ARCHIVE
Monthly Archives: June, 2018
བོད་ཀྱི་མཛངས་པ་ཉི་མ་ལགས་གོ་ལའི་མཛངས་པ་འགྲན་བསྡུར་ནང་བདམས་ཐོན།
vot.org -
ཆེས་ཐོག་མའི་ཕྱི་ལོ་ ༢༠༡༧ ལོའི་བོད་ཀྱི་མཛངས་པ་འགྲན་སྡུར་ཁྲོད་ནས་ཨང་དང་པོའི་རྒྱལ་ཁ་ཐོབ་མཁན་སྦེང་ལོར་ཁྲིམས་ལུགས་རིག་པའི་ཐོག་སློབ་གཉེར་གནང་བཞིན་པ་བོད་པའི་གཞོན་སྐྱེས་ཉི་མ་ལགས་འདི་ལོ་ཕྱི་ལོ་ ༢༠༡༨ ལོའི་ཕྱི་ཟླ་ ༧ ཚེས་ ༡༢ ནས་ ༢༡ བར་ཐེ་ལན་གྱི་རྒྱལ་ས་སྦེང་ཀོག་ནང་འཚོགས་རྒྱུའི་སྐབས་ལྔ་པའི་ Mister Global འམ་མཛངས་པའི་འགྲན་བསྡུར་ནང་བདམས་ཐོན་བྱུང་འདུག
ཐེངས་འདིའི་གོ་ལའི་མཛངས་པ་འགྲན་བསྡུར་ནང་རང་བཙན་ཡོད་པའི་སྟོབས་ཆེན་རྒྱལ་ཁབ་རྒྱ་ནག་དང་། རྒྱ་གར། སྦར་ཛིལ་སོགས་རྒྱལ་ཁབ་ ༤༠ ལྷག་གི་ནང་ནས་མི་གྲངས་༤༠ ལྷག་མཉམ་ཞུགས་གནང་གི་འདུག
རེས་གཟའ་ཟླ་བ། ༢༠༡༨།༠༦།༢༥
vot.org -
ཉན་པ།: Listen
ཕབ་ལེན། Download
རྒྱལ་ཞེན་རིང་ལུགས་ཀྱི་ལྟ་བས་རྒྱལ་ཁབ་གཞན་གྱི་བདེ་སྡུག་སྣང་མེད་གཏང་ན་ནོར་འཁྲུལ་རེད།
རྒྱ་ནག་གིིས་དམ་དྲག་འོག་བྲོས་བྱོལ་ཕྱིན་པའི་བོད་མི་ཞིག་གི་ནང་མིར་དཀའ་ངལ་སྤྲད་འདུག
སྲིད་སྐྱོང་མཆོག་ཨིས་རེལ་ནང་གཞུང་འབྲེལ་འཚམས་གཟིགས།
རྒྱ་གཞུང་གིས་ལ་དྭགས་ནང་སིམ་འཛུལ་བྱེད་པར་གདོང་ལེན་དགོས།
Shangai རྒྱལ་སྤྱིའི་གློག་བརྙན་དུས་སྟོན་ཐོག་བོད་མི་གློག་བརྙན་བར་བྱ་དགའ་ཐོབ་པ།
དམིགས་བསལ་ལེ་ཚན། ༸རྒྱལ་མཆོག་སྐུ་ཕྲེང་ལྔ་པའི་སྐོར།
Monday 25/06/2018
Extreme Nationalism is wrong: Dalai Lama at Happiness and Wellbeing Forum
Family of Tibetan woman who fled Chinese repression harassed
Sikyong Lobsang Sangay visits Jerusalem
India urged to rebuff Chinese moves in Ladakh
Sonthar Gyal’s Ala Changso wins Jury Grand Prix award
HISTORY FEATURE: Fifth Dalai Lama Ngawang Lobsang Gyatso
རྒྱལ་ཞེན་རིང་ལུགས་ཀྱི་ལྟ་བ་མཁྲེགས་བཟུང་གིས་རྒྱལ་ཁབ་གཞན་གྱི་བདེ་སྡུག་སྣང་མེད་གཏང་ན་ནོར་འཁྲུལ་རེད།
vot.org -
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨོ་སི་ཊོ་ལི་ཡའི་གྲོང་ཁྱེར་ Sydney ནང་ཚོགས་པའི་ཞི་བདེ་དང་དེའི་རྒྱུ་རྐྱེན་ཞེས་མང་ཚོགས་སྟོང་ཕྲག་བརྒལ་བའི་ལྷན་ཚོགས་ཀྱི་ཐད་གཏོང་དྲྭ་བརྙན་ཐོག་རྒྱལ་ཞེན་རིང་ལུགས་ཀྱི་ལྟ་བ་མཁྲེགས་བཟུང་གིས་རྒྱལ་ཁབ་གཞན་གྱི་མང་ཚོགས་ཀྱི་བདེ་སྡུག་དང་རང་དབང་ལ་སྣང་མེད་གཏང་ཚེ་དེ་ནི་ནོར་འཁྲུལ་རེད་ཅེས་བཀའ་བསྩལ་འདུག
