༸གོང་ས་༸སྐྱབས་མགོན་ཆེན་པོ་མཆོག་དབྱིན་ཡུལ་ནང་༸ཞབས་སོར་བདེ་བར་འཁོད་པ།

དེ་རིང་ཕྱི་ཟླ་ ༡༢ ཚེས་ ༡༡ སྔ་དྲོ་ཕྱག་ཚོད་ ༡༡༌༠༠ མ་ཟིན་ཙམ་ལ་བོད་མིའི་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་ལྷོ་ཕྱོགས་མུམ་བའེ་གྲོང་ཁྱེར་ནས་མཁའལམ་བརྒྱུད་ཧུབ་ལི་གན མ་ཐང་དང་དེ་ནས་མོན་གྷོ་འདོད་རྒུ་གླིང་བོད་མིའི་གཞིས་ཆགས་ཁུལ་དུ་རྟེན་གཞི་བྱས་པའི་དཔལ་ལྡན་འབྲས་སྤུངས་བླ་སྤྱིར་༸ཞབས་སོར་བདེ་བར་འཁོད་གནང་ཡོད་པ་རེད། སྐབས་དེར་གནམ་ཐང་དུ་ཤར་པ་ཆོས་རྗེ་རིན་པོ་ཆེ་མཆོག་དང་ལྷོ་ཕྱོགས་སྤྱི་ཁྱབ་པ་དང་ས་གནས་གཞིས་འགོ་གདན་ས་འབྲས་སྤུངས་དང་དགའ་ལྡན་གཉིས་ཀྱི་གྲྭ་ཚང་སོ་སོའི་མཁན་རིན་པོ་ཆེ་རྣམ་པ། འབྲས་སྤུངས་བླ་སྤྱི། གཞན་ཡང་ར་སྟོད་གྲྭ་ཚང་སོགས་ཆོས་བརྒྱུད་རིས་མེད་དགོན་སྡེ་གྲྭ་ཚང་ཁག་གི་མཁན་པོ་དང་སྐུ་ཚབ་རྣམ་པ་སོགས་ཕེབས་བསུར་ཆེད་བཅར་ཞུས་ཡོད་པ་མ་ཟད། ཕེབས་ལམ་གཡས་གཡོན་དུ་སེར་སྐྱ་མང་ཚོགས་རྣམས་ཀྱིས་ཕྱག་ཏུ་དཀར་གཙང་གི་མཇལ་དར་དང་མེ་ཏོག གདུག་སྤོས་སོགས་བསྣམས་ཤིང་དགའ་དད་སྤྲོ་གསུམ་གྱི་ངང་ཕེབས་བསུ་གཟབ་རྒྱས་ཞུས་སོང་། མགོན་པོ་༸གང་ཉིད་མཆོག་འབྲས་སྤུངས་བླ་སྤྱིར་༸ཞབས་སོར་བདེ་བར་འཁོད་སྐབས་བླ་སྤྱིའི་མདུན་དུ་དགའ་ལྡན་ཁྲི་ཟུར་༸སྐྱབས་རྗེ་རི་རྫོང་རིན་པོ་ཆེ་མཆོག་དང་བྱང་རྩེ་ཆོས་རྗེ་འབྲས་སྤུངས་ཁྲི་པ་ཕེབས་བསུར་བཅར་འདུག ཐོག་མར་འབྲས་སྤུངས་བླ་སྤྱིའི་གཙུག་ལག་ཁང་ནང་གནས་གཟིགས་དང་འབྲེལ་ཞབས་སྟེགས་ཐོག་འཁོད་མཚམས་འབྲས་སྤུངས་མཁན་རིན་པོ་ཆེ་མཆོག་དང་ས་གནས་འགོ་འཛིན་རྣམ་པ་གཉིས་ནས་མཎྜལ་རྟེན་གསུམ་འདེགས་འབུལ་ཞུས་པ་མ་ཟད་རྒྱལ་བའི་༸ཞབས་བརྟན་གསོལ་འདེབས་གསུང་འདོན་དང་རྟེན་འབྲེལ་གསོལ་ཇ་འབྲས་སིལ་འདེགས་འབུལ་སོགས་གྲུབ་རྗེས་༸གོང་ས་༸སྐྱབས་མགོན་ཆེན་པོ་མཆོག་གིས་མགོན་པོ་༸གང་ཉིད་མཆོག་ད་ལན་མོན་གྷོ་འདོད་རྒུ་གླིང་དུ་ཆིབས་སྒྱུར་མཛད་དོན་གཙོ་བོ་ནི་བསྙེན་རྫོགས་ཀྱི་སྡོམ་པ་འབོག་ཆོག་གནང་རྒྱུ་མཚོན་པའི་མཛད་འཆར་ཁག་ཅིག་ཡོད་པ་ངོ་སྤྲོད་གནང་སོང་། དེ་བཞིན་༸གོང་ས་མཆོག་གིས་མཁན་ལས་ཟུར་དང་བགྲེས་སོང་རྣམས་ཀྱི་མཛད་རྗེས་ལ་ཡི་རངས་བསྔགས་བརྗོད་གནང་པ་དང་། ལྷག་དོན་དགའ་ལྡན་ཁྲི་ཟུར་རི་རྫོང་རིན་པོ་ཆེ་མཆོག་ལ་དྭགས་གི་མི་རིགས་ཤིག་ཡིན་ཀྱང་སངས་རྒྱས་ཀྱི་བསྟན་པ་འཛིན་སྐྱོང་སྤེལ་གསུམ་གྱི་མཛད་རྗེས་སྤྱི་དང་ད་བར་བཙན་བྱོལ་བོད་མིར་གདུང་སེམས་མཉམ་བསྐྱེད་དང་སྐྱིད་སྡུག་མཉམ་མྱོང་གནང་བར་ཡི་རངས་བསྔགས་བརྗོད་མཛད་སོང་། ལ་དྭགས་དང་ཁུ་ནུ་མོན་སོགས་མི་རིགས་དེ་དག་ནི་ང་ཚོ་བོད་མི་དང་ཆབ་སྲིད་ཀྱི་ས་མཚམས་ཐོག་ནས་ཐ་དད་ཡིན་ཀྱང་མི་རིགས་དང་ཆོས་ལུགས་གོམས་སྲོལ་སོགས་གཅིག་མཚུངས་ཡིན་པས་བོད་ཀྱི་ནང་པ་སངས་རྒྱས་པའི་ཆོས་བརྒྱུད་དེ་འཛིན་སྐྱོང་སྤེལ་གསུམ་གནང་རྒྱུའི་འོས་འགན་ཡོད་པ་སོགས་བཀའ་བསྩལ་མཛད་ཡོད་པ་རེད། ཁྱད་པར་དུ་དུས་རབས་ ༢༡ འདིའི་ཤེས་ཡོན་ནང་དཔལ་ནཱ་ལེནྡྲའི་མཁས་པའི་དབང་པོ་དེ་དག་གིས་གསུངས་པའི་ལེགས་བཤད་རྨད་དུ་བྱུང་བ་རྒྱ་གར་གྱི་གནའ་བོའི་ཤེས་ཡོན་དེ་དག་རྒྱ་གར་ནང་བསྐྱར་གསོ་གནང་རྒྱུའིི་ཐོག་བཀའ་སློབ་གནང་བཞིན་ཡོད་པ་མ་ཟད་དེངསྐབས་རྒྱ་གར་སྤྱི་ཚོགས་ནང་དེ་དག་ལ་དོ་སྣང་ཇེ་ཆེར་འགྲོ་བཞིན་ཡོད་པ་རེད། དེ་ལྟར་ཡོང་བར་གཙོ་བོ་གདན་ས་ཁག་ནང་སློབ་གཉེར་གནང་མཁན་གྱི་མཁས་པ་ཚོ་ཆགས་ཡོད་སྟབས་ཚང་མས་ཤུགས་སྣོན་སྐྱོན་དགོས་པ་སོགས་ཀྱི་བཀའ་སློབ་བསྩལ་ཡོོད་པ་རེད། སང་ཉིན་ཕྱི་ཚེས་ ༡༢ དང་བོད་ཟླ་ ༡༠ ཚེས་ ༢༥ ཉིན་དགའ་ལྡན་ལྔ་མཆོད་དང་བསྟུན་༸གོང་ས་མཆོག་ནས་སྔ་ཐོག་ཚོུད་...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་རྒྱ་གར་གྱི་གྲོང་ཁྱེར་མུམ་བའེ་ནང་རྒྱ་གར་གྱི་ན་གཞོན་ཤེས་ཡོན་ཅན་མི་གྲངས་ ༣༠༠ ལྷག་ལ་འཛམ་གླིང་ཁྱོན་ཡོངས་ལ་དཀའ་ངལ་འདྲ་མིན་འཕྲད་བཞིན་པའི་དུས་སྐབས་འདིར་རྒྱ་གར་ཞེས་པའི་རྒྱལ་ཁབ་འདིས་འཛམ་གླིང་སྤྱི་ལ་རླབས་ཆེན་གྱི་ཕན་ཐོགས་བསྒྲུབ་རྒྱུའི་ཆ་རྐྱེན་དང་རེ་བ་ཆེན་པོ་གཟིགས་ཀྱི་ཡོད་པར་བཀའ་བསྩལ་དང་སྦྲགས་ཏེ་རྒྱ་གར་བ་རྣམས་ནས་རང་གི་གནའ་བོའི་རིག་གཞུང་ཐོག་དོ་སྣང་དང་སློབ་གཉེར་གནང་དགོས་གལ་ཡིན་པར་ལམ་སྟོན་རྒྱ་ཆེ་བསྩལ་འདུག མུམ་བའེ་གྲོང་ཁྱེར་ནང་རྟེན་གཞི་བྱས་པའི་ Vidyaloke ཞེས་རྒྱ་གར་གནའ་རབས་ལེགས་སྦྱར་སླར་གསོའི་བསྟི་གནས་ཁང་ནས་ཇི་ལྟར་གསོལ་འདེབས་ཞུས་དོན་ལྟར། དེ་རིང་སྔ་དྲོ་༸གོང་ས་མཆོག་གིས་ Somaiya སློབ་གཉེར་བསྟི་གནས་ཁང་དུ་རྒྱ་གར་གྱི་གནའ་བོའི་རིག་གཞུང་སླར་གསོ་གནང་ཐབས་སྐོར་བཀའ་སློབ་བཀྲིན་བསྩལ་གནང་ཡོད་པ་དང་། སྐབས་དེར་མགོན་པོ་༸གང་ཉིད་མཆོག་གིས་ཐོག་མར་༸སྐུ་ཉིད་ད་རེས་སླར་ཡང་ས་གནས་འདིར་ཆིབས་བསྒྱུར་མཛད་ཐུབ་པ་ནི་སྐལ་པ་བཟང་པོ་བྱུང་ཞེས་བཀའ་བསྩལ་བ་མ་ཟད། འཛམ་གླིང་ཐོག་ཡོད་པའི་འགྲོ་བ་མི་ཚང་མར་བདེ་སྐྱིད་ལྡན་པའི་མི་ཚེ་སྐྱེལ་རྒྱུའི་ཐོབ་ཐང་གཅིག་མཚུངས་ཡོད་ནའང་རང་བྱུང་གི་གནོད་འཚེ་ཕོག་པ་ཕུད་པའི་དེ་མིན་མི་འདོད་བཞིན་དུ་འཕྲད་པའི་ངལ་བ་མང་དག་ཞིག་ནི་འགྲོ་བ་མི་རང་གིས་བཟོས་པ་ཞིག་ཡིན་སྟབས། ང་ཚོས་འགྲོ་བ་མི་གཅིག་འགྱུར་གྱི་འདུ་ཤེས་འཛིན་པའི་ཐོག་རང་རྒྱུད་ལ་ཡོད་པའི་བྱམས་བརྩེའི་ས་བོན་དེ་མུ་མཐུད་རྒྱུན་སྐྱོང་དང་གོང་མཐོར་གཏོང་རྒྱུར་འབད་བརྩོན་ཤུགས་ཆེ་གནང་རྒྱུ་ནི་ཧ་ཅང་གལ་ཆེ་ཡིན་པར་བཀའ་བསྩལ་འདུག དེ་བཞིན་༸གང་ཉིད་མཆོག་གིས་འདས་པའི་ལོ་ངོ་ ༣༠ ལྷག་གི་རིང་འཛམ་གླིང་ནང་གི་ཤེས་ཡོན་ཅན་དང་ཚན་རིག་པ་ཚོ་དང་མཇལ་འཕྲད་གནང་བའི་༸སྐུའི་མྱོང་བའི་ཁྲོད་བོད་མི་ཚོས་ད་བར་གཅེས་ཉར་བྱས་པའི་རྒྱ་གར་གྱི་གནའ་བོའི་རིག་གཞུང་དེ་དག་ནི་འཛམ་གླིང་ཐོག་ཧ་ཅང་གི་འབྲེལ་བ་ཡོད་པ་ཞིག་དང་ལྷག་དོན་འགྲོ་བ་མིའི་སེམས་ཀྱི་ཞི་བདེ་དང་བྱམས་བརྩེའི་བསམ་པ་གོང་མཐོར་གཏོང་རྒྱུ་སོགས་ལ་དགེ་མཚན་ཆེན་པོ་ཡོད་པ་བཀའ་བསྩལ་བ་དང་ཆབས་ཅིག