མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
Search
VOICE OF TIBET
ནོར་ཝེ་བོད་ཀྱི་རླུང་འཕྲིན་ཁང་།
Pulses PRO
Tibetan Royal Year of 2151 | Year of the Wood Dragon
中文
Facebook
RSS
Soundcloud
Twitter
Youtube
ནོར་ཝེ་བོད་ཀྱི་རླུང་འཕྲིན་ཁང་།
Voice Of Tibet
text
འཚོལ་བཤེར།
མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
མདུན་ངོས།
ངོ་སྤྲོད།
༸གོང་ས་མཆོག
བོད།
བཙན་བྱོལ།
རྒྱ་ནག
རྒྱལ་སྤྱི།
རྒྱང་སྲིང་འོད་ཚད།
སྒྲ་མཛོད།
བརྙན་མཛོད།
འབྲེལ་ལམ།
འཚོལ་བཤེར།
- Advertisement -
TAG
༸གོང་ས་མཆོག་དང་བོད་གཞུང་མང་གཉིས་ནས་རྒྱ་གར་གྱི་སྲིད་འཛིན་གསར་པ་སྐུ་ཞབས་རཱམ་ནཱཐ་ཀོ་བིཾད་མཆོག་ལ་འཚམས་འདྲི་གནང་པ།
༸གོང་ས་མཆོག
ལྷོ་ཨ་ཕི་རི་ཀའི་སྲིད་འཛིན་མཆོག་གི་ཆབ་སྲིད་ཚོགས་པར་རྒྱལ་ཁ་ཐོབ་པར་འཚམས་འདྲི་མཛད་པ།
vot.org
-
13/05/2019
ཁ་སང་ཕྱི་ཟླ་ ༥ ཚེས་ ༡༢ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ལྷོ་ཨ་ཕི་རི་ཀའི་རྒྱལ་ཡོངས་འོས་བསྡུ་ཆེན་མོའི་ཁྲོད་ ANC ཞེས་སྲིད་འཛིན་སྐུ་ཞབས་ Cyril Ramaphosa མཆོག་གི་ཆབ་སྲིད་ཚོགས་པར་རྒྱལ་ཁ་ཐོབ་པར་འཚམས་འདྲིའི་གསུང་འཕྲིན་ཞིག་བསྩལ་འདུག༸གོང་ས་མཆོག་གིས་འཚམས་འཕྲིན་དེའི་ནང་ལྷོ་ཨ་ཕི་རི་ཀར་མཚོན་ན་ཡར་རྒྱས་དང་གོང་འཕེལ་གྱི་ཕྱོགས་སུ་བསྐྱོད་རྒྱུར་ནུས་པ་ལྡན་ཡོད་པ་གཟིགས་ཚུལ་བྱུང་ཞེས་བཀའ་བསྩལ་བ་དང་འབྲེལ། ལྷོ་ཨ་ཕི་རི་ཀའི་མི་རིགས་ནི་ཞི་བདེ་དང་མང་གཙོ། དྲང་བདེན་སོགས་ལ་ཕྱག་ལས་ལྷོད་མེད་གནང་མཁན་ཞིག་ཡིན་སྟབས། སྲིད་འཛིན་མཆོག་གི་དབུ་ཁྲིད་ལམ་སྟོན་འོག་ལྷོ་ཨ་ཕི་རི་ཀའི་རྒྱལ་ཁབ་དེ་མུ་མཐུད་ཡར་རྒྱས་དང་གོང་འཕེལ་གྱི་ཕྱོགས་སུ་མདུན་སྐྱོད་ཐུབ་པ་མ་ཟད། སྤྱི་ཚོགས་ཁྲོད་ཆེས་ཉམ་ཐག་རྣམས་ཀྱི་འཚོ་བར་ཡར་རྒྱས་གནང་ཐུབ་པར་ཐུགས་རེ་མཛད་བཞིན་ཡོད་པར་བཀའ་བསྩལ་འདུག༸གོང་ས་མཆོག་གིས་སྲིད་འཛིན་མཆོག་ནས་མང་ཚོགས་ཀྱི་བསམ་བློའི་ནང་ཕུགས་ལ་བཟང་ཕྱོགས་ཀྱི་འགྱུར་བ་ཡོང་བའི་རེ་བ་དང་ཡིད་ཆེས་འཕེལ་བ་ཞིག་བཟོ་ཐུབ་པ་དང་། ལྷག་པར་དུ་རྒྱལ་ཁབ་གཞན་ཚོས་ཀྱང་དམིགས་དཔེ་བྱ་འོས་པ་ཞིག་གནང་དགོས་གལ་ཡིན་པར་ལམ་སྟོན་བསྩལ་འདུག