Monthly Archives: August, 2017

ཧྥ་རན་སི་རྒྱལ་ས་པེ་རིས་ནང་དུ་བདུན་ཕྲག་འདིའི་རེས་གཟའ་ཟླ་བ་ནས་ཁ་སང་བར་རྒྱལ་སྤྱིའི་བོད་རང་བཙན་གྱི་ཚོགས་ཆེན་ཐེངས་བཞི་པ་ཚོགས་པའི་ཐོག་ནས་མ་འོངས་པར་བོད་གཞུང་མང་གཉིས་ཀས་རང་བཙན་འཐབ་རྩོད་བྱ་བའི་ལངས་ཕྱོགས་གཅིག་གྱུར་ཡོང་སྲིད་སྟབས། ང་ཚོས་བོད་རང་བཙན་འཐབ་རྩོད་ཀྱི་གནད་དོན་མ་བརླགས་པ་དང་འཐབ་རྩོད་པའི་སོན་རྩ་སྐྱེད་སྲིང་བྱ་རྒྱུའི་སྐོར་གསུངས་འདུག ཐེངས་འདིའི་ཚོགས་ཆེན་ཐོག་རྒྱ་གར་དང་ཨ་རི། དེ་བཞིན་ཡོ་རོབ་རྒྱལ་ཁབ་ཁག་ཅིག་ནས་བོད་རིགས་བོད་རང་བཙན་འཐབ་རྩོད་གནང་མཁན་ཁག་ཅིག་དང་། དེ་བཞིན་ཤར་ཏུར་ཀི་སི་ཐན་དང་ལྷོ་སོག ཐེ་ཝན་དང་རྒྱ་རིགས་མང་གཙོ་དོན་གཉེར་བ་དང་རང་བཙན་འཐབ་རྩོད་པ་ཁག་ཅིག་ཀྱང་མཉམ་ཞུགས་གནང་ཡོད་པ་དང་། ཚོགས་ཆེན་ཐོག་ཁྱོན་མཉམ་ཞུགས་བ་མི་གྲངས་ ༡༤༠ ཡས་མས་བཅར་ཡོད་པ་རེད། ཁ་སང་ཚོགས་ཆེན་ཉིན་མཐའ་མའི་ཐོག་ནས་མཉམ་ཞུགས་གནང་མཁན་ཚོས་མ་འོངས་པར་སོ་སོའི་རྩ་དོན་འཐབ་རྩོད་ཀྱི་ཆེད་དུ་ནུས་པ་མཉམ་སྤུངས་དང་མཉམ་ལས་བྱ་རྒྱུར་མོས་མཐུན་ཡོད་པ་དང་། ཚོགས་ཆེན་ཐོག་བོད་མི་དང་། ཤར་ཏུར་ཀི་སི་ཐན། ལྷོ་སོག ཐེ་ཝན་བཅས་རྒྱ་ནག་གི་དབང་བསྒྱུར་འོག་སྡོད་འདོད་མེད་པར་རྒྱལ་ཁབ་སླར་གསོ་དགོས་པ་དང་། རྒྱ་ནག་མང་གཙོ་དོན་གཉེར་བ་རྣམས་ཀྱིས་རྒྱ་ནག་དམར་ཤོག་ཚོགས་པའི་དབང་བསྒྱུར་འོག་ནས་ཐར་དགོས་པར་གཅིག་གྱུར་གྱིས་ངོས་འཛིན་བྱས་ཡོད། མ་འོངས་པའི་སྐབས་ཤིག་ལ་ང་ཚོ་བོད་གཞུང་མང་གཉིས་ཀས་བོད་རང་བཙན་འཐབ་རྩོད་ཀྱི་གནད་དོན་མ་བརླགས་པ་དང་། འཐབ་རྩོད་པའི་སོན་རྩ་སྐྱེད་སྲིང་བྱ་དགོས། རྒྱ་ནག་གི་བཙན་གནོན་འོག་འདས་གྲོངས་སུ་སོང་བ་དང་། མནར་གཅོད་མྱངས་དང་མྱོང་བཞིན་མཁན། རང་ལུས་མེར་སྲེག་གི་ངོ་རྒོལ་བྱེད་མཁན་རྣམས་ཀྱི་འབོད་སྒྲ་དང་། ཁ་ཆེམས་ནི་ཤུལ་ལྷག་ང་ཚོའི་རྩ་དོན་གྱི་ཆེད་དུ་ཡིན་པ་ངོས་ཟིན་ཐོོག་ང་ཚོས་དེའི་ངོ་བོ་དང་རྣམ་པ་གང་ལ་ཡང་བསྒྱུར་བཅོས་མི་ཡོང་བར་བདག་ཉར་དང་ཁྱབ་སྤེལ་བྱ་རྒྱུའི་འགན་ཁུར་དགོས། ཞེས་དང་བོད་རྒྱལ་ཁབ་རྒྱ་ནག་གིས་དབང་བསྒྱུར་བྱས་ནས་བཟུང་། འཕགས་བོད་ས་མཚམས་ནི་རྒྱ་དཀར་ནག་གི་ས་མཚམས་ཡིན་པར་ངོས་འཛིན་ཐོག་རྩོད་གླིང་རིམ་པ་བྱུང་ཡོད་ལ། ཉེ་བའི་ཆར་ས་མཚམས་དེ་རྩོད་རྙོག་ཆེ་རུ་འགྲོ་བཞིན་ཡོད་མོད། དེ་ནི་འཕགས་བོད་གཉིས་ཀྱི་ས་མཚམས་ཡིན་པས་དེའི་ཐོག་རྒྱ་ནག་ལ་རྩོད་གླེང་ཐག་གཅོད་བྱེད་རྒྱུའི་དབང་ཚད་མེད་ལ། བོད་རང་བཙན་སླར་གསོ་མ་ཐུབ་པར་དུ་ས་མཚམས་དེའི་རྩོད་རྙོག་ཐག་གཅོད་ཡོང་ཐབས་མེད་པར་ངོས་འཛིན་བྱེད་རྒྱུ་ཡིན་པ་སོགས་དོན་ཚན་ལྔ་ཅན་གྱི་ཡོངས་ཁྱབ་བསྒྲགས་གཏམ་ཞིག་སྤེལ་གནང་ཡོད་པ་མ་ཟད། དེ་བཞིན་བོད་མི་རང་བཙན་འཐབ་རྩོད་པ་གཙོས་དང་ཤར་ཏུར་ཀི་སི་ཐན། ལྷོ་སོག ཐེ་ཝན་བཅས་ཀྱི་རང་བཙན་འཐབ་རྩོད་པ། རྒྱ་ནག་གི་མང་གཙོ་དོན་གཉེར་བ་བཅས་ཐོུང་གིས་བོད་དང་ཤར་ཏུར་ཀི་སི་ཐན། ལྷོ་སོག ཐེ་ཝན་བཅས་ཀྱི་རང་བཙན་འཐབ་རྩོད་པ། རྒྱ་ནག་གི་མང་གཙོ་དོན་གཉེར་བ་བཅས་ཀྱིས་མ་འོངས་པར་སོ་སོའི་རྩ་དོན་འཐབ་རྩོད་ཀྱི་ཆེད་དུ་ནུས་པ་མཉམ་སྤུངས་དང་མཉམ་ལས་བྱ་རྒྱུར་མོས་མཐུན་ཡོད་པ་དང་། ཚོགས་ཆེན་ཐོག་བོད་མི་དང་། ཤར་ཏུར་ཀི་སི་ཐན། ལྷོ་སོག ཐེ་ཝན་བཅས་རྒྱ་ནག་གི་དབང་བསྒྱུར་འོག་སྡོད་འདོད་མེད་པར་རྒྱལ་ཁབ་སླར་གསོ་དགོས་པ་དང་། རྒྱ་ནག་མང་གཙོ་དོན་གཉེར་བ་རྣམས་ཀྱིས་རྒྱ་ནག་དམར་ཤོག་ཚོགས་པའི་དབང་བསྒྱུར་འོག་ནས་ཐར་དགོས་པར་གཅིག་གྱུར་གྱིས་ངོས་འཛིན་བྱས་ཡོད་ཅེས་པའི་གྲོས་ཆོད་གཉིས་གཏན་འབེབས་གནང་འདུག