Monthly Archives: August, 2018

ཉན་པ།: Listen ཕབ་ལེན། Download འདས་པོའི་ཆེད་དང་བླངས་ཞབས་ཞུ་བ་ཀརྨ་གྲགས་པ་ལཊ་དང་ལྷན་གླེང་མོལ། འདས་མཆོད་གནང་ཕྱོགས་སྐོར་གླེང་བ། Sunday 12/08/2018 In conversation with death rites expert and social worker Karma Dakpa: Part 1

དེ་རིང་ཕྱི་ཟླ་ ༨ ཚེས་ ༡༡ ཉིན་རྒྱ་གར་ Vana Foundation ཐེབས་རྩ་ཁང་གིས་གོ་སྒྲིག་ཞུས་པའི་ཐོག་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་ལྷོ་ཕྱོགས་སྦེང་ལོར་གྲོང་ཁྱེར་ནང་གི་ Conrad Hotel གསོལ་མགྲོན་ཁང་དུ་རྒྱ་གར་ཤེས་ཡོན་པ་དང་ཆེད་ལས་པ། སློབ་ཕྲུག་བཅས་ ༨༠༠ ཉེ་བར་དུས་རབས་ཉེར་གཅིག་ནང་གི་སྙིང་སྟོབས་དང་བྱམས་བརྩེ་ཞེས་པའི་བརྗོད་གཞིའི་ཐོག་བཀའ་སློབ་བསྩལ་གནང་བ་དང་། ༸གོང་ས་༸སྐྱབས་མགོན་ཆེན་པོ་མཆོག་གིས་གཙོ་བོ་མགོན་པོ་༸གང་ཉིད་མཆོག་ནས་རྒྱུན་དུ་ཉམས་བཞེས་གནང་བཞིན་པའི་འགྲོ་བ་མིའི་རིགས་ལ་བདེ་སྐྱིད་སྐྲུན་ཐབས་དང་། ཆོས་ལུགས་མཐུན་སྒྲིལ་དང་། བོད་ཀྱི་སྐད་ཡིག་དང་བཅས་པའི་རིག་གཞུང་སྲུང་སྐྱོབ། རྒྱ་གར་གྱི་གནའ་བོ་རིག་གཞུང་བཟང་པོ་དེ་ཉམས་པ་བསྐྱར་གསོ་གནང་རྒྱུ་བཅས་ཐུགས་བསྐྱེད་དམ་བཅའ་བཞིའི་སྐོར་བཀའ་སློབ་བསྩལ་ཡོད་པ་དང་། རྒྱ་གར་གྱི་གནའ་བོ་ཤེས་རིག་བསྐྱར་གསོའི་གལ་གནད་ཐོག་བཀའ་སློབ་བསྩལ་སྐབས་མགོན་པོ་༸གང་ཉིད་མཆོག་ནས་དུས་ཡུན་ལོ་ངོ་བཅུ་ཕྲག་གསུམ་ལྷག་རིང་ཚན་རིག་པ་དང་བགྲོ་གླེང་གནང་བའི་བརྒྱུད་ནང་པ་སངས་རྒྱས་པའི་ཆོས་ནས་གསུངས་པའི་སེམས་ཁམས་རིག་པ་དང་ཚད་རྡུལ་དངོས་ཁམས་རིག་པ་སོགས་ཀྱི་ལྟ་གྲུབ་ཁག་ལ་དེང་གི་ཚན་རིག་པ་ཚོས་ཀྱང་ཡིད་སྨོན་དང་གདེང་འཇོག་ཆེན་པོ་གནང་བཞིན་ཡོད་པ་རེད་ཅེས་བཀའ་བསྩལ་བ་དང་ཆབས་ཅིག་ཏུ་ཚད་རྡུལ་དངོས་ཁམས་རིག་པའི་ཐད་དེང་རབས་ཚད་རྡུལ་དངོས་ཁམས་རིག་པ་སྨྲ་བ་ལས་ང་ཚོས་མང་པོ་ཤེས་ཀྱི་ཡོད་ཅེས་བཀའ་ནན་མཛད་ཡོད། དེ་རིང་ཉིན་རྒྱབ་ནས་གདན་ས་ཁག་གི་མཁན་པོ་དང་དགེ་བཤེས་ཁག་ཅིག་དང་དོན་གཉེར་ཅན་གྱི་རྒྱ་གར་ཤེས་ཡོན་པ་དང་སློབ་ཕྲུག་དབར་གོང་གསལ་མགོན་པོ་མཆོག་གི་བཀའ་སློབ་ཀྱི་བརྗོད་གཞི་དང་འབྲེལ་བའི་ཐད་མུ་མཐུད་དུ་ནང་ཁུལ་བགྲོ་གླེང་གི་ལས་རིམ་ཞིག་ཀྱང་ཚོགས་གནང་ཡོད་པ་རེད།

