Tibetan Royal Year of 2151 | Year of the Wood Dragon

- Advertisement -spot_img

TAG

རྡོ་རྗེ་གདན།

༸གོང་ས་མཆོག་རྒྱ་གར་གྱི་རྒྱལ་ས་ལྡི་ལིར་༸ཞབས་སོར་བདེ་བར་འཁོད་པ།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གནས་མཆོག་རྡོ་རྗེ་གདན་གྱི་མཛད་འཆར་ཁག་ལེགས་པར་གྲུབ་སྟེ་དེ་རིང་ཕྱི་ཟླ་ ༡ ཕྱི་ཚེས་ ༢༠ ཉིན་གྱི་སྔ་དྲོ་རྡོར་གདན་ནས་ཆིབས་ཐོན་གྱིས་གྷ་ཡ་གནམ་ཐང་ནས་མཁའ་ལམ་བརྒྱུད་རྒྱ་གར་གྱི་རྒྱལ་ས་ལྡི་ལིར་༸ཞབས་སོར་བདེ་བར་འཁོད་ཡོད་པ་དང་། སྐབས་དེར་རྒྱལ་ས་ལྡི་ལིའི་གནམ་ཐང་དུ་ལྡི་ལི་བོད་ཀྱི་སྐུ་ཚབ་དོན་གཅོད་སྐུ་ཞབས་བློ་བཟང་ཤཱསྟྲཱི་ལགས་ཀྱིས་དབུས་པའི་འབྲེལ་ཡོད་ལས་བྱེད་ཚོས་ཕེབས་བསུའི་སྣེ་ལེན་ཞུས་ཡོད་པ་རེད། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དེ་རིང་སྔ་དྲོ་གནས་མཆོག་རྡོར་གདན་ནས་ཆིབས་ཐོན་མཛད་སྐབས་ཁུལ་དེར་གཉུག་མར་གནས་པ་དང་གློ་བུར་དུ་ལྷགས་པའི་ཕྱི་ནང་གི་དད་ལྡན་མང་ཚོགས་ཚོས་དད་གུས་ཆེན་པོའི་ཐོག་ནས་མགོན་པོ་༸གང་ཉིད་མཆོག་ལ་ཕེབས་སྐྱེལ་ཞུས་ཡོད།   མཛད་འཆར་ལ་གཞིགས་ན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལྡི་ལི་ཁུལ་དུ་ཉིན་གྲངས་གསུམ་རིང་བཞུགས་ཞག་མཛད་ཀྱི་ཡོད་པ་དང་། སང་ཚེས་ ༢༡ ཉིན་མགོན་པོ་༸གང་ཉིད་མཆོག་གིས་ Indian Institute of Public Administration རྒྱ་གར་སྤྱི་དམངས་འཛིན་སྐྱོང་ལྟེ་གནས་སུ་བཀའ་སློབ་ལམ་སྟོན་སྩལ་རྒྱུ་དང་། ཉམས་ཞིབ་ལྟེ་གནས་ཁང་གི་མཛད་སྒོའི་ཐོག་རྒྱ་གར་དབུས་གཞུང་གི་གནད་ཡོད་དཔོན་རིགས་ཁག་གཅིག་ཆེད་ཕེབས་གནང་གི་འདུག གནངས་ཚེས་ ༢༢ ཉིན་མགོན་པོ་༸གང་ཉིད་མཆོག་ནས་ལྡི་ལི་ཁུལ་དུ་གནད་ཡོད་མི་སྣ་ཁག་གཅིག་དང་མཇལ་འཕྲད་ཀྱི་མཛད་འཕྲིན་བསྐྱངས་གྲུབ་རྗེས་ཕྱི་ཚེས་ ༢༣ ཉིན་ཧི་མཱ་ཅལ་མངའ་སྡེའི་དྷརྨ་སཱ་ལཱའི་བཞུགས་སྒར་༸རྒྱལ་བའི་ཕོ་བྲང་དུ་༸ཞབས་སོར་འཁོད་གནང་མཛད་ཀྱི་ཡོད་པ་རེད། གཞི་རྩའི་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་འདས་ལོའི་ཕྱི་ཟླ་ ༡༢...

