༸གོང་ས་མཆོག་གིས་བོད་མི་རྣམས་བློ་བདེ་པོ་བྱོས་ནས་སྡོད་ཅེས་བཀའ་བསྩལ་འདུག

༸གོང་ས་༸སྐྱབས་མགོན་ཆེན་པོ་མཆོག་གིས་ཟླ་བ་འདིའི་རེས་གཟའ་པ་སངས་ཉིན་ Chilkur Balaji  དགོན་པའི་ཆོས་དཔོན་ Archaka CS Rangarajan མཆོག་ནས་རྒྱ་གར་གྱི་རིགས་དམན་དཱ་ལིཏ་གྱི་དད་ལྡན་ལ་བྱམས་སྐྱོང་གནང་བའི་ཕྱག་བཞེས་ལ་མངོན་བསྟོད་ཀྱི་ཕྱག་ཡིག་ཞིག་བསྩལ་འདུག དེའང་རྒྱ་གར་ལྷོ་ཕྱོགས་ཏེ་ལཾ་གཱ་ནཱ་མངའ་སྡེའི་ Hyderabad གྲོང་ཁྱེར་ Jiyaguda ནང་རྟེན་གཞི་བྱས་པའི་ Chilkur Balaji  དགོན་པའི་ཆོས་དཔོན་ Archaka CS Rangarajan  མཆོག་གིས་ཟླ་ ༤ ཚེས་ ༡༧ ཉིན་རྒྱ་གར་གྱི་རིགས་དམན་དཱ་ལིཏ་གྱི་དད་ལྡན་ Aditya...

བོད་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་ཟླ་ ༤ ཚེས་ ༢༢ རེས་གཟའ་ཉི་མའི་ཉིན་རྒྱལ་ས་ལྡི་ལི་ནས་བྱང་ཀོ་རི་ཡས་གོ་མཚོན་བཀག་སྡོམ་གནང་རྒྱུའི་ཡོངས་ཁྱབ་ཞིག་སྤེལ་བར་ཐུགས་དགྱེས་ཚོར་ཆེན་པོས་འཚམས་འདྲི་མཛད་འདུག ༸གོང་ས་༸སྐྱབས་མགོན་ཆེན་པོ་མཆོག་གི་གསུང་འཕྲིན་དེའི་ནང་། བྱང་ཀོ་རི་ཡའི་གཞུང་གིས་གོ་མཚོན་དང་མེ་ཤུགས་འཕུར་མདའ་སོགས་ཚོད་ལྟའི་ལས་དོན་ཡོངས་རྫོགས་འཕྲལ་མར་ཉིད་དུ་བཀག་སྡོམ་བྱ་རྒྱུའི་གསལ་བསྒྲགས་སྤེལ་བ་མ་ཟད། ལྷག་དོན་དེ་ལྟ་བུའི་ཐག་གཅོད་དེ་ནི་ཕན་ཚུན་དབར་གྲོས་མོལ་གྱི་ཐོག་ནས་གྲུབ་འབྲས་ཐོན་པ་ཞིག་ཡིན་སྟབས། མགོན་པོ་༸གང་ཉིད་མཆོག་ལ་ཐུགས་འགུལ་ཆེན་པོ་ཐེབས་སྐོར་བཀའ་བསྩལ་འདུག དེ་བཞིན་༸གོང་ས་མཆོག་གིས་རིང་མིན་ལྷོ་བྱང་ཀོ་རི་ཡ་རྒྱལ་ཁབ་གཉིས་ཀྱི་དབུ་ཁྲིད་མཇལ་འཕྲད་གནང་འཆར་ཡོད་པ་མ་ཟད། དེ་རྗེས་བྱང་ཀོ་རི་ཡ་དང་ཨ་རིའི་སྲིད་འཛིན་དབར་ཆེས་མཐོའི་དཔོན་རིགས་ཀྱི་ལྷན་ཚོགས་ཤིག་གནང་གཏན་ཁེལ་བ་ལྟར། ལྷན་ཚོགས་དེའི་ཐོག་མཛའ་འབྲེལ་གོང་འཕེལ་དང་། ནང་འགྲིགས། ཕྱི་གསལ་ནང་གསལ་བཅས་ཀྱི་བརྒྱུད་འདས་པའི་དུས་ཡུན་ནང་ཕན་ཚུན་དབར་མི་མཐུན་པའི་གནད་དོན་བྱུང་ཁག་གཙང་བཟོ་ཐུབ་རྒྱུར་ཐུགས་རེ་ཡོད་པ་བཀའ་བསྩལ་འདུག ལྷག་པར་དུ་༸གང་ཉིད་མཆོག་གིས་ཐེངས་འདིའི་གྲོས་མོལ་བརྒྱུད་ལྷོ་བྱང་ཀོ་རི་ཡ་རྒྱལ་ཁབ་གཉིས་པོའི་དབར་ཡིད་ཆེས་ཀྱི་འབྲེལ་ལམ་གསར་བསྐྱར་གསོ་ཐུབ་ཅིང་། རིམ་པས་ཀོ་རི་ཡ་གླིང་ཕྲན་ཁྱོན་ནས་རྡུལ་ཕྲན་མཚོན་ཆ་རྩ་མེད་པ་བཟོ་རྒྱུར་ཐུགས་རེ་ཆེན་པོ་གནང་བཞིན་ཡོད་སྐོར་བཀའ་བསྩལ་འདུག་པ་མ་ཟད། དེ་ལྟ་བུའི་གྲོས་མོས་དེ་ལམ་ལྷོངས་ལྡན་པ་ཞིག་བྱུང་ཚེ་མ་འོངས་པར་ཞི་བདེ་ཐོག་འགྲོ་མིར་མིག་དཔེ་འོས་པ་ཞིག་ཆགས་ཐུབ་རྒྱུ་དང་། ཁྱད་པར་དུ་གོ་ལའི་ཁྱོན་ནས་གོ་མཚོན་འཕྱིར་འདོན་བྱ་རྒྱུར་ཤུགས་རྐྱེན་ངེས་ཅན་ཞིག་ཐེབས་ཐུབ་པར་ལམ་སྟོན་མཛད་ཡོད་པ་རེད། ༸གོང་ས་མཆོག་གིས་མགོན་པོ་༸གང་ཉིད་མཆོག་ནི་གོ་ལ་འདིའི་ཐོག་གོ་མཚོན་མེད་པ་བཟོ་ཐབས་སུ་དུས་ཡུན་རིང་པོ་ནས་འབད་བརྩོན་གནང་མཁན་ཞིག་ཡིན་པའི་ཆ་ནས་ད་ལན་གྱི་གནས་ཚུལ་དེའི་བརྒྱུད་རིམ་བཞིན་འཛམ་གླིང་ཐོག་གོ་མཚོན་མེད་ཅིང་ཡང་དག་པའི་ཞི་བདེ་ཡུན་གནས་ཐུབ་རྒྱུར་ཐུགས་རེ་ཡོད་པ་བཀའ་བསྩལ་འདུག