ཉན་པ།: Listen ཕབ་ལེན། Download ཕྱི་ལོ་ ༢༠༠༨ ལོའི་ས་བྱི་ཞི་རྒོལ་ཆེན་མོའི་ལས་འགུལ་གལ་གནད་སྐོར། Saturday 11/08/2018 Significance of 2008 Tibet Uprising

ཉན་པ།: Listen ཕབ་ལེན། Download ༸གོང་ས་མཆོག་དབུ་བཞུགས་ཐོག་ཀ་ན་ཊ་ཀ་མངའ་སྡེ་གཞུང་མང་ལ་ཐུགས་རྗེ་ཆེ་ཞུའི་མཛད་སྒོ་ཚོགས་པ། བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༤ མཇུག་སྒྲིལ། བོད་ཀྱི་སྨན་རྩིས་ཁང་དུ་དུག་འདོན་ཟིན་པའི་བཙོ་ཐལ་གནོད་མེད་ཡིན་པ་བདེན་དཔང་མངོན་གསལ་གནང་བ། སྤྱི་འཐུས་ཚོགས་གཞོན་མཆོག་ནས་སྐུ་ཞབས་ཧ་རི་ཝནྴ་ལགས་སུ་འཚམས་འདྲི་ཞུས་པ། Friday 10/08/2018 Dalai Lama graces Thank You Karnataka event in Bengaluru TYC concludes 49th Working Committee Meeting with 24 point resolution Detoxified mercury in Tibetan medicine tested and proved harmless: TMAI TPiE congratulates new Deputy Chairman of Rajya Sabha Shri Harivansh N Singh

དེ་རིང་ཟླ་ ༨ ཚེས་ ༡༠ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཐོག་རྒྱ་གར་ལྷོ་ཕྱོགས་ཀ་ན་ཊ་ཀ་གཞུང་མང་གཉིས་ལ་ཐུགས་རྗེ་ཆེ་ཞུའི་མཛད་སྒོ་ཞིག་ཚོགས་ཡོད་པ་དང་། སྐབས་དེར་༸གོང་ས་མཆོག་གིས་ང་ཚོ་བོད་མི་རིགས་ཀྱིས་ལོ་ངོ་སྟོང་ཕྲག་ལྷག་གི་རིང་ནས་གཅེས་ཉར་བྱས་པའི་དཔལ་ནཱ་ལེནྡཱའི་རིག་གནས་དེ་དག་ད་ཆ་དེའི་འབྱུང་ཁུངས་རྒྱ་གར་ལ་ཕར་ལེགས་སྐྱེས་ཚུལ་དུ་ཕུལ་རྒྱུ་བྱུང་བར་མགོན་པོ་༸གང་ཉིད་མཆོག་དགའ་སྤོབས་ཆེན་པོ་བྱུང་ཞེས་བཀའ་བསྩལ་བ་དང་། དེ་ནི་རྒྱ་གར་དབུས་གཞུང་དང་ཀ་ན་ཊ་ཀ་མངའ་སྡེ་གཞུང་གཉིས་ཀྱིས་རྒྱབ་སྐྱོར་དང་མཐུན་འགྱུར་གནང་བའི་བཀྲིན་ལ་བརྟེན་ནས་ཡིན་པར་བཀའ་བསྩལ་འདུག