༸གོང་ས་མཆོག་གིས་རྒྱ་གར་ལྷོ་ཕྱོགས་ཧོན་སུར་སྨད་རྒྱུད་གྲྭ་ཚང་དུ་ཆོས་འབྲེལ་བཀྲིན་ཆེ་བ་སྩལ་གནང་འདུག

བོད་མིའི་བླ་ན་མེད་པའི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་ད་རེས་རྒྱ་གར་གྲོང་ཁྱེར་ཁག་གཅིག་ནང་དུ་བདུན་ཕྲག་གཅིག་ཙམ་རིང་གི་ཆིབས་སྒྱུར་མཛད་འཆར་ཐུགས་གཏན་འཁེལ་གསལ། དེ་རིང་སྔ་ཐོག་༸གང་ཉིད་མཆོག་བཞུགས་སྒར་ནས་མཁའ་ལམ་བརྒྱུད་རྒྱལ་ས་ལྡི་ལིར་ཆིབས་སྒྱུར་བསྐྱངས་ཡོད་པ་རེད། ལྡི་ལི་ Salwan སློབ་གྲྭས་ཇི་ལྟར་གསོལ་འདེབས་ཞུ་བ་ལྟར་སང་ཉིན་ཕྱི་ཚེས་ ༡༨ ཉིན་༸གོང་ས་མཆོག་གིས་ salwan སློབ་གྲྭ་མ་ལག་དང་བཅས་པའི་དགེ་སློབ་སྟོང་ཕྲག་ཁ་ཤས་ལ་འཇིག་རྟེན་ཀུན་ཁྱབ་ཀྱི་འགན་འཁུར་དང་བཟང་སྤྱོད་ཀྱི་རིན་ཐང་སྐོར་ལ་བླང་དོར་བཀའ་སློབ་བཀྲིན་བསྩལ་གནང་གི་འདུག་པ་དང་། གནངས་ཚེས་ ༡༩ ཉིན་ཁུལ་དེའི་ཤེས་ཡོན་ལྟེ་གནས་ཤིག་ཏུ་ཆིབས་སྒྱུར་བསྐྱང་རྒྱུའི་མཛད་འཆར་ཡོད་པ་རེད། རྒྱལ་ས་ལྡི་ལིར་ཉིན་གཉིས་ཀྱི་མཛད་འཕྲིན་གྲུབ་རྗེས་མགོན་པོ་མཆོག་རྒྱ་གར་ཨོ་ཌི་ས་མངའ་སྡེའི་གྲོང་ཁྱེར་ Bhubaneshwar དང་དེ་བཞིན་ནུབ་སྦེང་གྷལ་མངའ་སྡེའི་རྒྱལ་ས་ Kolkata བཅས་སུ་ཆིབས་སྒྱུར་མཛད་དེ་མཐོ་སློབ་དང་ཚོང་པའི་ལྷན་ཚོགས་སོགས་སུ་བཀའ་སློབ་བཀྲིན་བསྩལ་རྒྱུའི་མཛད་འཆར་ཡོད་པ་རེད། ༸གོང་ས་༸སྐྱབས་མགོན་ཆེན་པོ་མཆོག་ཕྱི་ཚེས་ ༢༤ ཉིན་ཐེངས་འདིའི་མངའ་སྡེ་གསུམ་ནང་གི་མཛད་འཕྲིན་ཁག་ལེགས་གྲུབ་ཀྱིས་བཞུགས་སྒར་དུ་ཚུར་ཆིབས་བསྒྱུར་མཛད་ཀྱི་ཡོད་པ་རེད།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཁ་སང་དང་ཁ་ཉིན་བཅས་ཉིན་གྲངས་གཉིས་རིང་རྒྱ་གར་བྱང་ཤར་ Manipur མངའ་སྡེ་ནང་གི་མཛད་འཕྲིན་ཁག་ལེགས་པར་གྲུབ་རྗེས་དེ་རིང་ཉིན་རྒྱབ་བཞུགས་སྒར་དུ་༸ཞབས་སོར་བདེ་བར་འཁོད་གནང་མཛད་སོང་། ཐེངས་འདིའི་མཱ་ནི་པུར་ནང་གི་ཆིབས་སྒྱུར་དེ་ནི་མངའ་སྡེའི་གྲོས་ཚོགས་ཀྱི་ཚོགས་གཙོ་སྐུ་ཞབས་Yumnam Khamchand མཆོག་གིས་གསོལ་འདེབས་ཞུས་ཐོག་༸གོང་ས་མཆོག་མངའ་སྡེའི་རྒྱལ་ས་ Imphal ནང་དུ་ཞི་བདེ་དང་མཉམ་གནས་ཞེས་པའི་རྒྱལ་སྤྱིའི་ཞི་བདེ་ལྷན་ཚོགས་སུ་དབུ་བཞུགས་ཀྱིས་བཀའ་སློབ་བསྐྱང་ཕྱིར་ཡིན་པ་ལྟར། མགོན་པོ་མཆོག་༸གང་ཉིད་མཆོག་ཁ་སང་རྒྱལ་སྤྱིའི་ཞི་བདེ་ལྷན་ཚོགས་ཀྱི་ཚོགས་མགོན་དུ་དབུ་བཞུགས་མ་མཛད་གོང་དུ་མངའ་སྡེ་དེའི་ནང་ཡོད་པའི་གསར་ཁང་འདྲ་མིན་ཁག་གི་གསར་འགོད་པ་ཁག་ཅིག་དང་མཇལ་མོལ་དང་བཀའ་སློབ་བཀྲིན་བསྩལ་འདུག