༸གོང་ས་མཆོག་གིས་སྐུ་ཞབས་ Justin Trudeau ལགས་ཁེ་ན་ཌའི་སྲིད་བློན་དུ་འདེམས་ཐོན་བྱུང་བར་འཚམས་འདྲི་གནང་འདུག

ཉེ་ཆར་ནིའུ་ཛ་ལན་ཌིའི་སྲིད་བློན་ལྕམ་སྐུ་ Jacinda Ardern མཆོག་གིས་སྲིད་བློན་ལས་གནས་ནས་དགོངས་ཞུ་གནང་རྗེས་དེ་རིང་ཁོང་གི་ཚབ་ཏུ་ཡུལ་དེའི་ངལ་རྩོལ་ཚོགས་པའི་འཐུས་མི་སྐུ་ཞབས་ Chris Hipkins མཆོག་གིས་སྲིད་བློན་གསར་པའི་དམ་འབུལ་གནང་བར་བརྟེན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ནིའུ་ཛ་ལན་ཌིའི་སྲིད་བློན་གསར་རྙིང་སོ་སོར་དགའ་བསུ་དང་ལེགས་གསོའི་འཚམས་འཕྲིན་མཛད་འདུགསྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ནིའུ་ཛ་ལན་ཌིའི་སྲིད་བློན་གསར་རྙིང་གཉིས་པོ་སོ་སོའི་མཚན་ཐོག་ཏུ་གསུང་འཕྲིན་སྩལ་བའི་ནང་། མགོན་པོ་༸གང་ཉིད་མཆོག་གིས་སྲིད་བློན་གསར་པ་སྐུ་ཞབས་ Chris Hipkins མཆོག་ལ་དགའ་བསུའི་འཚམས་འདྲི་མཛད་པ་དང་སྦྲགས་ཏེ་དེ་སྔ་ནིའུ་ཛ་ལན་ཌིར་ཐེངས་འགར་ཆིབས་བསྒྱུར་མཛད་སྐབས་སུ་ཡུལ་དེའི་མང་ཚོགས་ཀྱིས་མགོན་པོ་མཆོག་གིས་ཆོས་ལུགས་མཐུན་སྒྲིལ་དང་འགྲོ་བ་མི་གཅིག་གྱུར་གྱི་བསམ་བློ་གོང་འཕེལ་གྱི་ཐུགས་བསྐྱེད་ལ་ཐུགས་སྣང་དང་དགའ་མོས་གནང་ཕྱོགས་བཅས་ཀྱི་རྣམ་པ་གཟིགས་དུས་ཐུགས་དགྱེས་ཚོར་ཆེན་པོ་བྱུང་སྐོར་བཀའ་སྩལ་འདུག དེ་བཞིན་མགོན་པོ་མཆོག་གིས་དེང་སྐབས་ངལ་བ་ཆེས་ཆེར་འཕྲད་པའི་སྐབས་འདིར་སྲིད་བློན་གསར་པ་མཆོག་གིས་ངལ་བ་ཁག་ལ་གདོང་ལེན་དང་ནིའུ་ཛ་ལན་ཌིའི་མང་ཚོགས་ཀྱི་རེ་འདུན་ཁག་ལེགས་གྲུབ་ཐུབ་ཕྱིར་སླད་ཀྱི་ཕྱག་ལས་ཡོངས་རྫོགས་ལམ་ལྷོངས་ཡོང་བར་ཐུགས་སྨོན་མཛད་བཞིན་ཡོད་ཅེས་བཀའ་སྩལ་མཛད་འདུག སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་སྲིད་བློན་གྱི་ལས་གནས་ནས་འཁྱུར་བཞིན་པའི་ལྕམ་སྐུ་ Jacinda Ardern མཆོག་ལ་ལེགས་གསོའི་འཚམས་འཕྲིན་སྩལ་བར་ལྕམ་སྐུ་མཆོག་གིས་དཀའ་ཚེགས་ཆེ་བའི་དུས་སྐབས་སུ་སྙིང་སྟོབས་ཆེན་པོས་དབུ་ཁྲིད་ཀྱི་རྣམ་དཔྱོད་ཆེད་བཏོན་གྱིས་ཕྱག་ལས་གནང་བ་དང་ལྷག་པར་དུ་ཕྱི་ལོ་ ༢༠༡༩ ལོའི་ཁ་ཆེའི་ལྷ་ཁང་དུ་མེ་མདའ་བརྒྱབ་པའི་དོན་རྐྱེན་ཁྲོད་ལྕམ་སྐུ་ཁོང་གིས་བྱམས་རྩེའི་ཐོག་ནས་ངལ་བ་སེལ་ཐབས་གནང་བར་ཡི་རང་བསྔགས་བརྗོད་མཛད་པ་དང་ཆབས་ཅིག་སྐབས་དེར་ཁོང་གིས་བཀའ་མོལ་བ་གནང་བ་ཞིག་ལུང་འདྲེན་གྱིས་དེ་ནི་ཆེས་དངོས་ཡོད་གནས་ལུགས་དང་མཐུན་པའི་ཡང་དག་པའི་བཀའ་མོལ་ཞིག་རེད་ཅེས་དང་། ང་ཚོ་ཚང་མ་བདེ་བ་འདོད་པ་དང་སྡུག་བསྔལ་མི་འདོད་པ། གཞན་ལ་བརྟེན་དགོས་པ་ཤ་སྟག་ཆགས་ཡོད་སྟབས་ཡོངས་སྒྲིལ་ཤེས་ཡོན་ཐོག་ནས་དགོངས་བཞེས་གནང་གལ་ཡིན་པར་ལམ་སྟོན་བཀའ་དྲིན་ཆེ་བ་སྩལ་འདུག་པ་མ་ཟད། སླད་མར་ལྕམ་སྐུ་ཁོང་གིས་ནིའུ་ཛ་ལན་ཌིའི་མང་ཚོགས་ཀྱི་བདེ་དོན་ཆེད་ཕྱག་ལས་གནང་བའི་ཐུགས་རེ་ཡོད་ཅེས་བཀའ་སྩལ་མཛད་འདུག དེ་བཞིན་སྲིད་སྐྱོང་སྤེན་པ་ཚེ་རིང་མཆོག་གིས་ནིའུ་ཛ་ལན་ཌིའི་སྲིད་བློན་གསར་པ་སྐུ་ཞབས་ Chris Hipkins མཆོག་ལ་ཡུལ་དེའི་སྲིད་བློན་ཐེངས་ ༤༡ པ་བསྐོ་གཞག་བྱུང་བར་དགའ་བསུའི་མཚམས་འདྲི་ཞུས་པ་དང་སྦྲགས།...