ཁ་སང་ཟླ་ ༤ ཚེས་ ༢༢ ཉིན་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་ Antar Rashtriya Sahayog Parishad ཚོགས་པ་དང་ནེའུ་རུ་དྲན་རྟེན་འགྲེམས་སྟོན་དང་དཔེ་མཛོད་ཁང་གཉིས་ནས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་གོ་ལའི་མཐུན་འབྲེལ་གོང་འཕེལ་ཡོང་ཐབས་སུ་རིག་གཞུང་དང་ཀུན་སྤྱོད་ཀྱི་ཁྱད་སྤྱོད་ཐོག་ལམ་སྟོན་བཀའ་སློབ་བཀྲིན་སྩལ་གནང་ཡོང་བར་ཇི་ལྟར་གསོལ་འདེབས་ཞུ་དོན་ལྟར། མགོན་པོ་༸གང་ཉིད་མཆོག་གིས་ནེའུ་རུ་རྗེས་དྲན་དཔེ་མཛོད་ཁང་དུ་མི་མང་སུམ་བརྒྱ་ལྷག་ཙམ་ལ་བོད་དུ་ཐོག་མར་རྒྱ་གར་ནས་ནང་ཆོས་དར་ཚུལ་དང་། བོད་དུ་དར་ཁྱབ་བྱུང་བའི་རྒྱ་གར་གྱི་དཔལ་ནཱ་ལེནྡཱའི་རིག་པའི་གཞུང་ལུགས་ཀྱི་ཁྱད་ཆོས་དེ་རྒྱ་གར་གྱི་གནའ་བོའི་ཡུལ་གོམས་གཤིས་ལུགས་ནས་བྱུང་ཡོད་པ་སོགས་ཀྱི་ལོ་རྒྱུས་ངོ་སྤྲོད་མཛད་པ་དང་། ལྷག་དོན་བོད་མི་ཚོ་བཙན་བྱོལ་དུ་ཐོག་མར་འབྱོར་སྐབས་ལས་དོན་དང་པོ་དེ་རྒྱ་གར་ནས་དར་སྲོལ་བྱུང་བའི་རིག་གཞུང་བཟང་པོ་དེ་མི་ཉམས་རྒྱུན་འཛིན་གནང་རྒྱུ་གལ་ཆེར་ངོས་འཛིན་བྱས་པ་མ་ཟད། རིམ་བཞིན་༸གང་ཉིད་༸སྐུ་སྒེར་གྱིས་ཀྱང་བྱམས་སྙིང་རྗེ་དང་ཆོས་ལུགས་རིས་མེད་མཐུན་འབྲེལ་ཡོང་ཐབས་བཅས་སུ་རྒྱ་གར་གྱི་གནའ་བོའི་རིག་པའི་གཞུང་ལུགས་དེ་དག་གནད་ཆེ་ཆགས་ཡོད་པ་མ་ཟད་ཁྱད་པར་དུ་ད་ལྟ་དཀའ་ངལ་ཡོད་པའི་འཛམ་བུ་གླིང་འདིར་ཤིན་ཏུ་ནས་མཁོ་བའི་རིག་གཞུང་ཞིག་ཡིན་པ་དགོངས་བཞེས་གནང་སྐོར་སོགས་བཀའ་བསྩལ་ཡོད་པ་རེད། རྒྱ་གར་གྱི་རིག་པའི་གཞུང་ལུགས་དེ་ད་ལྟའི་འཛམ་གླིང་འདིར་ཤིན་ཏུ་ནས་འོས་བཞིན་འཚམས་པ་ཞིག་རེད།  ངོས་རང་ནཱ་ལེནྡཱའི་སློབ་ཕྲུག་ཞིག་དང་རྒྱ་གར་གྱི་རིག་གཞུང་བཟང་པོ་དེའི་དགེ་ཕྲུག་ཞིག་ཡིན་པའི་ཆ་ནས་ད་ཆ་དགེ་རྒན་གྱི་ངོས་ནས་འགན་ཞེ་དྲག་འཁྱེར་གྱི་མེད་སྟབས། དགེ་ཕྲུག་གིས་དགེ་རྒན་ལ་དོ་སྣང་མང་ཙམ་གནང་རོགས་ཞེས་དྲན་སྐུལ་མ་ཞུ་ཐབས་མེད་རེད་འདུག་ཅེས་བཀའ་བསྩལ་བ་དང་ཆབས་ཅིག ༸གང་ཉིད་མཆོག་གི་ཐུགས་བསྐྱེད་དམ་བཅའ་ཆེན་པོ་བཞི་པ་སྟེ་རྒྱ་གར་གྱི་རིག་གཞུང་བསྐྱར་གསོ་ཡོང་ཐབས་ཐོག་ངོ་སྤྲོད་དང་འབྲེལ། ད་ལྟའི་འཛམ་གླིང་འདིར་བྱམས་སྙིང་རྗེ་དང་ཆོས་ལུགས་མཐུན་འབྲེལ་བཅས་ཀྱི་གོ་རྟོགས་དེ་ངེས་པར་དུ་ཡོང་ཐབས་གནང་དགོས་གལ་གཟིགས་ཀྱི་ཡོད་སྐོར་བཀའ་བསྩལ་བ་དང་སྦྲགས། ཐོག་མར་སོ་སོའི་རྒྱལ་ཁབ་ནང་རིན་ཐང་དེ་དག་བསྐྱར་གསོ་ཐུབ་པ་ཞིག་དང་། དེའང་སྨོན་ལམ་གནང་བ་ཙམ་མིན་པར་ཕུགས་འདུན་ཡོད་པའི་ཁ་ཡོད་ལག་ཡོད་ཀྱི་ཕྱག་ལས་གནང་དགོས་གལ་ཡིན་པ་བཀའ་བསྩལ་ཡོད། ང་ཚོ་འགྲོ་བ་མི་རྣམས་ནི་སྤྱི་ཚོགས་ཀྱི་ཆ་ཤས་ཤིག་ཡིན་པའི་ཆ་ནས་རང་ཉིད་སྒེར་གྱི་འཚོ་བའི་གནས་སྟངས་འོག་བདེ་སྡུག་གི་ངལ་བ་ཇི་འཕྲད་ཀུན་སྤྱི་ཚོགས་དང་ཐད་ཀར་འབྲེལ་བ་ཡོད་སྟབས། ཆོས་ཁས་ལེན་མིན་ལ་ལྟོས་མེད་ཀྱིས་ཕན་ཚུན་གཅིག་གིས་གཅིག་ལ་བྱམས་སྙིང་རྗེ་དང་ཡིད་ཆེས་གནང་ཐོག་ཕན་ཚུན་འགྲོགས་འདྲིས་ཡོང་ཐབས་གནང་གལ་ཡིན་པར་ལམ་སྟོན་རྒྱ་ཆེ་བསྩལ་ཡོད་པ་རེད། མགོན་པོ་༸གང་ཉིད་མཆོག་ལ་བཀའ་འདྲི་དགོངས་སྐོར་ཞུས་པ་ཁག་ལ་བཀའ་ལན་བསྩལ་བའི་ཁྲོད་བུད་མེད་ཀྱི་ཐོབ་ཐང་དང་ནུས་སྟོབས་སྐོར། གོ་ལའི་ཚ་དྲོད་ཀྱི་རྐྱེན་པས་ཁོར་ཡུག་གི་དཀའ་ངལ་བཅས་ཀྱི་ཐོག་བཀའ་བསྩལ་བ་མ་ཟད། ལོ་རྒྱུས་ཀྱི་ཐོག་ནས་དུས་རབས་བདུན་པ་དང་བརྒྱད་པ། དགུ་པ་བཅས་ཀྱི་ནང་བོད་དང་རྒྱ་ནག...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་སྔ་ཐོག་གྲོང་ཁྱེར་ Kolkata ནང་གི་བོད་རིགས་ཁ་ཆེ་བ་གཙོས་པའི་ཁུལ་དེར་སློབ་སྦྱོང་གནང་བཞིན་པའི་བོད་ཕྲུག་ན་གཞོན་སྐོར་ཞིག་ལ་བོད་ཀྱི་སྐད་ཡིག་སློབ་སྦྱོང་བྱ་རྒྱུ་ཤིན་ཏུ་ནས་གལ་ཆེ་ཡིན་པ་དང་། ལྷག་པར་བོད་མི་ཁ་ཆེ་བ་ཚོ་ལའང་བོད་མིའི་རང་དབང་རྩོད་ལེན་གྱི་འགན་གཅིག་མཚུངས་ཡོད་པ་བཀའ་གནང་འདུག བོད་རིགས་ཚོ་ལ་མཇལ་ཁ་དང་བཀའ་སློབ་ཀྱི་མཛད་རིམ་དེ་ནི་མགོན་པོ་མཆོག་གི་བཞུགས་གནས་Oberoi གསོལ་མགྲོན་ཁང་དུ་གནང་འདུག་པ་དང་། སྐབས་དེར་གྲོང་ཁྱེར་ཀལ་ཀཱ་ཊ་དང་། དེ་བཞིན་རྒྱ་གར་བྱང་ཤར་ཀ་སྦུག རྡོ་རྗེ་གླིང་གཞན་ཡང་འབྲས་ལྗོངས་སོགས་ནས་བོད་རིགས་ཁ་ཆེ་བ་སོགས་སློབ་ཕྲུག་བརྒྱ་ལྷག་བཅར་ཡོད་པ་རེད་འདུག མགོན་པོ་མཆོག་གིས་སྐབས་དེར་ཐོག་མར་མང་ཚོགས་ལ་༸གང་ཉིད་མཆོག་ ༡༩༥༦ ལོར་གྲོང་ཁྱེར་ཀལ་ཀཱ་ཊར་ཐེངས་དང་པོ་ཕེབས་མྱོང་ཡོད་པའི་སྐོར་གསུངས་པ་དང་འབྲེལ། དེའི་ཚེ་དེའི་དུས་སུ་གྲོང་ཁྱེར་དེའི་ Hawra ཟམ་པ་དང་གཅན་གཟན་ཁང་སོགས་སྐད་གྲགས་ཡོད་པ་ཐོས་མྱོང་ཡོད་སྐོར་བཀའ་གནང་པ་དང་། ༡༩༥༩ རྗེས་སུ་བོད་མི་རྣམས་བཙན་བྱོལ་ཆགས་རྗེས་ཕྱོགས་གཅིག་ནས་བཙན་བྱོལ་བ་ཞིག་ཆགས་ཡོད་ནའང་། ཕྱོགས་གཞན་ཞིག་ནས་ང་ཚོ་བཙན་བྱོལ་དུ་སླེབས་ནས་བོད་མི་རིགས་ཀྱི་རིག་གཞུང་དང་སྙིང་སྟོབས་བསྟན་ཐུབ་ཡོད་པ་མ་ཟད། དེ་རིང་སང་ཉིན་དེ་སྔ་དང་མི་འདྲ་བ་རང་ཉིད་བོད་པ་ཡིན་ཟེར་ན་སྤོབས་པ་སྐྱེས་དགོས་ཡག་ཆགས་ཡོད་རེད་ཅེས་དང་བཀའ་གནང་འདུག སྐབས་དེར་ཚོགས་བཅར་བའི་ཁྲོད་བོད་རིགས་ཁ་ཆེ་བ་ཁག་ཅིག་ཡོད་པ་རྣམས་ལས་འཕྲོས་ནས་༸གོང་ས་མཆོག་གིས་དེ་སྔ་བོད་ནང་རྒྱལ་མཆོག་ལྔ་པ་ཆེན་པོའི་༸སྐུ་དུས་དུས་སུ་བོད་པའི་ཁ་ཆེ་བ་ཚོར་གཟིགས་པ་ཡངས་པོ་ཡོད་སྐོར་གྱི་ལོ་རྒྱུས་ངོ་སྤྲོད་གནང་པ་དང་། དེ་བཞིན་དུས་ཕྱིས་རྒྱ་གར་བྱང་ཕྱོགས་ Srinagar ནང་གི་བོད་རིགས་ཁ་ཆེ་བ་ཚོས་བོད་སྐད་ཧ་ཅང་ཡག་པོ་སྐྱོན་བཞིན་པ་ལ་བསྔགས་བརྗོད་ཀྱིས་མགོན་པོ་མཆོག་གིས་བོད་རིགས་ཁ་ཆེ་བ་ཚོས་ཀྱང་བོད་ཀྱི་སྐད་ཡིག་ལ་དོ་སྣང་དང་སློབ་སྦྱོང་གནང་རྒྱུ་ཤིན་ཏུ་ནས་གལ་ཆེ་ཡིན་པ་དང་། སྒོས་སུ་བོད་རིགས་གཅིག་མཚུངས་ཤིག་ཡིན་སྟབས་བོད་མིའི་རང་དབང་གི་འགན་ཡང་གཅིག་མཚུངས་ཡོད་པ་བཀའ་སློབ་གནང་འདུག