Monthly Archives: February, 2022

ཉན་པ།: Listen ཕབ་ལེན། Download རྒྱ་གར་གཞུང་གིས་པེ་ཅིང་ཨོ་རྩལ་འགྲན་ཚོགས་ཐོག་ཕྱི་འབྲེལ་མི་སྣ་གཏོང་རྒྱུ་མིན་པའི་གསལ་བསྒྲགས་གནང་བ། པེ་ཅིང་དུ་དགུན་དུས་ཨོ་རྩལ་འགྲན་ཚོགས་ཚོགས་པ་དེ་ནི་འོས་འཚམས་ཤིག་མ་རེད་ཅེས་གསུངས། ཡོ་རོབ་བོད་མི་ཚོས་ཨོ་རྩལ་མཐུན་ཚོགས་ཀྱི་ལས་ཁུངས་མདུན་དུ་གཞི་རྒྱ་ཆེ་བའི་ངོ་རྒོལ་གནང་བ། ལྡི་ལིའི་རྒྱ་ནག་གཞུང་ཚབ་ཀྱི་ཉེ་འཁྲིས་སུ་ངོ་རྒོལ་གནང་མཁན་བོད་མི་དྲུག་ལྷག་འཛིན་བཟུང་། རྒྱ་གར་གྱི་གྲོས་ཚོགས་སུ་བོད་དོན་ལ་རྒྱབ་སྐྱོར་དགོས་པའི་གླེང་མོལ། ཨ་རིའི་གྲོས་ཚོགས་སུ་རྒྱ་ནག་གིས་འགྲོ་བ་མིའི་ཐོབ་ཐང་རྡོག་རོལ་གྱི་ཉན་ཞིབ་ཚོགས་པ། Friday 04/02/2022 India boycotts Beijing Olympics over Chinese PLA torchbearer Tibetan NGOs slam Beijing’s ‘Genocide’ games, hold hunger strike Tibetans in Europe stage demonstration in front of ICO as Beijing Olympics kick off Protest in Delhi, over 6 Tibetan activists detained The Beijing Olympics and the Faces of Repression: Pelosi testifies at CECC hearing India should learn to stand with Tibet: Rajya Sabha member

རྒྱ་གར་གཞུང་གིས་པེ་ཅིང་ཨོ་རྩལ་འགྲན་ཚོགས་ཀྱི་སྒོ་འབྱེད་དང་མཇུག་སྡོམ་མཛད་སྒོ་གཉིས་ཀྱི་ཐོག་ཡུལ་དེའི་ཕྱི་འབྲེལ་མི་སྣ་མཉམ་ཞུགས་གནང་གི་མེད་སྐོར་ཡོངས་གྲགས་གནང་འདུགདེ་རིང་བར་ཨ་རིས་གཙོས་མང་གཙོའི་རྒྱལ་ཁབ་ཁག་ཅིག་ནས་རྒྱ་ནག་གི་ཆེས་ཞན་པའི་འགྲོ་བ་མིའི་ཐོབ་ཐང་གི་གནད་དོན་དང་འབྲེལ་ཏེ། པེ་ཅིང་དགུན་དུས་ཨོ་རྩལ་འགྲན་ཚོགས་ཐོག་གཞུང་འབྲེལ་སྐུ་ཚབ་གཏོང་རྒྱུ་མིན་སྐོར་ཡོངས་གྲགས་གནང་བའི་རྗེས་སུའང་རྒྱ་གར་གྱི་ངོས་ནས་དེ་མཚུངས་གནང་རྒྱུའི་གསལ་བསྒྲགས་གང་ཡང་གནང་མེད་ལ། ད་དུང་ཨོ་རྩལ་འགྲན་ཚོགས་ཐོག་པེ་ཅིང་ནང་ཡོད་པའི་རྒྱ་གར་གྱི་ཕྱི་འབྲེལ་མི་སྣ་མཐོ་གྲས་ཤིག་མཉམ་ཞུགས་གནང་རྒྱུར་ཚོད་དཔག་གནང་བཞིན་པའི་མཚམས་འདིར་ཁ་སང་ཕྱི་དྲོ་རྒྱ་གར་གྱི་ཕྱི་སྲིད་ལྷན་ཁང་གི་མགྲིན་པ་སྐུ་ཞབས་ Arindam Bagchi ལགས་ཀྱིས་གསལ་བསྒྲགས་ཤིག་གནང་བ་བརྒྱུད་པེ་ཅིང་དུ་དེ་རིང་ནས་འགོ་འཛུགས་བྱ་རྒྱུའི་དགུན་དུས་ཨོ་རྩལ་འགྲན་ཚོགས་ཀྱི་སྒོར་འབྱེད་དང་མཇུག་སྡོམ་མཛད་སྒོ་གཉིས་ཀར་ཁུལ་དེར་ཡོད་པའི་རྒྱ་གར་གྱི་གཞུང་ཚབ་ལས་ཁུངས་ཀྱི་ངོས་ནས་མཉམ་ཞུགས་གནང་གི་མེད་པར་ཡོངས་གྲགས་གནང་ཡོད།རྒྱ་གར་གཞུང་གིས་འདི་ལྟ་བུའི་ཐག་གཅོད་དེ་ནི་ཕྱི་ཟླ་ ༢ ཚེས་ ༢ ཉིན་པེ་ཅིང་དུ་ཨོ་ལམ་པིཀ་རྩེད་འགྲན་གྱི་དཔལ་འབར་སྐོར་སྐྱོད་འགོ་འཛུགས་གནང་སྐབས་དེ་སྔ་ཕྱི་ལོ་ ༢༠༢༠ ལོར་འཕགས་བོད་གཉིས་ཀྱི་ས་མཚམས་ཉེ་འཁྲིས་ལ་དྭགས་ཀྱི་གྷལ་ཝན་ཡུལ་གཤོང་དུ་རྒྱ་དཀར་ནག་གི་དམག་མིའི་དབར་དྲག་པོའི་གདོང་ཐུག་གིས་རྨས་སྐྱོན་ཕོག་པའི་རྒྱ་རིགས་དམག་མི་ Qi Fabao ལ་དཔལ་འབར་འཁྱེར་མཁན་ཁོངས་སུ་བཞག་པའི་གནས་ཚུལ་ཐོན་རྗེས་ཡོངས་གྲགས་གནང་བ་ཞིག་ཡིན་པ་རེད།སྐུ་ཞབས་ Arindam Bagchi ལགས་ཀྱིས་གསར་འགོད་གསལ་བསྒྲགས་སྐབས་ང་ཚོས་གྷལ་ཝན་གྱི་དམག་དཔོན་ཞིག་ཨོ་རྩལ་གྱི་དཔལ་འབར་འཁྱེར་མཁན་ལ་བདམས་པའི་གནས་ཚུལ་དེའི་སྐོར་མཐོང་ཐོས་བྱུང་ཞེས་དང་བྱ་སྤྱོད་དེ་དག་ནི་ཁོང་ཁྲོ་སློང་མཁན་ཞིག་དང་། ལྷག་དོན་རྒྱ་གཞུང་གིས་རྒྱལ་སྤྱིའི་རྩེད་འགྲན་འདི་ཡང་ཆབ་སྲིད་ཀྱི་དགོས་མཁོར་སྤྱོད་བཞིན་པ་ནི་བློ་ཕམ་བྱ་ཡུལ་གྱི་གཞི་ལས་མ་འདས་པར་འགྲེལ་བརྗོད་གནང་འདུགདེ་རིང་ནས་འགོ་འཛུགས་བྱས་པའི་པེ་ཅིང་གི་དགུན་དུས་རྩལ་འགྲན་ཚོགས་ནང་རྒྱ་གར་གྱི་ཕྱོགས་ནས་གངས་བཤུད་གཏོང་མཁན་ Arif Khan ལགས་མ་གཏོགས་རྩེད་འགྲན་པ་གཞན་མེད་པ་དང་། རྒྱ་གར་གཞུང་གིས་གོང་ཞུས་གསལ་བསྒྲགས་སྤེལ་རྗེས་རྒྱ་གར་རྒྱལ་ཡོངས་རླུང་འཕྲིན་ལས་ཁང་ Doordarshan