སྲིད་འཛིན་མཆོག་གི་ལས་ཡུན་གཉིས་པའི་ནང་འབྱུང་འགྱུར་ངལ་བ་རྣམས་ལ་གདོང་ལེན་གྱིས་བྱ་གཞག་ཐམས་ཅད་ལམ་ལྷོངས་ཡོང་བ་དང་ལྷོ་ཨ་ཕི་རི་ཀའི་མི་མང་གི་མངོན་འདོད་རྣམས་བསྒྲུབ་ཐུབ་པའི་ཐུགས་སྨོན་བཅས་མཛད་འདུག
༸གོང་ས་མཆོག
༸གོང་ས་མཆོག་གིས་མ་ལ་ཤི་ཡའི་སྲིད་བློན་གསར་པ་མཆོག་ལ་འཚམས་འདྲི་མཛད་པ།
vot.org
-
14/05/2018
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་ཉིན་མ་ལ་ཤི་ཡའི་རྒྱལ་ཡོངས་འོས་བསྡུ་ཆེན་མོའི་ཁྲོད་སྐུ་ཞབས་ Dr. Mahathir Mohamad མཆོག་ལ་རྒྱལ་ཁ་ཐོབ་ནས་སྲིད་བློན་ཐེངས་བདུན་པར་འོས་འདེམས་བྱུང་བར་འཚམས་འདྲིའི་གསུང་འཕྲིན་བསྩལ་འདུག ༸གོང་ས་མཆོག་གིས་འཚམས་འཕྲིན་དེའི་ནང་༸གོང་ས་མཆོག་ནས་སྐུ་ཞབས་ Dr. Mahathir Mohamad མཆོག་གི་ Pakatan Harapan ཆབ་སྲིད་ཚོགས་པར་རྒྱལ་ཁབ་ཀྱི་འོས་བསྡུ་ཆེན་མོ་ལས་ལོ་རྒྱུས་ཀྱི་རང་བཞིན་ལྡན་པའི་རྒྱལ་ཁ་ཐོབ་པ་དང་འདི་བཞིན་སྐུ་ཞབས་ཁོང་སླར་ཡང་སྲིད་བློན་དུ་འདེམས་ཐོན་བྱུང་བར་འཚམས་འདྲི་གནང་བ་དང་འབྲེལ། མི་མང་ཚོས་འོས་འཕེན་པ་དེས་འགྱུར་ལྡོག་དང་མ་ལ་ཤི་ཡའི་ནང་མང་གཙོའི་ལམ་ལུགས་སྲ་བརྟན་ཇི་ཙམ་ཡོད་པ་མིག་སྟོན་གནང་བ་ཞིག་མཚོན་སྐོར་བཀའ་བསྩལ་འདུག ད་དུང་༸གོང་ས་མཆོག་གིས་དེ་སྔ་ཕྱི་ལོ་ ༡༩༨༢ ལོར་མགོན་པོ་༸གང་ཉིད་མཆོག་མ་ལ་ཤི་ཡའི་ནང་ཆིབས་བསྒྱུར་མཛད་མྱོང་ཡོད་པ་བཀའ་བསྩལ་བ་དང་སྦྲགས། ཉེ་དུས་སུ་༸གང་ཉིད་མཆོག་ནས་མ་ལ་ཤི་ཡའི་མང་ཚོགས་མང་དག་ཞིག་རྒྱ་གར་ནང་གནས་མཇལ་དུ་ཕེབས་མཁན་གྲོགས་ཕོ་མོ་རྣམས་དང་མཇལ་མོལ་ཡོང་གི་ཡོད་པ་བཀའ་བསྩལ་འདུག ལྷག་དོན་༸གོང་ས་མཆོག་གིས་མང་ཚོགས་དེ་དག་ནས་ངོས་ཀྱིས་འབད་བརྩོན་ཞུ་བཞིན་པའི་འགྲོ་བ་མིའི་གཞི་རྩའི་བཟང་སྤྱོད་དང་ཆོས་ལུགས་མཐུན་སྒྲིལ་ཐོག་དགའ་མོས་དང་རྒྱབ་སྐྱོར་གནང་བར་ཡི་རང་བསྔགས་བརྗོད་ཡོད་པ་བཀའ་བསྩལ་བ་མ་ཟད། སྲིད་བློན་མཆོག་གི་ལས་ཡུན་དེའི་ནང་གདོང་ལེན་གནང་སྒོ་ཁག་ལ་འགེགས་མེད་ལམ་ལྷོང་ཡོང་བ་དང་། མ་ལ་ཤི་ཡའི་མང་ཚོགས་ཀྱི་རེ་བ་དང་མངོན་འདོད་མཐའ་དག་ལེགས་གྲུབ་ཡོང་བར་ཐུགས་སྨོན་མཛད་འདུག
