༸གོང་ས་མཆོག་གིས་ཨུ་རུ་སུའི་ཁྱབ་ཁོངས་ཀྱི་ནང་པ་ཚོ་ལའང་ཕན་ཐོགས་བསྒྲུབ་ཐུབ་པའི་སྨོན་ལམ་རྒྱག་གི་ཡོད་ཅེས་བཀའ་གནང་པ།

དེ་རིང་ཕྱི་ཚེས་ ༢༡ ཉིན་སོག་པོའི་རྒྱལ་ས་ Ulaanbaatar ནང་ཨེ་ཤ་ཡའི་ནང་པའི་ཞི་བདེའི་ལྷན་ཚོགས་དངོས་སུ་དབུ་འཛུགས་གནང་བ་དང་བསྟུན། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བརྙན་པར་གྱི་ཐོག་ནས་ཚོགས་བཅར་བ་ཡོངས་ལ་འཚམས་འཕྲིན་བསྩལ་འདུགའཚམས་འཕྲིན་དེའི་ནང་༸གོང་ས་༸སྐྱབས་མགོན་ཆེན་པོ་མཆོག་ནས་དེ་སྔ་ཕྱི་ལོ་ ༡༩༧༩ ལོར་སོག་ཡུལ་དུ་ལྷན་ཚོགས་ཚོགས་སྐབས་མགོན་པོ་༸གང་ཉིད་མཆོག་དངོས་སུ་ལྷན་ཞུགས་མཛད་ཡོད་པ་དྲན་བསྐུལ་དང་། ད་རེས་སླར་ལྷན་ཚོགས་དེ་བསྐོང་ཚོགས་གནང་བར་ཐུགས་དགྱེས་ཚོར་ཆོན་པོས་འཚམས་འདྲི་བསྩལ་བ་མ་ཟད་བདག་ཅག་གི་སྟོན་པ་སངས་རྒྱས་བཅོམ་ལྡན་འདས་ཀྱིས་དད་པ་གཅིག་པོའི་སྐད་ཆ་མིན་པར་སྡུག་བསྔལ་གྱི་འབྱུང་ཁུངས་གཙོ་བོ་དེ་མ་རིག་པར་བརྟེན་ནས་ཡོང་གི་ཡོད་པ་དང་། མ་རིག་པའི་བློ་དེ་དག་རྟེན་འབྱུང་གི་དེ་ཁོ་ན་ཉིད་ཀྱི་ཐོག་ནས་སེལ་དགོས་སྟབས། གཞུང་ཆེན་དག་ལ་སློབ་གཉེར་གནང་དགོས་གལ་ཡིན་པ་བཀའ་བསྩལ་འདུག   མགོན་པོ་༸གང་ཉིད་མཆོག་གིས་འདས་པའི་ལོ་བཅུ་ཕྲག་ཁ་ཤས་ནང་ཆེན་པོ་ཧོར་གྱི་ཡུལ་ནས་ནང་པའི་གཞུང་ལུགས་ཐོག་མཁས་པ་དང་གྲུབ་པའི་སྐྱེས་བུ་བསམ་གྱིས་མི་ཁྱབ་པ་མང་པོ་བྱུང་ཡོད་པ་སོགས་བཀའ་བསྩལ་དང་སྦྲགས། སོག་པོ་བ་ཚོས་ཆོས་ལ་དད་པ་གནང་དང་མི་གནང་སོ་སོའི་འདོད་མོས་རེད། འོན་ཀྱང་སངས་རྒྱས་པའི་ལྟ་གྲུབ་ཐོག་ལ་དེང་སྐབས་ཚན་རིག་མཁས་པ་ཚོས་དོ་སྣང་ཆེན་པོ་བྱེད་བཞིན་ཡོད་སྟབས། དེ་དག་གི་ཐོག་ལ་སློབ་གཉེར་གནང་རྒྱུ་ཆེས་གནད་ཆེར་ཆགས་ཡོད་པ་ལམ་སྟོན་མཛད་འདུགགཞི་རྩའི་ཨེ་ཤ་ཡའི་ནང་པའི་ཞི་བདེའི་ལྷན་ཚོགས་ཐེངས་ ༡༡ པ་འདི་དེ་རིང་ནས་དབུ་འཛུགས་ཀྱིས་ཕྱི་ཚེས་ ༢༤ བར་འཚོགས་གནང་གི་ཡོད་པ་རེད།