དེ་དེ་བཞིན་༸གོང་ས་༸སྐྱབས་མགོན་ཆེན་པོ་མཆོག་གིས་དེ་གར་འདུས་པའི་གཞོན་སྐྱེས་རྣམས་ཀུན་ལའང་བོད་ཡིག་གི་ཐོུང་མིན་པའི་སྐོར་དང་འབྲེལ། དུས་རབས་ ༢༡ པའི་ནང་བོད་ཡིག་མ་ཤེས་ན་ཧ་ལམ་ནང་ཆོས་སྤྱི་དང་ཁྱད་པར་ནཱ་ལེནྡྲའི་ཆོས་བརྒྱུད་ཐོག་སློབ་སྦྱོང་བྱེད་ཐུབ་ཡག་ཁག་པོ་གཟིགས་གནང་གི་ཡོད་པ་བཀའ་བསྩལ་འདུག མགོན་པོ་མཆོག་གིས་ང་ཚོ་བོད་མི་ཚོས་ལོ་ངོ་ལོ་ཕྲག་རིང་ནས་བདག་གཅེས་གནང་པའི་དཔལ་ནཱ་ལེནྡྲའི་ཆོས་བརྒྱུད་དྲི་མ་མེད་པ་དེ་ནི་ང་ཚོ་སྤོབས་སྐྱེས་དགོས་ཡག་ཅིག་དང་།...

༸གོང་ས་མཆོག་ནས་དེ་རིང་ཉིན་རྒྱབ་ཨོ་རི་ས་ཕུན་ཚོགས་གླིང་བོད་མིའི་གཞིས་ཆགས་ཀྱི་མང་ཚོགས་རྣམས་ལ་ནང་པའི་ཆོས་ངོ་མ་དེ་ངོ་ཤེས་པ་བྱས་ནས་བདག་པོ་རྒྱག་དགོས་གལ་ཡིན་པར་ལམ་སྟོན་བཀའ་སློབ་བསྩལ་འདུག དེ་ཡང་༸གོང་ས་༸སྐྱབས་མགོན་ཆེན་པོ་མཆོག་ནས་དེ་རིང་སྔ་དྲོ་  Kalinga Institute of Social Sciences བསྟི་གནས་ཁང་གིས་མགོན་པོ་མཆོག་ལ་འགྲོ་བ་མིའི་བཟང་སྤྱོད་ཀྱི་གཟེངས་རྟགས་ཐེངས་ ༡༠ དེ་འབུལ་བཞེས་ཀྱི་མཛད་རིམ་ཁག་ལེགས་པར་གྲུབ་རྗེས་བསྟི་གནས་ཁང་གི་ཚོགས་ཁང་དུ་ཨོ་རི་ས་ཕུན་ཚོགས་གླིང་བོད་མིའི་གཞིས་སྒར་མང་ཚོགས་རྣམས་ལ་བླང་དོར་བཀའ་སློབ་སྩལ་སྐབས་འཛམ་གླིང་འདི་མིའི་ལུང་པ་ཞིག་ཆགས་ཏེ་མི་ཕན་ཚུན་གསོད་རེས་དང་ཐུབ་ཚོད་བཏང་ནས་གནས་རྒྱུ་མིན་པར་མི་ཕན་ཚུན་དབར་བརྩེ་བ་དང་རོགས་ཕན་གནང་པའི་འཛམ་གླིང་ཞིག་བསྐྲུན་དགོས་གལ་ཡིན་པ་མ་ཟད། ང་ཚོར་དེ་ལྟར་བྱ་རྒྱུའི་ནུས་པ་དང་ཆ་རྐྱེན་དགོས་ངེས་ཁག་ཚང་ཡོད་པ་ལྟར་འགྲོ་བ་མི་ཚོས་དེ་བཞིན་གནང་བའི་ཐུགས་རེ་མཛད་ཀྱི་ཡོད་པ་བཀའ་ནན་བསྩལ་འདུག ལྷག་དོན་ཐུགས་རེ་དེ་ལྟར་གནང་ཡུལ་ནི་འཛམ་གླིང་འདིའི་ཐོག་མི་འབོར་ཐེར་འབུམ་བདུན་ཡོད་པ་རྣམས་ཡིན་པར་བཀའ་བསྩལ་ཡོད་པ་རེད། དེ་བཞིན་༸གོང་ས་མཆོག་ནས་བོད་མི་རྣམས་ས་གནས་གང་དུ་གནས་ཀྱང་བོད་བསྟན་སྲིད་ཀྱི་ལ་རྒྱ་འཁྱེར་ནས་ཧུར་ཐག་གནང་གི་ཡོད་པ་དང་། གཙོ་ཆེ་གཞིས་ལུས་རྒྱ་ཆེ་མི་མང་རྣམས་ཀྱིས་བོད་མི་རིགས་ལ་ཞེན་ཁོག་དང་། སྙིང་སྟོབས། ལྷག་བསམ་ཧ་ལས་པ་ཡོད་པ་དེ་བཙན་བྱོལ་ནང་དུ་གནས་པའི་བོད་མི་རྣམས་ནས་སྤོབས་པ་སྐྱེ་གཞི་ཆགས་ཡོད་པ་ལྟར་ཚང་མས་བོད་སྤྱིའི་བདེན་དོན་སླད་ཧུར་བརྩོན་གནང་དགོས་པ་བཀའ་སློབ་ནན་པོ་ཕེབས་འདུག བོད་ཀྱི་ནང་པ་སངས་རྒྱས་པའི་ཆོས་འདི་དེང་སྐབས་འཛམ་གླིང་འདིའི་ཐོག་སྙན་གྲགས་ཆེ་བའི་ཚན་རིག་པ་ཚོས་ཀྱང་གཅེས་ནོར་ལྟ་བུར་ངོས་འཛིན་གནང་མུས་ཡིན་པ་རེད། བོད་མི་རྣམས་ནས་རང་ཉིད་ཀྱི་ཆོས་དང་རིག་གཞུང་གཅེས་ཉར་གནང་གལ་ཡིན་པ་དང་། དེའང་ནང་པའི་ཆོས་ངོ་མ་དེ་ངོ་ཤེས་པ་བྱས་ནས་བདག་པོ་རྒྱག་དགོས་གལ་ཡིན་པར་ལམ་སྟོན་རྒྱ་ཆེ་བསྩལ་གནང་འདུག དེ་རྗེས་༸གོང་ས་མཆོག་གིས་བོད་མི་རྣམས་ལ་བྱང་ཆུབ་སེམས་བསྐྱེད་ཀྱི་བཀའ་ཆོས་ཤིག་ཀྱང་བསྩལ་ཡོད་པ་རེད། མཛད་འཆར་ལྟར་ན། ཨོ་ཌི་ཤ་ནང་གི་མཛད་འཆར་ཁག་ལེགས་པར་གྲུབ་རྗེས་༸གོང་ས་མཆོག་རྒྱ་གར་བྱང་ཤར་ནུབ་བྷན་གྷལ་མངའ་སྡེའི་རྒྱལ་ས་ཀལ་ཀཱ་ཊ་རུ་ཆིབས་བསྒྱུར་གནང་གི་ཡོད་པ་རེད།