རྩ་བའི་རྒྱལ་སྤྱིའི་བོད་རང་བཙན་གྱི་ཚོགས་ཆེན་ཐོག་མ་དེ་ ༢༠༡༢ ལོར་རྡ་ས་གངས་ཅན་སྐྱིད་གཤོངས་སུ་ཚོགས་ཡོད་པ་དང། ༢༠༡༥ ལོར་ཐེངས་གཉིས་པ་རྒྱ་གར་གྱི་རྒྱལ་ས་ལྡི་ལི་དང་། ༢༡༠༦ ལོར་ཚོགས་ཆེན་ཐེངས་གསུམ་པ་ཨ་རིར་ཚོགས་ཡོད་པ་རེད། ད་རེས་ཧྥ་རན་སི་ནང་དུ་ཚོགས་པའི་ཚོགས་ཆེན་ཐེངས་བཞི་པའི་ཐོག་ནས་ཚོགས་ཆེན་ལྔ་པ་དེ་བཞུགས་སྒར་དུ་ཚོགས་གཏན་འཁེལ་འདུག ཐེངས་འདིའི་ཚོགས་ཆེན་དང་འབྲེལ་ཨ་རིར་བཅའ་བཞུགས་བོད་རང་བཙན་འཐབ་རྩོད་པ་དང་རྩོམ་པ་པོ་འཇམ་དབྱངས་ནོར་བུ་ལགས་ཀྱིས་འཚམས་འདྲིའི་བརྙན་ཐུང་ཞིག་གནང་འདུག་པ་དང་། དེའི་ནང་ལ་ཁོང་གིས་རང་བཙན་འཐབ་རྩོད་པ་ཚོས་པེ་རིས་ལྟ་བུའི་ས་གནས་གལ་ཆེ་ཞིག་གི་ནང་དུ་ཚོགས་ཆེན་འདི་ལྟར་བསྐོང་ཚོགས་གནང་ཐུབ་པར་བསྔགས་བརྗོད་དང་སྦྲགས། ཁོང་སྒེར་གྱི་ངོས་ནས་རྒྱལ་སྤྱིའི་འགྱུར་འགྲོས་ལ་གཞིགས་ཏེ་རང་བཙན་ལ་རེ་བ་གཟིགས་གནང་གི་ཡོད་པ་གསུངས་འདུག ལྷག་པར་དུ་འཇམ་དབྱངས་ནོར་བུ་ལགས་ཀྱིས་རང་བཙན་འཐབ་རྩོད་པས་གོམ་པ་དང་པོ་ནི་སྒྲིག་འཛུགས་འཛུགས་གནང་རྒྱུ་དེ་ཡིན་པ་དང་། དེ་མིན་འཆར་གཞི་བཟོ་བས་ཕན་ཐོགས་མེད་པ་གསུངས་འདུག  

བཞུགས་སྒར་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་རྒྱ་གཞུང་གིས་བོད་སེར་རྟ་ལྔ་རིག་ནང་བསྟན་སློབ་གླིང་དང་བླ་རུང་ཆོས་སྒར་གཉིས་ཐོག་དོ་དམ་ལས་ཁུངས་གསར་བཙུགས་ཀྱིས་དགོན་པ་དང་དགེ་འདུན་པའི་བྱེད་སྒོར་བཏང་འཛིན་བྱེད་མཁན་མི་སྐྱ་ཕོ་མོའི་འགོ་ཁྲིད་བསྐོ་གཞག་བྱས་པ་དེ་རྩ་བ་ནས་འགྲིག་གི་མ་རེད་ཅེས་སྐྱོན་བརྗོད་གནང་ཡོད་པ་རེད། ཟླ་བ་འདིའི་ཕྱི་ཚེས་ ༢༠ ཉིན་རྒྱ་གཞུང་གིས་སྔར་ཡོད་བོད་སེར་རྟ་ལྔ་རིག་ནང་བསྟན་སློབ་གླིང་གི་འཛིན་སྐྱོང་གནང་ཕྱོགས་ལ་སྔར་མེད་བསྒྱུར་བཅོས་ཀྱིས་ལྔ་རིག་ནང་བསྟན་སློབ་གླིང་དང་བླ་རུང་ཆོས་སྒར་གཉིས་པོ་ལོགས་སུ་དབྱེ་ནས་ཕྱོགས་ཡོངས་ནས་དོ་དམ་བྱ་ཕྱིར་སྒྲིག་གཞི་གཏན་འབེབས་ཀྱིས་དོ་དམ་ཨུ་ཡུན་ལྷན་ཁང་ཞེས་པ་ཞིག་གསར་བཙུགས་བྱས་ཡོད་པ་མ་ཟད། འགན་འཛིན་དང་ལས་བྱེད་དུ་དམར་ཤོག་ཚོགས་པའི་ལས་བྱེད་བོད་རིགས་བཀྲ་སྦེ་དང། བསོད་ནམས་ཆོས་འཕེལ་དང།   དོན་གྲུབ་བཀྲིས།  བཀྲིས་ཚེ་རིང་། བསོད་ནམས་དབྱངས་འཛོམས། དེ་བཞིན་ལོ་ཁང་ཕིང་ཟེར་བ་བཅས་དམར་ཤོགས་ཚོགས་པའི་མི་སྐྱ་ཕོ་མོ་དྲུག་བསྐོ་གཞག་བྱ་རྒྱུའི་གསལ་བསྒྲགས་སྤེལ་ཡོད་པ་རེད། འདི་ག་རླུང་འཕྲིན་ཁང་ནས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་དུ་ཆེད་བཅར་གྱིས་ད་རེས་རྒྱ་གཞུང་ནས་སེར་རྟ་ནང་བསྟན་སློབ་གླིང་དུ་སྔར་མེད་དོ་དམ་ཨུ་ཡོན་ལྷན་ཁང་གསར་བཙུགས་བྱས་པའི་གནད་དོན་ཐད་བཅར་འདྲི་ཞུས་པར་ལྟེ་གནས་ཁང་གི་ཉམས་ཞིབ་པ་ཁྲི་སྲོང་རྡོ་རྗེ་ལགས་ཀྱིས་རྒྱ་གཞུང་གིས་བོད་ནང་གི་དགོན་སྡེ་ཁག་ཏུ་མི་སྐྱ་ཕོ་མོའི་འགོ་ཁྲིད་བསྐོ་གཞག་བྱེད་བཞིན་པ་དེ་རྩ་བ་ནས་འགྲིག་གི་མ་རེད་ཅེས་གསུངས་སོང་པ་མ་ཟད། མ་འོངས་པར་གྲྭ་བཙུན་རྣམས་ཀྱི་གནང་སྒོར་དཀའ་ངལ་དང་མཇུག་འབྲས་ངན་པ་ཞིག་ཡོང་ངེས་ཡིན་པ་གསུངས་སོང། རྩ་བའི་ཟླ་ ༨ ཚེས་ ༢༠ ཉིན་རྒྱ་གཞུང་གིས་གནས་ཚུལ་དེ་སྤེལ་མཚམས་སུ་འདི་ག་རླུང་འཕྲིན་ཁང་ལ་གནས་ཚུལ་མཁོ་སྤྲོད་པས་ས་གནས་བོད་མི་དང་ལྷག་དོན་དགོན་པའི་དགེ་འདུན་པ་ཚོའི་ངོས་ནས་མ་འོངས་པར་དགོན་པའི་དབང་ཆ་ཡོངས་རྫོགས་རྒྱ་ནག་དམར་ཤོག་ཚོགས་པའི་ལག་ཏུ་ཤོར་རྒྱུ་དང་གྲྭ་བཙུན་དང་དགོན་པར་རང་དབང་གང་ཡང་མེད་པ་ཆགས་ངེས་ཡིན་པའི་བློ་འཚབ་བྱེད་བཞིན་ཡོད་པ་འགྲེལ་བརྗོད་གནང་ཡོད་པ་རེད། ད་རེས་རྒྱ་གཞུང་གིས་དོ་དམ་བྱེད་ཕྱོགས་ཀྱི་སྒྲིག་གཞི་གསར་པ་གཏན་འབེབས་བྱས་པའི་ནང་སློབ་གླིང་དང་དགོན་པ་གཉིས་ལོགས་སུ་དབྱེ་དགོས་དོན་ནི་དགོན་པ་དང་གྲྭ་བཙུན་གྱི་ཁེ་ཕན་ལ་དམིགས་ནས་ལག་བསྟར་བྱས་པ་ཡིན་ཚུལ་འཁོད་འདུག  