ཨུ་རུ་སུའི་རྒྱལ་ཁབ་ཀྱི་སྲིད་འཛིན་སྐུ་ཞབས་ Vladimir Putin མཆོག་གིས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཨུ་རུ་སུར་ཆིབས་བསྒྱུར་མཛད་པར་བཀག་སྡོམ་མེད་ཅེས་གསུངས་འདུག ཁ་ཉིན་ཕྱི་ཚེས་ ༡༦ བརྒྱུད་ལམ་ཁག་ཏུ་གནས་ཚུལ་སྤེལ་བར་གཞིགས་ཚེ་རེས་གཟའ་ཕུར་བུ་ཉིན་སྲིད་འཛིན་མཆོག་ནས་ All-Russia People's Front ཞེས་པའི་ཆབ་སྲིད་ཚོགས་པའི་ལས་འགུལ་བ་དང་མཇལ་འཕྲད་གནང་སྐབས་ཚོགས་མི་ཞིག་གིས་སླད་མར་ཨུ་རུ་སུ་ནང་༸གོང་ས་མཆོག་གདན་འདྲེན་ཞུ་འཆར་ཡོད་མེད་བཀའ་འདྲི་ཞུས་པར་སྲིད་འཛིན་མཆོག་གིས་མགོན་པོ་༸གང་ཉིད་མཆོག་ཨུ་རུ་སུར་ཆིབས་བསྒྱུར་བསྐྱང་པར་བཀག་སྡོམ་གང་ཡང་མེད་པ་དང་། སྤྱིར་བཏང་ཨུ་རུ་སུ་ནང་ནང་པ་དེ་ཙམ་མེད་པ་ཀྱང་ཨུ་རུ་སུ་གཞུང་གི་ངོས་ནས་ཡི་ཤུ་དང་འཇིའུ། ཁ་ཆེ་སོགས་ཆོས་ལུགས་འདྲ་མིན་ལ་དབྱེ་འབྱེད་གང་ཡང་གནང་གི་མེད་ཅེས་གསུངས་འདུགཁོང་གིས་ད་དུང་འཛམ་བུ་གླིང་ནང་ནང་པ་མང་པོ་ཡོད་པའི་རྒྱལ་ཁབ་ཁག་གཅིག་ཡོད་ཀྱང་རྒྱལ་ཁབ་དེ་དག་དང་༸གོང་ས་མཆོག་དབར་གྱི་འབྲེལ་ལམ་དེ་ཙམ་ཡག་པོ་མེད་པ་དང་འབྲེལ། ང་ཚོས་སླད་མར་༸གོང་ས་མཆོག་ཨུ་རུ་སུ་ནང་གདན་འདྲེན་ཞུ་བར་དགོངས་བཞེས་གནང་ངེས་ཡིན་ཞེས་གསུངས་འདུག རྩ་བའི་སྔ་ལོར་ཨུ་རུ་སུའི་ཁྱབ་ཁོངས་ཀལ་མུག་སྤྱི་མཐུན་རྒྱལ་ཁབ་ནས་རུ་སུའི་གཞུང་ལ་མགོན་པོ་༸གང་ཉིད་མཆོག་ཁུལ་དེར་ཆིབས་བསྒྱུར་མཛད་རྒྱུའི་ཆོག་མཆན་རིམ་པ་ཞུས་ཡོད་ཀྱང་། རུ་སུ་དང་རྒྱ་ནག་གཉིས་ཀྱི་ཆབ་སྲིད་ཀྱི་གནད་དོན་ལ་བརྟེན་ནས་མགོན་པོ་༸གང་ཉིད་མཆོག་ཁུལ་དེར་འདས་པའི་ལོ་ངོ་ ༡༥ ནང་གདན་འདྲེན་ཞུ་ཐུབ་མེད་པ་རེད། སྤྱིར་ཨུ་རུ་སུ་ཁྱབ་ཁོངས་ནང་ Kalmykia དང་། Tuva དེ་བཞིན་ Buriyat སྤྱི་མཐུན་རྒྱལ་ཁབ་ནང་བོད་བརྒྱུད་ནང་བསྟན་གཅིག་འགྱུར་ཉམས་ལེན་གནང་གི་ཡོད་པ་ལྟར། ཉེ་ལམ་བཞུགས་སྒར་དུ་ཚེས་ ༡༠...

