Monthly Archives: July, 2020

ཉན་པ།: Listen ཕབ་ལེན། Download བོད་དང་ཧི་མཱལ་ཡ། ཧི་མཱ་ལ་ཡའི་་རི་བརྒྱུད་ཀྱི་མང་ཚོགས་ནས་་༸སྐུའི་འཁྲུངས་སྐར་ལ་འཚམས་འདྲི། Monday 06/07/2020 Tibet and the Himalayas: Birthday་ Greetings by people of Himalayan Regions

ཉན་པ།: Listen ཕབ་ལེན། Download ༸རྒྱལ་བའི་༸སྐུའི་འཁྲུངས་སྐར་ལ་སྙན་མོ་གླུའི་མཆོད་སྤྲིན། Sunday 05/07/2020 Musical Tribute to the Dalai Lama in honor of his 85th Birthday

སང་ཟླ་ ༧ ཚེས་ ༦ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༥ བདག་གིར་བཞེས་ཀྱི་ཡོད་སྟབས། དེ་རིང་༸མགོན་པོ་མཆོག་གིས་ཐེ་ཝན་མང་ཚོགས་ནས་༸སྐུའི་འཁྲུངས་སྐར་སྔ་ནུར་གྱིས་སྲུང་བརྩི་ཞུས་པའི་ལས་རིམ་ཐོག  ངོས་ཀྱི་སྐྱེས་སྐར་ལ་ཕྱག་རྟགས་ཡག་ཤོས་དེ་ནི་ཁྱེད་ཚོའི་མ་ཎི་ཏོག་ཙམ་གསོག་སྒྲུབ་བྱེད་ཐུབ་ན་ཡག་པོ་འདུག་ཅེས་བཀའ་བསྩལ་སོང་། དེ་རིང་རྒྱ་གར་གྱི་དུས་ཚོད་སྔ་དྲོ་ཕྱག་ཚོད་ ༡༠།༣༠ ཐོག་༸གོང་ས་མཆོག་གིས་དྲྭ་ལམ་ཐད་སྲིང་བརྒྱུད་ཐེ་ཝན་རྒྱལ་ས་ཐེ་པི་ནང་རྟེན་གཞི་བྱས་པའི་དགའ་ལྡན་ཤར་རྩེའི་ནང་ཆོས་སློབ་གཉེར་ཁང་གིས་གོ་སྒྲིག་འོག་མང་ཚོགས་ནས་༸རྒྱལ་བའི་འཁྲུངས་སྐར་སྔ་ནུར་གྱིས་སྲུང་བརྩི་དང་བསྟུན། བཀའ་གདམས་པའི་དགེ་བཤེས་གླང་རི་ཐང་པས་མཛད་པའི་བློ་སྦྱོང་ཚིག་བརྒྱད་མའི་བཀའ་ཆོས་བསྩལ་བ་དང་འབྲེལ། སྐབས་དེར་༸གོང་ས་མཆོག་གིས། ༸གང་ཉིད་མཆོག་སྐུ་ཚེ་བསྐལ་བརྒྱར་བརྟན་ཕྱིར་དད་ལྡན་མང་ཚོགས་ནས་མ་ཎི་གསོག་སྒྲུབ་གནང་རྒྱུ་དང་སྒོས་མ་ཎི་བགྲང་བའི་སྐབས་བླང་དོར་ཚིག་བརྒྱད་ཀྱི་དོན་ལ་བསམ་བློ་གཏང་ཐུབ་ན་སོ་སོར་ཕན་ངེས་དང་ལྷག་པར་དུ་དེ་འབྲེལ་གྱི་དགེ་བ་དེས་༸གོང་ས་མཆོག་དགུང་གྲངས་ ༡༡༠ བཞུགས་རྒྱུར་བསྔོ་སྨོན་གནང་དགོས་ཞེས་བཀའ་བསྩལ་སོང་། དེ་བཞིན་སླད་མར་ཆབ་སྲིད་ཀྱི་གནས་སྟངས་ལ་འགྱུར་བ་ཕྱིན་ཚེ་མགོན་པོ་༸གང་ཉིད་མཆོག་ཐེ་ཝན་དུ་ཕེབས་རྒྱུའི་རེ་བ་མཛད་ཀྱི་ཡོད་པ་དང་ད་ཆ་དངོས་སུ་༸སྐུ་དངོས་ཐོག་ཐེ་ཝན་དུ་ཕེབས་ཐུབ་ཀྱང་རུང་མ་ཐུབ་ཀྱང་རུང་ང་ཚོའི་བསམ་བློའི་ནང་སེམས་ཐག་ཉེ་པོ་བྱས་ནས་བཞུགས་ཡོད་པ་བཀའ་བསྩལ་སོང་།  སྤྱིར་ད་རེས་བློ་སྦྱོང་ཚིག་བརྒྱད་མའི་བཀའ་ཆོས་ཐད་ཀར་རྒྱང་སྲིང་གི་ལས་རིམ་དེར་མང་ཚོགས་སྟོང་ཕྲག་ནས་གསན་གཟིགས་གནང་ཡོད་པ་མ་ཟད། སྐབས་དེར་༸གང་ཉིད་མཆོག་གིས་བྱང་ཆུབ་སེམས་ཀྱི་ཕན་ཡོན་སྐོར་བཀའ་བསྩལ་བ་དང་འབྲེལ། མགོན་པོ་༸གང་ཉིད་མཆོག་ནས་འདས་པའི་ལོ་ངོ་ ༥༠ ཙམ་ཞིག་ནས་སྤྱོད་འཇུག་གཙོ་བོ་བཟུང་ནས་བྱང་ཆུབ་སེམས་ལ་ཉིན་ལྟར་དགོངས་བཞེས་གནང་སྐོར་དང་། རྩ་བའི་བྱང་ཆུབ་སེམས་ཟེར་བ་དེ་ནི་སྣང་སྲིད་ཀྱི་སེམས་ཅན་ཐམས་ཅད་ལ་གཉེན་དུ་མངོན་པའི་ཐོག་དེ་དག་ལ་བརྩེ་བའི་སེམས་སྐྱེས་པ་དང་ཆབས་ཅིག