མགོན་པོ་མཆོག་གིས་ Convention ཚོགས་ཁང་ཆེན་མོར་མང་ཚོགས་ ༧༠༠ ཙམ་ལྷན་ཞུགས་གནང་པའི་འཛམ་གླིང་ཞི་བདེ་ལྷན་ཚོགས་ཀྱི་ཚོགས་མགོན་དུ་དབུ་བཞུགས་མཛད་ཡོད་པ་དང་། སྐབས་དེར་མངའ་སྡེའི་གྲོས་ཚོགས་ཀྱི་ཚོགས་གཙོ་སྐུ་ཞབས་ Y Khemchand མཆོག་གཙོ་གྱུར་གཞུང་འབྲེལ་གནད་ཡོད་མི་སྣ་དང་ས་གནས་མང་ཚོགས་བཅས་ནས་མགོན་པོ་མཆོག་ལ་འཚམས་འདྲིའི་ཕེབས་བསུ་དང་འབྲེལ། ཚོགས་གཙོ་ Khemchand མཆོག་གིས་༸གོང་ས་མཆོག་ད་རེས་མཱ་ནི་པུར་མངའ་སྡེ་ནང་ཆིབས་བསྒྱུར་མཛད་པར་མངའ་སྡེ་གཞུང་གི་ཚབ་ཞུས་ཏེ་དགའ་བསུའི་འཚམས་འདྲི་ཞུས་པ་མ་ཟད། མགོན་པོ་མཆོག་མངའ་སྡེ་དེའི་ནང་ཞི་བདེ་གོང་སྤེལ་ཡོང་སླད་ལ་ཆེད་དམིགས་ཀྱིས་ཆིབས་བསྒྱུར་མཛད་པ་ཞིག་ཆགས་ཡོད་སྐོར་གསུངས་འདུག ཞི་བདེ་དང་མཉམ་གནས་ཞེས་པའི་རྒྱལ་སྤྱིའི་ཞི་བདེ་ལྷན་ཚོགས་དེའི་ཐོག་མགོན་པོ་༸གང་ཉིད་མཆོག་གིས་ཁྱོན་སྐར་མ་ ༤༠ མན་ཙམ་གྱི་བཀའ་སློབ་བསྩལ་བའི་ནང་གཙོ་བོ་འདས་པའི་དུས་རབས་ནང་དུ་བྱུང་བའི་དཀའ་ངལ་དེ་དག་ཚང་མ་འགྲོ་བ་མིའི་རིགས་ཀྱིས་བཟོས་པ་འབའ་ཞིག་ཡིན་སྟབས། དཀའ་ངལ་དེ་དག་སེལ་བའི་ཐབས་ཤེས་ཀྱང་ང་རང་ཚོས་བྱེད་དགོས་ཞེས་བཀའ་བསྩལ་བ་དང་སྦྲགས། ཁ་ཆེ་དང་ཡི་ཤུའི་འཇིགས་སྐུལ་དྲག་སྤྱོད་པ་ཟེར་བ་ཞིག་མེད་པ་དང་དེ་ཡང་འཇིགས་སྐུལ་བྱེད་མཁན་ནི་ཆོས་པ་ཡང་དག་ཞིག་མ་རེད་ཅེས་བཀའ་ནན་བསྩལ་འདུག...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཟླ་ ༡༢ པའི་ནང་དུ་རྒྱ་གར་ལྷོ་ཕྱོགས་བོད་མིའི་གཞིས་སྒར་དུ་ཆོས་འབྲེལ་གྱི་མཛད་འཕྲིན་ཁག་ཅིག་བསྐྱང་གཏན་འཁེལ་འདུག དེའང་མཛད་འཆར་ལྟར་ན། མཛད་འཆར་གྱི་དང་ཐོག་རྒྱ་གར་ལྷོ་ཕྱོགས་ཀ་ན་ཊ་ཀ་མངའ་ཁུལ་བོད་མིའི་གཞིས་སྒར་མོན་གྷོ་འདོད་རྒུ་གླིང་དུ་༸ཞབས་སོར་འཁོད་དེ་བསྙེན་རྫོགས་ཀྱི་སྡོམ་པ་འབོག་ཆོག་དང་འབྲས་སྤུངས་བློ་གསལ་གླིང་གི་ཚན་རིག་འཛིན་ཁང་གསར་པ་དབུ་འབྱེད་རབ་གནས་གནང་རྒྱུ། ཞི་བདེའི་གཟེངས་རྟགས་ཉིན་མོའི་མཛད་སྒོར་དབུ་བཞུགས་མཛད་རྒྱུ་མཚོན་པའི་༸གོང་ས་མཆོག་དུས་ཡུན་བདུན་ཕྲག་གཅིག་ཙམ་རིང་མོན་གྷོ་འདོད་རྒུ་གླིང་དུ་ཆོས་འབྲེལ་གྱི་མཛད་འཕྲིན་ཁག་ཅིག་བསྐྱང་གནང་རྒྱུ་རེད་འདུག