ཨོ་སི་ཊོ་ལི་ཡའི་གྲོང་ཁྱེར་ Sydney ནང་དེ་རིང་དང་སང་ཉིན་བཅས་ཉིན་གཉིས་རིང་འཚོགས་བཞིན་པའི་ "Happiness & Its Causes" ཞེས་པའི་རྒྱལ་སྤྱིའི་ལྷན་ཚོགས་ཀྱི་གོ་སྒྲིག་ཚོགས་ཆུང་ནས་ཇི་ལྟར་གསོལ་འདེབས་ཞུས་དོན་ལྟར། མགོན་པོ་མཆོག་གིས་དེ་རིང་བཞུགས་སྒར་༸རྒྱལ་བའི་ཕོ་བྲང་ནས་ཐད་གཏོང་དྲྭ་ལམ་བརྒྱུད་ཕྱི་ལོ་ ༢༠༡༨ ལོའི་ཞི་བདེ་དང་དེའི་རྒྱུ་རྐྱེན་ཞེས་པའི་ལྷན་ཚོགས་ཐོག་བཅར་བའི་ཚོགས་བཅར་བ་ཡོངས་ལ་བཀའ་སློབ་དང་བཀའ་འདྲིར་བཀའ་ལན་བཀྲིན་ཆེ་བ་བསྐྱངས་ཡོད་པ་རེད།
སྐབས་དེར་༸གོང་ས་༸སྐྱབས་མགོན་ཆེན་པོ་མཆོག་གིས་དེང་སྐབས་འཛམ་གླིང་འདིའི་ཐོག་སྐྱབས་བཅོལ་བ་ཚོར་རྒྱལ་ཁབ་གཞན་ནང་འཛུལ་སྐབས་ས་མཚམས་ནས་བཀག་འགོག་བྱས་པ་སོགས་ཀྱི་དཀའ་ངལ་མང་པོ་འཕྲད་བཞིན་པའི་གནད་དོན་དང་འབྲེལ། ༸གང་ཉིད་མཆོག་གིས་དེ་ནི་གཙོ་བོ་ནང་སེམས་ཀྱི་རིན་ཐང་ཐོག་སློབ་གསོ་དང་བྱམས་བརྩེ་མ་འདང་བར་བརྟེན་ནས་ཡིན་པར་བཀའ་གནང་བ་དང་འབྲེལ། དེང་སྐབས་སྟོབས་ཆེན་རྒྱལ་ཁབ་ཨ་རི་ལྟ་བུར་ཆ་མཚོན་ན་འཛམ་གླིང་འདིའི་ཆ་ཤས་ཤིག་ཡིན་པ་མ་ཟད་མ་འོངས་པའི་མདུན་ལམ་ཡང་རྒྱལ་ཁབ་གཞན་ལ་བརྟེན་དགོས་པ་དང། སྤྱིར་རྒྱལ་ཞེན་རིང་ལུགས་བྱེད་ན་འགྲིག་གི་ཡོད་པ་དེ་ལྟར་ཡང། དེང་སྐབས་བློ་རྒྱ་ཆུང་བའི་བསམ་བློ་འཛིན་མཁན་ཨ་རིས་གཙོས་པའི་རྒྱལ་ཁབ་ཁག་ཅིག་གིས་རྒྱལ་ཞེན་རིང་ལུགས་ཀྱི་ལྟ་བ་མཁྲེགས་བཟུང་གིས་རང་ཉིད་ཀྱི་རྒྱལ་ཁབ་ཀྱི་ཁེ་ཕན་གྱི་ཨང་དང་པོར་བཞག་ནས་རྒྱལ་ཁབ་གཞན་གྱི་མང་ཚོགས་ཀྱི་རང་དབང་དང་བདེ་སྡུག་སྣང་མེད་གཏང་ཚེ་དེ་ནི་ནོར་འཁྲུལ་རེད་ཅེས་བཀའ་ནན་བསྩལ་འདུག
མགོན་པོ་༸གང་ཉིད་མཆོག་གིས་ད་ལྟའི་དུས་རབས་ཉེར་གཅིག་པའི་ནང་འཛམ་གླིང་གི་ཤར་ལྷོ་ནུབ་བྱང་རྒྱལ་ཁབ་ཚང་མའི་མ་འོངས་པའི་མདུན་ལམ་ནི་སྔར་དང་མི་འདྲ་བར་གཅིག་ལ་གཅིག་བརྟེན་ཆགས་ཡོད་པ་དང་དེའང་དོན་དངོས་ཐོག་གོ་ལའི་དཔལ་འབྱོར་དང་གོ་ལོའི་གནམ་གཤིས་འགྱུར་ལྡོག་གི་གནད་དོན་ནི་དེ་སྔ་དང་མི་འདྲ་བར་འཛམ་བུ་གླིང་འདིའི་ཐོག་རྒྱལ་ཁབ་ཚང་མར་ས་མཚམས་ཀྱི་དབྱེ་བ་མེད་པར་གཅིག་མཚུངས་ཀྱི་དཀའ་ངལ་ཞིག་ཆགས་ཡོད་སྟབས། འཛམ་གླིང་ཐོག་ཡོད་པའི་འགྲོ་བ་མི་ཐེར་འབུམ་བདུན་པོ་ཚང་མས་དུས་རབས་ཉེར་གཅིག་པ་འདིའི་དོན་དངོས་ཀྱི་གནས་སྟངས་ངོས་འཛིན་གྱིས་ཁས་ལེན་གནང་བ་དང་ལྷན་འགྲོ་བ་མིའི་ཚང་མ་གཅིག་གྱུར་གྱི་འདུ་ཤེས་གཞིར་བཞག་ཐོག་གོ་ལ་སྤྱིའི་འགན་ཁུར་བླངས་དགོས་པ་ནི་དུས་ཀྱི་དགོས་མཁོ་ཡིན་པ་བཀའ་བསྩལ་འདུག
