Monthly Archives: July, 2015

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་སྔ་དྲོ་ཚོུད་ ༡༠།༣༠ ཡས་མས་སུ་ལ་དྭགས་སླེ་རུ་ཞབས་སོར་བདེ་བར་འཁོད་གནང་མཛད་འདུག མགོན་པོ་༸གང་ཉིད་མཆོག་ལ་དྭགས་གནམ་ཐང་དུ་ཞབས་སོར་འཁོད་སྐབས་ཇ་མུ་ཀ་ཤ་མིར་མངའ་སྡེ་བློན་ཆེན་ཚེ་རིང་རྡོ་རྗེ་ལགས། མངའ་སྡེ་གྲོས་ཚོགས་འཐུས་མི་ངག་དབང་རིན་འཛིན་ཇོ་ར་ལགས་རྣམ་གཉིས་དང་། དགའ་ལྡན་ཁྲི་རིན་པོ་མཆོག་དབུས་པའི་གཞུང་འབྲེལ་མི་སྣ་ཁགདེ་བཞིན་ལ་དྭགས་ནང་པའི་ཚོགས་པ་དང་ཆོས་ལུགས་ཁག་གི་སྐུ་ཚབ་སོགས་ཆེད་ཕེབས་དང། ས་གནས་མང་ཚོགས་རྣམས་ནས་དགའ་དད་སྤྲོ་གསུམ་གྱི་ཐོག སྦ་སྐུ་ལ་གནམ་ཐང་ནས་དཔེ་ཐུབ་དགོན་པའི་བར་བཀྲིས་པའི་མཆོད་རྫསདང་བདུག་སྤོས། ཞུགས་ཏོག་གཞན་ཡང་དགའ་གུས་ཀྱི་གླུ་སྒར་བཅས་ཀྱིས་གདན་འདྲེན་གཟབ་རྒྱས་ཞུས་འདུག མགོན་པོ་མཆོག་དཔེ་ཐུབ་དགོན་པར་ཞབས་གསོར་འཁོད་མ་ཐག འཇམ་མགོན་རྒྱལ་བའི་རྒྱལ་ཚབ་དགའ་ཁྲི་རིན་པོ་ཆེ་མཆོག་གིས་མཎྡྲལ་རྟེན་གསུམ་འདེགས་འབུལ་གནང་བ་དང། གྲོ་མ་འབྲས་སིལ་བཤམས་སྟོན་ཐོག་ཕེབས་བསུའི་མཛད་སྟོན་ཚོགས་གནང་འདུག ༸གང་ཉིད་མཆོག་ད་ལན་ལ་དྭགས་སུ་བཀྲིན་ཆེན་པོས་ཆིབས་སྒྱུར་བསྐྱངས་མཛད་དོན་གཙོ་བོ་ནི། ལ་དྭགས་ནང་པའི་ཆོས་ཚོགས་དང་དགོན་པའི་ཚོགས་པ་གཉིས་ཀྱིས་ཇི་ལྟར་གསོལ་འདེབས་ཞུ་དོན་ལྟར་དཔེ་ཐུབ་དགོན་པའི་ཕར་ཕྱིན་དབྱར་ཆོས་ཆེན་མོའི་ཚོགས་མགོན་སླད་ཆེད་ཕེབས་མཛད་པ་ཞིག་ཡིན་འདུག མགོན་པོ་མཆོག་གིས་རིང་མིན་སྤྱི་ལོ་ ༢༠༡༦ ནང་ལ་དྭགས་སུ་ཆིབས་བསྒྱུར་བསྐྱང་ནས་ཡུན་རིང་བཞུགས་གནང་མཛད་རྒྱུའི་བཀའ་བཞེས་བཟང་པོའང་བསྩལ་འདུག རྩ་བའི་༸གོང་ས་༸སྐྱབས་མགོན་ཆེན་པོ་མཆོག་ཟླ་འདིའི་ཚེས་ ༢༧ ནས་༣༠ བཅས་སུ་ཆིབས་སྒྱུར་མཛད་པའི་ཁྲོད་དུ། ཕྱི་ཚེས་ ༢༨ ཉིན་སླེ་གྲོང་ཁྱེར་ནང་ཡོད་པའི་ཇོ་ཁང་ནང་གནས་གཟིགས་དང་། དེ་བཞིན་ལ་དྭགས་ས་ཁུལ་གྱི་འབྲོག་པའི་ཕྲུ་གུ་རྣམས་ཀྱི་ཤེས་ཡོན་སླད་ཆེད་འཛུགས་གནང་བའི་འཇམ་དབྱངས་སློབ་གྲྭར་ཆིབས་སྒྱུར་གྱིས་བུ་མོའི་སྡོད་ཁང་གསར་པ་དབུ་འབྱེད་དང་། མཐོ་རིམ་སློབ་མའི་གཞོན་སྐྱེས་ཚོར་ལེགས་ངན་བླང་དོར་གྱི་བཀའ་སློབ་བཀའ་དྲིན་བསྩལ་རྒྱུ་ཡིན་འདུག དེ་མཚུངས་ཕྱི་ཚེས་ ༢༩ ཉིན་ཕར་ཕྱིན་དབྱར་ཆོས་ཆེན་མོའི་ཚོགས་མགོན་དུ་དབུ་བཞུགས་མཛད་རྒྱུ། ཁུལ་དེར་དད་ལྡན་མང་ཚོགས་རྣམས་ལ་དགེ་བཤེས་གླང་རི་དམ་པས་མཛད་པའི་བློ་སྦྱོང་ཚིགས་བརྒྱད་མའི་ཆོས་འབྲེལ་དང། སྒྲོལ་དཀར་ཡིད་བཞིན་འཁོར་ལོའི་ཚེ་དབང་བསྩལ་རྒྱུ། ལྷག་དོན་ཕྱི་ཚེས་ ༣༠ ཉིན་ལ་དྭགས་ལྕོག་ལམ་སར་ཞི་བའི་འཚལ་ཕོ་བྲང་དུ་མང་ཚོགས་ ༥༠༠༠༠ ལྷག་འདུ་འཛོམས་ཀྱིས་༸སྐུའི་གྱ་སྟོན་སྲུང་བརྩི་དང་དུས་མཚུངས་ལ་དྭགས་མི་མང་ཡོངས་ནས་མགོན་པོ་༸གང་ཉིད་མཆོག་༸སྐུ་ཚེ་མི་འཇིགས་རྡོ་རྗེའི་ཁམས་སུ་བརྟན་ཕྱིར་བརྟན་བཞུགས་རྒྱས་པ་ཞིག་ཀྱང་བསྟར་འབུལ་ཞུ་རྒྱུ་སོགས་ཀྱི་མཛད་འཆར་འདུག

ཉན་པ།: Listen ཕབ་ལེན། Download བོད་ཀྱི་བཀའ་བསྟན་གྱི་ལོ་རྒྱུས་དང་དེ་དག་གི་འཕེལ་རིམ་སྐོར། Sunday 26/07/2015 Introduction to Tibetan Edition of Kangyur and Tengyur

ཉན་པ།: Listen ཕབ་ལེན། Download རྒྱ་གཞུང་གིས་བོད་ཀྱི་ཆོས་ཕྱོགས་མི་སྣར་དམིགས་རྟགས་རྒྱག་དགོས་དོན་ཞེས་པའི་བརྗོད་གཞིའི་ཐོག་གླེང་མོལ། Saturday 25/07/2015 Why is China targeting Tibetan Religious figures?

བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་བསྟན་འཛིན་འཇིགས་མེད་ལགས་ཀྱིས། གཞོན་ནུ་ལྷན་ཚོགས་ཀྱི་ལྟ་བ་དང་ལངས་ཕྱོགས་ལ་ཡིད་ཆེས་མེད་པ་ཡིན་ན། སྒྲིག་འཛུགས་ནང་བཞུགས་པ་ལས་མ་བཞུགས་ན་ཡག་གི་རེད་ཅེས་གསུངས་འདུག རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་བོད་སྒར་བསམ་ཡས་གླིང་དུ་དེ་རིང་ཕྱི་ཚེས་༢༤ནས་ཉིན་དྲུག་རིང་། བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་༤༦པ་དེ་དབུ་འཛུགས་གནང་ཡོད་པ་དང། ཚོགས་འདུ་དེེའི་ཐོག་ས་གནས་ཁག་༣༠་ནས་གཞོན་ནུའི་རྒྱུན་ལས་མི་གྲངས་༡༢༠ལྷག་ཙམ་མཉམ་ཞུགས་གནང་ཞིང་གཙོ་བོ་གྲོས་གཞི་དོན་ཚན་༡༡ཐོག་བཀའ་བསྡུར་གནང་གི་འདུག ཚོགས་འདུ་དབུ་འབྱེད་ཀྱི་མཛད་སྒོའི་ཐོག་ཚོགས་གཙོ་བསྟན་འཛིན་འཇིགས་མེད་ལགས་ཀྱིས། ཉེ་ཆར་ཨ་མི་རི་ཀའི་ནིའུ་ཡོག་དང་ནིའུ་ཇར་སི་ས་གནས་གཞོན་ནུས་དབུས་བོད་ཀྱི་གཞོན་ནུ་ལྷན་ཚོགས་ལ་གལ་ཏེ་སྒྲིག་འཛུགས་ཀྱི་ལངས་ཕྱོགས་ལ་འགྱུར་བ་མ་བཏང་ཚེ། ཁོང་རྣམས་དབུས་ཀྱི་ཁྱབ་ཁོངས་འོག་གནས་ཐུབ་ཐབས་མེད་སྐོར་གྱི་ཡི་གེ་འབྱོར་ཡོད་པ་ལུང་འདྲེན་དང་འབྲེལ། བསྟན་འཛིན་འཇིགས་མེད་ལགས་ཀྱིས་གསུངས་དོན། ད་ལྟའང་ཡིན་པ་ཡིན། ང་ཚོའི་ས་གནས་ཁག་གཅིག་སྒྲིག་འཛུགས་ནས་མར་བཏོན་བཞིན་པ་དེ། བློ་ཕམ་རང་རེད། གཞོན་ནུའི་སྒྲིག་གཞི་ཞེས་པ་དེ་ཧ་ཅང་གི་རྩ་ཆེན་པོ་རེད། རང་གི་འདོད་པ་ལྟར་འདེམས་སྒྲུག་རྒྱབ་ན་འགྲིག་གི་མ་རེད་ཅེས་སོགས་གསུངས་འདུག དེ་རིང་ཚོགས་འདུ་དབུ་འབྱེད་མཛད་སྒོའི་སྐུ་མགྲོན་གཙོ་བོར། ལྡི་ལི་བོད་ཀྱི་སྐུ་ཚབ་དོན་གཅོད་བཀའ་ཟུར་བསྟན་པ་ཚེ་རིང་མཆོག་གདན་འདྲེན་ཞུས་ཡོད་པ་དང། ཁོང་གིས་སྐབས་དེར་ གཞོན་ནུའི་ཚོགས་མི་ཁག་གཅིག་ནས་རང་བཙན་ཁ་ལ་ཁྱེར་ནས་སྤྱི་ཚོགས་ནང་འཐེན་འཁྱེར་དང་ཉེས་མེད་ཉེས་འཛུགས་བྱེད་ཀྱི་ཡོད་པ་དེས། གཞོན་ནུའི་སྒྲིག་འཛུགས་ལ་སྐྱོན་བྱེད་ཀྱི་ཡོད་སྐོར་གསུང་པ་དང་འབྲེལ། རྒྱུན་དུ་ནས་མི་མང་དང་འབྲེལ་བ་དམ་ཟབ་དགོས་པ་དང་མི་མང་གི་བསམ་ཚུལ་ཤེས་ཐབས་དགོས་པ་མ་ཟད། རྒྱ་མིའི་གཞུང་ཚབ་སོགས་ཀྱི་མདུན་དུ་ལས་འགུལ་སྤེལ་སྐབས་སུའང་། དོན་དམ་པའི་ཕན་ཐོགས་གང་ཡོང་གི་ཡོད་མེད་བསམ་ཞིབ་ནན་ཏན་གནང་དགོས་ཀྱི་ཡོད་པ་སོགས་གསུངས་བཤད་གནང་འདུག

