མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
Search
VOICE OF TIBET
ནོར་ཝེ་བོད་ཀྱི་རླུང་འཕྲིན་ཁང་།
Pulses PRO
Tibetan Royal Year of 2151 | Year of the Wood Dragon
中文
Facebook
RSS
Soundcloud
Twitter
Youtube
ནོར་ཝེ་བོད་ཀྱི་རླུང་འཕྲིན་ཁང་།
Voice Of Tibet
text
འཚོལ་བཤེར།
མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
འཚོལ་བཤེར།
ARCHIVE
Monthly Archives: May, 2017
Art and Culture
མོན་རྟ་དབང་ཁུལ་དུ་ཡོད་པའི་༸རྒྱལ་དབང་ཚངས་དབྱངས་རྒྱ་མཚོའི་འཁྲུངས་ཁང་ངོ་སྤྲོད། Introduction of 6th Dalia lama’s Birth place.
vot.org
-
01/05/2017
༸གོང་ས་མཆོག
༸གོང་ས་མཆོག་གིས་རྒྱ་ནག་སྐམ་ས་ཆེན་པོའི་རྒྱ་རིགས་ཚོར་ཆོས་འབྲེལ་དབུ་འཛུགས་མཛད་པ།
vot.org
-
01/05/2017
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་༸རྒྱལ་བའི་ཕོ་བྲང་དུ་རྒྱ་ནག་སྐམ་ས་ཆེན་པོའི་རྒྱ་རིགས་གཙོས་པའི་རྒྱ་རིགས་དད་ལྡན་ཆོས་ཞུ་བ་ཁག་ཅིག་ལ་ཆོས་འབྲེལ་དབུ་འཛུགས་གནང་འདུག དེའང་རྒྱ་ནག་སྐམ་ས་ཆེན་པོའི་རྒྱ་རིགས་དད་ལྡན་ཆོས་ཞུ་བ་ཚོས་ཇི་ལྟར་གསོལ་འདེབས་ཞུ་དོན་ལྟར། ༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཟླ་ ༥ ཚེས་ ༡ ཉིན་དབུ་འཛུགས་ཀྱིས་ཚེས་ ༤ བར་ཁྱོན་ཉིན་གྲངས་བཞིའི་རིང་ལ་བཞུགས་སྒར་༸རྒྱལ་བའི་ཕོ་བྲང་དུ་རྒྱ་རིགས་དད་ལྡན་ཆོས་ཞུ་བ་རྣམས་ལ་རྒྱུད་བླ་མ་དང། ན་རོ་ཆོས་དྲུག་གི་ཁྲིད་ཡིག་གཉིས་ཀྱི་བཀའ་ཆོས་བཀྲིན་བསྩལ་གནང་གི་འདུག རྩ་བའི་མགོན་པོ་༸གང་ཉིད་མཆོག་གི་ཐེངས་འདིའི་བཀའ་ཆོས་ཐོག་རྒྱ་ནག་སྐམ་ས་ཆེན་པོའི་རྒྱ་རིགས་གཙོ་བོར་འགྱུར་པའི་ཐེ་ཝན་དང་སིང་ག་པུར། ཨོ་སི་ཊོ་ལི་ཡ་བཅས་ཀྱི་རྒྱ་རིགས་ཆོས་ཞུ་བ་ ༣༣༠ མན་ཙམ་ཆེད་བཅར་ཞུས་འདུག
Homepage
ཀརྨ་པ་མཆོག་གིས་ལྟ་བ་ལངས་ཕྱོགས་མི་འདྲ་བའི་རྐྱེན་གྱིས་འགལ་ཟླ་ཆེན་པོ་བྱུང་ན་སྤྱི་ཚོགས་གཏོར་བཤིག་དང་ཆིག་སྒྲིལ་གྱི་འགོག་རྐྱེན་ཆགས་རྒྱུ་ཡིན་པ་བཀའ་གནང་པ།
vot.org
-
01/05/2017