ཐད་གཏོང་དྲྭ་བརྙན་ལས་རིམ་ཐོག་བཅར་བའི་ཚོགས་བཅར་བས་༸གང་ཉིད་ལ་མཆོག་ལ་ཨ་རིའི་སྲིད་འཛིན་ལས་ཐོག་ཊམ་སྐོར་འཀའ་འདྲི་ཞུས་པར་སྲིད་འཛིན་ཊམ་མཆོག་ནི་རང་དབང་ལྡན་པའི་འཛམ་གླིང་འདི་སྣེ་ཁྲིད་བྱེད་མཁན་གྱི་ཨ་མི་རི་ཀའི་རྒྱལ་ཁབ་ཀྱི་མང་ཚོགས་ནས་འོས་འདེམས་གནང་བའི་འགོ་ཁྲིད་ཞིག་ཡིན་སྟབས་༸གང་ཉིད་མཆོག་ནས་གུས་བརྩི་ཞུ་བཞིན་ཡོད་པ་དེ་ལྟར་ཡང། སྲིད་འཛིན་ཁོང་ནས་འཛིན་བཞིན་པའི་ཨ་རི་དང་པོ་ཞེས་པའི་ལྟ་བ། ཨ་རིས་ཕ་རན་སི་ནང་ཚོགས་པའི་གོ་ལའི་གནམ་གཤིས་ཚ་དྲོད་ཆ་སྙོམས་དང་འབྲེལ་བའི་ཕ་རན་སི་གྲོས་མཐུན་ནས་ཕྱིར་འཐེན་གནང་བ་དང་། དེ་བཞིན་དཔལ་འབྱོར་གནད་དོན་ཆུང་ཙགས་ཀྱི་རྒྱུ་མཚན་བྱས་ནས་ཨ་རི་དང་ཡོ་རོབ་རྒྱལ་ཁབ་ཕན་ཚུན་དབར་འབྲེལ་ཐག་རིང་དུ་སོང་བ། དེ་བཞིན་སྲིད་འཛིན་མཆོག་གིས་སྐྱབས་བཅོལ་བའི་ཐོག་འཛིན་པའི་ལྟ་བ་བཅས་ཀྱི་ཐོག་མགོན་པོ་༸གང་ཉིད་མཆོག་མོས་མཐུན་མེད་སྐོར་བཀའ་བསྩལ་བ་དང་འབྲེལ། ཨ་རིའི་ངོས་ནས་རང་དབང་དང་ལྡན་པའི་འཛམ་གླིང་སྣེ་ཁྲིད་གནང་མཁན་རྒྱལ་ཁབ་ཞིག་ཡིན་པའི་ཆ་ནས་དེ་དང་མཐུན་པའི་ལངས་ཕྱོགས་འཛིན་ནས་འཛམ་གླིང་རང་དབང་ཆེད་དུ་རྒྱབ་སྐྱོར་གནང་དགོས་ཞེས་དང། ཨ་རིར་སྐྱབས་བཅོལ་དུ་ཡོང་མཁན་མང་ཚོགས་དེ་དག་ནས་ཨ་རིར་གུས་བརྩི་དང་རེ་བ་ཆེན་པོ་བྱས་ནས་སྐྱབས་བཅོལ་དུ་ཡོང་སྟབས་ཨ་རིའི་རྒྱལ་ཁབ་ཀྱི་ངོས་ནས་སྤོབས་པ་གནང་དགོས་པ་ཞིག་རེད་ཅེས་བཀའ་བསྩལ་འདུག
གཞན་ཡང་སྐབས་དེར་མགོན་པོ་༸གང་ཉིད་མཆོག་གི་༸སྐུ་ཚེ་ནང་ཐུགས་ཐག་བཅད་ཁག་ལས་ནོར་འཁྲུལ་བྱུང་ཡོད་མེད་སྐོར་བཀའ་འདྲི་ཞུས་པར་དགོང་ལོ་ ༡༦ ནས་བོད་ཀྱི་ཆབ་སྲིད་ཀྱི་ཐུགས་འགན་བཞེས་པ་ནས་ཕྱི་ལོ་ ༢༠༡༡ ལོར་ཆབ་སྲིད་ཀྱི་༸སྐུ་དབང་ཆ་ཚང་མང་ཚོགས་ནས་འོས་འདེབས་བྱས་པའི་འགོ་ཁྲིད་ལ་གསོལ་བསྩལ་གནང་སྐོར་དང་འབྲེལ་༸གང་ཉིད་མཆོག་ནས་ཐུགས་ཐག་གང་བཅད་པ་དེ་དག་ཕུགས་རྒྱང་རིང་པོར་ནོར་འཁྲུལ་མེད་པར་ཡག་པོ་བྱུང་ཡོད་པར་ངོས་འཛིན་གནང་བཞིན་ཡོད་པའི་བཀའ་ལན་མཛད་འདུག
སྐབས་དེར་ལས་རིམ་གཙོ་སྐྱོང་བས་མགོན་པོ་༸གང་ཉིད་མཆོག་ལ་ད་ལྟའི་ཆར་ཆབ་སྲིད་ཀྱི་༸སྐུ་དབང་རྩིས་སྤྲོད་ཟིན་ཡོད་ཀྱང་བོད་ཀྱི་གནད་དོན་ཐོག་ཐུགས་ཁུར་བཞེས་ཕྱོགས་སྐོར་བཀའ་འདྲི་ཞུས་པར་༸གང་ཉིད་མཆོག་གིས་དུས་རབས་བདུན་པ་དང་བརྒྱད་པའི་སྐབས་བོད་ཀྱི་རྒྱལ་ཁམས་དང། སོག་པའི་རྒྱལ་ཁམས། དེ་བཞིན་རྒྱ་ནག་གི་རྒྱལ་ཁམས་བཅས་ཁག་སོ་སོར་གནས་ཡོད་པ་དང། དུས་རབས་དགུ་པ་ནས་བོད་དེ་སིལ་བུར་ཐོར་ཡོད་པ་དེ་ལྟར་ཡང། བོད་ཀྱི་སྐད་ཡིག་དང་ནང་ཆོས་དང་འབྲེལ་བའི་རིག་གཞུང་འདིས་བོད་ས་ཡོངས་རྫོགས་མི་རིགས་གཅིག་གི་ངོ་བོར་གནས་ཐུབ་པ་བྱུང་ཡོད་པ་མ་གཏོགས་དུས་རབས་མང་པོ་ནང་ཆབ་སྲིད་ཐོག་འཐུས་ཤོར་བཏང་ཡོད་པ་བཀའ་བསྩལ་བ་མ་ཟད། ཕྱོགས་གཞན་ཞིག་ནས་༸གང་ཉིད་མཆོག་གིས་རྒྱ་ནག་དམར་པོའི་གཞུང