དེ་བཞིན་མགོན་པོ་༸གང་ཉིད་མཆོག་གིས་ང་ཚོ་བོད་ལ་ངོམས་སུ་ཆོག་པའི་རིག་གཞུང་ཕྱུག་པོ་ཡོད་པས་བོད་ཀྱི་གནད་དོན་འདི་ནམ་ཡང་རྩ་བརླག་འགྲོ་ཡི་མ་རེད་ཅེས་བཀའ་བསྩལ་དང་ཆབས་ཅིག་ཏུ་བོད་མི་ཚོའི་ངོས་ནས་སེམས་ཤུགས་ཆག་རྒྱུ་མེད་སྐོར་སོགས་བཀའ་བསྩལ་མཛད་འདུགདེ་དང་ཕྱོགས་མཚུངས་ཀ་ན་ཊ་ཀ་མངའ་སྡེ་གཞུང་གི་སྤྱི་ཁྱབ་བློན་ཆེན་ལས་ཐོག་པ་སྐུ་ཞབས་ Shri H.D Kumaraswamy མཆོག་གིས་ཀ་ན་ཊ་ཀ་མངའ་སྡེ་གཞུང་ནས་ལྷོ་ཕྱོགས་བཙན་བྱོལ་བོད་མི་རྣམས་ལ་རོགས་རམ་གང་དགོས་གནང་རྒྱུ་ཡིན་པའི་ཞལ་བཞེས་གནང་འདུག བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་གྲོས་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་རྣམ་གཉིས་ནས་ཀྱང་རྒྱ་གར་གཞུང་མང་དང་ལྷག་དོན་མངའ་སྡེ་དེའི་ངོས་ནས་ད་བར་བཙན་བྱོལ་བོད་མི་རྣམས་ལ་མཐུན་འགྱུར་རྒྱབ་སྐྱོར་གནང་བའི་ལོ་རྒྱུས་ལ་དྲན་གསོ་དང་སྦྲགས་བཀའ་སྤྱི་གཉིས་ཀྱི་ཚབ་ཞུས་ཏེ་ཐུགས་རྗེ་ཆེ་ཞུ་མཚོན་པའི་ཆོས་ཀྱི་འཁོར་ལོའི་གཟེངས་རྟགས་ཤིག་ཕུལ་ཡོད་པ་རེད། རྩ་བའི་སང་ཉིན་ཚེས་ ༡༡ དང་ ༡༢ བཅས་གཉིས་རིང་ Conrad Hotel གསོལ་མགྲོན་ཁང་དུ་རྒྱ་གར་ཝ་ན་ཐེབས་རྩ་ཁང་གིས་གོ་སྒྲིག་ཞུས་པའི་རྒྱ་གར་སློབ་ཕྲུག་དང་ཡུལ་མི་བཅས་ ༧༥༠ ཙམ་ལ་བླང་དོར་བཀའ་སློབ་བསྩལ་རྒྱུ་དང་ཚེས་ ༡༣ ཉིན་སྦེང་ལོར་ཏཱ་ལའི་བླ་མ་མཐོ་སློབ་ཀྱི་བུའི་སྡོད་ཁང་དབུ་འབྱེད་རབ་གནས་དང་འབྲེལ་དགེ་ལས་སློབ་ཕྲུག་རྣམས་ལ་བཀའ་སློབ་བསྩལ་རྒྱུ་རེད་འདུག དེ་རྗེས་ཚེས་ ༡༤ ཉིན་སྦེང་ལོར་ནས་ཆིབས་ཞལ་བསྒྱུར་གནང་གི་ཡོད་པ་རེད།