༸གོང་ས་མཆོག
རིས་མེད་བཙུན་མ་ཚོས་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུ་རྒྱུ།
vot.org
-
23/02/2018
སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བོད་ཀྱི་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་བཅས་ཀྱི་བཙུན་མ་ཐུན་མོང་ནས་ཇི་ལྟར་གསོལ་འདེབས་ཞུས་དོན་ལྟར། ཕྱི་ཟླ་ ༣ ཚེས་ ༡ ཉིན་སྔ་དྲོ་ཚོུད་ ༨།༣༠ ཐོག་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་མགོན་པོ་༸གང་ཉིད་མཆོག་༸སྐུ་ཚེ་མི་འཇིག་རྡོ་རྗེ་འཆང་གི་ངོ་བོར་བརྟན་ཕྱིར་སྒྲོལ་དཀར་ཡིད་བཞིན་འཁོར་ལོའི་ཆོ་གའི་སྒོ་ནས་བརྟན་བཞུགས་རྒྱས་པ་ཞིག་བསྟར་འབུལ་ཞུ་རྒྱུ་རེད་འདུག དེའང་ཐེངས་འདིའི་བརྟན་བཞུགས་དེ་གཙོ་བོ་ད་བར་༸རྒྱལ་མཆོག་༸སྐུ་འཕྲེང་རིམ་བྱོན་རྣམས་ནས་བོད་ཀྱི་རིས་སུ་མ་ཆད་པའི་ཆོས་བརྒྱུད་ཁག་གི་བཙུན་མ་རྣམས་ལ་ཐུགས་རྗེ་ཆེན་པོས་རྗེས་སུ་འཛིན་པ། ལྷག་པར་དུ་༸རྒྱལ་དབང་༸སྐུ་འཕྲེང་བཅུ་བཞི་པ་ཆེན་པོ་མཆོག་གིས་བཙུན་མའི་བསླབ་པ་སློབ་གཉེར་ཐོག་ལམ་བསྟོན་བཀའ་སློབ་དང་མཐུན་འགྱུར་སོགས་གནང་བར་བཀའ་དྲིན་རྗེས་དྲན་མཚོན་ཆེད་དང་། རང་ཅག་ཁ་བ་གངས་ཅན་པ་རྣམས་ཀྱི་ཚེ་རབས་ཐོག་མེད་ནས་བསགས་པའི་ལས་སྨོན་གྱི་རྟེན་འབྲེལ་གོང་འཕེལ། ཁྱད་པར་དུ་མགོན་པོ་༸གང་ཉིད་མཆོག་བསྟན་འགྲོ་ཡོངས་ཀྱི་སླད་དུ་༸སྐུ་ཚེ་མི་འཇིག་རྡོ་རྗེ་ཁམས་སུ་བརྟན་ཅིང་རླབས་ཆེན་གྱི་ཐུགས་བཞེད་མཐའ་དག་ལྷུན་གྱིས་གྲུབ་པ་སོགས་ལ་དམིགས་ཏེ་ཕུལ་བ་ཞིག་ཡིན་པ་རེད་འདུག ཐེངས་འདིའི་བརྟན་བཞུགས་དང་འབྲེལ་དེ་རིང་སྔ་ཐོག་གཙུག་ལག་ཁང་དུ་རྣམ་གྲྭ་མཁན་པོ་ཁྲོམ་ཐོག་རིན་པོ་ཆེ་མཆོག་དབུ་བཞུགས་ཐོག་བརྟན་བཞུགས་ཀྱི་སྒྲུབ་བཤག་ཆོ་ག་དབུ་འཛུགས་གནང་ཡོད་པ་དང་། བོད་ཚེས་ ༡༤ ཉིན་བོད་ཀྱི་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་བཅས་ཀྱི་བླ་ཆེན་དང་སྐུ་ཚབ་བཅས་ཆེད་ཕེབས་གནང་གི་ཡོད་པ་དང་། བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་གྱི་མཛད་གཙོ་རྣམ་པ། དེ་བཞིན་གཞུང་འབྲེལ་མ་ཡིན་པའི་ཚོགས་སྐྱིད་ཁག་གི་སྐུ་ཚབ་བཅས་ནས་མཉམ་ཞུགས་གནང་གི་འདུག ཤེས་རྟོགས་བྱུང་བར་བོད་ཀྱི་ཆོས་བརྒྱུད་རིས་མེད་ཁག་གི་བཙུན་མ་ཐུན་མོང་ནས་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུ་རྒྱུ་དེ་ནི་ཆེས་ཐོག་མ་ཆགས་ཀྱི་ཡོད་པ་རེད།
༸གོང་ས་མཆོག
༸གོང་ས་མཆོག་ནས་ཨ་རིའི་བྱམས་བརྩེའི་གྲོང་ཁྱེར་གཉིས་ཀྱི་སྤྱི་ཁྱབ་དང་མཇལ་མོལ་མཛད་པ།
vot.org
-
22/02/2018
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཉེ་ལམ་ཨ་རིའི་ Kentucky མངའ་སྡེའི་བྱམས་བརྩེ་གྲོང་ཁྱེར་ Louisville སྤྱི་ཁྱབ་སྐུ་ཞབས་ Greg Fischer མཆོག་དང་ཨ་རིའི་ California མངའ་སྡེའི་སྙིང་རྗེ་གྲོང་ཁྱེར་ Anaheim སྤྱི་ཁྱབ་སྐུ་ཞབས་ Tom tait མཆོག་རྣམ་གཉིས་དང་མཇལ་མོལ་མཛད་ཡོད་པ་རེད། དེའང་གྲོང་ཁྱེར་གྱི་སྤྱི་ཁྱབ་སྐུ་ཞབས་རྣམ་གཉིས་ནས་བཞུགས་སྒར་༸རྒྱལ་བའི་ཕོ་བྲང་དུ་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་མོལ་ཞུས་སྐབས་གྲོང་ཁྱེར་སོ་སོ་ནང་གི་བྱམས་བརྩེ་དང་སྙིང་རྗེ་འབྲེལ་བའི་ལས་གཞི་ཁྱབ་སྤེལ་དང་འཛུགས་སྐྲུན་ཞུ་སྒོ་ཁག་སྙན་གསེང་ཞིབ་རྒྱས་ཞུས་འདུག་པ་དང། སྤྱི་ཁྱབ་སྐུ་ཞབས་ Greg Fischer མཆོག་སྐུ་སྒེར་གྱི་འཕྲུལ་བྱའི་སྟེང་དུ་སྐབས་དེར་མགོན་པོ་༸གང་ཉིད་མཆོག་གིས་ Louisville གྲེང་ཁྱོར་ནས་ཡིན་པའི་འཛམ་གླིང་ཐོག་ཁུ་ཚུར་རྩལ་འགྲན་པ་གྲགས་ཅན་སྐུ་གཤེགས་དམ་པ་ Muhammad Ali མཆོག་གི་མཚན་འཁོད་དབུ་ཞྭ་བཞེས་ཡོད་པ་མངོན་རྒྱུ་འདུག གཞི་རྩའི་ Louisville...
༸གོང་ས་མཆོག
༸གོང་ས་མཆོག་དང་བོད་གཞུང་མང་གཉིས་ནས་ལྷོ་ཨ་ཕི་རི་ཀའི་སྲིད་འཛིན་གསར་པ་སྐུ་ཞབས་སཡི་རིལ་རྭ་མ་ཧྥོ་ས་མཆོག་ལ་འཚམས་འདྲི་གནང་བ།
vot.org
-
21/02/2018