དེ་བཞིན་ནང་བསྟན་སློབ་གླིང་དུ་ལས་བྱེད་དང་གྲྭ་སློབ་ཁྱོན་ ༡༥༠༠ ལས་བརྒལ་མི་ཆོག་པ་དང་བླ་རུང་དགོན་པའི་ལས་བྱེད་དང་གྲྭ་བཙུན་བསྡོམས་མི་གྲངས་ ༣༥༠༠ ལས་བརྒལ་མི་ཆོག་པ་མ་ཟད། སོ་སོར་མིང་ཐོ་འགོད་པ་དང་ལག་འཁྱེར་བཟོ་རྗེས་རང་ཉིད་ཀྱི་མིང་དང་ལག་འཁྱེར་དཔང་ཡིག་གཅིག་གྱུར་དགོས་པ་སོགས་བཟོ་ནས་ཁྲིམས་ལྟར་ཚད་ལྡན་དང་རྒྱུན་གཏན་ཅན་གྱི་དོ་དམ་བྱས་ཏེ་ཕྱི་ནས་ཡོང་མཁན་མི་སྣར་སྔོན་འགོག་བྱེད་དགོས་པ་སོགས་འཁོད་ཡོད་པ་རེད།

ཉེ་ལམ་རྒྱ་གཞུང་གིས་སྔར་ཡོད་བོད་སེར་རྟ་ལྔ་རིག་ནང་བསྟན་སློབ་གླིང་གི་འཛིན་སྐྱོང་གནང་ཕྱོགས་ལ་སྔར་མེད་བསྒྱུར་བཅོས་ཀྱིས་ལྔ་རིག་ནང་བསྟན་སློབ་གླིང་དང་བླ་རུང་ཆོས་སྒར་གཉིས་པོ་དགོན་པ་ལོགས་སུ་དབྱེ་རྒྱུ་དང་། དོ་ལམ་གྱི་ལས་ཁུངས་ལོགས་སུ་བཟོ་སྟེ་འགན་འཛིན་དམར་ཤོག་ཚོགས་པའི་ལས་བྱེད་བསྐོ་གཞག་བྱ་རྒྱུ་གཙོས་ཕྱོགས་ཡོངས་ནས་དོ་དམ་བྱེད་ཕྱོགས་ཀྱི་སྒྲིག་གཞིའི་དོན་ཚན་ཁག་ཅིག་གཏན་འབེབས་བྱས་འདུག གླིང་དང་དགོན་པ་གཉིས་ཀྱི་དོ་དམ་ལས་ཁུངས་ཀྱི་འགན་འཛིན་དུ་རྒྱ་ནག་དམར་ཤོག་ཚོགས་པའི་ལས་བྱེད་ཚོགས་མི་དྲུག་བསྐོ་གཞག་བྱ་གཏན་འཁེལ་ཡོད་པ་དེ་ལྟར་ཡང་། ཟླ་བ་འདིའི་ཚེས་ ༢༠ ཉིན་དཀར་མཛེས་ཁུལ་གྱིི་དམར་ཤོག་ཚོགས་པའི་ལས་བྱེད་གོ་སྒྲིག་ཚན་པའི་མིང་ཐོག་ནས་འགོ་ཁྲིད་ལས་བྱེད་དེ་དག་གི་མིང་ཕྱིར་བསྒྲགས་བྱས་འདུག  དེའང་ད་ལྟ་རྒྱ་ནག་དམར་ཤོག་ཚོགས་པའི་ཚོགས་མི་ཡིན་པ་དང་། དཀར་མཛེས་ཁུལ་སྤྱི་བདེ་ལས་ཁུངས་ཀྱི་ཚོགས་མིའི་ཨུ་ཡོན། དཀར་མཛེས་ཁུལ་སྤྱི་བདེ་ལས་ཁུངས་ཀྱི་འགན་འཛིན་གཞོན་པ་བཅས་ཀྱི་འགན་ཁུར་མུས་ཡིན་པ་བོད་མི་བཀྲ་སྦེ་ཟེར་བ་ཞིག་སེར་རྟ་ལྔ་རིག་ནང་བསྟན་སློབ་གླིང་གི་དམར་ཤོག་ཚོགས་པའི་འགན་འཛིན་དང་སློབ་གླིང་གི་འགན་འཛིན་ལ་བསྐོ་གཞག་བྱ་རྒྱུ་མ་ཟད། རྒྱ་ནག་དམར་ཤོག་ཚོགས་པའི་ཚོགས་མི་དང་ད་ལྟ་སེར་རྟ་རྫོང་དམར་ཤོག་ཚོགས་པའི་འགོ་ཁྲིད་བོད་མི་བསོད་ནམས་ཆོས་འཕེལ་ཟེར་བ་ཞིག་བླ་རུང་སྒར་དོ་དམ་ཨུ་ཡོན་ལྷན་ཁང་གི་རྩ་འཛུགས་ཀྱི་འགོ་ཁྲིད་དང་ཤེས་ཡོན་འགན་འཛིན་དུ་བསྐོ་གཞག་བྱ་རྒྱུ། དཀར་མཛེས་བོད་རིིགས་རང་སྐྱོང་ཁུལ་འཐབ་ཕྱོགས་གཅིག་གྱུར་གྱི་འགན་འཛིན་གཞོན་པ་དང་མི་རིགས་ཆོས་ལུགས་དོ་དམ་ཨུ་ཡོན་ལྷན་ཁང་ཟེར་བའི་འགན་འཛིན་དོན་གྲུབ་བཀྲིས་ཟེར་བ་ཞིག་སེར་རྟ་ལྔ་རིག་ནང་བསྟན་སློབ་གླིང་གི་དམར་ཤོག་ཚོགས་པའི་འགན་འཛིན་གཞོན་པ་དང་སློབ་གླིང་གི་འགན་འཛིན་གཞོན་པར་བསྐོ་གཞག་བྱ་རྒྱུ། དེ་བཞིན་རྒྱ་ནག་དམར་ཤོག་ཚོགས་པའི་ཚོགས་མི་ཡིན་པ་བཀྲིས་ཚེ་རིང་དང་བསོད་ནམས་དབྱངས་འཛོམས་ཟེར་བ་གཉིས་སེར་རྟ་བླ་རུང་དགོན་པའི་དོ་དམ་ཨུ་ཡོན་ལྷན་ཁང་གི་དམར་ཤོག་ཚོགས་པའི་འགན་འཛིན་གཞོན་པར་བསྐོ་གཞག་བྱ་རྒྱུ། དེ་མིན་ལོ་ཁང་ཕིང་ཟེར་བའི་བོད་མི་ཞིག་སེར་རྟ་ལྔ་རིག་ནང་བསྟན་སློབ་གླིང་གི་དམར་ཤོག་ཚོགས་པའི་འགན་འཛིན་དང་སློབ་གླིང་གི་འགན་འཛིན་གཞོན་པར་བསྐོ་གཞག་བྱ་རྒྱུ་བཅས་ཀྱི་གསལ་བསྒྲགས་སྤེལ་ཡོད་པ་རེད། གནས་ཚུལ་སྤེལ་རྗེས་ས་གནས་བོད་མི་དང་ལྷག་དོན་དགོན་པའི་དགེ་འདུན་པ་ཚོའི་ངོས་ནས་མ་འོངས་པར་དགོན་པའི་དབང་ཆ་ཡོངས་རྫོགས་རྒྱ་ནག་དམར་ཤོག་ཚོགས་པའི་ལག་ཏུ་ཤོར་རྒྱུ་དང་གྲྭ་བཙུན་དང་དགོན་པར་རང་དབང་གང་ཡང་མེད་པ་ཆགས་ངེས་ཡིན་པའི་བློ་འཚབ་བྱེད་བཞིན་ཡོད་པ་རེད་འདུག ད་དུང་དོ་དམ་བྱེད་ཕྱོགས་ཀྱི་སྒྲིག་གཞི་དེའི་ནང་སློབ་གླིང་དང་དགོན་པ་གཉིས་ལོགས་སུ་དབྱེ་དགོས་དོན་ནི་དགོན་པ་དང་གྲྭ་བཙུན་གྱི་ཁེ་ཕན་ལ་དམིགས་ནས་ལག་བསྟར་བྱས་པ་ཡིན་ཚུལ་འཁོད་འདུག  དེ་བཞིན་ནང་བསྟན་སློབ་གྲིང་དུ་ལས་བྱེད་དང་གྲྭ་སློབ་ཁྱོན་ ༡༥༠༠ ལས་བརྒལ་མི་ཆོག་པ་དང་བླ་རུང་དགོན་པའི་ལས་བྱེད་དང་གྲྭ་བཙུན་བསྡོམས་མི་གྲངས་ ༣༥༠༠ ལས་བརྒལ་མི་ཆོག་པ་མ་ཟད། སོ་སོར་མིང་ཐོ་འགོད་པ་དང་ལག་འཁྱེར་བཟོ་རྗེས་རང་ཉིད་ཀྱི་མིང་དང་ལག་འཁྱེར་དཔང་ཡིག་གཅིག་གྱུར་དགོས་པ་སོགས་བཟོ་ནས་ཁྲིམས་ལྟར་ཚད་ལྡན་དང་རྒྱུན་གཏན་ཅན་གྱི་དོ་དམ་བྱས་ཏེ་ཕྱི་ནས་ཡོང་མཁན་མི་སྣ་སྔོན་འགོག་བྱེད་དགོས་པ་སོགས་འཁོད་ཡོད་པ་རེད། གཞི་རྩའི་རྒྱ་ནག་གཞུང་གིས་གསེར་རྟ་ཁུལ་དུ་རྟེན་གཞི་བྱས་པའི་འཛམ་གླིང་ནང་གི་ནང་པའི་སློབ་གཉེར་ཁང་ཆེ་ཤོས་གྲས་ཡིན་ཀྱང་། གསེར་རྟ་བླ་རུང་སྒར་དུ་སྔ་ལོའི་ཟླ་ ༧ ཚེས་ ༢༠ ནས་གྲྭ་ཤག་གཏོར་བཤིག་དང་གྲྭ་བཙུན་ཕྱིར་ཕུད་ཀྱི་ལས་གཞི་སྤེལ་བའི་ཁྲོད། ཕ་ཡུལ་ཁྱུང་མཆུ་རྫོང་རྨེ་བ་ཡུལ་ཕྱོགས་ནས་ཡིན་པའི་བཙུན་མ་ཚེ་རིང་སྒྲོལ་མ་ལགས་ཀྱིས་གཙོས་པའི་ད་བར་བཙུན་མ་གསུམ་ནས་རྒྱ་གཞུང་གིས་དགོན་པ་གཏོར་བཤིག་གི་ལས་དོན་སྤེལ་བར་མ་བཟོད་ནས་མི་འདོད་པའི་རྣམ་པ་བསྟན་ཐབས་སུ་རང་སྲོག་བཅད་པའི་གནས་ཚུལ་ཐོན་ཡོད་པ་མ་ཟད། ཉེ་དུས་རང་སྲོག་བཅད་མཁན་བཙུན་མ་ཚེ་རིང་སྒྲོལ་མ་ལགས་ཀྱི་ཞལ་ཆེམས་ཡི་གེ་ཞིག་ཕྱིར་འགྱར་བྱུང་བའི་ནང་། ‘’ངའི་སེམས་པ་འདི་ཧ་ཅང་སྐྱོ། རྒྱུ་མཚན་རྒྱ་ནག་གཞུང་གི་ཆོས་དཔོན་ལའང་རང་དབང་སྤྲོད་ཀྱི་མི་འདུག སྡོད་ཤག་ཆུང་ཆུང་དེ་ཚོའང་བཤིག་བཞག་ཐལ། ང་ཤི་ན་དགའ་’’ ཞེས་བྲིས་འདུག  ལྷག་དོན་གྲྭ་ཤག་ཁག་གཏོར་བཤིག་བཏང་པའི་ས་ཆ་ཁག་ཏུ་ཡུལ་སྐོར་སྤྲོ་འཆམ་པ་འགྲོ་སའི་རྒྱ་ལམ་དང་སྐས་བརྫེགས་ས་སྟོང་སོགས་གསར་རྒྱག་བྱེད་བཞིན་ཡོད་པ་མ་ཟད། རྒྱ་གཞུང་གིས་ཡུལ་སྐོར་སྤྲོ་འཆམ་པར་དམིགས་ཏེ་གཞི་རྒྱ་ཆེ་བའི་མགྲོན་ཁང་ཁག་ཅིག་གསར་རྒྱག་བྱེད་བཞིན་ཡོད་པ་རེད་འདུག ཆོས་སྡེ་དེར་ད་ཆ་ནང་ཆོས་སློབ་གཉེར་བ་ལས་ཡུལ་སྐོར་སྤྲོ་འཆམ་པ་མང་བ་ཆགས་ཡོད་པ་རེད།

ཉན་པ།: Listen ཕབ་ལེན། Download གསེར་རྟ་ནང་བསྟན་སློབ་གླིང་གི་འགན་འཛིན་དུ་དམར་ཤོག་གི་འགོ་ཁྲིད་ཅིག་བསྐོ་བཞག་བྱེད་འདུག ཨ་མྱེས་རྨ་ཆེན་རི་ཁྲོད་དུ་གཏེར་ཁ་སྔོག་འདོན་ལས་གཞི་མཚམས་འཇོག་དགོས་པའི་འབོད་སྐུལ། ཡུལ་ཤུལ་རྟ་རྒྱུགས་དུས་ཆེན་དེ་རྒྱ་གཞུང་གི་ཆབ་སྲིད་དྲིལ་བསྒྲགས་དུས་ཆེན་དུ་གྱུར་བཞིན་པ་མངོན་གསལ་གནང་འདུག Jiang Tianyong གྱིས་ནག་ཉེས་ངོས་ལེན་བྱས་པ་དེ་བཙན་དབང་བཏང་ཡོད་པ་ངོས་འཛིན་གནང་འདུག མཉམ་འབྲེལ་ཁག་བཅོ་ལྔའི་འཛིན་སྐྱོང་ཚོགས་ཆེན་ཐེངས་ ༡༧ པ་ཚོགས་པ། ༸གོང་ས་མཆོག་གིས་ཨ་རིའི་རྒྱལ་ས་ DC ས་གནས་བོད་མིར་བསྩལ་བའི་བཀའ་སློབ། Wednesday 23/08/2017 China appoints 7 Party Members at Larung Gar Buddhist Institute Tibetan netizens call for end to mining at sacred mountain of Amnye Machen Local people don’t come here anymore: horse festival serving China’s political interest Rights group sham prosecution Jiang Tianyong, calls it a cynical ‘court performance’ 17th Annual Conference of Tibetan Cooperatives held in Mundgod, South India FEATURE: Dalai Lama’s speech to Tibetan in Washington DC