དེ་རྗེས་ཟླ་ ༡༢ ཚེས་ ༡༧ ཉིན་སྦེལ་ཀོབ་བོད་མིའི་གཞིས་ཆགས་སུ་རྟེན་གཞི་བྱས་པའི་གདན་ས་ཆེན་པོ་སེ་ར་ཐེག་ཆེན་གླིང་དུ་༸ཞབས་སོར་འཁོད་འཆར་ཡོད་པ་མ་ཟད་དེ་གར་སེར་བྱེས་མཁས་སྙན་གྲྭ་ཚང་ནས་ཇི་ལྟར་གསོལ་འདེབས་ཞུས་དོན་བཞིན་རྟ་མགྲིན་ཡང་གསང་གི་བཀའ་དབང་སྩལ་གཏན་འཁེལ་འདུག ཕྱི་ཚེས་ ༢༠ ཉིན་སེར་སྨད་ཐོས་བསམ་ནོར་གླིང་གྲྭ་ཚང་གི་ཆོས་ར་གསར་པ་དབུ་འབྱེད་རབ་གནས་དང་ཚན་རིག་གི་འགྲེམས་སྟོན་ལ་གཟིགས་ཞིབ་གནང་རྒྱུ་དང་རྟེན་འབྲེལ་བསྟོད་པའི་བཤད་ལུང་ཞིག་བསྩལ་གཏན་འཁེལ་འདུག དེ་བཞིན་ཧུན་སུར་རབ་རྒྱས་གླིང་བོད་མིའི་གཞིས་སྒར་དུ་རྟེན་གཞི་བྱས་པའི་རྫོང་ཆོས་གྲྭ་ཚང་ནས་ཀྱང་ཇི་ལྟར་གསོལ་འདེབས་ཞུས་དོན་ལྟར། དཔལ་རྡོ་རྗེ་འཇིགས་བྱེད་ལྷ་བཅུ་གསུམ་གྱི་བཀའ་དབང་དང་སྤྱན་རས་གཟིགས་འཇིག་རྟེན་དབང་ཕྱུག་གི་བཀའ་དབང་ཞིག་བསྩལ་རྒྱུ་བཀའ་བཞེས་སྨིན་བསྩལ་ཐོབ་འདུག གཞན་ཡང་ཧུན་སུར་རྒྱུད་སྨད་གྲྭ་ཚང་གི་ངོས་ནས་ཀྱང་དཔལ་འཁོར་ལོ་བདེ་མཆོག་གི་བཀའ་དབང་ཞིག་བསྩལ་གནང་ཡོང་བའི་གསོལ་འདེབས་ཞུས་ཡོད་ཀྱང་ད་ལྟའི་ཆར་དུས་ཚོད་ནམ་ཡིན་ཐུགས་གཏན་འཁེལ་མི་འདུག  

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཟླ་ ༦ ཚེས་ ༢༨ ཉིན་ནས་དབུ་འཛུགས་ཀྱིས་ཟླ་ ༨ ཚེས་ ༡༤ བར་རྒྱ་གར་བྱང་ཕྱོགས་ལ་དྭགས་དང་རྒྱ་ས་ལྡི་ལི། རྒྱ་གར་ལྷོ་ནུབ་མངའ་སྡེ་ཧཱ་རཱཤྟྲའི་རྒྱལ་ས་མུམ་བའེ་བཅས་ཀྱི་ནང་ཟླ་བ་གཅིག་དང་ཕྱེད་ཀ་ལྷག་གི་རིང་མཛད་འཕྲིན་ཁག་ལེགས་པར་གྲུབ་ནས་དེ་རིང་རྒྱ་གར་རང་བཙན་ཉིན་མོ་སྟེ་ཚེས་ ༡༥ ཉིན་དགུང་ཚོུད་ ༡༢།༠༠ ཙམ་ལ་བཞུགས་སྒར་དུ་༸ཞབས་སོར་བདེ་བར་འཁོད་གནང་སོང་། བཞུགས་སྒར་ཉེ་འདབས་སུ་ཡོད་པའི་གྷ་གལ་གནམ་ཐང་དུ་༸ཞབས་སོར་འཁོད་བསྟུན་༸གང་ཉིད་མཆོག་ནས་གསར་འགོད་པའི་བཅར་འདྲི་དང་ལེན་གནང་སྟེ་ཐོག་མར་རྒྱ་གར་རང་བཙན་ཉིན་མོར་འཚམས་འདྲི་གནང་པ་དང་འབྲེལ། འདས་པའི་ལོ་ངོ་ ༧༠ ལྷག་གི་རིང་རྒྱ་གར་རྒྱལ་ཁབ་ཡར་རྒྱས་བྱུང་བ་ནི་མང་ཚོགས་ཀྱི་སྙིང་སྟོབས་དང་འགྱུར་བ་མེད་པའི་རེ་བ་སོགས་ལ་བརྟེན་ནས་བྱུང་བ་ཞིག་ཡིན་པ་དང་། རྒྱ་གར་འདི་མུ་མཐུད་སྔར་ལྷག་ཡར་རྒྱས་འགྲོ་བར་འཕྲུལ་རིགས་དང་ཕྱི་དངོས་པོའི་ཡར་རྒྱས་སོགས་དང་མཉམ་དུ་དེང་དུས་ཀྱི་ཤེས་ཡོན་ཁོ་ན་མིན་པར་རྒྱ་གར་གྱི་གནའ་བོའི་རིག་གཞུང་ཁག་ལ་དེ་མཚུངས་ཀྱི་དོ་སྣང་དང་སློབ་གཉེར་གནང་ཐོག་དེང་དུས་ཀྱི་རྒྱ་གར་བ་རྣམས་ནས་རང་ཉིད་ཀྱི་གནའ་བོའི་རིག་གཞུང་དེ་དག་སླར་གསོ་གནང་དགོས་ཀྱི་རེད་ཅེས་ལམ་སྟོན་བཀའ་སློབ་བསྩལ་ཡོད་པ་རེད། གཞན་ཡང་སྐབས་དེར་མགོན་པོ་༸གང་ཉིད་མཆོག་གིས་ཟླ་བ་འདིའི་ཚེས་ ༡༥ ནས་ ༢༠ བར་ཨ་ཕི་རི་ཀའི་རྒྱལ་ཁབ་བྷོ་རྩ་ཝ་ན་ནང་ཆིབས་སྒྱུར་མཛད་དེ་ཁུལ་དེའི་སེམས་དང་སྲོག་གི་བགྲོ་གླེང་ལྷན་ཚོགས་ཐོག་དབུ་བཞུགས་གནང་སྟེ་སྲིད་འཛིན་སྐུ་ཞབས་ Khama མཆོག་དང་༸གང་ཉིད་མཆོག་གི་ཐུགས་ཉེ་བའི་མཛའ་གྲོགས་ཡི་ཤུའི་ཆོས་དཔོན་...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཟླ་ ༨ ཚེས་ ༩ ཉིན་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་ནེའུ་རུ་དྲན་རྟེན་དཔེམཛོད་ཁང་དུ་རྒྱ་གར་རྒྱལ་ཡོངས་ཀྱི་གསར་ཁང་ཁག་གི་རྩོམ་སྒྲིག་ཚོགས་པའི་གོ་སྒྲིག་གནང་པའི་ལྷན་ཚོགས་ཐོག་གསར་འགོད་ཀྱི་རང་དབང་དང་ཚུལ་ཁྲིམས་སྐོར་ལམ་སྟོན་བཀའ་སློབ་བཀྲིན་བསྩལ་གནང་ཡོད་པ་རེད། དེའང་རྒྱ་གར་གྱི་ཧིཾདཱི་གསར་འགོད་པ་གྲགས་ཅན་སྐུ་ཞབས་ Rajendra Mathur ལགས་དམ་པར་རྗེས་དྲན་ཞུ་ཕྱིར་གོ་སྒྲིག་ཞུས་པ་ཞིག་ཡིན་པ་དང་། སྐབས་དེར་༸གོང་ས་མཆོག་གིས་མགོན་པོ་༸གང་ཉིད་མཆོག་༸སྐུ་ན་གཞོན་ནུའི་དུས་ནས་མང་གཙོ་དང་གསར་འགྱུར་གྱི་རང་དབང་བཅས་ལ་ཐུགས་མོས་ཆེན་པོ་གནང་མཁན་ཞིག་ཡིན་ཞེས་སོགས་ལམ་སྟོན་བཀའ་སློབ་རྒྱ་ཆེ་བཀྲིན་བསྩལ་གནང་འདུག འདི་ག་རླུང་འཕྲིན་ཁང་གི་ས་གནས་གསར་འགོད་པས་ལྷན་ཚོགས་དེ་དང་འབྲེལ་བའི་ཆེད་གཏོང་གནང་པའི་ཞིབ་ཕྲའི་གནས་ཚུལ་ཁག་གཤམ་དུ་གསན་རྒྱུ་ཡོད།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་རྒྱ་གར་གཙོས་པའི་རྒྱལ་སྤྱིའི་སློབ་ཕྲུག་ཁག་ཅིག་ལ་ཆོས་ལུགས་ལ་མ་བརྟེན་པའི་བཟང་སྤྱོད་སྐོར་ལ་བཀའ་སློབ་བཀྲིན་བསྩལ་འདུག དཔལ་ལྡན་དགའ་ལྡན་ཕོ་བྲང་ཡིག་ཚང་གི་དྲ་གནས་ཐོག་གནས་ཚུལ་སྤེལ་བར་གཞིགས་ན། ཁ་སང་ཚེས་ ༡༩ ཉིན་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་༸རྒྱལ་བའི་ཕོ་བྲང་དུ་ཨ་རིའི་མེ་ནི་སོ་ཊ་གཙུག་ལག་སློབ་གཉེར་ཁང་གི་སློབ་མ་ ༡༠ དང་། ཁེ་ན་ཌའི་ Guelph གཙུག་ལག་སློབ་གཉེར་ཁང་གི་སློབ་མ་ ༢༠ དེ་བཞིན་བཞུགས་སྒར་ཉེ་འཁྲིས་སུ་རྟེན་གཞི་བྱས་པའི་གཏོང་ལེན་དགེ་རྩ་ཚོགས་པའི་རྒྱ་གར་ཉམས་ཐག་གྱི་སློབ་མ་དང་དགེ་ལས་ ༢༥ བཅས་ཁྱོན་སློབ་ཕྲུག་ ༥༠ ལྷག་ལ་དམིགས་བསལ་མཇལ་ཁ་དང་འབྲེལ་ཆོས་ལུགས་ལ་མ་བརྟེན་པའི་བཟང་སྤྱོད་སྐོར་ལ་བཀའ་སློབ་བསྩལ་འདུག སྐབས་དེར་༸གོང་མཆོག་ནས་མགོན་པོ་༸གང་ཉིད་མཆོག་ནི་དུས་རབས་ཉི་ཤུའི་ནང་གི་སྐྱེ་བོ་ཞིག་ཡིན་པ་དང་། དུས་རབས་དེའི་རིང་ལ་འགྲོ་བ་མི་རྣམས་ནས་འཛམ་བུ་གླིང་ཐོག་ལ་དཀའ་རྙོག་འདྲ་མིན་བཟོས་ཡོད་པ་སོགས་བཀའ་བསྩལ་བ་དང་སྦྲགས། ད་ལྟ་འཚར་ལོངས་བྱེད་བཞིན་པའི་ན་གཞོན་སློབ་མ་རྣམས་ནི་དུས་རབས་ ༢༡ པའི་མི་རབས་ཤིག་ཆགས་ཀྱི་ཡོད་སྟབས། དུས་རབས་འདི་བཞིན་ཞི་བདེ་དང་བདེ་སྐྱིད་ལྡན་པ་ཞིག་བཟོ་རྒྱུར་ཚང་མས་ཧུར་བརྩོན་གནང་དགོས་པ་དང་། ལྷག་པར་དུ་འགྲོ་བ་མིའི་གཞི་རྩའི་རང་བཞིན་དེ་བྱམས་པ་དང་བརྩེ་བའི་རང་བཞིན་ཡིན་སྟབས། ཞི་བདེ་ལྡན་པའི་འཛམ་བུ་གླིང་ཞིག་བཟོ་རྒྱུའི་རེ་བ་ངེས་ཅན་ཞིག་ཡོད་པ་རེད་ཅེས་བཀའ་སྩལ་འདུག སྐབས་དེར་གཏོང་ལེན་དགེ་རྩ་ཚོགས་པའི་གཟིགས་སྐྱོང་འོག་སློབ་སྦྱོང་གནང་སྟེ། ད་ལྟ་རྒྱ་གར་ལྷོ་ཕྱོགས་Banglore ནང་དུ་རྟེན་གཞི་བྱས་པའི་...

དེའང་ཁ་སང་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་གྱི་ Bhopal གྲོང་ཁྱེར་ནང་དུ་ Narmade  རྒྱུག་ཆུ་སྲུང་སྐྱོབ་ཀྱི་གོམ་བགྲོད་ལས་འགུལ་  Namami Devi Narmade-Sewa Yatra   ཞེས་པའི་ཚོགས་མགོན་དུ་ཇི་ལྟར་གདན་ཞུའི་གསོལ་འདེབས་ཞུས་དོན་ལྟར་ཆིབས་བསྒྱུར་བཀའ་དྲིན་བསྐྱངས་པ་དང་། སྐབས་དེར་མགོན་པོ་༸གང་ཉིད་མཆོག་གིས་རྒྱ་གར་རྒྱལ་ཡོངས་ཡར་རྒྱས་ཕྱིར་གཞི་རིམ་གྲོང་གསེབ་ཁག་ཡར་རྒྱས་གཏོང་དགོས་གལ་ཡིན་པ་བཀའ་བསྩལ་འདུག ཟླ་བ་འདིའི་ཚེས་ ༡༩ རེས་གཟའ་ཉི་མའི་ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་ Madhya Pradesh མངའ་སྡེ་གཞུང་གིས་ཇི་ལྟར་གདན་ཞུའི་གསོལ་འདེབས་ཞུས་དོན་ལྟར་མགོན་པོ་༸གང་ཉིད་མཆོག་མངའ་སྡེ་དེའི་རྒྱལ་ས་ Bhopal ནང་དུ་ཉིན་གྲངས་གསུམ་རིང་གི་མཛད་འཆར་སྐྱོང་བཞིན་པ་དང་བསྟུན། ཁ་སང་ MP མངའ་སྡེ་གཞུང་གིས་གོ་སྒྲིག་ཞུས་པའི་  Namami Devi...

