྭ་རྒྱ་བརྒྱུད་མང་ཚོགས་ལྔ་སྟོང་ལྷག་ཙམ་ནས་མངའ་སྡེ་སོ་སོའི་གྲོས་ཚོགས་གོང་མའི་འཐུས་མིར་ཕུལ་བའི་བོད་ནང་ཕར་འགྲོ་ཚུར་འོང་གི་ཐོབ་ཐང་འདྲ་མཉམ་དགོས་པའི་ཁྲིམས་འཆར་ལ་རྒྱབ་སྐྱོར་དགོས་པའི་ཞུ་སྙན་དེའི་ངོ་ཤུས་རྣམས་གྲོས་ཚོགས་གོང་མའི་འཐུས་མི་རྣམས་ལ་ཕུལ་འདུག་པ་མ་ཟད། བོད་རིགས་སྤྱི་མཐུན་ཚོགས་པ་ཁག་གིས་ཀྱང་མངའ་སྡེ་སོ་སོའི་ནང་དུ་གནས་བཞུགས་བོད་མི་ཚོའི་ངོ་ཚབ་གནང་ཐོག་གྲོས་ཚོགས་གོང་མའི་འཐུས་མིར་ཁྲིམས་འཆར་དེར་རྒྱབ་སྐྱོར་དགོས་པའི་འབོད་སྐུལ་གྱི་སྙན་ཞུ་ཁག་གི་ངོ་ཤུས་རྣམས་གྲོས་ཚོགས་འཐུས་མིར་ཕུལ་འདུགདེ་བཞིན་བུ་ཆུང་ལགས་ཀྱིས་ད་ལན་ཁོང་རྣམས་ནས་ཨ་རིའི་གྲོས་ཚོགས་གོང་མའི་ནང་དམིགས་བསལ་གྱི་ཞུ་སྐུལ་ལས་འགུལ་དེ་སྤེལ་དོན་གཙོ་བོ་ནི་༸གོང་ས་༸སྐྱབས་མགོན་ཆེན་པོ་མཆོག་ལ་ཨ་རིའི་གྲོས་ཚོགས་ནས་གསེར་གྱི་གཟེངས་རྟགས་ཕུལ་ཏེ་ལོ་ངོ་བཅིུག་འཁོར་བའི་དུས་ཆེན་ཉིན་མོ་དང་ཁྲིམས་འཆར་དེ་ཕྱི་ལོ་ ༢༠༡༨ མ་རྫོགས་གོང་ལ་ཨ་རིའི་སྲིད་འཛིན་མཆོག་གི་མཚན་རྟགས་བཀོད་ནས་ཁྲིམས་སུ་གཏན་འབེབས་དགོས་ཀྱི་ཡོད་པ་དང་། ལྷག་དོན་ད་ཆ་རྒྱ་ནག་གཞུང་ཕྱོགས་ནས་བོད་ནང་དུ་ཕར་འགྲོ་ཚུར་འོང་གི་ཁྲིམས་འཆར་དེར་འགོག་རྐྱེན་བཟོ་ཐབས་བྱེད་བཞིན་པའི་གནས་སྟངས་ཁག་བཅས་ལ་གཞིགས་པ་ཞིག་ཡིན་སྐོར་གསུངས་སོང་།གཞི་རྩའི་ཁ་སང་ཚེས་ ༡༧ ཉིན་ཨ་རིའི་རྒྱལ་ས་ཝ་ཤིང་ཊོན་ཙམ་དུ་མ་ཟད་ཨ་རིའི་མངའ་སྡེ་འདྲ་མིན་ནང་མངའ་ཁུལ་སོསོའི་བོད་རིགས་སྤྱི་མཐུན་ཚོགས་པའི་ཚོགས་མི་དང་བོད་དོན་རྒྱབ་སྐྱོར་བ་རྣམས་ནས་ཉིན་བརྒྱ་དུས་གཅིག་ཏུ་གྲོས་ཚོགས་གོང་མའི་འཐུས་མི་ཁག་དང་མཇལ་མོལ་གནང་སྟེ་དམིགས་བསལ་གྱི་ཞུ་གཏུགས་ལས་འགུལ་སྤེལ་ཡོད་པ་རེད།

འབྲེལ་ཡོད་གསར་གནས།

གསར་གནས།