བོད་མིའི་བླ་ན་མེད་པའི་དབུ་ཁྲི ད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་ཚོས་བོད་ཀྱི་སྐད་ཡིག་ཉར་ཚགས་ཐུབ་པ་གནང་རྒྱུ་གལ་ཆེན་པོ་ཡིན་པ་མ་ཟད། ཕ་མ་ཚོའི་ངོས་ནས་རྒྱུན་དུ་རང་ཉིད་ཀྱི་ཁྱིམ་དུ་བུ་ཕྲུག་ཚོ་དང་བོད་སྐད་བསྐྱོན་རྒྱུ་གལ་ཆེ་ཡིན་པར་ལམ་སྟོན་མཛད་འདུག དེའང་༸གོང་ས་༸སྐྱབས་མགོན་ཆེན་པོ་མཆོག་གིས་ཟླ་བ་འདིའི་ཚེས་ ༢༠ ནས་ ༢༢ བར་ཨི་ཊ་ལི་ནང་༸རྗེ་ཙོང་ཁ་པ་ཆེན་པོས་མཛད་པའི་ལམ་གཙོ་རྣམ་གསུམ་དང་རྟེན་འབྲེལ་བསྟོད་པ་སོགས་ཀྱི་ཆོས་འབྲེལ་ཁག་ཅིག་གཙོ་བོར་གྱུར་པའི་མང་ཚོགས་རྣམས་ལ་བཀའ་སློབ་སྩལ་པའི་ཁྲོད། ཕྱི་ཚེས་ ༢༡ ཉིན་མགོན་པོ་༸གང་ཉིད་མཆོག་གིས་ཨི་ཊ་ལི་གཙོས་པའི་ཉེ་འཁོར་ཡོ་རོབ་ས་གནས་ཁག་ནས་ཆེད་བཅར་ཞུས་པའི་བོད་རིགས་རྣམས་ལ་དམིགས་བསལ་གྱི་བཀའ་སློབ་བཀྲིན་ཆེ་བ་བསྐྱངས་གནང་ཡོད་པ་རེད། སྐབས་དེར་༸གང་ཉིད་མཆོག་གིས་ད་བར་བོད་མི་རྣམས་བཙན་བྱོལ་བ་ཆགས་ཏེ་ལོ་ངོ་ ༥༧ ལྷག་འགྲོ་བཞིན་པའི་དུས་སྐབས་འདིར་རྒྱ་ནག་གཞུང་གིས་དྲག་གནོན་ཇི་བྱས་ལ་མ་ལྟོས་པར་བོད་ནང་ལོག་ལ་ཡོད་པའི་བོད་མི་རྣམས་གཙོ་བོར་གྱུར་པའི་བོད་རིགས་རྒྱ་ཆེ་མང་ཚོགས་ཀྱི་ཞུམ་པ་མེད་པའི་ལྷག་བསམ་དང་སྙིང་སྟོབས་བཅས་རྒྱུན་གནས་ཐུབ་ཡོད་སྐོར་གསུངས་པ་དང་ཆབས་ཅིག བོད་མི་ཚོས་མུ་མཐུད་རང་ཉིད་ཀྱི་ཐུན་མོང་མ་ཡིན་པའི་སྐད་ཡིག་ཉར་ཚགས་གནང་རྒྱུ་ནི་ཤིན་ཏུ་ནས་གལ་ཆེ་ཡིན་པ་ལམ་སྟོན་བསྩལ་འདུག     ད་དུང་མགོན་པོ་མཆོག་གིས་ད་བར་རྒྱ་ནག་ནང་ལོག་ལ་འགྱུར་བ་ཆེན་པོ་འགྲོ་བཞིན་ཡོད་པ་མ་ཟད། ལྷག་པར་དུ་དེང་སྐབས་རྒྱ་རིགས་མི་ཉུང་བ་ཞིག་བོད་ཀྱི་ས་ཁུལ་ཁག་གཙོ་བོར་གྱུར་པའི་རྒྱལ་སྤྱིའི་རང་དབང་ལུང་པའི་ནང་ཡུལ་སྐོར་སྤྲོ་འཆམ་དང་སློབ་སྦྱོང་སོགས་ཀྱི་ཆེད་དུ་བསྐྱོད་མཁན་ལོ་རེ་བཞིན་ཇི་མང་དུ་འགྲོ་བཞིན་ཡོད་སྟབས། བོད་དང་རྒྱ་ནག་གི་དངོས་ཡོད་གནས་ཚུལ་ཐོག་ལ་ཤེས་རྟོགས་ཡོད་མཁན་མང་དུ་འགྲོ་མུས་ཡིན་པ་བཀའ་སྩལ་དང་འབྲེལ། འགྱུར་བ་ལ་བཀག་ཐབས་མེད་པས་རྒྱ་ནག་ཕྱོགས་ནས་བོད་ཀྱི་གནད་དོན་ལ་ཤ་ཚ་ཡོད་མེད་ལ་མ་ལྟོས་པར་རྒྱ་ནག་རང་ཉིད་ཀྱི་ཆེ་མཐོང་དང་མ་འོངས་མདུན་ལམ་སླད་དུ་འགྱུར་བ་ཞིག་གཏན་གཏན་འགྲོ་ངེས་ཡིན་པ་ཡང་བཀའ་བསྩལ་མཛད་འདུག