ཟླ་ ༢ ཚེས་ ༨ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་ཝི་ཝེ་ཀ་ནནྡཱ་རྒྱལ་སྤྱིའི་ཐེབས་རྩ་ཁང་ Vivekananda International Foundation ནས་ཇི་ལྟར་གསོལ་འདེབས་ཞུས་དོན་བཞིན་ཆིབས་སྒྱུར་བཀའ་དྲིན་བསྐྱངས་ཏེ་རྒྱ་གར་གྱི་བདེ་སྲུང་དང་།   ཚོང་འབྲེལ། ཕྱི་སྲིད་ལས་དོན།    བཟོ་གྲྭའི་བདག་གཉེར་དང་དེ་བཞིན་སྤྱི་ཚོགས་ཞབས་ཞུ་བ་སོགས་རྒྱལ་ཁབ་ཀྱི་འཛུག་བསྐྲུན་གོང་འཕེལ་དང་འབྲེལ་བའི་སྲིད་བྱུས་ཉམས་ཞིབ་པ་མི་གྲངས་ ༣༠༠ ལྷག་ལ་རྒྱ་གར་གྱི་གནའ་བོའི་རིག་གཞུང་དེ་འཛམ་བུ་གླིང་འདིར་འབྲེལ་བ་གང་ཡོད་སྐོར་བཀའ་སློབ་བཀྲིན་བསྩལ་གནང་ཡོད་པ་རེད། ༸གོང་ས་༸སྐྱབས་མགོན་ཆེན་པོ་མཆོག་གིས་སློབ་དཔོན་  Vivekananda  མཆོག་ནས་འཛམ་གླིང་ཆོས་ལུགས་རིས་མེད་ཀྱི་གྲོས་ཚོགས་ཐོག་མར་དབུ་འཛུགས་བསྐྱངས་པའི་མཛད་འཕྲིན་ལུང་འདྲེན་གྱིས་ཁོང་ནི་ཕུགས་རྒྱང་རིང་པོའི་དགོངས་གཞི་ཡོད་པའི་རླབས་ཆེན་གྱི་དབུ་ཁྲིད་ཅིག་ཏུ་ངོས་འཛིན་མཛད་ཀྱི་ཡོད་ཅེས་བཀའ་བསྩལ་བ་དང་ཆབས་ཅིག ཁོང་གི་རྗེས་འཇུག་པ་ཚོས་རླབས་ཆེན་གྱི་དགོངས་གཞི་དེ་དག་ཚུལ་བཞིན་མཇུག་སྐྱོང་གནང་ཐུབ་ཀྱི་མེད་པ་བཀའ་གནང་པ་མ་ཟད།  ༸གང་ཉིད་མཆོག་ནི་རྒྱ་གར་གྱི་གནའ་བོའི་ལྟ་གྲུབ་སློབ་གཉེར་གནང་མཁན་གྱི་སློབ་ཕྲུག་ཞིག་ཡིན་པའི་ཆ་ནས་ཐོག་མར་བཙན་བྱོལ་དུ་འབྱོར་མ་ཐག་སྐབས་དེའི་སྲིད་བློན་དང་རྒྱ་གར་མི་མང་གི་བཀྲིན་ལ་བརྟེན་ནས་རྒྱ་གར་ལྷོ་ཕྱོགས་ཁུལ་དུ་རྩ་ཆེ་བའི་རིག་གཞུང་དེ་དག་མི་ཉམས་རྒྱུན་འཛིན་ཐུབ་པའི་ལྟེ་གནས་གསར་འཛུག་ཐུབ་སྐོར་སོགས་ངོ་སྤྲོད་མཛད་ཡོད། དེང་སྐབས་ངས་ཚན་རིག་པ་