འཕྲུལ་རིགས་དང་ཕྱིའི་དངོས་པོ་ཡར་རྒྱས་འགྲོ་བཞིན་པ་དང་མཉམ་དུ་དེང་དུས་ཀྱི་ཤེས་ཡོན་ཁོ་ན་མིན་པར་རྒྱ་གར་གྱི་གནའ་བོའི་རིག་གཞུང་ཁག་ལ་དེ་མཚུངས་དོ་སྣང་དང་སློབ་གཉེར་གནང་ཐོག་སླར་གསོ་གནང་དགོས་གལ་ཡིན་པར་བཀའ་བསྩལ་འདུག ལྷག་དོན་རིག་གཞུང་དེའི་ཐོག་ནས་ནང་སེམས་བཅུན་རྒྱུའི་ཐབས་ཤེས་དེ་ཆོས་ཕྱོགས་ཀྱི་གནད་དོན་ཞིག་ཏུ་ངོས་མི་འཛིན་པར་ཤེས་ཡོན་ལམ་ལུགས་བྱེ་བྲག་པ་ཞིག་གི་ངོ་བོར་བཞག་ནས་སློབ་གཉེར་གནང་ཐུབ་ཚེ་ཆོས་དད་མེད་མཁན་ཚོ་ལའང་ཕན་ཐོགས་པའི་ཁྱད་ནུས་ཡོད་པར་བཀའ་ནན་བསྩལ་འདུག ཁྱད་པར་དུ་མགོན་པོ་༸གང་ཉིད་མཆོག་གིས་མི་རབས་གཞོན་པ་ཚོས་ད་ལྟའི་དུས་རབས་ ༢༡ པ་འདི་བདེ་སྐྱིད་ལྡན་པའི་དུས་རབས་ཤིག་བསྐྲུན་ཐུབ་པ་ན་འབྱུང་འགྱུར་དུས་རབས་དེ་དག་ཞི་བདེ་བག་ཕེབས་ཀྱི་དུས་རབས་ཤིག་ཡོང་ངེས་ཡིན་པ་ལམ་སྟོན་རྒྱ་ཆེ་བསྩལ་ཡོད་པ་རེད། དེ་རིང་སྔ་དྲོ་མགོན་པོ་༸གང་ཉིད་མཆོག་གི་བཀའ་སློབ་བསྩལ་གྲུབ་རྗེས་ཉིན་རྒྱབ་ཏུ་ནང་པའི་དགེ་བཤེས་ཁག་ཅིག་དང་རྒྱ་གར་གྱི་ན་གཞོན་ཤེས་ཡོན་ཅན་དབར་རྒྱ་གར་གནའ་བོའི་ཤེས་རིག་ཐོག་བགྲོ་གླེང་གནང་ཡོད་པ་དང་། སང་ཉིན་༸གོང་ས་མཆོག་གིས་མུ་མཐུད་གོང་གི་བརྗོད་གཞི་ཐོག་བཀའ་སློབ་བསྩལ་རྒྱུ་ཡིན་པ་རེད།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དེ་རིང་ཟླ་ ༧ ཚེས་ ༡༦ ཉིན་སྔ་དྲོ་ཚོུད་ ༧།༠༠ སྟེང་རྒྱ་གར་ཕྱོགས་ལ་དྭགས་རྒྱལ་ས་སླེ་ནས་ཐད་འཕུར་གནམ་གྲུ་བརྒྱུད་ཟངས་དཀར་དུ་སྔ་དྲོ་ཚོུད་ ༨།༠༠ མ་ཟིན་ཙམ་ལ་༸ཞབས་སོར་བདེ་བར་འཁོད་གནང་སོང་། ཐད་འཕུར་གནམ་ཐང་དུ་ཀརགྷིལ་ས་གནས་རྫོང་དཔོན་དང་ཟངས་དཀར་རང་སྐྱོང་རི་ལྗོངས་ཡར་རྒྱས་ལྷན་ཚོགས་ཀྱི་ཚོགས་གཙོ། དེ་བཞིན་ཟངས་དཀར་དགོན་ཚོགས་དང་ནང་ཚོགས་ཀྱི་ཚོགས་གཙོ་བཅས་ཕེབས་བསུར་ཆེད་བཅར་ཞུས་འདུག་པ་མ་ཟད། དེ་བཞིན་ Padum ཐད་འཕུར་གནམ་ཐང་ནས་ཕོ་བྲང་བར་དུ་ཕེབས་ལམ་གྱི་གཡས་གཡོན་ཕྱོགས་གང་སར་ས་གནས་ཀྱི་སེར་སྐྱ་མི་མང་རྒན་བྱིས་དར་གསུམ་ནས་ཡུལ་ལུང་དེའི་ཁྱད་ཆོས་ལྡན་པའི་ཆས་གོས་སྤྲས་པ་དང་། ཕྱག་ཏུ་དཀར་གཙང་གི་མཇལ་དར་དང་མེ་ཏོག་བཅས་བསྣམས་ཏེ་མགོན་པོ་༸གང་ཉིད་མཆོག་ལ་དགའ་དད་སྤྲོ་གསུམ་ངང་ཕེབས་བསུའི་སྣེ་ལེན་གཟབ་རྒྱས་ཞུས་སོང་། ༸གོང་ས་༸སྐྱབས་མགོན་ཆེན་པོ་མཆོག་ཟངས་དཀར་དུ་༸ཞབས་སོར་བདེ་བར་འཁོད་བསྟུན། དེ་རིང་སྔ་དྲོ་ཐད་འཕུར་གནམ་ཐང་ནས་ཐད་ཀར་ཟངས་དཀར་ས་གནས་སུ་གསར་བཞེངས་ལེགས་གྲུབ་བྱུང་བའི་བོད་ཀྱི་གསོ་བ་རིག་པ་དང་ཕྱི་ལུགས་སྨན་ཁང་གསར་པ་དབུ་འབྱེད་རབ་གནས་བཀྲིན་བསྐྱངས་པ་དང་། དེ་བཞིན་སྨན་ཁང་གི་ཕྱི་ནང་བཀོད་པར་ཐུགས་ཞིབ་ཀྱང་མཛད་ཡོད་པ་རེད། རྩ་བའི་ད་རེས་ཟངས་དཀར་ཁུལ་དུ་གསར་བཞེངས་ལེགས་གྲུབ་བྱུང་བའི་འཕྲོད་བསྟེན་སྨན་ཁང་ནི། ཕྱི་ལོ་ ༢༠༡༢ ལོར་༸གོང་ས་མཆོག་ཟངས་དཀར་ཁུལ་དུ་ཆིབས་སྒྱུར་སྐབས་མགོན་པོ་༸གང་ཉིད་མཆོག་ནས་ཐུགས་ཚོར་ཆེན་པོས་ས་ཁུག་ཐག་རིང་དུ་ཆགས་པའི་ཟངས་དཀར་མང་ཚོགས་ཀྱི་འཕྲེད་བསྟེན་ཆེད་སྨན་ཁང་ཞིག་གསར་བསྐྲུན་དགོས་གལ་ཡིན་པའི་ལམ་སྟོན་བཀའ་སློབ་སྩལ་དོན་ལྟར། དཔལ་ལྡན་དགའ་ལྡན་ཕོ་བྲང་གིས་གཙོ་བོ་དཔལ་འབྱོར་མཐུན་འགྱུར་གནང་པའི་འོག་ཆེད་བཙུགས་གནང་པ་ཞིག་ཡིན་པ་རེད། ༸གོང་ས་མཆོག་གིས་དབུ་འབྱེད་རབ་གནས་ཀྱི་མཛད་སྒོར་དེ་སྔོན་ངོས་ནས་རེ་འདུན་ཞུས་པ་བཞིན་ཚང་མས་འཕྱར་གྲུ་མཉམ་འདེགས་གནང་སྟེ་ཟངས་དཀར་ས་གནས་སུ་ཕྱི་ལུགས་དང་བོད་ལུགས་ཀྱི་གསོ་རིག་སྨན་ཁང་གསར་བཞེངས་བྱུང་བ་ལ་དབུ་འབྱེད་བྱེད་རྒྱུ་བྱུང་བར་ཐུགས་རྗེ་ཆེ་ཞེས་བཀའ་སྩལ་དང་འབྲེལ། དེ་སྔ་བོད་ལ་ཡོད་པའི་ནང་དོན་རིག་པ་དང་གསོ་བ་རིག་པ། དེ་བཞིན་ཚད་མ་རིག་སོགས་རིག་གནས་ཆེ་བ་ལྔ་པོ་དེ་དག་དེ་སྔ་ནས་འཆད་ཁྲིད་བྱས་པ་ཙམ་མིན་པར་དེང་གི་དུས་ཚོད་ལའང་འབྲེལ་བ་དང་ཕན་ཐོགས་ཆེན་པོ་ཡོད་པ་སོགས་བཀའ་སྩལ་བ་མ་ཟད། ལྷག་པར་མགོན་པོ་མཆོག་གིས་ད་རེས་དབུ་འབྱེད་མཛད་པའི་སྨན་ཁང་འདི་ནས་འཕྲལ་དུ་ས་གནས་ཀྱི་ནད་པ་ཚོར་རོགས་རམས་བྱ་རྒྱུ་ཙམ་མ་ཡིན་པར།...

བོད་མིའི་བླ་ན་མེད་པའི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་རིང་མིན་ཕྱི་ཟླ་ ༩ ཚེས་ ༡༢ ནས་ཉིན་གྲངས་གསུམ་རིང་ཇར་མ་ནིའི་གྲོང་ཁྱེར་ Frankfurt ནང་ཆིབས་བསྒྱུར་བསྐྱང་གཏན་འཁེལ་འདུག འདི་ག་རླུང་འཕྲིན་ཁང་ལ་འགན་འཛིན་ཕུན་ཚོགས་ཚེ་རིང་ལགས་ཀྱིས་ད་རེས་ཁུལ་དེའི་བོད་ཁང་གིས་༸གོང་ས་༸སྐྱབས་མགོན་ཆེན་པོ་མཆོག་ལ་ཇི་ལྟར་གདན་ཞུའི་གསོལ་འདེབས་ཞུ་དོན་ལྟར། མགོན་པོ་མཆོག་འདི་ལོའི་ཟླ་ ༩ ཚེས་ ༡༡ ཉིན་ Frankfurt གྲོང་ཁྱེར་ནང་ཆིབས་བསྒྱུར་མཛད་རྒྱུ་དང་། ཕྱི་ཚེས་ ༡༢ ཉིན་དབུ་འཛུགས་ཀྱིས་ཉིན་གསུམ་རིང་ཁུལ་དེའི་བོད་ཁང་གསར་རྒྱག་ལེགས་གྲུབ་བྱུང་བར་དབུ་འབྱེད་རབ་གནས་དང་ཇར་མ་ནི་ས་གནས་མི་མང་ལ་བཀའ་སློབ་སྩལ་རྒྱུ་མ་ཟད། དེ་རྗེས་ཚེས་ ༡༣ ཉིན་ན་གཞོན་སློབ་ཕྲུག་ཁག་ཅིག་ལ་མཇལ་མོལ་གནང་རྒྱུ་དང་། ཚེས་ ༡༤ ཉིན་ཚན་རིག་དང་ནང་ཆོས་སྐོར་གྱི་བགྲོ་གླེང་ཐོག་དབུ་བཞུགས་ཀྱིས་མང་ཚོགས་ལ་སྙིང་རྗེ་དང་གོ་ལ་སྤྱིའི་འགན་འཁུར་གྱི་བརྗོད་གཞིའི་ཐོག་བཀའ་སློབ་སྩལ་རྒྱུ་རེད་འདུག ཇར་མ་ནི་བོད་ཁང་གི་འགན་འཛིན་ཕུན་ཚོགས་ཚེ་རིང་ལགས་ཀྱིས་ད་རེས་༸གོང་ས་མཆོག་ཇར་མ་ནི་ནང་ཆིབས་བསྒྱུར་མཛད་དོན་གཙོ་བོ་ནི་ཁུལ་དེར་གསར་རྒྱག་བྱུང་བའི་བོད་ཀྱི་ཁང་པ་དབུ་འབྱེད་རབ་གནས་བཀྲིན་བསྐྱང་རྒྱུའི་མཛད་འཕྲིན་ཐུགས་གཏན་འཁེལ་བ་དེ་ནི་རང་ཉིད་ལ་སྐལ་པ་བཟང་པོ་ཞིག་ཏུ་ངོས་འཛིན་ཞུ་བཞིན་ཡོད་ཅེས་དང་། ལྷག་དོན་མགོན་པོ་༸གང་ཉིད་མཆོག་གི་མཛད་འཆར་ཐོག་མང་ཚོགས་...