རྒྱ་གཞུང་གིས་དབྱེ་བའི་མཚོ་སྔོན་ཞིང་ཆེན་བོད་མདོ་སྨད་གོ་ལོག་རྨ་ཆེན་རྫོང་ཁོངས་ཀྱི་ས་གནས་མི་མང་ཚོས་རྒྱ་ནག་གཞུང་གིས་ཁུལ་དེར་རྟེན་གཞི་བྱས་པའི་ཨ་མྱེས་རྨ་ཆེན་རི་ཁྲོད་ས་ཁུལ་དུ་མུ་མཐུད་གཏེར་ཁ་སྔོག་འདོན་བཞིན་པ་རྣམས་འཕྲལ་མར་མཚམས་འཇོག་དགོས་པར་འབོད་སྐུལ་ཞུ་བཞིན་འདུག དེ་ཡང་ཉེ་ཆར་རྨ་ཆེན་རྫོང་གི་ས་གནས་མི་མང་རྣམས་ཀྱིས་རྒྱ་གཞུང་གི་གཏེར་ལས་ལྷན་ཁང་ལ་གཏེར་ཁ་སྔོག་འདོན་གྱི་ལས་གཞི་ཁག་མཚམས་འཇོག་དགོས་སྐོར་རྒྱ་ཡིག་ཐོག་འབོད་སྐུལ་གྱི་འཕྲིན་ཡིག་ཞིག་བཏང་ཡོད་པ་བརྒྱུད་ལམ་ཐོག་ཁྱབ་སྤེལ་འགྲོ་བཞིན་འདུག་པ་དང་། དེའི་ནང་ལ་དེ་སྔར་ཕྱི་ལོ་ ༡༩༩༣ ལོར་རྒྱ་ནག་གཞུང་གི་ཐད་ཀར་བཏང་འཛིན་འོག་བོད་ཀྱི་ཨ་མྱེས་རྨ་ཆེན་རི་འགྲམ་དུ་གཏེར་ཁ་སྔོག་འདོན་གྱི་ལས་གཞི་གཞི་རྒྱ་ཆེ་བ་སྤེལ་ཡོད་པ་དང་། དེ་ནས་རིམ་པས་ ༡༩༩༧ ལོར་ལས་གཞི་དེ་རྒྱ་རིགས་སྒེར་པའི་གཏེར་སྔོག་བཟོ་གྲྭ་ཞིག་ལ་རྩིས་སྤྲོད་ཀྱིས་ད་བར་ས་གནས་སུ་གཏེར་ཁ་སྔོག་འདོན་གྱི་ལས་གཞི་བསྟུད་མར་སྤེལ་བཞིན་ཡོད་པ་མ་ཟད། ལྷག་པར་དུ་ ༡༩༩༩ ལོར་ས་ཁུལ་ནས་ཟངས་ཕོན་ཆེན་སྔོག་འདོན་བྱས་ཡོད་པ་སོགས་འགྲེལ་བརྗོད་གནང་འདུག རྒྱ་གཞུང་གི་གཏེར་སྔོག་ལས་གཞི་དེ་དག་གི་རྐྱེན་པས་རྨ་ཆེན་རྫོང་ཁོངས་ཀྱི་རྒྱུག་ཆུ་དང་ས་ཞིང་། ལྷག་པར་དུ་མཁའ་རླུང་གཙོས་པའི་ཁོར་ཡུག་གི་གནས་སྟངས་སྤྱི་དང་སྒོས་ས་གནས་ཀྱི་སྒོ་ཕྱུགས་སེམས་ཅན་དང་། རི་དྭགས། ཞིང་པ། འབྲོག་པ་རྣམས་ཀྱི་འཚོ་ཐབས་ལ་ངལ་བ་ཆེན་པོ་འཕྲད་པ་དང་། དོ་ཕོག་ཤུགས་ཆེ་ཐེབས་ཀྱི་ཡོད་སྟབས། རྒྱ་ནག་གཞུང་ནས་ཁོར་ཡུག་གི་བདེ་འཇགས་ལ་ལྟ་རྟོག་གིས་ཁུལ་དེར་མུ་མཐུད་གཏེར་ཁ་སྔོག་འདོན་བྱེད་བཞིན་པའི་ལས་གཞི་རྣམས་གང་མྱུར་མཚམས་འཇོག་བྱེད་དགོས་པར་འབོད་སྐུལ་བསྐྱར་ནན་ཞུས་འདུག གཞི་རྩའི་རྒྱ་ནག་གཞུང་གིས་བོད་ཨ་མདོ་གཙོས་པའི་བོད་ཀྱི་ས་ཁུལ་འདྲ་མིན་ནང་ལ་གཏེར་ཁ་སྔོག་འདོན་བྱེད་བཞིན་པར་ས་གནས་སོ་སོའི་མི་མང་ཚོས་ལས་གཞི་དེ་དག་མཚམས་འཇོག་དགོས་པའི་ཞུ་འབོད་ཡང་ཡང་གནང་ཡོད་ཀྱང་། རྒྱ་གཞུང་གིས་བརྩི་འཇོག་གང་ཡང་མ་བྱས་པར་མུ་མཐུད་བོད་ཀྱི་ས་ཁུལ་ཁག་ཏུ་གཏེར་ཁ་སྔོག་འདོན་གྱི་ལས་གཞི་རྒྱ་ཆེ་སྤེལ་བཞིན་ཡོད་སྟབས། སྔར་ལོ་བོད་མདོ་སྨད་ཨ་མཆོག་ཁུལ་དང་། དེ་སྔ་ཕྱི་ལོ་ ༢༠༡༣ ལོར་ཁམས་ཡུལ་ཤུལ་རྫ་སྟོད་ཁུལ་སོགས་ས་གནས་སོ་སོར་མང་ཚོགས་རྣམས་ནས་རྒྱ་གཞུང་ལ་ཞི་བའི་ངོ་རྒོལ་གནང་པ་སོགས་ཀྱི་གནས་ཚུལ་ཐོན་ཡོད་པ་མ་ཟད། ས་གནས་བོད་མི་ཁག་ཅིག་ནས་གཏེར་ཁ་སྔོག་ཡུལ་གྱི་ས་ཚིགས་སུ་རང་སྲེགས་གནང་སྟེ་རྒྱ་གཞུང་ལ་ངོ་རྒོལ་བྱས་ཡོད་པ་དང་། རང་ལུས་མེར་སྲེས་གནང་མཁན་ཨ་མཆོག་དགོན་པའི་རང་ལོ་ ༤༡ ཡིན་པའི་གྲྭ་ཚུལ་ཁྲིམས་རྒྱ་མཚོ་ལགས་ཀྱི་ཞལ་ཆེམས་ནང་རྒྱ་གཞུང་གི་བོད་ཀྱི་ས་ཁུལ་ཁག་ཏུ་གཏེར་ཁ་སྔོག་འདོན་བྱེད་བཞིན་པ་དང་འབྲེལ། བོད་མི་ས་ཡ་དྲུག་གི་སྡུག་བསྔལ་འདི་སུ་ལ་ཞུ། རྒྱ་ནག་པོའི་ཁྲིམས་ཁ་བཙན་པོས། གསེར་དངུལ་གྱི་བང་མཛོད་ཁྱེར་ཐལ། འབངས་མི་སེར་སྡུག་ལ་སྦྱོར་《གྱི་》གི འདི་བསམ་ན་མིག་ཆུ་ལྷུང་གི་ཞེས་བཀོད་ཡོད་པ་རེད།