ཨུ་རུ་སུའི་ཁྱབ་ཁོངས་སོག་རིགས་དད་ལྡན་མང་ཚོགས་ནས་ཇི་ལྟར་གསོལ་འདེབས་ཞུས་དོན་ལྟར་ཟླ་བ་འདིའི་ཚེས་ ༡༠ ནས་ ༡༢ བར་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་མོ་མཆོག་གིས་བཀའ་ཆོས་ཁག་ལེགས་གྲུབ་མཛད་པ་དང་བསྟུན། ཨུ་རུ་སུའི་སྐུ་ཚབ་དོན་གཅོད་ཏེ་ལོ་རིན་པོ་ཆེ་མཆོག་གིས་༸གོང་ས་མཆོག་གི་༸སྐུའི་འཕྲོད་བཞེས་དང་དགུང་ནའི་བབ་ཀྱི་ཆ་ནས་སླད་མར་རིན་པོ་ཆེ་༸སྐུ་ཉིད་ཀྱི་ངོས་ནས་ཨུ་རུ་སུའི་ནང་པ་ཚོའི་སླད་དུ་བཀའ་ཆོས་བསྩལ་གནང་ཡོང་བའི་སྐྱབས་འཇུག་གསོལ་འདེབས་ཞུ་རྒྱུ་མཐའ་མ་དེ་ཡིན་ཞེས་གསུངས་སོང་།བཞུགས་སྒར་དུ་ཟླ་ ༥ ཚེས་ ༡༠ དང་ ༡༡ བཅས་ཉིན་གཉིས་ཀྱི་རིང་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱུད་བླ་མ་དང་ལམ་གཙོ་རྣམ་གསུམ་གྱི་བཀའ་ཁྲིད་བསྩལ་བ་དང་། བཀའ་ཆོས་ཀྱི་ཉིན་མཐའ་མ་སྟེ་ཁ་སང་ཕྱི་ཚེས་ ༡༢ ཉིན་༸གོང་ས་མཆོག་གིས་ཨུ་རུ་སུའི་སོག་རིགས་གཙོས་པའི་སེར་སྐྱ་མང་ཚོགས་ཡོངས་ལ་མཇུག་ཏུ་དགེ་བ་སེམས་བསྐྱེད་ཀྱི་སྡོམ་པ་འབོག་ཆོག་བཀྲིན་བསྩལ་ཡོད་པ་རེད།སྐབས་དེར་མགོན་པོ་མཆོག་གིས་ཆོས་ཞུ་བ་ཚོར་བྱང་ཆུབ་ཀྱི་སེམས་ངོ་སྤྲོད་བསྩལ་བ་དང་འབྲེལ། བདེ་སྐྱིད་ཅེས་པ་ནི་གཞན་ཕན་གྱི་བློ་ལ་བརྟེན་ནས་ཡོང་བ་ཞིག་ཡིན་པ་དང་། བདག་ལས་གཞན་གཅེས་བའི་བྱང་ཆུབ་ཀྱི་སེམས་དེ་ཉམས་ལེན་ཡག་པོ་ཞིག་མ་བྱུང་ཚེ་མངོན་མཐོ་དང་ངེས་ལེགས་ཀྱི་གོ་འཕང་ཐོབ་རྒྱུ་དཀའ་བ་མ་ཟད་འཛམ་གླིང་འདིའི་སྟེང་དུ་རྙོག་གྲ་ཤ་སྟག་བཟོ་ནས་བསྡད་ཀྱི་ཡོད་པ་དང་། ད་ཆ་མིའི་ལུས་རྟེན་ཐོབ་ནས་སངས་རྒྱས་པའི་བསྟན་པ་དང་མཇལ་རྒྱུའི་གོ་སྐབས་ཡོད་སྟབས། བདག་ལས་གཞན་གཅེས་བའི་བྱང་ཆུབ་ཀྱི་སེམས་དེ་ཉམས་ལེན་གནང་དགོས་གལ་ཡིན་པར་ལམ་སྟོན་བསྩལ་སོང་།༸གོང་ས་མཆོག་གིས་མགོན་པོ་༸གང་ཉིད་མཆོག་ཐེངས་འདིའི་སེམས་བསྐྱེད་ཀྱི་སྡོམ་པ་བསྩལ་མཁན་གྱི་བླ་མ་ཆགས་ཀྱི་ཡོད་པར་བཀའ་བསྩལ་དང་སྦྲགས། མགོན་པོ་མཆོག་དགུང་ལོ་ ༡༢ ནས་ ༡༣ ལ་ཕེབས་སྐབས་སྟོང་ཉིད་ཀྱི་ལྟ་བར་ཐུགས་སྣང་ཆེན་པོ་མཛད་ཡོད་པ་དང་།...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ཨུ་རུ་སུའི་དད་ལྡན་སེར་སྐྱ་མི་མང་གིས་ཇི་ལྟར་གསོལ་བ་བཏབ་པ་ལྟར་མགོན་པོ་མཆོག་གིས་དེ་རིང་བཞུགས་སྒར་དུ་ཉིན་གྲངས་གསུམ་གྱི་བཀའ་ཆོས་དབུ་འཛུགས་བསྐྱངས་པ་དང་འབྲེལ། ༸གོང་ས་མཆོག་གིས་ཨུ་རུ་སུ་དེ་བཞིན་ས་བབས་ཀྱི་ཆ་ནས་ཨེ་ཤ་ཡ་དང་ཡོ་རོབ་དབར་མཐུད་ཁ་རྒྱག་མཁན་གྱི་རྒྱལ་ཁབ་ཅིག་ཡིན་སྟབས་གནད་འགག་ཆེན་པོ་ཆགས་ཡོད་པར་ལམ་སྟོན་མཛད་སོང་།དེའང་ཨུ་རུ་སུའི་དད་ལྡན་སེར་སྐྱ་མི་མང་གིས་༸གོང་ས་མཆོག་ལ་ཇི་ལྟར་གསོལ་བ་བཏབ་པ་ལྟར་དེ་རིང་ཟླ་ ༥ ཚེས་ ༡༠ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་དྷ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་གཞུང་སྐུལ་བ་པོས་གཙོས་པའི་ཕྱི་ནང་གི་མང་ཚོགས་སྟོང་ཕྲག་ལྷག་ལ་རྒྱུད་བླ་མ་དང་ལམ་གཙོ་རྣམ་གསུམ་གྱི་བཀའ་ཆོས་དབུ་འཛུགས་བསྐྱངས་སོང་།༸གོང་ས་༸སྐྱབས་མགོན་ཆེན་པོ་མཆོག་གིས་སྐབས་དེར་ཐོག་མར་ཨུ་རུ་སུ་ནས་ཕེབས་པའི་ཆོས་ཞུ་བ་རྣམས་ཀྱིས་གཙོས་པའི་ཕྱི་ནང་གི་ཆོས་ཞུ་བ་ཚོར་དགའ་བསུའི་འཚམས་འདྲི་བསྩལ་བ་སྦྲགས། བཀའ་ཆོས་དངོས་གཞི་དབུ་འཛུགས་མ་མཛད་གོང་དུ་སངས་རྒྱས་ཀྱིས་མདོའི་ནང་སངས་ཀྱི་བསྟན་པ་བྱང་ནས་བྱང་དུ་དར་ཞེས་གསུངས་པ་ལྟར་སངས་རྒྱས་པའི་བསྟན་པ་དེ་བོད་ནས་ཆེན་པོ་ཧོར་གྱི་ཡུལ་དུ་དར་ཁྱབ་ཆེན་པོ་བྱུང་ཡོད་པ་དང་། འདས་པའི་