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཨ་རིའི་ནང་གི་མཛད་འཕྲིན་ཁག་ལེགས་གྲུབ་ཀྱིས་ཁ་སང་རྒྱ་གར་གྱི་རྒྱལ་ས་ལྡི་ལིར་༸ཞབས་སོར་བདེ་བར་འཁོད་ཡོད་པ་དང་། དེ་རིང་ ༦ ཚེས་ ༢༨ ཉིན་སྔ་དྲོ་རྒྱལ་ས་ལྡི་ལི་ནས་མཁའ་ལམ་བརྒྱུད་ལ་དྭགས་རྒྱལ་ས་སླེ་བ་ཀུ་ལ་གནམ་ཐང་དུ་༸ཞབས་སོར་བདེ་བར་འཁོད་འདུག མགོན་པོ་༸གང་ཉིད་མཆོག་གནམ་ཐང་ནས་སླེའི་ཕོ་བྲང་དུ་ཆིབས་སྒྱུར་སྐབས་ཕེབས་ལམ་གྱི་གཡས་གཡོན་དུ་བོད་རིགས་གཙོས་པའི་ས་གནས་མང་ཚོགས་རྣམས་ཀྱིས་ཕྱག་ཏུ་དྭངས་གཙང་མཇལ་དར་གཙོས་བདུག་སྤོས་བསྣམས་ཤིང་། གྲོ་སོ་ཕྱེ་མར་ཆང་ཕུད་བཅས་འདེགས་འབུལ་གྱིས་ཕེབས་བསུའི་སྣེ་ལེན་གཟབ་རྒྱས་ཞུས་འདུག རྩ་བའི་༸གོང་ས་༸སྐྱབས་མགོན་ཆེན་པོ་མཆོག་གི་མཛད་འཆར་སྔོན་སྒྲིག་ལྟར་ན། ༸གོང་ས་༸སྐྱབས་མགོན་ཆེན་པོ་མཆོག་ལ་དྭགས་སུ་ཟླ་ ༦ ཚེས་ ༢༨ ནས་ཟླ་ ༨ ཚེས་ ༩ བར་ཟླ་བ་གཅིག་ལྷག་རིང་ལ་བཞུགས་ཞག་མཛད་རྒྱུ་དང་ཆོས་འབྲེལ་སོགས་ཀྱི་མཛད་འཕྲིན་ཁག་ཅིག་བསྐྱང་རྒྱུ་ཡིན་པ་རེད། དེ་རིང་ཟླ་ ༦ ཚེས་ ༢༨ ནས་ཟླ་ ༧ ཚེས་ ༥...

རྒྱ་གར་ལྷོ་ཕྱོགས་ཀ་ན་ཊ་ཀ་མངའ་སྡེ་གཞུང་གི་སྤྱི་ཚོགས་བདེ་དོན་ཡར་རྒྱས་ཚན་པ་དང་། རྒྱ་གར་ལྷོ་ཕྱོགས་སུ་རྟེན་གཞི་བྱས་པའི་སེར་བྱེས་མཁས་སྙན་གྲྭ་ཚང་གཉིས་ཐུན་མོང་གིས་ཇི་ལྟར་གདན་ཞུ་གསོལ་འདེབས་ཞུས་དོན་བཞིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་སང་ཉིན་ཚེས་ ༢༣ ཉིན་རྒྱ་གར་གྱི་རྩ་ཁྲིམས་གསར་བཟོ་གནང་མཁན་དང་སྤྱི་ཚོགས་དྲང་བདེན་དང་ཕོ་མོ་འདྲ་མཉམ་བཅས་ཀྱི་ཐོག་ཆེས་མཛད་རྗེས་སྙན་གྲགས་ཆེ་བའི་རྒྱ་གར་གྱི་དབུ་ཁྲིད་ Dr.B.R. Ambedkar དམ་པ་དེ་ཉིད་སྐུ་འཁྲུངས་ནས་ལོ་ ༡༢༥ འཁོར་བའི་གཞུང་འབྲེལ་མཛད་སྒོའི་སྐུ་མགྲོན་གཙོ་བོར་གདན་ཞུ་གསོལ་འདེབས་ཞུ་དོན་ལྟར་རྒྱ་གར་གྱི་རྒྱལ་ས་ལྡི་ལི་ནས་མཁའ་ལམ་བརྒྱུད་དེ་རིང་ཚེས་ ༢༢ སྔ་དྲོ་ཚོུད་ ༩།༣༠ ཐོག་ལྷོ་ཕྱོགས་སྦེང་ལོར་གྲོང་ཁྱེར་གྱི་གནམ་ཐང་དུ་༸ཞབས་སོར་བདེ་བར་འཁོད་གནང་ཡོད་པ་དང་། སྐབས་དེར་ལྷོ་ཕྱོགས་ཀ་ན་ཊ་ཀ་མངའ་སྡེ་གཞུང་གི་སྤྱི་ཚོགས་བདེ་དོན་བློན་ཆེན་སྐུ་ཞབས་ Sri. H. Anjaneya མཆོག་དང་ལྷོ་སྤྱི་ཆོས་འཕེལ་ཐུབ་བསྟན། ལྷོ་ཕྱོགས་གཞིས་ཆགས་ཁག་ལྔའི་ནང་རྟེན་གཞི་བྱས་པའི་ཆོས་བརྒྱུད་ཁག་གི་མཁན་པོ་དང་སྐུ་ཚབ་རྣམ་པ། བླ་སྤྲུལ་ཁག་ཅིག ལྷོ་ཕྱོགས་གཞིས་ཆགས་ཁག་གི་ས་གནས་འགོ་འཛིན་རྣམ་པ་སོགས་གནད་ཡོད་མི་སྣ་ཁག་ཅིག་ཕེབས་བསུར་བཅར་ཡོད་པ་རེད། ༸གོང་ས་༸སྐྱབས་མགོན་ཆེན་པོ་མཆོག་བཞུགས་གནས་མགྲོན་ཁང་དུ་༸ཞབས་སོར་འཁོད་བསྟུན་བྱང་རྩེ་ཆོས་རྗེ་རིན་པོ་ཆེ་མཆོག་དང་མཁན་བླ་སྤྲུལ་ཁག་ཅིག སེར་བྱེས་ཕྱག་མཛོད་ཆེན་མོ་སོགས་གནད་ཡོད་མི་སྣ་ཁག་ཅིག་གིས་ཕེབས་བསུ་ཞུས་ཡོད་པ་དང་། སྐབས་དེར་༸གོང་ས་མཆོག་གིས་སེར་བྱེས་མཁས་སྙན་གྲྭ་ཚང་གི་འབྲེལ་ཡོད་ཨ་རི་ཨེ་མོ་རི་གཙུག་ལག་སློབ་གྲྭ་ནས་ཕེབས་པའི་དགེ་རྒན་མི་སྣ་བདུན་ལ་མཇལ་ཁ་དང་ལམ་སྟོན་བཀའ་སློབ་བརྩལ་བ་མ་ཟད། ཀ་ན་ཊ་ཀ་མངའ་སྡེའི་ཡུལ་སྐོར་བློན་ཆེན་སོགས་དཔོན་རིགས་ཁག་ཅིག་ལ་མཇལ་ཁ་དང་བཀའ་སློབ་བརྩལ་ཡོད་པ་རེད། གཞི་རྩའི་སང་ཕྱི་ཚེས་ ༢༣...