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་ལྷོ་ཨ་ཕི་རི་ཀའི་རྒྱལ་ཡོངས་འོས་བསྡུ་ཆེན་མོའི་ཁྲོད་སྐུ་ཞབས་ Cyril Ramaphosa མཆོག་ལ་རྒྱལ་ཁ་ཐོབ་ནས་སྲིད་འཛིན་དུ་འོས་འདེམས་བྱུང་བར་འཚམས་འདྲིའི་གསུང་འཕྲིན་བསྩལ་འདུག མགོན་པོ་མཆོག་གིས་འཚམས་འཕྲིན་དེའི་ནང་སྲིད་འཛིན་མཆོག་ལ་ཞི་བདེ་ལྷིང་འཇགས་ངང་ནས་སྲིད་དབང་རྩིས་སྤྲོད་གནང་བ་དེས་ཨ་ཕི་རི་ཀ་རྒྱལ་ཁབ་དེའི་ནང་མང་གཙོའི་རྩ་བ་སྲ་བརྟན་ཡོད་པ་མངོན་ཡོད་པ་དང་། ཁྱད་པར་དུ་ཨ་ཕི་རི་ཀའི་སྲིད་འཛིན་ཟུར་པ་དང་ཞི་བདེ་དེད་དཔོན་དམ་པ་སྐུ་ཞབས་ Nelson Mandela མཆོག་གིས་དྲང་བདེན་དང་འགྲིགས་འཇགས་ཐོག་ཞི་བདེ་དང་མང་གཙོ། འདྲ་མཉམ་བཅས་ཡང་དག་པའི་དབུ་ཁྲིད་ལམ་སྟོན་གནང་ཡོད་པ་སོགས་ལ་ཡི་རང་བསྔགས་བརྗོད་མཛད་འདུག དེ་བཞིན་མགོན་པོ་༸གང་ཉིད་མཆོག་གིས་ཨ་ཕི་རི་ཀའི་རྒྱལ་ཁབ་དེ་ཡར་རྒྱས་དང་གོང་འཕེལ་གྱི་ཕྱོགས་སུ་བསྐྱོད་རྒྱུའི་ནུས་པ་ལྡན་ཡོད་པ་དང་། ལྷག་པར་དུ་༸གང་ཉིད་མཆོག་གིས་སྲིད་འཛིན་སྐུ་ཞབས་ Cyril Ramaphosa མཆོག་ནས་དབུ་ཁྲིད་འོག་ལྷོ་ཨ་ཕི་རི་ཀའི་རྒྱལ་ཁབ་དེ་མུ་མཐུད་ནས་ཡར་རྒྱས་དང་གོང་འཕེལ་གྱི་ཕྱོགས་སུ་མདུན་བསྐྱོད་ཐུབ་པ་མ་ཟད། སྤྱི་ཚོགས་ཁྲོད་ཀྱི་ཆེས་ཉམ་ཐག་ཚོའང་སྣེ་ཁྲིད་གནང་ཐུབ་པར་ཐུགས་རེ་གནང་བཞིན་ཡོད་པ་བཀའ་སྩལ་དང་ཆབས་ཅིག མང་ཚོགས་ཀྱི་ངོས་ནས་ཕུགས་ལ་བཟང་ཕྱོགས་ཀྱི་འགྱུར་བ་ཡོང་བའི་རེ་བ་དང་ཡིད་ཆེས་འཕེལ་བ་ཞིག་ཐུབ་པ་དང་། ལྷག་པར་དུ་རྒྱལ་ཁབ་གཞན་ཚོས་ཀྱང་དམིགས་དཔེ་བྱ་འོས་པ་ཞིག་གནང་དགོས་གལ་ཡིན་པ་ལམ་སྟོན་བསྩལ་ཡོད་པ་རེད། མགོན་པོ་མཆོག་གི་སྲིད་འཛིན་མཆོག་ལ་སྩལ་བའི་གསུང་འཕྲིན་དེའི་མཐའ་མཇུག་ཏུ། ཁོང་གིས་དབུ་ཁྲིད་འོག་གཞུང་འཛིན་ལས་ཡུན་རིང་ལ་ལས་དོན་གང་ཅིའི་ཐོག་གདོང་ལེན་གྱིས་རྒྱལ་ཁབ་ཀྱི་མི་མང་ཚོའི་ཐུགས་རེ་དང་མངོན་འདོད་ལྟར་ལམ་ལྷོང་ཡོང་བའི་སྨོན་འདུན་ཡོད་པ་བཀའ་གནང་འདུག གཞན་ཡང་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཐེངས་འདིར་སྐུ་ཞབས་སཡི་རིལ་རཱ་མ་ཧྥོ་ས་མཆོག་ལྷོ་ཨ་ཕི་རི་ཁའི་སྲིད་འཛིན་དུ་བསྐོ་གཞག་བྱུང་བར་དགའ་བསུའི་འཚམས་འདྲི་ཞུས་པ་དང་འབྲེལ་ཁོང་གི་གཞུང་འཛིན་ལས་དོན་མཐའ་དག་ལམ་ལྷོང་ཡོང་བའི་སྨོན་འདུན་ཞུས་འདུག་པ་མ་ཟད། ལྷོ་ཨ་ཕི་རི་ཀའི་ནང་ཞི་བའི་ཐབས་ལམ་ལམ་ལྷོངས་བྱུང་ཡོད་པ་ལྟར་བོད་ཀྱི་གནད་དོན་དེ་ཡང་ཞི་བའི་ཐོག་ནས་གསལ་ཐུབ་པར་ཡིད་ཆེས་ཡོད་པ་སོགས་གསུངས་འདུག