ཕོ་བྲང་པོ་ཏ་ལའི་བཞུགས་ཁྲི་གླིང་ཁར་ལྷན་འཛོམས་ཡོང་བའི་རེ་བ་ཡོད།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དེ་རིང་ཕྱི་ལོ་ ༢༠༢༣ ཕྱི་ཟླ་ ༡ ཚེས་ ༡༨ ཉིན་རྒྱ་གར་གྱི་གནས་མཆོག་རྡོ་རྗེ་གདན་དུ་རྟེན་གཞི་བྱས་པའི་དཔལ་ཡུལ་རྣམ་གྲོལ་གླིང་དགོན་པར་སྔ་འགྱུར་རྙིང་མའི་ཆོས་བརྒྱུད་པས་མགོན་པོ་༸གང་ཉིད་མཆོག་༸སྐུ་ཚེ་བསྐལ་བརྒྱར་བརྟན་ཕྱིར་རྫོགས་པ་ཆེན་པོ་ཀློང་ཆེན་སྙིང་གི་ཐིག་ལེའི་རིག་འཛིན་ཡུལ་ཀ་བདེ་ཆེན་རྒྱལ་མོའི་སྒོ་ནས་མཁའ་འགྲོའི་བསུན་ཟློག་དང་འབྲེལ་བའི་ཆོ་གའི་ཐོག་ནས་བརྟན་བཞུགས་རྒྱས་པ་ཞིག་བསྟར་འབུལ་ཞུས་ཡོད་པ་དང་། སྐབས་དེར་༸གོང་ས་མཆོག་གིས་མགོན་པོ་༸གང་ཉིད་མཆོག་ད་དུང་དགུང་གྲངས་བཅུ་ཕྲག་གཅིག་གཉིས་རིང་༸སྐུ་འཚོ་བཞུགས་མཛད་རྒྱུ་ཡིན་ཞེས་བཀའ་སྩལ་བ་མ་ཚད་པར་སླད་མར་ཕོ་བྲང་པོ་ཏ་ལའི་བཞུགས་ཁྲི་གླིང་ཁར་ལྷན་འཛོམས་ཡོང་བའི་ཐུགས་རེ་ཡོད་ཅེས་བཀའ་སྩལ་ཡོད། དེ་རིང་བརྟན་བཞུགས་བསྟར་འབུལ་གྱི་མཛད་སྒོ་དངོས་གཞི་དབུ་འཛུགས་དང་འབྲེལ་ཏེ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་འདིར་ང་རང་ཚོ་བོད་གངས་ཅན་ལྗོངས་ཀྱི་ས་དགེ་བཀའ་རྙིང་རིས་སུ་མ་ཆད་པའི་ཆོས་བྱེད་ཚོ་དད་པ་དང་འདུན་པ། ཆིག་སྒྲིལ་གྱི་ཐོག་ནས་ལྷན་འཛོམས་བྱུང་ཡོད་པ་རེད། རྟེན་ཅིང་འབྲེལ་བར་འབྱུང་བ་ཞིག་ཡིན་སྟབས་ངོས་ཀྱིས་གཉན་འཕྲང་གི་དུས་སྐབས་འདིར་བོད་ཀྱི་བསྟན་པ་དང་འགྲོ་བའི་དོན་ལ་ཁ་ཡོད་ལག་ཡོད་ཕན་ཐོགས་བྱེད་ཐུབ་ཀྱི་འདུག་ཅེས་བཀའ་སྩལ་བ་དང་སྦྲགས་ཏེ། སྔར་གྱི་གཟིམས་ལམ་ཁག་ཏུ་དགུང་གྲངས་བརྒྱ་ཕྲག་ལྷག་བཞུགས་རྒྱུའི་མཚན་མ་བྱུང་དོན་ལྟར་དེ་ལྟར་༸སྐུ་འཚོ་བཞུགས་མཛད་རྒྱུ་ཡིན་པར་བཀའ་བཞེས་བཟང་པོ་སྩལ་སོང་། དེ་བཞིན་༸གོང་ས་མཆོག་གིས་མགོན་པོ་༸གང་ཉིད་མཆོག་གི་༸སྐུ་ཚེ་ནང་གི་ངལ་བ་ཆེས་འཕྲད་ཀྱི་ལེའུ་དེ་རྫོགས་པ་ལྟ་བུར་གྱུར་ཡོད་པར་བཀའ་སྩལ་བ་དང་ཆབས་ཅིག་འཛམ་གླིང་གི་མི་མང་ཚོའི་དངོས་ཡོད་ཀྱི་གོ་རྟོགས་དེ་རིམ་བཞིན་གོང་འཕེལ་སོང་བ་དང་བསྟུན་སླད་མར་མིང་དོན་མཚུངས་པའི་རང་སྐྱོང་གི་གནས་བབ་ཞིག་གི་ཐོག་ནས་བོད་ཀྱི་བདེན་མཐའ་གསལ་ངེས་རེད་ཅེས་བཀའ་སྩལ་ཡོད། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ད་དུང་བོད་མི་གཙོ་བོར་གྱུར་པའི་ཕྱི་ནང་གི་དད་ལྡན་རྒྱ་ཆེ་མང་ཚོགས་ཚོས་ངོས་ལ་དགའ་མོས་ཇི་ཙམ་གྱི་ཡོད་པ་དེའི་ཚོད་ཀྱིས་སོ་སོའི་མི་ཚེ་དེ་ཕྲག་དོག་དང་ང་རྒྱལ། འགྲན་སེམས་སོགས་ཀྱི་གཞན་དབང་དུ་མ་སོང་བར་བྱམས་བརྩེ་ལྡན་པའི་མི་ཚེ་ཞིག་སྐྱེལ་དགོས་པར་ལམ་སྟོན་བཀའ་དྲིན་ཆེ་བ་སྩལ་ཡོད།ལྷག་དོན་༸གོང་ས་མཆོག་གིས་ང་ཚོ་འདིར་རྒྱ་གར་གྱི་ས་ཁུལ་ཞིག་ཏུ་ལྷན་འཛོམས་ཀྱིས་བརྟནབབཞུགས་བསྟར་འབུལ་ཞུས་པ་བཞིན་མ་འོངས་པར་ལྷ་ལྡན་གཙུག་ལག་ཁང་གི་ཉེ་འཁྲིས་སུ་ཆགས་པའི་རྩེ་ཕོ་བྲང་པོ་ཏ་ལའི་བཞུགས་ཁྲི་གླིང་ཁར་དེ་ལྟར་གནང་རྒྱུ་ཡོང་བའི་ཐུགས་རེ་ཡོད་པ་ལྟར་ཁྱེད་རང་ཚོས་ཀྱང་བརྟན་བཞུགས་ཀྱི་ཚེ་སྒྲུབ་གསུང་འདོན་གནང་དགོས་ཞེས་བཀའ་བཞེས་སྩལ་བཟང་པོ་སྨིན་སྩལ་མཛད་ཡོད།གཞི་རྩའི་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གནས་མཆོག་རྡོ་རྗེ་གདན་དུ་ཕྱི་ཟླ་ ༡༢ ཚེས་ ༢༢ ཉིན་༸ཞབས་སོར་བདེ་བར་འཁོད་པ་དང་འབྲེལ། ཚེས་ ༢༩ ནས་ཚེས་ ༣༡ བར་བོད་མི་གཙོ་བོར་གྱུར་པའི་འཛམ་གླིང་གི་ཡུལ་གྲུ་འདྲ་མིན་ ༦༠ ལྷག་ནས་ཕེབས་པའི་དད་ལྡན་ཆོས་ཞུ་བ་བདུན་ཁྲི་འགལ་བར་བཀའ་ཆོས་སྩལ་བ་དང་། ཕྱི་ལོ་...

༸གོང་ས་མཆོག་ཆིབས་བསྒྱུར་མཛད་མ་ཐུབ་པའི་རྐྱེན་གྱིས་རྡོར་གདན་གྱི་ཚོང་གཉེར་བ་ཚོར་གྱོང་གུད་ཕོག་ཉེན།

འདི་ལོ་རྒྱ་ནག་ཝུ་ཧན་གྲོང་ཁྱེར་ནས་ཁྱབ་བརྡལ་བྱུང་བའི་ཏོག་དབྱིབས་གཉན་རིམས་རྐྱེན་གྱིས་འཛམ་གླིང་ཁྱོན་ཡོངས་སུ་མི་རྒྱུ་གཉིས་ཀར་ངལ་བ་ཆེས་ཆེར་འཕྲད་བཞིན་པའི་ཁྲོད་འདིར་རྒྱ་གར་གྱིས་གཙོས་པའི་རྒྱལ་ཁབ་ཕལ་མོ་ཆེར་ཐེམ་སྤང་གི་བཀའ་རྒྱ་རིམ་པ་གནང་ཡོད་པ་མ་ཟད། དེང་སྐབས་རྒྱ་གར་ནང་དུའང་གཉན་རིམས་ཁྱབ་གདལ་ཆེས་ཆེར་འགྲོ་བཞིན་པའི་ཁྲོད་བོད་མིའི་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཛད་འཆར་མང་དག་ཅིག་ཕྱིར་འཐེན་གནང་ཡོད་པ་ལྟར། རྒྱ་གར་བྷི་ཧཱར་མངའ་སྡེའི་གྷ་ཡ་རྫོང་དུ་ཆགས་པའི་གནས་མཆོག་རྡོ་རྗེ་གདན་གྱི་འགྲིམས་འགྲུལ་དང་ཟ་ཚོང་མགྲོན་གསུམ་གྱི་ཚོང་གཉེར་བ་ཚོས་བློ་འཚབ་ཆེན་པོ་གནང་བཞིན་ཡོད་པ་རེད་འདུག དེའང་  Times of India ཞེས་རྒྱ་གར་གྱི་དུས་བབ་གསར་ཁང་གིས་གནས་མཆོག་རྡོ་རྗེ་གདན་ནས་སྤེལ་བའི་གནས་ཚུལ་ནང་གསལ་ལྟར་ན། ས་གནས་དེའི་ནང་རྣམ་ཀུན་ཕྱི་ཟླ་ ༡༢ ནས་ཕྱི་ཟླ་ ༢ བར་བོད་བརྒྱུད་ནང་བསྟན་གྱི་རིས་མེད་ཀྱི་ཆོས་སྡེ་ཁག་གིས་ཆོས་ཕྱོགས་དང་འབྲེལ་བའི་གནང་སྒོ་མང་དག་ཅིག་གནང་གི་ཡོད་པ་མ་ཟད། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཀྱང་ཉེ་བའི་ལོ་ཤས་ནས་ཧ་ལམ་ལོ་ལྟར་འཆར་ཁུལ་དེའི་ནང་ཕྱི་ནང་གི་དད་ལྡན་སྟོང་ཁྲག་མང་པོར་བཀའ་ཆོས་དང་བཀའ་སློབ་ཀྱི་མཛད་འཆར་ཁག་བསྐྱང་སྲོལ་ཡོད་ཀྱང་། འདི་ལོ་ཏོག་དབྱིབས་གཉན་རིམས་རྐྱེན་གྱིས་མགོན་པོ་༸གང་ཉིད་མཆོག་གི་ཆིབས་བསྒྱུར་མཛད་རྒྱུའི་དུས་ཚོད་དེའང་ངེས་མེད་བར་ཕྱིར་བཤོལ་མཛད་པར་མ་ཟད། བཀའ་བརྒྱུད་སྨོན་ལམ་ཆེན་པོ་དང་རྒྱལ་ཡོངས་སྔ་འགྱུར་རྙིང་མའི་སྨོན་ལམ་ཆེན་མོ་གཉིས་ཀྱང་ཕར་འགྱང་གནང་སྲིད་སྟབས་ས་གནས་ཀྱི་ཚོང་གཉེར་བ་ཚོས་མངའ་སྡེའི་འགྲིམས་འགྲུལ་དང་ཟ་ཚོང་མགྲོན་གསུམ་གྱི་ཚོང་གཉེར་བ་ཚོར་ཚོང་བབས་ཀྱི་དུས་ཡུན་རིང་གྱོང་གུད་ཆེན་པོ་ཕོག་ཉེན་ཡོད་པར་བློ་འཚབ་ཆེན་པོ་གནང་གི་ཡོད་པ་བཀོད་འདུགརྩ་བའི་དེ་སྔའི་མཛད་འཆར་ལ་གཞིགས་ན། འདི་ལོའི་ལོ་མཇུག་ཏུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་གནས་མཆོག་རྡོར་གནད་དུ་ཉིན་གྲངས་ལྔའི་རིང་༸རྒྱལ་སྲས་ཆེན་པོ་ཐོགས་མེད་བཟང་པོས་མཛད་པའི་བྱང་ཆུབ་ལག་ལེན་སོ་བདུན་མའི་བཀའ་ཆོས་བསྩལ་གཏན་ཁེལ་ཡོད་ཀྱང་། མཛད་རིམ་དེ་རེ་ཞིག་དུས་ཚོད་ངེས་མེད་བར་དུ་ཕྱིར་བཤོལ་གནང་ཡོད་པ་དང་། གནད་དོན་དེ་དང་འབྲེལ་བྱང་ཆུབ་ཆེན་པོའི་མཆོད་རྟེན་དོ་དམ་ཚོགས་པའི་དྲུང་ཆེ་སྣང་མཛེས་རྡོ་རྗེ་ལགས་ཀྱིས་ཀྱང་ད་བར་ཁོང་ལ་༸གོང་ས་༸སྐྱབས་མགོན་ཆེན་པོ་མཆོག་གི་ཆིབས་བསྒྱུར་སྐོར་བཀའ་སྩོལ་གང་ཡང་ཕེབས་མ་སོང་ཞེས་གསུངས་འདུགའོན་ཀྱང་མངའ་སྡེའི་འགྲིམས་འགྲུལ་དང་ཟ་ཚོང་མགྲོན་གསུམ་གྱི་ཚོང་གཉེར་བ་ཚོས་ The Light of Buddha Dhamma...

རྡོར་གདན་གྱི་ཉེ་འཁྲིས་སུ་ཏཱ་ལའི་བླ་མའི་ནཱ་ལེནྡཱའི་རིག་གནས་སློབ་གཉེར་ཁང་ཞིག་ཆེད་འཛུགས་གནང་གཏན་འཁེལ་སྐོར་བཀའ་བསྩལ་འདུག

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་བྷི་ཧཱར་ནཱ་ལེནྡཱའི་གཞུང་ནས་གསུངས་པའི་སེམས་ཁམས་རིག་པ་དང་ལྟ་གྲུབ་ཀྱི་རྣམ་གཞག་དེ་དག་ཤེས་ཡོན་སྡེ་ཚན་ཐོག་ནས་སློབ་གཉེར་གནང་ས་ཏཱ་ལའི་བླ་མའི་ནཱ་ལེནྡཱའི་རིག་གནས་སློབ་གཉེར་ཁང་ཞིག་ཆེད་འཛུགས་གནང་གཏན་འཁེལ་སྐོར་བཀའ་བསྩལ་འདུག དེ་རིང་ཕྱི་ཟླ་ ༡ ཚེས་ ༡༦ ཉིན་གྱི་སྔ་ཐོག་༸གོང་ས་མཆོག་གིས་གནས་མཆོག་རྡོ་རྗེ་གདན་དུ་མགོན་པོ་༸གང་ཉིད་མཆོག་གི་ཆོས་འབྲེལ་དང་གནས་མཇལ་སོགས་ཀྱི་ཆེད་དུ་བཅར་བའི་དད་ལྡན་ཁག་གཅིག་ལ་དམིགས་བསལ་མཇལ་ཁ་དང་བཀའ་སློབ་བཀའ་དྲིན་བསྩལ་འདུག་པ་དང་། སྐབས་དེར་མགོན་པོ་༸གང་ཉིད་མཆོག་གིས་དེ་རིང་ནི་ཐེངས་འདིའི་གནས་མཆོག་རྡོ་རྗེ་གནད་གྱི་མཛད་འཆར་དང་འབྲེལ་བའི་བཞུགས་གཞག་ཉིན་མཐའ་མ་ཆགས་ཀྱི་ཡོད་པ་དང་། སང་ཉིན་ཕྱི་ཚེས་ ༡༧ ཉིན་གནས་མཆོག་རྡོ་རྗེ་གདན་གྱི་བཞུགས་སྒར་དགའ་ལྡན་འཕེལ་རྒྱས་གླིང་ནས་བྷི་ཧཱར་མངའ་སྡེའི་རྒྱལ་ས་པཊ་ནར་ཆིབས་ཐོན་མཛད་དེ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ Nitish Kumar མཆོག་དང་མཇལ་འཕྲད་གནང་རྒྱུ་དང་། བློན་ཆེན་མཆོག་དང་ལྷན་དུ་དེ་སྔ་བླ་མ་བཟོད་པ་རིན་པོ་ཆེའི་མཚན་ཐོག་ཏུ་ཡོད་པའི་ས་གནས་དེར་ཏཱ་ལའི་བླ་མའི་ནཱ་ལེནྡཱའི་རིག་གནས་སློབ་གཉེར་ཁང་ཞིག་ཆེད་འཛུགས་གནང་རྒྱུའི་ལས་འཆར་ཐོག་བཀའ་བསྡུར་མཛད་གཏན་ཁེལ་ཡོད་པ་བཀའ་བསྩལ་འདུག མགོན་པོ་༸གང་ཉིད་མཆོག་ནས་གནས་མཆོག་རྡོ་རྗེ་གདན་འདི་གནས་ཁྱད་པར་ཅན་ཞིག་དང་། ལྷག་པར་དུ་ང་ཚོས་སངས་རྒྱས་བཅོམ་ལྡན་འདས་ཞེས་དད་པ་བྱེད་སའི་ཡུལ་གཙོ་བོ་ཞིག་ཏུ་རྩིས་བཞིན་ཡོད་སྟབས། སངས་རྒྱས་བཅོམ་ལྡན་འདས་ཀྱི་གསུངས་པའི་བདེན་པ་བཞིའི་རྣམ་གཞག་གཙོ་བོར་གྱུར་པའི་བླང་དོར་གྱི་ཆོས་དེ་དག་ཐོག་སློབ་གཉེར་གནང་གལ་ཡིན་པའི་ལམ་སྟོན་མཛད་འདུག ལྷག་པར་དུ་༸གོང་ས་༸སྐྱབས་མགོན་ཆེན་པོ་མཆོག་གིས་ད་ལྟ་བྱང་ཆུབ་སེམས་དཔའི་སྤྱོད་པ་ལ་འཇུག་པའི་གཞུང་ཚན་དེ་དག་བོད་ཡིག་ཐོག་ཙམ་མ་ཟད་རྒྱ་གར་གྱི་ཧིཾ་དི་དང་དབྱིན་ཡིག དེ་བཞིན་རྒྱ་ཡིག་སོགས་ཀྱི་ཐོག་ལ་ཡང་མཇལ་རྒྱུ་ཡོད་སྟབས་རྒྱལ་སྲས་ཞི་བ་ལྷས་མཛད་པའི་བྱང་ཆུབ་སེམས་དཔའི་སྤྱོད་པ་ལ་འཇུག་པར་སློབ་གཉེར་ཏོག་ཙམ་གནང་ཐུབ་ཚེ་དགེ་མཚན་ཆེན་པོ་ལྡན་ཡོད་པ་དང་། སྤྱོད་འཇུག་གི་ལེའུ་དྲུག་པ་བཟོད་པའི་སྐོར་གྱི་ལེའུ་དང་། ལེའུ་བརྒྱད་པ་བསམ་གཏན་གྱི་ལེའུ་གཉིས་གཟིགས་ཐུབ་ན་རང་ཉིད་རྒྱུད་ཀྱི་ཁོང་ཁྲོའི་ཤུགས་ཇེ་ཆུང་དུ་གཏང་རྒྱུ་དང་། རང་གཅེས་འཛིན་གྱི་སྐྱོན་དང་གཞན་གཅེས་འཛིན་གྱི་དགེ་མཚན་སོགས་ཤེས་ཕར་ཕན་ཐོགས་ཆེན་པོ་ཡོད་ཅེས་ཐུགས་བརྩེ་ཆེན་པོས་ལམ་སྟོན་མཛད་འདུག གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་ཕྱི་ཟླ་ ༡༢ ཕྱི་ཚེས་ ༢༤ ཉིན་གནས་མཆོག་རྡོ་རྗེ་གདན་དུ་༸ཞབས་སོར་བདེ་བར་འཁོད་པ་ནས་བཟུང་ཁུལ་དེའི་དུས་འཁོར་ཐང་ཆེན་དུ་དད་ལྡན་སྟོང་ཚོ་བརྒལ་བར་ཉིན་གྲངས་དྲུག་རིང་རྒྱལ་སྲས་ཐོགས་མེད་བཟང་པོས་མཛད་པའི་རྒྱལ་སྲས་ལག་ལེན་སོ་བདུན་མ་དང་། སྤྱན་རས་གཟིགས་ཀྱི་བཀའ་དབང་།...

