Monthly Archives: February, 2019

ཉན་པ།: Listen ཕབ་ལེན། Download ༸གོང་ས་མཆོག་གིས་བེུད་ཚོས་འགྲོ་བ་མིའི་རིན་ཐང་གོང་འཕེལ་གནང་དགོས་པ་བཀའ་བསྩལ་བ། ཐེ་ཝན་སྲིད་འཛིན་མཆོག་ནས་༸གོང་ས་མཆོག་ཐེ་ཝན་ནང་གདན་ཞུ་མ་གནང་བར་སྐྱོན་བརྗོད། གསུམ་བཅུའི་དུས་དྲན་ཉིན་ལྡི་ལིར་གཞི་རྒྱ་ཆེ་བའི་ལས་འགུལ་སྤེལ་འཆར། བོད་མི་རྣམས་ནས་ཆབ་སྲིད་ཀྱི་གོ་རྟོགས་ཡོད་ཐོག་འོས་ཤོག་འཕང་དགོས། རྒྱ་གཞུང་གིས་གཏེར་ཁ་སྔོག་འདོན་གྱི་ལས་གཞིར་ངོ་རྒོལ་གནང་མཁན་ཚོར་དྲག་གནོན་བྱས་པར་འདྲི་རྩད། Monday 18/02/2019 Women should take more active role in Education Field: Dalai Lama to YFLO members Taiwan’s former President criticizes incumbent for not Inviting Dalai Lama Chalo Delhi: TYC announces 3 day commemoration of 60th Tibet uprising Day Sikyong speaks to Tibetans in Connecticut, US UN experts ask China to explain crackdown on anti mining protesters Relatives of Uyghurs in Xinjiang blocked by family members for protection Tibetans in South India hold solidarity vigil for Pulwama victims

ཆེས་ཐོག་མའི་ཐེ་ཝན་མང་གཙོ་ཡར་ཐོན་པའི་སྲིད་འཛིན་ཟུར་པས་ད་ལྟའི་སྲིད་འཛིན་ལས་ཐོག་ལྕམ་ Tsai Ing wen ལགས་ནས་རྒྱ་གཞུང་གི་གནོན་ཤུགས་འོག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཡུལ་དེའི་ནང་གདན་ཞུ་མི་གནང་བར་སྐྱོན་བརྗོད་ཤུགས་ཆེ་གནང་འདུག ཉེ་ལམ་ཐེ་ཝན་སྲིད་འཛིན་ཟུར་པ་སྐུ་ཞབས་ Chen Shui bian མཆོག་གིས་རང་ཉིད་ཀྱི་ངོ་དེབ་ཐོག་བརྙན་ཐུང་ཞིག་སྤེལ་བའི་ནང་༸གོང་ས་༸སྐྱབས་མགོན་ཆེན་པོ་མཆོག་གིས་ཡང་ནས་ཡང་དུ་རྒྱ་གཞུང་ལ་བོད་མི་རྣམས་ནས་མིང་དོན་མཚུངས་པའི་རང་སྲིད་རང་སྐྱོང་གི་གནས་བབས་རྩོད་བཞིན་ཡོད་པ་ལས་རང་བཙན་རྩོད་ཀྱི་མེད་པར་བསྐྱར་ནན་མཛད་ཡོད་ཀྱང་རྒྱ་གཞུང་གིས་ད་བར་དེར་བརྩིེ་འཇོག་རྩ་བ་ནས་མེད་པའི་ཁྲོད་ད་ལྟའི་སྲིད་འཛིན་ལས་ཐོག་ལྕམ་ Tsai Ing wen ལགས་ཀྱིས་སྲིད་འཛིན་ཟུར་པ་སྐུ་ཞབས་ Ma Ying jeou ལགས་ཀྱིས་གནང་ཕྱོགས་ལྟར་རྒྱ་གཞུང་གི་ཁེ་ཕན་སླད་མགོན་པོ་༸གང་ཉིད་མཆོག་ཐེ་ཝན་ནང་ཆིབས་བསྒྱུར་བཀྲིན་བསྐྱང་བར་གདན་ཞུ་གསོལ་འདེབས་ཕུལ་མེད་པ་མ་ཟད་༸གོང་ས་མཆོག་དང་མཇལ་འཕྲད་ཞུ་མེད་པར་སྐྱོན་བརྗོད་ཤུགས་ཆེ་གནང་འདུག དེ་བཞིན་ Chen Shui bian ལགས་ཀྱིས་འདི་ལོ་བོད་མི་རྣམས་བཙན་བྱོལ་དུ་འབྱོར་ནས་མི་ལོ་  ༦༠ འཁོར་བ་དང་སྟབས་བསྟུན་༸གོང་ས་༸སྐྱབས་མགོན་ཆེན་པོ་མཆོག་ཐེ་ཝན་ནང་དེ་སྔ་ཕྱི་ལོ་ ༡༩༩༧ དང་། ༢༠༠༡ དེ་བཞིན་ ༢༠༠༩ བཅས་ལོ་སོ་སོར་ཆིབས་བསྒྱུར་བཀའ་དྲིན་བསྐྱངས་ཡོད་པ་ཕྱིར་དྲན་གནང་བ་དང་འབྲེལ་ཏེ། ཆིབས་བསྒྱུར་གསུམ་པོ་དེ་དག་ལ་ཡུལ་དེའི་སྲིད་འཛིན་རིམ་པས་སྣེ་ལེན་ཞུ་ཕྱོགས་ལ་ཧེ་བག་ཆེན་པོ་བྱུང་ཡོད་པ་མ་ཟད། ཕྱི་ལོ་ ༢༠༠༩ ལོའི་ཆིབས་བསྒྱུར་སྐབས་ཐེ་ཝན་གྱི་སྲིད་འཛིན་མ་ཡོན་ཅུག་གིས་༸གོང་ས་མཆོག་དང་མཇལ་འཕྲད་ཞུ་རྒྱུར་ཁས་ལེན་གནང་མེད་སྐོར་གསུངས་འདུག སྐུ་ཞབས་ཁོང་གིས་ད་ལྟའི་སྲིད་འཛིན་ལས་ཐོག་ལྕམ་ Tsai Ing wen ལགས་དང་སྲིད་འཛིན་ཟུར་པ་སྐུ་ཞབས་མ་ཡོན་ཅུག་གཉིས་ལ་དཀའ་ངལ་གཅིག་མཚུངས་ཡོད་པ་དེ་ནི་རྒྱ་གཞུང་གི་ཤུགས་རྐྱེན་འོག་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་འཕྲད་ཞུ་རྒྱུ་དང་༸གང་ཉིད་མཆོག་ཐེ་ཝན་ནང་གདན་འདྲེན་ཞུ་རྒྱུར་འཛེམས་ཟོན་གནང་བཞིན་ཡོད་པ་དེ་ཡིན་པ་གསལ་བཏོན་གནང་བ་མ་ཟད། གལ་ཏེ་ཐེ་ཝན་ནས་རྒྱ་གཞུང་གི་སྟོབས་ཤུགས་ལ་ཞེད་རྐྱེན་༸གོང་ས་མཆོག་དང་མཇལ་འཕྲད་མ་ཞུ་ཚེ་ཨ་རི་དང་ཁེ་ན་ཌ། དེ་བཞིན་ཡུ་རོབ་སོགས་ནུབ་ཕྱོགས་རྒྱལ་ཁབ་ཁག་གི་སྲིད་འཛིན་དང་བློན་ཆེན་རྣམས་ནས་རྒྱ་གཞུང་གི་སྟོབས་ཤུགས་ལ་ལྟོས་མེད་མགོན་པོ་༸གང་ཉིད་མཆོག་རྒྱལ་ཁབ་དེ་དག་ནང་མཇལ་འཕྲད་གནང་དགོས་དོན་དེ་རྒྱུ་མཚན་གང་ལ་ཐུག་ཡོད་དམ་ཞེས་ཟུར་ཟའི་ཐོག་ནས་དྲི་བ་གནང་ཡོད་པ་རེད། ལྷག་དོན་༸གོང་ས་མཆོག་གིས་ཡང་ནས་ཡང་དུ་ཐེ་ཝན་ནང་ཆིབས་བསྒྱུར་མཛད་ཐུབ་པའི་ཐུགས་རེ་གནང་བཞིན་ཡོད་ཅེས་བཀའ་བསྩལ་ཡོད་ཀྱང་བློ་འགྱོད་གནང་དགོས་པ་ཞིག་ལ་ཐེ་ཝན་སྲིད་འཛིན་མཆོག་གིས་ཕྱི་ལོ་ ༢༠༠༩ ནས་ད་བར་༸གང་ཉིད་མཆོག་ཡུལ་དེའི་ནང་ཆིབས་བསྒྱུར་གནང་བའི་གསོལ་འདེབས་ཞུས་མེད་ཅེས་གསུངས་ཡོད་པ་མ་ཟད། སྐུ་ཞབས་ཁོང་ནས་མགོན་པོ་༸གང་ཉིད་མཆོག་གི་དགོངས་གཞི་གང་ཡིན་གསལ་པོ་རྟོགས་ཐུབ་ཀྱང་ད་བར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་དང་རྒྱ་གཞུང་དབར་བྱུང་བའི་གྲོས་མོལ་མཐའ་དག་ལ་དོན་འབྲས་གང་ཡང་སོན་མེད་པ་ནི་ཡིད་སྐྱོ་བའི་གནས་ལས་མ་འདས། ཁྱད་པར་དུ་བོད་མིའི་ངོས་ནས་རྒྱ་གཞུང་ལ་བསྟུན་མཁས་ཇི་ཙམ་གནང་ཡང་རྒྱ་གཞུང་ནས་དེ་ལྟར་བྱ་སྲིད་མིན་ཐེ་ཚོམ་ཡིན་པ་མ་ཟད། དེ་སྔོན་ཕྱི་ལོ་ ༡༩༥༡ ལོར་བོད་མི་རྣམས་ནས་དྲག་དཔུང་གི་བཙན་ཤེད་འོག་གྲོས་མཐུན་དོན་ཚན་བཅུ་བདུན་ཟེར་བ་ཞིག་བཞག་དགོས་བྱུང་ཡོད་ཀྱང་རྒྱ་གཞུང་གི་དབང་འཛིན་པས་གྲོས་མཐུན་གྱི་དོན་ཚན་ཁག་བརྩི་མེད་ཀྱིས་བོད་མིར་དྲག་གནོན་བྱས་ཡོད་ཅེས་འབུར་བཏོན་གནང་འདུག  