ཉེ་ཆར་ཨ་རིའི་ཚན་རིག་དང་ཁོར་ཡུག་གི་དུས་དེབ་ཐོག་བོད་སྨན་ནང་དངུལ་ཆུ་བེད་སྤྱོད་གནང་བ་དེས་བོད་དང་རྒྱ་ནག་ནང་གི་ཁོར་ཡུག་ལ་གནོད་འཚེ་གཏོང་གི་ཡོད་སྐོར་ཚན་རིག་པས་བརྟག་དཔྱད་གནང་བའི་གྲུབ་དོན་གྱི་རྩོམ་ཡིག་ཞིག་འདོན་སྤེལ་གནང་ཡོད་པ་དང་འབྲེལ། དེ་རིང་བཞུགས་སྒར་རྡ་རམ་ས་ལར་རྟེན་གཞི་བྱས་པའི་དབུས་བོད་ཀྱི་སྨན་རྩིས་ཁང་དུ་བདུད་རྩི་བཅུད་ཀྱི་རྒྱལ་པོ་བཙོ་ཐལ་ནང་གི་དངུལ་ཆུའི་བྱེད་ནུས་དང་བདེ་འཇགས་རང་བཞིན་སྐོར་གསར་འགོད་ལྷན་ཚོགས་ཤིག་བསྐོང་ཚོགས་གནང་ཐོག་བོད་ཀྱི་སྨན་རྩིས་ཁང་གིས་དུག་འདོན་ཟིན་པའི་བཙོ་ཐལ་ལས་གྲུབ་པའི་སྨན་བཏང་སྟེ་སྨན་བཅོས་ལག་ལེན་དངོས་ནང་དུ་ཁ་ཡོད་ལག་ཡོད་ཀྱི་ཕན་ཐོགས་ཇི་ལྟར་ཐུབ་ཀྱི་ཡོད་པ་དང། དབུས་སྨན་རྩིས་ཁང་གི་ངོས་ནས་རྒྱལ་སྤྱིའི་ཉམས་ཞིབ་ཁང་དུ་མ་དང་ལྷན་དུ་ཕྱི་ལོ་ ༢༠༠༢ ནས་དབུ་འཛུགས་ཀྱིས་ཚན་རིག་དང་མཐུན་པའི་ཉམས་ཞིབ་རིམ་པ་གཉིས་གནང་བཞིན་པའི་བརྒྱུད། བོད་ཀྱི་སྨན་རྩིས་ཁང་གི་དུག་འདོན་་ཟིན་པའི་བཙོ་ཐལ་དེ་གནོད་མེད་བདེ་འཇགས་ཀྱི་རང་བཞིན་ལྡན་པ་ཞིག་ཡིན་པའི་བདེན་དཔང་ར་ཕྲོད་ཐུབ་ཀྱི་ཡོད་པ་མངོན་གསལ་གནང་སོང་། དེ་རིང་ཉིན་གུང་ཚོུད་  ༡༢ ཡོལ་ཙམ་ལ་དབུས་སྨན་རྩིས་ཁང་གི་མཐོ་སློབ་ཚོགས་ཁང་དུ་དབུས་སྨན་རྩིས་ཁང་གི་སྤྱི་ཁྱབ་འགན་འཛིན་ཚེ་རིང་བཀྲིས་ལགས་དང། སྨན་པ་གཙོ་བོ་སྐུ་བཅར་སྨན་རམས་པ་ཚེ་དབང་རྟ་མགྲིན་ལགས། སྨན་སྦྱོར་འགན་འཛིན་སྨན་རམས་པ་འཇམ་དབྱངས་བཀྲ་ཤིས་ལགས། ཉམས་ཞིབ་འགན་འཛིན་སྨན་རམས་པ་རིག་འཛིན་བཟང་མོ་ལགས་བཅས་དབུས་སྨན་རྩིས་ཁང་གི་དགེ་ལས་སློབ་མ་རྣམས་དང། གསར་འགོད་པ་བཅས་ཚང་འཛོམས་ཐོག་སྨན་སྦྱྱོར་འགན་འཛིན་སྨན་རམས་པ་འཇམ་དབྱངས་བཀྲིས་ལགས་ཀྱིས་སྔ་རབས་སྨན་གྱི་མཁས་དབང་རྣམས་ནས་ཞལ་དང་སྙན་དུ་བརྒྱུད་ཅིང་མྱོང་བའི་གྲུབ་པའི་དངུལ་ཆུ་བཙོ་བཀྲུ་ཆེན་མོའི་ལག་ལེན་འམ་བོད་ཀྱི་གསོ་བ་རིག་པའི་གཞུང་ལུགས་ནང་དངུལ་ཆུའི་དུག་འདོན་གྱི་འདུད་རྩི་བཅུད་ཀྱི་རྒྱལ་པོ་བཙོ་ཐལ་དུ་གྱུར་ཕྱོགས་ཀྱི་བརྒྱུད་རིམ་ཞིབ་ཕྲ་ངོ་སྤྲོད་གནང་སོང་། དེ་བཞིན་ཉམས་ཞིབ་འགན་འཛིན་སྨན་རམས་པ་རིག་འཛིན་བཟང་མོ་ལགས་ཀྱིས་ཐོག་མར་ཕྱི་ལོ་ ༢༠༠༢ ལོར་བོད་སྨན་ནང་དངུལ་ཆུ་ཡོད་པའི་གནད་དོན་ཞིག་གླེང་སློང་བྱུང་བ་དང་འབྲེལ། བཙོ་ཐལ་ཡོད་པའི་སྨན་མང་པོ་ཞིག་ཤྲིལངྒ་ནང་ཚན་རིག་དང་མཐུན་པའི་དཔྱད་ཕྱིར་ཁྱེར་ཡོད་པ་ལྟར། སྐབས་དེར་བརྟག་དཔྱད་ཀྱི་གྲུབ་དོན་དུ་བཙོ་ཐལ་ཡོད་པའི་བོད་སྨན་རྣམས་ཀྱི་གནོད་འཚེ་གང་ཡང་མེད་པ་དང། དེའང་སྨན་ནང་དུ་བཙོ་ཐལ་གྱི་ཚད་བཀག་ལས་ཉུང་བ་ཡིན་པ་སོགས་ར་ཁྲོད་གསལ་པོ་བྱུང་ཡོད་པ་དང། དེ་རྗེས་ ༢༠༠༣ ལོར་བོད་སྨན་ནང་གི་དངུལ་ཆུ་དེ་གཉེན་པོ་ཡིན་ནམ་དཀའ་རྙོག་ཡིན་ནམ་ཞེས་པའི་བརྗོད་གཞིའི་ཐོག་དབུས་སྨན་རྩིས་ཁང་དང་བདེ་ལེགས་སྨན་ཁང། དེ་བཞིན་ཨིས་རེལ་རང་བྱུང་ཁམས་ཀྱི་སྨན་གྱི་ཉམས་ཞིབ་སྡེ་ཚན་དང། རྫས་སྦྱོར་དཔྱད་ཞིབ་རིག་པའི་སྡེ་ཚན། ཨིན་ཡུལ་ནང་གི་ Liverpool དང། Manchester མཐོ་རིམ་སློབ་གྲྭ་གཉིས་ཀྱི་རྫས་སྦྱོར་སྡེ་ཚན་བཅས་སྡེ་ཚན་ལྔ་དང་མཉམ་འབྲེལ་ཐོག་སྔོན་འགྲོ་ཉམས་ཞིབ་གནང་བའི་ཐོག་མི་གྲངས་ ༩ ཐོག་བཙོ་ཐལ་ཡོད་པའི་བོད་སྨན་མཆོད་མཁན། བཙོ་ཐལ་མེད་པའི་བོད་སྨན་མཆོད་མཁན། དེ་བཞིན་བོད་སྨན་རྩ་བ་ནས་མི་མཆོད་མཁན་བཅས་སྡེ་ཚན་གསུམ་དུ་བྱས་ནས་ཉམས་ཞིབ་གནང་བ་དང། དེ་རྗེས་ཕྱི་ལོ་ ༢༠༠༩ ལོར་མི་གྲངས་ ༡༢༠ ཐོག་ཉམས་ཞིབ་རྒྱ་ཆེ་ཞིག་གནང་རྗེས་བཙོ་ཐལ་ཡོད་པའི་བོད་སྨན་རྣམས་ཀྱིས་མིའི་ལུས་པོ་སྤྱི་དང་མཁལ་མ་སོགས་ལ་གནོད་འཚེ་གང་ཡང་མེད་པ་མངོན་གསལ་བྱུང་ཡོད་པ་རྒྱལ་སྤྱིའི་དུས་དེབ་སྙན་གྲགས་ཆེ་བ་ཁག་ཅིག་ཐོག་བཀོད་ཡོད་སྐོར་ངོ་སྤྲོད་གནང་སོང་། ལྷག་དོན་ཉམས་ཞིབ་སྙན་ཐོ་དེ་དག་བརྒྱུད་བོད་ཀྱི་སྨན་རྩིས་ཁང་གི་དུག་འདོན་ཟིན་པའི་བཙོ་ཐལ་དེ་གནོད་མེད་བདེ་འཇགས་ཀྱི་རང་བཞིན་ལྡན་པ་ཞིག་ཡིན་པའི་བདེན་དཔང་ར་ཕྲོད་ཐུབ་ཡོད་སྐོར་གསུངས་སོང་། དེ་བཞིན་སྨན་པ་གཙོ་བོ་༸སྐུ་བཅར་སྨན་རམས་པ་ཚེ་དབང་རྟ་མགྲིན་ལགས་ཀྱིས་རྩ་བའི་བོད་ཀྱི་གསོ་བ་རིག་པ་འདི་མི་ལོ་ ༤༠༠༠ ལྷག་གི་ཚད་ལྡན་གྱི་ལོ་རྒྱུས་ལྡན་པའི་གཞུང་ལུགས་ཤིག་ཡིན་སྐོར་ངོ་སྤྲོད་དང་འབྲེལ། ཁོང་གིས་ད་བར་ལོ་ངོ་ ༤༠ ལྷག་གི་སྨན་བཅོས་ལག་ལེན་དངོས་ནང་ནད་པ་ཛ་དྲག་མང་པོ་ཤི་གསོན་གྱི་གནས་ནས་སྐྱོབ་ནས་ད་ལྟའང་བདེ་ཐང་ངང་འཚོ་བཞུགས་ཡོད་པའི་དཔེ་མཚོན་མང་པོ་ཡོད་པའི་ནང་ནས་ཁག་ཅིག་ངོ་སྤྲོད་གནང་བ་མ་ཟད། སྤྱིར་བཙོ་ཐལ་ཡོད་པའི་བོད་སྨན་གྱིས་ཕྱི་ལུགས་ནས་བཅོས་ཐབས་མེད་པའི་ནད་གཞི་ཛ་དྲག་ཆུ་ཟེར་རྩ་ཡི་ན་ཚ་དང། རྩ་དཀར། འབྲས་ནད། མཆིན་ཚད་སོགས་ནད་གཞི་ལྔ་དཔེ་ཚོན་དུ་བཀོད་ཐོག་དེ་དག་གིས་མནར་བའི་ནད་པ་དངོས་སུ་སྨན་བཅོས་གནང་ཐུབ་ཡོད་པ་མངོན་གསལ་གནང་སོང་།

དེ་རིང་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༩ པ་མཇུག་སྒྲིལ་དང་བསྟུན།                 ཕྱི་ཟླ་ ༡ ཚེས་ ༢༨ ཉིན་བོད་ཀྱི་སྐད་ཡིག་ཉིན་མོར་སྲུང་བརྩི་ཞུ་རྒྱུ་གཙོ་གྱུར་གྲོས་ཆོད་ཁག་ ༢༤ གཏན་འབེབས་གནང་འདུག བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༩ པ་དེ་ཟླ་ ༨ ཚེས་ ༦ ནས་ཉིན་གྲངས་ལྔའི་རིང་མུ་མཐུད་རྒྱ་གར་བྱང་ཕྱོགས་ལྡེ་ར་ལྡུན་བདེ་སྐྱིད་གླིང་ས་གནས་ཀྱི་ཚོགས་ཁང་དུ་ཚོགས་ཡོད་པ་དང་། ཚོགས་ཆེན་དེའི་ཐོག་ས་གནས་ཁག་ ༣༥ ནས་ཚོགས་མི་གྲངས་ ༡༥༠ ལྷག་གི་བར་གྲོས་གཞི་དོན་ཚན་ ༨ ཐོག་བགྲོ་གླེང་གནང་སྟེ་དེ་རིང་ཉིན་རྒྱབ་དངོས་གཞིའི་གྲོས་ཆོད་ཁག་ ༢༤ གཏན་འབེབས་བྱུང་བའི་ཁོངས་སུ་གཙོ་བོ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་༸སྐུ་ངལ་གསོ་བཞུགས་མཛད་རྒྱུ་གཙོས་པའི་༸སྐུ་ཕྱཱ་དང་འབྲེལ་བའི་གྲོས་ཆོད་ཁག་ཅིག་དང་། བོད་ནང་གི་གནས་སྟངས་ལ་གཞིགས་པའི་ལས་འགུལ་སྤེལ་ཕྱོགས། དེ་བཞིན་ཕྱི་ཟླ་ ༡ ཚེས་ ༢༨ ཉིན་བོད་ཀྱི་སྐད་ཡིག་ཉིན་མོར་སྲུང་བརྩི་ཞུ་རྒྱུ་མ་ཟད་ལོ་རྗེས་མར་བོད་མི་རྣམས་བཙན་བྱོལ་དུ་གྱར་ནས་མི་ལོ་ ༦༠ འཁོར་བའི་དུས་ཚིགས་དང་བསྟུན་གཞི་རྒྱ་ཆེ་བའི་ལས་འགུལ་སྤེལ་འཆར་ཡོད་པ་རེད་འདུག

