Monthly Archives: August, 2018

བྱིས་པའི་འགུལ་རིས་གྲགས་ཅན་ Winnie the Pooh ཞེས་པའི་དོམ་ཕྲུག་སེར་པོའི་གློག་བརྙན་གསར་པ་ Christopher Robin ཟེར་བ་དེ་རྒྱ་ནག་ནང་བཀག་སྡོམ་བྱས་འདུག དེའང་ཉེ་བའི་ལོ་ཤས་ནང་རྒྱ་རིགས་མང་ཚོགས་ནས་ Winnie the Pooh ཞེས་པའི་དོམ་ཕྲུག་རྒྱག་པ་རིལ་རིལ་དེའི་ཕྱིའི་གཟུགས་ཀྱི་ཁྱད་ཆོས་དེ་རྒྱ་ནག་གི་སྲིད་འཛིན་ཞི་ཅིང་ཕིང་དང་མཚུངས་བསྡུར་གྱིས་བསྟན་བཤིག་སློང་གི་ཡོད་པ་ལྟར། རྒྱ་ནག་གཞུང་གིས་སྤྱི་ཚོགས་དྲྭ་རྒྱ་སོགས་ཀྱི་སྟེང་དོམ་ཕྲུག་དེའི་འགུལ་རིས་དང་དེའི་མིང་སོགས་སྤྱོད་རྒྱུར་བཀག་སྡོམ་བྱེད་མུས་ཡིན་པ་མ་ཟད། ཟླ་བ་འདིའི་ཚེས་ ༣ ཉིན་འཛམ་གླིང་ཁྱོན་དུ་གཟིགས་འབུལ་འགོ་འཛུགས་ཞུས་པའི་ Winnie the Pooh གློག་བརྙན་དེ་ད་ཆ་རྒྱ་ནག་ནང་ཡོངས་བསྒྲགས་ཐོག་བཀག་སྡོམ་བྱས་ཡོད་པ་རེད་འདུག རྩ་བའི་སྲིད་འཛིན་ཞི་ཅིང་ཕིང་དང་ Winnie དབར་མཚུངས་བསྡུར་བྱ་རྒྱུ་དེ་ཐོག་མར་ཕྱི་ལོ་ ༢༠༡༣ ལོར་ཨ་རིའི་སྲིད་འཛིན་ཟུར་པ་སྐུ་ཞབས་ཨོ་བྷ་མ་དང་ཞི་ཅིང་ཕིང་རྣམ་གཉིས་དགོང་ཚིགས་བཞེས་པར་མཉམ་དུ་བསྐྱོད་སྐབས་ཀྱི་འདྲ་པར་ཞིག་ནས་འགོ་བཙུགས་ཡོད་པ་དང། སྐབས་དེར་ཞི་ཅིང་ཕིང་ནི་ Winnie དང་སྐུ་ཞབས་ཨོ་བྷ་མ་ནི་དོམ་ཕྲུག་དེ་དང་འབྲེལ་བའི་དགོད་བྲོའི་རྟོག་སྒྲུང་ལས་ tigger ཞེས་པའི་སྟག་གི་དཔེ་མཚུངས་བཀོད་ཡོད་པ་རེད། དེ་རྗེས་སླར་ཡང་ཕྱི་ལོ་ ༢༠༡༤ ལོར་ཞི་ཅིང་ཕིང་དང་ཉི་ཧོང་གི་སྲིད་བློན་ Shinzo Abe རྣམ་གཉིས་མཇལ་འཕྲད་སྐབས་རྟོག་སྒྲུང་དོམ་དང་མཚུངས་བསྡུར་བྱས་ཡོད་པ་མ་ཟད་ Shinzo Abe དེ་ Winnie the Pooh རྟོག་སྒྲུང་ལས་ Eeyore བོང་བུ་དང་དཔེ་མཚུངས་བཀོད་པ་བཅས་སྤྱི་ཚོགས་བརྒྱུད་ལམ་དྲྭ་རྒྱའི་ཐོག་ཏུ་ཞི་ཅིང་ཕིང་དང་དོམ་ཕྲུག་དེ་མཚུངས་བསྡུར་གྱིས་བྱ་སྤྱོད་དེ་རིམ་བཞིན་མང་དུ་སོང་བ་ལྟར་རྒྱ་ནག་གཞུང་གིས་ཞི་ཅིང་ཕིང་ལ་འཕྱ་སྨོད་ཀྱི་སྣང་བརྙན་དེ་རིགས་ཡོངས་རྫོགས་ནག་སུབ་བཏང་ཡོད་པ་རེད། ལྷག་པར་དུ་ཕྱི་ལོ་ ༢༠༡༥ ལོར་དམག་རྩེད་རུ་སྒྲིག་རྒྱས་སྟོན་སྐབས་སྲིད་འཛིན་ཞི་ཅིང་ཕིང་དང་དོམ་ Winnie དབར་མཚུངས་བསྡུར་བྱས་པ་དེ་ཆེས་ཡོངས་གྲགས་གྱུར་པ་མ་ཟད་ལོ་དེའི་ནང་སྣང་བརྙན་དེར་དམ་དྲག་ཤུགས་ཆེ་བྱ་ཡུལ་ཞིག་ཆགས་ཡོད་པ་མ་ཟད། རྒྱ་ནག་གཞུང་དང་ཞི་ཅིང་ཕིང་སྒེར་གྱི་ངོས་ནས་ཀྱང་དོ་སྣང་ཤུགས་ཆེ་བྱེད་དགོས་པའི་གནད་དོན་ཞིག་ཆགས་སྐོར་ Global Risk Insights ཞེས་པའི་ཆབ་དཔལ་རིག་གསུམ་དང་འབྲེལ་བའི་དཔྱད་ཞིབ་གསར་ཤོག་སྟེང་བཀོད་ཡོད་པ་རེད།

ཉན་པ།: Listen ཕབ་ལེན། Download བསྟན་འཛིན་ཆོས་འཕེལ་ལགས་རྒྱ་གཞུང་གིས་འཛིན་བཟུང་འོག་གར་ཡོད་ཤེས་རྟོགས་མེད་པར་གྱུར་འདུག བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོས་དབུ་མའི་ལམ་ལ་མཐའ་གཅིག་ཏུ་གུས་བརྩི་ཡོད་གསུངས་པ། བོད་ནང་ས་བྱི་ཞི་རྒོལ་ཆེན་མོ་བྱུང་ནས་མི་ལོ་ ༡༠ འཁོར་བའི་དུས་ཚིགས་རྗེས་དྲན། སྤྱི་ལྷན་སྐུ་ཚབ་ཚོགས་ཆུང་ནས་རྒྱ་གར་གྲོས་ཚོགས་འཐུས་མི་ ༥༨ ལྷག་དང་མཇལ་འཕྲད་ཀྱིས་བོད་དོན་ཞུ་སྐུལ། རྒྱ་རིགས་སྒྱུ་རྩལ་བ་གྲགས་ཅན་ཨེ་ཝེ་ཝེའི་ལགས་ཀྱི་པེ་ཅིང་ལས་ཁང་གཏོར་བཤིག་བཏང་བ། Monday 06/08/2018 Nagchu Tibetan Businessman arrested by China, whereabouts unknown 49th Working Committee Meeting of TYC begins in Dekyiling, Dehradun 10 year commemoration of 2008 uprising in Tibet held in New York TPiE delegation concludes Tibet Lobby in Delhi, met over 58 Indian Parliamentarians Ai Weiwei Beijing studio demolished 'without warning'

དེ་རིང་ཟླ་ ༨ ཚེས་ ༦ ཉིན་རྒྱ་གར་བྱང་ཕྱོགས་ལྡེ་ར་ལྡུན་བདེ་སྐྱིད་གླིང་གི་ས་གནས་ཚོགས་ཁང་དུ་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༩ པ་དབུ་འཛུགས་གནང་ཡོད་པ་རེད། ཚོགས་ཆེན་ཐོག་ས་གནས་ཁག་ ༣༥ ནས་ཚོགས་བཅར་བ་མི་གྲངས་ ༡༥༠ ཙམ་ནས་མཉམ་ཞུགས་གནང་ཡོད་པ་དང་། ལྷག་དོན་མཛད་སྒོའི་ཐོག་སྐུ་མགྲོན་གཙོ་བོ་བཀའ་ཟུར་རྒྱ་རི་སྒྲོལ་མ་མཆོག་དང་། བདེ་སྐྱིད་གླིང་ས་གནས་འགོ་འཛིན། ས་གནས་གྲོས་ཚོགས་ཀྱི་ཚོགས་གཙོ། ས་གནས་རང་བདེན་ཚོགས་ཆུང་གི་ཚོགས་གཙོ་བཅས་ཕེབས་ཡོད་པ་རེད། དེ་རིང་གི་ཚོགས་ཆེན་དབུ་འབྱེད་མཛད་སྒོར་དབུས་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཚོགས་གཙོ་བསྟན་འཛིན་འཇིགས་མེད་ལགས་ནས་འགན་འཛིན་ལྷན་ཚོགས་ཐེངས་ ༤༩ པའི་ཚོགས་འདུའི་ངོ་སྤྲོད་གནང་བ་དང་འབྲེལ། ཁོང་གིས་དབུ་མའི་ལམ་གྱི་སྲིད་བྱུས་ནི་བོད་ཀྱི་དཀའ་ངལ་སེལ་རྒྱུའི་ཐབས་ལམ་ཞིག་ཡིན་སྟབས་དབུ་མའི་ལམ་གྱི་སྲིད་བྱུས་ལ་མཐའ་གཅིག་ཏུ་གུས་བརྩི་ཡོད་ཅེས་གསུངས་འདུག འོན་ཀྱང་ང་ཚོ་བོད་པ་ཞིག་ཡིན་པ་དང་རང་བཙན་དེ་ང་ཚོའི་ཐོབ་ཐང་ཞིག་ཡིན་པས་རང་བཙན་མུ་མཐུད་རྩོད་རྒྱུ་ཡིན་ཞེས་གསུངས་པ་མ་ཟད་ལས་འགུལ་གང་ཞིག་སྤེལ་རུང་དེར་གདོང་ལེན་བྱ་དགོས་པ་མང་དག་ཞིག་ཡོད་པ་ནི་གོ་སྐབས་ཤིག་ལ་ངོས་འཛིན་དགོས་པ་སོགས་དོན་གནད་གསུམ་གྱི་ཐོག་གདོང་ལེན་གནང་དགོས་སྐོར་གསུངས་འདུག སྐབས་དེར་སྐུ་མགྲོན་གཙོ་བོ་བཀའ་ཟུར་རྒྱ་རི་སྒྲོལ་མ་མཆོག་གིས་བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་དེ་གལ་གནད་ཅན་ཞིག་ཡིན་སྐོར་དང་འབྲེལ། ཚོགས་པ་ཁག་གི་བཞེངས་ཕྱོགས་མི་འདྲ་བ་ཡོད་ཀྱང་གཞུང་འབྲེལ་དང་གཞུང་འབྲེལ་མིན་པའི་ཚོགས་པ་ཕན་ཚུལ་དབར་གུས་བརྩི་དང་ལྷག་དོན་བོད་པ་ཞིག་ཡིན་པའི་ཆ་ནས་བོད་ཀྱི་རྩ་དོན་ལ་དམིགས་ནས་ནུས་པ་མཉམ་སྤུངས་ཀྱིས་ཕྱག་ལས་གནང་གལ་ཡིན་པ་གསུངས་འདུག རྩ་བའི་དུས་ཡུན་ཉིན་གྲངས་ལྔ་རིང་ཚོགས་རྒྱུའི་ལྷན་ཚོགས་འདིའི་སྐབས་གྲོས་གཞི་མི་འདྲ་བ་ཁག་ ༨ ཐོག་གྲོས་བསྡུར་གནང་རྒྱུ་རེད་འདུག་པ་དང་། ༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་ཕྱྭ་དང་འབྲེལ་བའི་གྲོས་གཞི་ཁག་ཅིག