དེ་རིང་སྔ་དྲོ་ཆུ་ཚོད་ ༡༠༌༣༠ ཐོག་བོད་ཀྱི་གཞོན་ནུ་ལྷན་ཚོགས་ཀྱི་དབུས་སྤྱི་ཁྱབ་རྒྱུན་ལས་ཁང་གི་ཚོགས་ཁང་དུ་གཞོན་ནུ་ལྷན་ཚོགས་ཀྱི་ཚོགས་གཙོ་བསྟན་འཛིན་འཇིགས་མེད་ལགས་ཀྱིས་གསར་འགོད་ལྷན་ཚོགས་ཐོག་གསུམ་བཅུའི་དུས་དྲན་དང་སྟབས་བསྟུན་རྒྱལ་ས་ལྡི་ལིར་བོད་དོན་ལས་འགུལ་གཞི་རྒྱ་ཆེ་བ་ཞིག་སྤེལ་གཏན་ཁེལ་བ་ཡོངས་བསྒྲགས་གནང་སོང་།གསལ་འགོད་གསལ་བསྒྲགས་དེའི་སྐབས་བསྟན་འཛིན་འཇིགས་མེད་ལགས་ཀྱིས་ Chalo Delhi འམ་ལྡི་ལིར་འགྲོ་ཞེས་པའི་འབོད་ཚིག་འོག་ད་ལོའི་ལོ་ནི་རྒྱ་ནག་གིས་བོད་ས་བཙན་བཟུང་བྱས་ནས་མི་ལོ་ ༦༠ ཧྲིལ་པོ་འཁོར་གྱི་ཡོད་སྟབས། དབུས་བོད་ཀྱི་གཞོན་ནུ་ལྷན་ཚོགས་ཀྱིས་འགོ་ཁྲིད་པའི་ཐོག་ནས་རྒྱལ་ས་ལྡི་ལིར་ཟླ་ ༣ ཚེས་ ༡༠ ནས་ཚེས་ ༡༢ བར་བཅས་ཉིན་གྲངས་གསུམ་གྱི་རིང་གཞི་རྒྱ་ཆེ་བའི་བོད་དོན་གྱི་ལས་འགུལ་ཞིག་སྤེལ་རྒྱུ་ཡིན་པར་བརྟེན་ས་ཕྱོགས་གང་སར་གནས་པའི་བོད་རིགས་སྤུན་ཟླ་ཚོས་ལས་འགུལ་དེར་མཉམ་ཞུགས་གནང་སྐྱོང་ཡོང་བའི་འབོད་སྐུལ་གནང་ཡོད། རྩ་བའི་འདི་ལོ་ནི་རྒྱ་ནག་གིས་བོད་ས་བཙན་འཛུལ་བྱས་ནས་མི་ལོ་ ༦༠ འཁོར་བའི་དུས་དྲན་ཁེལ་ཡོད་སྟབས་བཙན་བྱོལ་བོད་མིའི་འདུས་སྡོད་ཀྱི་སྤྱི་ཚོགས་གང་སར་ནམ་རྒྱུན་དང་མི་འདྲ་བའི་གསུམ་བཅུའི་དུས་དྲན་སྲུང་བརྩི་ཞུ་རྒྱུར་གྲ་སྒྲིག་གནང་བཞིན་ཡོད་པ་རེད།

ཉན་པ།: Listen ཕབ་ལེན། Download བློ་གསར་གཞོན་ནུའི་ལས་རིམ། བུད་མེད་ཀྱི་འཕྲོད་བསྟེན་དང་འབྲེལ་ཟླ་མཚན་སྐོར་གླེང་མོལ། Sunday 17/02/2019 Young Minds: Tibetan school girls talk ‘Period’

ཉན་པ།: Listen ཕབ་ལེན། Download ༸གོང་ས་མཆོག་དབུ་བཞུགས་ཐོག་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་བསླབ་གཞི་རྒྱལ་སྤྱིའི་ངོ་བོའི་ཐོག་དབུ་འབྱེད་མཛད་རྒྱུ། བོད་མིའི་འཚེ་མེད་ཞི་བའི་ཐབས་ལམ་ལ་གྲུབ་འབྲས་སོན་ངེས་ཡིན་པ་རེད། ནོར་ཝེའི་ཝེན་སི་ཊི་ཚོགས་པས་༸གོང་ས་མཆོག་བོད་ལ་ཕེབས་དགོས་པའི་ཞུ་སྐུལ། བོད་ཕྲུག་ཞིག་ཡིན་ཚེ་ལོ་ནའི་བབས་ཀྱི་ཁྱད་པར་མེད་པར་སྐྱབས་བཅོལ་ལག་དེབ་གསར་བཟོ་བྱེད་དགོས། རྒྱལ་སྤྱིའི་དཔེ་དེབ་དུས་སྟོན་ཐོག་བོད་དོན་དྲིལ་བསྒྲགས་གནང་བ། བཙན་བྱོལ་བོད་མི་རྣམས་ནས་ Pulwama དྲག་སྤྱོད་ཀྱི་དོན་རྐྱེན་ལ་གདུང་སེམས་མཉམ་བསྐྱེད་ཞུས་པ། Saturday 16/02/2019 Dalai lama to lead International launch of Secular Ethics Curriculum in Delhi Sikyong speaks at Rhode Island and Yale University on Tibet issue Norwegian Youth Party urges China to let Dalai Lama return to Tibet All Tibetans regardless of age required to make RC says new home ministry directives Tibet awareness campaign held at Taiwan intl. book fair Tibetans hold prayer vigil for Pulwama terror victims