ཉན་པ།: Listen ཕབ་ལེན། Download གོང་ས་མཆོག་སྦེང་ལོར་གྲོང་ཁྱེར་དུ་༸ཞབས་སོར་བདེ་བར་འཁོད་པ། ༸གོང་ས་མཆོག་སྐུ་ཞབས་ Kailash Satyarthi མཆོག་དང་ཟུར་དུ་མཇལ་མོལ་མཛད་པ། བོད་ཀྱི་གཏེར་ཆུ་ཚོང་འགྲེམས་དང་ཆུ་མཛོད་གསར་རྒྱག་གི་ལས་གཞི་ནི་རྒྱ་ནག་གི་ཡིག་ཆ་དཀར་པོ་དང་ཡོངས་སུ་འགལ་ཡོད། དྲ་ཐོག་བརྒྱུད་བོད་པའི་སྤྱི་ཚོགས་གཏོར་བཅོམ་བྱེད་བཞིན་པའི་སྙན་ཐོ་འདོན་སྤེལ། དམིགས་བསལ་ལས་རིམ། སོའི་སྨན་པ་བསྟན་འཛིན་ཆོས་ལྡན་ལགས་སུ་སོའི་སྨན་བཅོས་སྐོར་བཅར་འདྲི་ཞུས་པ། Thursday 09/08/2018 Dalai Lama arrives in Bengaluru, Karnataka Dalai Lama meets Nobel Peace Laureate Kailash Satyarthi in Delhi Tibet rights group slam China’s white paper on Tibet’s environment Report reveals Tibetan Diaspora under malware attack again HEALTH and WELLNESS: Dental Treatment by Tenzin Choeden

དེ་རིང་ཟླ་ ༨ ཚེས་ ༩ ཉིན་སྔ་དྲོ་ཚོུ་ ༡༠༌༣༠ ཡོལ་ཙམ་ལ་བོད་མིིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གྷོ་ཝ་ཁུལ་གྱི་མཛད་འཆར་ཁག་ལེགས་གྲུབ་ཀྱིས་མཁའ་ལམ་བརྒྱུད་རྒྱ་གར་ལྷོ་ཕྱོགས་ཀ་ན་ཊ་ཀ་མངའ་སྡེའི་གྲོང་ཁྱེར་སྦེང་ལོར་ནང་མཛད་འཆར་ཁག་ཅིག་བསྐྱང་ཕྱིར་༸ཞབས་སོར་བདེ་བར་འཁོད་གནང་ཡོད་པ་རེད། ༸གོང་ས་༸སྐྱབས་མགོན་ཆེན་པོ་མཆོག་སྦེང་ལོར་གྲོང་ཁྱེར་གནམ་ཐང་དུ་༸ཞབས་སོར་འཁོད་སྐབས་ཀ་ན་ཊ་ཀ་མངའ་སྡེ་གཞུང་གི་སྣེ་ལེན་སྡེ་ཚན་གྱི་དྲུང་ཆེ་དང་སྦེང་ལོར་ལྷོ་སྤྱི་བཅས་ཕེབས་བསུར་བཅར་ཡོད་པ་དང་༸གོང་ས་མཆོག་གནམ་ཐང་ནས་བཞུགས་གནས་ Conrad Hotel  གསོལ་མགྲོན་ཁང་དུ་༸ཞབས་སོར་འཁོད་སྐབས་ཕྱི་ཚེས་ ༡༡ དང་ ༡༢ བཅས་ཉིན་གྲངས་གཉིས་རིང་གི་མཛད་འཆར་གོ་སྒྲིག་ཞུ་མཁན་རྒྱ་གར་ཝ་ན་ཐེབས་རྩ་ཚོགས་པའི་ཚོགས་གཙོ་དང་འབྲེལ་ཡོད་ལས་མི་རྣམ་པ། འཇམ་མགོན་༸རྒྱལ་བའི་རྒྱལ་ཚབ་དགའ་ལྡན་ཁྲི་རིན་པོ་ཆེ་མཆོག ཤར་བྱང་གི་ཆོས་རྗེ་རྣམ་གཉིས། གདན་ས་ཁག་གི་མཁན་ལས་ཟུར་རྣམ་པ། བོད་མིའི་སྒྲིག་འཛུགས་ཀྱི་སྲིད་སྐྱོང་། གྲོས་ཚོགས་ཀྱི་ཚོགས་གཙོ།  