ཁ་སང་ཕྱི་ཟླ་ ༡༠ ཚེས་ ༢༤ ཉིན་དབྱིན་ཡུལ་གྱི་ Conservative Party འམ་རྙིང་ཞེན་ཚོགས་པའི་འགོ་ཁྲིད་དང་དཔལ་འབྱོར་བློན་ཆེན་ཟུར་པ་སྐུ་ཞབས་ Rishi Sunak ལགས་ལ་སྲིད་བློན་གྱི་རྒྱལ་ཁ་ཐོབ་ཡོད་སྟབས། དེ་རིང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྐུ་ཞབས་རི་ཤི་ལགས་ལ་དགའ་བསུའི་འཚམས་འདྲི་མཛད་འདུགའཚམས་འཕྲིན་དེའི་ནང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འདས་པའི་ལོ་ངོ་བཅུ་ཕྲག་མང་པོའི་རིང་མགོན་པོ་༸གང་ཉིད་མཆོག་དབྱིན་ཡུལ་ནང་ཆིབས་སྒྱུར་མཛད་སྐབས་དབྱིན་ཇིའི་མང་ཚོགས་ཀྱིས་མཛའ་བརྩེ་དང་མཛའ་འབྲེལ་གྱི་འདུ་ཤེས་བསྟན་གནང་བར་ཐུགས་འགུལ་ཐེབས་ཡོད་པར་བཀའ་སྩལ་འདུག་པ་དང་། དེ་བཞིན་མགོན་པོ་མཆོག་གིས་གོ་ལའི་ཁྱོན་ལ་འགྲོ་བ་མི་ལ་གཅིག་མཚུངས་ཀྱི་བདེ་སྐྱིད་བསྐྲུན་ཐབས་དང་ཆོས་ལུགས་ཕན་ཚུན་དབར་མཐུན་འབྲེལ་གོང་མཐོར་གཏོང་རྒྱུའི་དགོངས་གཞིར་ཐུགས་སྣང་ཆེན་པོས་རྒྱབ་སྐྱོར་དང་ཐུགས་འགུལ་ཐེབས་པའི་རྣམ་པ་བསྟན་པ་བྱུང་ཡོད་སྐོར་བཀའ་སྩལ་འདུགདེ་མཚུངས་སུ་༸གོང་ས་མཆོག་གིས་གོ་སྐབས་དེའི་བརྒྱུད་དབྱིན་ཇིའི་མཆེད་གྲོགས་ཕོ་མོ་ཚོས་བོད་མིའི་མཚན་མཐོང་དང་རང་དབང་གི་མངོན་འདོད་ལ་ཐུགས་སྣང་ཆེན་པོས་རྒྱབ་སྐྱོར་གནང་བར་ཡི་རང་དང་ཐུགས་རྗེ་ཆེ་ཞེས་བཀའ་སྩལ་མཛད་འདུག༸གོང་ས་མཆོག་གིས་སྲིད་བློན་སྐུ་ཞབས་ Rishi Sunak ལགས་ལ་དེ་འབྲེལ་འཚམས་འཕྲིན་སྩལ་མ་ཐག་ཏུ་དེང་གི་དུས་སྐབས་འདི་ནི་དབྱིན་ཡུལ་སྤྱི་དང་སྒོས་གོ་ལ་ཡོངས་ཀྱིས་ངལ་བར་གདོང་ལེན་གནང་དགོས་པའི་གཉན་འཕྲང་ཅན་གྱི་དུས་སྐབས་ཤིག་ཆགས་ཡོད་པ་དང་། ལྷག་པར་དུ་འཛམ་གླིང་གི་ཆ་ཤས་གཅིག་ལ་གནད་དོན་གང་ཞིག་བྱུང་བ་དེས་ང་ཚོ་ཚང་མར་ཤུགས་རྐྱེན་སྤྲོད་ཀྱི་ཡོད། དེས་ན་སྐུ་ཉིད་མཆོག་གིས་སྲིད་བློན་གྱི་ཐུགས་འགན་བཞེས་རིང་ལ་དབྱིན་ཡུལ་མང་ཚོགས་དང་འབྲེལ་བའི་གདོང་ལེན་གནང་སྒོ་སྤྱི་དང་ལྷག་པར་འཛམ་གླིང་སྤྱིར་སྨན་པའི་ཞི་བདེ་རྒྱ་ཆེ་བསྐྲུན་ཐུབ་རྒྱུ་བཅས་ལ་ཐུགས་སྨོན་མཛད་འདུགདེ་བཞིན་རྒྱ་གར་གྱི་སྲིད་བློན་མོ་དི་མཆོག་གིས་ཀྱང་སྐུ་ཞབས་རི་ཤི་ལགས་དབྱིན་ཡུལ་གྱི་སྲིད་བློན་དུ་རྒྱལ་ཁ་ཐོབ་པར་འཚམས་འདྲི་གནང་བ་དང་འབྲེལ། ཁོང་ནི་རྒྱ་གར་མི་རྒྱུད་ཡིན་པ་གང་ཞིག་ལ་ཨེ་ཤ་ཡའི་མི་རིགས་ཁྲོད་ནས་དབྱིན་ཡུལ་གྱི་སྲིད་བློན་ཆེས་ཐོག་མ་དེ་ཆགས་ཡོད་སྐོར་གསུངས་པ་དང་ཆབས་ཅིག་སྲིད་བློན་མཆོག་གིས་གོ་ལ་སྤྱིའི་གནད་དོན་དང་ཕྱི་ལོ་ ༢༠༣༠ ལོའི་གཞུང་ལམ་ས་བཀྲ་བཅས་ཀྱི་ཐད་ལ་བློ་ཐག་ཉེ་པོའི་ཐོག་ནས་མཉམ་སྦྲེལ་གནང་རྒྱུར་མངོན་འདོད་ཡོད་པར་གསུངས་པ་དང་སྦྲགས། རྒྱ་གར་གྱི་སྒྲོན་མེའི་དུས་སྟོན་ལ་འཚམས་འདྲི་གནང་འདུག དེ་བཞིན་ཁོང་གིས་རྒྱ་གར་དང་དབྱིན་ཇིའི་དབར་སྔར་གྱི་དེ་བྱུང་ལ་བསྒྱུར་བཅོས་ཀྱིས་དེང་རབས་ཅན་གྱི་མཛའ་སྦྲེལ་རང་བཞིན་ལྡན་པ་ཞིག་བསྐྲུན་གལ་ཡིན་པ་སོགས་གསུངས་འདུགརྩ་བའི་སྐུ་ཞབས་ Rishi Sunak ལགས་ལ་ཁ་སང་སྲིད་བློན་གྱི་རྒྱལ་ཁ་ཐོབ་པའི་རྗེས་ཀྱི་གསུང་བཤད་ཆེས་ཐོག་མར་གནང་སྐབས།...