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ལོ་མང་གོང་ནས་འཛམ་གླིང་སྤྱིའི་བདེ་རྩར་སྨིན་པའི་ཤེས་ཡོན་གྱི་བསྟི་གནས་ཁག་ཏུ་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་བསླབ་གཞི་ཕྱག་བསྟར་ཡོང་བར་དགོངས་བཞེད་བླ་མེད་གནང་བཞིན་ཡོད་པ་ལྟར། རིང་མིན་ཕྱི་ཟླ་ ༤ པའི་ནང་མགོན་པོ་༸གང་ཉིད་མཆོག་དབུ་བཞུགས་ཐོག་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་བསླབ་གཞི་དབུ་འབྱེད་མཛད་གཏན་ཁེལ་ཡོད་པ་རེད། ༸གོང་ས་༸སྐྱབས་མགོན་ཆེན་པོ་མཆོག་དང་ཨ་རི་ཨེ་མོ་རི་མཐོ་སློབ་དབར་འདས་པའི་ལོ་ངོ་ཉི་ཤུ་ལྷག་རིང་སྒོམ་སྒྲུབ་ཚན་རིག་དང་བྱམས་བརྩེ་གཞི་རྩར་གྱུར་པའི་བཟང་སྤྱོད་སློབ་གསོའམ་ཆོས་ལུགས་ལ་མ་བརྟེན་པའི་བཟང་སྤྱོད་སྐོར་གྱི་བགྲོ་གླེང་དང་བཀའ་བསྡུར་སྦྱངས་བཤད་རིམ་པ་མཛད་བཞིན་པའི་ཁྲོད་རིང་མིན་ཕྱི་ཟླ་ ༤ ཚེས་ ༤ ནས་ ༦ བར་རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་ Talkatora Indoor རྩེད་ཐང་ཆེན་མོར་ཨེ་མོ་རི་མཐོ་སློབ་དང་ཏཱ་ལའི་བླ་མའི་ཐེབས་རྩ། དེ་བཞིན་རྒྱ་གར་ནང་རྟེན་གཞི་བྱས་པའི་ཝ་ན་ཐེབས་རྩ་ཁང་བཅས་བཟུང་འབྲེལ་གྱིས་གོ་སྒྲིག་འོག་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་རྒྱལ་སྤྱིའི་ལྷན་ཚོགས་ཤིག་འཚོགས་གཏན་ཁེལ་ཡོད་པ་རེད། ལྷན་ཚོགས་དེའི་ཐོག་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཀྱིས་ཆོས་ལུགས་ལ་མ་བརྟེན་པའི་བཟང་སྤྱོད་གོང་འཕེལ་གནང་ཐབས་ཀྱི་བསླབ་གཞི་ཁག་དབུ་འབྱེད་བཀྲིན་བསྐྱང་རྒྱུ་རེད་འདུག རླུང་འཕྲིན་ཁང་གིས་དེ་འབྲེལ་ཐོག་དཔལ་ལྡན་དགའ་ལྡན་ཕོ་བྲང་གི་དྲུང་ཆེ་འཆི་མེད་རིག་འཛིན་ལགས་སུ་བཅར་འདྲི་ཞུས་པར་ཁོང་གིས་ད་ཆ་དབུ་འབྱེད་གནང་འཆར་ཡོད་པའི་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་བསླབ་གཞི་དེ་རྒྱལ་སྤྱིའི་ངོས་ལེན་ཡོད་པའི་དབྱིན་ཇི་དང་ཧིན་དྷི། French རྒྱ་ཡིག Spanish སོགས་སྐད་ཡིག་དྲུག་ནང་བསྒྱུར་ཟིན་ཡོད་པ་དང་། སོག་པོ་དང་ Portuguees དེ་བཞིན་ Arabic བཅས་ཀྱི་སྐད་ཡིག་གཞན་ཁག་ཅིག་གི་ནང་ཕབ་སྒྱུར་གནང་བཞིན་ཡོད་པ་གསུངས་སོང་། ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་བསླབ་གཞི་དབུ་འབྱེད་མཛད་སྒོའི་ཐོག་རྒྱལ་ཁབ་སུམ་ཅུ་ནས་ཤེས་ཡོན་སློབ་སྟོན་པ་མི་སྣ་དང་མཁས་དབང་། ཉམས་ཞིབ་པ་སོགས་ཁྱོན་མི་གྲངས་ཉིས་སྟོང་ཙམ་མཉམ་ཞུགས་གནང་འཆར་ཡོད་པ་མ་ཟད། དེའི་ཁོངས་སུ་རྒྱལ་སྤྱིའི་ཁྱོན་ནས་སྤྱི་ཚོགས་དང་སེམས་ཀྱི་མྱོངབའི་ཐོག་མཁས་དབང་དང་ཆེད་ལས་མི་སྣ་ལྕམ་ Linda Lantieri ལགས་དང་Kimberely Schonert Reichl ལགས། དེ་བཞིན་རྒྱ་གར་བྱིས་པའི་ཐོབ་ཐང་སྲུང་སྐྱོབ་པ་ནོ་སྦེལ་ཞི་བདེའི་གཟེངས་རྟགས་བཞེས་མྱོང་མཁན་སྐུ་ཞབས་ Kailash Satyarthi མཆོག་སོགས་ཕེབས་ཀྱི་ཡོད་པ་དང་། ལྷན་ཚོགས་དེའི་མཛད་རིམ་ཁག་དྲྭ་ལམ་བརྒྱུད་ཐད་གཏོང་གནང་གི་འདུག

ཐེ་ཝན་གྱི་རྒྱལ་ས་ཐེ་པེ་ནང་དུ་ཉེ་སྔོན་ཕྱི་ཚེས་ ༡༢ ནས་ ༡༧ བར་དུ་དཔེ་དེབ་འགྲེམས་སྟོན་གྱི་དུས་སྟོན་ཞིག་དབུ་འཛུགས་གནང་ཡོད་པ་ལྟར། ཁ་སང་ཐེ་ཝན་དུ་རྟེན་གཞི་བྱས་ཡོད་པའི་བོད་ཀྱི་སྐུ་ཚབ་དོན་ཁང་། བོད་དང་ཐེ་ཝན་གྱི་འགྲོ་བ་མིའི་ཐོབ་ཐང་འབྲེལ་མཐུད་ཁང་གཉིས་ཟུང་འབྲེལ་གྱིས་དུས་སྟོན་ཐོག་བོད་དོན་དྲིལ་བསྒྲགས་ཀྱི་ལས་གཞི་རྒྱ་ཆེ་སྤེལ་འདུགདཔེ་དེབ་དུས་སྟོན་ཐོག་ཐེ་ཝན་བོད་ཀྱི་དོན་གཅོད་ཟླ་བ་ཚེ་རིང་ལགས་ཀྱིས་བོད་ཀྱི་ཉེ་རབས་ལོ་རྒྱུས་ཀྱི་ཐད་ནས་རྒྱ་ནག་གིས་ཅི་ལྟར་བོད་ལ་དཔུང་འཇུག་བྱས་པ་དང་། བོད་རྒྱ་གཉིས་ཀྱི་དབར་གྲོས་མཐུན་བཅུ་བདུན་ཇི་ལྟར་བཞག་སྐོར། ཕྱི་ལོ་ ༡༩༥༩ ལོར་རྒྱ་ནག་གིས་བོད་དུ་བཙན་འཛུལ་བྱས་རྐྱེན་༸གོང་ས་མཆོག་གིས་གཙོས་པའི་བོད་རིགས་བརྒྱད་སྟོང་ལྷག་ཅིག་བཙན་བྱོལ་དུ་འབྱོར་ཚུལ། དེ་བཞིན་བཙན་བྱོལ་དུ་བོད་རིགས་དག་ཐོག་མར་ཚ་བའི་ནམ་ཟླ་ལ་གདོང་གཏད་ནས་དཀའ་བ་སྤྱད་དེ་ཧི་མཱ་ལ་ཡར་ལམ་བཟོ་གནང་བ་ནས་བཟུང་སྟེ། རིམ་པའི་དགོན་སྡེ་དང་སློབ་གྲྭ་སོགས་གསར་རྒྱག་གནང་སྟེ་གཞིས་ཆགས་ཚུལ་དང་མང་གཙོ་འཕེལ་རིམ་སོགས་ཞིབ་ཚགས་འགྲེལ་བརྗོད་གནང་བ་མ་ཟདབོད་རྒྱ་གྲོས་མོལ་བརྒྱུད་ནས་༸གོང་ས་མཆོག་གིས་གཙོས་པའི་བཙན་བྱོལ་བོད་རིགས་རྣམས་ནམ་ཞིག་ཕྱིར་རང་ཡུལ་དུ་ཕེབས་ནས་ཆོས་དང་རིག་གཞུང་འཛིན་སྐྱོང་སྤེལ་གསུམ་གནང་འདོད་ཡོད་སྐོར་སོགས་གསུང་བཤད་གནང་ཡོད་པ་རེད། གསར་འགོད་པས་བོད་དང་ཐེ་ཝན་གྱི་འགྲོ་བ་མིའི་ཐོབ་ཐང་འབྲེལ་མཐུད་ཁང་གི་ཚོགས་གཙོ་བཀྲ་ཤིས་ཚེ་རིང་ལགས་སུ་ཞལ་པར་བརྒྱུད་ནས་དེ་འབྲེལ་བཅར་འདྲི་ཞུས་པར་ཁོང་གིས་མི་ཚོགས་མང་པོའི་དུས་སྟོན་དེའི་ཐོག་བོད་ནང་གི་ཆོས་དད་དང་རིག་གཞུང་གཙོ་བཟུང་ཐོག་ནས་བོད་དོན་དྲིལ་བསྒྲགས་ཀྱི་ལས་གཞི་སྤེལ་ཡོད་པ་མ་ཟད། བཙན་བྱོལ་བོད་མིའི་གནས་སྟངས་སྤྱི་དང་ཡང་སྒོས་སྤྱི་ནོར་༸གོང་ས་༸སྐྱབས་མགོན་རིན་པོ་མཆོག་གི་མཛད་རྣམ་རྒྱ་སྒྱུར་སོགས་འགྲེམས་སྟོན་དང་འགྲེལ་བརྗོད་གནང་ཡོད་པ་གསུངས་སོང་།  