བོད་རིགས་གཞོན་སྐྱེས་ཚོས་བོད་ཀྱི་སྐད་ཡིག་ལ་དོ་སྣང་དང་སློབ་སྦྱོང་བྱེད་དགོས།

དེ་རིང་ཕྱི་ཟླ་ ༡ ཚེས་ ༡༥ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་གྱི་བཞུགས་སྒར་དགའ་ལྡན་འཕེལ་རྒྱས་གླིང་དུ་བོད་རིགས་གཙོས་ཕྱི་རྒྱལ་ཡུལ་གྲུ་འདྲ་མིན་ནས་ཕེབས་པའི་དད་ལྡན་མང་ཚོགས་བཅུ་ཕྲག་ཁ་ཤས་ཤིག་ལ་མཇལ་ཁ་བསྩལ་བ་དང་སྦྲགས། བོད་རིགས་གཞོན་སྐྱེས་ཚོས་བོད་ཀྱི་སྐད་ཡིག་ལ་དོ་སྣང་དང་སློབ་སྦྱོང་བྱེད་རྒྱུ་གལ་ཆེ་ཡིན་པར་བཀའ་བསྩལ་འདུག མགོན་པོ་༸གང་ཉིད་མཆོག་གིས་སྐབས་དེར་བོད་ལ་ཡོད་པའི་སརྒྱས་པའི་ཆོས་བརྒྱུད་དེ་དཔལ་ནཱ་ལེནྡཱའི་ཆོས་བརྒྱུད་ལས་ཆས་པའི་དྲི་མ་མེད་པའི་ཆོས་བརྒྱུད་ཅིག་ཡིན་པ་མ་ཟད་ཚད་མ་རིག་པ་དང་འབྲེལ་ནས་ཡོད་སྟབས། དེང་གི་དུས་སུ་ཕྱིའི་མཁས་པ་མང་དག་ཅིག་གིས་བོད་ཀྱི་སརྒྱས་པའི་ཆོས་དེ་ནཱ་ལེནྡཱའི་ཆོས་བརྒྱུད་ངོ་མ་ཞིག་ཡིན་པ་དང་། ནཱ་ལེནྡཱའི་ཆོས་བརྒྱུད་དེ་ཚན་རིག་དང་མཐུན་པ་ཞིག་ཡོད་སྐོར་གསུང་མཁན་དུ་མ་ཞིག་ཡོད་པ་ལྟར་ཚན་རིག་པ་ཚོས་ཀྱང་སརྒྱས་པའི་ཆོས་ལ་བསྔགས་བརྗོད་ཆེན་པོ་གནང་གི་ཡོད་སྐོར་བཀའ་བསྩལ་དང་འབྲེལ་ཏེ་སེམས་ཁམས་རིག་པ་དང་ཚད་མ་རིག་པར་འགྲེལ་བཤད་གནང་སྐབས་བོད་སྐད་དང་བོད་ཡིག་དེ་ཡག་ཤོས་ཡིན་སྟབས་བོད་རིགས་གཞོན་སྐྱེས་ཚོས་བོད་ཀྱི་སྐད་དང་ཡི་གེ་ལ་དོ་སྣང་ཆེན་པོ་བྱེད་དགོས་པ་བཀའ་བསྩལ་འདུག མགོན་པོ་༸གང་ཉིད་མཆོག་གིས་བོད་ཀྱི་མཁན་སློབ་ཆོས་གསུམ་གྱིས་སརྒྱས་ཀྱི་བསྟན་པ་དར་སྤེལ་གནང་བ་དེ་གཏིང་ཟབ་པོ་ཞིག་ཡིན་སྐོར་བཀའ་བསྩལ་དང་འབྲེལ། སྤྱིར་བོད་དང་རྒྱ་ནག་གཉིས་དབར་ལ་ཆོས་རྒྱལ་སྲོང་བཙན་གྱི་སྐུ་དུས་སུ་ཇོ་བོ་གདན་ཞུ་གནང་རྒྱུ་མཚོན་པའི་འབྲེལ་བ་ཆེན་པོ་ཡོད་ཀྱང་། ནང་པའི་ཆོས་དེ་ནཱ་ལེནྡཱའི་ནས་བཞེས་དགོས་པ་གཟིགས་ཏེ་མཁན་ཆེན་ཞི་བ་འཚོ་གདན་ཞུ་གནང་ཡོད་པ་མ་ཟད་དུས་རབས་བདུན་པའི་ནང་ཆོས་རྒྱལ་སྲོང་བཙན་གྱིས་རྒྱ་ནག་གོང་མའི་སྲས་མོ་དང་འཁྲུངས་ས་སྐྱོན་ཡོད་ནའང་རྒྱ་གར་གྱི་ཡི་གེར་དཔེ་བླངས་ནས་བོད་ཡིག་གསར་གཏོད་གནང་བ་ནི་གྱོང་བོ་ཞིག་ཡིན་པར་བཀའ་བསྩལ་ཡོད། ༸གོང་ས་༸སྐྱབས་མགོན་ཆེན་པོ་མཆོག་གིས་དུས་རབས་བརྒྱད་པའི་ནང་མཁན་ཆེན་ཞི་བ་འཚོས་ནང་ཆོས་སློབ་གཉེར་བྱ་ཕྱིར་སརྒྱས་པའི་ཆོས་བརྒྱུད་དེ་བོད་ཡིག་ནང་བསྒྱུར་དགོས་པ་བཀའ་གནང་བ་ལྟར་བཀའ་འགྱུར་དང་བསྟན་གྱུར་པོ་ཏི་གསུམ་བརྒྱ་བོད་བསྒྱུར་ཞུས་ཡོད་སྐོར་བཀའ་བསྩལ་བ་དང་འབྲེལ། རྒྱ་ནག་གིས་བོད་ཀྱི་ཆོས་དང་རིག་གཞུང་གཏོར་བཤིག་གཏང་རྒྱུའི་ཐབས་ཤེས་རིམ་པར་བྱས་ཀྱང་དེ་ལྟར་བྱེད་ཐུབ་ཀྱི་མེད་པ་དང་། ནང་པའི་ཆོས་ལ་གཞིགས་ཏེ་རྒྱ་ཡིག་ལས་བོད་ཡིག་དེ་ཡག་པ་ཆགས་ཡོད་པར་བརྟེན་དེར་སྤོབས་པ་བྱ་དགོས་པ་ཞིག་ཡིན་པར་བཀའ་བསྩལ་ཡོད་པ་རེད།