་གིས་བོད་སར་དབང་སྒྱུར་བྱས་ནས་བོད་མི་ཚོར་དཀའ་ངལ་མང་པོ་འཕྲད་པར་བརྟེན་ད་ཆ་བོད་ཀྱི་ས་ཁུལ་ཁག་ཏུ་ཡོད་པའི་བོད་མི་ས་ཡ་དྲུག་པོ་ཚང་མ་ཆིག་སྒྲིལ་བྱུང་བ་དང། གལ་ཏེ་དེ་འདྲ་ཞིག་བྱུང་མེད་ཚེ་བོད་མི་ཚོ་ད་དུང་ང་དང་ཁོའི་ས་ཆ་ཞེས་རང་གཅེས་འཛིན་གྱི་བློ་འཁྱེར་ནས་གནས་ཡོད་པ་དང་། རྒྱ་ནག་གིས་བོད་ལ་དབང་སྒྱུར་བྱས་པ་དེ་ཡག་པོ་བྱུང་ཡོད་པའི་དགོངས་པ་འཁོར་གྱི་འདུག་ཅེས་བཀའ་བསྩལ་འདུག
གཞན་ཡང་༸གང་ཉིད་མཆོག་གིས་ད་ལྟའི་དུས་སྐབས་འདིར་ཆོས་ལུགས་མཐུན་སྒྲིལ། འགྲོ་བ་མིའི་གཅིག་གྱུར་གྱི་འདུ་ཤེས་འཛིན་རྒྱུའི་གལ་གནད། སྤྱི་ཚོགས་ནང་བྱམས་བརྩེ་གོང་འཕེལ་བཅས་དེ་དག་ཡོང་བ་ལ་ཤེས་ཡོན་གྱི་སློབ་གསོ་ཁག་གི་ནང་དུ་ཕྱིའི་དངོས་པོ་འདུ་ཤེས་ཁོ་ན་མ་ཡིན་པར་ནང་སེམས་ཀྱི་རིན་ཐང་སྐོར་སློབ་ཁྲིད་གནང་བར་འབད་དགོས་གལ་ཡིན་པ་སོགས་ཀྱི་ཐད་ལམ་སྟོན་རྒྱ་ཆེ་མཛད་འདུག
རྩ་བའི་ཨོ་སི་ཊོ་ལི་ཡའི་གྲོང་ཁྱེར་ Sydney ནང་ཚོགས་པའི་ཞི་བདེ་དང་དེའི་རྒྱུ་རྐྱེན་ཞེས་མང་ཚོགས་སྟོང་ཕྲག་བརྒལ་བའི་ལྷན་ཚོགས་དེ་དེ་རིང་དང་སང་ཉིན་བཅས་ཉིན་གཉིས་རིང་ཚོགས་ཀྱི་ཡོད་པ་རེད། ལྷན་ཚོགས་ཐོག་འཛམ་གླིང་ཞི་བདེའི་ཐོག་ཕྱག་ལས་གནང་མཁན། ཆེད་ལས་མི་སྣ། དེ་བཞིན་ཤེས་ཡོན་དང་ཉམས་མྱོང་གི་རྒྱབ་ལྗོངས་འདྲ་མིན་ཡོད་པའི་གནད་ཡོད་མི་སྣ་མང་དག་ཞིག་ནས་གཏམ་བཤད་གནང་གི་འདུག ལྷན་ཚོགས་གོ་སྒྲིག་ཚོགས་ཆུང་གི་ངོས་ནས་༸གོང་ས་༸སྐྱབས་མགོན་ཆེན་པོ་མཆོག་མ་འོངས་པར་ཨོ་སི་ཊོ་ཡ་ནང་ཆིབས་བསྒྱུར་མཛད་ནས་ལྷན་ཚོགས་ཐོག་དབུ་བཞུགས་ཡོང་བར་གསོལ་འདེབས་ཞུས་ཡོད་པ་རེད།
རྒྱ་ནག་གི་དམ་དྲག་འོག་ནས་བྲོས་བྱོལ་ཕྱིན་པའི་བོད་མི་ཞིག་གི་ནང་མིར་དཀའ་ངལ་ཆེན་པོ་སྤྲད་འདུག
vot.org -
དེ་སྔ་བལ་ཡུལ་ལ་ས་ཡོམ་གྱི་གོད་ཆག་བྱུང་རྗེས་འགྲམ་གྲོང་བརྡལ་དུ་གཏན་སྡོད་བྱེད་མཁན་བོད་མི་རྣམས་རྒྱ་གཞུང་གིས་གཞིས་ཀ་རྩེར་གནས་སྤོ་བྱེད་བཅུག་པའི་གྲས་བོད་གཉའ་ལམ་རྫོང་ཁོངས་ནས་ཡིན་པའི་སྐལ་བཟང་ལྷ་མོ་ལགས་ཕྱི་ལོ་ ༢༠༠༨ ལོར་རྒྱ་གར་དུ་བཙན་བྱོལ་ལ་ཕེབས་ཡོད་པ་དང་། ཕྱི་ལོ་ ༢༠༡༥ ཟླ་ ༤ པའི་ནང་བོད་ནང་ཡོད་པའི་ཁོ་མོའི་པཱ་ལགས་སུ་ནད་གཞི་ཚབས་ཆེན་ཞིག་ཕོག་ནས་གཤག་བཅོས་ཆེད་སྨན་ཁང་དུ་ཡོད་པའི་གནས་ཚུལ་ཐོས་རྗེས་ཁོ་མོས་བལ་ཡུལ་རྒྱ་ནག་གཞུང་ཚབ་ཁང་ནས་ཁྲིམས་མཐུན་ལམ་ཡིག་ཞུས་པ་ལྟར་དེ་ལྟར་རག་ནས་ཕྱིར་ཕ་ཡུལ་དུ་ལོག་འདུག་ཀྱང་གཉའ་ལམ་རྫོང་ཉེན་རྟོག་པས་ཁོ་མོར་འདྲི་རྩད་དང་ལམ་ཡིག་ཕྱིར་བསྡུ་བྱས་ཏེ་གང་དུ་ཡང་འགྲོ་བསྐྱོད་མི་ཆོག་པའི་བཟང་བཙོན་ལྟ་བུར་བཞག་འདུག