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཕ་རན་སིའི་ད་ལྟའི་སྲིད་འཛིན་ལས་ཐོག་སྐུ་ཞབས་ Emmanuel Macron ལགས་སྲིད་འཛིན་གྱི་འོས་བསྡུ་ཆེན་མོའི་ཁྲོད་རྒྱལ་ཁ་ཐོབ་སྟེ་སླར་ཡང་ཡུལ་དེའི་སྲིད་འཛིན་དུ་བདམས་ཐོན་བྱུང་བར་དགའ་བསུའི་འཚམས་འདྲི་སྩལ་བ་དང་སྦྲགས། ད་བར་ཕ་རན་སིའི་གཞུང་མང་གཉིས་ནས་བོད་མི་ཚོ་ལ་རོགས་རམ་བསྟུད་མར་གནང་བཞིན་པ་དེ་ནི་བོད་མིའི་བསོད་ནམས་དང་ལས་དབང་བཟང་པོ་ཞིག་ལ་དགོངས་བཞིན་ཡོད་སྐོར་བཀའ་སྩལ་མཛད་འདུག ཕྱི་ཟླ་ ༤ ཚེས་ ༡༠ ནས་དབུ་འཛུགས་གནང་བའི་ཡོ་རོབ་ཕ་རན་སི་རྒྱལ་ཁབ་ཀྱི་སྲིད་འཛིན་གྱི་འོས་བསྡུ་ཆེན་མོའི་ལས་རིམ་འདི་ཁ་སང་ཕྱི་ཚེས་ ༢༤ ཉིན་དངོས་སུ་མཇུག་སྒྲིག་གནང་བ་དང་སྦྲགས་ཏེ། ད་ལྟའི་སྲིད་འཛིན་ལས་ཐོག་སྐུ་ཞབས་ Emmanue Macron ལགས་ལ་འོས་གྲངས་བརྒྱ་ཆ་ ༥༨་༥༥ ཐོབ་པའི་ཐོག་ནས་སླར་ཡར་ཡུལ་དེའི་སྲིད་འཛིན་དུ་བདམས་ཐོན་བྱུང་ཡོད་པ་ལྟར། དེ་རིང་༸གོང་ས་༸སྐྱབས་མགོན་ཆེན་པོ་མཆོག་གིས་སྐུ་ཞབས་ Emmanue Macron ལགས་ཀྱི་སྲིད་འཛིན་ལས་ཡུན་རིང་ནང་གདོན་ལེན་གནང་དགོས་པའི་གནད་དོན་ཐམས་བཅད་ལ་གདོང་ལེན་གནང་སྟེ་ཕ་རན་སི་མི་མང་གི་རེ་བ་དང་མངོན་འདོད་ཁག་ལམ་ལྷོང་ལྡན་པའི་ཐོག་ནས་བསྒྲུབ་ཐུབ་པ་མ་ཟད་འཛམ་གླིང་འདི་སྔར་ལྷག་ཞི་བདེ་དང་བདེ་སྐྱིད་ལྡན་པ་ཞིག་བཟོ་རྒྱུར་ཞབས་འདེགས་བསྒྲུབ་ཐུབ་པའི་སྨོན་འདུན་གྱི་མཚམས་སྦྱོར་དང་བཅས་འཚམས་འདྲི་མཛད་འདུགམགོན་པོ་༸གང་ཉིད་མཆོག་གིས་ད་བར་ཕ་རན་སི་རྒྱལ་ཁབ་ཀྱི་དབུ་ཁྲིད་རིམ་བྱོན་རྣམ་པ་དང་མི་མང་རྣམས་ནས་བོད་མི་ལ་མཛའ་འབྲེལ་གྱི་མཐུན་འགྱུར་རོགས་རམ་དང་། ལྷག་པར་དུ་བོད་ཀྱི་ཐུན་མོང་མ་ཡིན་པའི་ནང་པ་སངས་རྒྱས་པའི་ཆོས་དང་། འགྲོ་བ་སྤྱི་ལ་སྨན་པའི་ཞི་བདེ་དང་འཚེ་བ་མེད་པ། དེ་བཞིན་གཞན་ཕན་སོགས་ཀྱི་གཞི་རྩར་བཟུང་བའི་བོད་ཀྱི་རིག་གཞུང་ཁག་མི་ཉམས་རྒྱུན་འཛིན་དང་སྲུང་སྐྱོབ་གནང་རྒྱུའི་ཐོག་རོགས་རམ་གནང་དང་གནང་བཞིན་པ་དེ་ནི་བོད་མིའི་བསོད་ནམས་དང་ལས་དབང་བཟང་པོ་ཞིག་ལ་དགོངས་བཞིན་ཡོད་པར་བཀའ་སྩལ་བ་དང་ཆབས་ཅིག བོད་མི་ཡོངས་ཀྱི་ཚབ་ཞུས་ཏེ་ཕ་རན་སིའི་དབུ་ཁྲིད་རྣམ་པ་དང་མི་མང་བཅས་ལ་ཐུགས་རྗེ་ཆེ་ཞེས་བཀའ་སྩལ་འདུགརྩ་བའི་ཐེངས་འདིའི་ཕ་རན་སི་རྒྱལ་ཁབ་ཀྱི་སྲིད་འཛིན་གྱི་འོས་བསྡུ་ཆེན་མོའི་ནང་སྐུ་ཞབས་ Emmanue...