དེ་རིང་ཟླ་ ༢ ཚེས་ ༣ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱལ་ས་ལྡི་ལིའི་ནང་རྒྱ་གར་གྱི་ས་གནས་གང་ས་ནས་ཕེབ ས་པའི་ཤེས་ཡོན་ཅན་གྱི་ན་གཞོན་ཕོ་མོ་ཁྱོན་ ༤༠༠  ལྷག་ལ་དུས་རབས་ཉི་ཤུ་དང་ཉེར་གཅིག་གི་མགོ་སྟོད་དུ་ལྟ་གྲུབ་ཕན་ཚུན་དབར་མ་མཐུན་པ་དང་། ལམ་ལུགས་འདྲ་མིན། དེ་བཞིན་རྒྱལ་ཁབ་ཕན་ཚུན་གྱི་ཞེན་ཁོག་སོགས་གི་མིང་ཐོག་ནས་འཛམ་གླིང་ནང་མི་གསོད་ཁྲག་སྦྱོར་གྱི་དཀའ་ངལ་སྣ་ཚོགས་པ་ཞིག་འཕྲད་མྱོང་ཡོད་སྐོར་དྲན་སྐུལ་གནང་པ་དང་སྦྲགས། ༸གོང་ས་མཆོག་གི་ངོས་ནས་ད་ལྟའི་དུས་རབས་འདི་ཞི་ཞིང་བདེ་སྐྱིད་ལྡན་པ་ཞིག་ཡོང་རྒྱུ་ནི་༸གང་ཉིད་ཀྱི་ཐུགས་རེ་གནང་གི་ཡོད་ཅེས་བཀའ་སློབ་བསྩལ་བ་མ་ཟད། རྒྱ་གར་གྱི་མི་རབས་གཞོན་པ་ཚོར་གནའ་སྔ་མོ་ནས་ཡོད་པའི་སོ་སོའི་རིག་གཞུང་བཟང་པོ་དེའི་བརྒྱུད་ནས་སྤྱིར་སོ་སོའི་རྒྱལ་ཁབ་དང་མི་རིགས་སྒོས་འཛམ་གླིང་སྤྱིའི་ཞི་བདེ་གོང་འཕེལ་ཡོང་ཕྱིར་ཞབས་འདེགས་རླབས་ཆེན་ཞུ་ཐུབ་པའི་ནུས་པ་ཡོད་སྐོར་སོགས་ལམ་སྟོན་བཀའ་སློབ་རྒྱ་ཆེ་བསྩལ་ཡོད་པ་རེད། འཇིག་རྟེན་གྱི་སྣང་གསལ་ཞེས་པ་རྒྱ་གར་གྱི་སྔ་མོའི་རྒྱ་གར་གྱི་རིག་གཞུང་བསྐྱར་གསོའི་ལས་འཆར་གྱི་ན་གཞོན་ཚོགས་པས་ཇི་ལྟར་གསོལ་འདེབས་ཞུས་དོན་ལྟར། མགོན་པོ་༸གང་ཉིད་མཆོག་གིས་ལྡི་ལི་གསར་པའི་ཨབ་དུལ་ཀ་ལམ་ལམ་གཞུང་ཁུལ་དུ་རྟེན་གཞི་བྱས་པའི་ཁང་ཨང་། ༡༥ ནང་རྒྱ་གར་གྱི་མངའ་སྡེ་འདྲ་མིན་ནས་ཕེབས་པའི་ཤེས་ཡོན་ཅན་གྱི་ན་གཞོན་ཕོ་མོ་ཁྱོན་  ༤༠༠   ལྷག་ལ་བཤེས་སྤྲིངས་ཀྱི་ཆོས་འབྲེལ་བཀྲིན་བསྩལ་གནང་ཡོད་པ་རེད། ༸གོང་ས་མཆོག་གིས་ཆོས་འབྲེལ་དངོས་གཞི་དབུ་འཛུགས་མ་གནང་གོང་༸གང་ཉིད་ཀྱིས་ངོས་རང་གི་རེ་བ་དེ་དེ་རིང་ང་ཚོ་འདིར་འདུ་འཛོམས་བྱུང་བ་འདི་ཆོས་བཤད་བྱེད་རྒྱུ་ཙམ་དང་། ལྷག་དོན་ནང་པ་སངས་རྒྱས་པའི་ཆོས་འགྲེལ་བཤད་བྱེད་རྒྱུ་ཙམ་ཞིག་མིན་པར། ད་ལྟའི་དུས་རབས་འདི་ཞི་ཞིང་བདེ་སྐྱིད་ལྡན་པ་ཞིག་ཡོང་རྒྱུ་ནི་དམིགས་ཡུལ་གཙོ་བོ་རེད། གལ་སྲིད་མིའི་འཇིག་རྟེན་གོ་ལ་འདི་བདེ་སྐྱིད་ལྡན་པ་ཞིག་ཡོད་ཚེ་ང་ཚོ་འདིར་འདུ་འཛོམས་གནང་དགོས་དོན་མེད་པ་རེད། འོན་ཀྱང་ང་ཚོས་ཕྱིར་མིག་ཞིག་བལྟ་བ་ཡིན་ན་དུས་རབས་ཉི་ཤུ་དང་ཉེར་གཅིག་གི་མགོ་སྟོད་དུ་ལྟ་གྲུབ་ཕན་ཚུན་དབར་མ་མཐུན་པ་དང་། ལམ་ལུགས་འདྲ་མིན། དེ་བཞིན་རྒྱལ་ཁབ་ཕན་ཚུན་གྱི་ཞེན་ཁོག་སོགས་གི་མིང་ཐོག་ནས་འཛམ་གླིང་ནང་མི་གསོད་ཁྲག་སྦྱོར་གྱི་དཀའ་ངལ་ཆེན་པོ་འཕྲད་ཡོད་པ་རེད། ད་ལྟའི་དུས་སྐབས་འདིར་གཞིགས་ན་མིའི་བསམ་བློ་ལ་འགྱུར་བ་ཞིག་སླེབས་ཡོད་པ་དང་། དེ་ལྟར་སླེབས་ཡོད་པའི་དཔེ་མཚོན་གསལ་པོ་ཞིག་ནི་གནའ་སྔ་མོ་ཡིན་ན་རྒྱལ་ཁབ་གཅིག་གིས་ཁྱིམ་མཚེས་རྒྱལ་ཁབ་གཞན་ཞིག་ལ་དམག་དྲངས་པ་ཡིན་ན།...