ལོ་སྟོང་ཕྲག་གི་རིང་ལ་ས་ཁུལ་དེ་དག་ནས་མཁས་པའི་དབང་པོ་སྟོང་ཕྲག་མང་པོ་ཐོན་ཡོད་པ་མ་ཟད། ནང་པའི་གཞུང་ཆེན་དག་གི་ཐོག་ལེགས་སྐྱེས་འབུལ་མཁན་མང་པོ་བྱུང་ཡོད་པ་ལྟར་༸གང་ཉིད་མཆོག་ནས་ཀྱང་ཁོང་རྣམ་པས་ལྗགས་རྩོམ་གནང་བའི་གཞུང་མང་པོར་གཟིགས་མྱོང་ཡོད་པ་དང་དེས་ཐུགས་ཕན་གསོས་པོ་བྱུང་ཞེས་བཀའ་བསྩལ་ཡོད།དེ་བཞིན་༸གོང་ས་མཆོག་གིས་དེ་སྔ་སོག་པོའི་དད་ལྡན་པ་ཚོས་ཇི་ལྟར་གསོལ་འདེབས་ཞུས་དོན་ལྟར་ལོ་ཤས་རིང་ Latvia རྒྱལ་ས་ Riga ནང་བཀའ་ཆོས་བསྩལ་ཡོད་ཀྱང་། ད་ཆ་མགོན་པོ་མཆོག་གི་༸སྐུའི་འཕྲོད་བཞེས་རྐྱེན་པས་ཐག་རིང་གི་རྒྱལ་ཁབ་ཁག་ཏུ་ཆིབས་བསྒྱུར་མཛད་རྒྱུར་༸སྐུ་ངལ་ཆེན་པོ་འཕྲད་མུས་ཡིན་པ་བཞིན་ཐེངས་འདིའི་བཀའ་ཆོས་འདི་དང་ཐོག་ལྡི་ལིར་བསྩལ་རྒྱུའི་དགོངས་པ་ཡོད་པ་དང་། བར་སྐབས་ཤིག་ནས་མགོན་པོ་མཆོག་གི་༸སྐུའི་འཕྲོད་བཞེས་བདེ་མིན་རྐྱེན་གྱིས་ལྡི་ལིར་ཛ་དྲག་གྱི་སྨན་བཅོས་གནང་བར་ཕེབས་དགོས་བྱུང་ཡོད་སྟབས། བཞུགས་སྒར་དུ་ཐེངས་འདིའི་བཀའ་ཆོས་བསྩལ་རྒྱུར་ཐུགས་གཏན་ཁེལ་བ་ཞིག་ཡིན་པ་དང་། ད་ལྟའི་ཆར་ལྡི་ལིར་ཚ་བ་ཆེན་པོ་ཡོད་པ་དང་མཁའ་རླུང་གཙང་མ་མེད་པས་དྷ་སར་ཚ་དྲོད་སྙོམས་པ་དང་མཁའ་རླུང་གཙང་མ་ཡོད་སྟབས་ཆོས་ཞུ་བ་ཚོ་སྐྱིད་པོ་ཡོང་བར་ཐུགས་རེ་ཡོད་ཅེས་བཀའ་བསྩལ་ཡོད།༸སྐུའི་འཕྲོད་བཞེས་རྐྱེན་པའི་གསོལ་ཇའི་བར་གསེང་གི་མཚམས་ནས་༸སྐུ་བཅར་ཞབས་ཞུ་བ་ཡང་སྟེང་རིན་པོ་ཆེ་མཆོག་གིས་མུ་མཐུད་རྒྱུད་བླ་མའི་བཀའ་ཆོས་བསྩལ་ཡོད་པ་རེད།༸གོང་ས་མཆོག་གིས་སངས་རྒྱས་ཀྱི་བསྟན་པ་འདི་གཏན་ཚིགས་རིག་པར་བརྟེན་ནས་འགྲོ་དགོས་པ་ལས་ལུང་ཙམ་ལ་ཡིད་ཆེས་གནང་ནས་འགྲོ་རྒྱུ་ཞིག་མིན་པ་དང་། དེ་ཡང་སངས་རྒྱས་བཅོམ་ལྡན་འདས་ཀྱིས་དགེ་སློང་དག་གམ་མཁས་རྣམས་ཀྱིས། ། སྲེག་བཅད་བརྡར་བའི་གསེར་བཞིན་དུ། ། ལེགས་པར་བརྟག་ལ་ང་ཡི་བཀའ། ། བླང་བར་བྱ་ཡི་གུས་ཕྱིར་མིན།...