དེ་བཞིན་མགོན་པོ་༸གང་ཉིད་མཆོག་གིས་ནང་པའི་གཞུང་ལུགས་ནང་ཡོད་པའི་ཚད་མ་རིག་པའི་རྣམ་གཞག་དེ་དག་བོད་ཀྱི་སྐད་ཐོག་ལ་མ་གཏོགས་སྐད་ཡིག་གཞན་གྱི་ཐོག་ལ་ད་ལྟའི་ཆར་གསལ་པོ་མཇལ་རྒྱུ་མེད་སྐོར་བཀའ་སྩལ་དང་འབྲེལ་བོད་ཀྱི་སྐད་ཡིག་ཐོག་ཡོད་པའི་བཀའ་བསྟན་དེ་དག་ལ་སློབ་དེབ་ལྟ་བུར་འདུ་ཤེས་འཛིན་ནས་སློབ་གཉེར་གནང་གལ་ཡིན་པ་མ་ཟད། ལྷག་དོན་སངས་རྒྱས་པའི་བསྟན་པ་དེ་འཛིན་སྐྱོང་སྤེལ་གསུམ་གནང་རྒྱུ་བོད་པ་ཞེས་བྱེ་བྲག་པ་གཅིག་ཁོ་ནའི་འོས་འགན་ཙམ་མིན་པར་མང་ཚོགས་ཚོས་དེ་འཛིན་སྐྱོང་སྤེལ་གསུམ་གནང་རྒྱུའི་དུས་ལ་བབ་ཡོད་སྐོར་བཀའ་བསྩལ་འདུག མཐར་༸གོང་ས་མཆོག་གིས་མང་ཚོགས་རྣམས་ནས་ནང་ཆོས་ལ་དད་པ་ཁོ་ནའི་རྗེས་སུ་མ་འབྲངས་པར་དེར་བསླབ་པ་སློབ་གཉེར་གནང་སྟེ་ཞིབ་འཇུག་དང་དཔྱད་པ་ཡང་དག་ཞིག་གནང་གལ་ཆེ་བ་ཡིན་པ་བཀའ་བསྩལ་ནན་པོ་མཛད་འདུག

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་སུད་སི་ཇི་ནེ་ཝ་གྲོང་ཁྱེར་དུ་ཚོགས་པའི་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཟུར་ཚོགས་ཤིག་གི་ཐོག་དབུ་བཞུགས་མཛད་པ་མ་ཟད། ཁུལ་དེའི་སུད་སི་ས་ཕྱོགས་གང་ས་ནས་ཆེད་བཅར་ཞུས་པའི་བོད་མི་རྣམས་ལ་རང་གི་སྐད་ཡིག་ལ་སྤོབས་པ་དང་ནང་ཆོས་ལ་དད་པ་ཙམ་མ་ཡིན་པར་བསླབ་པ་སློབ་གཉེར་གནང་དགོས་པའི་དམིགསལ་བཀའ་སྩལ་གནང་འདུག དེའང་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་དང་བསྟུན། ཁ་སང་ཕྱི་ཟླ་ ༣ ཚེས་ ༡༡ ཉིན་ཨ་རི་དང་ཁེ་ན་ཌའི་གཞུང་ཚབ་ཆེན་མོས་གོ་སྒྲིག་འོག སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་པའི་ནོ་སྦེལ་ཞི་བདེའི་དེད་དཔོན་གསུམ་གདན་ཞུ་ཐོག་ཟུར་ཚོགས་ཤིག་འཚོགས་གནང་ཡོད་པ་དང། རྒྱ་ནག་གཞུང་གིས་ཟུར་ཚོགས་དེའི་སྔ་རོལ་ཏུ་ཕྱི་རྒྱལ་གྱི་གཞུང་ཚབ་ཁག་ལ་ཚོགས་འདུ་དེའི་ཐོག་ཕེབས་རྒྱུ་མེད་པ་དང་། དེ་བཞིན་རྒྱལ་ཚོགས་ཀྱི་འབྲེལ་ཡོད་ལས་ཁུངས་ལ་ཚོགས་འདུ་དེ་ཕྱིར་བསྡུ་བྱེད་དགོས་པའི་ཉེན་བརྡ་བཏང་ཡོད་ཀྱང། ཁ་སང་མགོན་པོ་༸གང་ཉིད་མཆོག་དངོས་སུ་ཟུར་ཚོགས་དེའི་ཐོག་དབུ་བཞུགས་མཛད་པ་དང་འབྲེལ། རྒྱ་གཞུང་གི་བྱེད་སྟངས་དེ་ནི་རྒྱུན་ལྡན་གྱི་བྱ་སྤྱོད་ཞིག་ལ་འགྲེལ་བརྗོད་གནང་པ་མ་ཟད། ༸གང་ཉིད་མཆོག་ཟུར་ཚོགས་དེ་ལེགས་གྲུབ་དང་བསྟུན། ཕྱི་ཕྱོགས་སུ་འདུ་འཛོམས་བྱུང་བའི་བོད་མི་རྣམས་ལ་ཚོུད་ཕྱེད་ཀ་ཙམ་གྱི་བླང་དོར་བཀའ་སློབ་སྩལ་ཡོད་པ་རེད། ༸གོང་ས་མཆོག་གིས་སྐབས་དེར་བོད་མི་རྣམས་ལ་༸གང་ཉིད་མཆོག་སུད་སི་ཆིབས་བསྒྱུར་མ་གནང་བའི་སྔ་རོལ་ཏུ་ཨ་རིའི་ Wisconsin མངའ་སྡེའི་མེ་ཌི་སོན་གྲོང་ཁྱེར་དུ་ཚན་རིག་པ་གྲགས་ཅན་ཁག་ཅིག་དང་ལྷན་ནང་པའི་ཆོས་དང་ཚན་རིག་དབར་གྱི་འབྲེལ་ལམ་དང་། ལྷག་པར་དངོས་ཁམས་རིག་པའི་སྐོར་ལ་གྲོས་བསྡུར་བྱུང་བ་སོགས་ལུང་འདྲེན་མཛད་པ་དང་འབྲེལ། བོད་མི་རྣམས་ནས་རང་གི་སྐད་ཡིག་ལ་དོ་སྣང་དང་དེར་སྤོབས་པ་བྱ་རྒྱུ་གལ་ཆེ་ཡིན་པའི་བཀའ་སྩལ་གནང་པ་མ་ཟད། དེ་མཚུངས་སུ་བོད་མིའི་ཡ་རབས་བཟང་སྤྱོད་ཀྱི་གཤིས་བརྒྱུད་རྒྱུན་འཛིན་བྱ་དགོས་གལ་ཡིན་སྐོར་བཀའ་སྩལ་གནང་འདུག    