དེ་རིང་ཟླ་ ༡༢ ཚེས་ ༡༧ ཉིན་སྔ་དྲོ་ཚོུད་ ༩།༠༠ ཙམ་ལ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་འབྲས་སྤུངས་བདེ་ཡངས་གྲྭ་ཚང་གི་ཚོགས་མགོན་དུ་༸ཞབས་སོར་བདེ་བར་འཁོད་བསྟུན་བསླབ་པ་སློབ་གཉེར་གནང་ཕྱོགས་དང་འབྲེལ་བའི་ལམ་སྟོན་བཀའ་སློབ་གནང་ཡོད་པ་རེད། དེའང་ཆེས་ཐོག་མར་བདེ་ཡངས་གྲྭ་ཚང་གི་ཆོས་སྐྱབས་རིན་པོ་ཆེ་མཆོག་གིས་༸གོང་ས་༸སྐྱབས་མགོན་ཆེན་པོ་མཆོག་ནས་མཛད་འཕྲིན་དང་སྐུ་ངལ་ལ་འཛེམས་མེད་ཀྱིས་གྲྭ་ཚང་འདིར་༸ཞབས་སོར་བདེ་བར་འཁོད་གནང་མཛད་པར་བཀའ་དྲིན་རྗེས་དྲན་གྱི་གསུང་བཤད་གནང་ཡོད་པ་རེད། ༸གོང་ས་མཆོག་གིས་བདེ་ཡངས་གྲྭ་ཚང་ནི་རྒྱལ་དབང་ལྔ་པའི་ཡིག་ཆའི་བདག་པོ་ཡིན་པ་དང་གནས་ཆུང་རྡོ་རྗེ་བྲག་ལྡན་དང་དམིགས་བསལ་གྱི་འབྲེལ་བ་ཡོད་སྐོར་སོགས་བཀའ་སློབ་བསྩལ་བ་དང་མ་ཟད། དགོན་སྡེ་གྲྭ་ཚང་དང་བཙུན་མའི་དགོན་པ་ཚོས་ཀྱང་གཞུང་ཆེན་དག་ལ་བསླབ་པ་སློབ་གཉེར་གནང་རྒྱུ་གལ་ཆེ་ཡིན་པ་དང་། དེ་སྔའི་གཞུང་ཆེན་ལ་སློབ་གཉེར་བྱེད་མ་དགོས་པའི་རྗེས་ལུས་ཀྱི་བསམ་བློ་དེ་དོར་དགོས་ཞིང་ཇི་སྲིད་རྗེས་ལུས་ཀྱི་བསམ་བློ་གནས་པ་དེ་སྲིད་དུ་ལོ་བརྒྱ་ཕྲག་རིང་རྗེས་ལུས་ཤོར་ངེས་ཡིན་པ་དང་། གལ་ཏེ་གཞུང་ཆེན་ལ་སློབ་གཉེར་གནང་ཚེ་ལོ་བརྒྱ་ཕྲག་རིང་སངས་རྒྱས་ཀྱི་བསྟན་པ་གནས་ཐུབ་ཀྱི་རེད་ཅེས་བཀའ་ནན་བསྩལ་ཡོད་པ་རེད། དེ་རྗེས་བདེ་ཡངས་གྲྭ་ཚང་གི་མཛད་རིམ་ལེགས་པ་གྲུབ་བསྟུན་ཚོུད་ ༡༡།༠༠ ཙམ་ལ་རྭ་སྟོད་གྲྭ་ཚང་དུ་༸ཞབས་སོར་བདེ་བར་འཁོད་གནང་སྟེ་ཆོས་རྭ་གསར་པ་དབུ་འབྱེད་རབ་གནས་མཛད་ཡོད་པ་རེད། ད་དུང་རྭ་སྟོད་གྲྭ་ཚང་ནས་མགོན་པོ་༸གང་ཉིད་མཆོག་ལ་ཇི་ལྟར་གསོལ་འདེབས་ཞུས་དོན་བཞིན་གྲྭ་ཚང་དེའི་བཅའ་ཡིག་ཆེན་མོ་དབུ་འབྱེད་གནང་པ་དང་། ལྷག་དོན་ནང་པའི་ནང་ཚད་མ་རིག་པ་དང་སེམས་ཁམས་རིག་པ་ནི་དེང་སྐབས་འཛམ་གླིང་སྤྱི་ལ་ཕན་བདེ་སྒྲུབ་ཐུབ་པའི་ནུས་པ་ཡོད་པ་དང་དེའི་ཐོག་དེང་དུས་ཚན་རིག་གི་ཤེས་བྱ་བརྒྱན་ཐུབ་པ་ཞིག་བྱུང་ན་ཕན་ཐོགས་རྒྱ་ཆེ་ཡོང་ངེས་ཡིན་པར་ལམ་སྟོན་བསྩལ་ཡོད། ཕྱི་རྒྱལ་མི་རིགས་ཡིན་པའི་རྭ་སྟོད་གྲྭ་ཚ་གིི་མཁན་པོ་ཐུབ་བསྟན་ལྷུན་འགྲུབ་ལགས་ནས་རྭ་སྟོད་གྲྭ་ཚང་གི་གནས་སྟངས་དང་འབྲེལ་བའི་ལས་བསྡོམས་ཤིག་སྙན་སྒྲོན་ཞུས་ཡོད་པ་དང་། གྲྭ་ཚང་དེའི་སློབ་གཉེར་བ་ཚོས་༸གོང་ས་མཆོག་ལ་གཞུང་ཆེན་ཀ་པོད་ལྔའི་ཐོག་ལ་རྟགས་གསལ་གཟིགས་འབུལ་ཞུས་ཡོད་པ་རེད། རྩ་བའི་སང་ཉིན་ཕྱི་ཚེས་ ༡༨ ནས་དབུ་འཛུགས་ཀྱིས་ཚེས་ ༢༠ བར་ཉིན་གསུམ་རིང་ཚན་རིག་བགྲོ་གླེང་ཐོག་དབུ་བཞུགས་ཀྱིས་བཀའ་སློབ་བསྩལ་རྒྱུ་ཡིན་པ་རེད།

