སྲིད་སྐྱོང་མཆོག་དབུས་བོད་སློབ་འཛིན་ཚོགས་ཀྱི་ཁྱབ་ཁོངས་སློབ་ཁག་ཅིག་ལ་གཞུང་འབྲེལ་འཚམས་གཟིགས་སུ་ཕེབས་པ།

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་ཟླ་འདིའི་ཚེས་༦་ཉིན་ནས་བཟུང་སིམ་ལ་གཏན་སློབ་དང་། ཧ་སྤར་སྤུར་གཏན་སློབ། མ་སུ་རི་གཏན་སློབ། རྡོར་གླིང་གཏན་སློབ། ཀ་ལིང་སྤོང་གཏན་སློབ་བཅས་ལ་གཟིགས་སྐོར་གནང་རྗེས་ཚེས་༡༢་ཉིན་ལྡི་ལིར་ཕེབས་འབྱོར་གྱིས་ཁ་སང་འབྲེལ་ཡོད་རྒྱ་གར་གཞུང་གིས་དཔོན་རིགས་ཁག་དང་མཇལ་འཕྲད་གནང་འདུགསྲིད་སྐྱོང་སྤེན་པ་ཚེ་རིང་མཆོག་གིས་གཏན་སློབ་ཁག་ལ་གཟིགས་སྐོར་གྲུབ་མཚམས་སུ་རྒྱ་གར་རྒྱལ་ས་ལྡི་ལིར་རྒྱ་གར་དབུས་གཞུང་གི་ཁྲིམས་ཀྱི་བློན་ཆེན་སྐུ་ཞབས་ Kiren Rijiju  མཆོག་དང་མཇལ་འཕྲད་གནང་ཡོད་པ་མ་ཟད། རྒྱ་གར་དབུས་གཞུང་གི་ཤེས་རིག་བློན་ཆེན་ལས་ཁུངས་ཀྱི་ཟུང་དྲུང་ལྕམ་སྐུ་ (Smt. Lamchonghoi Sweety Changsan) མཆོག་དང་མཇལ་འཕྲད་ཀྱིས་བོད་སློབ་འཛིན་ཚོགས་ཁྱབ་ཁོངས་སློབ་གྲྭ་ལྷག་མ་དྲུག་རྩིས་ལེན་ཕྱོགས་དང་འབྲེལ་བའི་ཐད་གྲོས་མོལ་གནང་འདུགབོད་མིའི་སྒྲིག་འཛུགས་ཀྱི་ཤེས་རིག་དྲུང་ཆེ་འཇིགས་མེད་རྣམ་རྒྱལ་ལགས་ཀྱང་ཐེངས་འདིའི་སྲིད་སྐྱོང་མཆོག་གི་གཟིགས་སྐོར་དང་ལྷན་བཅར་ཞུས་ཡོད་སྟབས། འདི་གའི་གསར་འགོད་པས་ཁ་པར་གྱི་ལམ་ནས་ཁོང་ལ་ཐེངས་འདིའི་གཏན་སློབ་ཁག་ལ་གཟིགས་སྐོར་དང་འབྲེལ་བའི་རྩིས་སྤྲོད་རྩིས་ལེན་གྱི་ཐད་ནས་བཀའ་འདྲི་ཞུས་པར་ཁོང་གིས། རྒྱ་གར་དབུས་གཞུང་གི་བཀོད་ཁྱབ་ལྟར་གཏན་སློབ་ཁག་རྩིས་སྤྲོད་རྩིས་ལེན་གནང་ཕྱོགས་དང་འབྲེལ་ནས་དངོས་སུ་དགེ་ལས་རྣམས་ལ་མཇལ་འཕྲད་ཀྱིས་གཏན་སློབ་ཁག་གི་སྤྱི་ཡོངས་ཀྱི་གནས་བབ་ལ་གཟིགས་ཞིབ་གནང་སྟེ་བཀའ་མོལ་རིམ་པ་གནང་བ་ལྟར། རྒྱ་གར་དབུས་གཞུང་གི་ཤེས་རིག་བློན་ཆེན་ལས་ཁུངས་ཀྱི་ཟུང་དྲུང་ལྕམ་སྐུ་  