གི་ངོས་ནས་ཀྱང་རྩེད་མོའི་བརྒྱུད་ལམ་ཐོག་པེ་ཅིང་གི་རྩེད་འགྲན་སྒོ་འབྱེད་དང་མཇུག་སྡོམ་གྱི་མཛད་སྒོ་གཉིས་ཀའི་ཐད་གཏོང་ཕྱིར་འཐེན་བྱས་འདུགརེས་གཟའ་ལྷག་པའི་ཉིན་པེ་ཅིང་དུ་ཨོ་ལམ་པིཀ་དཔལ་འབར་སྐོར་སྐྱོད་འགོ་འཛུགས་ཁྲོད་རྒྱ་ནག་གི་དམག་མི་ Qi Fabao ཟེར་བ་དེར་ཆེ་བསྟོད་ཀྱིས་ཨོ་རྩལ་གྱི་དཔལ་འབར་འཁྱེར་མཁན་མི་གྲངས་ ༡༢༠༠ ཁོངས་ནས་འདེམས་སྒྲུག་བྱས་པར་རྒྱ་གར་གཞུང་མང་གཉིས་ནས་བློ་ཕམ་གི་རྣམ་པ་མངོན་གསལ་གནང་བ་དང་ཆབས་ཅིག ཨ་རིའི་གྲོས་ཚོགས་གོང་མའི་འཐུས་མི་ཞིག་གིས་ཀྱང་རྒྱ་ནག་གི་བྱེད་ཕྱོགས་དེ་ནི་ངོ་ཚ་མེད་པ་ཞིག་དང་ཨ་རིའི་ངོས་ནས་ཡུ་གུར་གྱི་རང་དབང་དང་རྒྱ་གར་གྱི་ས་ཁོངས་བདག་དབང་ཐད་རྒྱབ་སྐྱོར་ཞུ་རྒྱུའི་ཞལ་བཞེས་གནང་སྟེ་རྒྱ་ནག་ལ་སྐྱོན་བརྗོད་ནན་པོ་གནང་ཡོད།གཞི་རྩའི་རྒྱ་དཀར་ནག་གཉིས་དབར་འདས་པའི་ལོ་མང་རིང་ལ་ཚབས་ཆེ་བའི་དོན་རྐྱེན་སོགས་གང་ཡང་བྱུང་མེད་ཀྱང་། ཕྱི་ལོ་ ༢༠༢༠ ལོར་ལ་དྭགས་གྷལ་ཝན་གྱི་དོན་རྐྱེན་ཁྲོད་ཕྱོགས་གཉིས་ཀྱི་དམག་མི་དབར་འཐབ་འཛིང་བྱུང་སྟེ་རྒྱ་གར་གྱི་དམག་མི་ ༢༠ འདས་གྲོངས་སུ་གྱུར་ཡོད་པ་དང་། སྐབས་དེར་རྒྱ་ནག་གི་བརྒྱུད་ལམ་ཐོག་ཡུལ་དེའི་དམག་མི་ ༤ འདས་གྲོངས་སུ་གྱུར་ཡོད་པའི་གནས་ཚུལ་སྤེལ་ཡོད་ནའང་། དོན་དངོས་ཐོག་ཡོངས་གྲངས་བྱས་པའི་གྲངས་འབོར་ལས་མང་བ་ཡོད་པར་ཚོད་དཔག་གནང་བཞིན་ཡོད་པ་རེད། ཕྱོགས་གཉིས་ཀྱི་དབར་ད་བར་ས་མཚམས་ཀྱི་གནད་དོན་ཐད་གྲོས་མོལ་ཐེངས་ ༡༤ ཙམ་གནང་ཡོད་ཀྱང་དོན་འབྲས་སོན་པ་གང་ཡང་བྱུང་མེད་པ་མ་ཟད་ལྷག་དོན་རྒྱ་ནག་གིས་མཐའ་མཚམས་ནས་དམག་མི་ཡོངས་རྫོགས་ཕྱིར་འཐེན་བྱ་རྒྱུའི་གནད་དོན་ཐོག་མོས་མཐུན་བྱས་མེད།

དེ་རིང་ཕྱི་ཟླ་ ༢ ཚེས་ ༤ རེས་གཟའ་པ་སངས་ཉིན་མོར་རྒྱ་ནག་གི་རྒྱལ་ས་པེ་ཅིང་དུ་རྒྱལ་སྤྱིའི་དགུན་དུས་ཨོ་རྩལ་དངོས་སུ་འགོ་འཛུགས་བྱེད་ཀྱི་ཡོད་པ་ལྟར་བཞུགས་སྒར་དུ་རྟེན་གཞི་བྱས་པའི་བོད་མིའི་གཞུང་འབྲེལ་མིན་པའི་ཚོགས་པ་ཆེ་ཁག་ལྔ་ཟུང་འབྲེལ་ཐོག་དགུན་དུས་ཨོ་རྩལ་འགྲན་ཚོགས་ལ་སྐྱོན་བརྗོད་ཀྱི་གསར་འགོད་གསལ་བསྒྲགས་དང་དེ་བཞིན་ཉིན་རངས་ཟས་བཅད་ངོ་རྒོལ་གྱི་ལས་འགུལ་སྤེལ་སོང་།ཚོགས་པ་ལྔ་པོའི་གསར་འགོད་གསལ་བསྒྲགས་ཐོག་རྒྱ་གཞུང་གིས་བཙན་གནོན་འོག་བོད་ནང་གི་བོད་མི་ཚོར་གཞི་རྩའི་འགྲོ་བ་མིའི་ཐོབ་ཐང་མེད་སྐོར་ལུང་འདྲེན་དང་འབྲེལ། འཛམ་གླིང་ས་ཕྱོགས་གང་སར་ཡོད་པའི་ཕྱི་རྒྱལ་ཡུལ་མི་དང་གནད་ཡོད་མི་སྣ་རྣམས་ནས་བོད་མི་རིགས་ཀྱི་འཐབ་རྩོད་ལ་མུ་མཐུད་ནས་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་ཞུས་པ་དང་། པེ་ཅིང་དགུན་དུས་ཨོ་རྩལ་འགྲན་ཚོགས་འཚོགས་བཞིན་པ་འདི་ནི་རྒྱལ་སྤྱིའི་སྤྱི་ཚོགས་ཀྱི་ངོས་ནས་རྒྱ་ནག་ལ་གདོང་ལེན་ཚད་ལྡན་ཞིག་གནང་མ་ཐུབ་པའི་རྟགས་མཚན་གསལ་པོ་ཞིག་ཕྱིར་མངོན་པར་ངོས་འཛིན་ཞུ་བཞིན་ཡོད་པ་དང་ཆབས་ཅིག  རྒྱ་གཞུང་གིས་བོད་མི་ཙམ་མ་ཟད་མི་རིགས་གཞན་ལའང་དྲག་གནོན་གྱི་སྲིད་བྱུས་གཅིག་མཚུངས་ལག་བསྟར་དང་རྒྱ་མི་རིགས་ནང་ཁུལ་ལའང་རང་དབང་དང་འདྲ་མཉམ་ཀྱི་ཐོབ་ཐང་མེད་པའི་གནས་སྟངས་ཁྲོད་པེ་ཅིང་དུ་དགུན་དུས་ཨོ་རྩལ་འགྲན་ཚོགས་བསྐོང་ཚོགས་བྱས་པ་ནི་འོས་འཚམས་ཤིག་གཏན་ནས་མ་རེད་ཅེས་མཐའ་གཅིག་ཏུ་ངོ་རྒོལ་ཡོད་པ་གསུངས་ཡོད།   དེ་བཞིན་རྒྱ་ནག་དང་ལྷན་མང་གཙོའི་རྒྱལ་ཁབ་ཚོས་ཚོང་འབྲེལ་གསར་འཛུགས་བྱས་ཡོད་པས་ད་ཆ་མང་གཙོའི་རྒྱལ་ཁབ་ཁག་གི་དབུ་ཁྲིད་ཚོས་འདས་པའི་ལོ་རྒྱུས་དང་སྲིད་བྱུས་ལ་བསྐྱར་ཞིབ་གནང་སྟེ་མང་གཙོ་སྲུང་སྐྱོབ་དང་དར་སྤེལ་ཆེད་རྒྱ་ནག་ལ་འཛེམ་ཟོན་དང་བཅས་པའི་སྲིད་བྱུས་ཡོད་པ་དེ་དག་འཕྲལ་མར་མཚམས་འཇོག་དགོས་པ་མ་ཟད། རྒྱ་ནག་ནས་༸ཀུན་གཟིགས་པཎ་ཆེན་དགེ་འདུན་ཆོས་ཀྱི་ཉི་མ་མཆོག་གིས་གཙོས་བོད་ཀྱི་ཆབ་སྲིད་བཙོན་པ་རྣམས་ཆ་རྐྱེན་གང་ཡང་མེད་པར་གློད་བཀྲོལ་དགོས་པའི་གནོན་ཤུགས་སྤྲོད་དགོས་ཞེས་འབོད་སྐུལ་བསྐྱར་ནན་གནང་སོང་། གསར་འགོད་པས་རྒྱ་གར་བོད་རང་བཙན་སློབ་ཕྲུག་ཚོགས་པའི་ཚོགས་གཙོ་རིག་འཛིན་ཆོས་སྒྲོན་ལགས་སུ་དེ་རིང་གི་ཉིན་མོ་དང་འབྲེལ་བཅར་འདྲི་ཞུས་པར་ཁོང་གིས་ཐེངས་འདིའི་ཨོ་རྩལ་དང་འབྲེལ་གཞུང་འབྲེལ་མིན་པའི་ཚོགས་པ་ཚོས་ད་བར་ལས་འགུལ་རབ་དང་རིམ་པ་སྤེལ་ཡོད་པ་དང་། ལྷག་པར་རྒྱལ་སྤྱིའི་ཁྲོད་རྒྱ་ནག་གི་ཨོ་རྩལ་ལ་ངོ་རྒོལ་ཤུགས་ཆེ་གནང་རྐྱེན་ད་ཆ་རྒྱལ་ཁབ་ཁག་ཅིག་ནས་ཨོ་རྩལ་འགྲན་ཚོགས་ལ་གཞུང་འབྲེལ་སྐུ་ཚབ་ཕེབས་རྒྱུ་མིན་པའི་ཐག་གཅོད་གནང་སྐོར་གསུངས་པ་དང་ཆབས་ཅིག   