༸གོང་ས་མཆོག

བོད་མིའི་བླ་ན་མེད་པའི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་ད་རེས་རྒྱ་གར་ལྷོ་ཕྱོགས་མུམ་བའེ་གྲོང་ཁྱེར་དང་ལྷོ་ཕྱོགས་བོད་མིའི་གཞིས་ཆགས་ཁག་ཅིག་ནང་མཛད་འཕྲིན་བསྐྱང་ཕྱིར་དེ་རིང་སྔ་ཐོག་ཚོུད་ ༦།༤༠ ཙམ་ལ་བཞུགས་སྒར་༸རྒྱལ་བའི་ཕོ་བྲང་ནས་ཆིབས་སྒྱུར་མཛད་སོང་། དེའང་མུམ་བའེ་གྲོང་ཁྱེར་དུ་རྟེན་གཞི་བྱས་པའི་ཝ་ན་ཐེབས་རྩ་ཁང་གི་ Vidyaloke ཞེས་པའི་ཚོགས་པས་ཇི་ལྟར་གསོལ་འདེབས་ཞུས་དོན་ལྟར། སང་ཉིན་༸གོང་ས་༸སྐྱབས་མགོན་ཆེན་པོ་མཆོག་ཁུལ་དེའི་སོ་མཱེ་ཡ་སློབ་གཉེར་བསྟི་གནས་ཁང་དུ་ཆིབས་སྒྱུར་མཛད་ནས་ཚེས་ ༨ དང་ ༩ བཅས་སུ་རྒྱ་གར་གྱི་ན་གཞོན་ཤེས་ཡོན་ཅན་རང་ལོ་ ༡༦ ནས་ ༤༥ མན་ཡིན་པའི་མི་གྲངས་ ༣༠༠ ལྷག་ལ་ལམ་སྟོན་བཀའ་སློབ་དང་ཆོས་འབྲེལ་བཀའ་དྲིན་བསྐྱང་རྒྱུ་དང་།  རྗེས་ཚེས་ ༡༠ ཉིན་སྔ་དྲོ་སོ་མཱ་ཡ་སློབ་གཉེར་བསྟི་གནས་ཁང་དུ་རྒྱ་གར་གྱི་རིག་གཞུང་རྙིང་པ་བསྐྱར་གསོའི་ཆེད་དུ་ Reviving Indian Wisdom in Contemporary...

དེ་རིང་ཟླ་ ༡༡ ཚེས་ ༤ ཉིན་རྒྱ་གར་བྱང་ཕྱོགས་ཀྱི་མངའ་སྡེ་Haryana གྲོང་ཁྱེར་ Karnal ནང་རྟེན་གཞི་བྱས་པའི་ Bhaktivedanta ཤེས་ཡོན་ལྟེ་གནས་ཁང་གིས་གོ་སྒྲིག་འོག་ཚན་རིག་དང་ཆོས་ལུགས། འཛམ་གླིང་ཞི་བདེ་ཞེས་པའི་ལྷན་ཚོགས་ཤིག་བསྐོང་ཚོགས་གནང་སོང་བ་དང་། ལྷན་ཚོགས་ཀྱི་སྐུ་མགྲོན་གཙོ་བོར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་། རྒྱ་གར་གཙུག་ལག་སློབ་གྲྭ་ཆེན་མོའི་གཙོ་འཛིན་སྐུ་ཞབས་ PB Sharma ལགས། Bhaktivedanta ཤེས་ཡོན་ལྟེ་གནས་ཁང་གི་གཙོ་འཛིན་སྐུ་ཞབས་ K. Vasudeva Rao ལགས་གཙོས་པའི་ཤེས་ལྡན་མི་སྣ་ཁག་ཅིག ཧི་མཱ་ཅལ་མངའ་སྡེའི་མཐོ་སློབ་གཙོས་པའི་ཉེ་འཁོར་རྒྱ་གར་སློབ་གྲྭ་ཁག་གི་སློབ་མ། རྡ་ཤོད་བོད་ཁྱིམ་སློབ་གྲྭ།...