ད་དུང་མགོན་པོ་མཆོག་གིས་བོད་མི་རྣམས་ལ་ནང་ཆོས་ལ་དད་པ་ཙམ་མ་ཡིན་པར་བསླབ་པ་སློབ་གཉེར་གནང་དགོས་གལ་ཡིན་པའི་བཀའ་སྩལ་ནན་པོ་གནང་འདུག གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་ནས་ཇེ་ནིཝའི་གྲོང་ཁྱེར་དུ་བོད་མི་རྣམས་ལ་བཀའ་སློབ་མ་བསྩལ་བའི་གོང་དུ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་འགྲོ་བ་མིའི་ཐོབ་ཐང་གི་གཙོ་འཛིན་གཞོན་པ་ལྕམ་སྐུ་ Kate Gilmore ལགས་ཀྱིས་གཙོ་སྐྱོང་གནང་པའི་ཟུར་ཚོགས་ཤིག་གི་ཐོག་ལ་དབུ་བཞུགས་མཛད་ཡོད་པ་དང།...

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨ་རིའི་ Wisconsin མངའ་སྡེའི་རྒྱལ་ས་ Madison དུ་ཉིན་གྲངས་གཉིས་རིང་གི་མཛད་འཆར་ཁག་སྐྱོང་བཞིན་ཡོད་པ་ལྟར། ཁ་སང་ཚེས་ ༨ ཉིན་༸གང་ཉིད་མཆོག་གིས་བོད་རིགས་གཙོས་དད་ལྡན་མི་གྲངས་ ༡༠༠༠ ལྷག་བརྒལ་བར་བོད་མིའི་ངོ་བོ་སྲུང་སྐྱོབ་ཐུབ་པར་བོད་ཀྱི་ཐུན་མིན་ནང་དོན་རིག་པར་བརྟག་ཞིང་དཔྱད་ནས་སློབ་གཉེར་གནང་དགོས་གལ་ཡིན་པ་བཀའ་བསྩལ་འདུག དེ་ཡང་ཨ་རིའི་ Wisconsin བོད་མིའི་སྤྱི་མཐུན་ཚོགས་པས་ཇི་ལྟར་གསོལ་འདེབས་ཞུས་དོན་ལྟར། ༸གང་ཉིད་མཆོག་གིས་ཁ་སང་ཚེས་ ༨ ཉིན་གྱི་སྔ་ཐོག་ཁུལ་དེར་རྟེན་གཞི་བྱས་པའི་ Madison Masonic ཚོགས་ཁང་ཆེན་མོར་ཆིབས་སྒྱུར་གྱིས་ཁུལ་དེའི་བོད་རིགས་གཙོས་པའི་ཕྱི་རྒྱལ་གྱི་དད་ལྡན་མང་ཚོགས་རྣམས་ལ་བླང་དོར་གྱི་བཀའ་སློབ་སྩལ་བའི་ཆེས་ཐོག་མར་བོད་མི་ཚོར་བོད་ཀྱི་སྐད་ཡིག་གི་གལ་གནད་སྤྱི་དང་། ཁྱད་པར་དུ་འཛམ་བུ་གླིང་འདིའི་སྟེང་རྒྱུ་མཚན་གྱི་ཐོག་ནས་ར་སྤྲོད་བྱེད་རྒྱུ་ཡོད་བསྡད་པའི་ཆོས་དེ་དཔལ་ནཱ་ལེནྡྲའི་ཆོས་བརྒྱུད་ཡིན་པ་བཀའ་སྩལ་དང་འབྲེལ། ཆོས་བརྒྱུད་དེ་དུས་གནས་ཐུབ་པ་ལ་བོད་ཀྱི་སྐད་ཡིག་དེ་ངེས་པར་དུ་གནས་དགོས་གལ་ཡིན་པས།  བོད་རིགས་གཞོན་སྐྱེས་ཚོས་ངེས་པར་དུ་བོད་ཀྱི་སྐད་ཡིག་ལ་གལ་ཆེ་དོན་ཆེར་བརྩི་ ནས་དེར་དམིགས་བསལ་དོ་སྣང་གིས་སོ་སོའི་བུ་ཕྲུག་རྣམས་ལ་བོད་ཡིག་བསླབ་ཐབས་གནང་དགོས་གལ་ཆེ་བའི་སྐུལ་ལྕག་གནང་འདུག ད་དུང་༸གོང་ས་མཆོག་གིས་བོད་ཀྱི་སྐད་ཡིག་མ་ཤེས་པ་ཡིན་ན་ང་ཚོ་ལོ་ངོ་སྟོང་ཕྲག་ལྷག་གི་ལོ་རྒྱུས་ཡོད་པའི་བོད་ཀྱི་ནང་པ་སངས་རྒྱས་པའི་ལྟ་གྲུབ་དེ་དག་ཤེས་དཀའ་བའི་ངལ་བ་འཕྲད་རྒྱུའི་ཉེན་ཁ་ཆེན་པོ་ཡོད་སྟབས། བོད་མི་ཚོས་བོད་ཀྱི་གནའ་བོའི་རྗེས་ལུས་ཀྱི་བསམ་བློ་དེ་དོར་ཐབས་བྱས་ཏེ་བོད་ཀྱི་ཐུན་མོང་མ་ཡིན་པའི་ནང་དོན་རིག་པར་རབ་བྱུང་ཕོ་མོ་ཁྱད་མེད་ཙམ་དུ་མ་ཟད། མི་དམངས་དཀྱུས་མ་ཚོས་ཀྱང་དམིགས་བསལ་དོ་སྣང་གིས་སློབ་གཉེར་གནང་དགོས་པའི་ལམ་སྟོན་ཡང་སྩལ་འདུག ༸གོང་ས་མཆོག་གིས་སྐབས་དེར་མང་ཚོགས་ཚོར་བཀའ་སློབ་སྩལ་ཟིན་རྗེས་ཆོས་ཞུ་བ་དད་ལྡན་མང་ཚོགས་ཚོར་དགེ་བཤེས་བླང་རི་ཐང་པས་མཛད་པའི་བློ་སྦྱོང་ཚིག་བརྒྱད་མའི་ཆོས་འབྲེལ་དངོས་སུ་དབུ་ཚུགས་གནང་འདུག མཛད་རིམ་ལྟར་ན།...