ཁོ་མོས་ཐེངས་གཉིས་བྲོས་བྱོལ་འགྲོ་རྒྱུའི་ཐབས་ཤེས་གནང་ནས་མཐར་ཕྱི་ལོ་ ༢༠༡༦ ཟླ་བཞི་པར་བལ་ཡུལ་དུ་འབྱོར་ཐུབ་ཀྱང་གཉའ་ལམ་རྫོང་ཉེན་རྟོག་པས་ཁོ་མོའི་ནང་མིར་ཁོ་མོ་ཉིན་གསུམ་ནང་ཚུད་ཕྱིར་ལོག་བྱེད་བཅུག་དགོས་པའི་སུན་གཙེར་དང་སྤུན་ཆུང་བ་འཛིན་བཟུང་བཀག་ཉར་གྱིས་འདྲི་རྩད་དང་རྡུང་རྡེག་ཚད་མེད་བཏང་བ་མ་ཟད་རྒྱ་གཞུང་གི་སྤྱི་དམངས་ཐོབ་ཐང་དཔང་ཡིག་འཕྲོག་པ་དང་ནང་མི་ཚོར་སྲིད་གཞུང་གིས་སྤྲོད་བཞིན་པའི་ཐོབ་ཐང་ཡོད་ཚད་བཀག་འདུག དེ་བས་ཀྱང་གཉའ་ལམ་རྫོང་ཉེན་རྟོག་པས་དངོས་ཤུགས་བརྒྱུད་གསུམ་ནས་ཁོ་མོ་ཕྱིར་ལོག་བྱེད་པའི་ཐབས་ཤེས་མང་དག་བྱས་འདུག
ཁོ་མོ་ད་བར་སོ་སོའི་བདེ་འཇགས་ཆེད་བལ་ཡུལ་ནང་ས་གནས་གཅིག་ཏུ་གནས་མ་ནུས་པར་སྐབས་རེ་རྒྱ་གར་དུ་ཉེན་གཡོལ་ཆེད་འགྲོ་དགོས་པ་བྱུང་བཞིན་ཡོད་པ་དང་། གཉའ་ལམ་རྫོང་ས་གནས་རྒྱ་ནག་ཉེན་རྟོག་པ་དང་སྲིད་གཞུང་གིས་ད་དུང་ཁོ་མོའི་ནང་མིར་དཀའ་ངལ་དང་སུན་གཙེར་བཟོ་བཞིན་ཡོད་པ་རེད་འདུག
ལྷག་དོན་འདི་ལོའི་ཟླ་ལྔ་པའི་ནང་ཁོ་མོའི་གྲོང་ཚོ་ནས་ཡུལ་མི་ ༤༠༠ ལྷག་བལ་བོད་ས་མཚམས་སུ་དབྱར་རྩ་དགུན་འབུ་འཐུ་བར་བཏང་ཡོད་ཀྱང་ཁོ་མོ་ཆབ་སྲིད་ཀྱི་ནག་ཉེ་བསགས་ཏེ་བྲོས་བྱོལ་སོང་ལུགས་བརྗོད་དེ་ཁོ་མོའི་ནང་མིར་དབྱར་རྩ་དགུན་འབུ་འཐུ་བར་བཏང་མེད་པ་མ་ཟད་དེ་མིན་གཉའ་ལམ་གྲོང་ཚོའི་ཡུལ་མི་རྣམས་ལ་རྒྱ་གཞུང་གིས་སྤྲད་པའི་ལམ་ཡིག་འཁྱེར་ཏེ་བལ་བོད་གཉིས་སུ་འགྲོ་བསྐྱོད་བྱེད་ཆོག་ཀྱང་ཁོ་མོའི་ནང་མིར་ལམ་ཡིག་གཏན་ནས་མ་སྤྲད་པའི་དཀའ་ངལ་འཕྲད་འདུག
སྐལ་བཟང་ལྷ་མོས་རྒྱ་གཞུང་ཉེན་རྟོག་པས་དེ་ལྟར་བྱེད་དོན་གཙོ་བོ་ནི་ཁོ་མོ་བོད་དུ་ལོག་པའི་ལོ་དེར་བཞུགས་སྒར་རྡ་རམ་ས་ལར་བོད་གཞུང་མང་ཡོངས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༨༠ ལ་ཕེབས་པའི་༸སྐུའི་གྱ་སྟོན་སྲུང་བརྩི་གནང་སྐོར་གནས་ཚུལ་དང་པར་རིས་བཅས་ཁོ་མོའི་བཟའ་ཟླའི་སྐད་འཕྲིན་རྒྱབ་ངོས་སུ་བཞག་ཡོད་པ་དེ་རང་ཉིད་ཀྱི་སྐད་འཕྲིན་རྒྱབ་ལ་བཞག་པ་མ་ཟད་མི་གཞན་ལ་ཡང་ཁྱབ་སྤེལ་བྱས་པའིི་ཉེས་འཛུགས་བྱས་སྐོར་འགྲེལ་བརྗོད་གནང་སོང་།
སྲིད་སྐྱོང་མཆོག་ཨིས་རེལ་ནང་གཞུང་འབྲེལ་འཚམས་གཟིགས་གནང་བ།
vot.org -
བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་འཛམ་གླིང་དཀྱིལ་ཤར་ཁུལ་གྱི་རྒྱལ་ཁབ་ Israel ནང་ཆེད་ཕེབས་ཀྱིས་ས་གནས་བོད་མི་དང་བོད་དོན་རྒྱབ་སྐྱོར་བ་རྣམས་དང་ཐུགས་འཕྲད་གནང་བ་མ་ཟད་འདི་བཞིན་ Israel གྱི་གྲོང་ཁྱེར་ Jerusalem ནང་ཇིའུ་མི་རིགས་ཚོས་གནས་ཆེན་ཞིག་ཏུ་ངོས་འཛིན་གནང་བའི་ Wailing Wall གྱང་ངོས་སུ་བོད་དོན་བདེན་མཐའ་གསལ་ནས་བོད་མི་རྣམས་ལ་རང་དབང་ཐོབ་པ་དང་། ༸གོང་ས་༸སྐྱབས་མགོན་ཆེན་པོ་མཆོག་རང་ཡུལ་བོད་དུ་ཕྱིར་གང་མགྱོགས་ཕེབས་ཐུབ་པར་ཐུགས་སྨོན་གནང་འདུག