དུས་རབས་ཉི་ཤུའི་ནང་དོན་རྐྱེན་མང་དག་ཅིག་བྱུང་བ་དེ་དག་དུས་རབས་ཉེར་གཅིག་ནང་བསྐྱར་ཟློས་བྱེད་རྒྱུ་མེད་པ་ལམ་སྟོན་མཛད་པ།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་མངའ་སྡེ་བྷི་ཧཱར་གི་གྷ་ཡ་རྫོང་དུ་ཆགས་པའི་གནས་མཆོག་རྡོར་གདན་དུ་རྟེན་གཞི་བྱས་པའི་ Indian Institute of Management ཞེས་ཚོང་ལས་སློབ་གཉེར་ཁང་གི་དགེ་ལས་སློབ་ཕྲུག་རྣམས་ལ་རྒྱ་གར་གྱི་གནའ་བོའི་རིག་གནས་ཀྱི་འབྲེལ་བ་ Relevance of Ancient Indian Thought ཞེས་པའི་བརྗོད་གཞི་ཐོག་བཀའ་སློབ་ལམ་སྟོན་བསྩལ་བ་དང་སྦྲགས་ཏེ་དེ་སྔ་དུས་རབས་ ༢༠ ནང་ང་ཚོ་དང་ཁོང་ཚོ་ཞེས་བསམ་བློ་ཤུགས་ཆེ་འཁྱེར་ཏེ་དམག་འཁྲུག་སོགས་ཀྱི་དོན་རྐྱེན་མང་དག་ཅིག་བྱུང་བ་དེ་དག་དུས་རབས་ཉེར་གཅིག་ནང་བསྐྱར་ཟློས་བྱེད་རྒྱུ་མེད་པར་ལམ་སྟོན་མཛད་འདུག དེ་རིང་ཕྱི་ཟླ་ ༡ ཚེས་ ༡༤ ཉིན་གྱི་ཞོགས་པ་ཕྱག་ཚོད་ ༩༌༣༠ ཙམ་ལ་༸གོང་ས་མཆོག་གིས་ཚོང་ལས་ཀྱི་སློབ་གཉེར་ཁང་དེའི་དགེ་ལས་སློབ་ཕྲུག་རྣམས་ལ་ང་ཚོ་འགྲོ་བ་མི་རྣམས་བདེ་བ་འདོད་པ་དང་སྡུག་བསྔལ་མི་འདོད་པ་ཤ་སྟག་ཡིན་ཀྱང་ད་ཆ་འཛམ་གླིང་ནང་འཕྲད་བཞིན་པའི་དཀའ་ངལ་མང་དག་ཅིག་ནི་འགྲོ་བ་མིའི་མཐོང་རྒྱ་དང་ཐོས་རྒྱ་ཆུང་དྲག་རྐྱེན་རང་གཅེས་འཛིན་གྱི་བསམ་བློའི་གཞན་དབང་དུ་སོང་བའི་དབང་གིས་བྱུང་བ་ཞིག་ཡིན་པ་དང་། ལྷག་པར་དུ་དེང་སྐབས་འཕྲུལ་རིགས་དང་དཔལ་འབྱོར་སོགས་ཀྱི་རྐྱེན་པས་འཛམ་གླིང་འདི་སྤྱི་ཚོགས་གཅིག་ལྟ་བུ་ཆགས་ཡོད་སྟབས། དེ་སྔ་དུས་རབས་ ༢༠ ནང་ང་ཚོ་དང་ཁོང་ཚོ་ཞེས་བསམ་བློ་ཤུགས་ཆེ་འཁྱེར་ཏེ་དམག་འཁྲུག་སོགས་ཀྱི་དོན་རྐྱེན་མང་དག་ཅིག་བྱུང་བ་དེ་དག་དུས་རབས་ཉེར་གཅིག་ནང་བསྐྱར་ཟློས་བྱེད་རྒྱུ་མེད་པར་ལམ་སྟོན་མཛད་འདུག མགོན་པོ་༸གང་ཉིད་མཆོག་གིས་དེང་སྐབས་འཛམ་གླིང་ནང་དུ་དབུལ་ཕོངས་མང་པོ་ཞིག་ཡོད་ཀྱང་ཡུལ་ལུང་མང་པོ་ཞིག་ནས་དབུལ་ཕོངས་ཀྱི་འཚོ་བར་སྨན་པའི་ངལ་སེལ་གྱི་མཐུན་འགྱུར་གོང་འཕེལ་གནང་རྒྱུ་ལས་གོ་མཚོན་ཐོག་འགྲོ་གྲོན་ཕོན་ཆེ་གཏོང་བཞིན་ཡོད་པ་དང་།...