༸གོང་ས་མཆོག
༸གོང་ས་མཆོག་གིས་མེག་སི་ཁོ་དུ་ས་ཡོམ་གྱི་གོད་ཆག་ཕོག་པར་ཐུགས་གསོ་མཛད་པ།
vot.org
-
23/09/2017
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་གཟའ་འཁོར་འདིའི་རེས་གཟའ་མིག་དམར་ཉིན་མེག་སི་ཁོའི་ Puela མངའ་སྡེ་ནང་ས་ཡོམ་ཤུགས་ཚད་ ༧༌༥ ཅན་རྒྱབ་ནས་སྡོད་ཁང་འགྱལ་རྡིབ་སོགས་ཀྱི་རྐྱེན་ངན་འོག་མི་རྒྱུ་གཉིས་ཀར་གནོད་འཚེ་ཚབས་ཆེ་ཕོག་པར་ཐུགས་ཕམ་ཆེན་པོ་བྱུང་ཞེས་ཐུགས་གསོ་མཛད་འདུག དེའང་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་ཚེས་ ༢༢ ཉིན་ Mexico འི་ Puela མངའ་སྡེའི་སྲིད་སྐྱོང་སྐུ་ཞབས་ Enrique Pena Nieto མཆོག་གི་མཚན་ཐོག་ཏུ་གསུང་འཕྲིན་ཞིག་བསྩལ་ཡོད་པ་དེའི་ནང་ས་འགུལ་ཤུགས་ཚད་ཆེན་པོ་ཞིག་བྱུང་རྐྱེན་མང་ཚོགས་ཚོའི་ཚེ་སྲོག་ཤོར་བ་དང་སྡོད་ཁང་སོགས་ལ་གནོད་འཚེ་དཔག་མེད་བྱུང་བར་ཐུགས་སྨོན་མཛད་པ་དང་། དེ་བཞིན་༸གོང་ས་མཆོག་གིས་མེག་སི་ཁོའི་སྲིད་སྐྱོང་མཆོག་གིས་གཙོས་པའི་ཡུལ་མི་དེ་དག་གི་ནང་མི་དགའ་ཉེ་ཚོར་ས་འགུལ་རྐྱེན་པས་གནོད་འཚེ་ཕོག་པར་ཐུགས་གསོ་དང་བསྔོ་སྨོན་མཛད་འདུག ལྷག་དོན་༸གོང་ས་མཆོག་གིས་མེག་སི་ཁོ་མངའ་སྡེ་ནང་ས་འགུལ་གྱི་འཇིག་པ་ལས་སྲོག་ཐར་བ་དང་རྨས་སྐྱོན་ཕོག་པ་ཚོའི་ཆེད་དུ་ངལ་བ་ཁྱད་གསོད་ཀྱིས་ཉེན་སྐྱོབ་ལས་གཞི་སྤེལ་མུས་ཡིན་པ་མཁྱེན་རྟོགས་ཡོད་སྐོར་བཀའ་སྩལ་དང་ཆབས་ཅིག ༸གོང་ས་མཆོག་གིས་དེ་སྔ་མགོན་པོ་༸གང་ཉིད་མཆོག་མེག་སི་ཁོ་མངའ་སྡེའི་ནང་ཐེངས་འགའ་ཤས་ཕེབས་མྱོང་ཡོད་པ་དང་། མངའ་སྡེ་དེའི་ནང་ཆིབས་སྒྱུར་མཐའ་མ་དེ་ཕྱི་ལོ་ ༢༠༡༣ ལོར་མཛད་ཡོད་པ་གསུངས་འདུག ད་ལན་མངའ་སྡེ་དེའི་ནང་རང་བྱུང་ས་འགུལ་འཇིག་པའི་འོག་མི་རྒྱུ་གཉིས་ཀར་གནོད་འཚེ་ཆེན་པོ་ཕོག་པར་ཐུགས་ཕམ་ཆེན་པོ་བྱུང་ཞེས་བཀའ་བསྩལ་འདུག