ཁས་ས་རྒྱ་གར་ནས་ཀྱང་དེ་གའི་སྐུ་ཚབ་ཆེད་གཏོང་མ་གཏང་རྒྱུའི་ཐག་གཅོད་གནང་ཡོད་པས་དེར་བསྔགས་བརྗོད་དང་ཐུགས་རྗེ་ཆེ་ཞེས་ཞུས་སོང་།  ལྷག་པར་ཁོང་གིས་རྒྱལ་སྤྱིའི་དབུ་ཁྲིད་ཚོས་རྒྱ་ནག་ནས་རང་ཉིད་ཀྱི་ནོར་འཁྲུལ་ཅན་གྱི་སྲིད་བྱུས་ལག་བསྟར་མཚམས་འཇོག་དགོས་པའི་གནོན་ཤུགས་སྤྲོད་པའི་དུས་ལ་བབ་ཡོད་ཅེས་གསུངས་ཡོད།གཞི་རྩའི་དེ་རིང་རྒྱ་ནག་གི་དགུན་དུས་ཨོ་རྩལ་འགོ་འཛུགས་དང་བསྟུན་ནིའུ་ཡོག་དང་ཁེལ་ཕོར་ནི་ཡ། དེ་བཞིན་མེཀ་སི་ཀོ་བཅས་ཀྱི་ནང་དུ་ཡོད་པའི་བོད་མི་དང་བོད་དོན་རྒྱབ་སྐྱོར་བ་རྣམས་ཀྱིས་སོ་སོའི་ས་གནས་སུ་རྟེན་གཞི་བྱས་པའི་རྒྱ་ནག་གཞུང་ཚབ་མདུན་དུ་ངོ་རྒོལ་གྱི་ལས་འགུལ་སྤེལ་ཡོད་པ་དང་། ཨོ་སི་ཊོ་ལི་ཡ་ལྟ་བུར་མཚོན་ན་བོད་མི་ལས་འགུལ་བ་རྣམས་ནས་ཚེས་ ༣༡ ཉིན་དབུ་འཛུགས་ཞུས་པའི་བོད་དོན་གོམ་བགྲོད་ཀྱི་ལས་འགུལ་དེ་བཞིན་སིཌ་ནི་གྲོང་ཁྱེར་ Martin Place ནང་མཇུག་སྒྲིལ་གྱིས་གཞི་རྒྱ་ཆེ་བའི་ལས་འགུལ་སྤེལ་བ་མ་ཟད། ནིའུ་ཛ་ལན་ཌི་ནང་དུའང་རྒྱ་ནག་གི་གཞུང་ཚབ་མདུན་དུ་བོད་མི་ཚོས་ངོ་རྒོལ་གྱི་ལས་འགུལ་སྤེལ་འདུག་ལ། ཁེ་ན་ཌ་ནང་ལའང་དེ་མཚུངས་ཀྱི་ལས་འགུལ་སྤེལ་རྒྱུ་ཡིན་པ་རེད།

༢༠༢༢ ལོའི་པེ་ཅིང་གི་དགུན་དུས་ཨོ་རྩལ་འགྲན་ཚོགས་ཀྱི་སྒོ་འབྱེད་ཀྱི་སྔ་ནུབ་ཏུ་འདི་ག་སུད་སི་གྲོང་ཁྱེར་ Lausanne ནང་རྟེན་གཞི་བྱས་པའི་རྒྱལ་སྤྱིའི་ཨོ་རྩལ་མཐུན་ཚོགས་ཀྱི་ལས་ཁུངས་མདུན་དུ་ཡོ་རོབ་རྒྱལ་ཁབ་ཁག་ ༨ ནས་བོད་རིགས་ཚོགས་པའི་སྐུ་ཚབ་དང་བོད་མི་ལས་འགུལ་བ། དེ་བཞིན་བོད་དོན་རྒྱབ་སྐྱོར་བ་བཅས་འདུ་འཛོམས་ཀྱིས་ཨོ་ལམ་པིཀ་འགྲེམས་སྟོན་ཁང་བར་ཞི་བའི་གོམ་བགྲོད་གནང་བ་མ་ཟད། རྒྱ་ནག་ནང་དུ་འཚོགས་བཞིན་པའི་དགུན་དུས་ཨོ་རྩལ་འགྲན་ཚོགས་དེ་འཛམ་གླིང་ནང་གི་འགྲོ་བ་མིའི་ཐོབ་ཐང་རྡོག་རོལ་ཚབས་ཆེན་གཏོང་མཁན་རྒྱལ་ཁབ་ཅིག་ནང་ཚོགས་པའི་རྩེད་འགྲན་ཞིག་རེད་ཅེས་པའི་འབོད་སྒྲའི་འོག་རྒྱ་ནག་གི་ཨོ་རྩལ་འགྲན་ཚོགས་ལ་ངོ་རྒོལ་སྐད་འབོད་ཀྱི་ལས་འགུལ་སྤེལ་ཡོད། དེ་བཞིན་རྒྱལ་སྤྱིའི་ཨོ་རྩལ་མཐུན་ཚོགས་ཀྱི་ངོས་ནས་རྒྱ་ནག་གི་མངའ་འོག་ཏུ་མནར་གཅོད་མྱོང་བཞིན་པའི་མང་ཚོགས་ཀྱི་མངོན་འདོད་ལ་གུས་བརྩི་ཞུས་ནས་རྒྱ་གཞུང་གིས་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་ཡོད་ཀྱང་དེར་དེར་ལྟོས་མེད་ཀྱིས་ཚོགས་ཀྱི་ཡོད་པ་ངོས་ལེན་གྱི་སྤྱིར་བསྒྲགས་ཤིག་སྤེལ་དགོས་པའི་རེ་སྐུལ་ཞུས་ཡོད་པ་རེད།ཐེངས་འདིའི་ཡོ་རོབ་བོད་མི་རྣམ་མཉམ་སྦྲེལ་གྱིས་སྤེལ་བའི་གོམ་བགྲོད་ལས་འགུལ་དེའི་ཐོག་ཡོ་རོབ་བོད་མི་མང་སྤྱི་འཐུས་རྣམ་གཉིས་གཙོས་ཡོ་རོབ་བོད་རིགས་ཚོགས་ཁག་གི་ཟུང་འབྲེལ་ཐོག་ནས་མཚན་རྟགས་བཀོད་པའི་ཞུ་སྙན་ཞིག་རྒྱལ་སྤྱིའི་ཨོ་རྩལ་མཐུན་ཚོགས་ཀྱི་ཚོགས་གཙོ་ Thomas Bach མཚན་ཐོག་ལ་ཕུལ་སོང་བ་དང་། ཞུ་སྙན་ནང་གཙོ་བོ་ ༢༠༠༨ ལོའི་པེ་ཅིང་དུ་ཨོ་རྩལ་འགྲན་ཚོགས་བསྐོང་ཚོགས་ཟིན་པའི་རྗེས་སུ་རྒྱ་ནག་གི་མངའ་འོག་ཏུ་ཡོད་པའི་བོད་གཙོ་གྱུར་ས་ཁུལ་ཁག་གི་འགྲོ་བ་མིའི་ཐོབ་ཐང་གི་གནས་སྟངས་ཇེ་ཞན་ཇེ་སྡུག་ཏུ་ཕྱིན་ཡོད་པ་དང། ལྷག་པར་དུ་བོད་ནང་དུ་ད་བར་བོད་མི་ ༡༥༥ ལྷག་གིས་རྒྱ་གཞུང་གི་གདུག་རྩུབ་ཅན་གྱི་སྲིད་བྱུས་ལ་ངོ་རྒོལ་གནང་སྟེ་སྐུ་ལུས་ཞུགས་འབུལ་གནང་བའི་གནང་སྟངས་སོགས་བྱུང་ཡོད་པ་དེ་ལྟར་ཡང། ཨོ་རྩལ་མཐུན་ཚོགས་ནས་འགྲོ་བ་མིའི་ཐོབ་ཐང་སྲུང་སྐྱོབ་གོང་འཕེལ་གྱི་རྩ་བའི་ལྟ་གྲུབ་ཁག་སྣང་མེད་བཏང་ནས་ད་ལན་བསྐྱར་དུ་རྒྱ་ནག་ལ་ཕྱི་ལོ་ ༢༠༢༢ ལོའི་དགུན་དུས་ཨོ་རྩལ་འགྲན་ཚོགས་ཀྱི་བདག་དབང་སྤྲད་པ་ནི་ཆེས་བློ་ཕམ་བྱ་གཞི་ལས་མ་འདས་པ་ཞིག་རེད་ཅེས་སྐྱོན་བརྗོད་གནང་བ་མ་ཟད། ལྷག་པར་དུ་ཞུ་སྙན་དེ་བརྒྱུད་ནས་ཨོ་རྩལ་མཐུན་ཚོགས་ཀྱི་ངོས་ནས་རྒྱ་ནག་གི་མངའ་འོག་ཏུ་གདུག་རྩུབ་མྱོང་བཞིན་པའི་མང་ཚོགས་ཀྱི་མངོན་འདོད་ལ་གུས་བརྩི་ཞུས་ཏེ། རྒྱ་གཞུང་གིས་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་དུ་རྒྱ་ནག་ཏུ་དགུན་དུས་ཨོ་རྩལ་འགྲན་ཚོགས་དེ་ཚོགས་བྱེད་ཀྱི་ཡོད་པར་ངོས་ལེན་གྱི་སྤྱིར་བསྒྲགས་ཤིག་སྤེལ་དགོས་པའི་རེ་སྐུལ་ཞུས་འདུག སྐབས་དེར་ལས་འགུལ་བ་རྣམས་ནས་ཕྱག་ཏུ་བོད་ཀྱི་རྒྱལ་དར་བསྣམས་པ་དང་སྦྲགས། པེ་ཅིང་ཨོ་རྩལ་འགྲན་ཚོགས་དང་རྒྱལ་སྤྱིའི་ཨོ་རྩལ་མཐུན་ཚོགས་ཀྱི་བྱ་སྤྱོད་ལ་ངོ་རྒོལ་གྱི་ཤོག་སྦྱང་སོགས་བསྣམས་ཏེ་ངོ་རྒོལ་སྐད་འབོད་གནང་བ་མ་ཟད། རྒྱལ་སྤྱིའི་ཨོ་རྩལ་མཐུན་ཚོགས་ཀྱི་ལས་ཁུངས་ཨ་མའི་མདུན་ནས་ཞི་བའི་གོམ་བགྲོད་གནང་སྟེ། མཐར་ཨོ་ལམ་པིཀ་འགྲེམས་སྟོན་ཁང་གི་མདུན་དུ་གོམ་བགྲོད་པ་རྣམས་འདུ་འཛོམས་ཀྱིས་བོད་རྒྱལ་ཁབ་ཆེན་པོའི་རྒྱལ་གླུ་བླངས་པ་དང་ད་བར་བོད་བསྟན་སྲིད་མི་རིགས་ཀྱི་དོན་དུ་སྐུ་སྲོག་བློས་བཏང་གནང་མཁན་རྒྱལ་གཅེས་པ་ཡོངས་ལ་མྱ་ངན་གུས་འདུད་ཞུས་ཏེ། ལུ་སཎ་གྲོང་ཁྱེར་སྤྱི་ཁྱབ་པ་ llias Penchant མཆོག་དང་ཡོ་རོབ་བོད་མི་མང་སྤྱི་འཐུས། སུད་སི་བོད་ཀྱི་སྐུ་ཚབ་དོན་གཅོད། དེ་བཞིན་སུད་སི་དང་ལིག་ཏིག་སིཊཡན་བོད་རིགས་མི་མང་གཙོས་ལས་འགུལ་ཐོག་ཕེབས་པའི་ཡོ་རོབ་བོད་རིགས་ཚོགས་པ་ཁག་གི་སྐུ་ཚབ་དང། བོད་མིའི་གཞུང་འབྲེལ་མིན་པའི་ཚོགས་ཁག་གི་འཐུས་མི་སོགས་ནས་རྒྱ་ནག་གི་དགུན་དུས་ཨོ་རྩལ་འགྲན་ཚོགས་དང་རྒྱལ་སྤྱིའི་ཨོ་རྩལ་མཐུན་ཚོགས་ཀྱི་བྱ་སྤྱོད་ལ་སྐྱོན་བརྗོད་ཀྱི་གཏམ་བཤད་སྤེལ་ཡོད།དེ་བཞིན་ལས་འགུལ་ཐོག་ཉེ་སྔོན་སུད་སི་རྒྱལ་ས་སྦན་ནས་གངས་བཤུད་ལྷམ་གྱོན་ནས་རྒྱ་ནག་ཨོ་རྩལ་འགྲན་ཚོགས་ལ་ངོ་རྒོལ་གྱི་གོམ་བགྲོད་ལས་འགུལ་སྤེལ་མཁན་བོད་མི་སྒྱུ་རྩལ་བ་བློ་ལྡན་རྣམ་གླིང་ལགས་ཀྱིས་ཀྱང་ཨོ་ལམ་པིཀ་འགྲེམས་སྟོན་ཁང་དུ་ལས་འགུལ་མཇུག་སྒྲིལ་གནང་ཡོད་པ་རེད།རྩ་བའི་ཐེངས་འདིའི་རྒྱ་ནག་གི་དགུན་དུས་ཨོ་རྩལ་འགྲན་ཚོགས་ལ་དམིགས་ཏེ་ཡོ་རོབ་བོད་མིའི་ཞི་བའི་གོམ་བགྲོད་ཀྱི་ལས་འགུལ་ཆེན་མོ་སྤེལ་བ་དེ་ ༢༠༢༡ ཟླ་ ༡༢ ཚེས་ ༡༨ ནས་ ༡༩ ཉིན་གཉིས་རིང་ཕ་རན་སིའི་རྒྱལ་ས་པེ་རིས་ལ་ཚོགས་པའི་ཡུ་རོབ་བོད་རིགས་ཚོགས་པ་ཁག་གི་ལོ་འཁོར་ཚོགས་ཆེན་ཐེངས་གཉིས་པའི་ཐོག་གྲོས་ཆོད་བཞག་ཡོད་པ་ལྟར་ལས་འགུལ་དེ་སུད་སི་དང་ལིག་ཏིག་སིཊཡན་བོད་རིགས་མི་མང་ཚོས་གཙོ་འགན་བཞེས་ཏེ་གོ་སྒྲིག་གནང་བ་ཞིག་ཡིན་པ་རེད།

དེ་རིང་རྒྱ་ནག་གི་རྒྱལ་ས་པེ་ཅིང་དུ་དགུན་དུས་ཀྱི་ཨོ་ལམ་པིཀ་རྩེད་འགྲན་སྒོ་འབྱེད་དང་བསྟུན་ལྡི་ལི་བསམ་ཡས་གླིང་ས་གནས་བོད་ཀྱི་གཞོན་ནུ་ལྷན་ཚོགས་དང་དབུས་བོད་ཀྱི་གཞོན་ནུ་ལྷན་ཚོགས་གཉིས་ཟུང་འབྲེལ་གྱིས་རྒྱལ་ས་ལྡི་ལིའི་རྒྱ་ནག་གཞུང་ཚབ་ཁང་གི་ཉེ་འཁྲིས་སུ་ངོ་རྒོལ་སྐད་འབོད་ཀྱི་ལས་འགུལ་ཞིག་གོ་སྒྲིག་གནང་ཡོད་པ་རེད།ལས་འགུལ་གྱི་དགོས་དམིགས་གཙོ་བོ་ནི། རྒྱ་ནག་གཞུང་ལ་འགྲོ་བ་མིའི་ཐོབ་ཐང་དང་བཟང་སྤྱོད་བཅས་གང་གི་ཆ་ནས་ཀྱང་ཨོ་རྩལ་འགྲན་ཚོགས་གོ་སྒྲིག་བྱ་རྒྱུའི་འོས་བབ་གཏན་ནས་མེད་ཅེས་ངོ་རྒོལ་དང་སྐྱོན་བརྗོད་གནང་ཕྱིར་ཡིན་པ་རེད།ལྡི་ལི་གསར་པའི་རྒྱ་ནག་གཞུང་ཚབ་ཁང་ནས་མི་ཊར་ ༡༠༠ ལྷག་གི་ས་ཐག་ཏིན་མུར་ཏི་ནས་དབུ་འཛུགས་གནང་བའི་དེ་རིང་གི་ངོ་རྒོལ་ལས་འགུལ་དེའི་ནང་བོད་སྒར་བསམ་ཡས་གླིང་དང་ལ་དྭགས་དྷརྨ་ཤཱ་ལཱ། ལཱལ་ཀི་ལའི་སུད་ཚོང་བའི་བོད་མི། དེ་བཞིན་ལྡི་ལི་ལྷོ་ཕྱོགས་བཅས་ཀྱི་བོད་མི་ལས་འགུལ་བ་མི་གྲངས་ ༡༠༠ ལྷག་ནས་མཉམ་ཞུགས་གནང་འདུག་པ་དང་ལས་འགུལ་བ་དེ་དག་ཚང་མས་གསུང་ཤུགས་ཆེན་པོའི་ཐོག་ནས་རྒྱ་ནག་ལག་དམར་ལ་ཨོ་རྩལ་འགྲན་ཚོགས་ཀྱི་འོས་བབ་མེད། བོད་མིར་རང་དབང་སྤྲོད་དགོས། རང་དབང་དང་མང་གཙོར་དགའ་ཞེན་ཡོད་མཁན་རྒྱལ་སྤྱིའི་མང་ཚོགས་ཚོས་བོད་དོན་ལ་རྒྱབ་སྐྱོར་གནང་དགོས་ཞེས་སོགས་ཀྱི་སྐད་འབོད་གནང་ཡོད། རྒྱལ་ས་ལྡི་ལིའི་ལས་འགུལ་སྐབས་བོད་རང་བཙན་འཐབ་རྩོད་པ་བསྟན་འཛིན་བརྩོན་འགྲུས་ལགས་མཉམ་ཞུགས་གནང་འདུག་པ་དང་སྐབས་དེར་ཁོང་དང་ལས་འགུལ་བ་གཞན་ཁག་ཅིག་གིས་རྒྱ་ནག་གི་རྒྱལ་དར་མེར་བསྲེགས་བཏང་བ་མ་ཟད། རྒྱ་ནག་གིས་ད་རེས་ཨོ་ལམ་པིཀ་འགྲན་ཚོགས་གོ་སྒྲིག་བྱེད་ཀྱི་ཡོད་པ་དེ་ནི་ཕྱི་ལོ་ ༡༩༣༦ ལོའི་ན་ཛིལ་ཨོ་རྩལ་དང་གཅིག་མཚུངས་ཀྱི་མཇུག་འབྲས་ཤིག་ཡོང་ངེས་ཡིན་པ་དང་། ལྷག་དོན་ཨོ་རྩལ་གྱི་དཔལ་འབར་འཁྱེར་མཁན་དེའང་རྒྱ་གར་གྱི་དམག་མི་གསོད་མཁན་ལག་དམར་བ་ཞིག་ཡིན་པ་བཅས་ཀྱི་ཆ་ནས་མཐའ་གཅིག་ཏུ་ངོ་རྒོལ་ཡོད་ཅེས་གསུངས་སོང་། ལས་འགུལ་བ་མི་གྲངས་ ༡༠༠ ལྷག་ཡོད་པ་དེ་དག་གིས་ཏིན་མུར་ཏི་ནས་རྒྱའི་གཞུང་ཚབ་ཁང་གི་བར་དུ་ཕེབས་ཐབས་གནང་ཡོད་ཀྱང་། ས་གནས་སྐོར་སྲུང་བས་ལས་འགུལ་བ་རྣམས་ལམ་ཕྱེད་ཙམ་ནས་བཀག་འགོག་བྱས་ཡོད་པ་དང་། སྐབས་དེར་འགུལ་བ་ཁག་ཅིག་གིས་སྐོར་སྲུང་བས་ར་བ་སྐོར་བ་ལས་བརྒལ་ནས་རྒོལ་མཆོང་གནང་སྟབས་ས་གནས་སྐོར་སྲུང་བས་ལས་འགུལ་བ་མི་གྲངས་དྲུག་ལྷག་ཞིག་འཛིན་བཟུང་བཀག་ཉར་བྱས་ཡོད་པ་རེད།བོད་མི་ལས་འགུལ་བ་གཞན་རྣམས་ཀྱིས་དུས་ཚོད་དུས་ཚོད་ཐུང་ངུ་ཞིག་གི་རིང་ཨོ་རྩལ་ལ་ངོ་རྒོལ་གྱི་སྐད་འབོད་གནང་བ་དང་། དེ་རྗེས་བདེན་ཚིག་སྨོན་ལམ་གསུང་འདོན་གནང་བའི་ཐོག་ནས་ལས་འགུལ་རེ་ཞིག་མཇུག་སྒྲིག་གནང་ཡོད།

དེ་རིང་རྒྱ་ནག་གི་པི་ཅིང་གི་དགུན་དུས་ཀྱི་ཨོ་རྩལ་དངོས་སུ་འགོ་འཛུགས་ཀྱི་ཡོད་པའི་སྔ་རོལ་དུ། ཁ་སང་ཨ་རིའི་གྲོས་ཚོགས་གོང་མའི་དབུས་སུ།  ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་གི་གོ་སྒྲིག་འོག་ཉན་ཞིབ་ཀྱི་ལས་རིམ་ཞིག་ཚོགས་འདུག་པ་དང་། ལས་རིམ་དེའི་ཐོག རྒྱ་ནག་གི་དྲག་སྤྱོད་ཀྱི་འོག་ཏུ་མནར་གཅོད་མྱངས་བའི་བོད་ཀྱི་ཆབ་སྲིད་བཙོན་ཟུར་དམ་པ། སྤྲུལ་སྐུ་བསྟན་འཛིན་བདེ་ལེགས་མཆོག་གི་ཚ་མོ་ཉི་མ་ལྷ་མོ་ལགས་དང་། ཡུ་གུར་ཐོབ་ཐང་རྩོད་ལེན་པ་སྐུ་ཞབས་ Ilham Tohti ལགས་ཀྱིས་བུ་མོ Jewher Tohti ལགས། རྒྱ་རིགས་འགྲོ་བ་མིའི་ཐོབ་ཐང་རྩོད་ལེན་པ་ Ding Jiaxi ལགས་ཀྱི་སྐུ་ཟླ་ Sophie Lao ལགས། དེ་བཞིན་ཧོང་ཀོང་གི་མང་གཙོ་རྩོད་ལེན་པ་ Nathan Law དང་ China Change ཞེས་པའི་རྒྱ་ནག་གི་དུས་དེབ་ཀྱི་རྩོམ་སྒྲིག་པ Yaxue Cao ལགས་བཅས་རྒྱ་ནག་གི་དྲག་སྤྱོད་དངོས་སུ་མྱངས་མྱོང་མཁན་ཁག་གཅིག་ལྷན་བཞུགས་ཐོག་རྒྱ་གཞུང་གི་མི་སྤྱོད་ལས་འདས་པའི་དྲག་སྤྱོད་ཐད་ཚོགས་ཆུང་ལ་སྙན་གསེང་ཞུས་པ་མ་ཟད། ཉན་ཞིབ་ཀྱི་ལས་རིམ་དེའི་ཐོགཨ་རའི་གྲོས་ཚོགས་འོག་མའི་ཚོགས་གཙོ་ལྕམ་སྐུ་Nancy Pelosi མཆོག་དམིགས་བསལ་ཆེད་ཕེབས་ཀྱིས་གཏམ་བཤད་གནང་འདུགལྕམ་ནེན་སི་པོ་ལོ་སི་(Nancy Pelosi)ལགས་ཀྱིས་སྐབས་དེར་གཏམ་བཤད་གནང་བའི་ནང་དུ། རྒྱ་ནག་གིས་འདས་པའི་ལོ་ངོ་བཅུ་ཕྲག་འགའ་ཤས་རིང་ནས་འགྲོ་བ་མིའི་ཐོབ་ཐང་རྡོག་རོལ་གྱི་གནད་དོན་ཁག་རྒྱལ་སྤྱིའི་སྤྱི་ཚོགས་ཁྲོད་གླེང་སློང་བྱེད་རྒྱུར་གཡོལ་ཐབས་བྱེད་བཞིན་པ་ལྟར། ཐེངས་འདིའི་དགུན་དུས་ཀྱི་ཨོ་རྩལ་འགྲན་ཚོགས་བརྒྱུད་སླར་ཡང་ཐབས་ཤེས་དེ་རང་བྱེད་རྒྱུ་ཡིན་པར་བསྒྲགས་པ་མ་ཟད། རྒྱ་ནག་གི་བྱེད་ལས་ལ་ལྟོས་མེད་ཀྱིས། ཨ་རི་གཙོ་བྱས་པའི་རྒྱལ་སྤྱིའི་སྤྱི་ཚོགས་ཀྱིས་གསལ་བོར་ཤེས་བ་ཞིག་ནི། རྒྱ་ནག་གིས་འགྲོ་བ་མིའི་ཐོབ་ཐང་ལ་ཚབས་ཆེན་གྱི་རྡོག་རོལ་གཏོང་བཞིན་པ་མ་ཟད་མི་རིགས་རྩ་གཏོར་གྱི་བྱ་སྤྱོད་སྤེལ་བཞིན་ཡོད་ཅེས་གསུངས་འདུག