སྲིད་སྐྱོང་མཆོག་ནས་ཨིས་རེལ་གཞུང་འབྲེལ་གྱི་གསར་ཁང་ IBA གསར་འགོད་པ་སྐུ་ཞབས་ Yaakov Ahimeir ལགས་དང་རང་དབང་ཅན་གྱི་གསར་ཁང་ The Jerusalem Post སྤྱི་ཁྱབ་རྩོམ་སྒྲིག་པ་གཞོན་པ་ལྕམ་ Tovah Lazaroff ལགས་རྣམ་གཉིས་སོ་སོའི་བཅར་འདྲི་དང་ལན་གནང་ཐོག་བོད་མི་རྣམས་ནས་གཉིས་སྨན་དབུ་མའི་ལམ་གྱི་སྲིད་བྱུས་ཐོག་རྒྱ་གཞུང་གི་རྩ་ཁྲིམས་ནང་གསལ་བའི་མིང་དོན་མཚུངས་པའི་རང་སྲིད་རང་སྐྱོང་གི་གནས་བབ་རྩོད་བཞིན་ཡོད་པ་དང་། འཐབ་རྩོད་ཀྱི་ངོ་བོ་དེ་འཚེ་བ་མེད་པ་དང་གྲོས་མོལ་གྱི་ལམ་ནས་འབད་བརྩོན་གནང་བཞིན་ཡོད་སྟབས། ཨ་རིའི་སྲིད་གཞུང་གི་ངོས་ནས་ཀྱང་བོད་མིའི་གཉིས་སྨན་དབུ་མའི་ལམ་གྱི་སྲིད་བྱུས་ལ་རྒྱབ་སྐྱོར་གནང་མུས་ཡིན་པ་ལྟར། ཨིས་རེལ་རྒྱལ་ཁབ་ཀྱི་འགོ་ཁྲིད་རྣམས་ནས་ཀྱང་དེའི་ཐོག་རྒྱབ་སྐྱོབ་གནང་འོས་པ་ཞིག་རེད་ཅེས་གསུངས་འདུག
ལྷག་པར་དུ་སྲིད་སྐྱོང་མཆོག་མཆོག་གིས་ The Jerusalem Post གསར་ཁང་གི་བཅར་འདྲིར་འདས་པའི་ལོ་རྒྱུས་ནང་ཆབ་སྲིད་ཀྱི་དཀའ་རྙོག་འོག་ཇིའུ་མི་རིགས་མང་པོའི་ཚེ་སྲོག་ཤོར་བ་དང་། རང་ཉིད་ཀྱི་ངོ་བོ་དང་རིག་གཞུང་སྲུང་སྐྱོབ་གནང་རྒྱུའི་ཐད་དཀའ་ངལ་ཆེན་པོ་འཕྲད་ཡོད་པ་ལྟར་འདས་པའི་ལོ་ངོ་དྲུག་ཅུ་ལྷག་སོང་རིང་བོད་ཀྱི་གནས་སྟངས་ཁྲོད་ལ་ཡང་བོད་མི་བརྒྱ་ཕྲག་མང་པོའི་ཚེ་སྲོག་ཤོར་ཡོད་པ་མ་ཟད། རྒྱ་གཞུང་གི་དྲག་པོའི་སྲིད་བྱུས་འོག་བོད་མི་རིགས་ཀྱི་ངོ་བོ་དང་རིག་གཞུང་སྲུང་སྐྱོབ་གནང་རྒྱུའི་ཐོག་དཀའ་ངལ་ཆེན་པོ་འཕྲད་བཞིན་ཡོད་པ་སོགས་འགྲེལ་བརྗོད་དང་སྦྲགས། དཀའ་ངལ་དེ་དག་ཇིའུ་མི་རིགས་རྣམས་ནས་རེ་བ་དང་སེམས་ཤུགས་མ་ཆག་པར་སེལ་ཐུབ་པ་བྱུང་ཡོད་སྟབས། ང་ཚོ་བོད་མིའི་ངོས་ནས་ཀྱང་ཇིའུ་མི་རིགས་ཀྱི་སེམས་ཤུགས་དང་སྙིང་སྟོབས་ལ་རེ་ལྟོས་ཐོག་བོད་ཀྱི་དཀའ་ངལ་དེ་དག་སེལ་བར་གདོང་ལེན་གནང་ཚེ་དེ་ལྟར་ཐུབ་ངེས་ཡིན་པ་གསུངས་འདུག
སྲིད་སྐྱོང་མཆོག་ནས་ཕྱི་ལོ་ ༢༠༠༩ ལོ་ནས་ད་བར་བོད་ཕྱི་ནང་གཉིས་སུ་བྱུང་བའི་རང་སྲེག་གི་གནད་དོན་དང་ཨ་རིའི་རང་དབང་ཁང་པའི་ལོ་འཁོར་སྙན་ཐོའི་ནང་བོད་འདི་འགྲོ་བ་མིའི་ཐོབ་ཐང་གི་གནས་སྟངས་ཆེས་སྡུག་ཤོས་གྲས་སུ་ཐེར་བཏོན་གནང་བའི་གནས་ཚུལ་ཁག་ཅིག་ལུང་འདྲེན་དང་འབྲེལ། ད་ལྟའི་ཆར་རྒྱ་ནག་གཞུང་གི་དྲག་པོའི་སྲིད་བྱུས་འོག་བོད་ནང་གི་བོད་མི་ཚོར་གཞི་རྩའི་འགྲོ་བ་མིའི་ཐོབ་ཐང་མེད་པ་དང་། རྒྱ་གཞུང་གི་འཛུགས་སྐྲུན་ལས་གཞི་འོག་བོད་ཀྱི་རང་བྱུང་ཁོར་ཡུག་ལ་གནོད་འཚེ་དང་གཏོར་སྐྱོན་ཆེན་པོ་གཏོང་བཞིན་ཡོད་པ་སོགས་འགྲེལ་བརྗོད་གནང་འདུག