བོད་ནང་གི་གནས་སྟངས་གཞི་ལ་བཞག་ཐོག་ལས་འགུལ་སྤེལ་ཕྱོགས། བོད་ནང་གི་ཆབ་སྲིད་བཙོན་པ་༸ཀུན་གཟིགས་པཎ་ཆེན་རིན་པོ་ཆེ་གཙོ་གྱུར་བོད་མི་སྐད་ཡིག་ལས་འགུལ་བ་བཀྲིས་དབང་ཕྱུག་ལགས་སོགས་པའི་བོད་མིའི་ཆབ་སྲིད་བཙོན་པ་རྣམས་གློད་བཀྲོལ་ཡོང་ཐབས། བོད་ཀྱི་ཆོས་དང་རིག་གཞུང་། སྐད་ཡིག་སྲུང་སྐྱོབ། དེ་བཞིན་གཞོན་ནུའི་སྒྲིག་འཛུགས་སྲ་བརྟན་ཡོང་ཐབས་བཅས་ཀྱི་གྲོས་གཞི་ཐོག་གྲོས་བསྡུར་གནང་རྒྱུ་ཡིན་པ་རེད།

བོད་ཀྱི་ཤར་ཕྱོགས་སུ་གནས་པ་ནག་ཆུ་ཁུལ་ཤག་རོང་རྟ་ཆེན་ཡུལ་ཚོ་ལྔ་པ་སྲ་ཁུ་གྲོང་ནས་ཡིན་པའི་ཚོང་པ་བསྟན་འཛིན་ཆོས་འཕེལ་ལགས་ཕྱི་ལོ་ ༢༠༡༨ ཕྱི་ཟླ་ ༣ པའི་ཟླ་མཇུག་ཏུ་རྒྱ་གཞུང་གིས་བཙན་ཁྲིད་འོག་ད་བར་ཟླ་བ་བཞི་ལྷག་འགྲོ་བཞིན་ཡོད་ཀྱང་ད་ལྟའི་ཆར་ཁོང་བཙོན་ཁང་གང་ཞིག་ཏུ་ཡོད་མེད་ཤེས་རྟོགས་ཐུབ་ཀྱི་མེད་སྟབས་འབྲེལ་ཡོད་ཚོས་ཁོང་གི་བདེ་འཇགས་ལ་སེམས་ཁྲལ་ཆེན་པོ་གནང་བཞིན་ཡོད་པ་རེད་འདུག འདི་ལོ་ཕྱི་ཟླ་གསུམ་པའི་ཟླ་མཇུག་ཏུ་བསྟན་འཛིན་ཆོས་འཕེལ་ལགས་རྒྱ་ནག་ནས་ལྷ་སར་ལོག་པའི་ལམ་བར་དུ་ལྷོ་ཁ་གོང་དཀར་གནམ་ཐང་ནས་རྒྱ་གཞུང་གིས་གློ་བུར་དུ་འཇུ་བཟུང་བྱས་ནས་ཅ་དངོས་བསྔོག་གཤེར་སྐབས་ཆབ་སྲིད་དང་འབྲེལ་བའི་རྩོམ་ཡིག་འགའ་ཞིག་དང་སྡོད་ཁྱིམ་དུ་བསྔོག་གཤེར་སྐབས་༸གོང་ས་མཆོག་གི་༸སྐུ་པར་བཅས་ཐོན་པའི་གནས་ཚུལ་ཙམ་ལས་འཛིན་བཟུང་བྱེད་དོན་གང་ཡིན་ཤེས་རྟོགས་ཐུབ་མེད་པ་མ་ཟད་ད་ལྟའི་ཆར་ས་གནས་གང་ཞིག་ཏུ་ཡོད་མེད་སོགས་ཞིབ་ཕྲའི་གནས་ཚུལ་ཤེས་ཐབས་བྲལ་ཡོད་པ་རེད། བསྟན་འཛིན་ཆོས་འཕེལ་ལགས་ནི་རྒྱུན་དུ་རང་རིགས་ལ་ཞེན་པ་དཀར་ཞིང་བོད་ཀྱི་ཁོར་ཡུག་སྲུང་སྐྱོབ་དང་བོད་མི་ཉམ་ཐག་ལ་རོགས་སྐྱོར་དང་བོད་ཀྱི་ལོ་རྒྱུས་དང་རིག་གནས་སྲུང་སྐྱོབ་དང་འབྲེལ་བའི་ལས་གཞི་གང་ཞིག་ཡོད་ཀྱང་དེའི་ཐད་ལ་དཔལ་འབྱོར་གྱི་ཞལ་འདེབས་འབུལ་བ་དང་། བོད་མི་ནང་ཁུལ་ལ་མཐུན་སྒྲིལ་སོགས་ཀྱི་ཆེད་དུ་ལྷག་བསམ་གཡོ་བ་མེད་པར་ཕྱག་ལས་གནང་མཁན་ཞིག་ཡིན་པ་དང་། ལྷག་པར་དུ་ལོ་ཤས་སྔོན་ནས་ནག་ཆུ་བྱི་ནགས་འཁོར་གསུམ་རྒྱུད་ཀྱི་གཏེར་ཆུ་དང་གཏེར་ཁ་སོགས་ལ་སྲུང་སྐྱོབ་ཆེད་དུ་