འཚེ་བ་དང་ཟིང་འཁྲུག་ཆེ་སྐབས་འདིར་བོད་མིའི་བཟང་སྤྱོད་གོང་འཕེལ་རྒྱུན་འཛིན་བྱེད་དགོས།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གནས་མཆོག་རྡོ་རྗེ་གདན་གྱི་ཆོས་འབྲེལ་མཛད་འཕྲིན་ཁག་ལེགས་པར་གྲུབ་ཏེ་ཁུལ་དེར་རྟེན་གཞི་བྱས་པའི་དགའ་ལྡན་འཕེལ་རྒྱས་གླིང་དུ་སྐུ་བཞུགས་མཛད་མུས་ཡིན་པ་ལྟར། ཁ་སང་མགོན་པོ་༸གང་ཉིད་མཆོག་གིས་དད་ལྡན་ཆོས་ཞུ་བ་ ༢༥༠ ལྷག་ལ་མཇལ་ཁ་བསྩལ་སྐབས་འཚེ་བ་དང་ཟིང་འཁྲུག་ཆེ་སྐབས་འདིར་བོད་མིའི་བཟང་སྤྱོད་གོང་འཕེལ་རྒྱུན་འཛིན་བྱེད་དགོས་གལ་ཡིན་པའི་བཀའ་བསྩལ་འདུག ༸གོང་ས་༸སྐྱབས་མགོན་ཆེན་པོ་མཆོག་ནས་གནས་མཆོག་རྡོ་རྗེ་གདན་དུ་མགོན་པོ་༸གང་ཉིད་མཆོག་གི་བཀའ་ཆོས་དང་བཀའ་དབང་སོགས་ཞུ་བར་ཕེབས་པའི་བོད་མི་དང་སོག་པོ། ར་ཤི་ཡ། དེ་བཞིན་ཀོ་རི་ཡ་སོགས་ཀྱི་དད་ལྡན་ཁག་གཅིག་ལ་དམིགས་བསལ་མཇལ་ཁ་དང་སྦྲགས། དེ་སྔ་ནང་པ་སངས་རྒྱས་པའི་ཆོས་མ་དར་སའི་ས་གནས་ཁག་ཏུ་ནང་པའི་ཆོས་ལ་དམིགས་བསལ་གྱི་དོ་སྣང་ཆེན་པོ་བྱེད་བཞིན་པའི་དུས་འདིར་བོད་པ་དང་སོག་པོ། དེ་བཞིན་ཀོ་རི་ཡ་སོགས་ནི་དེ་སྔ་སོ་སོའི་ཕ་མེས་ནས་ནང་པ་སངས་རྒྱས་པའི་ཆོས་ཉམས་ལེན་བྱེད་མཁན་ཞིག་སྟབས་བསོད་ནམས་དང་སྐལ་པ་བཟང་པོ་རེད་ཅེས་བཀའ་བསྩལ་འདུག ལྷག་པར་དུ་མགོན་པོ་༸གང་ཉིད་མཆོག་ནས་ད་ཆ་བོད་མི་རྣམས་འཛམ་གླིང་གི་ས་ཕྱོགས་གང་སར་གཞིས་ཆགས་ཡོད་སྟབས། བོད་མི་རིགས་ཀྱི་ཕ་མེས་ནས་ཡོད་པའི་ཡ་རབས་བཟང་སྤྱོད་ཀྱི་གོམས་གཤིས་བཟང་པོ་དེ་དེང་གི་འཛམ་གླིང་ཐོག་གོང་འཕེལ་རྒྱུན་འཛིན་གནང་རྒྱུ་གལ་ཆེན་པོ་ཡིན་པ་དང་། དེ་ལྟར་ཐུབ་ཚེ་བོད་མིའི་ངོས་ནས་དམིགས་དཔེ་བཟང་པོ་ཞིག་བསྟན་ཐུབ་པ་མ་ཟད་བོད་མི་དོ་བདག་སོ་སོ་ས་ཕྱོགས་གང་དུ་ཕྱིན་ཀྱང་གཞན་གྱི་དགའ་མོས་བྱ་ཡུལ་ཞིག་ཆགས་ཀྱི་རེད་ཅེས་ལམ་སྟོན་མཛད་འདུག གཞན་ཡང་སྐབས་དེར་མགོན་པོ་མཆོག་ནས་བོད་མི་རིགས་ཞེས་པ་དེ་ནི་ཐུན་མོང་མ་ཡིན་པའི་ཆོས་དང་རིག་གཞུང་ཚད་མཐོ་པོ་ཡོད་པའི་མི་རིགས་ཤིག་ཡིན་པ་དང་། ལྷག་པར་དུ་བོད་ཀྱི་སྐད་ཡིག་རང་གི་ཐོག་ལ་ཡོད་པའི་ཆོས་དང་རིག་གཞུང་གཏིང་ཟབ་ཡོད་པ་དེས་མི་རིགས་གཞན་དང་ཐ་དད་ཡིན་པའི་མཚོན་རྟགས་ཤིག་ཀྱང་ཡིན་པས་རིག་གཞུང་དེ་དག་གཅེས་སྐྱོང་གནང་རྒྱུ་གལ་ཆེན་པོ་ཡིན་པར་མ་ཟད། བོད་མིས་ད་བར་བདག་གཅེས་གནང་བའི་༸དཔལ་ནཱ་ལེནྡཱའི་ཆོས་དེ་འཛམ་གླིང་སྤྱིའི་ཐོག་སྒོ་ཕྱེ་ཐུབ་པ་ཞིག་གནང་དགོས་སོགས་བཀའ་བསྩལ་འདུག   དེ་བཞིན་༸གོང་ས་མཆོག་གིས་ཁ་ཉིན་ཕྱི་ཚེས་ ༡༡ ཉིན་གནས་མཆོག་རྡོ་རྗེ་གདན་གྱི་བཞུགས་སྒར་དགའ་ལྡན་འཕེལ་རྒྱས་གླིང་ནས་དྲྭ་ལམ་ཐད་གཏོང་བརྒྱུད་ཨ་མི་རི་ཀའི་གྲོང་ཁྱེར་ New York དུ་རྟེན་གཞི་བྱས་པའི་བོད་རིགས་སྤྱི་མཐུན་ཚོགས་པའི་ཚོགས་ཁང་དུ་འདུ་འཛོམས་གནང་བའི་རྒྱ་རིགས་དང་བོད་པའི་མཐོ་རིམ་སློབ་གྲྭའི་སློབ་ཕྲུག་སུམ་བརྒྱ་ཙམ་ལ་ཆོས་ལུགས་དང་མ་འབྲེལ་བའི་སྤྱོད་བཟང་དང་འཇིག་རྟེན་སྤྱི་སྨན་གྱི་འགན་ཁུར་ཞེས་པའི་བརྗོད་གཞིའི་ཐོག་བཀའ་སློབ་དང་དྲི་བ་དྲིས་ལན་གནང་ཡོད་པ་རེད། སྐབས་དེར་མགོན་པོ་༸གང་ཉིད་མཆོག་ནས་འགྲོ་བ་མིའི་གཞི་རྩའི་རང་བཞིན་གཙོ་བོ་ནི་བྱམས་སྙིང་རྗེ་ཡིན་པ་དང་། གཞི་རྩའི་རང་བཞིན་གཙོ་བོ་དེ་གོང་འཕེལ་གཏོང་ཐབས་སུ་ཤེས་ཡོན་སློབ་གསོའི་ཐོག་ནས་གོང་འཕེལ་གཏོང་དགོས་གལ་ཡིན་པར་ལམ་སྟོན་མཛད་འདུག འཛམ་བུ་གླིང་འདིའི་ཐོག་འཕྲད་བཞིན་པའི་དཀའ་རྙོག་མང་དག་ཅིག་ང་དང་ཁོ་ཞེས་རང་གཅེས་འཛིན་གྱི་བསམ་བློ་དང་། འགྲན་རྩོད་ཀྱི་རྣམ་པ་ཆེ་གྲགས་པའི་དབང་གིས་བྱུང་བ་ཆགས་ཀྱི་ཡོད་སྟབས་ང་ཚོའི་སེམས་རྒྱུད་ལ་བྱམས་བརྩེ་གོང་འཕེལ་དང་འགྲོ་བ་མིའི་ཐུན་མོང་མ་ཡིན་པའི་ཤེས་རབ་ཀྱི་ནུས་པའི་ཐོག་ནས་ངལ་བ་དེ་དག་སེལ་ཐུབ་ངེས་ཡིན་པའི་ལམ་སྟོན་བསྩལ་ཡོད་པ་རེད། ལྷག་པར་དུ་སྐབས་དེར་༸གོང་ས་༸སྐྱབས་མགོན་ཆེན་པོ་མཆོག་ནས་ཐེངས་འདིའི་འཛད་རིམ་ཐོག་རྒྱ་རིགས་དང་བོད་ཕྲུག་མཉམ་དུ་འདུ་འཛོམས་བྱུང་བར་ཐུགས་དགྱེས་ཚོར་ཆེན་པོ་བྱུང་ཞེས་བཀའ་བསྩལ་དང་། བོད་དང་རྒྱ་ནག་དབར་ལ་དུས་རབས་བདུན་པ་ཙམ་ནས་ཆོས་ཕྱོགས་ཀྱི་འབྲེལ་བ་ཡོད་པ་སོགས་ངོ་སྤྲོད་མཛད་པ་དང་ཆབས་ཅིག རྒྱ་རིགས་ཚོའི་ངོས་ནས་ནང་པའི་ཆོ་ག་ཕྱག་ལེན་ཙམ་མིན་པར་རིགས་ལམ་ཐོག་དོ་སྣང་གནང་རྒྱུ་གལ་ཆེན་པོ་ཡིན་པ་ལམ་སྟོན་བསྩལ་འདུག་པ་མ་ཟད། ཆབ་སྲིད་དང་འབྲེལ་ཏེ་བཀའ་བསྩལ་བར་རྒྱ་ནག་གི་འགོ་ཁྲོད་ཚོའི་ནང་ལ་དེ་སྔ་རྒྱ་ནག་གཞུང་གིས་བོད་ཐོག་ལག་བསྟར་བྱས་པའི་སྲིད་བྱུས་དེ་དག་དངོས་ཡོད་དང་མི་མཐུན་པ་ཞིག་ཡིན་པ་དགོངས་ཚུལ་གསུང་མཁན་ཡང་ཇེ་མང་དུ་འགྲོ་བཞིན་ཡོད་པ་སོགས་བཀའ་བསྩལ་འདུག དྲི་བ་དྲིས་ལན་གྱི་མཛད་རིམ་ཐོག་མགོན་པོ་༸གང་ཉིད་མཆོག་ནས་ཆོས་ལུགས་དང་མ་འབྲེལ་བའི་བཟང་སྤྱོད་ཀྱི་བསླབ་གཞིའི་ཐོག་སློབ་གཉེར་གནང་ཐུབ་ཚེ་ཆོས་ལུགས་ཡོད་མེད་དང་།...