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ El Salvador རྒྱལ་ཁབ་ནས་ཡིན་པའི་བོད་དོན་རྒྱབ་སྐྱོར་བ་དང་བོད་ཀྱི་གྲོགས་པོ་རྙིང་ཤོས་གྲས་སྐུ་ཞབས་ Dr Alfredo Martinez Moreno མཆོག་དགོངས་པ་རྫོགས་པ་དང་འབྲེལ་ཏེ། དམ་པ་དེ་ཉིད་ཀྱི་སྐུ་ཟླ་ལྕམ་སྐུ་ Alicia Martinez ལགས་ལ་ཐུགས་གསོའི་གསུང་འཕྲིན་ཞིག་སྩལ་འདུགཉེ་ཆར་ཟླ་བ་འདིའི་ཚེས་ ༢ ཉིན་ El Salvador རྒྱལ་ཁབ་ནས་ཡིན་པའི་བོད་དོན་རྒྱབ་སྐྱོར་བ་དང་བོད་ཀྱི་གྲོགས་པོ་རྙིང་གྲས་སྐུ་ཞབས་ Alfredo Martinez Moreno ལགས་དགུང་གྲངས་ ༩༨ ཐོག་སྐུ་ཚེའི་འཕེན་པ་རྫོགས་པའི་ཡིད་སྐྱོ་བའི་གནས་ཚུལ་ཐོན་པ་དང་འབྲེལ། ཁ་སང་༸གོང་ས་༸སྐྱབས་མགོན་ཆེན་པོ་མཆོག་གིས་དམ་པ་དེ་ཉིད་ཀྱི་སྐུ་ཟླར་ཐུགས་གསོའི་གསུང་འཕྲིན་ཞིག་སྩལ་ཏེ་བོད་ཀྱི་གྲོགས་པོ་དམ་པ་ཁོང་སྐུ་ཚེའི་འཕེན་པ་རྫོགས་པའི་གནས་ཚུལ་ཤེས་རྟོགས་བྱུང་བས་ཆེས་ཐུགས་ཕམ་བྱུང་ཞེས་བཀའ་སྩལ་འདུགསྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དམ་པ་དེ་ཉིད་ཀྱི་སྐུ་ཟླར་སྩལ་བའི་ཐུགས་གསོའི་གསུང་འཕྲིན་ནང་ལྕམ་སྐུ་...

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རེས་གཟའ་ཟླ་བའི་མཚན་མོར་ཁེ་ན་ཌའི་རྒྱལ་ཡོངས་འོས་བསྡུ་ཆེན་མོ་ཐེངས་ ༤༤ པའི་ཁྲོད་སྐུ་ཞབས་ Justin Trudeau མཆོག་གིས་དབུ་ཁྲིད་པའི་གཞུང་འཛིན་ཚོགས་པར་སླར་ཡང་རྒྱལ་ཁ་ཐོབ་པར་འཚམས་འདྲིའི་གསུང་འཕྲིན་ཞིག་སྩལ་བ་དང་སྦྲགས་ཏེ་ཁོང་གི་སྲིད་བློན་གྱི་ལས་ཡུན་རིང་ལ་དགོངས་དོན་མཐའ་དག་བགེག་བར་མེད་པར་ལྷུན་འགྲུབ་ཡོང་བའི་ཐུགས་སྨོན་མཚམས་སྦྱོར་མཛད་འདུག༸གོང་ས་མཆོག་གིས་ཁ་སང་ཕྱི་ཟླ་ ༩ ཚེས་ ༢༢ ཉིན་སྩལ་བའི་གསུང་འཕྲིན་དེའི་ནང་། འཛམ་གླིང་མི་མང་ཡོངས་ལ་གཉན་རིམས་ཁྱབ་གདལ་གྱིས་ཛ་དྲག་ངལ་བ་འཕྲད་བཞིན་པའི་སྐབས་སུ་སྐུ་ཞབས་ Trudeau མཆོག་གིས་དབུ་ཁྲིད་པའི་འོག་ཁེ་ན་ཌའི་ནང་དུ་ནད་ཡམས་ལ་གདོང་ལེན་གྱི་ཕྱག་ལས་གནང་ཕྱོགས་དང་། ལྷག་དོན་ཁེ་ན་ཌ་གཞུང་མང་གཉིས་ཀྱིས་ཡུན་རིང་ནས་ངལ་བ་འཕྲད་པའི་རྒྱལ་ཁབ་གཞན་གྱི་མང་ཚོགས་ཚོ་ཁེ་ན་ཌའི་ནང་ཕེབས་བསུའི་སྣེ་ལེན་གནང་བཞིན་བའི་བྱམས་བརྩེ་ཅན་གྱི་སྲིད་བྱུས་ལ་ཡི་རངས་མཛད་བཞིན་ཡོད་པར་བཀའ་སྩལ་བ་དང་ཆབས་ཅིག