ཟླ་བ་འདིའི་ཕྱི་ཚེས་ ༡༨ ནས་ ༢༢ བར་ཉིན་གྲངས་ལྔའི་རིང་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ངོས་ནས་བོད་མིའི་སློབ་གྲྭ་ཁག་གི་མདུན་ལམ་སློབ་སྟོན་པ་ ༢༢ ལ་ལང་ཚོ་དར་བབ་པའི་རྒྱུད་ལ་གོམས་གཤིས་བཟང་པོ་དང་། སྒྱུ་རྩལ་གོང་སྤེལ་གཏོང་ཐབས་ཀྱི་ཟབ་སྦྱོང་གནང་ཡོད་པ་རེད།
འདི་ག་རླུང་འཕྲིན་ཁང་ནས་ཟབ་སྦྱོང་དེར་མཉམ་ཞུགས་གནང་མཁན་རྡ་སྟེང་བོད་ཁྱིམ་སློབ་གྲྭའི་མདུན་ལམ་སློབ་སྟོན་པ་སྐལ་བཟང་ཚེ་དབང་ལགས་དང་། མོན་གྷོ་སཾ་བྷོ་ཊ་སློབ་གྲྭའི་མདུན་ལམ་སློབ་སྟོན་པ་རྣམ་རྒྱལ་སྒྲོལ་མ་ལགས་གཉིས་དང་ལྷན་དུ་མདུན་ལམ་སློབ་སྟོན་གྱི་གནང་སྒོ་གཙོས་ཐེངས་འདིའི་ཟབ་སྦྱོང་དང་འབྲེལ་ནས་ཆེད་སྒྲིག་ཞུས་པའི་ལེ་ཚན་ཞིག་རྒྱང་སྲིང་ཞུས་ཡོད།