ཉེ་བརྒྱུད་འཇམ་དབྱངས་ཆོས་སྐོར་གྱི་བཀའ་ཆོས་བཀའ་དྲིན་བསྩལ་བ།

དེ་རིང་སྔ་དྲོ་ཚོུད་ ༨ ཡོལ་ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་གྱི་དུས་འཁོར་ཐང་ཆེན་དུ་ཕྱི་ནང་གི་དད་ལྡན་ཆོས་ཞུ་བ་ ༣༠༠༠༠ ལྷག་ལ་འདས་ལོར་བསྩལ་བའི་ཉེ་བརྒྱུད་འཇམ་དབྱངས་ཆོས་སྐོར་གྱི་བཀའ་ཆོས་འཕྲོ་སྐྱོང་མཛད་སོང་། ༸གོང་ས་མཆོག་གི་བཀའ་ཆོས་འདིའི་ཐོག་རྒྱ་གར་ལྷོ་ཕྱོགས་སུ་རྟེན་གཞི་བྱས་པའི་བྱེས་ཀྱི་གདན་ས་ཆེན་པོ་གསུམ་གྱིས་གཙོས་པའི་དགོན་སྡེ་གྲྭ་ཚང་ཁག་གི་གྲྭ་བཙུན་དང་འདི་བཞིན་ཁྱིམ་པ་ཕོ་མོ་མང་དག་ཅིག་བཀའ་ཆོས་ཞུ་བར་ཆེད་བཅར་ཞུས་ཡོད་པ་དང་བསྟུན་མགོན་པོ་༸གང་ཉིད་མཆོག་གིས་རྡོ་རྗེ་གདན་གྱི་གནམ་གཤིས་ཧ་ཅང་གྲང་ངར་ཆེ་བ་འདིས་ལྷོ་ཕྱོགས་ནས་བཅར་བའི་ཆོས་ཞུ་བ་ཚོར་ཆེད་མངགས་དགའ་བསུ་ཞུ་གི་ཡོད་ཅེས་ཞལ་ཤོབ་མཛད་པ་དང་སྦྲགས་ཏེ་ད་རེས་རྗེས་གནང་བསྩལ་བ་འདི་དྲྭ་རྒྱ་བརྒྱུད་དེ་ཡུལ་ལུང་མང་པོ་ཞིག་ཏུ་ཐད་སྲིང་འགྲོ་བཞིན་ཡོད་སྟབས་མི་རིགས་འདྲ་མིན་མང་པོས་ཐུགས་སྣང་ཆེན་པོས་གསན་གཟིགས་གནང་གི་ཡོད་པས་བླ་མའི་ངོས་ནས་ཕན་སེམས་ཀྱི་འདུན་པ་བཏང་བ་བཞིན་ཆོས་དད་ཅན་རྣམས་ཀྱིས་ཀུན་སློང་དྲགས་པོས་གསན་གཟིགས་གནང་ཚེ་དེ་དག་ལ་བྱིན་རླབས་འཐོབ་ངེས་ཡིན་པའི་བཀའ་བཞེས་བཟང་པོ་སྨིན་བསྩལ་མཛད་ཡོད། དེ་བཞིན་༸གོང་ས་མཆོག་གིས་ཆོས་ཞུ་བ་སུམ་ཁྲི་ལྷག་ལ་རྗེས་གནང་གི་སྤྱི་བཤད་དང་འབྲེལ་ཏེ་རང་ཚོའི་རྒྱུད་ལ་ཡོད་པའི་བློ་འདི་ཐོག་མ་ཉིད་ནས་སྡུག་བསྔལ་མི་འདོད་པ་དང་བདེ་བ་འདོད་པ་ཞིག་ཡིན་ཀྱང་སྡུག་བསྔལ་སེལ་ཐབས་ལ་དོ་སྣང་གནང་གི་མེད་པ་དང་སྒོས་བདེ་སྡུག་མྱོང་མཁན་གཙོ་བོ་དེ་ཡིད་བློ་ཡིན་པར་བཀའ་བསྩལ་སོང་བ་མ་ཟད། ང་ཚོའི་ངོས་ནས་སྟོན་པ་བཅོམ་ལྡན་འདས་དང་དཔལ་མགོན་ཀླུ་སྒྲུབ་ཡབ་སྲས་སོགས་ལ་སྐྱབས་སུ་འགྲོ་གྱི་ཡོད་པ་ལྟར་སྐྱབས་སུ་འགྲོ་ས་དེ་དག་དག་པའི་གཞན་གཅེས་པའི་བྱང་ཆུབ་སེམས་ཉམས་བཞེས་གནང་སྟེ་སྤངས་རྟོགས་མཐར་ཕྱིན་པ་གྱུར་ཡོད་སྟབས་གནས་ཁྱད་པར་ཅན་འདིར་ཆོས་གྲོགས་མང་པོ་ཞིག་འདུས་ཡོད་པ་ཁྱེད་རང་ཚོས་དུས་དེ་རིང་ནས་བཟུང་སྟེ་བྱང་ཆུབ་ཀྱི་སེམས་བསྐྱེད་ཐོག་མི་ཚེ་འདི་ནས་ས་ལམ་གྲོལ་རྒྱུར་འབད་གནད་ཡིན་པ་ལམ་སྟོན་བཀྲིན་ཆེ་བ་བསྩལ་ཡོད། རྩ་བའི་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ནས་དབུ་འཛུགས་ཀྱིས་གནངས་ཕྱི་ཚེས་ ༦ བར་འཇམ་དབྱངས་ཆོས་སྐོར་འཕྲོ་སྐྱོང་མུ་མཐུད་མཛད་རྒྱུ་ཡིན་པ་རེད།