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁ་སང་ཕྱི་ཚེས་ ༣ ཉིན་རྒྱ་གར་གྱི་རྒྱལ་ས་ལྡི་ལིར་ཨུ་རུ་སུའི་གསར་འགོད་པ་ Dmitry Portnyagin ལགས་ཀྱིས་བཀའ་འདྲི་ཞུས་པའི་ལས་རིམ་ཞིག་གི་ཁྲོད། མགོན་པོ་༸གང་ཉིད་མཆོག་གིས་ཨུ་རུ་སུ་ནང་ཆིབས་སྒྱུར་བསྐྱང་ཐུབ་ཀྱི་མེད་ནའང། ཁུལ་དེའི་ནང་གི་ནང་པ་ཚོ་ལ་ཕན་ཐོགས་བསྒྲུབ་ཐུབ་པའི་དགོངས་པ་བཞེས་གནང་གི་ཡོད་སྐོར་བཀའ་གནང་འདུག དེ་ཡང་གསར་འགོད་པ་སྐུ་ཞབས་ Dmitry Portnyagin ལགས་ནས་ཁ་སང་༸གོང་ས་༸སྐྱབས་མགོན་ཆེན་པོ་མཆོག་ལྡི་ལིར་བཞུགས་ཞག་མཛད་པ་དང་བསྟུན་བཀའ་འདྲི་ཞུ་རྒྱུའི་གོ་སྐབས་ཐོབ་དོན་ལྟར་ཁོང་གིས་༸གོང་ས་མཆོག་ལ་དེང་དུས་ཕྱི་དངོས་པོ་ཡར་རྒྱས་འགྲོ་བ་དང་མཉམ་དུ་ཆོས་ཀྱི་བསླབ་བྱ་དེ་དོ་མཉམ་པ་ཇི་ལྟར་ཡོང་ཚུལ་དང་། དེ་བཞིན་འཛམ་གླིང་འདི་ད་ལྟ་ལས་ལྷག་པའི་ཞི་བདེ་ཡོང་ཐུབ་མིན་སོགས་ཀྱི་ཐོག་བཀའ་འདྲི་ཞུས་འདུག ལྷག་པར་གསར་འགོད་པ་སྐུ་ཞབས་ Portnyagin ལགས་དང་དེ་བཞིན་སྐབས་དེར་ཁོང་དང་ལྷན་དུ་ཡོད་པ་ཨུ་རུ་སའི་རྒྱལ་ས་ Moscow འི་ Synergy Business སློབ་གྲྭའི་སློབ་སྤྱི་ Grigory Avetov ལགས་གཉིས་ནས་༸གོང་ས་མཆོག་ལ་རིང་མིན་འདི་ལོའི་ཕྱི་ཟླ་ ༡༡ ནང་དུ་སློབ་གྲྭ་དེའི་ནང་འཚོགས་འཆར་ཡོད་པའི་ Synergy རྒྱལ་སྤྱིའི་ལྷན་ཚོགས་ཐོག་མགོན་པོ་མཆོག་ཆིབས་སྒྱུར་བསྐྱང་ཐུབ་མིན་གསོལ་འདེབས་ཞུས་པར་༸གོང་ས་མཆོག་ཞལ་མོ་བཞེས་ནས་དེང་སང་རང་གི་རྒྱལ་ཁབ་ནང་སུ་གདན་འདྲེན་ཞུ་མིན་རྒྱ་ནག་ལ་ཆོག་མཆན་ཞུ་དགོས་པ་ལྟར་ཆགས་ཡོད།...