ཉིན་ཤས་གོང་ཨ་རིའི་མཱ་ཡོ་སྨན་ཁང་ནས་༸གོང་ས་མཆོག་ལ་སྐུ་ལྷོད་བཞུགས་གནང་གལ་ཡིན་པའི་ལམ་སྟོན་ཕུལ་འཕྲལ། དཔལ་ལྡན་དགའ་ལྡན་ཕོ་བྲང་ཡིག་ཚང་ནས་༸གང་ཉིད་མཆོག་གིས་ཟླ་བ་འདིའི་ནང་གི་ཨ་རིའི་མཛད་འཆར་ཕྱིར་འཐེན་གནང་པའི་གནས་ཚུལ་ཐོན་རྗེས། མང་ཚོགས་ནང་༸སྐུའི་འཕྲོད་བཞེས་ཐོག་སེམས་འཚབ་སྐྱེས་གཞིར་གྱུར་ཡོད་པ་རེད། འོན་ཀྱང་ཁ་སང་༸གོང་ས་༸སྐྱབས་མགོན་ཆེན་པོ་མཆོག་གིས་ཨ་རིའི་མི་ནེ་སོ་ཊ་མངའ་ཁུལ་གྱི་བོད་རིགས་རྣམས་ལ་བཀའ་སློབ་སྩལ་བའི་ཁྲོད་བོད་མི་རྣམས་ལ་བློ་བདེ་པོ་བྱས་ནས་སྡོད་༸སྐུའི་འཕྲོད་བཞེས་ཡག་ཐག་ཆོད་ཡོད་པའི་བཀའ་སློབ་བཀྲིན་ཆེ་བ་བསྩལ་འདུག   བོད་ཀྱི་བླ་ན་མེད་པའི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་ཟླ་བ་སྔ་མའི་ཚེས་ ༢༡ ཉིན་ཨ་རིའི་མི་ནེ་སོ་ཊ་མངའ་སྡེར་༸ཞབས་སོར་བདེ་བར་འཁོད་རྗེས་ཁུལ་དེའི་མཱ་ཡོ་སྨན་ཁང་དུ་ལོ་ལྟར་༸སྐུའི་འཕྲོད་བཞེས་བརྟག་དཔྱད་གནང་མུས་བཞིན་ད་ལན་ཡང་དེ་ལྟར་ཡོད་པ་རེད། ཁ་སང་ཚེས་ ༣༠ ཉིན་བརྟག་དཔྱད་ཞིབ་འཇུག་ལེགས་གྲུབ་ཀྱིས་ཚུར་རྒྱ་གར་དུ་ཆིབས་བསྒྱུར་མ་བསྐྱང་གོང། མི་ནེ་སོ་ཊ་མངའ་ཁུལ་གྱི་བོད་རིགས་ཚོས་ཇི་ལྟར་གསོལ་འདེབས་ཞུ་དོན་བཞིན་བཀའ་བཞེས་བཟང་པོ་སྨིན་སྩལ་ཐོབ་སྟེ་ ༸གང་ཉིད་མཆོག་གིས་ཐུགས་བརྩེ་བ་ཆེན་པོས་མང་ཚོགས་ལ་ཞལ་མཇལ་དང་བཀའ་སློབ་བཀྲིན་ཆེ་བ་བསྩལ་འདུག  བཀའ་སློབ་ཀྱི་མཛད་འཆར་དེ་ནི་ཁུལ་དེའི་ Mayo civic center ཞེས་པའི་ཚོགས་ཁང་ཆེན་མོའི་ནང་སྔ་དྲོ་ཚོུད་ ༩།༠༠ ཡོལ་ཙམ་ལ་ཚོུད་གཅིག་ལྷག་རིང་གནང་འདུག་པ་དང་སྐབས་དེར་བོད་མི་སྟོང་ཕྲག་ཁ་ཤས་བཅར་འདུག ༸གོང་ས་མཆོག་གིས་སྐབས་དེར་མང་ཚོགས་ལ་ཆོས་ལུགས་མཐུན་སྒྲིལ་དང་འགྲོ་བ་མི་ལ་གཅིག་གྱུར་གྱི་བདེ་སྐྱིད་སྐྲུན་ཐབས་སོགས་༸སྐུའི་མཛད་འཁུར་གསུམ་གྱི་སྐོར་དང་། དཔལ་ན་ལེནྜའི་ཆོས་བརྒྱུད་དྲི་མ་མེད་པ་ལས་མཆེད་པའི་བོད་བརྒྱུད་ནང་བསྟན་གྱི་རིན་ཐང་། དེ་བཞིན་བྱམས་སྙིང་རྗེའི་ཕན་ཡོན་དང་བསླབ་བྱ་སོགས་གནད་དོན་ཁག་ཅིག་གི་ཐོག་ལ་བླང་དོར་གྱི་མཇུག་ལྡོག་བྱ་རྒྱུའི་ལམ་སྟོན་བཀྲིན་བསྐྱངས་འདུག   ལྷག་པར་དུ་མགོན་པོ་མཆོག་གིས་སྐབས་དེར་བོད་རིགས་ཚོར་ང་ཚོ་བཙན་བྱོལ་ཆགས་ནས་འདས་པའི་མི་ལོ་ ༥༦...