སྒྲ།། ཁོང་གིས་ད་དུང་པེ་ཅིང་གི་ཨོ་རྩལ་འགྲན་བསྡུར་གྱི་སྐབས་སུ་ཨ་རིའི་རྩེད་འགྲན་པ་རྣམས་ཀྱིས་སྙིང་རྗེ་བྲལ་བའི་རྒྱ་ནག་སྲིད་གཞུང་ལ་གཟབ་གཟབ་གནང་དགོས་བའི་འབོད་སྐུལ་གནང་སྟེ། ཨ་རིའི་ངོས་ནས་རང་ཉིད་ཀྱི་རྩེད་འགྲན་པ་རྣམས་ལ་མཐའ་གཅིག་ཏུ་རྒྱབ་སྐྱོར་ཞུ་མུས་ཡིན་པ་དེ་ལྟར་ཡང་རྒྱ་ནག་ནང་གི་འགྲོ་བ་མིའི་ཐོབ་ཐང་ཐད་ཞལ་ཙུམ་ནས་འདུག་རྒྱུ་མིན་པར་གསུངས་འདུག དེ་བཞིན་ཁོང་གིས་ཡོང་རྒྱུར་བསྡད་པའི་བདུན་ཕྲག་གཉིས་ཀྱི་ནང་དུ། རྒྱ་ནག་གིས་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་གནད་དོན་ཁག་ཡོང་གྲགས་བྱ་རྒྱུར་ཨ་རིའི་གཞུང་ལ་བཟང་སྤྱོད་ཀྱི་འགན་འཁྲི་ཡོད་པར་བསྒྲགས་པ་དང་ཆབས་གཅིག ཐེངས་འདིའི་སྐྱོན་བརྗོད་དེ་ནི་རྒྱ་ནག་མི་མང་ལ་དམིགས་པ་ཞིག་མིན་པར། རྒྱ་ནག་མི་མང་སྤྱིི་མཐུན་རྒྱལ་ཁབ་ཀྱི་དྲག་གནོན་བྱེད་མཁན་གྱི་སྲིད་གཞུང་ལ་དམིགས་པ་ཞིག་ཡིན་པར་འགྲེལ་བརྗོད་ཀྱིས། རྒྱ་ནག་སྲིད་གཞུང་གིས་ཐེ་ཝན་ལ་བརྙན་བཅོས། ཧོང་ཀོང་ནང་གི་གཞི་རྩའི་རང་དབང་ལ་དྲག་གནོན། དེ་བཞིན་ལོ་བཅུ་ཕྲག་ཁ་ཤས་ཀྱི་རིང་ལ་བོད་ཀྱི་ཆོས་དང་རིག་གཞུང་། དེ་བཞིན་སྐད་ཡིག་སོགས་ལ་རྒོལ་རྡུང་བཏང་ཡོད་པར་གསུངས་འདུག ཉན་ཞིབ་ཀྱི་ལས་རིམ་དེའི་ཐོག་ཨ་རིའི་འཛིན་སྐྱོང་དང་གྲོས་ཚོགས་ཀྱི་རྒྱ་ནག་ཐོག་གི་ཚོགས་ཆུང་གི་ཚོགས་གཙོ་སྐུ་ཞབས་Jim McGovern ལགས་ཀྱིས་རྒྱ་ནག་གིས་ཡུ་གུར་ཁ་ཆེ་མི་རིགས་རྣམས་རྩ་གཏོར་གྱི་སྲིད་བྱུས་ལག་བསྟར་བྱེད་བཞིན་པ་བསྐྱར་ནན་དང་འབྲེལ། རྒྱ་ནག་གིས་རྩེད་འགྲན་པ་རྣམས་ཀྱིས་སྤྱོད་དགོས་བར་བཟོས་བའི་མཉེན་ཆས་དེས་མི་སྒེར་གྱི་གནས་ཚུལ་རྐུ་འཁྱེར་བྱེད་རྒྱུ་དང་། རྩེད་འགྲན་པ་རྣམས་ལ་སྤྲད་པའི་གྱོན་པ་དང་ཟ་མ་རྣམས་ཀྱང་རྒྱ་ནག་གི་ངལ་རྩོལ་སྒྱུར་བཀོལ་བྱས་ནས་ཐོན་སྐྱེད་བྱས་པ་ཞིག་ཡིན་པར་བསྒྲགས་ཏེ། ཨོ་རྩལ་འགྲན་ཚོགས་ལ་འཛུལ་ཞུགས་བྱེད་མཁན་རྣམས་ཀྱིས་རང་གི་ཉེན་ཁ་ལ་གཟབ་ནན་བྱེད་དགོས་པའི་སྐུལ་མ་གནང་བ་མ་ཟད། རྒྱ་ནག་གི་ཨོ་རྩལ་ལ་སྦྱིན་བདག་བྱེད་མཁན་རྣམས་ཀྱིས་དཔལ་འབྱོར་གྱི་ཁེ་ཕན་ལ་བརྟེན་ནས་འགྲོ་བ་མིའི་ཐོབ་ཐང་རྡོག་རོལ་གཏོང་མཁན་གྱི་རྒྱ་གཞུང་དང་ལྷན་དུ་ཚོང་འབྲེལ་བྱེད་ཀྱི་ཡོད་པ་དེ་ནི་ནོར་འཁྲུལ་ཡིན་པར་གསུངས་འདུགཉན་ཞིབ་ཀྱི་ལས་རིམ་དེིའི་ཐོག་ཉི་མ་ལྷ་མོ་ལགས་ཀྱིས་རྒྱ་ནག་གི་བཀག་ཉར་འོག་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་སྐུ་བཀྲོང་བའི་གནས་ཚུལ་དང་། ད་ལྟའང་ཁོང་གི་ཨ་མ་གཙོས་པའི་ནང་མི་རྣམས་ལ་དམ་དྲག་སུནགཙེར་བྱེད་བཞིན་པ་སྙན་གསེང་དང་འབྲེལ། འཕྲོད་བསྟེན་གྱི་གནས་བབ་འོག་ནས་ཁོང་གི་ཨ་མ་རང་དབང་ལུང་པའི་ནང་བསླེབ་ཐུབ་པར་ཕྱག་རོགས་དགོས་པའི་འབོད་སྐུལ་གནང་བ་མ་ཟད། པཎ་ཆེན་རིན་པོ་ཆེ་མཆོག་གི་དབུས་པའི་བོད་ཀྱི་ཆབ་སྲིད་བཙོན་པ་ཁག་ཅིག་གི་གནད་དོན་འབུར་འདོན་གྱིས་ཁོང་རྣམ་པར་གློད་གྲོལ་གནང་ཐབས་དགོས་པའི་ཞུ་སྐུལ་གནང་འདུག

རྒྱ་གར་གྱི་རྒྱལ་ས་ལྡི་ལིར་འཚོགས་བཞིན་པའི་དགུན་དུས་ཀྱི་སྔོན་རྩིས་གྲོས་ཚོགས་ཀྱི་ལས་རིམ་ཐོག་ཁ་སང་བི་ཧཱར་མངའ་སྡེ་ནས་ཡིན་པའི་གྲོས་ཚོགས་གོང་མའི་འཐུས་མི་སྐུ་ཞབས་ Shri Amarendra Dhari Singh ལགས་ཀྱིས་རྒྱ་གར་གྱི་སྲིད་འཛིན་གྱི་གསུང་བཤད་ལ་ཐུགས་རྗེ་ཆེ་ཞུའི་གཏམ་བཤད་ཀྱི་ལས་རིམ་དང་འབྲེལ་ཏེ། རྒྱ་གར་གཞུང་གི་ངོས་ནས་བོད་ལྟ་བུ་རང་ཉིད་ཀྱི་ཁྱིམ་མཚེས་རྒྱལ་ཁབ་རྣམས་གཙིགས་ཆེར་བརྩིས་ནས་བོད་དོན་རྒྱབ་སྐྱོར་གནང་ཤུགས་ཆེ་རུ་གཏོང་དགོས་པའི་གྲོས་འགོ་བརྩམས་འདུགཁོང་གི་གསུངས་བཤད་ཀྱི་ནང་དུ།  བོད་མི་རྣམས་ཀྱིས་རྒྱ་ནག་གི་དབང་སྒྱུར་གྱི་བདག་དབང་དང་མིང་ཙམ་གྱི་དབང་སྒྱུར་ལ་ཁས་ལེན་བྱས་མེད་པ་ཡིག་ཚགས་སུ་གསལ་བར་གསུངས་བ་དང་འབྲེལ། རྒྱ་གར་གྱིས་རང་གི་གྲོགས་པོ་དང་མཉམ་དུ་ལངས་དགོས་པའི་སྐོར་ནས་བསླབ་བྱ་ལེན་དགོས་པ་དང་། གལ་ཏེ་དེ་ལྟར་མ་གནང་བ་ཡིན་ན། ང་ཚོས་རྒྱ་གར་དང་མཛའ་འབྲེལ་ཡོད་པའི་བོད་མི་རྣམས་ས་ལ་བརྡབ་པའི་དེ་སྔའི་ལོ་རྒྱུས་ཀྱི་ནོར་འཁྲུལ་དེ་སླར་ཡང་བསྐྱར་ཟློས་བྱེད་ངེས་བར་གསུངས་འདུག