དེར་སྟོང་ཉིད་ཀྱི་ལྟ་བས་གྲོགས་བྱས་ནས་སེམས་ལ་སྤོབས་པ་དང་ཞི་བདེ་འཕེལ་ངེས་ཡིན་པར་བཀའ་བསྩལ་ཡོད།དེ་བཞིན་༸གོང་ས་མཆོག་གིས་འཛམ་བུ་གླིང་འདིའི་ནང་རྙོག་ཁྲ་བཟོ་མཁན་གཙོ་བོ་ནི་རིམ་པ་གཉིས་པའི་དབང་དུ་སོང་རྐྱེན་ཡོང་བ་ཞིག་ཡིན་པས་ངའོ་སྙམ་པའི་བློ་དེ་ཤུགས་ཆུང་དུ་བཏང་ན་སོ་སོའི་སེམས་སྐྱིད་པ་དེ་བཞིན་འཛམ་གླིང་འདིའི་སྟེང་དུ་རྙོག་ཁྲ་བཟོ་རྒྱུ་དེ་ཡང་ཉུང་དུ་འགྲོ་རྒྱུར་ཁྱད་པར་ཡོད་ཅེས་བཀའ་བསྩལ་སོང་། གཞི་རྩའི་༸རྒྱལ་བའི་འཁྲུངས་སྐར་སྔ་ནུར་སྲུང་བརྩི་དང་སྦྲགས། ཐེ་ཝན་ནང་ཁས་ས་ཡང་མང་ཚོགས་འདུ་འཛོམས་ཀྱིས་གཞས་སྣ་འཁྲབ་སྟོན་དང་མ་ཎི་གསོག་སྒྲུབ་གནང་ཡོད་པ་དང་། དེ་རིང་ཡང་༸གང་ཉིད་མཆོག་གི་༸སྐུའི་འཁྲུངས་སྐར་སྔ་ནུར་གྱི་དུས་ཚིགས་སུ་མང་ཚོགས་འདུ་འཛོམས་ཀྱིས་སྤྱི་ཚོགས་རྒྱང་བཀྱེད་བསྟེན་པའི་ཐོག་༸གོང་ས་མཆོག་གི་བློ་སྦྱོང་ཚིག་བརྒྱད་མའི་བཀའ་ཆོས་ཞུས་ཡོད་པ་དང་། ལྷག་པར་དུ་དགའ་ལྡན་ཤར་རྩེ་ནང་ཆོས་སློབ་གཉེར་ཁང་ནས་ལོ་ལྟར་༸རྒྱལ་བའི་འཁྲུངས་སྐར་དང་བསྟུན་མེ་གསོད་ཚན་པར་༸གོང་ས་མཆོག་གི་མཚན་ཐོག་ཏུ་ཛ་དྲག་མྱུར་སྐྱོབ་སྣུམ་འཁོར་ཞལ་འདེབས་འབུལ་སྲོལ་ཡོད་པ་བཞིན་ད་རེས་ཡང་ཐེ་པིའི་མེ་གསོད་ཚན་པར་ཛ་དྲག་མྱུར་སྐྱོབ་ཀྱི་སྣུམ་འཁོར་ཞལ་འདེབས་གནང་སོང་།  ད་ལན་༸གོང་ས་མཆོག་གིས་བློ་སྦྱོང་ཚིག་བརྒྱད་མའི་བཀའ་ཆོས་དེ་བཞིན་བོད་དབྱིན་རྒྱ་གཙོས། ཧྥི་རན་ཅེ་དང་། ཝི་ཏི་ནམ། ཉི་ཧོང་། ཨི་ཊ་ལི་སོགས་སྐད་ཡིག་ ༡༤ ཐོག་གསུང་སྒྱུར་གནང་ཡོད།  

གཤམ་འོག་གི་གཞས་པ་དང་གཞས་མ་རྣམས་ལས་སྐུ་ཉིད་ནས་འོས་སུ་ལ་གནང་འདོད་དམ།

ཉན་པ།: Listen ཕབ་ལེན། Download ༸གོང་ས་མཆོག་གིས་ཆོས་འཁོར་དང་པོའི་དུས་དྲན་སྲུང་བརྩིར་གསུང་འཕྲིན་བསྩལ་བ། ཐེ་ཝན་ནང་༸གོང་ས་མཆོག་གི་༸སྐུའི་འཁྲུངས་སྐར་སྔ་སྣུར་གྱིས་སྲུང་བརྩི། བཟའ་ཆས་སྦྱིན་གཏོང་བརྒྱུད་༸སྐུའི་འཁྲུངས་སྐར་སྔ་སྣུར་ཐོག་ནས་སྲུང་བརྩི། རྒྱལ་ཚོགས་ཀྱི་ལྷན་ཚོགས་ཐོག་བོད་ནང་གི་ཤེས་ཡོན་སློབ་གསོའི་རང་དབང་སྐོར་གླེང་བ། བོད་རང་བཙན་སློབ་ཕྲུག་ཚོགས་པས་ཧོང་ཀོང་གི་ཁྲིམས་གཞི་མེར་བསྲེགས་ཀྱིས་ངོ་རྒོལ། སུད་སི་ནང་བོད་མི་དང་བླངས་པ་ལྔས་བོད་དོན་རྐང་འཁོར་སྐྱོད་ཀྱི་ལས་འགུལ་དབུ་འཛུགས། སྲིད་བློན་མོ་དོ་དྷཱིས་བཙན་རྒྱལ་རིང་ལུགས་ལ་ཕུགས་བསམ་མེད་ཅེས་བརྡ་ལན་གནང་འདུག Saturday 04/07/2020 Dalai Lama sends message on the First Dharma Chakra Celebration at Varanasi Taiwan Tibetans celebrate Dalai Lama’s birthday Gyumed Monastery distributes