མགོན་པོ་༸གང་ཉིད་མཆོག་རྒྱལ་ཁབ་དེའི་ཆེ་བསྟོད་མི་སེར་ཡིན་པའི་ཆ་ནས་ཀྱང་ཁེ་ན་ཌས་གཏོང་ཕོད་ཆེན་པོས་འགྲོ་བ་མིའི་བདེ་སྡུག་ལ་ཐུགས་འཁུར་ཆེ་བཞེས་ཀྱིས་ཕྱག་ལས་གནང་སྟངས་ལ་སྤོབས་པ་ཡོད་ཅེས་བཀའ་སྩལ་ཡོད།དེ་བཞིན་འདས་པའི་ལོ་མང་གི་དུས་ཡུན་ནང་༸གོང་ས་༸སྐྱབས་མགོན་ཆེན་པོ་མཆོག་ཁུལ་དེར་ཆིབས་སྒྱུར་མཛད་སྐབས་ཁེ་ན་ཌའི་སྤྱི་ཚོགས་ཁྱོན་ཡོངས་ནས་མགོན་པོ་༸གང་ཉིད་མཆོག་ལ་མཛའ་བརྩེའི་འདུན་པ་ཤུགས་ཆེ་བསྟན་པ་དེས་མགོན་པོ་མཆོག་ལ་ཐུགས་འགུལ་ཐེབས་ཡོད་སྐོར་བཀའ་སྩལ་བ་དང་ཆབས་ཅིག སྐུ་ཞབས་ Trudeau མཆོག་གི་ཡབ་དམ་པ་ཁེ་ན་ཌའི་སྲིད་བློན་ཡིན་པའི་སྐབས་ནས་བཟུང་ཁེ་ན་ཌ་གཞུང་གིས་བོད་མི་སྐྱབས་བཅོལ་བ་ཚོ་ཡུལ་དེའི་ནང་གནས་སྤོས་ཞུ་རྒྱུ་ཐད་རོགས་རམ་ཤུགས་ཆེ་གནང་བཞིན་པའི་ལས་འཆར་ལ་དམིགས་བསལ་གྱི་ཐུགས་རྗེ་ཆེ་ཞེས་དང་ཁུལ་དེར་གཞིས་སྡོད་བོད་མི་ཚོས་ཀྱང་སྤྱི་ཚོགས་ལ་ལེགས་སྐྱེས་འབུལ་བཞིན་ཡོད་པ་རེད་ཅེས་བཀའ་སྩལ་མཛད་འདུགགསུང་འཕྲིན་གྱི་མཇུག་ཏུ་འབྱུང་འགྱུར་སྐུ་ཉིད་མཆོག་གི་སྲིད་བློན་གྱི་ལས་ཡུན་རིང་ལ་ཁེ་ན་ཌའི་མང་ཚོགས་ཀྱི་མངོན་འདོད་དང་མཐུན་པའི་མདུན་སྐྱོད་ཀྱིས་བྱ་བ་མཐའ་དག་ལེགས་འགྲུབ་ཡོང་བའི་ཐུགས་སྨོན་མཚམས་སྦྱོར་བཅས་སྩལ་ཡོད་པ་རེད།གཞི་རྩའི་ཐེངས་འདིའི་ཁེ་ན་ཌའི་རྒྱལ་ཡོངས་འོས་བསྡུ་ཆེན་མོ་སྐབས་ Conservative Party འམ་རྙིང་ཞེན་གྱི་ཚོགས་པར་ཁྱོན་ཞབས་སྟེགས་ ༡༡༩ ཐོབ་པ་དང་སྐུ་ཞབས་ Trudeau མཆོག་གིས་དབུ་ཁྲིད་པའི་གུ་ཡངས་ཚོགས་པར་ཁྱོན་ཞབས་སྟེགས་...

རྒྱལ་མཚམས་མེད་པའི་གསར་འགོད་པའི་མཐུན་ཚོགས་ཀྱིས་ནོ་སྦེལ་ཞི་བདེ་ཡི་གཟེགས་རྟགས་བཞེས་མྱོང་མཁན་སྐུ་ཞབས་ Liu Xiaobo ལགས་རྒྱ་ནག་དམར་ཤོག་གི་བཙོན་ཁང་དུ་སྐུ་གྲོངས་ནས་ལོ་ངོ་གཉིས་ཕྱིན་པའི་རྗེས་སུའང་། རྒྱ་ནག་ནི་མུ་མཐུད་གསར་འགོད་པ་ཆེས་མང་ཤོས་བཙོན་དུ་འཇུག་མཁན་གྱི་རྒྱལ་ཁབ་ཆེ་ཤོས་ཤིག་ཏུ་གྱུར་ཡོད་པར་བསྐྱར་ནན་གནང་འདུག སྐུ་ཞབས་ Liu Xiaobo ལགས་དགོངས་པ་རྫོགས་ནས་ལོ་གཉིས་འཁོར་བའི་དུས་དྲན་གྱི་སྔ་ནུབ་ཏུ་ཕ་རན་སི་རྒྱལ་ས་ Paris དུ་རྟེན་གཞི་བྱས་པའི་  Reporters Without Borders ཞེས་རྒྱལ་མཚམས་མེད་པའི་གསར་འགོད་པའི་མཐུན་ཚོགས་ཀྱི་ཤར་ཨེ་ཤ་ཡ་ཁུལ་གྱི་ཚོགས་གཙོ་སྐུ་ཞབས་ Cédric Alviani ལགས་ཀྱིས་ཡོངས་གྲགས་བསྒྲགས་གཏམ་གནང་སྟེ། རྒྱ་ནག་གིས་སྐུ་ཞབས་ Liu Xiaobo ལགས་ལྐོག་གསོད་བྱས་པ་དེས་རྒྱལ་སྤྱིའི་སྟེང་རྩོད་རྙོག་ཆེན་པོ་བཟོས་ཡོད་ནའང་། རྒྱ་ནག་གིས་ད་དུང་ལམ་ལུགས་ཚགས་ཚུད་ཡོད་པའི་ཐོག་ནས་གསར་འགོད་པ་རྣམས་བཙོན་ལ་བཅུག་ནས་མུ་མཐུད་སྡུག་སྦྱོང་མནར་གཅོད་གཏོང་བཞིན་ཡོད་པ་མངོན་གསལ་གནང་བ་དང་འབྲེལ། རྒྱལ་སྤྱིའི་ངོས་ནས་རྒྱ་ནག་ལ་གནོན་ཤུགས་སྤྲད་པ་བརྒྱུད་བཙོན་དུ་ཡོད་པའི་གསར་འགོད་རང་དབང་གི་འཐབ་རྩོད་པ་རྣམས་མྱུར་དུ་གློད་ཐབས་བྱེད་དགོས་པའི་སྐུལ་མ་གནང་འདུག རྩ་བའི་སྐུ་ཞབས་ Liu...