ཁོང་གིས་ད་དུང། ད་ལྟའི་གཞུང་འཛིན་གྱིས་དགའ་མོས་ཆེས་ཆེར་བྱེད་སའི་རྒྱ་གར་གྱི་སྲིད་བློན་ཟུར་བ་ནེཧ་རུར་མཚོན་ཡང་། ཁོང་གིས་ཕྱི་ལོ་ ༡༩༤༩ ལོར། བོད་མི་རྣམས་ལ་མཉམ་འབྲེལ་རྒྱལ་ཚོགས་སུ་འབྲེལ་གཏུགས་བྱེད་དགོས་པའི་ལམ་སྟོན་གནང་ཡོད་ལ། ཐ་ན་རྒྱ་གར་གྱི་ན་གཞོན་དམག་སྤྱི་ Zorawar Bakshi  ལགས་བོད་དུ་ཆེད་མངགས་ཆེད་གཏོང་གིས་འཐབ་བྱུས་ལྡན་པའི་དམག་དོན་གྱི་ལས་གཞི་སྒྲིག་དགོས་བར་སྐུལ་ཡོད་པ་ལུང་འདྲེན་གྱིས། སྐབས་དེའི་ལས་དོན་རྣམས་འཆར་གཞི་སྒྲིག་པ་ལྟར་ལེགས་འགྲུབ་མ་བྱུང་བར་ལོ་རྒྱུས་ཁྲོད་ལྷག་ཡོད་པར་འགྲེལ་བརྗོད་གནང་འདུགཁོང་གིས་ད་དུང་གང་ལྟར་ད་ཆ་བོད་རྒྱལ་ཁབ་དེ་འཛམ་གླིང་ཕྱོགས་གཏོགས་མང་པོར་འགྱུར་བཞིན་པའི་དུས་སྐབས་སུ་རྒྱ་གར་གྱི་བྱེད་བབ་འདྲ་མིན་གྱི་རྐྱེན་པས་བོད་ལ་ཡུན་རིང་གི་དཀའ་ངལ་མང་པོར་འཕྲད་བཞིན་པ་ཞིག་ཡིན་སྟབས། རྒྱ་གར་གྱིས་རང་གི་ཁེ་ཕན་སྲུང་སྐྱོབ་དང་སྦྲགས་ཁྱིམ་མཚེས་རྒྱལ་ཁབ་དང་དེ་ལས་བརྒལ་བའི་རྒྱལ་ཁབ་གཞན་རྣམས་དང་ལྷན་དུ་མཐུན་སྒྲིག་བྱེད་དགོས་ཀྱི་ཡོད་པའི་ཞུ་སྐུལ་གནང་འདུག གཞི་རྩའི་འདི་ལོའི་རྒྱ་གར་གྱི་དགུན་དུས་ཀྱི་གྲོས་ཚོགས་ཚོགས་འདུ་དེ་ཟླ་བ་སྔོན་མའི་ཚེས་ ༣༡ ཉིན་ནས་འགོ་འཛུགས་ཀྱིས་ཟླ་བ་འདིའི་ཚེས་ ༨ གྱི་བར་དུ་འཚོགས་བཞིན་ཡོད་པ་དང་། ཐེངས་འདིར་གྲོས་ཚོགས་ཀྱི་ཁྲོད་དུ་བོད་དོན་རྒྱབ་སྐྱོར་གྱི་གསུངས་བཤད་གནང་མཁན་གྱི་གྲོས་ཚོགས་འཐུས་མི་སྐུ་ཞབས་ Shri Amarendra Dhari Singh ལགས་ནི་ Rashtriya Janata Dal་ཞེས་པའི་རྒྱ་གར་་གྱི་ཆབ་སྲིད་ཚོགས་པའི་འཐུས་ཚབ་ཀྱི་ངོས་ནས་རྒྱ་གར་ཤར་ཕྱོགས་ཀྱི་མངའ་སྡེ་བི་ཧཱར་ནས་ཕེབས་བའི་གྲོས་ཚོགས་གོང་མིའི་འཐུས་མི་ཞིག་ཆགས་ཀྱི་ཡོད་པ་རེད།

ཉན་པ།: Listen ཕབ་ལེན། Download དོན་གྲུབ་དབང་ཆེན་ལགས་ནོ་སྦེལ་ཞི་བདེའི་གཟེངས་རྟགས་ཀྱི་འོས་དམིགས་ལ་མིང་འདོན། པར་རིས་འགྲེམས་སྟོན་བརྒྱུད་སང་ཉིན་གྱི་ཨོ་རྩལ་འགོ་འཛུགས་ལ་ངོ་རྒོལ། པེ་ཅིང་ཨོ་རྩལ་འགྲན་ཚོགས་ཀྱི་སྐུ་མགྲོན་མང་ཆེ་བ་མང་གཙོ་རྒྱབ་འགལ་གྱི་འགོ་ཁྲིད་ཡིན་པ་མངོན་གསལ། ཁྲིམས་སྒྲིག་གསར་པའི་རྐྱེན་གྱིས་ཆོས་ཕྱོགས་ཀྱི་གནས་ཚུལ་སྤེལ་ཡུལ་སྐད་འཕྲིན་ཚོགས་ཁག་སྒོ་བརྒྱབ་པ། གྷལ་ཝན་གྱི་དམག་དཔོན་ཨོ་རྩལ་གྱི་དཔལ་འབར་འཁྱེར་མཁན་ལ་བདམས་པར་སྐྱོན་བརྗོད། འཕྲོད་བསྟེན་ཤེས་བྱ་ངོ་སྤྲོད། དགུན་དུས་ཟས་སྤྱོད་བསྟེན་སྟངས་སྐོར། Thursday 03/02/2022 Prominent Norwegian biologist nominates Dhundup Wangchen for 2022 Nobel Peace prize One day countdown to genocide Olympics: Photo action in Dharamsala Xi’s Olympics guest list is mostly leaders of non-democracies Further restrictions on Buddhism on the internet, Tibetan religious chat groups ordered shut down China slammed for choosing Galwan soldier as Olympic torchbearer

ནོར་ཝེའི་ལྗང་ཁུ་ཚོགས་པའི་རྒྱལ་ཡོངས་མགྲིན་ཚབ་པ་ཟུར་པ་དང་སྐྱེས་དངོས་ཚན་རིག་པ་སྐུ་ཞབས་ Rasmus Hansson ལགས་ཀྱིས་ཨ་རིའི་ California  ནང་བཅའ་བཞུགས་བོད་ཀྱི་ཆབ་སྲིད་བཙོན་ཟུར་སྐུ་ཞབས་དོན་གྲུབ་དབང་ཆེན་ལགས་ཕྱི་ལོ་ ༢༠༢༢ ལོའི་ནོ་སྦེལ་ཞི་བདེའི་གཟེངས་རྟགས་ཀྱི་འོས་དམིགས་ཁོངས་སུ་མཚན་འདོན་གནང་འདུག ཕྱི་ལོ་ ༢༠༠༨ ལོའི་པེ་ཅིང་ཨོ་ལམ་པིག་རྩེད་འགྲན་གོང་ཙམ་ལ་འཇིགས་བྲལ་ཞེས་པའི་གློག་བརྙན་བཟོ་སྐྲུན་གནང་བའི་རྐྱེན་གྱིས་ལོ་དྲུག་རིང་བཙོན་འཇུག་ཉེས་ཆད་བཏང་བའི་བོད་ཀྱི་ཆབ་སྲིད་བཙོན་ཟུར་དོན་གྲུབ་དབང་ལགས་ཀྱིས་འདས་པའི་ཟླ་ཤས་ནང་རྒྱལ་སྤྱིའི་ས་གནས་གང་སར་སྐོར་སྐྱོད་ཀྱིས་པེ་ཅིང་གི་དགུན་དུས་ཨོ་ལམ་པིག་རྩེད་འགྲན་ལ་ངོ་རྒོལ་དང་རྒྱལ་ཁབ་ཁག་གི་གཞུང་སོ་སོར་བོད་དོན་དང་འབྲེལ་བའི་ཞུ་གཏུག་ལས་འགུལ་སྤེལ་བཞིན་པ་ལྟར། ཁོང་ཉེ་ལམ་ནོར་ཝེའི་རྒྱལ་ས་ Oslo ལ་ཕེབས་སྐབས་སྐུ་ཞབས་ Hansson ལགས་ཀྱིས་དབུས་པའི་ས་གནས་ཀྱི་གཞུང་དང་གཞུང་འབྲེལ་མ་ཡིན་པའི་ཚོགས་སྡེ་ཁག་གི་གནད་ཡོད་མི་སྣ་མང་དག་ཅིག་དང་མཇལ་འཕྲད་གནང་ཡོད་པ་རེད།སྐུ་ཞབས་ Hansson ལགས་ཀྱིས་དེ་རིང་ས་གནས་ཀྱི་བརྒྱུད་ལམ་ཁག་ཅིག་ལ་ཁོང་གིས་ད་རེས་དོན་གྲུབ་དབང་ཆེན་ལགས་ནོ་སྦེལ་ཞི་བདེའི་གཟེངས་རྟགས་ཀྱི་འོས་དམིགས་སུ་མཚན་འདོན་གནང་དོན་གང་ཡིན་སྐོར་ལ་འགྲེལ་བརྗོད་གནང་སྐབས་དོན་གྲུབ་དབང་ཆེན་ལགས་ནི་བོད་མིའི་འགྲོ་བ་མིའི་ཐོབ་ཐང་གི་གདུང་འབོད་མཚོན་པའི་དྲན་ཤིང་ལྟ་བུ་ཞིག་ཡིན་པར་གསུངས་འདུགནོར་ཝེ་བོད་དོན་རྒྱབ་སྐྱོར་ཚོགས་པའི་ངོས་ནས་ངོ་དེབ་ཐོག་གསར་འགོད་གསལ་བསྒྲགས་ཤིག་འདོན་སྤེལ་གནང་བར་ད་རེས་སྐུ་ཞབས་ Hansson ལགས་ཀྱིས་དོན་གྲུབ་དབང་ཆེན་ལགས་སུ་དེ་ལྟ་བུའི་ཆེ་བསྟོད་ཞུས་པར་བཀྲིན་ཆེ་ཞེས་ཞུས་པ་མ་ཟད། དེ་ནི་བོད་མིའི་འཚེ་མེད་ཞི་བའི་འཐབ་རྩོད་ལ་ངོས་འཛིན་ཐོབ་པ་ཞིག་ཏུ་འགྲེལ་བརྗོད་གནང་བ་དང་ཆབས་ཅིག བོད་ནང་གི་བོད་མི་རྣམས་རྒྱ་ནག་གི་བཙན་དབང་འོག་དཀའ་སྡུག་མི་སྤྱོད་ལས་འདས་པ་མྱོང་བཞིན་ཡོད་ཀྱང་རྒྱལ་སྤྱིའི་ཚོགས་སྡེ་ཁག་གི་ངོས་ནས་ད་དུང་ཁུ་སིམ་པོར་བཞུགས་བཞིན་པར་ཐུགས་ཕམ་ཡོད་ཅེས་གསུངས་འདུགདོན་གྲུབ་དབང་ཆེན་ལགས་ཀྱིས་ཁོང་ལ་དེ་ལྟར་ཆེ་བསྟོད་གནང་བའི་སྐོར་གང་ཡང་ཤེས་རྟོགས་བྱུང་མེད་ཀྱང་། གནས་ཚུལ་དེ་འདྲ་ཞིག་ཡོད་ན་དེ་ནི་རྒྱལ་སྤྱིའི་ཁྲོད་བོད་མི་རྣམས་ཀྱི་བདེན་དོན་ལ་ཆ་འཇོག་དང་ངོས་འཛིན་གནང་བ་ཞིག་ཡིན་སྐོར་གསུངས་ཡོད།གཞི་རྩའི་ལོ་ལྟར་ཕུལ་སྲོལ་ཡོད་པའི་ནོ་སྦེལ་གཟེངས་རྟགས་ཁོངས་སུ་ཞི་བདེ་ཙམ་མ་ཡིན་པར་སྨན་དང་རིག་གནས། རྫས་འབྱོར་རིག་པ། དཔལ་འབྱོར་ཚན་རིགས་སོགས་སྡེ་ཚན་འདྲ་མིན་ཁག་ཅིག་ཡོད་པའི་ཁོངས་ནས་ཞི་བདེའི་གཟེངས་རྟགས་དེ་ནོར་ཝེའི་རྒྱལ་ས་ཨོས་ལོར་གནང་སྲོལ་ཡོད་པ་ལས། དེ་མིན་གཞན་ཚང་མ་ Sweden གྱི་རྒྱལ་ས་ Stockholm ནང་གནང་གི་ཡོད་པ་རེད། ནོ་སྦེལ་ཞི་བདེའི་གཟེངས་རྟགས་ཞེས་པ་དེ་ནི། ནོར་ཝེའི་གྲོས་ཚོགས་ཀྱིས་བསྐོ་བཞག་གནང་བའི་མི་སྣ་ལྔ་ལས་གྲུབ་པའི་ནོར་ཝེ་ཁུལ་གྱི་ནོ་སྦེལ་ཚོགས་ཆུང་གིས་འདེམས་སྒྲུག་གནང་གི་ཡོད་པ་རེད། ཞི་བདེའི་གཟེངས་རྟགས་དེའི་ཆེད་དེ་སྔ་གཟེངས་རྟགས་དེ་བཞེས་མྱོང་མཁན་དང་འདེམས་སྒྲུག་ཚོགས་ཆུང་གི་ཚོགས་མི་ལས་ཟུར། ནོ་སྦེལ་ལྟེ་གནས་ཁང་གི་སློབ་སྟོན་པ། གཙུག་ལག་སློབ་གཉེར་ཁང་གི་རིགས་བདག  ཞི་བདེའི་ལྟེ་གནས་ཁང་ཁག་གི་འགོ་འཛིན་སོགས་ཆ་རྐྱེན་ཚང་བའི་མི་སྣ་ཁག་གིས་འབྲེལ་ཡོད་ཚོགས་ཆུང་ལ་སྒེར་སོ་སོའི་འོས་དམིགས་མཚན་ཐོ་གནང་ཆོག་གི་ཡོད་པ་དང་། ནོ་སྦེལ་ཚོགས་ཆུང་གིས་མིང་གཞུང་དེ་དག་ལ་དཔྱད་པ་རིམ་ཁག་གནང་སྟེ་མཐར་མང་མོས་ཐོག་ནས་བདམས་ཐོན་གྱིས་ལོ་ལྟར་ཕྱི་ཟླ་ ༡༠ པའི་ནང་གསལ་བསྒྲགས་དང་། ཕྱི་ཟླ་ ༡༢ ནང་གཟེངས་རྟགས་དངོས་སུ་འབུལ་བཞེས་གནང་གི་ཡོད་པ་རེད། སྔར་ལོ་ཐོག་མའི་མཚན་གཞུང་ནང་ནོ་སྦེལ་ཞི་བདེའི་གཟེངས་རྟགས་ཆེད་འཛམ་གླིང་གི་ས་ཕྱོགས་གང་ས་ནས་ཚོགས་སྒེར་འདྲ་མིན་ཁྱོན་ ༣༠༠ ལྷག་བྱུང་འདུགད་རེས་བོད་ཀྱི་ཆབ་སྲིད་བཙོན་ཟུར་དོན་གྲུབ་དབང་ཆེན་ལགས་འོས་དམིགས་སུ་མཚན་འདོན་གནང་མཁན་སྐུ་ཞབས་ Hansson ལགས་ཀྱིས་ཉེ་ཆར་དོན་གྲུབ་དབང་ཆེན་ལགས་དང་ཐུག་འཕྲད་གནང་སྐབས། ཁོང་གིས་རང་ཉིད་ཀྱི་སྐུ་ཚེ་ཧྲིལ་པོའི་རིང་བོད་ཀྱི་གནད་དོན་ལ་དོ་སྣང་ཆེན་པོ་གནང་ཡོད་པ་དང་ཁོང་གིས་བོད་སྐོར་ལ་ཤེས་རྟོགས་དང་བོད་མི་ཐོག་མར་ཐུག་འཕྲད་ཀྱི་དྲན་ཤེས་ནང་དེ་སྔ་ཕྱི་ལོ་ ༡༩༦༠ ནང་ནོར་ཝེ་ཁུལ་དུ་བོད་པའི་སློབ་ཕྲུག་ ༥༠ ཙམ་གཞིས་སྤོས་གནང་སྐབས་ཨོས་ལོའི་གྲོང་སྡེའི་ཚོགས་ཁང་ནང་ཁོང་རྣམ་པར་སྣེ་ལེན་ཞུས་པ་དེ་གསལ་པོར་ཐུགས་དྲན་གསོས་ཀྱི་ཡོད་པར་གསུངས་འདུག