དང་ཤེས་ལྡན་པའི་མི་སྣ་འདྲ་མིན་ཐུགས་འཕྲད་སྐབས་ལོ་མང་རིང་བདག་ཉར་བྱས་པའི་ནཱ་ལེནྡྲའི་ཤེས་ཡོན་དེ་དངོས་གནས་དེང་དུས་ཀྱི་འཛམ་གླིང་འདིར་ཕན་ཐོགས་ཡོད་པ་ཞིག་དང་། ལྷག་པར་དུ་དངོས་ཁམས་ཚན་རིག་དང་སེམས་ཁམས་རིག་པའི་རྣམ་གཞག་ལས་ནང་པའི་རིག་ལམ་གྱི་ཐོག་ནས་འགྲེལ་བཤད་རྒྱ་ཆེ་བ་དང་གཏིང་ཟབ་པ་བརྒྱབ་རྒྱུ་ཡོད་པ་མ་ཟད།དེང་སྐབས་ཚན་རིག་པ་ཚོས་རིག་གཞུང་དེར་དམིགས་བསལ་གྱི་དོ་སྣང་བྱེད་མུས་ཡིན་པ་རེད། དེས་ན་རྒྱ་གར་གྱི་གནའ་བོའི་རིག་གཞུང་དེ་ནང་པ་ཙམ་མིན་པར་འགྲོ་བ་སྤྱི་ལ་ཕན་ཐོགས་པའི་ལེགས་བྱང་ཞིག་ལ་ངོས་འཛིན་མཛད་ཀྱི་ཡོད་ཅེས་སོགས་ལམ་སྟོན་བཀའ་སློབ་བསྩལ་སོང་། ༸གོང་ས་མཆོག་གིས་ད་དུང་རྒྱ་གར་གྱི་ཆོས་ལུགས་རིས་མེད་ཀྱི་ལྟ་གྲུབ་དང་། དེང་དུས་ཀྱི་ཤེས་ཡོན་དང་འབྲེལ་ཏེ་བཟང་སྤྱོད་ཀྱི་རིན་ཐང་སྐོར་སློབ་གསོ་སྤེལ་རྒྱུ་དེ་གལ་འགངས་ཆེན་པོ་ཡིན་པ་དང་། དེའང་བྱམས་སྙིང་རྗེའི་ལྟ་གྲུབ་ལས་བྱུང་བའི་རྒྱ་གར་གནའ་བོའི་རིག་གཞུང་དེ་དག་ཆོས་དང་མ་འབྲེལ་བའི་ཐོག་ནས་གོང་སྤེལ་གནང་ཐུབ་པ་ཡིན་ན། ཆོས་ཁས་ལེན་མིན་ཀུན་ལ་ཁྱབ་པའི་ལམ་སྟོན་བཟང་པོ་ཞིག་ཡོང་རྒྱུ་དང་། རྒྱ་གར་བ་ཚོས་དེའི་ཐོག་དམིགས་བསལ་གྱི་འགན་འཁུར་བཞེས་དགོས་པའི་ལམ་སྟོན་བཀའ་ནན་བསྩལ་ཡོད་པ་རེད། བཀའ་སློབ་ཀྱི་ལས་རིམ་དེ་གྲུབ་པའི་རྗེས་སུ་༸གོང་ས་མཆོག་གིས་རྒྱ་གར་བ་ཅིག་ནས་རྒྱ་ནག་འབྲེལ་བའི་བཀའ་འདྲི་ཞུས་པར་བཀའ་ལེན་སྩལ་བར་ངོས་རང་གིས་རྒྱ་ནག་དེ་རྒྱ་མི་རིགས་ལ་བདག་དབང་ཡོད་པ་མ་གཏོགས་དཔོན་པོ་རེ་གཉིས་ལ་བདག་དབང་ཡོད་པ་ཞིག་ལ་ངོས་འཛིན་གྱི་མེད་ཅེས་གསུངས་པ་དང་འབྲེལ།...