རྫོང་དང་ལྗོངས་རིམ་པ་བརྒྱུད་ནས་གནས་རི་དང་། གནས་ས་མང་པོ་ཞིག་རྒྱ་ནག་རྒྱལ་ཁབ་ཀྱི་མངོན་མིན་རིག་གནས་ཤུལ་བཞག་ཁོངས་སུ་ཡིག་ཆ་བཞག་པ་དང་ལོ་རྒྱུས་ཀྱི་རྡོ་རིང་སློང་བ་སོགས་ཀྱི་ལས་གཞིའི་ཐད་ལའང་དཔལ་འབྱོར་གྱི་འགྲོ་གྲོན་མང་དག་བཏང་མྱོང་འདུག བསྟན་འཛིན་ཆོས་འཕེལ་ལགས་ནི་ད་ལྟའི་ཆར་ལོ་ན་བཞི་བཅུ་ཞེ་གྲངས་སོན་ཡོད་པ་དང་། ནག་ཆུ་གྲོང་ཁྱེར་དུ་གཏན་སྡོད་བྱེད་བཞིན་ཡོད་པ་མ་ཟད་ཁོང་ལ་བཟའ་ཟླ་དང་བུ་ཕྲུག་མེད་པར་རྒྱུན་དུ་ཚོང་ལས་གཉེར་གནང་གི་འདུག

ཉན་པ།: Listen ཕབ་ལེན། Download བློ་གསར་གཞོན་ནུ། ཐེངས་འདིའི་བློ་གསར་གཞོན་ནུའི་ལས་རིམ་ནང་འདི་གའི་གསར་འགོད་པས་ཕྱི་ལོ་ ༢༠༡༨ ལོའི་ UWC སློབ་ཡོན་ཐོབ་མཁན་གསུམ་དང་དེ་སྔ་སློབ་ཡོན་དེའི་ཁོངས་སུ་དབྱིན་ཡུལ་ནང་སློབ་སྦྱོང་གནང་མྱོད་ཡོད་མཁན་ཞིག་དང་ལྷན་དུ་གླེང་མོལ་ཞུས་ཡོད། Sunday 05/08/2018 Young Minds:‘Never ever give up’, is the success mantra of these young, driven, passionate students. Meet the winners of 2018 UWC Scholarship.

ཉན་པ།: Listen ཕབ་ལེན། Download ༸སྐུ་ཐང་ཆད་རྒྱུའི་མཛད་འཕྲིན་མང་དག་བསྐྱང་ཚེ་༸སྐུ་ཚེར་འགོག་རྐྱེན་བཟོ་ངེས་ཡིན་པ་བཀའ་བསྩལ་བ། ནག་ཆུའི་གླུ་བ་མགོན་པོ་བསྟན་འཛིན་བཙོན་གྲོལ་ཐོབ་པ། ༸གོང་ས་མཆོག་ལ་དྭགས་ནང་གི་མཛད་འཕྲིན་ཁག་ལེགས་གྲུབ་ཀྱིས་ལྡི་ལིར་༸ཞབས་་སོར་འཁོད་པ། གུ་གྷལ་དྲྭ་རྒྱས་རྒྱ་ནག་ཆེད་དམ་དྲག་གི་འཚོལ་ཞིབ་མཉེན་ཆས་གསར་བསྐྲུན། རྒྱ་རིགས་སློབ་དཔོན་ཟུར་པ་ཞིག་རླུང་འཕྲིན་གྱི་བཀའ་འདྲི་དང་ལེན་གནང་རྐྱེན་འཛིན་བཟུང་། Saturday 04/08/2018 Dalai Lama inaugurates public park at Juma Bagh and graces farewell lunch Tibetan singer imprisoned for singing patriotic songs released after 3 years in prison Dalai Lama arrives in Delhi after month long Ladakh trip Google 'working on censored search engine' for China Dissident retired Chinese professor arrested during radio broadcast program