རྡོར་གདན་དུ་༸གོང་ས་མཆོག་གི་ཆོས་འབྲེལ་དང་བསྟུན་ཆོ་འཕྲུལ་སྨོན་ལམ་འཚོགས་རྒྱུ།

རྒྱ་གར་མངའ་སྡེ་བྷི་ཧཱར་གྱི་གྷ་ཡ་རྫོང་དུ་ཆགས་པའི་གནས་མཆོག་ཁྱད་པར་ཅན་རྡོེ་རྗེ་གདན་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་ལོ་ ༢༠༢༠ ལོའི་ཟླ་ ༡ ཚེས་ ༢ ཉིན་དད་ལྡན་ཆོས་ཞུ་བར་རྒྱལ་སྲས་ཐོགས་མེད་བཟང་པོས་མཛད་པའི་རྒྱལ་སྲས་ལག་ལེན་སོ་བདུན་མའི་གསུང་ཆོས་དང་ཕྱི་ཚེས་ ༣ ཉིན་སྤྱན་རས་གཟིགས་ཀྱི་བཀའ་དབང་། དེ་བཞིན་ཕྱི་ཚེས་ ༤ ནས་ ༦ བར་དུ་འདི་ལོའི་མགོ་སྟོད་དུ་གནས་མཆོག་རྡོ་རྗེ་གདན་དུ་བསྩལ་བའི་ཉེ་བརྒྱུད་འཇམ་དབྱངས་ཆོས་སྐོར་གྱི་བཀའ་ཆོས་འཕྲོ་སྐྱོང་མཛད་རྒྱུ་ཡིན་པ་དང་བསྟུན་ཆོ་འཕྲུལ་སྨོན་ལམ་འཚོགས་གནང་རྒྱུ་རེད་འདུག གཞི་རྩའི་མགོན་པོ་༸གང་ཉིད་མཆོག་ཉེ་ལམ་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་དུ་རྟེན་གཞི་བྱས་པའི་དགའ་ལྡན་བྱང་རྩེ་གྲྭ་ཚང་གི་འདུ་ཁང་དུ་དམ་གཟིགས་ལ་ཆིབས་བསྒྱུར་དང་བླང་དོར་བཀའ་སློབ་བཀའ་དྲིན་སྩལ་སྐབས་ད་རེས་ཆོས་འཕྲུལ་སྨོན་ལམ་ཆེན་མོ་རྡོ་རྗེ་གདན་དུ་འཚོགས་རྒྱུ་ཡིན་སྐོར་བཀའ་བསྩལ་བ་བཞིན་ཐེངས་འདིའི་མགོན་པོ་མཆོག་གི་བཀའ་ཆོས་དང་བསྟུན་གསུང་ཆོས་ཀྱི་ཉིན་རྒྱབ་ཏུ་འཇམ་མགོན་བླ་མ་༸རྗེ་ཙོང་ཁ་པ་ཆེན་པོ་མཆོག་གདུལ་བྱ་རྟག་འཛིན་ཅན་གྱི་ངོར་དགོངས་པ་ཆོས་དབྱིངས་སུ་ཐིམ་ཚུལ་བསྟན་ནས་མི་ལོ་  ༦༠༠ འཁོར་བའི་རྗེས་དྲན་སླད་ཆོ་འཕྲུལ་སྨོན་ལམ་འཚོགས་རྒྱུ་ཡིན་པ་རེད། ༸གོང་ས་མཆོག་གི་བཀའ་ཆོས་དང་བསྟུན་དབུས་བོད་ཀྱི་གཞོན་ནུ་ལྷན་ཚོགས་ནས་དུས་རྒྱུན་ལོ་ལྟར་འཆར་ཅན་མགོན་པོ་༸གང་ཉིད་མཆོག་གི་བཀའ་ཆོས་བསྩལ་སའི་ས་གནས་ཆེ་ཁག་ཏུ་ཆོས་ཞུ་བར་སྨན་པའི་སྤྱི་ཚོགས་ཞབས་ཞུའི་ལས་འགུལ་སྤེལ་གྱི་ཡོད་པ་ལྟར་ད་རེས་གནས་མཆོག་རྡོར་གདན་དུའང་སྡེ་ཚན་འདྲ་མིན་ཁག་གཅིག་ཆ་བགོས་ཀྱིས་དེ་འབྲེལ་སྤྱི་ཚོགས་ཞབས་ཞུ་ལས་དོན་གཉེར་བཞིན་འདུག ཆོས་ཞུ་བ་ཁྲི་ཚོ་བརྒལ་བ་གནས་མཆོག་འདིར་འཛོམས་པ་དང་བསྟུན་མགུལ་ཆམ་བཞེས་པ་སོགས་ཀྱི་འཕྲོད་བསྟེན་ཐད་ལ་དཀའ་ངལ་མི་ཉུང་བ་ཞིག་འཕྲད་ཀྱི་ཡོད་སྟབས་དབུས་བོད་ཀྱི་སྨན་རྩིས་ཁང་ནས་གསུང་ཆོས་དངོས་གཞི་དབུ་འཛུགས་རིང་ནད་པར་རིན་མེད་ཐོག་བརྟག་དཔྱད་དང་སྨན་སྦྱིན་གནང་རྒྱུ་རེད་འདུག གཞི་རྩའི་༸གོང་ས་མཆོག་གི་ཐེངས་འདིའི་བཀའ་ཆོས་དང་འབྲེལ་དད་ལྡན་ཆོས་ཞུ་བ་མང་དག་ཅིག་ཉིན་རེ་ཇེ་མང་དུ་འགྲོ་བཞིན་པ་དང་བསྟུན་ཆོས་ཞུ་བའི་ཁོངས་སུ་བོད་མི་དང་ཧི་མཱ་ལ་ཡའི་རིགས་རྒྱུད་ཀྱི་གྲྭ་བཙུན་གཙོས་ཕྱི་རྒྱལ་བ་དང་། ལོ་ན་ ༦༠ བགྲེས་པ་སོགས་ཐོ་འགོད་གནང་དགོས་པ་ལྟར་ད་བར་ཐོ་འགོད་གནང་མཁན་མི་གྲངས་ ༡༢༠༠༠ ལྷག་བྱུང་འདུག

Latest news

- Advertisement -spot_img