སྒྲུབ་བརྒྱུད་བསྟན་པའི་གསལ་བྱེད་དཔལ་༸རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གིས་ཁ་སང་ཚེས་ ༣༠ ཉིན་སྔ་ཐོག་བཞུགས་སྒར་ཉེ་འཁྲིས་ས་རཱ་མཐོ་སློབ་ཏུ་རིགས་སློབ་མ་ལག་གཉིས་ཀྱི་བསླབ་པ་མཐར་སོན་མཛད་སྒོར་དབུ་བཞུགས་མཛད་པ་དང་ཆབས་ཅིག སློབ་མ་རྣམས་ལ་བོད་སྐད་ཡིག་དང་རིག་གཞུང་སྲུང་སྐྱོབ་སྐོར་གལ་ཆེའི་བཀའ་སློབ་གནང་པ་མ་ཟད། ལྷག་དོན་བོད་ཆོལ་གསུམ་ཆིག་སྒྲིལ་དང་བློ་མཐུན་དགོས་རྒྱུ་ཤིན་ཏུ་ནས་གནད་ཆེ་ཡིན་པའི་ལམ་སྟོན་རྒྱ་ཆེ་གནང་སོང་། དྷ་ས་རིགས་ལམ་སློབ་གཉེར་ཁང་དང་ས་རཱ་མཐོ་སློབ་གཉིས་ཀྱི་དགེ་ལས་ ༣༠༠ ཙམ་བསྡུས་པའི་ཐོག་ཀརྨ་པ་རིན་པོ་མཆོག་གིས་འདི་ལོར་དབུ་མ་དང་ཕར་ཕྱིན་རབ་འབྱམས་པ། དེ་བཞིན་རིས་མེད་སློབ་དཔོན་དང་སྐབས་ ༡༦ པའི་མཐོ་རིམ་རིག་གནས་རབ་འབྱམས་པ་སོགས་ཀྱི་ཕྱག་འཁྱེར་བཞེས་སྟེ་སློབ་མཐར་སོན་པ་རྣམས་ལ་དགའ་བསུའི་མཚམས་འདྲི་དང་། ལྟེ་གནས་ཁང་དེ་ནས་ད་བར་བོད་སྐད་ཡིག་དང་རིག་གཞུང་གི་ཐོག་ལ་དགོས་མཁོ་ངེས་ཅན་གྱི་ཞབས་འདེགས་ཞུས་ཡོད་པར་བསྔགས་བརྗོད་གནང་སོང་། དེ་བཞིན་སྔར་མེས་པོ་ཚོའི་ཤུལ་བཞག་གི་རིག་གནས་ལ་གཅེས་འཛིན་གནང་ནས་མ་འོངས་པར་དེང་དུས་དང་མཐུན་པའི་གོམ་པ་མདུན་སྤོས་གནང་དགོས་པ་དང་། བོད་མི་རིགས་ཀྱི་ངོ་བོ་མཚོན་པའི་ཆོས་དང་རིག་གཞུང་སྔར་ལས་དར་སྤེལ་ཤུགས་ཆེ་རུ་གཏོང་ཐུབ་རྒྱུའི་ཆོད་སེམས་དང་ལྷག་བསམ་གཏན་པོ་ཞིག་བསྐྱེད་དགོས་གལ་དུ་གཟིགས་ཀྱི་ཡོད་པ་བཀའ་གནང་སོང་། ཁྱད་པར་དུ་ཀརྨ་པ་རིན་པོ་ཆེ་མཆོག་གིས་སྐབས་དེར་སློབ་མ་ཚོ་ལ་ཤེས་ཡོན་དང་ལྷན་དུ་ཀུན་སྤྱོད་སྐོར་དང་འབྲེལ། དེང་སང་ས་རཱ་མཐོ་སློབ་ཏུ་བསྐྱོད་མཁན་ཚོས་གཙོས་པའི་བཙན་བྱོལ་ནང་དང་། དེ་བཞིན་བོད་ནང་དུའང་མི་ཁག་ཅིག་གི་བསམ་བློ་གཏོང་སྟངས་དང་ཀུན་སྤྱོད་འཁུར་ཕྱོགས་ཐད་ནས་ཏོག་ཙམ་འགྱུར་བ་འགྲོ་བཞིན་ཡོད་པ་བཀའ་གནང་པ་དང་སྦྲགས། སྤྱིར་དུས་ཚོད་དང་སྤྱི་ཚོགས་ཀྱི་འཕེལ་རིམ་ཁྲོད་མི་སོ་སོར་ལྟ་བ་ལངས་ཕྱོགས་མི་འདྲ་བ་ཡོང་ཆོག་ཀྱང་། ད་ལྟ་བོད་མིའི་རྣམས་གཉན་འཕྲང་ཅན་གྱི་དུས་མཚམས་འདིར་ལྟ་བ་ལངས་ཕྱོགས་ཀྱི་རྐྱེན་པས་འགལ་ཟླ་ཆེན་པོ་བྱུང་ན་སྤྱི་ཚོགས་གཏོར་བཤིག་དང་ཆིག་སྒྲིལ་གྱི་འགོག་རྐྱེན་ཆགས་རྒྱུ་ཡིན་པ་སོགས་བཀའ་གནང་ཡོད། བོད་མིའི་སྒྲིག་འཛུགས་