གཞི་རྩའི་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཉེ་སྔོན་མེག་སི་ཁོར་ས་འགུལ་གྱི་གོད་ཆག་ཕོག་པར་ཐུགས་གསོ་དང་འབྲེལ། ཁུལ་དེའི་གཞུང་དང་མང་ཚོགས་ཀུན་ནས་དཀའ་ངལ་དེའོ་འོག་མཉམ་རུབ་ཀྱི་ནུས་པ་སྟོན་ནས་དཀའ་ངལ་ལས་ཐར་ཐབས་གནང་བཞིན་པར་བསྔགས་བརྗོད་དང་། དཀའ་ངལ་དེ་དག་ལས་གང་མགྱོགས་གྲོལ་བར་སྨོན་ལམ་ཡོད་པ་སོགས་གསུངས་ཡོད་པ་རེད།
༸གོང་ས་མཆོག
༸གོང་ས་མཆོག་དང་བོད་གཞུང་མང་གཉིས་ནས་རྒྱ་གར་གྱི་སྲིད་འཛིན་གསར་པ་སྐུ་ཞབས་རཱམ་ནཱཐ་ཀོ་བིཾད་མཆོག་ལ་འཚམས་འདྲི་གནང་པ།
vot.org
-
21/07/2017
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་ལ་དྭགས་རྒྱལ་ས་གླེ་ནས་གསར་དུ་འདེམས་ཐོན་བྱུང་བའི་རྒྱ་གར་གྱི་སྲིད་འཛིན་ ༡༤ པ་སྐུ་ཞབས་རཱམ་ནཱཐ་ཀོ་བིཾད་མཆོག་ལ་དགའ་བསུའི་འཚམས་འདྲི་བསྩལ་བ་དང་ཆབས་ཅིག རྒྱ་གར་གཞུང་མང་གཉིས་ནི་བོད་མིར་བཀྲིན་ཆེན་པོ་ཡིན་པའི་གསུང་འཕྲིན་ཞིག་གནང་འདུག མགོན་པོ་མཆོག་གིས་འཚམས་འཕྲིན་དེའི་ཐོག་ནས་སྲིད་འཛིན་སྐུ་ཞབས་ Ram Nath Kovind མཆོག་ལ་འདི་ལོ་བོད་མི་རྣམས་རྒྱ་གར་ནང་བཙན་བྱོལ་བྱས་ནས་ལོ་ ༥༨ ཆགས་ཀྱི་ཡོད་པ་དང་། དུས་ཡུན་འདིའི་རིང་ལ་རྒྱ་གར་གཞུང་མང་གཉིས་བོད་མི་རྣམས་ལ་བརྩེ་བ་ཆེན་པོས་གཟིགས་སྐྱོང་དང་བོད་མི་འབུམ་གཅིག་ལྷག་ཙམ་ཡོད་པ་རྣམས་མུ་མཐུད་གནས་ཚང་གཡར་གནང་བཞིན་ཡོད་སྟབས། རྒྱ་གར་ནི་བོད་མི་རྣམས་ལ་ཧ་ཅང་གི་བཀྲིན་ཆེན་པོ་ཡིན་པ་བཀའ་གནང་འདུག ཁྱད་པར་དུ་མགོན་པོ་༸གང་ཉིད་མཆོག་ལྟ་བུ་ལ་ཆ་མཚོན་ན་རྒྱ་གར་གྱི་འབྲས་དང་། སྲན་མ། བག་ལེབ་བཅས་ལ་བརྟེན་ནས་ཕྱི་ལུས་པོ་འཚོ་བཞིན་ཡོད་པ་དང་། དེ་བཞིན་༸གང་ཉིད་མཆོག་གི་ནང་བསམ་བློའི་ཡོན་ཏན་དེ་དག་༸དཔལ་ནཱ་ལེནྡྲའི་ནང་པའི་རིག་གཞུང་ལ་བརྟེན་ནས་བྱུང་ཡོད་སྟབས། ༸སྐུ་ཉིད་མཆོག་ནས་རྒྱ་གར་རྒྱལ་ཁབ་ཆེན་པོ་འདི་ལ་དོན་དམ་གྱི་འབྲེལ་བ་དམིགས་བསལ་བ་ཞིག་དང་རྒྱལ་ཁབ་ཀྱི་བདེ་དོན་སླད་ཡང་ཡང་སེམས་ཚོར་ཡོང་གི་ཡོད་པ་བཀའ་གནང་འདུག