རྩ་བའི་རྒྱལ་སྤྱིའི་དཔེ་དེབ་དུས་སྟོན་དེ་ལོ་ལྟར་ཚོགས་ཀྱི་ཡོད་ཀྱང་དུས་རྒྱུན་གཞུང་འབྲེལ་མིན་པའི་ཚོགས་པ་ཁག་ལ་དམིགས་བསལ་གྱི་ས་མིག་དེ་འདྲ་གང་ཡང་མེད་པ་རེད། འདི་ལོ་ཚོགས་སྐྱིད་ཁག་གི་རེ་བ་ཞུས་དོན་ལྟར་གཞུང་འབྲེལ་མིན་པའི་ཚོགས་པ་ཁག་ལ་ཡང་ས་མིག་གནང་ཡོད་སྟབས། བོད་དང་ཐེ་ཝན་གྱི་འགྲོ་བ་མིའི་འབྲེལ་མཐུད་ཁང་གིས་ཀྱང་གོ་སྐབས་དེ་དམ་འཛིན་གྱིས་བོད་དོན་དྲིལ་བསྒྲགས་ཀྱི་ལས་འགུལ་རྒྱ་ཆེ་སྤེལ་ནས་ཐེ་ཝན་ནང་གི་གཞོན་སྐྱེས་ཚོར་རྒྱ་ནག་གིས་བོད་ནང་སྡུག་སྦྱོང་མནར་གཅོད་གཏོང་བཞིན་པའི་གནས་སྟངས་དང་། བཙན་བྱོལ་བོད་མིའི་གནས་སྟངས། དེ་བཞིན་༸གོང་ས་མཆོག་གི་མཛད་རྣམ་བཅས་ངོ་སྤྲོད་གནང་ཡོད་པ་ལྟར་ཐེ་ཝན་དོན་གཅོད་ཁང་གིས་ཀྱང་བོད་ཀྱི་ཉེ་རབས་ལོ་རྒྱུས་ནས་བཟུང་སྟེ་བཙན་བྱོལ་ནང་གི་མང་གཙོའི་འཕེལ་རིམ་སོགས་འགྲེལ་བརྗོད་ཀྱིས་བོད་དོན་དྲིལ་བསྒྲགས་གནང་ཡོད་པ་རེད།

རྒྱ་གར་ནང་སྐྱེས་མིན་ལ་ལྟོས་མེད་བོད་ཕྲུག་ཞིག་ཡིན་ཕྱིན་ཆད་ལོ་ནའི་བབས་ཀྱི་ཁྱད་པར་གང་ཡང་མེད་པར་སྐྱབས་བཅོལ་ལག་དེབ་འམ་ RC གསར་བཟོ་བྱེད་དགོས་པ་ཡོངས་བསྒྲགས་གནང་འདུག ཕྱི་ལོ་ ༢༠༡༨ ཟླ་ ༤ ཚེས་ ༢༥ ཉིན་རྒྱ་གར་དབུས་གཞུང་ནང་སྲིད་ལས་ཁུངས་ནས་རྒྱ་གར་ནང་གནས་སྡོད་བྱེད་མཁན་གྱི་བོད་རིགས་ཡིན་ཕྱིན་ཆད་ལོ་ནའི་བབས་ཀྱི་ཁྱད་པར་གང་ཡང་མེད་པར་རྒྱ་གར་ནང་གནས་སྡོད་ཆོག་པའི་སྐྱབས་བཅོལ་ལག་དེབ་བཟོ་དགོས་པའི་སྲིད་བྱུས་གསར་པའི་བཀའ་རྒྱ་དབུས་བོད་མིའི་སྒྲིག་འཛུགས་བདེ་སྲུང་ལས་ཁུངས་སུ་འབྱོར་དོན་ལྟར་ཉེ་ལམ་ཟླ་ ༢ ཚེས་ ༡༡ ཉིན་བདེ་སྲུང་ལས་ཁུངས་ནས་རྒྱ་གར་ནང་ཡོད་པའི་བོད་པའི་ས་གནས་འགོ་འཛིན་ཁག་གི་ལས་ཁུངས་བརྒྱུད་བོད་ཕྲུག་ཚོས་སྐྱབས་བཅོལ་ལག་དེབ་བཟོ་དགོས་པའི་བཀའ་རྒྱ་ཞིག་གནང་ཡོད་པ་རེད། ཕྲུ་གུ་ཚོའི་སྐྱབས་བཅོལ་ལག་དེབ་བཟོ་བར་དགོས་ངེས་ཆ་རྐྱེན་དང་གསར་བཟོའི་བརྒྱུད་རིམ་ནི་རྒྱ་གར་གྱི་ས་གནས་གང་རུང་ཞིག་ཏུ་སྐྱེས་པའི་སྐྱེས་ཚེས་ལག་ཁྱེར་དང་ཕ་མའི་སྐྱབས་བཅོལ་ལག་ཁྱེར། དེ་བཞིན་ཕྱེད་པར་གཅིག་བཅས་ཚང་ཐོག་ཁ་བྱང་རྩ་འཛིན་གྱི་ཆེད་ས་གནས་འགོ་འཛིན་གྱི་ལས་ཁུངས་དང་བདེ་སྲུང་ལས་ཁུངས་བཅས་ནས་རྒྱབ་གཉེར་གནང་བའི་ཡི་གེ་བསྣམས་ཏེ་ཉེན་རྟོག་ལས་ཁུངས་སུ་ཡིག་ཆར་ཞིབ་བཤེར་གནང་ཕྱིར་ཆེད་བསྐྱོད་ཀྱིས་དྲྭ་ཐོག་ནས་དེབ་སྐྱེལ་གནང་དགོས་པ་དང་། ནམ་ཞིག་སྐྱབས་བཅོལ་ལག་དེབ་གྲུབ་མཚམས་སུ་རང་ཉིད་ཀྱི་གློག་འཕྲིན་བརྒྱུད་འབྱོར་གྱི་ཡོད་པ་རེད་འདུག དྷ་ས་ས་གནས་འགོ་འཛིན་ཟླ་བ་རིན་ཆེན་ལགས་ཀྱིས་བོད་མིའི་སྐྱབས་བཅོལ་ལག་དེབ་དང་འབྲེལ་བའི་དཀའ་ངལ་ཞུ་བར་ཡོང་མཁན་མང་དག་ཅིག་ཡོད་སྐོར་གསུངས་པ་དང་། དེ་དག་ལས་བལ་ཡུལ་ནས་ཡིན་པ་གང་ཞིག་སྐྱབས་བཅོལ་ལག་དེབ་མེད་མཁན་བོད་རིགས་ཁྱོན་ ༥༠༠ ཙམ་ལ་སྐྱབས་བཅོལ་ལག་དེབ་ཞུས་ཟིན་ཡོད་པ་མ་ཟད། སྐྱབས་བཅོལ་ལག་དེབ་མེད་མཁན་བོད་རིགས་ཁག་ཅིག་ཡོང་བཞིན་ཡོད་པ་ལྟར་དེ་དག་གི་ཐོ་གཞུང་བསགས་ནས་རིམ་བཞིན་བཟོ་རྒྱུར་འབད་མུས་ཡིན་པ་གསུངས་ཡོད། རྩ་བའི་རྒྱ་གར་དུ་གནས་པའི་བོད་མི་ཚོས་སྐྱབས་བཅོལ་ལག་དེབ་ཀྱི་དུས་འགྱངས་དེ་ལོ་རེར་ཐེངས་གཅིག་ཞུ་དགོས་ཀྱི་ཡོད་པ་དེ་ལྟར་ཡང་ཉེ་ལམ་ལོ་ཤས་ནས་བཟུང་ས་གནས་ཁག་ཅིག་གི་ནང་ལོ་ལྔ་རེའི་མཚམས་སུ་དུས་འགྱངས་ཞུ་དགོས་པ་གསར་བཟོ་གནང་ཡོད་པ་མ་ཟད། རྒྱ་གར་གཞུང་གིས་སྐྱབས་བཅོལ་ལག་དེབ་དུས་ཐོག་ཏུ་དུས་འགྱང་མ་ཞུས་ཚེ་ཨ་སྒོར་ ༣༠༠ ནས་ ༥༠༠ བར་ཉེས་ཆད་བསྐྱེལ་རྒྱུར་ཐག་གཅོད་གནང་རྒྱུའི་གསལ་བསྒྲགས་སྤེལ་ཡོད་པ་རེད། དྷ་ས་ས་གནས་འགོ་འཛིན་ཟླ་བ་རིན་ཆེན་ལགས་ཀྱིས་དྷ་སའི་ཁུལ་གྱི་བོད་མི་ ༧༠ ཙམ་ནས་རྒྱ་གར་གཞུང་གི་སྐྱབས་བཅོལ་ལག་དེབ་དུས་འགྱངས་ཀྱི་ཉེས་ཆད་དེ་ཆེ་དྲགས་པས་ཉེས་ཆེད་ཆག་ཡང་ཡོང་བའི་ཞུ་སྙན་ཕུལ་ཡོད་སྟབས་ས་གནས་འགོ་འཛིན་ལས་ཁུངས་ནས་ངལ་སེལ་སླད་བདེ་སྲུང་ལས་ཁུངས་ཀྱི་དྲུང་ཆེར་སྙན་སེང་ཞུས་ཡོད་སྐོར་གསུངས་ཡོད། གཞི་རྩའི་དྷ་ས་ས་གནས་ཁུལ་དུ་ད་བར་ས་གནས་རང་ནས་ཡིན་པའི་བོད་རིགས་ ༩༥༠༠ ལྷག་ཙམ་དང་ས་གནས་གཞན་གྱི་སྐྱབས་བཅོལ་ལག་དེབ་ཡོད་པ་གང་ཞིག་དྷ་སའི་ཁུལ་དུ་བཞུགས་ཞག་གནང་མཁན་གྱི་གྲངས་འབོར་ ༡༥༠༠ མ་ཟིན་ཙམ་ཞིག་ལ་སྐྱབས་བཅོལ་ལག་དེབ་ཡོད་པ་རེད་འདུག

ཟླ་བ་འདིའི་ཕྱི་ཚེས་ ༡༠ ཉིན་ནོར་ཝེར་རྟེན་གཞི་བྱས་པའི་ཝེན་སི་ཊི་ཆབ་སྲིད་ཚོགས་པའི་ན་གཞོན་རུ་ཁག་གིས་བོད་ནང་གི་འགྲོ་བ་མིའི་ཐོབ་ཐང་གི་གནས་བབས་དེ་ཛ་དྲག་གི་ངོ་བོར་གནས་ཡོད་པ་གསལ་འདོན་དང་འབྲེལ་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དབུ་ཁྲིད་པའི་བཙན་བྱོལ་བོད་མིའི་སྒྲིག་འཛུགས་དེ་ངེས་པར་དུ་ཕྱིར་རང་ཡུལ་དུ་ཕེབས་འཇུག་དགོས་པའི་བསྒྲགས་གཏམ་སྤེལ་འདུག བསྒྲགས་གཏམ་ནང་ཕྱི་ལོ་ ༡༩༥༡ ལོ་ནས་བཟུང་རྒྱ་ནག་གིས་བོད་ས་བཙན་བཟུང་བྱས་རྐྱེན་བོད་ནི་རྒྱ་ནག་གི་དབང་སྒྱུར་འོག་གི་རང་སྐྱོང་ས་ཁུལ་ཞིག་ཏུ་གྱུར་བར་བརྟེན། བོད་མི་ཚོར་དུས་རྟག་ཏུ་རྒྱ་ནག་གིས་དབྱེ་འབྱེད་བྱས་ནས་འགྲོ་བ་མིའི་ཐོབ་ཐང་རྡོག་རོལ་ཚབས་ཆེན་གཏོང་གི་ཡོད་པ་དང་རྒྱ་ནག་གིས་བོད་རིགས་མང་ཚོགས་ཀྱི་ས་ཆའི་བདག་དབང་དང་གནའ་ཤུལ་ཡོད་ཚད་འཕྲོག་བཅོམས་བྱས་པ་ཁོ་ན་མིན་པར་བོད་ཀྱི་ལོ་རྒྱུས་རང་བཞིན་ལྡན་པའི་དགོན་སྡེ་ཡོད་ཚད་ལ་གཏོར་བཅོམས་བཏང་ནས་ཕྱག་དཔེ་དང་སྒྱུ་རྩལ་ཡོད་ཚད་ལ་ཉམས་དམས་སུ་བཏང་བ་མ་ཟད། བོད་མི་ཡོངས་ཀྱི་རང་དབང་ཡོངས་སུ་འཕྲོག་ཡོད་པའི་གཏོར་བཅོམ་དང་གོད་ཆག་དེའི་མཇུག་འབྲས་སུ་ལོ་རབས་དྲུག་ཅུའི་རིག་གནས་གསར་བརྗེའི་སྐབས་སུ་བོད་མི་བརྒྱ་ཕྲག་མང་པོ་རྐྱེན་འདས་སུ་ཕྱིན་ཡོད་པ་གསལ་འདོན་གནང་འདུག