Smt. Lamchonghoi Sweety Changsan མཆོག་ལ་ཡང་དེ་འབྲེལ་གྱི་གནད་དོན་ཁག་ཅིག་སྙན་གསེང་ཞུས་ཡོད་པ་ལྟར་སང་ལོའི་ཟླ་བ་གསུམ་པའི་ཚེས་སོ་གཅིག་སྔོན་ལ་གང་མགྱོགས་གཏན་སློབ་ཁག་རྩིས་སྤྲོད་རྩིས་ལེན་གནང་རྒྱུར་གྲ་སྒྲིག་ཡོད་པར་གསུངས་སོང་།དེ་བཞིན་ཁོང་གིས་རྒྱ་གར་དབུས་གཞུང་གི་ཤེས་རིག་བློན་ཆེན་ལས་ཁུངས་ཀྱི་ཟུང་དྲུང་མཆོག་ལ་བཙན་བྱོལ་བོད་མིའི་གཏན་སློབ་ཁག་གི་སློབ་མའི་གྲངས་འབོར་སོགས་ཀྱི་མཚོན་པའི་སྤྱི་ཡོངས་ཀྱི་གནས་བབ་ཀྱི་ཐད་ནས་སྙན་གསེང་ཞུས་ཡོད་པ་མ་ཟད། འབྲེལ་ཡོད་དགེ་ལས་རྣམས་ཀྱི་དཀའ་ངལ་ཁག་ཀྱང་ཡར་ཞུ་གནང་ཡོད་པ་ལྟར། ཟུང་དྲུང་མཆོག་གིས་ཀྱང་གཏན་སློབ་ཁག་རྩིས་སྤྲོད་རྩིས་ལེན་གྱི་ཐད་ནས་དགོས་ངེས་ཀྱི་ཕྱག་རོགས་གང་ཡོང་གནང་རྒྱུ་ཡིན་པར་ཞལ་བཞེས་གནང་ཡོད་པར་གསུངས་སོང་།དེ་བཞིན་གཏན་སློབ་ཁག་རྩིས་སྤྲོད་རྩིས་ལེན་གནང་བ་ཡིན་ན་ད་ཡོད་རྒྱ་གར་གྱི་དགེ་ལས་རྣམས་རང་སོར་གནས་མིན་གྱི་ཐད་ནས་བཀའ་འདྲི་ཞུས་པར་ཁོང་གིས་དེ་དག་འབྲེལ་ཡོད་རྣམས་ཀྱི་འདོད་མོས་ལྟར་ཕྱིར་ཐོན་ན་མ་གཏོགས་ཡོངས་སུ་རང་སོར་གནས་རྒྱུ་ཡིན་པ་མ་ཟད།...

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་རྒྱ་གར་གཞུང་གི་ཤེས་རིག་བློན་ཆེན་ལས་ཁུངས་ནས་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ཁྱབ་ཁོངས་སཾ་བྷོ་ཊ་བོད་སློབ་ཚོགས་པའི་ཁོངས་སུ་རྩིས་སྤྲོད་གནང་འདས་ཡོད་པའི་དབུས་བོད་སློབ་འཛིན་ཚོགས་ཀྱི་ཁྱབ་ཁོངས་སུ་ཡོད་པའི་སློབ་གྲྭ་ཆེ་ཁག་ལྔ་ནང་ལ་གཞུང་འབྲེལ་འཚམས་གཟིགས་སུ་ཕེབས་འདུགསྲིད་སྐྱོང་སྤེན་པ་ཚེ་རིང་མཆོག་དེ་རིང་ཕྱི་ཟླ་ ༩ ཚེས་ ༦ ཉིན་རྒྱབ་བཞུགས་སྒར་དྷརྨ་ས་ལ་ནས་སིམ་ལར་ཕེབས་ཐོན་གནང་སྟེ་སང་ཉིན་སིམ་ལ་གཏན་སློབ་ཏུ་སློབ་གྲྭའི་སློབ་སྤྱི་གཙོས་དགེ་ལས་སློབ་གཉེར་བ་ཚོ་དང་ལྷན་དུ་ཚོགས་འདུ་འཚོགས་རྒྱུ་དང་། ས་གནས་དེའི་ཉེ་འཁྲིས་སུ་ཡོད་པའི་བོན་གཞིས་ཌོ་ལན་ཇི་ལ་འཚམས་གཟིགས་གནང་གྲུབ་མཚམས་སུ་ཧར་སྤུར་དང་མ་སུ་རི་གཏན་སློབ་ཏུ་ཕེབས་ཏེ་ཚོགས་འདུ་ཁག་ཅིག་བསྐྱང་རྒྱུ་ཡིན་པ་རེད། ཁུལ་དེའི་ཚོགས་འདུ་ཁག་གྲུབ་མཚམས་སུ་ཕྱི་ཚེས་ ༡༠ ཉིན་སྲིད་སྐྱོང་མཆོག་རྒྱ་གར་ནུབ་བྷེང་གྷལ་མངའ་སྡེ་ནང་ཡོད་པའི་ཀ་སྦུག་བཅས་ཀྱི་གཏན་སློབ་དང་རྡོར་རྗེ་གླིང་གཏན་སློབ་གཉིས་སུ་འཚམས་གཟིགས་དང་སྦྲགས་སློབ་སྤྱི་དང་དགེ་ལས་སློབ་གཉེར་བ་ཚོ་དང་ལྷན་དུ་ཚོགས་འདུ་འཚོགས་རྒྱུ་ཡིན་པ་ཙམ་མ་ཟད་ས་གནས་ཀྱི་བོད་མི་ཚོ་དང་མཇལ་འཕྲད་ཀྱང་གནང་འཆར་ཡོད་པ་རེད། ཐེངས་འདིའི་སྲིད་སྐྱོང་མཆོག་གི་འཚམས་གཟིགས་ནི་རྒྱ་གར་དབུས་གཞུང་གི་ངོས་ནས་བོད་མིའི་སྒྲིག་འཛུགས་ལ་རྩིས་སྤྲོད་རྩིས་ལེན་གནང་འདས་ཡོད་པའི་དབུས་བོད་སློབ་འཛིན་ཚོགས་ཀྱི་ཁྱབ་ཁོངས་སུ་ཡོད་པའི་སློབ་གྲྭ་ཁག་དང་ཐད་ཀར་འབྲེལ་བ་ཆགས་ཀྱི་ཡོད་པ་དང་། སྲིད་སྐྱོང་མཆོག་ནས་སློབ་གྲྭ་དེ་དག་ནང་འཚམས་གཟིགས་དང་སྦྲགས་ཚོགས་འདུ་ཁག་ཚོགས་གྲུབ་པའི་རྗེས་ཏེ་ཟླ་ ༩ ཚེས་ ༡༢ དང་ ༡༣ བཅས་སུ་རྒྱལ་ས་ལྡི་ལིར་རྒྱ་གར་དབུས་གཞུང་གི་གནད་ཡོད་མི་སྣ་ཁག་དང་མཇལ་འཕྲད་གནང་སྟེ་དེ་འབྲེལ་ཚོགས་འདུ་ཁག་ཅིག་ལེགས་གྲུབ་མཚམས་སུ་བཞུགས་སྒར་དུ་ཕྱིར་ཕེབས་ཀྱི་ཡོད་པ་རེད། གཞི་རྩའི་དེ་སྔ་རྒྱ་གར་དབུས་གཞུང་ནས་བོད་སློབ་འཛིན་ཚོགས་ཀྱི་ཁྱབ་ཁོངས་སློབ་གྲྭ་ཁག་རིམ་བཞིན་བོད་མིའི་སྒྲིག་འཛུགས་ལ་རྩིས་སྤྲོད་གནང་གཏན་འཁེལ་བ་ནས་བཟུང་ཕྱི་ལོ་ ༢༠༡༣ ལོར་སྔོན་འགྲོ་དང་གཞི་རིམ་འོག་མ་ཅན་གྱི་སློབ་གྲྭ་ ༣༧ རྩིས་སྤྲོད་དང་། ཕྱི་ལོ་ ༢༠༡༦ ལོར་གཞི་རིམ་འོག་མ་དང་གཞི་རིམ་བར་མ་ཅན་གྱི་སློབ་གྲྭ་ ༡༠ རྩིས་སྤྲོད།...