ཕྱོགས་བཞུགས་སྤྱི་འཐུས་རྣམ་པ།  ལྷོ་ཕྱོགས་གཞིས་ཆགས་ཁག་ལྔའི་ས་གནས་འགོ་འཛིན་དང་མཉམ་འབྲེལ་སོགས་ཚོགས་སྡེ་ཚན་ཁག་གི་གནད་ཡོད་མི་སྣ་དང་སློབ་ཕྲུག དེ་བཞིན་མང་ཚོགས་བཅས་བརྒྱ་ཕྲག་ལྷག་གིས་ཕེབས་བསུ་གཟབ་རྒྱས་ཞུས་ཡོད་པ་རེད། དེ་རིང་༸གོང་ས་མཆོག་༸སྐུ་ངལ་གསོ་བཞུགས་གནང་རྒྱུ་ལས་དམིགས་གསལ་གྱི་མཛད་འཆར་གང་ཡང་མེད་པ་དང་། སང་ཉིན་ཚེས་ ༡༠ ཉིན་སྦེང་ལོར་ Taj west Hotel གསོལ་མགྲོན་ཁང་དུ་ལྷོ་ཕྱོགས་གཞིས་ཆགས་ཁག་ལྔའི་བོད་མི་ཡོངས་ནས་ཀ་ན་ཊ་ཀ་གཞུང་མང་ལ་ཐུགས་རྗེ་ཆེ་ཞུའི་མཛད་སྒོའི་སྐུ་མགྲོན་གཙོ་བོར་དབུ་བཞུགས་མཛད་རྒྱུ་དང་དེ་བཞིན་མངའ་སྡེའི་སྤྱི་ཁྱབ་བློན་ཆེན་དང་བློན་ཆེན་གཞོན་པ་རྣམ་གཉིས་ཀྱང་ཕེབས་རྒྱུའི་ཞལ་བཞེས་ཐོབ་འདུག ཕྱི་ཚེས་ ༡༡ དང་ ༡༢ ཉིན་གཉིས་རིང་ Conrad Hotel གསོལ་མགྲོན་ཁང་དུ་རྒྱ་གར་ཝ་ན་ཐེབས་རྩ་ཁང་གིས་གོ་སྒྲིག་ཞུས་པའི་རྒྱ་གར་སློབ་ཕྲུག་དང་ཡུལ་མི་བཅས་ ༧༥༠ ཙམ་ལ་བླང་དོར་བཀའ་སློབ་བསྩལ་རྒྱུ་དང་ཚེས་ ༡༣ ཉིན་སྦེང་ལོར་ཏཱ་ལའི་བླ་མ་མཐོ་སློབ་ཀྱི་བུའི་སྡོད་ཁང་དབུ་འབྱེད་རབ་གནས་དང་འབྲེལ་དགེ་ལས་སློབ་ཕྲུག་རྣམས་ལ་བཀའ་སློབ་བསྩལ་རྒྱུ་རེད་འདུག དེ་རྗེས་ཚེས་ ༡༤ ཉིན་སྦེང་ལོར་ནས་ཆིབས་ཞལ་བསྒྱུར་གནང་གི་ཡོད་པ་རེད། རྩ་བའི་ཝ་ན་ཐེབས་རྩ་ཁང་ནི་རྒྱ་གར་ལྡེ་ར་ལྡུན་དུ་རྟེན་གཞི་བྱས་ཡོད་པ་དང་གསར་འཛུགས་གནང་ནས་ལོ་གཉིས་སོང་ཡོད་པ་རེད། ཚོགས་པ་དེ་ནི་མང་ཚོགས་ལ་སྲོལ་རྒྱུན་སྨན་བཅོས་ལྟ་སྐྱོང་གནང་མཁན་ཞིག་ཡིན་པ་དང་དེའི་ཡན་ལག་ལྡི་ལི་དང་སྦེང་ལོར་སོགས་ས་གནས་ཁ་ཤས་ནང་ཆེད་འཛུགས་གནང་འདུག ཚོགས་པ་དེས་དེ་སྔ་ལྡི་ལི་དང་མོམ་བའེ་ནང་༸གོང་ས་༸སྐྱབས་མགོན་ཆེན་པོ་མཆོག་གི་མཛད་འཆར་ཐེངས་གཉིས་གོ་སྒྲིག་ཞུས་ཡོད་པ་དང་། ད་རེས་དུ་སྦེང་ལོར་དུ་གདན་ཞུ་གནང་བ་ནི་ཐེངས་གསུམ་པ་དེ་ཆགས་ཡོད་པ་རེད། ༸སྐུ་དཔར་དཔལ་ལྡན་དགའ་ལྡན་ཕོ་བྲང་ཡིག་ཚང་།