ཁེ་ན་ཌའི་གྲོས་ཚོགས་འཐུས་མི་སྐུ་ཞབས་ Thanh Hai Ngo ལགས་ཀྱིས་ཡུལ་དེའི་གྲོས་ཚོགས་གོང་མའི་ནང་ཁེ་ན་ཌ་གཞུང་ནས་བོད་མིའི་མངོན་འདོད་སྟེ། མིང་དོན་མཚུངས་པའི་རང་སྲིད་རང་སྐྱོང་གི་གནས་བབས་ལ་མངོན་གསལ་གྱི་ཐོག་ནས་རྒྱབ་སྐྱོར་གནང་དགོས་པ་སོགས་བོད་དོན་དང་འབྲེལ་བའི་གྲོས་ཆོད་གྲོས་འཆར་ཁག་ཅིག་ཆེད་བཏོན་གནང་འདུགཁ་ཉིན་ཟླ་ ༥ ཚེས་ ༡༤ ཉིན་ཁེ་ན་ཌའི་གྲོས་ཚོགས་འཐུས་མི་སྐུ་ཞབས་ Thanh Hai Ngo ལགས་ཀྱིས་ཡུལ་དེའི་གྲོས་ཚོགས་གོང་མའི་ནང་དེ་སྔ་ཕྱི་ལོ་ ༢༠༡༧ ལོར་ཁོང་གིས་གྲོས་ཚོགས་སུ་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཐོག་ལ་བློ་འཚབ་ཤུགས་ཆེ་ཡོད་སྐོར་གླེང་སློང་གནང་ཡོད་ཀྱང་། རྒྱ་གཞུང་གི་དྲག་པོའི་སྲིད་བྱུས་འོག་བོད་ནང་གི་གནས་སྟངས་ལ་བཟང་ཕྱོགས་ཀྱི་འགྱུར་བ་གང་ཡང་འགྲོ་མེད་པའི་ཁར་བོད་ནང་གི་གཞི་རྩའི་འགྲོ་བ་མིའི་ཐོབ་ཐང་གི་གནས་སྟངས་དེ་ཆེས་ཇེ་སྡུག་ཏུ་འགྲོ་བཞིན་པ་སོགས་འགྲེལ་བརྗོད་དང་སྦྲགས། ཁེ་ན་ཌའི་གྲོས་ཚོགས་འཐུས་མི་དང་གཞུང་གཉིས་ཀྱི་ངོས་ནས་བོད་ཀྱི་གནད་དོན་ཐོག་དེ་མུར་མ་བཞུགས་པར་བོད་དོན་ཐོག་ཕྱག་ལས་མང་ཙམ་གནང་རྒྱུའི་དུས་ལ་བབ་འདུག་ཅེས་གསུངས་པ་མ་ཟད། ལྷག་པར་དུ་ཁེ་ན་ཌ་གཞུང་ནས་བོད་མིའི་མངོན་འདོད་མིང་དོན་མཚུངས་པའི་རང་སྲིད་རང་སྐྱོང་གི་གནས་བབས་ལ་མངོན་གསལ་གྱིས་རྒྱབ་སྐྱོར་གནང་དགོས་པའི་གྲོས་ཆོད་གྲོས་འཆར་ཁག་ཅིག་ཆེད་བཏོན་ཡོད་པ་རེད།ཁོང་གིས་གྲོས་ཆོད་དེའི་ཐོག་ནས་ཁེ་ན་ཌ་གཞུང་ནས་རྒྱ་ནག་གཞུང་ལ་བོད་རྒྱ་གཉིས་སྨན་དབུ་མའི་ལམ་གྱི་སྲིད་བྱུས་བརྒྱུད་ནས་བོད་རྒྱའི་གནད་དོན་ཞི་འགྲིག་ཡོང་ཐབས་སུ་ཕྱོགས་གཉིས་ཀྱི་འབྲེལ་མོལ་བསྐྱར་གསོ་གནང་དགོས་པའི་སྐུལ་འདེད་གནང་དགོས་པ་དང་། ཁེ་ན་ཌའི་ཆབ་སྲིད་མི་སྣ་བོད་ནང་རང་དབང་ཐོག་འགྲོ་སྐྱོད་ཐུབ་ཐབས་སུ་ Reciprocal Access to Tibet...