དེ་རིང་ཟླ་ ༡༢ ཚེས་ ༡༦ ཉིན་སྔ་དྲོ་ཚོུད་ ༡༡།༠༠ ཡོལ་ཙམ་ལ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་ལྷོ་ཕྱོགས་ཀ་ན་ཊ་ཀ་མངའ་སྡེའི་གྲོང་ཁྱེར་སྦེང་ལོར་ནས་མཁའ་ལམ་བརྒྱུད་ཧུབ་ལི་གནམ་ཐང་དང་། དེ་ནས་ཆིབས་གྲུ་ནང་རྒྱ་གར་ལྷོ་ཕྱོགས་བོད་མིའི་གཞིགས་སྒར་མོནགྷོ་འདོད་རྒུ་གླིང་དུ་རྟེན་གཞི་བྱས་པའི་གདན་ས་ཆེན་པོ་འབྲས་སྤུངས་ཚོགས་ཆེན་དུ་༸ཞབས་སོར་བདེ་བར་འཁོད་པར་གཞུང་འབྲེལ་དང་གཞུང་མིན་པའི་ཚོགས་ཁག་གི་གནད་ཡོད་མི་སྣ་སོགས་ཆེད་བཅར་གྱིས་ཕེབས་བསུ་ཞུས་པ་དང་། མོན་གྷོ་འདོད་རྒུ་གླིང་གི་ཕེབས་ལམ་གཡས་གཡོན་དུ་ས་གནས་བོད་མི་སེར་སྐྱ་མང་ཚོགས་ཚོས་ཕྱག་ཏུ་དཀར་གཙང་གི་མཇལ་དར་སོགས་བསྣམས་ཏེ་དགའ་གུས་ཆེན་པོས་༸གང་ཉིད་མཆོག་ལ་ཕེབས་བསུ་ཞུས་པ་མ་ཟད། འབྲས་སྤུངས་བླ་སྤྱིའི་ཚོགས་ཆེན་གྱི་སྒོ་འགྲམ་དུ་དགའ་ལྡན་ཁྲི་པ་གསར་རྙིང་དབུས་པའི་བྱང་རྩེ་ཆོས་རྗེ་རིན་པོ་ཆེ། འབྲས་སྤུངས་ཁྲི་པ་སོགས་མཁན་བླ་སྤྲུལ་དགེ་བའི་བཤེས་གཉེན་རྣམས་ནས་༸གང་ཉིད་མཆོག་ལ་ཕེབས་བསུའི་སྣེ་ལེན་གཟབ་རྒྱས་ཞུས་སོང་། ༸གོང་ས་༸སྐྱབས་མགོན་ཆེན་པོ་མཆོག་གིས་ཆེས་ཐོག་མར་འབྲས་སྤུངས་ཚོགས་ཆེན་གྱི་རྟེན་གཙོ་ཁག་ལ་གནས་གཟིགས་མཛད་གྲུབ་བསྟུན་བཞུགས་ཁྲིར་༸ཞབས་སོར་འཁོད་མཚམས་དགའ་ལྡན་ཁྲི་པ་མཆོག་གིས་མཎྜལ་རྟེན་གསུམ་འདེགས་འབུལ་ཞུས་ཡོད་པ་དང་། དེ་རྗེས་༸གོང་ས་མཆོག་གིས་དཔལ་ན་ལེནྡྲ་གཉིས་པར་གྲགས་པའི་འབྲས་སྤུངས་དགོན་པ་ཕྱག་བཏབ་ཏེ་ལོ་ངོ་ ༦༠༠ ཐམ་པ་འཁོར་བ་དེའི་རིང་བསྟན་འཛིན་གྱི་སྐྱེས་ཆེན་དུ་མ་བྱོན་པ་མ་ཟད། ལྷག་དོན་བསྟན་པ་དང་འགྲོ་བའི་དོན་གྱི་སླད་དུ་རླབས་ཆེན་གྱི་མཛད་རྗེས་འཇོག་གནང་པར་བཀའ་དྲིན་རྗེས་དྲན་གྱི་བཀའ་སློབ་བསྩལ་ཡོད་པ་རེད། ༸གོང་ས་མཆོག་གིས་སྐབས་དེར་དཔལ་ན་ལེནྡྲ་ནས་བརྒྱུད་པའི་ཆོས་ཚུལ་དེ་དག་སོག་པོ་དང་བོད་གཉིས་ཀྱི་ནང་ལ་ལོ་སྟོང་ཕྲག་རིང་མི་ཉམས་རྒྱུན་འཛིན་བྱས་ཡོད་པ་དང་། མ་འོངས་པར་ཡང་མུ་མཐུད་མི་ཉམས་རྒྱུན་འཛིན་གནང་དགོས་གལ་ཡིན་པར་ལམ་སྟོན་བཀའ་སློབ་བསྩལ་སོང་། ༸གོང་ས་མཆོག་གིས་ཐེངས་འདིར་དགེ་བཤེས་མ་ཐོན་མཁན་བཙུན་མ་ ༢༠ རྣམས་ལ་དགེ་བཤེས་མའི་ཕྱག་འཁྱེར་གསོལ་བསྩལ་གནང་གཏན་འཁེལ་ཡོད་པ་ལྟར། དེ་ནི་བོད་ཀྱི་ལོ་རྒྱུས་ཐོག་ཆེས་ཐོག་མ་དེ་ཆགས་ཀྱི་ཡོད་སྟབས། ༸གོང་ས་མཆོག་གི་ངོས་ནས་བསྟན་པའི་ཞབས་འདེགས་ཞིག་ཡིན་པ་དགོངས་ཀྱི་ཡོད་པ་དེ་བཞིན་སངས་རྒྱས་ཀྱི་བསྟན་པ་དེ་མ་འོངས་གཞི་རིམ་མང་ཚོགས་ཀྱི་ཁྲོད་ནས་འཛིན་སྐྱོང་སྤེལ་གསུམ་གནང་རྒྱུ་གནད་ཆེ་ཡིན་པ་ལྟར་མང་ཚོགས་ཚོའི་ངོས་ནས་ནང་ཆོས་ལ་སློབ་གཉེར་གནང་པར་ཤུགས་སྣོན་བསྐྱོན་དགོས་སྐོར་བཀའ་སློབ་བསྩལ་སོང་། མཛད་འཆར་ལྟར་ན། སང་ཉིན་ཟླ་ ༡༢ ཚེས་ ༡༧...