ལྷག་པར་དུ་རྒྱ་ནག་གཞུང་ནས་རྒྱལ་སྤྱིའི་གསར་འགོད་པ་རྣམས་བོད་ནང་རང་དབང་ཐོག་འགྲོ་བསྐྱོད་གནང་རྒྱུར་བཀག་སྡོམ་རིགས་བྱེད་བཞིན་ཡོད་སྟབས། བོད་ནང་གི་དངོས་ཡོད་གནས་ཚུལ་ཕྱིར་ཐོན་དཀའ་བ་ཆགས་ཡོད་པ་འགྲེལ་བརྗོད་དང་འབྲེལ། ཨིས་རེལ་གཙོས་པའི་རྒྱལ་སྤྱིའི་རྒྱལ་ཁབ་ཁག་ནས་རྒྱ་ནག་སྤྱིའི་གནས་སྟངས་ངོ་མ་དེ་ཤེས་དགོས་ཚེ་དང་ཐོག་བོད་ཀྱི་ལོ་རྒྱུས་དང་ད་ལྟའི་བོད་ཀྱི་གནས་སྟངས་ངོ་མ་དེ་དག་ཤེས་དགོས་གལ་ཡིན་པ་གསུངས་འདུག
གཞི་རྩའི་ཐེངས་འདིའི་འཚམས་གཟིགས་ཁྲོད་སྲིད་སྐྱོང་མཆོག་ནས་ཡུལ་དེའི་ཆབ་སྲིད་ཀྱི་འགོ་ཁྲིད་དང་གནད་ཡོད་མི་སྣ་སོགས་དང་མཇལ་མོལ་གནང་རྒྱུའི་འཆར་གཞི་མེད་ཀྱང་། ཁ་སང་བཅར་འདྲི་དེའི་བརྒྱུད་སྲིད་སྐྱོང་མཆོག་ནས་རིམ་པས་མ་འོངས་པར་ཡུལ་དེའི་ནང་ཆབ་སྲིད་དང་འབྲེལ་བའི་ཐོག་ནས་འཚམས་གཟིགས་གནང་སྐབས། Israel གཞུང་དང་གྲོས་ཚོགས་འཐུས་མི་རྣམས་ནས་རྒྱ་གཞུང་གི་གནོན་ཤུགས་འོག་མ་སོང་པར་མང་གཙོ་དང་འཚེ་བ་མེད་པའི་ཐབས་ལམ། འགྲོ་བ་མིའི་ཐོབ་ཐང་བཅས་གཙོ་བཟུང་ཐོག་ཐུག་འཕྲད་གནང་མཁན་ཇི་ཙམ་བྱུང་ཡོད་མེད་བལྟ་རྒྱུ་རེད་ཅེས་གསུངས་འདུག
རེས་གཟའ་ཉི་མ། ༢༠༡༨།༠༦།༢༤
vot.org -
ཉན་པ།: Listen
ཕབ་ལེན། Download
བོད་ཀྱི་བེུད་ལེ་ཚན།
༸གོང་ས་མཆོག་གིས་བོད་རིགས་ཁ་ཆེ་བ་རྣམས་ལ་བསྩལ་བའི་བཀའ་སློབ།
Sunday 24/06/2018
Women of Tibet: Sakina Bhatt, a Tibetan Muslim working at Central Tibetan Administration
Dalai Lama’s speech to Tibetan Muslims
རེས་གཟའ་སྤེན་པ། ༢༠༡༨།༠༦།༢༣
vot.org -
ཉན་པ།: Listen
ཕབ་ལེན། Download
བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་འདུན་ལམ་སློབ་སྟོན་ཚན་པའི་འགན་འཛིན་སྒྲོལ་དཀར་དབང་མོ་ལགས་དང་། དང་བླང་ཐོག་འདུན་ལམ་སློབ་སྟོན་གྱི་ཞབས་ཞུ་གྲུབ་མཁན་ཉི་མ་དབྱངས་ཅན་ལགས་གཉིས་དང་ལྷན་དུ་གླེང་མོལ་གྱི་ལས་རིམ།
Saturday 23/06/2018
In conversation with DOE’s Chief Counselor Dolkar Wangmo and Volunteer Counselor Nyima Yangchen
རེས་གཟའ་པ་སངས། ༢༠༡༨།༠༦།༢༢
vot.org -
ཉན་པ།: Listen
ཕབ་ལེན། Download
༸གོང་མཆོག་ནས་བདེ་སྐྱེད་ཀྱི་སློབ་ཚན་གསར་པ་དབུ་འབྱེད་གནང་གཏན་འཁེལ་འདུག
རྒྱ་བལ་འབྲུག་གསུམ་གི་ས་གནས་འགོ་འཛིན་ཚོགས་ཆེན་ཐེངས་༡༢པ་དབུ་འཛུགས་གནང་བ།
༸སྐྱབས་རྗེ་ཀིརྟི་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས་པ།