རྒྱ་གར་བྱང་ཕྱོགས་ ཇ་མུ་ཀཤ་མིར་ མངའ་སྡེ་ནང་དུ་རྟེན་གཞི་བྱས་པའི་ལ་དྭགས་ནང་པའི་དགོན་ཚོགས་གཉིས་ནས་ཇི་ལྟར་གསོལ་འདེབས་ཞུ་དོན་བཞིན་བཀའ་བཞེས་བཟང་པོ་སྨིན་སྩོལ་ཐོབ་སྟེ། བོད་ཀྱི་བླ་ན་མེད་པའི་དབུ་ཁྲིད་༸གོང་ས་སྐྱབས་མགོན་ཆེན་པོ་མཆོག་ཟླ་བ་འདིའི་ཕྱི་ཚེས་༢༧ནས་༣༠བར་ཉིན་བཞི་རིང། ལ་དྭགས་སུ་ཆིབས་སྒྱུར་བཀྲིན་བསྐྱང་གཏན་འཁེལ་འདུག ༸གོང་ས་མཆོག་ཕྱི་ཚེས་༢༧ ཉིན་བཞུགས་སྒར་ནས་ཆིབས་སྒྱུར་བསྐྱང་གནང་གི་འདུག་པ་དང། ས་གནས་ཀྱི་མཛད་འཆར་ཁྲོད་མགོན་པོ་༸གང་ཉིད་མཆོག་གིས་དད་ལྡན་མང་ཚོགས་ལ་བློ་སྦྱོང་ཚིགས་བརྒྱད་མའི་ཆོས་འབྲེལ་དང། སྒྲོལ་དཀར་ཡིད་བཞིན་འཁོར་ལོའི་ཚེ་དབང་། ཕར་ཕྱིན་དབྱར་ཆོས་ཆེན་མོའི་ཚོགས་མགོན་དུ་ཆིབས་སྒྱུར་དང་། དེ་བཞིན་མཐོ་རིམ་སློབ་མའི་གཞོན་སྐྱེས་ཚོར་བླང་དོར་བཀའ་སློབ་བཀྲིན་བསྩལ་འཆར་འདུག ལྷག་པར་དུ་ཕྱི་ཚེས་༣༠ཉིན། ཞི་བའི་འཚལ་ཕོ་བྲང་དུ་མང་ཚོགས་ཁྲི་ལྔ་ལྷག་འདུ་འཛོམས་ཀྱིས་༸སྐུའི་གྱ་སྟོན་སྲུང་རྩིས་དང་དུས་མཚུངས་ལ་དྭགས་མི་མང་ཡོང་ནས་བརྟན་བཞུགས་བསྟར་འབུལ་ཞུ་རྒྱུ་སོགས་ཀྱི་མཛད་འཆར་འདུག

ཉན་པ།: Listen ཕབ་ལེན། Download ༸གོང་ས་མཆོག་ལ་དྭགས་སུ་ཆིབས་སྒྱུར་བསྐྱང་རྒྱུ་རེད་འདུག ཨ་རིའི་གྲོས་ཚོགས་ནང་རྒྱ་ནག་གི་ཆོས་དད་རང་དབང་གི་གནས་སྟངས་སྐོར་ཉན་ཞིབ་ཚོགས་འདུག ལྟ་བ་དང་ལངས་ཕྱོགས་ལ་ཡིད་ཆེས་མེད་ན་གཞོན་ནུའི་སྒྲིག་འཛུགས་ནང་མ་བཞུགས་ན་ཡག་གི་རེད་གསུངས་འདུག སྤྲུལ་སྐུ་བསྟན་འཛིན་བདེ་ལེགས་ཆེད་དྲང་བདེན་དགོས་པའི་ཞུ་འབོད་གནང་མུས་རེད་འདུག རྒྱ་ནག་ལ་ཨོ་ལོམ་པིཀ་རྩེད་འགྲན་གོ་སྒྲིག་ཞུ་རྒྱུའི་གོ་སྐབས་སྤྲོད་རྒྱུ་ཡོད་མ་རེད་གསུངས་འདུག