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་ནས་ཀྱང་བསླབ་པ་མཐར་སོན་པའི་སློབ་མ་རྣམས་ལ་༸གོང་ས་མཆོག་གི་དགོངས་གཞི་ལྟར་གཞུང་ཆེན་ཐོག་ལ་རིགས་གཅིག་རྐང་འཛིན་དང་ཉམས་ཞིབ་གནང་གལ་སྐོར་དང་། བར་ལམ་ནས་བོད་མིའི་ཚོའི་སྤྱོད་ལམ་སྡུག་ཏུ་སོང་ནས་༸གོང་ས་༸སྐྱབས་མགོན་ཆེན་པོ་མཆོག་ལྷ་དགོངས་འཁྲུག་ཡོད་པའི་སྐོར་ལ་གསུངས་ནས་རིག་གནས་ཤེས་ཚད་དང་མཉམ་དུ་ཀུན་སྤྱོད་ཀྱང་གལ་ཆེ་ཆགས་ཀྱི་ཡོད་པ་གསུངས་སོང་། ད་དུང་ཆོས་རིག་བཀའ་བློན་མཆོག་གིས་རིགས་སློབ་འདི་ནས་མཐར་སོན་པ་རྣམས་ནས་ལྟེ་གནས་ཁང་འདི་ཐོག་མ་བཙུགས་གནང་སྐབས་༸གོང་ས་མཆོག་གིས་བཀའ་སློབ་དམིགས་བསལ་བ་ཞིག་བསྩལ་ཡོད་པ་ཁག་རྗེས་དྲན་ཞུ་རྒྱུ་དང་། དེ་བཞིན་རིགས་སློབ་དེ་བཙུགས་གནང་མཁན་རྒན་བློ་བཟང་རྒྱ་མཚོ་ལགས་དམ་པ་དེ་ཉིད་བོད་བསྟན་སྲིད་སྤྱིའི་སླད་དུ་སྐུ་སྲོག་ཤོར་ཡོད་སྟབས། ཁོང་གིས་དོལ་རྒྱལ་སོགས་ཀྱི་ཐད་ལ་ལམ་སྟོན་མཛད་ཡོད་པ་ཁག་རང་ངོས་ནས་སྤང་བླང་འཇུག་ལྡོག་མ་ནོར་བ་དང་། དེ་མཚུངས་གཞན་ལའང་ལམ་སྟོན་བྱ་རྒྱུའི་འགན་ཡོད་པ་སོགས་གསུངས་ཡོད། གཞི་རྩའི་ཕྱི་ལོ་ ༡༩༧༣ ལོ་གསར་བཙུགས་གནང་པའི་དྷ་ས་རིགས་ལམ་སློབ་གཉེར་ཁང་དེ་དེ་རིང་སང་ཉིན་ནང་པའི་གཞུང་ཆེན་ཀ་པོད་ལྔ་གཙོས་པའི་ཆོས་ལུགས་རིས་མེད་ཀྱི་གཞུང་ཆེན་ཁག་ལ་སློབ་གཉེར་གནང་ཡུལ་ལྟེ་གནས་ཁང་ཞིག་ཆགས་ཡོད་པ་དང་། དེ་མཚུངས་ཕྱི་ལོ་ ༡༩༩༡ ལོར་གསར་བཙུགས་གནང་པའི་ས་རཱ་བོད་ཀྱི་མཐོ་སློབ་ཏུ་དེ་རིང་སང་ཕྱི་ནང་གཉིས་ནས་མཐོ་རིམ་རིག་གནས་རབ་འབྱམས་གཙོ་བོར་གྱུར་པའི་ནང་དོན་རིག་པ་དང་། ཕྱི་རྒྱལ་སྐད་ཡིག་འཛིན་གྲྭ་སོགས་བཙན་བྱོལ་ནང་བོད་ཀྱི་བརྡ་སྤྲོད་རིག་གནས་སློབ་གཉེར་བྱ་ཡུལ་མཐོ་སློབ་གཙོ་བོ་ཆགས་ཡོད་པ་རེད།
1
...
10
11
12
Page 12 of 12
Latest news
Friday 03/05/2024
03/05/2024
ཧྥ་རན་སི་དང་རྒྱ་ནག་གི་སྲིད་འཛིན་གྲོས་མོལ་སྐབས་བོད་ཀྱི་གནད་དོན་གཙོ་གྲས་སུ་གླེང་དགོས་པའི་ནན་སྐུལ།
03/05/2024
འཛམ་གླིང་གསར་འགོད་རང་དབང་ཉིན་མོ་སྲུང་བརྩི།
03/05/2024
༸གོང་ས་མཆོག་གིས་བཙུམ་དང་ནུབ་རི་ཁུལ་ནས་ཕེབས་པའི་དད་ལྡན་མི་མང་ཁག་གཅིག་ལ་མཇལ་ཁ་སྩལ་བ།
03/05/2024
Thursday 02/05/2024
02/05/2024