ཉན་པ།: Listen ཕབ་ལེན། Download ཨ་ཀྲུག་བློ་སྤོ་ལགས་ལོ་བཅུ་རྗེས་བཙོན་གྲོལ་ཐོབ་འདུག པེ་རིས་ནང་དུ་རྒྱལ་སྤྱིའི་བོད་རང་བཙན་ཚོགས་ཆེན་ཐེངས་བཞི་པ་ཚོགས་བཞིན་འདུག ཁེམ་བྷིཇ་སློབ་ཆེན་ནས་དཔྱད་རྩོམ་ཁག་དྲ་གནས་ཐོག་བཞག་རྒྱུའི་ཐག་གཅོད་གནང་འདུག ༸གོང་ས་མཆོག་གིས་ཨེ་ཤ་ཡའི་དད་ལྡན་པ་ཁག་ཅིག་ལ་བཀའ་ཆོས་བསྩལ་རྒྱུ། འབྲས་སྤུངས་ཞོ་སྟོན་སྐོར་དམིགས་བསལ་བཅར་འདྲི། གླུ་གཞས་ལས་རིམ། ཀུན་བདེ་གླིང་ཐུབ་བསྟན་ལགས་ཀྱི་བླངས་པའི་རྣམ་ཐར། Tuesday 22/08/2017 Adruk Loboe released after 10 years in prison 4th International Rangzen Conference underway in Paris Cambridge University restores articles on China after facing boycott threat Dalai Lama to confer teaching to Asian Buddhists next week Drepung Shoton Festival: an interview MUSIC FEATURE: Tibetan Opera (Namthar) by Kundeling Thupten

བོད་རིགས་རང་བཙན་འཐབ་རྩོད་པ་ཁག་ཅིག་གིས་གོ་སྒྲིག་འོག་ཡོ་རོབ་ཧྥ་རན་སི་རྒྱལ་ས་པེ་རིས་ནང་དུ་ཁ་སང་ཕྱི་ཚེས་ ༢༡ ནས་ཉིན་གསུམ་རིང་ལ་རྒྱལ་སྤྱིའི་བོད་རང་བཙན་ཚོགས་ཆེན་ཐེངས་བཞི་པ་དེ་བཞིན་འཚོགས་བཞིན་འདུག ཚོགས་ཆེན་ཐོག་ལ་ཁྱོན་མི་གྲངས་ ༡༤༠ ཙམ་ཚོགས་བཅར་ཞུས་འདུག་པ་ལས་བོད་མིའི་གནད་ཡོད་མི་སྣའི་ཁོངས་སྤྱི་འཐུས་འཇུ་ཆེན་དཀོན་མཆོག་ལགས་དང་སྤྱི་འཐུས་དགེ་བཤེས་སྨོན་ལམ་མཐར་ཕྱིན་ལགས། སྤྱི་འཐུས་བསྟན་པ་ཡར་འཕེལ་ལགས་སོགས་ཕེབས་འདུག་པ་དང། ཚོགས་ཆེན་གྱི་སྐུ་མགྲོན་གཙོ་བོར་སྤྱི་འཐུས་ལྷ་རྒྱ་རི་རྣམ་རྒྱལ་སྒྲོལ་དཀར་ལགས་ཕེབས་འདུག དེ་དེ་བཞིན་ཚོགས་ཆེན་གོ་སྒྲིག་གནང་མཁན་ནས་ཤར་ཏུར་ཀིས་ཐན་རང་བཙན་འཐབ་རྩོད་པ་ Dolkun Isa ལགས་དང་རྒྱ་རིགས་མང་གཙོ་དོན་གཉེར་བ་ Dr Xu Pei ལགས། གཞན་ཡང་སོག་པོ་དང་ཐེ་ཝན་སོགས་ནས་མང་གཙོ་དོན་གཉེར་བ་དང་བོད་རང་བཙན་ཐོག་རྒྱབ་སྐྱོར་གནང་མཁན་མི་སྣ་ཁ་ཤས་ཀྱང་གདན་འདྲེན་ཞུས་འདུག སྐུ་མགྲོན་གཙོ་བོ་སྤྱི་འཐུས་ལྷ་རྒྱ་རི་རྣམ་རྒྱལ་སྒྲོལ་ལགས་ནས་ཁ་སང་ཚོགས་ཆེན་དབུ་འབྱེད་མཛད་སྒོའི་སྟེང་གཞིས་ལུས་བོད་མི་ཚོས་ཉེན་ཁ་ལ་མ་འཛེམས་པར་སྙིང་སྟོབས་ཆེན་པོས་བློས་གཏོང་གནང་ནས་འཐབ་རྩོད་གནང་བཞིན་པ་ལ་རྗེས་དྲན་ཞུས་པ་དང་ཆབས་ཅིག རང་བཙན་རྩོད་རྒྱུ་ནི་འཐབ་རྩོད་ཀྱི་སྙིང་པོ་ཡིན་པ་སོགས་གསུངས་འདུག གཞན་ཡང་ཤར་ཏུར་སི་ཐན་གྱི་རང་བཙན་འཐབ་རྩོད་པ་གྲགས་ཅན་སྐུ་ཞབས་ Dolkun Isa ལགས་ནས་ཚོགས་ཆེན་གྱི་ཉིན་དང་པོའི་ཐོག་མ་འོངས་པའི་ཤར་ཏུར་ཀིས་ཐན་རང་བཙན་སྐོར་དང་། རྒྱ་ནག་དམར་ཤོག་ལ་ཁ་གཏད་དང་གདོང་ལེན་གནང་ཆེད་མཐུན་ཕྱོགས་འཐབ་རྩོད་པ་ཚོའི་མཉམ་རུབ་ཀྱི་ནུས་པ་ཇེ་མཐོར་སྤེལ་གལ་སྐོར་ལ་གསུང་བཤད་གནང་འདུག ཉིན་གསུམ་གྱི་ཚོགས་ཆེན་ལས་ཚོགས་ཆེན་དངོས་གཞི་སྐབས་སུ་ཚོགས་བཅར་བ་རྣམས་ནས་ད་ལྟའི་རྒྱལ་སྤྱི་དང་རྒྱ་ནག་གི་སྲིད་བྱུས་གནས་བབས་ལ་གཞིགས་པའི་བོད་རང་བཙན་རྩོད་ལེན་གནང་ཕྱོགས། བོད་རང་བཙན་གྱི་འཐབ་རྩོད་དེ་གོང་འཕེལ་གཏོང་ཐབས། རང་བཙན་འཐབ་རྩོད་པ་མཉམ་གནས་ཡོང་ཐབས། རང་སྲེག་གི་གནད་དོན། དེ་བཞིན་མ་འོངས་པར་རྒྱལ་སྤྱིའི་བོད་རང་བཙན་ཚོགས་ཆེན་གོ་སྒྲིག་ཞུ་ཕྱོགས་བཅས་དང་འབྲེལ་བའི་གནད་དོན་འགའ་ཞིག་གི་ཐོག་གྲོས་བསྡུར་གནང་ཡོད་པ་རེད། གསར་འགོད་པས་པེ་རིས་ནང་དུ་འཚོགས་བཞིན་པའི་རྒྱལ་སྤྱིའི་བོད་རང་བཙན་ཚོགས་ཆེན་འདིའི་སྐོར་ལ་ཚོགས་འདུ་གོ་སྒྲིག་གནང་མཁན་ཁོངས་སུ་ཡོད་པ་བྷེལ་ཇམ་དུ་བཞུགས་པའི་བཀྲིས་བདེ་ལེགས་ལགས་སུ་བཅར་འདྲི་ཁག་ཅིག་ཞུས་པ་ཡིན། རྩ་བའི་རྒྱལ་སྤྱིའི་བོད་རང་བཙན་གྱི་ཚོགས་ཆེན་ཐེངས་དང་པོ་དེ་རྡ་རམ་ས་ལར་སྐོང་ཚོགས་གནང་པ་དང་། ཐེངས་གཉིས་པ་དེ་ ༢༠༡༦ ཕྱི་ཟླ་ ༥ ཚེས་ ༢༣ དང་ ༢༤ བར་ཉིན་གཉིས་རིང་རྒྱ་གར་གྱི་རྒྱལ་ས་ལྡི་ལིར་ཚོགས། ཚོགས་ཆེན་ཐེངས་གསུམ་པ་དེ་སླ་ལོ་ ༢༠༡༧ ཟླ་ ༧ ཚེས་ ༡ ནས་ ༣ བར་ནིའུ་ཡོག་ཏུ་ཚོགས་ཡོད་པ་མ་ཟད། ད་ལན་ཚོགས་ཆེན་ཐེངས་བཞི་པ་འདི་ཁ་སང་ཚེས་ ༢༡ ནས་དབུ་འཛུགས་ཀྱིས་ཡོ་རོབ་ཧྥ་རན་སི་རྒྱལ་ས་པེ་རིས་ནང་དུ་འཚོགས་བཞིན་ཡོད་པ་རེད།