དམིགས་བསལ་ལེ་ཚན། བོད་ཀྱི་གཏམ་བརྗོད་ཚོགས་པ་ངོ་སྤྲོད། Friday 24/07/2015 Dalai Lama to visit Ladakh next week CECC holds hearing on persecution and control in China TYC begins 46th Working Committee Meeting Exile Tibetans and supporters demand inquiry into Tulku’s death Tibetan and Chinese rights activists urge IOC to reject China’s Olympic bid DIASPORA FEATURE: Tibet Theater

ཉན་པ།: Listen ཕབ་ལེན། Download བོད་མི་ཆབ་སྲིད་བཙོན་པ་ཞིག་འདས་གྲོངས་སུ་གྱུར་འདུག རྒྱ་གཞུང་གིས་བོད་མི་ལས་འགུལ་བ་རྣམས་ལ་ཁྲིམས་ཆད་ནན་པོ་བཏང་དགོས་པ་བརྗོད་འདུག བཀའ་ཤག་ལ་མི་འགྲིག་པ་ཡོད་ཚེ་འོས་བླུགས་ནས་འགྱུར་བ་གཏོང་རྒྱུ་ཡོད་པ་གསུངས་འདུག ༸གོང་ས་མཆོག་གིས་འཁྲུལ་ཞིག་རིན་པོ་ཆེའི་ཡང་སྲིད་ཀྱི་དབུ་སྐྲ་གཙུག་ཕུད་མཛད་འདུག བཞུགས་སྒར་དུ་འོས་བསྡུའི་ཟབ་སྦྱོང་ཚོགས་འདུག དམིགས་བསལ་ལེ་ཚན། བོད་སྨན་སྐོར་ངོ་སྤྲོད། Thursday 23/07/2015 Yet another Tibetan political prisoner dies in Chinese prison China demands severe punishment for Tibetan activists storming Chinese Embassy 2016 Sikyong candidate Tashi Wangdue gives his first public speech: Dharamsala Dalai Lama blesses Kyabje Trulshik Rinpoche’s reincarnation Election commission holds workshop in preparation for 2016 elections HEALTH FEATURE: Dr. Pema Dorjee on Tibetan Medicine

ཁ་སང་ཕྱི་ཚེས་ ༢༢ ཕྱི་དྲོ་འདི་ག་བཞུགས་སྒར་ McLeod club house ཚོགས་ཁང་དུ་ཕྱི་ལོ་ ༢༠༡༥ དང་ ༡༦ ལོའི་བོད་མིའི་སྒྲིག་འཛུགས་ཀྱི་སྲིད་སྐྱོང་དུ་བཞེངས་གནང་མཁན་བོད་མིའི་སྤྱི་མཐུན་མཉམ་སྦྲེལ་གྱི་སྤྱི་ཁྱབ་འགན་འཛིན་བཀྲིས་དབང་འདུས་ལགས་ནས་མང་ཚོགས་རྣམས་ལ་ཁོང་སྲིད་སྐྱོང་དུ་བཞེངས་དོན་གང་ཡིན་སྐོར་གསུང་བཤད་གནང་པའི་ཁྲོད། གལ་ཏེ་ད་ལྟའི་བཀའ་ཤག་གི་ཕྱག་ལས་གནང་ཕྱོགས་འགྲིག་གི་མེད་ན། སྲང་ལམ་ནང་བཀའ་མོལ་གནང་ནས་བཞུགས་པས་ཕན་ཐོགས་གང་ཡང་མེད་ཅིང། དེ་ལས་ཕྱི་ཟླ་ ༡༠ ཚེས་ ༡༨ ཉིན་འོས་བླུགས་ནས་མི་གསར་པ་གཅིག་དང་རིག་པ་གསར་པ་སླེབས་ཐུབ་སླད་འོས་འཕེན་དགོས་སྐོར་གསུངས་སོང་། ཁོང་གིས་སྐབས་དེར་ཐོག་མར་མང་ཚོགས་རྣམས་ལ་ཁོང་་སྲིད་སྐྱོང་དུ་བཞེངས་དོན་གཙོ་བོ་ནི། ༸གོང་ས་མཆོག་གི་དབུ་ཁྲིད་ལམ་སྟོན་འོག་༸གང་ཉིད་ཀྱི་བཀའ་དགོངས་ལྟར་ལས་དོན་འགྲུབ་ཐུབ་པ་ཡིན་ན་སྐལ་བ་བཟང་པོ་ཞིག་ཏུ་ངོས་འཛིན་གནང་གི་ཡོད་པ་དང། དེ་བས་ཀྱང་ཁོང་ནི་གཞུང་ནང་ཞབས་ལོ་ ༢༠ རིང་ཕྱག་ལས་གནང་པའི་ཉམས་མྱོང་ཡོད་པའི་གདེང་སྤོབས་ཡོད་པ་མ་ཟད།ལྷག་པར་དུ་བོད་དོན་བདེན་མཐའ་སེལ་བར་གཟིགས་ཐུབ་དགོས་པའི་དོན་ཚན་བཞི་སྟེ རྒྱུན་གནས་དང། དཔལ་འབྱོར། ཤེས་ཡོན། གྲོས་མོལ་བཅས་ཀྱི་ཐོག་ལ་འབད་ཆེན་པོས་ཤུགས་སྣོན་སྐྱོན་རྒྱུ་ཡིན་པ་གསུངས་སོང། ད་དུང་ཁོང་གིས་མུ་མཐུད་གསུང་དོན་ལ། ཁོང་སྲིད་སྐྱོང་དུ་བཞེང་པའི་ཐོག་ནས་རྒྱལ་བའི་༸སྐུ་ཕྱཱ་དང་མཛད་འཆར་ཐོག་དོ་འཁུར་དང་། ནང་སྲིད་ཀྱི་ཐོག་ནས་གཞིས་ཆགས་བརྟན་ལྷིང་སོགས་དང་འཕྲོད་བསྟེན་ཡར་རྒྱས། ཤེས་ཡོན་དང་དཔལ་འབྱོར་གྱི་ཐོག་ནས་དམིགས་བསལ་ཤུགས་སྣོན་སྐྱོན་རྒྱུ་སོགས་ལས་འཆར་མང་དག་ཅིག་བང་སྒྲིག་ཡོད་སྐོར་གསུངས་སོང། ཁྱད་པར་དུ་ཁོང་གིས་ད་ལྟའི་བོད་མིའི་མི་འབོར་ཉུང་བའི་དཀའ་ངལ་སེལ་ཆེད་དུ་མི་ཚང་གཅིག་གི་ཕྲུ་གུ་གསུམ་པ་དེ་ལ་ཧིན་སྒོར་འབུམ་གཅིག་ལེགས་སྐྱེས་ཀྱི་ཚུལ་དུ་གནང་རྒྱུའི་ཐབས་ལམ་སྐོར་ཡང་གསུངས་པ་མ་ཟད། ཁོང་གིས་ལས་རིམ་དེའི་སྐབས་ད་ལྟའི་སྲིད་སྐྱོང་མཆོག་ལ་མི་འགྲིག་པ་ཡོད་པ་སོང་ཙང་རང་ཉིད་སྲིད་སྐྱོང་དུ་བཞེང་པཡིན་ཞེས་གསུངས་པ་དང་སྦྲགས། རྒྱ་ཆེ་མང་ཚོགས་ནས་ཛ་དྲག་གི་གནས་སྟངས་འདིར་མི་གསར་པ་གཅིག་དང་རིག་པ་གསར་པ་གཅིག་ལ་གོ་སྐབས་གནང་དགོས་གལ་ཆེ་བ་གསུངས་འདུག།