ration to the poor to celebrate HHDL’s birthday UN urged to hold special UNHRC session on Tibetans right to education in China Tibetan activists protest Hong Kong National Security Law Group of Tibetans in Swiss begin cycle rally for Tibet Age of expansionism is over: PM Modi sends strong message to China

དེ་རིང་ཕྱི་ལོ་ ༢༠༢༠ ཟླ་ ༧ ཚེས་ ༤ ཉིན་འཕགས་པ་གནས་བརྟན་སྡེ་པའི་ལུགས་ལྟར་བདག་ཅག་གི་སྟོན་པ་མཉམ་མེད་ཤཱཀྱ་སེང་གེ་མཆོག་གིས་ཆོས་འཁོར་དང་པོ་བསྐོར་བའི་དུས་ཆེན་ཁེལ་བ་དང་བསྟུན། International Buddhist Confederation ཞེས་རྒྱལ་སྤྱིའི་ནང་པའི་མཐུན་ཚོགས་ཀྱི་ངོས་ནས་ Dharma Chakra Day ཞེས་དྲྭ་ལམ་བརྒྱུད་ཆེས་ཐོག་མ་ཆོས་འཁོར་དང་པོའི་དུས་ཆེན་དེ་སྲུང་བརྩི་གཟབ་རྒྱས་ཞུ་བཞིན་ཡོད་པ་ལྟར། དེ་རིང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཆོས་ཕྱོགས་ཀྱི་དུས་སྟོན་འདིའི་ཐོག་དགའ་བསུའི་འཚམ་འཕྲིན་ཞིག་བསྩལ་འདུགའཕགས་པ་གནས་བརྟན་སྡེ་པའི་ལུགས་ལྟར་བཅོམ་ལྡན་འདས་ཀྱིས་ཆོས་འཁོར་དང་པོ་བསྐོར་བའི་དུས་ཆེན་དེའི་ཐོག་རྒྱ་གར་གྱི་སྲིད་འཛིན་མཆོག་གིས་གཙོས་པའི་རྒྱལ་ཁབ་ཀྱི་དབུ་འཁྲིད་ཁག་དང་། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་ནང་པའི་རྒྱལ་ཁབ་ཀྱི་ཆེས་མཐོའི་དབུ་ཁྲིད་བླ་ཆེན་ཁག་ནས་གསུང་བཤད་གནང་ཡོད་པ་མ་ཟད། གནས་མཆོག་ཝཱ་རཱ་ཎ་སཱི་ནས་ཝཱ་ཎ་དབུས་བོད་ཀྱི་གཙུག་ལག་སློབ་ཁང་དང་འཕགས་པ་གནས་བརྟན་སྡེ་པའི་ཚོགས་སྡེ་ཁག་ཟུང་འབྲེལ་གྱིས་སྨོན་ལམ་གསུང་འདོན་གནང་རྒྱུ་བཅས་ཀྱི་མཛད་རིམ་ཁག་ཐད་སྲིང་གནང་ཡོད་པ་རེད།༸གོང་ས་༸སྐྱབས་མགོན་ཆེན་པོ་མཆོག་གིས་འཚམ་འཕྲིན་དེའི་ནང་དུ་རྒྱལ་སྤྱིའི་ནང་པའི་མཐུན་ཚོགས་ཀྱིས་གོ་སྒྲིག་འོག་འཕགས་པ་གནས་བརྟན་སྡེ་པའི་ལུགས་ལྟར་གནས་མཆོག་ཝཱ་རཱ་ཎ་སཱིར་བཅོམ་ལྡན་འདས་ཀྱིས་ཆོས་འཁོར་དང་པོ་བསྐོར་བའི་ཉིན་མོ་ཞེས་སྲུང་བརྩི་གནང་བ་དེ་ཧ་ཅང་ཡག་པོ་རེད་ཅེས་དགའ་བསུའི་འཚམས་འདྲི་བསྩལ་བ་དང་སྦྲགས། སྐབས་དེ་དང་དེའི་ཚེ་རྒྱ་གར་ནང་དུ་ཆོས་ལུགས་མི་འདྲ་བ་མང་དག་ཅིག་ཡོད་སྟབས་བདག་ཅག་གི་སྟོན་པ་བཅོམ་ལྡན་འདས་ཀྱིས་ཐོག་མར་མངོན་པར་རྫོགས་པ་སངས་རྒྱས་ནས་ཞག་བདུན་གྱི་རིང་བཀའ་ཆོས་གང་ཡང་མ་བསྩལ་བར་བཞུགས་པ་དང་། དེ་རྗེས་འཁོར་གྱི་ཐོག་མ་ལྔ་སྡེ་བཟང་པོར་གནས་མཆོག་ཝཱ་རཱ་ཎ་སྀར་བདེན་བཞིའི་ཆོས་ཀྱི་འཁོར་ལོ་བསྐོར་སྐོར་བཀའ་བསྩལ་འདུག་པ་མ་ཟད། ཆོས་འཁོར་དེའང་བདེན་པ་བཞི་པོ་རེ་རེ་ལ་རྣམ་པ་བཞི་བཞིར་དབྱེ་བས་བསྔལ་བདེན་པའི་རྣམ་པ་བཞི་དང༌། ཀུན་འབྱུང་བདེན་པའི་རྣམ་པ་བཞི་དང༌། འགོག་པའི་བདེན་པའི་རྣམ་པ་བཞི་དང༌། ལམ་གྱི་བདེན་པའི་རྣམ་པ་བཞི་བཅས་ཀྱི་ཐོག་ནས་བསྩལ་སྐོར་ཞིབ་རྒྱས་ངོ་སྤྲོད་མཛད་འདུགད་དུང་མགོན་པོ་༸གང་ཉིད་མཆོག་གིས་སངས་རྒྱས་བཅོམ་ལྡན་འདས་ཀྱིས་ནང་གི་རྟེན་འབྲེལ་ཏེ་བཅུད་ཀྱི་སེམས་ཅན་རྣམས་འབྱུང་བའི་ཚུལ་གྱི་རྟེན་འབྲེལ་ཡན་ལག་བཅུ་གཉིས་ཀྱི་སྒོ་ནས་བློ་ཕྱིན་ཅི་ལོག་གི་གཉེན་པོ་ཇི་ལྟར་བསྟན་ཚུལ་གྱི་རྣམ་གཞག་ཟབ་རྒྱས་བསྟན་ཡོད་པ་བཀའ་བསྩལ་འདུག ལྷག་དོན་༸གོང་ས་༸སྐྱབས་མགོན་ཆེན་པོ་མཆོག་གིས་ནང་པའི་གཞུང་ཆེན་ཁག་གི་ཕྱག་དཔེ་གཟིགས་པའི་དོན་རྣམས་རང་གི་གཤིས་རྒྱུད་ལ་འཇགས་ཐབས་བྱེད་དགོས་པ་དང་སློབ་གཉེར་གནང་བ་དེའང་ཚན་རིག་དང་མཐུན་པ་བྱེད་དགོས་གལ་ཡིན་པར་ལམ་སྟོན་མཛད་ཡོད། གཞི་རྩའི་དེ་སྔ་ཕྱི་ལོ་ ༢༠༡༡ ལོར་རྒྱ་གར་གྱི་རྒྱལ་ས་ལྡི་ལིར་རྒྱ་གར་དབུས་གཞུང་ནས་འཛམ་གླིང་ནང་པའི་ཚོགས་སྡེ་རྣམས་ཀྱི་ཚོགས་ཆེན་ཞིག་བསྡུ་བསྐོང་གནང་ཡོད་པ་དང་། ཚོགས་ཆེན་སྟེང་ནས་འཛམ་གླིང་ནང་པའི་ཚོགས་སྡེ་རྣམས་ཀྱི་མཉམ་མཐུན་སྒྲིག་འཛུགས། རྒྱལ་སྤྱིའི་ནང་པའི་སྤྱི་མཐུན་ལྷན་ཚོགས་ ཞེས་པ་ཞིག་གསར་འཛུགས་དང་སྦྲགས། ནང་པ་སངས་རྒྱས་པའི་ལྟ་སྒོམ་སྤྱོད་གསུམ་གྱི་བསླབ་བྱའི་སྒོ་ནས་འཛམ་གླིང་སྐྱེ་འགྲོ་ཡོངས་ལ་ཕན་བདེ་སྤེལ་ཐབས་ཀྱི་ཕྱག་ལས་མང་དག་ཅིག་སྤེལ་དང་སྤེལ་བཞིན་ཡོད་པ་དང་། དེ་རིང་འཕགས་པ་གནས་བརྟན་སྡེ་པའི་ལུགས་ལྟར་བཅོམ་ལྡན་འདས་ཀྱིས་ཆོས་འཁོར་དང་པོ་བསྐོར་བའི་དུས་ཆེན་དང་བསྟུན་བདེན་བཞི་ཆོས་འཁོར་གྱི་བསླབ་བྱ་སྙིང་པོ་གོ་རྟོགས་དང་ཉམས་ལེན་ཐུབ་ཐབས་ལ་ཆེད་དམིགས་གནང་བ་དང་ཆབས་ཅིག འཕྲལ་དུ་གཉན་རིམས་ཀྱི་སྡུག་བསྔལ་གདོང་ལེན་གནང་ཐུབ་ཐབས་དང་དེ་བཞིན་ཕུགས་སུ་རང་གི་མི་ཚེ་དོན་ལྡན་ཡོང་ཐབས་བཅས་ལ་ཆེད་དམིགས་གནང་བ་ཞིག་ཆགས་ཀྱི་འདུག

རིང་མིན་ཟླ་བ་ ༧ ཚེས་ ༦ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་བརྒྱད་ཅུ་གྱ་ལྔར་བདག་གིར་བཞེས་ཀྱི་ཡོད་སྟབས་དེ་རིང་ཐེ་ཝན་ནང་མང་ཚོགས་ཀྱིས་དགའ་དད་སྤྲོ་གསུམ་སྒོ་གྱི་ནས་༸རྒྱལ་བའི་འཁྲུངས་སྐར་སྔ་སྣུར་གྱིས་སྲུང་བརྩི་ཞུས་སོང་།དེ་རིང་ཐེ་ཝན་གྱི་སྔ་དྲོ་ཕྱག་ཚོད་ ༡༠ ནས་ ༡༢ བར་དང་དེ་བཞིན་ཕྱག་ཚོད་ ༢ ནས ༣ པའི་བར་སྐུ་མགྲོན་གཙོ་བོ་ཐེ་ཝན་གྲོས་ཚོགས་ཀྱི་ཚོགས་གཙོ་ཟུར་པ་ལྕམ་ Yumeinu གཙོས་པའི་གྲོས་ཚོགས་འཐུས་མི་དང་། ཐེ་ཝན་སྐུ་ཚབ་དོན་གཅོད་ཟླ་བ་ཚེ་རིང་ལགས།  བོད་དོན་རྒྱབ་སྐྱོར་བ། དད་ལྡན་མང་ཚོགས་འཛོམས་པའི་ཐོག ༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྐར་སྔ་སྣུར་ངང་སྲུང་བརྩི་ཞུས་སོང་། སྐབས་དེར་ལྕམ་Yumeinu ལགས་ཀྱིས་རྒྱ་ནག་པེ་ཅིན་དུ་གནས་བཞུགས་བོད་པའི་རྩོམ་པ་པོ་ཚེ་རིང་འོད་ཟེར་ལགས་ཀྱི་བཟའ་ཟླ་སྐུ་ཞབས་ Wang Lixiong ལགས་ཀྱིས་བརྩམས་གནང་བའི་ཕྱག་དེབ་ཡང་སྲིད་ཅེས་པ་ཞིག་དབུ་འབྱེད་གནང་སོང་བ་མ་ཟད། བོད་ཀྱི་ལོ་རྒྱུས་དང་འབྲེལ་བའི་ཕྱག་དེབ་དང་།  ཐེ་ཝན་བོད་ཀྱི་སྐུ་ཚབ་དོན་ཁང་ཆེད་བཙུགས་གནང་ནས་ལོ་ངོ་ ༢༠ ཕྱིན་པའི་བརྙན་དེབ་སོགས་དཔེ་དེབ་ཁག་ཅིག་དབུ་འབྱེད་དང་།  དེ་བཞིན་ཚེ་རིང་འོད་ཟེར་ལགས་ཀྱིས་ཆེད་རྩོམ་གནང་བའི་སྙན་ངག་གྱེར་འདོན་གྱི་བརྙན་ཐུང་ཞིག་ཀྱང་གཟིགས་འབུལ་ཞུས་སོང་། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་བརྙན་ལམ་བརྒྱུད་ཐེ་ཝན་དད་ལྡན་མང་ཚོགས་ཚོར་འདི་ལོར་༸གོང་ས་མཆོག་གི་བཀའ་དྲིན་རྗེས་དྲན་གྱི་ལོར་སྲུང་བརྩི་ཞུ་རྒྱུར་གཏན་འབེབས་བྱུང་བ་དང་སྦྲགས། མགོན་པོ་༸གང་ཉིད་མཆོག་ནི་བོད་མིི་རྣམས་ཀྱི་ཚེ་འདི་ཕྱི་གཉིས་ཀྱི་མགོན་སྐྱབས་དང་ཕ་མ་ལྟ་བུ་ཆགས་ཡོད་པས་མགོན་པོ་མཆོག་ལས་བཀའ་དྲིན་ཆེ་བ་མེད་སྟབས།  འདི་ལོ་༸གོང་ས་མཆོག་ལ་བཀའ་དྲིན་རྗེས་དྲན་གྱི་ལོར་སྲུང་བརྩི་ཞུ་རྒྱུ་དེ་འོས་འཚམས་ཡིན་པར་བརྟེན་ཐེ་ཝན་མི་མང་གིས་དུས་རྟག་ཏུ་༸གོང་ས་མཆོག་ལ་དད་གུས་དང་བོད་དོན་ལ་རྒྱབ་སྐྱོར་གནང་བར་ཐུགས་རྗེ་ཆེ་ཞེས་གསུངས་འདུགད་དུང་ཐེ་ཝན་གྱིས་ཡུལ་དེའི་ནང་ཏོག་དབྱིབས་གཉན་རིམས་ཤུགས་ཆེར་ཁྱབ་གདལ་མི་འགྲོ་བར་སྟངས་འཛིན་ཧ་ཅང་ལེགས་པོ་གནང་ཡོད་པར་བསྔགས་བརྗོད་དང་ཐེ་ཝན་ལྟ་བུར་རྒྱལ་ཚོགས་ཀྱི་འཕྲོད་བསྟེན་ལྷན་ཚོགས་ནང་ཞབས་སྟེགས་ངེས་པར་དུ་གནང་དགོས་སྐོར་གསུངས་ཡོད་པ་རེད།མཛད་སྒོའི་སྐུ་མགྲོན་གཙོ་བོ་རྣམས་ཀྱིས་གསུང་བཤད་གྲུབ་མཚམས་སུ་ཐེ་ཝན་བོད་ཀྱི་སྐུ་ཚབ་དོན་ཁང་གི་ནང་ཆོས་འཛིན་གྲྭའི་སློབ་མ་ཚོས་༸གོང་ས་མཆོག་༸སྐུ་ཚེ་ཁྲི་ལོ་བརྟན་པའི་བསྟོད་དབྱངས་དང་།  དེ་བཞིན་ཡུལ་དེའི་ནང་གནས་བཞུགས་བོད་མི་རྣམས་ཀྱིས་རྐང་བྲོ་གླུ་གཞས་གཟིགས་འབུལ་ཞུས་སོང་།གཞི་རྩའི་ལོ་ལྟར་ཕྱི་ཟླ་ ༧ ཚེས་ ༦ ཉིན་བཙན་བྱོལ་བོད་མིའི་ལྟེ་གནས་བཞུགས་སྒར་དྷརྨ་སཱ་ལཱ་གཙོས་འཛམ་གླིང་ས་ཕྱོགས་གང་སར་གནས་འཁོད་བོད་མི་དང་བོད་དོན་རྒྱབ་སྐྱོར་བ་ཡོངས་མཉམ་འཛོམས་ཐོག་དགའ་དད་སྤྲོ་གསུམ་གྱི་ངང་ནས་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྐར་དུས་ཆེན་སྲུང་བརྩི་གཟབ་རྒྱས་ཞུ་སྲོལ་ཡོད་ཀྱང་། ད་ལན་ཏོག་དབྱིབས་གཉན་རིམས་རྐྱེན་པས་མང་ཚོགས་འདུ་འཛོམས་སོགས་བྱེད་ཆོག་གི་མེད་སྟབས་༸དཔལ་ལྡན་དགའ་ལྡན་ཕོ་བྲང་གི་དྲྭ་གནས་ཐོག་༸སྐུའི་འཁྲུངས་སྐར་དང་འབྲེལ་གསལ་བསྒྲགས་ཤིག་སྤེལ་བར་བོད་འབངས་ཡོངས་ཀྱིས་སྤྱི་མཐུན་བསོད་ནམས་གསོག་ཆེད་༸སྐུའི་འཁྲུངས་སྐར་དུས་ཆེན་ཉིན་མ་ཎི་ཡིག་དྲུག་སྟོང་ཚར་རེ་ལས་མ་ཉུང་བ་གསོག་གནང་ཡོང་བའི་གཞེན་སྐུལ་གནང་བ་ལྟར། ད་རེས་ཐེ་ཝན་དུའང་མཛད་སྒོ་གྲུབ་རྗེས་མང་ཚོགས་ཀྱིས་༸གོང་ས་མཆོག་༸སྐུ་ཚེ་བསྐལ་བརྒྱར་བརྟན་ཕྱིར་ཉིན་གུང་མ་ཎི་གསོག་སྒྲུབ་གནང་འདུགདེ་བཞིན་དེ་རིང་ New Zealand གྱི་ Aukland གྲོང་ཁྱེར་ནང་ས་གནས་བོད་རིགས་མཐུན་ཚོགས་དང་ནིའུ་ཛི་ལེནཌ་བོད་ཀྱི་གྲོགས་པོ་ཚོགས་པ་གཉིས་ཀྱི་གོ་སྒྲིག་འོག་ཁུལ་དེར་ཡོད་པའི་བོད་མི་དང་། རྒྱ་བོད་མཐུན་ཚོགས་ཀྱི་ཚོགས་མི། བོད་དོན་རྒྱབ་སྐྱོར་བ་འཛོམས་པའི་ཐོག་རྐང་བྲོ་གླུ་གཞས་སོགས་གཟིགས་འབུལ་དང་༸སྐུའི་འཁྲུངས་སྐར་གྱི་མངར་ཟས་བགོ་འགྲེམས་གནང་སྟེ་༸གོང་ས་མཆོག་གི་༸སྐུའི་འཁྲུངས་སྐར་སྔ་སྣུར་གྱིས་སྲུང་བརྩི་ཞུས་འདུག

རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐེངས་ ༤༤ ཐོག་བོད་མིའི་སྐུ་ཚབ་ནས་ཉེ་བའི་ཆར་རྒྱ་གཞུང་གིས་ཏོག་དབྱིབས་གཉན་རིམས་ལ་ཁ་གཡར་ཏེ་བོད་ནང་གི་བོད་མིའི་ཐོག་དམ་དྲག་བྱེད་ཤུགས་ཆེ་རུ་བཏང་ཡོད་པ་སྙན་སེང་ཞུས་འདུག ཕྱི་ཟླ་ ༦ ཚེས་ ༣༠ ནས་སུད་སི་གྲོང་ཁྱེར་ཇི་ནི་ཝ་ནང་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐེངས་ ༤༤  དབུ་འཛུགས་གནང་ཡོད་པ་དང་།  ཁ་སང་ཕྱི་ཚེས་ ༣ ཉིན་རྒྱལ་ཚོགས་ཀྱི་ཤེས་ཡོན་སློབ་གསོའི་རང་དབང་གི་དམིགས་བསལ་ཁེ་ལས་རྟོག་ཞིབ་པས་ཏོག་དབྱིབས་གཉན་རིམས་ཁྱབ་གདལ་ཁྲོད་ཀྱི་འཛམ་གླིང་སྤྱིའི་ཤེས་ཡོན་སློབ་གསོའི་རང་དབང་གི་གནས་སྟངས་དང་འབྲེལ་བའི་སྙན་ཐོ་ལྷན་ཚོགས་སུ་སྙན་སྒྲོན་ཞུས་པ་དང་འབྲེལ་བགྲོ་གླེང་ལས་རིམ་གྱི་ཚོགས་དུས་སྐབས་སུད་སི་དོན་ཁང་གི་འབྲེལ་ཡོད་ལས་བྱེད་འཕྲིན་ལས་ཆོས་སྐྱིད་ལགས་ཀྱིས་ Society  for Threatened People ཞེས་པའི་རྒྱལ་ཚོགས་ཀྱི་གཞུང་འབྲེལ་མིན་པའི་ཚོགས་པའི་མཚན་ཐོག་ནས་བོད་ནང་ཤེས་ཡོན་སློབ་གསོའི་རང་དབང་དང་འབྲེལ་བའི་གནས་སྟངས་རྒྱལ་ཚོགས་སུ་སྙན་སེང་ཞུས་འདུག སྐབས་དེར་སྐར་མ་གཅིག་དང་ཕྱེད་ཀའི་ཞུ་གཏུག་སྙན་སེང་སྐབས་ཁོང་གིས་རྒྱ་ནག་ཝུ་ཧན་གྲོང་ཁྱེར་ནས་ཐོག་མར་མཆེད་པའི་ཏོག་དབྱིབས་གཉན་རིམས་ལ་ཁ་གཡར་ཏེ་བོད་ནང་རྒྱ་གཞུང་གིས་བོད་མིའི་ཐོག་དམ་དྲག་བྱེད་ཤུགས་ལྡབ་གཉིས་ཆེ་རུ་བཏང་བ་དེ་བོད་མི་ཚོས་མྱོང་བཞིན་ཡོད་པ་དང་། རྒྱ་ནག་གཞུང་གི་དམ་དྲག་འོག་བོད་ནང་བོད་མིའི་སྐད་ཡིག་དང་ཆོས་ཕྱོགས་ཀྱི་སློབ་གཉེར་རང་དབང་བཅས་ཀྱི་གནས་བབས་ནི་འཛམ་གླིང་ཁྱོན་ལ་ཏོག་དབྱིབས་གཉམ་རིམས་ཁྱབ་གདལ་མ་འགྲོ་སྔོན་ནས་ཆེས་ཞན་པོ་ཡོད་པ་མ་ཟད། ད་རེས་གཉན་རིམས་འདིའི་འོག་བོད་མིའི་ཚོའི་ཤེས་ཡོན་སློབ་གསོའི་རང་དབང་གི་གནས་བབས་དེ་བས་ཇེ་ཞན་ཇེ་སྡུག་ཏུ་སོང་ཡོད་པ་དང་དེ་བཞིན་རྒྱ་ནག་གཞུང་གིས་བོད་མིར་མི་རིགས་དབྱེ་འབྱེད་ཀྱི་བྱེད་ཤུགས་ཆེ་རུ་བཏང་ཡོད་པའི་གནད་དོན་ཁག་ཆེད་འདོན་སྙན་སེང་ཞུས་འདུག