ཁ་སང་ཕྱི་ཟླ་ ༨ ཚེས་ ༣ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ལ་དྭགས་ནང་ཚོགས་དང་དགོན་ཚོགས་གཉིས་ཐུན་མོང་གིས་གསོལ་སྟོན་གཟབ་རྒྱས་ཤིག་འདེགས་འབུལ་ཞུ་སྐབས་མགོན་པོ་༸གང་ཉིད་མཆོག་༸སྐུ་ལུས་ཤ་རུས་ལས་གྲུབ་པ་ཡིན་སྟབས་༸སྐུ་ཐང་ཆད་རྒྱུའི་མཛད་འཕྲིན་མང་དག་ཞིག་བསྐྱང་ཚེ་༸སྐུ་ཚེ་ཡུན་རིང་བཞུགས་རྒྱུར་འགོག་རྐྱེན་བཟོ་ངེས་ཡིན་པར་བཀའ་བསྩལ་འདུག ༸གོང་ས་མཆོག་གིས་དུས་སང་ལ་དྭགས་སུ་སྐུ་ངལ་གསོ་རྒྱུའི་ཆེད་ཁྱུག་ཙམ་རིང་ཕེབས་རྒྱུའི་ཐུགས་རེ་གནང་བཞིན་ཡོད་པ་དང་། ༸སྐུ་ངལ་གསོ་རྒྱུའི་ཆེད་ཕེབས་རྒྱུའི་དགོངས་པ་ཡོད་པ་ལས་བྲལ་བ་འཚུབ་འཚུབ་གནང་རྒྱུ་སླད་མིན་སྐོར་བཀའ་བསྩལ་དང་འབྲེལ། མགོན་པོ་༸གང་ཉིད་མཆོག་༸སྐུ་ལུས་ཤ་རུས་ལས་གྲུབ་པ་ཞིག་ཡིན་སྟབས་༸སྐུ་ཐང་ཆད་རྒྱུའི་མཛད་འཕྲིན་མང་དག་བསྐྱང་ཚེ་༸སྐུ་ཚེ་ཡུན་རིང་བཞུགས་རྒྱུར་འགེགས་རྐྱེན་བཟོ་ངེས་ཡིན་པས་༸སྐུ་ལྷོད་ལྷོད་གནང་ནས་༸སྐུ་ཚེ་རིང་བ་བཞུགས་རྒྱུར་དགའ་བ་འདུག་གམ་བྲལ་འཚུབ་ཐོག་༸སྐུ་ཚེ་ཐུང་བ་བཞུགས་རྒྱུར་དགའ་བ་འདུག་ཞེས་བཀའ་བསྩལ་འདུག ༸གོང་ས་མཆོག་གིསལ་དྭགས་མང་ཚོགས་ནས་དད་པ་གཡོ་བ་མེད་པ་ཞིག་ཡོད་པ་མ་ཟད་ཁུལ་དེའི་ནང་གི་ཁ་ཆེ་བ་ཚོས་དགའ་ཚོར་ཆེན་པོ་བྱེད་བཞིན་པ་བཅས་ལ་ཐུགས་འགྱེས་ཚོར་ཆེན་པོ་བྱུང་ཞེས་བཀའ་བསྩལ་བ་དང་འབྲེལ། ལ་དྭགས་སུ་མཛད་འཕྲིན་དུ་མ་བསྐྱངས་གནང་བ་དེས་བསྟན་པ་དང་འགྲོ་བར་ཕན་ཐོགས་ཆེན་པོ་བྱུང་ཡོད་པར་དགོངས་སྐོར་བཀའ་ནན་མཛད་འདུག ཁ་སང་ཟླ་ ༨ ཚེས་ ༣ ཉིན་སྔ་དྲོ་༸གོང་ས་༸སྐྱབས་མགོན་ཆེན་པོ་མཆོག་གླེ་རྒྱལ་སའི་ནང་ལ་དྭགས་ཧེཊ་ཇུ་མ་བྷག་ཞེས་པའི་སྐྱེད་ཚལ་དབུ་འབྱེད་གནང་བ་དང་འབྲེལ། མགོན་པོ་༸གང་ཉིད་མཆོག་ནས་རྒྱ་གར་རྒྱལ་ཁབ་ལ་ཆེ་བསྟོད་དང་ཐུགས་མོས་གནང་གི་ཡོད་ཀྱང་རྒྱལ་ཁབ་འདིའི་ནང་རིགས་རུས་དབྱེ་འབྱེད་གནང་བཞིན་པ་དེ་བློ་ཕམ་བྱ་གཞི་ལས་མ་འདས་པའི་གནད་དོན་ཞིག་ཡིན་པར་བཀའ་བསྩལ་བ་དང་ཆབས་ཅིག་ཏུ་༸གོང་ས་མཆོག་ནས་དུས་རྟག་ཏུ་ཆོས་དཔོན་ཚོར་འགྲོ་བ་མི་གཅིག་གྱུར་གྱི་བསམ་པ་གོང་འཕེལ་གཏོང་ཐབས་གནང་གལ་ཡིན་པར་བཀའ་བསྩལ་མཛད་སྐོར་ལམ་སྟོན་རྒྱ་ཆེ་མཛད་ཡོད་པ་རེད། རྩ་བའི་སྐྱེད་ཚལ་དེ་བཞིན་ལ་དྭགས་མི་མང་དང་རིག་འཚོ་མ་ཟིན་པ་རྣམས་ལ་ལུས་སྦྱོང་བྱ་རྒྱུའི་ཆེད་གསར་འཛུགས་གནང་བ་ཞིག་ཡིན་པ་དང་། སྐབས་དེར་མགོན་པོ་༸གང་ཉིད་མཆོག་ནས་སྐྱེད་ཚལ་གྱི་ལས་གཞི་དེ་དང་དེའི་ཐོག་ཕྱག་ལས་གནང་མཁན་རྣམས་ལ་བསྔགས་བརྗོད་གནང་བ་དང་འབྲེལ། ལས་དོན་དེའི་སླད་ཏཱ་ལའི་བླ་མའི་དགེ་རྩ་ཁང་ནས་ཞལ་འདེབས་གསོལ་རས་མཛད་རྒྱུ་ཡིན་པར་བཀའ་བསྩལ་ཡོད་པ་རེད། ༸སྐུ་དཔར་དཔལ་ལྡན་དགའ་ལྡན་ཕོ་བྲང་ཡིག་ཚང་།

རྒྱ་ནག་གཞུང་གིས་བོད་ཀྱི་ལ་རྒྱའི་གླུ་གཞས་བླངས་པའི་ཉེས་མིང་འོག་ནས་ཁམས་ནག་ཆུ་འབྲི་རུའི་ལ་རྒྱའི་གླུ་བ་འཕྲིན་ལས་ཚེ་དཀར་ལགས་དང་། མཆོག་གསལ་ལགས། མགོན་པོ་བསྟན་འཛིན་ལགས་སོགས་རིམ་བཞིན་འཛིན་བཟུང་གིས་བཙོན་འཇུག་བྱས་པའི་ཁྲོད་ནས་གླུ་བ་མགོན་པོ་བསྟན་འཛིན་ལགས་ཕྱི་ལོ་ ༢༠༡༣ ཟླ་ ༡༡ ཚེས་ ༣༠ དགོང་མོར་འཛིན་བཟུང་བཙན་ཁྲིད་བྱས་ནས་ཕྱི་ལོ་ ༢༠༡༥ ཟླ་ ༤ ཚེས་ ༡༥ བར་ལོ་གསུམ་དང་ཟླ་བ་དྲུག་གི་ཁྲིམས་ཆད་བཏང་ཡོད་པ་རེད། གླུ་བ་མགོན་པོ་བསྟན་འཛིན་ལགས་ཁ་ཉིན་ཕྱི་ལོ་ ༢༠༡༨ ཟླ་ ༨ ཚེས་ ༢ ཉིན་བཙོན་འཇུག་གི་དུས་ཡུན་གཙང་སྟབས་བཙོན་གྲོལ་བཏང་འདུག འོན་ཀྱང་ད་ལྟའི་ཆར་ཁོང་གི་སྐུ་གཟུགས་ཀྱི་གནས་སྟངས་ཇི་ཡོད་སོགས་ཞིབ་ཕྲའི་གནས་ཚུལ་གང་ཡང་ཤེས་རྟོགས་ཐུབ་ཀྱི་མི་འདུག གླུ་བ་མགོན་པོ་བསྟན་འཛིན་ལགས་ཀྱིས་དེ་སྔ་བོད་ནང་མཐུན་སྒྲིལ་དང་ལ་རྒྱའི་ནང་དོན་ལྡན་པའི་གླུ་གཞས་བླངས་པའི་འོད་སྡེར་ཆེད་བཏོན་གནང་བར་བརྟེན་རྒྱ་ནག་གཞུང་གིས་འཛིན་བཟུང་དང་ཁྲིམས་ཐག་བཅད་པ་ཞིག་ཡིན་པ་རེད། ཁོང་ནི་ནགས་ཤོད་འབྲི་རུ་རྫོང་ཤག་ཆུ་གྲོང་ནས་ཡིན་པ་དང་ད་ལྟ་དགུང་ལོ་ ༣༢ ཙམ་སོན་ཡོད་པ་རེད་འདུག གནས་ཚུལ་ངོ་སྤྲོད་པས་བརྗོད་དོན་མགོན་པོ་བསྟན་འཛིན་ལགས་ཀྱིས་གླུ་གཞས་འོད་སྡེར་བཏོན་གནང་བ་དང་། ལྷག་དོན་གླུ་གཞས་ནང་གངས་ཅན་བོད་ལ་ལོ་གསར་གང་ན་ཡོད་ཅེས་པ་སོགས་ལ་རྒྱའི་ནང་དོན་ལྡན་པའི་གླུ་གཞས་བླངས་བར་བརྟེན་ས་གནས་རྒྱ་གཞུང་གིས་འཛིན་བཟུང་བཀའ་རྒྱ་བཏང་རྐྱེན་དུས་ཡུན་གང་ཙམ་རིང་ཉེན་གཡོལ་ཐོག་གནས་དགོས་བྱུང་སྐོར་གསུངས་སོང་། རྗེས་སུ་རྒྱ་ནག་གཞུང་གི་ལྷ་སའི་ཉེན་རྟོག་པས་ཕྱི་ལོ་ ༢༠༡༣ ལོའི་ཟླ་ ༡༡ པའི་ནང་འཛིན་བཟུང་གིས་ལོ་གཅིག་དང་ཟླ་བ་དྲུག་ཙམ་རིང་ཁྲིམས་གཤེར་སོགས་གང་ཡང་མེད་པར་བཀག་ཉར་བྱས་པ་མ་ཟད་མཐོར་ཕྱི་ལོ་ ༢༠༡༥ ཟླ་ ༤ ཚེས་ ༡༥ ཉིན་རྒྱ་ནག་གི་འབྲེལ་ཡོད་ཁྲིམས་ཁང་གིས་ལོ་ངོ་གསུམ་དང་ཟླ་བ་དྲུག་གི་བཙོན་འཇུག་ཁྲིམས་ཆད་བཏང་ཡོད་པ་རེད། ཉིན་མོ་དེ་ནས་བཟུང་ཁོང་གི་ཆབ་སྲིད་ཀྱི་ཁེ་དབང་བཙན་འཕྲོག་བྱ་རྒྱུའི་ཡིག་ཆ་དོ་བདག་ལ་སྤྲད་ཡོད་པ་རེད།  

ཉན་པ།: Listen ཕབ་ལེན། Download ༸གོང་ས་མཆོག་གིས་ཆོས་ལུགས་མཐུན་སྒྲིལ་ཡོང་བར་ཕྱི་ནང་གཉིས་ཀས་འགན་བཞེས་དགོས་པ་བཀའ་བསྩལ་བ། ཨཧྥ་ཏཱབ་ཀརྨ་ཨ་རིའི་གྲོས་ཚོགས་འཐུས་མི་བཞེངས་པར་ཨ་རིའི་སྲིད་འཛིན་ཟུར་པས་རྒྱབ་སྐྱོར། བོད་རིགས་ཆང་འདྲེན་པ་ཞིག་གིས་སྟོང་ལ་ཉེ་བའི་རི་དྭགས་ཀྱི་གོ་རྟོགས་སྤེལ་བ། གཞིས་བྱེས་བོད་མིའི་གསོ་རིག་སྨན་པའི་སྐུ་ཚབ་མེད་པའི་རྒྱལ་སྤྱིའི་གསོ་རིག་ལྷན་ཚོགས་ལ་སྐྱོན་བརྗོད། དམིགས་བསལ་ལེ་ཚན། སྐྲ་བཟོ་བ་བཀྲིས་ཚེ་རིང་ལགས་ཀྱི་ཨཱ་ལ་སྐྲ་ཁང་། Friday 03/08/2018 Dalai Lama visits Muslim Temple in Leh, urges religious harmony Obama endorses Indian-Tibetan candidate for congressional polls Tibetan bartender spreads awareness on endangered animals through his work TMAI condemns China’s effort to undermine Tibetan Sowa Rigpa tradition DIASPORA FEATURE: Tashi Tsering’s Ala Saloon