དེ་བཞིན་༸གོང་ས་ཏཱ་ལའི་བླ་མས་དབུ་ཁྲིད་པའི་བོད་རིགས་དག་གིས་འཚེ་མེད་ཞི་བ་དང་མང་གཙོའི་ལམ་ལུགས་ལ་གཙོར་འཛིན་གནང་གི་ཡོད་ནའང་། རྒྱ་ནག་གི་དཔོན་རིགས་ཚོས་ད་དུང་ཡང་དྲག་སྤྱོད་དང་འཕྲོག་བཅོམ་གྱི་ཐོག་ནས་ཡ་ལན་སྤྲོད་བཞིན་ཡོད་པ་དང་། བོད་མིའི་སྤྱི་དམངས་ཀྱི་ཐོབ་ཐང་དང་ཆབ་སྲིད་ཀྱི་ཐོབ་ཐང་སོགས་ནི་མུ་མཐུད་དུ་རྒོལ་རྡུང་དྲག་པོའི་འོག་ཡོད་པ་མ་ཟད་བོད་མི་དག་གི་ཉིན་རེའི་འཚོ་བའི་ཁྲོད་ཀྱི་སྨྲ་བརྗོད་རང་དབང་དང་འདུ་འཛོམས་རང་དབང་། དེ་བཞིན་གསར་འགོད་རང་དབང་སོགས་གཅིག་ཀྱང་ལོངས་སྤྱོད་གནང་ཐུབ་ཀྱི་མེད་པར་བརྟེན་ཕྱི་ལོ་ ༢༠༠༩ ལོ་ནས་བཟུང་བོད་མི་ ༡༥༠ ལྷག་གིས་རང་ལུས་མེར་བསྲེགས་ཀྱིས་རྒྱ་ནག་གི་དབྱེ་འབྱེད་ཅན་གྱི་སྲིད་བྱུས་ལ་ངོ་རྒོལ་གནང་ཡོད་པའང་མངོན་གསལ་གནང་འདུག དབྱེ་འབྱེད་ཀྱི་སྲིད་བྱུས་ནི་བོད་མི་དག་གི་ཉིན་རེའི་འཚོ་བའི་ཁྲོད་མྱངས་དང་མྱོང་བཞིན་པ་རེད་ཅེས་གསུངས་པ་དང་འབྲེལ་ཏེ། རྒྱ་ནག་གིས་བོད་ཀྱི་རྒྱལ་དར་དང་རྒྱལ་གླུ་སོགས་བཀག་སྡོམ་བྱས་ཡོད་པ་མ་ཟད། བོད་མི་ཞིག་གིས་༸གོང་ས་མཆོག་གི་༸སྐུ་པར་ཉར་ཚགས་གནང་བ་ཤེས་རྟོགས་བྱུང་ཚེ་མནར་གཅོད་བཏང་ནས་ཚེ་བཙོན་འོག་བཀའ་ཉར་བྱེད་བཞིན་ཡོད་པ་གསུངས་ཡོད། དེ་བཞིན་བཙོན་གྲོལ་ཐོབ་པའི་བོད་རིགས་མང་ཚོགས་ཀྱིས་བཙོན་ཁང་དུ་མི་སྤྱོད་ལས་འདས་པའི་དྲག་རྡུང་གི་གནས་བབས་འགྲེལ་བརྗོད་གནང་བ་ལྟར། མཉམ་འབྲེལ་རྒྱལ་ཚོགས་ཀྱིས་བོད་ནང་གི་བཙོན་ཁང་དུ་རྒྱུན་ལྡན་ལྟར་མནར་གཅོད་གཏོང་གི་ཡོད་པ་ཡོངས་བསྒྲགས་གནང་ཡོད་པ་ལུང་འདྲེན་དང་སྦྲགས།  བོད་ནང་གི་ཛ་དྲག་གི་གནས་སྟངས་དེ་ངེས་པར་དུ་ཡར་རྒྱས་གཏོང་དགོས་པ་དང་། དེ་བཞིན་རྒྱ་ནག་གི་དཔོན་རིགས་ཚོས་བོད་མིའི་འགྲོ་བ་མིའི་ཐོབ་ཐང་རྡོག་རོལ་གྱི་གནས་སྟངས་དེ་འཕྲལ་དུ་མཚམས་འཇོག་དགོས་པར་མ་ཟད། བོད་མིར་རང་བཙན་སྤྲད་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དབུ་ཁྲིད་པའི་བཙན་བྱོལ་བོད་མིའི་སྒྲིག་འཛུགས་དེ་ངེས་པར་དུ་ཕྱིར་རང་ཡུལ་དུ་ཕེབས་འཇུག་དགོས་པའི་བསྒྲགས་གཏམ་སྤེལ་འདུག རྩ་བའི་ Venstre ནི་ཕྱི་ལོ་ ༡༩༠༩ ལོར་ནོར་ཝེ་ནང་ཚུགས་པའི་ན་གཞོན་ཆབ་སྲིད་ཚོགས་པ་ཞིག་ཡིན་པ་དང་། ཚོགས་པ་དེ་སྤྱིར་བཏང་གུ་ཡངས་ཀྱི་ཆབ་སྲིད་ལྟ་གྲུབ་འཛིན་མཁན་ཞིག་ཡིན་པ་མ་ཟད་རང་བྱུང་ཁོར་ཡུག་སྲུང་སྐྱོབ་ཀྱི་ཐོག་རྒྱུན་དུ་ལས་འགུལ་འདྲ་མིན་སྤེལ་མཁན་གྱི་ཆབ་སྲིད་ཚོགས་པ་ཞིག་རེད།