ཁ་ཉིན་ཕྱི་ཟླ་ ༥ ཚེས་ ༡༣ ཉིན་ཁེ་ན་ཌའི་ Ontario མངའ་སྡེའི་གྲོས་ཚོགས་སུ་ལོ་ངོ་ ༦༠ རིང་གི་འགོག་རྒོལ་ཞེས་པའི་བརྗོད་གཞིའི་ཐོག་བོད་ཀྱི་ཉིན་མོ་ཐེངས་བདུན་པ་སྲུང་བརྩི་ཞུས་ཡོད་པ་ལྟར། དུས་སྟོན་དེའི་ཐོག་གྲོས་ཚོགས་འཐུས་མི་ ༤༠ ཙམ་ནས་ལྷན་ཞུགས་གནང་འདུགཁེ་ན་ཌའི་ Ontario མངའ་སྡེའི་གྲོས་ཚོགས་སུ་མངའ་སྡེའི་གྲོས་ཚོགས་འཐུས་མི་བོད་ཀྱི་གྲོགས་པོ་དང་ཨོན་ཊ་རོ་བོད་རིགས་སྤྱི་མཐུན་ཚོགས་པ། གངས་ལྗོངས་ཆོས་ལྡན་གླིང་། ས་གནས་བེུད་ལྷན་ཚོགས་དང་གཞོན་ནུ་ལྷན་ཚོགས། བོད་རང་བཙན་སློབ་ཕྲུག་ཚོགས་པ། དེ་བཞིན་ཆུ་བཞི་སྒང་དྲུག་བཅས་ཀྱིས་གོ་སྒྲིག་འོག་ Ontario མངའ་སྡེའི་གྲོས་ཚོགས་སུ་ལོ་ངོ་ ༦༠ རིང་གི་འགོག་རྒོལ་ཞེས་པའི་བརྗོད་གཞིའི་ཐོག་བོད་ཀྱི་ཉིན་མོ་ཐེངས་བདུན་པ་སྲུང་བརྩི་ཞུས་འདུག་པ་དང་། སྐབས་དེར་གྲོས་ཚོགས་འཐུས་མི་ ༤༠...

ཉེ་ཆར་ཁེ་ན་ཌའི་ Toronto གྲོང་ཁྱེར་ནང་བོད་རིགས་ཚོགས་པ་ཡིན་ཚུལ་གྱིས་གསོལ་སྟོན་གྱི་ལས་རིམ་ཞིག་གོ་སྒྲིག་ཞུས་པ་མ་ཟད། ཁེ་ན་ཌའི་སྲིད་བློན་མཆོག་ནས་ལས་རིམ་དེར་རྒྱབ་སྐྱོར་གྱིས་འཚམས་འཕྲིན་བསྩལ་བ་རྫུན་བཟོ་བྱས་ཏེ་སྤྱི་ཚོགས་དྲྭ་རྒྱའི་ཐོག་སྤྱོད་པའི་གནད་དོན་བྱུང་བ་དང་འབྲེལ། དེ་རིང་རྒྱལ་སྤྱིའི་བོད་དོན་ལས་འགུལ་ཁང་གིས་ཁེ་ན་ཌའི་བོད་རིགས་མཐུན་ཚོགས་ཟེར་བ་ཞིག་གིས་སྲིད་བློན་གྱི་མཚན་ཐོག་ནས་འཚམས་འཕྲིན་རྫུན་བཟོ་བྱས་པ་དེ་ནི་རྒྱ་ནག་གིས་ནུབ་ཕྱོགས་སུ་སྤེལ་བཞིན་པའི་ལས་དོན་བྱེད་ཕྱོགས་ཤིག་ཡིན་པར་གསལ་འདོན་བྱས་པ་མ་ཟད། གནས་ཚུལ་དེ་ལྟ་བུ་ནི་གསར་པ་གང་ཡང་མིན་པར་རྒྱ་ནག་གི་དུས་རྒྱུན་གྱི་གཡོ་སྒྱུ་ཞིག་ཡིན་པར་འགྲེལ་བརྗོད་གནང་འདུགཁ་སང་རྒྱལ་སྤྱིའི་བོད་དོན་ལས་འགུལ་ཁང་གིས་བོད་རིགས་མཐུན་ཚོགས་ཀྱི་ངོ་བོའི་ཐོག་ནས་དགོང་དྲོའི་གསོལ་སྟོན་བཤམ་མཁན་དེ་དག་ནི་ཡོངས་གྲགས་རྒྱ་ནག་གི་འཐབ་ཕྱོགས་གཅིག་གྱུར་ལ་འབྲེལ་བ་ཡོད་པའི་བོད་རིགས་ཉུང་ཤས་ཤིག་ཡིན་པ་ལྟར། གསོལ་སྟོན་ཐོག་མཉམ་ཞུགས་བྱེད་མཁན་དེ་དག་ཀྱང་ཨ་རི་དང་ཁེ་ན་ཌའི་ནང་དུ་ཡོད་པའི་རྒྱ་ནག་དམར་གཞུང་ལ་རྒྱབ་སྐྱོར་བྱེད་མཁན་རྒྱུན་དུ་འབྲེལ་བ་བྱེད་མཁན་འབའ་ཞིག་ཡིན་པ་གསལ་འདོན་གནང་འདུགལྷག་པར་དུ་བོད་རིགས་མཐུན་ཚོགས་ཡིན་ཁུལ་གྱིས་གོ་སྒྲིག་ཞུས་པའི་གསོལ་སྟོན་དེའི་སྟེང་རྒྱ་ནག་གི་རྒྱལ་གླུ་བཏང་ཡོད་པ་མ་ཟད་མཐུན་ཚོགས་དེའི་ཚོགས་གཙོའི་ངོས་ནས་རྒྱ་ནག་སྲིད་གཞུང་གིས་བོད་ཀྱི་སྤྱི་ཚོགས་ལ་འགྱུར་བ་བཏང་དེ་བོད་ལ་དཔལ་འབྱོར་ཡར་རྒྱས་དང་ཆོས་དད་རང་དབང་གི་ཐད་ནས་རོགས་འདེགས་རྒྱ་ཆེར་བྱས་ཡོད་པར་བསྒྲགས་ཏེ་དམར་ཕྱོགས་གཞུང་གིས་རྩ་འཛུགས་བྱས་པའི་བོད་རྒྱ་གཉིས་ཁྱིམ་རྒྱུད་གཅིག་གི་མི་ཡིན་ཞེས་པའི་གཞས་དེ་ཡང་མཛད་སྒོར་བླངས་ཡོད་པ་བཀོད་འདུགརྒྱལ་སྤྱིའི་བོད་དོན་ལས་འགུལ་ཁང་གིས་ཁེ་ན་ཌའི་བོད་རིགས་མཐུན་ཚོགས་དྲུག་གིས་མཉམ་འབྲེལ་ཐོག་སྤེལ་བའི་བསྒྲགས་གཏམ་ནང་བོད་རིགས་ཚོགས་པ་ཡིན་ཁུལ་གྱིས་བོད་རིགས་ནང་ཁུལ་ཁ་འཐོར་གཏོང་རྒྱུར་དམིགས་ཡོད་ཚུལ་གསུངས་པ་དེ་ལུང་འདྲེན་གནང་བ་དང་སྦྲགས། འདི་ལོ་སྤྱི་ཟླ་གཉིས་པའི་ནང་སླར་ཨ་རིའི་ནང་རྒྱ་གཞུང་གི་རྒྱབ་སྐྱོར་ཡོད་པའི་ཚོགས་པ་གསར་པ་ཞིག་ཆེད་འཛུགས་ཀྱིས་ཨ་རིའི་རྒྱ་རིགས་གནས་སྡོད་ས་ཁུལ་དུ་ལོ་གསར་གསོལ་སྟོན་དུ་བྱང་ཨ་རིའི་བོད་རིགས་མཐུན་ཚོགས་ཀྱིས་འཛུལ་ཞུགས་བྱས་ཡོད་ཚུལ་བསྒྲགས་ཡོད་ཀྱང་། ཕྱི་ཟླ་ ༣ ཚེས་ ༢༠ ཉིན་བྱང་ཨ་རིའི་བོད་རིགས་མཐུན་ཚོགས་ཀྱིས་རྒྱ་ནག་གི་ལོ་གསར་དུས་སྟོན་ལ་ཞུགས་མཁན་གྱི་བོད་མི་དེ་དག་གིས་བྱང་ཨ་རིའི་བོད་རིགས་མཐུན་ཚོགས་ཀྱི་ངོ་ཚབ་བྱེད་ཐབས་མེད་པའི་དགག་ལན་གནང་ཡོད་པའང་ཐེར་འདོན་གནང་འདུགཕྱི་ཟླ་གསུམ་པའི་ནང་བྱང་ཨ་རིའི་བོད་རིགས་མཐུན་ཚོགས་ཀྱི་བསྒྲགས་གཏམ་དེའི་ནང་བདེ་ཆེན་སྤྲུལ་སྐུ་ཟེར་བ་དེ་ནི་རྒྱ་ནག་གིས་སྤྱོད་བཞིན་པའི་ཤུགས་ལྡན་བསྟེན་མཁན་ཞིག་ཡིན་པ་དང་། ཁོ་པ་དུས་རྒྱུན་ནས་ཨ་རིའི་ནང་གི་རྒྱ་མིའི་དཔོན་རིགས་ལ་འབྲེལ་བ་ཡོད་པ་མ་ཟད། རྒྱ་ནག་ཏུ་ཡང་ཡང་འགྲོ་བཞིན་ཡོད་སྐོར་ལུང་འདྲེན་གྱིས་ཐེངས་འདིའི་བོད་རིགས་ཚོགས་པའི་ཚོགས་གཙོ་དེའང་བདེ་ཆེན་སྤྲུལ་སྐུ་ཡིན་པའི་གསལ་བཤད་དག་ཀྱང་ཐེར་འདོན་གནང་ཡོད་པ་རེད།གཞན་ཡང་རྒྱལ་སྤྱིའི་བོད་དོན་ལས་འགུལ་ཁང་གིས་ཕྱི་ལོ་ ༢༠༠༠ ལོ་ནས་བཟུང་རྒྱ་ནག་ གིས་རྒྱལ་སྤྱིའི་སྤྱི་ཚོགས་ཁྲོད་བོད་དོན་ལ་ཁ་གཏད་གཅོག་ཐབས་དང་། རྒྱལ་སྤྱིའི་ངོས་ནས་བོད་དོན་ངོས་འཛིན་བྱེད་ཕྱོགས་ལ་འགྱུར་བ་གཏོང་ཐབས་སུ་དྲིལ་བསྒྲགས་ཤུགས་ཆེར་བྱས་ནས་བརྒྱུད་ལམ་སྣ་མང་ཐོག་ལས་དོན་དེར་དོ་སྣང་བྱས་ཏེ་དམིགས་ཡུལ་ལྡན་པའི་ངང་ཚོགས་པ་རྩ་འཛུགས་ཀྱིས་ལས་དོན་སྒྲུབ་བཞིན་ཡོད་པ་གསལ་འདོན་གནང་འདུག རྒྱ་ནག་གིས་རྒྱལ་སྤྱིའི་སྤྱི་ཚོགས་ཁྲོད་བོད་དོན་མངོན་མེད་དུ་གཏོང་རྒྱུའི་ཐབས་ཕྱོགས་གཅིག་གྱུར་ལས་ཁུངས་ཀྱི་སྒྲིག་ཡིག་ནང་ང་ཚོར་སྲིད་གཞུང་གི་ཐབས་བྱུས་དང་སྲིད་བྱུས་ཡག་པོ་ཤེས་མཁན་གྱི་ཧུར་བརྩོན་ཅན་གྱི་མི་མང་པོ་དགོས། དེ་བཞིན་བོད་དོན་དང་ཕྱིའི་རྒྱལ་ཁབ་ཀྱི་སྐད་ཡིག་ཡག་པོ་ཤེས་མཁན་ཡང་མང་པོ་དགོས། དེ་དག་ཡོད་པའི་ཐོག་ནས་རྒྱལ་སྤྱིའི་སྤྱི་ཚོགས་ཁྲོད་དྲིལ་བསྒྲགས་བྱེད་རྒྱུ་གལ་ཆེན་པོ་ཡིན་པ་དང་། ཕྱི་རྒྱལ་གྱི་བོད་རིགས་མཐུན་ཚོགས་ཁག་ནི་ངང་རྒྱུད་རིང་བའི་སྲིད་བྱུས་འདིའི་ཆ་ཤས་གལ་ཆེན་ཞིག་ཡིན་པར་བསྒྲགས་ཡོད་པ་ཡང་ལུང་འདྲེན་གནང་འདུག