༸གོང་ས་མཆོག་གིས་རྒྱ་གར་རྒྱལ་ཡོངས་བུད་མེད་ཚོང་པ་ཚོགས་པའི་འཐུས་མི་བུད་མེད་ ༢༠༠ ལྷག་ལ་ནུས་སྟོབས་གོང་འཕེལ་གཏོང་བའི་ནུས་པའི་སྐོར་ལམ་སྟོན་བསྩལ་ཡོད་པ་རེད། དེ་རིང་ཟླ་ ༡ ཚེས་ ༢༡ ཉིན་སྔ་དྲོ་ཚོུད་ ༡༠།༠༠ ཐོག་༸གོང་ས་མཆོག་གིས་རྒྱ་གར་རྒྱལ་ཡོངས་བུད་མེད་ཚོང་པ་ཚོགས་པས་ཇི་ལྟར་གསོལ་འདེབས་ཞུ་དོན་ལྟར། མགོན་པོ་༸གང་ཉིད་མཆོག་གིས་ལྡི་ལི་གསར་པའི་ FICCI ཚོགས་ཁང་དུ་གོ་ལ་འདིའི་སྟེང་ཡོད་པའི་མི་འབོར་དུང་ཕྱུར་ ༧༠ ལྷག་ཡོད་པ་དེ་དག་ཚང་མ་ལུས་དང་སེམས་ཚོར་བཅས་ཕྱོགས་གང་གི་ཆ་ནས་ཨ་མའི་བྱམས་སྐྱོང་འོག་འཚར་ལོངས་བྱུང་བ་གཅིག་མཚུངས་ཡིན་པ་མ་ཟད། ཚན་རིག་པ་ཚོས་ཀྱང་མིའི་ཆོས་ཉིད་དེ་ཞི་བདེ་ལྡན་པའི་རང་བཞིན་ཅན་ཞིག་ཡིན་པར་ངོས་འཛིན་གནང་གི་ཡོད་སྐོར་དྲན་སྐུལ་མཛད་པ་དང་སྦྲགས། ༸གང་ཉིད་མཆོག་གིས་༸སྐུ་སྒེར་མྱོང་བ་དང་སྦྱར་ནས་གསུངས་པར་ང་ཚོ་སེམས་ཅན་གཞན་དང་མི་འདྲ་བར་ཆོས་རབ་ཏུ་རྣམ་འབྱེད་ཀྱི་རྣམ་དཔྱོད་ཡོད་སྟབས། རྣམ་དཔྱོད་དེའི་བརྒྱུད་ནས་རྒྱུན་དུ་སེམས་བཟང་པོ་བྱ་ཚེ་རང་ཉིད་ཀྱི་ལུས་སེམས་གཉིས་ཀ་བདེ་ཐང་ཡོང་རྒྱུ་ཙམ་མ་ཟད། དེ་བཞིན་རང་ཉིད་ཀྱི་ནང་མི་སྐྱིད་པ་དང་ནང་གཅིག་གཉིས་ལས་རིམ་བཞིན་ནང་མི་བརྒྱ་བཅས་བརྒྱུད་ནས་སྤྱི་ཚོགས་ཁྱོན་ཡོངས་ལ་འགྱུར་བ་ཞིག་འགྲོ་ངེས་ཡིན་སྟབས། སྤྱི་ཚོགས་བདེ་སྐྱིད་ལྡན་པ་ཞིག་ཡོང་བར་ང་ཚོ་མི་རེ་ངོ་རེ་ལ་འོས་འགན་ཡོད་པ་ལྟར་འཛམ་བུ་གླིང་འདི་འགྱུར་བ་ཞིག་ཡོང་བར་དེ་མཚུངས་སུ་འགན་ཡོད་སྐོར་བཀའ་ནན་བསྩལ་སོང་། དེ་བཞིན་༸གོང་ས་མཆོག་གིས་སྐབས་རེ་ང་ཚོར་ངལ་བ་འཕྲད་ཚེ་སེམས་ཤུགས་ཆག་པ་ལྟ་བུ་བསྡད་ཀྱི་ཡོད་པ་རེད། གལ་སྟེ་འཛམ་བུ་གླིང་འདི་ཞི་བདེ་ལྡན་པ་ཞིག་དགོས་ཚེ་དེ་ལྟར་ཡོང་བར་ང་ཚོས་འབད་བརྩོན་གནང་དགོས་པ་ལས་གློ་བུར་དུ་གནམ་ནས་ལྷུང་བ་སོགས་ཡོང་རྒྱུ་མེད་སྟབས། ང་ཚོའི་ངོས་ནས་ངེས་པར་དུ་གོ་ལ་འདིའི་ཆ་ཤས་ཤིག་ཡིན་པའི་ཆ་ནས་འོས་འགན་ཞིག་ཡོད་པ་དང་དེའང་ལྷག་བསམ་རྣམ་དག་གིས་འགན་འཁྱེར་དགོས་པ་རེད་ཅེ་ལམ་སྟོན་མཛད་ཡོད་པ་རེད། ༸གང་ཉིད་མཆོག་གིས་ད་དུང་དེང་དུས་ཀྱི་ཤེས་ཡོན་ལམ་ལུགས་དེ་དངོས་པོའི་ལམ་ལུགས་ལ་བརྟེན་དྲག་ཡོད་སྐོར་བཀའ་སྩལ་བ་དང་ཆབས་ཅིག རྒྱ་གར་གྱི་གནའ་བོ་ནས་ཡོད་པའི་ཆོས་དང་མ་འབྲེལ་བའི་བཟང་སྤྱོད་དེ་དེང་སྐབས་ཀྱི་མིའི་བསམ་བློ་ཁྱེར་ཕྱོགས་དང་ཆེས་འཚམ་པོ་ཡོད་པ་སོགས་ཀྱི་ལམ་སྟོན་བཀའ་སློབ་རྒྱ་ཆེ་བསྩལ་ཡོད་པ་རེད། རྒྱ་གར་རྒྱལ་ཡོངས་བུད་མེད་ཚོང་པའི་ཚོགས་གཙོ་ཝི་ནི་ཏཱ་བིམ་བེཏ་ Vinita Bimbhet...