ད་དུང་༸གོང་ས་༸སྐྱབས་མགོན་ཆེན་པོ་མཆོག་གིས་འཚམས་འཕྲིན་དེའི་ནང་། སྲིད་འཛིན་མཆོག་ལ་མགོན་པོ་༸གང་ཉིད་མཆོག་ནས་འཛམ་གླིང་ཆོས་ལུགས་མཐུན་སྒྲིལ་སོགས་༸སྐུའི་ཐུགས་བསྐྱེད་དམ་བཅའ་གསུམ་གྱི་ཐོག་ནས་འཛམ་གླིང་བྱམས་བརྩེ་ལྡན་པ་ཞིག་སྐྲུན་ཐབས་གནང་བཞིན་ཡོད་པ་བཀའ་གནང་པ་མ་ཟད། ཉེ་ལམ་ནས་མགོན་པོ་མཆོག་གིས་མཛད་འཁུར་བཞི་པ་སྟེ་རྒྱ་གར་གྱི་གནའ་བོའི་ཤེས་བྱ་བསྐྱར་གསོ་གནང་འགོ་ཚུགས་ཡོད་པ་དེ་ཡང་རྐང་ནང་སེམས་ཁམས་རིག་པའི་རྣམ་གཞག་སྐོར་ཆགས་ཀྱི་ཡོད་པ་བཀའ་གནང་འདུག ལྷག་པར་དུ་༸གོང་ས་༸སྐྱབས་མགོན་ཆེན་པོ་མཆོག་གིས་ད་ལྟའི་དུས་འདིར་དེང་དུས་ཤེས་ཡོན་དང་གནའ་བོའི་ཤེས་བྱ་ཟུང་འབྲེལ་ཐོག་ནས་ནང་སེམས་རྒྱུད་ཀྱི་བཟང་པོའི་རིན་ཐང་གོང་འཕེལ་དང་སེམས་རྒྱུད་འདུལ་རྒྱུའི་ནུས་པ་ཁྱད་པར་བ་དེ་རྒྱ་གར་ཁོ་ན་མ་གཏོགས་མེད་པ་གཟིགས་ཀྱི་ཡོད་པ་བཀའ་ནན་གནང་འདུག མགོན་པོ་མཆོག་གི་རྒྱ་གར་གྱི་སྲིད་འཛིན་གསར་པ་མཆོག་ལ་སྩལ་བའི་གསུང་འཕྲིན་དེའི་མཐའ་མཇུག་ཏུ། དེ་རིང་སང་ཉིན་རྒྱ་གར་དེ་བཞིན་ཡར་རྒྱས་དང་ནུས་སྟོབས་གོང་འཕེལ་འགྲོ་བཞིན་པའི་དུས་སྐབས་སུ་༸གང་ཉིད་མཆོག་སྤོབས་པ་སྐྱེས་གནང་གི་འདུག་ཅེས་དང་། ཡང་སྒོས་ཁྱད་དུ་མཚར་བའི་རྒྱ་གར་གྱི་མིག་དཔེ་འོས་པའི་ཆོས་ལུགས་མཐུན་སྒྲིལ་དང་བྱམས་རྙིང་རྗེ། དེ་བཞིན་འཚེ་མེད་ཞི་བའི་ཡོན་ཏན་དེ་དག་ལ་བརྟེན་ནས་དེང་སང་རྒྱལ་སྤྱིའི་སྤྱི་ཚོགས་ནས་རྒྱ་གར་གྱི་གལ་གནད་སྐོར་ལ་གོ་རྟོགས་སླེབས་མཚམས་སུ་མགོན་པོ་༸གང་ཉིད་མཆོག་དམིགས་བསལ་ཐུགས་དགྱེས་ཚོར་ཡོང་ཡོད་པ་མ་ཟད། རྒྱ་གར་གྱི་ངོས་ནས་སྤྱི་ཚོགས་དང་རྒྱལ་ཕྲན་གཞན་གྱི་བདེ་རྩའི་སླད་རང་གི་གནའ་བོའི་རིག་གཞུང་ཕྱུག་པོ་དེ་སྤྱོད་ནས་རོགས་ཕན་གནང་གལ་ཡིན་པའི་བསྔགས་བརྗོད་མཛད་པ་དང་ལྷན་ཅིག་ཏུ་སྐུ་ཞབས་...
Latest news
Saturday 07/09/2024
07/09/2024
མོན་པའི་དད་ལྡན་པ་ཚོས་༸གོང་ས་མཆོག་ལ་བརྟན་བཞུགས་བསྟར་འབུལ།
07/09/2024
མོན་པས་༸སྐུའི་གོ་སྟོན་སྲུང་བརྩི་ཞུས་པ།
07/09/2024
རྒྱལ་ཚོགས་ཀྱི་དམིགས་བསལ་སྐུ་ཚབ་ ༡༣ གྱིས་སྡེ་དགེ་སྐམ་ཐོག་གི་ཆུ་མཛོད་ལས་གཞིར་ཐུགས་འཚབ་ཀྱི་རྣམ་པ་ཤུགས་ཆེ་བཏོན་གནང་འདུག
07/09/2024
Friday 06/09/2024
06/09/2024
- Advertisement -