བོད་ཀྱི་སྣོད་བཅུད་ལ་ཉེན་ཁ་རྒྱ་ནག་གི་སྲིད་བྱུས་ལས་འབྲོག་པ་མ་རེད་གསུངས་འདུག
སྐུ་གཤེགས་གྲྭ་ཞི་བརྒྱ་དཔོན་སྐལ་བཟང་དགྲ་འདུལ་ལགས་བཞུགས་འབུལ་གནང་བ།
Friday 22/06/2018
Dalai Lama to launch Happiness Curriculum in Delhi
Tibetan Settlement Officers gather for annual meet
Tibetans offer Tenshug to Kyabche Kirti Rinpoche
Biggest threat to Tibet’s ecosystem Chinese policy, not Tibetan nomads
Deceased Drapchi Gyakpon Kelsang Damdul cremated today
ས་གནས་འགོ་འཛིན་ལྷན་འཛོམས་ཀྱིས་འཛིན་སྐྱོང་ཚོགས་ཆེན་ཐེངས་༡༢ པ་དབུ་བཛུགས།
vot.org -
དེ་རིང་ནས་འགོ་བཛུགས་ཀྱིས་ཕྱི་ཚེས་ ༢༦ བར་ཉིན་གྲངས་ལྔའི་རིང་བཙན་བྱོལ་བོད་མིའི་བསྟི་གནས་བཞུགས་སྒར་རྡ་རམ་ས་ལར་བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་ཁྱབ་ཁོངས་རྒྱ་བལ་འབྲུག་གསུམ་ནང་དུ་ཡོད་པའི་བོད་མིའི་གཞིས་ཆགས་ཁག་གི་ས་གནས་འགོ་འཛིན་ལྷན་འཛོམས་ཀྱིས་འཛིན་སྐྱོང་ལས་དོན་དང་འབྲེལ་བའི་ཚོགས་ཆེན་ཐེངས་ ༡༢ པ་དབུ་འཛུགས་གནང་སོང་།
སྔ་དྲོ་འཛིན་སྐྱོང་ཚོགས་ཆེན་ཐེངས་ ༡༢ པའི་དབུ་འབྱེད་མཛད་སྒོའི་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་སྲིད་ཚབ་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་གཙོ་བཞུགས་ཐོག་ལྷན་ཁང་ཁག་གི་བཀའ་བློན་རྣམ་པ་དང་། དྲུང་ཆེ། དེ་བཞིན་ཚོགས་ཆེན་ཐོག་ཕེབས་པའི་རྒྱ་བལ་འབྲུག་གསུམ་ནང་གི་བཙན་བྱོལ་བོད་མིའི་གཞིས་ཆགས་ ༤༥ ནས་ཁྱོན་ས་གནས་འགོ་འཛིན་ ༤༣ ཆེད་ཕེབས་གནང་འདུག
ཐེངས་འདིའི་ས་གནས་འགོ་འཛིན་གྱི་འཛིན་སྐྱོང་ཚོགས་ཆེན་ཐོག༸གོང་ས་མཆོག་གི་༸སྐུ་ཕྱྭའི་སྲུང་སྐྱོབ་དང་། སྔ་ལོའི་ཚོགས་ཆེན་གྲོས་ཆོད་ལ་བསྐྱར་ཞིབ། ༢༠༡༤ ལོའི་སྐྱབས་བཅོལ་བོད་མིའི་མཐུན་རྐྱེན་སྦྱོར་སྤྲོད་ཀྱི་སྲིད་བྱུས་ད་བར་ས་གནས་ག་ཚོད་ནང་ལག་བསྟར་གནང་ཐུབ་ཡོད་པ་དང་དེའི་གྲུབ་འབྲས་སྐོར། ལྔ་དང་ལྔ་བཅུའི་སྲིད་བྱུས་དགོངས་དོན་ལྟར་གཞིས་ཆགས་སྲ་བརྟན་དང་ས་གནས་འགོ་འཛིན་ཀྱི་ལས་ཁུངས་ཁག་རང་ཁ་རང་གསོ་ཡོང་ཐབས། འབྱུང་འགྱུར་ལོ་གསུམ་ནང་ཛ་དྲག་གི་གལ་ཆེའི་ལས་འཆར་སྤེལ་རྒྱུ། བོད་ནས་བྱེས་སུ་ཕེབས་པའི་བོད་མིར་སྡོད་ཁང་མེད་པའི་དཀའ་ངལ་སེལ་ཐབས་བྱ་རྒྱུའི་སྐོར། དེ་བཞིན་གཞིས་ཆགས་ཁག་གི་མཉམ་འབྲེལ་དང་སྤྱི་མཐུན་མཉམ་འབྲེལ། བཟོ་ཚོགས་བཅས་ཀྱི་གནས་སྟངས་སྐོར་ཐོག་མའི་དམིགས་ཡུལ་བཞིན་ཇི་ཙམ་བསྒྲུབ་ཐུབ་ཡོད་མེད་བཅས་གྲོས་གཞི་ཁག་མི་འདྲ་བ་བདུན་གྱི་ཐོག་བཀའ་བསྡུར་གནང་རྒྱུ་རེད་འདུག