དེ་ཡང་ཉེ་ཆར་རེས་གཟའ་པ་སངས་ཉིན་དབྱིན་ཡུལ་ནང་རྟེན་གཞི་བྱས་པའི་ Cambridge གཙུག་ལག་སློབ་གཉེར་ཁང་གི་པར་བསྐྲུན་ཁང་ནས་རྒྱ་གཞུང་གི་གནོན་ཤུག་འོག་པར་བསྐྲུན་ཁང་གི་རྒྱ་ནག་སྡེ་ཚན་གྱི་དྲ་གནས་ China Quarterly ཞེས་པ་ལས་རྒྱལ་སྤྱིའི་གསར་འགོད་པ་དང་གང་ཟག་སྒེར་འདྲ་མིན་གྱིས་བོད་དང་ཤིང་ཅང་སོགས་རྒྱ་ནག་ནང་གི་གྲངས་ཉུང་མི་རིགས་ཀྱི་གནས་སྟངས་དང་རང་དབང་།  གནམ་སྡེ་སྒོར་མོ་ཆེའི་དོན་རྐྱེན་དང་རིག་གནས་གསར་བརྗེ་སོགས་རྒྱ་ནག་གི་ལོ་རྒྱུས་དང་ཆབ་སྲིད་ཀྱི་གནས་བབས་དང་འབྲེལ་བའི་དཔྱད་རྩོམ་སྤེལ་ཁག་ཕྱིར་འཐེན་གནང་ཡོད་པ་རེད། འོན་ཀྱང་ཁ་སང་ Cambridge གཙུག་ལག་སློབ་གཉེར་ཁང་གི་པར་བསྐྲུན་ཁང་ནས་ཡོངས་ཁྱབ་བསྒྲགས་གཏམ་ཞིག་སྤེབ་བའི་བརྒྱུད་གཙུག་ལག་སློབ་གཉེར་ཁང་དེ་ཤེས་ཡོན་གྱི་རང་དབང་གཞི་རྩར་བཞག་ཐོག་གསར་འཛུགས་གནང་པ་ཞིག་དང་། ཉེ་དུས་སུ་རྒྱ་ནག་དང་འབྲེལ་བའི་དཔྱད་རྩོམ་ཕྱིན་འཐེན་གནང་དོན་གཙོ་བོ་ནི་པར་བསྐྲུན་གྱི་དྲ་གནས་ཐོག་ཡོད་པའི་དཔྱད་རྩོམ་གཞན་རྣམས་རྒྱ་ནག་མང་ཚོགས་ཁྲོད་ཁྱབ་སྤེལ་ཐུབ་ཐབས་སུ་གནང་པ་ཞིག་ཡིན་སྐོར་སོགས་འགྲེལ་བརྗོད་དང་སྦྲགས། ཐག་གཅོད་དེ་ནི་གནས་སྐབས་ཀྱི་ཐག་གཅོད་ཞིག་ཡིན་པས་གཙུག་ལག་སློབ་གཉེར་ཁང་གི་ཤེས་ཡོན་འགན་འཛིན་དང་པར་བསྐྲུན་ཁང་གཉིས་ནས་འཕྲལ་མར་དེ་སྔ་ཕྱིར་འཐེན་གནང་པའི་དཔྱད་རྩོམ་རྣམས་རྒྱ་ནག་སྡེ་ཚན་གྱི་དྲ་གནས་ China Quarterly ཞེས་པའི་དྲ་གནས་ཐོག་བཞག་རྒྱུ་ཡིན་པར་ཐག་གཅོད་གནང་འདུག ཐག་གཅོད་གནང་པ་དེར་ Cambridge པར་བསྐྲུན་ཁང་གི་རྒྱ་ནག་སྡེ་ཚན་གྱི་དྲ་གནས་རྩོམ་སྒྲིག་པ་ Tim Pringle ལགས་ནས་དགའ་བསུ་དང་འབྲེལ་དཔྱད་རྩོམ་དེ་དག་སླར་དྲ་གནས་ཐོག་བཞག་ཐུབ་པ་དེས་ཉམས་ཞིབ་གནང་མཁན་ཚོར་དགེ་མཚན་ཆེན་པོ་ཡོང་ངེས་ཡིན་པ་དང་།  ལྷག་པར་དུ་མང་ཚོགས་ཀྱི་དཔྱད་རྩོམ་ཐད་ལ་བཏང་འཛིན་དང་དོ་དམ་གནང་རྒྱུ་ནི་ཆེ་མཐོང་ལྡན་པའི་གཙུག་ལག་ཁང་གི་པར་བསྐྲུན་ཚན་པས་གནང་སྟངས་ཤིག་མིན་སྟབས། གཙུག་ལག་སློབ་ཁང་དེའི་དྲ་གནས་ཐོག་མུ་མཐུད་བརྗོད་གཞི་དང་ཚོར་བ་རྣོ་མིན་སོགས་ལ་ལྟོས་མེད་མང་ཚོགས་ཀྱི་དཔྱད་རྩོམ་རྣམས་འགྲེམས་སྤེལ་ཞུ་རྒྱུ་ཡིན་ཞེས་གསུངས་འདུག གཞི་རྩའི་ Cambridge པར་བསྐྲུན་ཁང་ནས་རྒྱ་གཞུང་གི་གསར་འགོད་དང་པར་བསྐྲུན་འཛིན་སྐྱོང་སྤྱི་ཁྱབ་ལྷན་ཁང་གིས་འབོད་སྐུལ་ཞུས་པ་ལྟར། ཚོར་བ་རྣོ་བའི་རྒྱ་ནག་གི་གནད་དོན་དང་འབྲེལ་བའི་དཔྱད་རྩོམ་ ༣༠༠ ལྷག་རང་ཉིད་ཀྱི་དྲ་གནས་ནས་ཕྱིར་འཐེན་གནང་པ་དེ་ནི་གཙུག་ལག་ཁང་གི་ལོ་རྒྱུས་ཐོག་ཆེས་ཐོག་མ་དེ་ཆགས་ཡོད་པ་གསུངས་འདུག ཕྱིར་འཐེན་གྱི་གནད་དོན་རྐྱེན་པས་འདས་པའི་ཉིན་གྲངས་བཞིའི་རིང་ལ་ཨ་རིའི་ Georgetown གཙུག་ལག་སློབ་གཉེར་ཁང་དང་། ཨོ་སི་ཊེ་ལི་ཡའི་ La Trobe གཙུག་ལག་སློབ་གཉེར་ཁང་སོགས་རྒྱལ་སྤྱིའི་རྒྱལ་ཁབ་འདྲ་མིན་ནང་ལ་རྟེན་གཞི་བྱས་པའི་གཙུག་ལག་སློབ་གཉེར་ཁང་གི་སློབ་དཔོན་དང་སློབ་མ། གསར་འགོད་པ་དང་དཔྱད་ཞིབ་པ་མང་དག་ཞིག་ནས་གཙུག་ལག་སློབ་གཉེར་ཁང་གི་པར་བསྐྲུན་ཁང་གི་གནང་སྟངས་དེ་ནི་ཤེས་ཡོན་གྱི་རང་དབང་ལ་བརྩི་མེད་བཏང་པ་ཞིག་རེད་ཅེས་སྐྱོན་བརྗོད་ཤུགས་ཆེ་བྱས་ཡོད་པ་མ་ཟད། དཔྱད་ཞིབ་པ་ཁག་ཅིག་ནས་དེ་ནི་སྲིད་འཛིན་ཞི་ཅིང་ཕིང་གི་འགོ་ཁྲིད་པའི་རྒྱ་གཞུང་གི་དམ་དྲག་སྲིད་བྱུས་དེ་དག་རྒྱ་ནག་ནང་ཙམ་མིན་པར་ཕྱི་ཕྱོགས་སུ་རྒྱ་སྐྱེད་གཏོང་བཞིན་པའི་རྣམ་པ་ཞིག་རེད་ཅེས་འགྲེལ་བརྗོད་གནང་འདུག

རྒྱལ་གཅེས་པ་རུང་རྒྱས་ཨ་གྲགས་ལགས་ཀྱི་ཚ་བོ་ལི་ཐང་དགོན་ཆེན་གྱི་དབུ་ཟུར་ཨ་ཀྲུག་བློ་སྤོ་ལགས་ཁ་སང་ཚེས་ ༢༡ གི་མཚན་མོར་ལོ་བཅུའི་བཙོན་འཇུག་དུས་བཀག་ཚང་ནས་གློད་བཀྲོལ་བཏང་འདུག དེའང་རྒྱལ་གཅེས་པ་རུང་རྒྱས་ཨ་གྲགས་ལགས་ཀྱིས་ཕྱི་ལོ་ ༢༠༠༧ ཟླ་ ༨ ཚེས་ ༡ ཉིན་ལི་ཐང་བརྒྱད་གཅིག་རྟ་རྒྱུག་དུས་ཆེན་སྐབས་བོད་རྒྱ་མི་མང་སྟོང་ཕྲག་མང་པོ་འདུ་འཛོམས་སར་༸རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་འཇུག་དགོས། ང་ཚོ་བོད་ལ་རང་དབང་དགོས། ༸པཎ་ཆེན་ཆུང་སྲིད་རིན་པོ་ཆེ་མཆོག་དང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་རྣམ་གཉིས་གཙོས་ཆབ་སྲིད་གཙོན་པ་རྣམས་མྱུར་ཏུ་གློད་བཀྲོལ་དགོས་ཞེས་རྒྱ་གཞུང་ལ་ངོ་རྒོལ་སྐད་འབོད་གནང་རྐྱེན་ཁོང་དང་ཁོང་གི་ཚ་བོ་ཨ་ཀྲུག་བློ་སྦོ་ལགས་གཙོས་བོད་མི་ཁག་ཅིག་འཛིན་བཟུང་གིས་རྒྱལ་ཁབ་མགོ་རྟིང་སློག་པ་དང་། རྒྱལ་ཁབ་གྱི་གསང་བ་ཕྱིར་བསྒྲགས་བྱས་པ། རྒྱལ་ཁབ་ཀྱི་དཔལ་འབྱོར་ལ་གྱོང་གུད་བཏང་བ་སོགས་ཀྱི་ཉེས་མིང་འོག་ལོ་ ༣ ནས་ ༡༠ བར་གྱི་ཁྲིམས་ཐག་མི་འདྲ་བ་བཅད་པ་ལས་ལོ་མང་ཤོས་ཀྱི་ཁྲིམས་ཆད་ཕོག་པ་ཁོང་གི་ཚ་བོ་ལི་ཐང་དགོན་ཆེན་གྱི་དབུ་ཟུར་ཨ་ཀྲུག་བློ་སྤོ་ལགས་ཁ་སང་ཟླ་ ༨ ཚེས་ ༢༡ གི་མཚན་མོ་ཚོུད་ ༡༡ ཙམ་ཞིག་ལ་གློད་བཀྲོལ་བཏང་འདུག ཁོང་གི་སྤུན་མཆེན་ཡིན་པ་སྤྱི་འཐུས་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་ལགས་ཀྱིས་འདི་ལས་སུ་ཁོངས་ལྡན་གནས་ཚུལ་གནང་འབྱོར་བྱུང་བར་གཞིགས་ན། ད་ལྟའི་ཆར་ཁོང་གི་སྐུ་གཟུགས་ཀྱི་གནས་སྟངས་ཇི་འདྲ་ཡོད་མེད་སོགས་ཀྱི་གནས་ཚུལ་ཤེས་རྟོགས་ཐུབ་ཀྱི་མེད་སྐོར་བཀོད་འདུག གཞི་རྩའི་ལི་ཐང་དགོན་ཆེན་གྱི་དབུ་ཟུར་ཨ་ཀྲུག་བློ་སྤོ་ལགས་ཀྱིས་ ༢༠༠༧ ཟླ་ ༨ པའི་ནང་ཁོང་གིས་རང་ཉིད་ཀྱི་སྤུན་མཆེད་རྒྱལ་གཅེས་པ་རུང་རྒྱས་ཨ་གྲགས་ལགས་གློད་བཀྲོལ་དགོས་པའི་ཞུ་འབོད་གནང་རྗེས་ལོ་དེའི་ཟླ་ ༨ ཚེས་ ༢༡ ཉིན་རྒྱ་གཞུང་གི་ཉེན་རྟོག་མི་སྣས་ཁོང་འཛིན་བཟུང་བྱས་པ་དང་དེ་རྗེས་རྒྱལ་ཁབ་གྱི་གསང་བ་ཕྱིར་བསྒྲགས་བྱས་པ། རྒྱལ་ཁབ་ཀྱི་དཔལ་འབྱོར་ལ་གྱོང་གུད་བཏང་བ་སོགས་ཀྱི་ཉེས་མིང་འོག་ལོ་བཅུའི་བཙོན་འཇུག་ཁྲིམས་ཆད་བཏང་ཡོད་པ་རེད། ཁོང་གིས་རྒྱུན་དུ་གཞོན་སྐྱེས་ཚོའི་ཤེས་ཡོན་གོང་སྤེལ་གནང་རྒྱུ་དང་། དཀར་མཛེས་ནང་ནགས་ཚལ་གཅོད་བྲེགས། དེ་བཞིན་རི་དྭགས་རྔོན་པ་བརྒྱབ་རྒྱུ་མེད་པའི་ཐོག་བཀག་འགོག་གིས་འབད་བརྩོན་ཤུགས་ཆེ་གནང་མཁན་བཅས་ཡིན་པ་རེད། ས་གནས་ཀྱི་ཡུལ་མང་ཚོགས་ནས་ཁོང་ལ་གུས་བརྩི་ཆེན་པོ་ཞུ་ཡུལ་ཞིག་ཀྱང་ཡིན་པ་མ་ཟད། ལྷག་དོན་ཁོང་གིས་ལི་ཐང་དགོན་དུ་བཞུགས་རིང་ལ་དབུ་མཛད་དང་། དགོན་པའི་མང་གཙོ་བདག་གཉེར་ཨུ་ཡོན་ལྷན་ཁང་གི་འགན་འཛིན་གཞོན་པ་སོགས་གནང་མྱོང་ཡོད་པ་དེ་ལྟར་ཡང་། ༸གོང་ས་མཆོག་ལ་མཚན་སྨད་ཞུ་དགོས་པ་སོགས་ཀྱི་ཆབ་སྲིད་ཀྱི་གནད་དོན་དང་འབྲེལ་ནས་ལས་གནས་ནས་དགོངས་ཞུ་གནང་ཡོད་པ་རེད། རྩ་བའི་བོད་ཀྱི་ཆབ་སྲིད་བཙོན་ཟུར་རུང་རྒྱས་ཨ་གྲགས་ལགས་ཕྱི་ལོ་ ༢༠༡༥ ཟླ་ ༧ ཚེས་ ༣༠ ཉིན་བོད་ནང་གི་མཚན་མོ་ཆུ་ཚོད་དང་པོར་རྒྱ་ནག་གཞུང་གིས་རྒྱལ་ཁབ་མགོ་རྟིང་སློག་པའི་ནག་ཉེས་འོག་བཙོན་འཇུག་ཁྲིམས་ཆད་མི་ལོ་ ༨ ཧྲིལ་པོ་གཙང་ནས་གློད་བཀྲོལ་ཐོབ་ཡོད་པ་རེད།