དེ་བཞིན་འདས་པའི་ལོ་ངོ་ ༢༥ རིང་རྒྱ་གཞུང་གིས་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་བཙན་འཁྲིད་ཀྱིས་གར་སོང་ཆ་མེད་དུ་བཏང་སྟེ་ཆོས་ཕྱོགས་ཀྱི་སློབ་གཉེར་གནང་རྒྱུའི་རང་དབང་ཡོངས་རྫོགས་མེད་པ་བཟོས་པའི་གནད་དོན་དང་འབྲེལ། རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་ནས་རྒྱ་གཞུང་ལ་གནོན་ཤུགས་ཀྱིས་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གིས་གཙོས་པའི་བོད་མིའི་སྐད་ཡིག་སྲུང་སྐྱོབ་པ་བཀྲིས་དབང་ཕྱུག་ལགས་དང་བསོད་ནམས་དཔལ་ལྡན་ལགས། དེ་བཞིན་ཁོར་ཡུག་སྲུང་སྐྱོབ་པ་ཨ་ཉ་སེང་སྒྲ་ལགས་གློད་བཀྲོལ་དགོས་པའི་འབོད་སྐུལ་ཞུས་འདུག་པ་མ་ཟད། ལྷག་པར་དུ་ཉེ་ཆར་རྒྱལ་ཚོགས་ཀྱི་ཤེས་ཡོན་སློབ་དམིགས་བསལ་ཁེ་ལས་རྟོག་ཞིབ་མི་སྣ་གཙོས་ཁེ་ལས་མི་སྣ་ ༤༩ ནས་རྒྱ་ནག་གཞུང་གིས་བོད་དང་ཧོང་ཀོང་། ཤར་ཏུ་ཀི་སི་ཐན་ནང་གི་འགྲོ་བ་མིའི་ཐོབ་རྡོག་རོལ་གཏོང་བཞིན་པའི་གནད་དོན་དང་འབྲེལ་ཏེ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་དང་ཚོགས་མི་རྒྱལ་ཁབ་ཁག་ལ་རྒྱ་ནག་ཐོག་དམིགས་བསལ་ཚོགས་དུས་ཤིག་བསྐོང་ཚོགས་གནང་དགོས་པ་དང་རྒྱ་ནག་ཐོག་དམིགས་བསལ་རྟོག་ཞིབ་ཚོགས་ཆུང་ཆེད་འཛུགས་དགོས་པའི་དགོས་འདུན་ཆེད་འདོན་གནང་བ་ལྟར་དོན་འཁྱོལ་ཕྱག་བསྟར་ཡོང་བའི་འབོད་སྐུལ་ཞུས་འདུག རྩ་བའི་ཐེངས་འདིའ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་དེ་ཕྱི་ཟླ་ ༦ ཚེས་ ༣༠ ཉིན་ནས་ཕྱི་ཟླ་ ༧ ཚེས་ ༢༠ བར་ཚོགས་ཀྱི་ཡོད་པ་རེད། འདི་ལོ་རྒྱ་ནག་ཝུ་ཧན་ནས་ཐོག་མར་མཆེད་པའི་ཏོག་དབྱིབས་གཉན་རིམས་རྐྱེན་པས་སྔ་ལོའི་ཚོགས་དུས་ ༤༣ པ་དེ་དུས་ཚོད་གཅིག་གི་ནང་ཆ་ཚང་ཚོགས་ཐུབ་མེད་པ་དང་། ད་ལན་རྒྱལ་ཚོགས་ཀྱི་ལྷན་ཚོགས་ཐེངས་ ༤༤ པའི་ཚོགས་འདུ་འགྲོ་ལུགས་དང་ལས་རིམ་ཁག་ཀྱང་རྣམ་ཀུན་དང་མི་འདྲ་བ་གནང་དགོས་བྱུང་འདུག་པ་མ་ཟད། དེ་བཞིན་ཚོགས་་འདུ་མང་དག་ཅིག་དྲྭ་ལམ་ཐོག་ཚོགས་གནང་གི་ཡོད་པ་རེད།

རྒྱ་གར་ལྷོ་ཕྱོགས་ཧུན་སོར་རབ་རྒྱས་གླིང་བོད་མིའི་གཞིས་སྒར་དུ་རྟེན་གཞི་བྱས་པའི་༸དཔལ་ལྡན་རྒྱུད་སྨད་གྲྭ་ཚང་ནས་ཉེ་འཁོར་གྱི་རྒྱ་གར་ཡུལ་མི་ཉམ་ཐག་རྣམས་ལ་བཟའ་ཆས་སྦྱིན་གཏོང་བརྒྱུད་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྐར་སྔ་སྣུར་གྱིས་སྲུང་བརྩི་ཞུས་འདུག དེའང་གནངས་ཉིན་ཕྱི་ཟླ་ ༧ ཚེས་ ༦ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༥ བདག་གིར་བཞེས་པའི་དུས་ཚིགས་ཁྱད་པར་ཅན་དང་བསྟུན། བཙན་བྱོལ་བོད་མིའི་ལྟེ་གནས་བཞུགས་སྒར་དྷརྨ་སཱ་ལཱ་གཙོ་གྱུར་འཛམ་གླིང་ས་ཕྱོགས་གང་སར་གནས་པའི་བོད་འབངས་ཡོངས་ཀྱིས་དགའ་དད་སྤྲོ་གསུམ་གྱི་ངང་ནས་རྣམ་པ་འདྲ་མིན་བརྒྱུད་༸སྐུའི་འཁྲུངས་སྐར་དུས་ཆེན་སྲུང་བརྩི་གཟབ་རྒྱས་ཞུས་དང་ཞུ་བཞིན་ཡོད་པ་ལྟར། དེ་རིང་ཧུན་སོར་རབ་རྒྱས་གླིང་བོད་མིའི་གཞིས་ཆགས་ནང་མཚོན་ན་༸དཔལ་ལྡན་སྨད་རྒྱུད་གྲྭ་ཚང་གིས་༸སྐུའི་འཁྲུངས་སྐར་སྔ་སྣུར་ཐོག་སྲུང་བརྩི་དང་འབྲེལ། མགོན་པོ་༸གང་ཉིད་མཆོག་དགུང་གྲངས་ ༡༡༣ བར་བཞུགས་རྒྱུའི་རྟེན་འབྲེལ་ཚུལ་དུ་ཧུན་སོར་གྱི་ཉེ་འདབས་སུ་ཆགས་པའི་ཊུ་ལུཀ་རྫོང་གི་གྲོང་གསེབ་ནང་གནས་པའི་རྒྱ་གར་གྱི་ཡུལ་མི་ཉམ་ཐག་ཁྱིམ་ཚང་ ༡༡༡༣ ལ་འབྲས་དང་གྲོ་ཞིབ་སོགས་སྐམ་ཟས་བགོ་འགྲེམས་གནང་ནས་མགོན་པོ་༸གང་ཉིད་མཆོག་༸སྐུ་ཚེ་༸ཞབས་པད་ཡུན་དུ་བརྟན་པའི་སྨོན་འདུན་ཞུས་འདུགརྩ་བའི་༸དཔལ་ལྡན་སྨད་རྒྱུད་གྲྭ་ཚང་ནས་ད་ལན་༸སྐུའི་འཁྲུངས་སྐར་སྲུང་བརྩི་དང་འབྲེལ། ཧུན་སོར་གཞིས་ཆགས་ཀྱི་ཕན་བདེ་སྨན་ཁང་ནང་ཧིན་སྒོར་ཁྲི་དྲུག་ལྷག་གི་འགྲོ་གྲོན་བཏང་སྟེ་སྐམ་གློག་འཕྲུལ་ཆས་བཞི་གནང་འདུག་པ་མ་ཟད། ཉེ་འཁོར་རྒྱ་གར་གྱི་སློབ་གྲྭའི་ནང་འཛིན་རིམ་བཅུ་པ་དང་བཅིུས་ཀྱི་རྒྱ་གར་རྒྱལ་ཡོངས་ཡིག་རྒྱུགས་གཏོང་བཞིན་པའི་སློབ་ཕྲུག་གྲངས་ ༡༠༠༠ ལ་ཏོག་དབྱིབས་གཉན་རིམས་སྔོན་འགོག་སླད་ཁ་རས་བགོ་འགྲེམས་གནང་བ་དང་། ལྷག་དོན་བོད་མིའི་སྒྲིག་འཛུགས་ཀྱིས་ཧུན་སོར་བོད་མིའི་གཞིས་ཆགས་ནངགོ་སྒྲིག་གནང་བའི་འགོག་དབྱེ་ཟུར་འཇོག་ཁང་ནང་དུ་ Wifi ཞེས་རྐུད་མེད་དྲྭ་རྒྱའི་མཐུན་རྐྱེན་བཅས་སྦྱར་འདུག རྒན་ཚེ་དབང་བསྟན་འཛིན་ལགས་ཀྱིས་༸དཔལ་ལྡན་སྨད་རྒྱུད་གྲྭ་ཚང་གིགྲྭ་མང་ཡོངས་ནས་༸སྐུའི་འཁྲུངས་སྐར་ཉིན་བསང་གསོལ་དང་སྨོན་ལམ་གསུང་འདོན། དེ་བཞིན་རང་ཤག་ཏུ་བཞུགས་ནས་མ་ཎི་གསོག་གྲུབ་ཀྱིས་གཙོ་པའི་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་ཚེའི་ཚེ་སྒྲུབ་གནང་རྒྱུ་ཡིན་པ་གསུངས་སོང་། གཞི་རྩའི་ལོ་ལྟར་ཕྱི་ཟླ་ ༧ ཚེས་ ༦ ཉིན་བཙན་བྱོལ་བོད་མིའི་ལྟེ་གནས་བཞུགས་སྒར་དྷརྨ་སཱ་ལཱ་གཙོས་འཛམ་གླིང་ས་ཕྱོགས་གང་སར་གནས་འཁོད་བོད་མི་དང་བོད་དོན་རྒྱབ་སྐྱོར་བ་ཡོངས་མཉམ་འཛོམས་ཐོག་དགའ་དད་སྤྲོ་གསུམ་གྱི་ངང་ནས་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྐར་དུས་ཆེན་སྲུང་བརྩི་གཟབ་རྒྱས་ཞུ་སྲོལ་ཡོད་ཀྱང་། ད་ལན་ཏོག་དབྱིབས་གཉན་རིམས་རྐྱེན་པས་མང་ཚོགས་འདུ་འཛོམས་སོགས་བྱེད་ཆོག་གི་མེད་སྟབས་༸དཔལ་ལྡན་དགའ་ལྡན་ཕོ་བྲང་གི་དྲྭ་གནས་ཐོག་༸སྐུའི་འཁྲུངས་སྐར་དང་འབྲེལ་གསལ་བསྒྲགས་ཤིག་སྤེལ་བར་བོད་འབངས་ཡོངས་ཀྱིས་སྤྱི་མཐུན་བསོད་ནམས་གསོག་ཆེད་༸སྐུའི་འཁྲུངས་སྐར་དུས་ཆེན་ཉིན་མ་ཎི་ཡིག་དྲུག་སྟོང་ཚར་རེ་ལས་མ་ཉུང་བ་གསོག་གནང་ཡོང་བའི་གཞེན་སྐུལ་གནང་ཡོད་པ་རེད།