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཕྱི་ཚེས་ ༢ ཉིན་སྔ་ཐོག་བཞུགས་སྒར་དུ་རྟེན་གཞི་བྱས་པའི་༸སྐུ་བཅར་རྣམ་གྲྭ་ཕན་བདེ་ལེགས་བཤད་གླིང་གི་མདོ་སྔགས་རིག་གནས་དང་བཅས་པའི་སློབ་གཉེར་ཁང་དབུ་འབྱེད་བཀྲིན་བསྐྱངས་པ་དང་སྦྲགས། མཛད་སྒོའི་ཐོག་མགོན་པོ་མཆོག་གིས་ཕན་བདེ་ལེགས་བཤད་གླིང་ངམ་གམ་བཅར་རྣམ་རྒྱལ་གྲྭ་ཚང་དང་༸གང་ཉིད་མཆོག་དབར་ལ་ཐོུང་མིན་པའི་འབྲེལ་བའི་སྐོར་བཀའ་གནང་སྟེ་གྲྭ་ཚང་འདིའི་གྲྭ་པ་རྣམས་ནི་༸གང་ཉིད་མཆོག་སྐུ་འཚོ་བཞུགས་རིང་གསོན་གཡོག་དང་མཐའ་མ་འཆི་བའི་འཆི་གཡོག་རྒྱུག་མཁན་ཆགས་ཀྱི་ཡོད་ཅེས་བཀའ་གནང་སོང་། གྲྭ་ཚང་གི་སློབ་གཉེར་ཁང་གསར་རྒྱག་ལེགས་གྲུབ་བྱུང་བའི་དབུ་འབྱེད་མཛད་སྒོར་༸གོང་ས་མཆོག་དབུ་བཞུགས་ཐོག་བོད་མིའི་སྒྲིག་འཛུགས་ཀྱི་ཆོས་རིག་བཀའ་བློན་ཀརྨ་དགེ་ལེགས་མཆོག་དང་ཤེས་རིག་བཀའ་བློན་དངོས་གྲུབ་ཚེ་རིང་མཆོག བཀའ་བློན་ཁྲི་ཟུར་སློབ་དཔོན་ཟམ་གདོང་རིན་པོ་ཆེ་མཆོག་དང་གྲྭ་ཚང་གི་མཁན་པོ་ཁྲོམ་ཐོག་རིན་པོ་ཆེ་མཆོག་སོགས་ཆིབས་སྒྱུར་གནང་ཡོད་པ་རེད། ༸གོང་ས་༸སྐྱབས་མགོན་ཆེན་པོ་མཆོག་གིས་སྐབས་དེར་༸སྐུ་བཅར་རྣམ་རྒྱལ་གྲྭ་ཚང་གི་དགེ་འདུན་ཡོངས་ལ་གྲྭ་ཚང་དང་༸རྒྱལ་དབང་སྐུ་ཕྲེང་ན་རིམ་གི་འབྲེལ་བ་བྱུང་སྟངས་དང་། གྲྭ་ཚང་གི་ཐོུང་མིན་པའི་ཕྱག་བཞེས་སྐོར། དགེ་འདུན་པ་རྣམས་ནས་གཞུང་ཆེན་ཁག་ལ་སློབ་གཉེར་རྒྱག་ནས་བསྟན་པ་དང་འགྲོ་བ་སྤྱིའི་སླད་ཕན་ཐོགས་བསྒྲུབ་གལ་ཡིན་པ་བཀའ་སློབ་རྒྱ་ཆེ་བསྩལ་སོང་། དེ་ཡང་མགོན་པ་མཆོག་གིས་སྐབས་དེར་ཐོག་མར་འདུས་མང་ཡོངས་ལ་ལྟ་གྲུབ་ཀྱི་ཆ་ནས་སེམས་ཁམས་རིག་པ་དང་འབྲེལ་ནས་བསམ་བློ་གཏང་ཚེ་སངས་རྒྱས་པའི་ཆོས་སྤྱི་དང་དེའི་ནང་ཚན་དཔལ་ནཱ་ལེནྡྲའི་ཆོས་བརྒྱུད་ནི་གཞན་དང་མི་འདྲ་བ་ཞིག་ཆགས་ཀྱི་ཡོད་སྐོར་བཀའ་གནང་སོང་བ་དང་། ང་ཚོ་བོད་པ་ལ་ཆ་བཞག་ན་ཆོས་རྒྱལ་བཀྲིན་ཅན་ཚོས་ཐུགས་རྗེ་དང་སྨོན་ལམ། ཐབས་མཁས་མཛད་འཕྲིན་ལ་བརྟེན་ནས་བོད་མི་རིགས་འདི་དཔལ་ནཱ་ལེནྡྲའི་ཆོས་བརྒྱུད་འཛིན་མཁན་དམིགས་བསལ་བ་ཞིག་ཆགས་ཀྱི་ཡོད་ཅིང་། ད་ཆ་ང་ཚོ་བཙན་བྱོལ་བ་ཆགས་པ་དང་བོད་རྒྱ་ཆེ་མི་མང་དཀའ་ངལ་འོག་ལྷག་ནས་གནས་སྟངས་སྐྱོ་བོ་ཞེ་དྲགས་ཡོད་ནའང་། འཛམ་གླིང་འདིའི་སྟེང་ཚན་རིག་པ་དང་དངོས་ཡོད་རྒྱུ་མཚན་ཁས་ལེན་མི་མང་པོ་ཞིག་གིས་དཔལ་ནཱ་ལེནདྲའི་ཆོས་བརྒྱུད་དགའ་མོས་བྱེད་བཞིན་པའི་དུས་མཚམས་འདིར་ཆོས་བརྒྱུད་དེ་འཛིན་མཁན་བོད་མི་གཅིག་པུ་ཡིན་སྟབས། བོད་མི་ཚོ་སྤོབས་པ་སྐྱེས་པའི་ཐོག་འཛམ་གླིང་སྤྱི་ལ་ངོ་གསོ་ཐོན་པའི་ཞབས་འདེགས་བསྒྲུབ་ཐུབ་རྒྱུའི་ཆ་རྐྱེན་ཡོད་པར་གཟིགས་ཀྱི་ཡོད་པ་བཀའ་བསྩལ་སོང་། ཁྱད་པར་དུ་དེ་རིང་༸གོང་ས་མཆོག་གིས་རྣམ་རྒྱལ་གྲྭ་ཚང་གི་མདོ་སྔགས་རིག་གནས་དང་བཅས་པའི་སློབ་གཉེར་ཁང་གསར་བཞེངས་ལེགས་གྲུབ་བྱུང་བའི་དུས་ཚིགས་འདིའི་ཐོག་ནས་གྲྭ་ཚང་དང་མགོན་པོ་མཆོག་གི་དབར་ལ་ཐོུང་མིན་པའི་འབྲེལ་བ་ཞིག་ཆགས་ཀྱི་ཡོད་པ་མ་ཟད་རྒྱལ་མཆོག་སྐུ་ཕྲེང་ན་རིམ་དང་འབྲེལ་བ་དམིགས་བསལ་བ་ཞིག་ཡོད་སྐོར་བཀའ་སློབ་བསྩལ་ཡོད་པ་རེད། སྐུ་བཅར་རྣམ་རྒྱལ་གྲྭ་ཚང་གི་མཁན་པོ་ཁྲོམ་ཐོག་རིན་པོ་ཆེ་མཆོག་གིས་མཛད་སྒོའི་ཐོག་གྲྭ་ཚང་གི་རྟེན་དང་བརྟེན་པ་བཅས་པ་༸གོང་ས་མཆོག་གི་ཐུགས་རྗེ་བྱིན་རླབས་ཉག་གཅིག་ལ་བརྟེན་བྱུང་བ་ཡིན་སྟབས་རྒྱལ་བའི་བཀའ་དྲིན་རྗེས་དྲན་ཞུས་པ་དང་ཆབས་ཅིག གྲྭ་ཚང་གི་དམིགས་ཡུལ་དང་ལས་འགན་གཙོ་བོ་དེ་རྒྱལ་དབང་༸གང་ཉིད་མཆོག་གི་དགོངས་གཞི་ལྟར་ཤར་བསྐྱོད་བྱེད་ནས་རྒྱལ་མཆོག་༸སྐུ་ཕྲེང་རིམ་བྱོན་ལ་ཐུགས་ཕན་གསོ་བའི་བྱ་བ་བརྩམ་རྒྱུ་དེ་ཡིན་པ་སོགས་ཚོར་ཤུགས་ཆེན་པོ་དང་བཅས་གསུངས་ཡོད། གཞི་རྩའི་༸སྐུ་བཅར་རྣམ་རྒྱལ་གྲྭ་ཚང་ནི་ཐོག་མར་ ༡༥༠༩ ལོར་༸རྒྱལ་མཆོག་སྐུ་ཕྲེང་གཉིས་པ་༸རྗེ་དགེ་འདུན་རྒྱ་མཚོ་མཆོག་གིས་བཙུགས་གནང་པ་ཞིག་ཡིན་པ་རེད། ཕྱིས་སུ་བཙན་བྱོལ་ནང་དུ་ ༡༩༦༢ ལོར་གསར་བཙུགས་གནང་པ་དང་། ཁྱད་པར་༸གོང་ས་༸སྐྱབས་མགོན་ཆེན་པོ་མཆོག་གིས་ཐུགས་རྗེའི་ལམ་སྟོན་འོག་ ༡༩༧༠ ཐམ་པ་ནས་གྲྭ་ཚང་དུ་མཚན་ཉིད་སློབ་གཉེར་གནང་རྒྱུའི་ལམ་སྲོལ་གསར་གཏོད་མཛད་འདུག དེ་རིང་གྲྭ་ཚང་གི་མདོ་སྔགས་རིག་གནས་རྟེན་དང་བརྟེན་པ་བཅས་པ་གསར་བཞེངས་ལེགས་གྲུབ་བྱུང་བའི་སྐབས་འདིར་སློབ་གཉེར་བའི་ཞལ་གྲངས་ ༡༣༠ ཙམ་འདུག

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ལྔ་དང་ལྔ་བཅུའི་འཆར་སྣང་ལྷན་ཚོགས་ཐོག་ཆིབས་བསྒྱུར་བཀྲིན་བསྐྱངས་པ་དང་འབྲེལ། སྐྱེས་ནས་མ་འཆི་བར་དུ་བོད་མིའི་རྩ་དོན་ཆེད་འབད་བརྩོན་བྱ་རྒྱུ་འདི་ང་ཚོ་བོད་མི་ཚོའི་བཟང་སྤྱོད་ཀྱི་འགན་རེད་ཅེས་བཀའ་བསྩལ་འདུག དེའང་བོད་མིའི་སྒྲིག་འཛུགས་ཀྱི་གོ་སྒྲིག་འོག་ཁ་སང་ནས་བཟུང་བཞུགས་སྒར་རྡ་རམ་ས་ལའི་ཉེ་འགྲམ་དུ་ཆགས་པའི་པེ་ཝི་ལི་ཡོན་གསོལ་མགྲོན་ཁང་དུ་ལྔ་དང་ ལྔ་བཅུའི་འཆར་སྣང་ལྷན་ཚོགས་དབུ་འཛུགས་གནང་ཡོད་པ་ལྟར། དེ་རིང་ལྷན་ཚོགས་ཀྱི་ཉིན་གཉིས་པའི་སྔ་དྲོ་བོད་མིའི་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཆིབས་བསྒྱུར་བཀྲིན་བསྐྱངས་ཏེ་ཚོགས་བཅར་བ་རྣམས་ལ་ཐུགས་བརྩེ་བ་ཆེན་པོས་བཀའ་སློབ་བཀྲིན་བསྩལ་འདུག བོད་མིའི་སྒྲིགས་འཛུགས་ཀྱི་དྲ་གནས་ཐོག་༸གོང་ས་མཆོག་གིས་སྐབས་དེར་བསྩལ་བའི་བཀའ་སློབ་ཀྱི་ནང་དོན་སྙིང་པོ་ཁག་ཅིག་ཟུར་འདོན་ཞུས་པའི་ནང་གསལ་བ་ལྟར་ན། མགོན་པོ་༸གང་ཉིད་མཆོག་ནས་སྐབས་དེར་ཕྱི་ལོ་ ༡༩༥༩ ལོར་རྒྱ་མིས་བོད་ས་བཙན་བཟུང་བྱེད་སྐབས་རྒྱ་ནག་དམར་ཤོག་གི་འགོ་ཁྲིད་མཁྲེགས་འཛིན་པ་སུས་ཀྱང་ལོ་ལྔ་བཅུ་ཕྱིན་རྗེས་བོད་ཀྱི་དཀའ་རྙོག་མ་སེལ་བར་ལྷག་རྒྱུ་རེད་བསམ་པའི་བསམ་བློ་འཁོར་མེད་ཅེས་བཀའ་འགྲེལ་དང་འབྲེལ། རྒྱ་ནག་གཞུང་གི་ངོས་ནས་སྐབས་རེ་དྲག་པོའི་སྟོབས་ཤུགས་དང་སྐབས་རེ་དངུལ་དངོས་ཀྱིས་སླུ་ཐབས་སོགས་ཐབས་ལམ་བཟང་ངན་ཇི་འདྲ་བྱས་ཀྱང་འདས་པའི་ལོ་ངོ་དྲུག་ཅུའི་རིང་བོད་མིའི་སྙིང་སྟོབས་ཞུམ་པ་མེད་པར་སྲ་བརྟན་ངང་མུ་མཐུད་གནས་ཐུབ་ཡོད་ཅེས་བཀའ་སྩལ་ཏེ་གཞིས་བཞུགས་བོད་མི་རྣམས་ཀྱི་སྙིང་སྟོབས་ལ་ཡི་རང་བསྔགས་བརྗོད་གནང་པ་མ་ཟད། རྒྱ་གར་དང་ཨ་རི། ཡུ་རོབ་སོགས་ས་གནས་གང་སར་གྱར་བའི་བཙན་བྱོལ་བོད་མི་རྣམས་ནས་ཤ་ཁྲག་རུས་གསུམ་བོད་མི་བྱས་ནས་སྡོད་དགོས་པ་དང་། སྐྱེ་ནས་མ་འཆི་བར་བོད་མིའི་རྩ་དོན་ཆེད་འབད་བརྩོན་བྱ་རྒྱུ་འདི་ནི་ང་ཚོ་བོད་མི་ཚོའི་བཟང་སྤྱོད་ཀྱི་འགན་རེད་ཅེས་བཀའ་ནན་བསྩལ་གནང་མཛད་འདུག ༸གོང་ས་༸སྐྱབས་མགོན་ཆེན་པོ་མཆོག་གིས་སྐབས་དེར་ད་དུང་རྒྱལ་སྤྱིའི་ཕྱོགས་གང་ས་ནས་ཕེབས་པའི་ལྷན་ཚོགས་དེའི་ཚོགས་བཅར་བ་རྣམས་ལ་དམིགས་བཀར་བཀའ་འགྲེལ་དང་འབྲེལ། ད་ལྟའི་རྒྱ་ནག་གི་འགོ་ཁྲིད་མཁྲེགས་འཛིན་པ་ཚོར་རྒྱ་ནག་གཞུང་གིས་བོད་མིའི་ཐོག་ལག་བསྟར་བྱེད་བཞིན་པའི་སྲིད་བྱུས་འདིས་བོད་མིའི་དཀའ་ངལ་ནམ་ཡང་སེལ་ཐུབ་རྒྱུ་མིན་པ་དེ་ང་ཚོས་ར་སྤྲོད་བྱེད་དགོས་པ་དང།   ཇི་སྲིད་དངོས་ཡོད་གནས་སྟངས་ལ་འཚམ་པའི་སྲིད་བྱུས་ཤིག་ལག་བསྟར་མ་བྱེད་བར་དུ་བོད་མིའི་དཀའ་ངལ་དེ་སེལ་ཐབས་མེད་ཅེས་བཀའ་གནང་བ་དང་ཆབ་གཅིག གནས་སྟངས་འདིའི་འོག་ནས་ལྟ་སྐབས་ད་རེས་ཀྱི་ལྷན་ཚོགས་འདི་ལྟ་བུ་དང་། ལྷག་པར་བོད་དོན་ལ་རྒྱབ་སྐྱོར་གནང་མཁན་རྒྱལ་ཁབ་འདྲ་མིན་ནས་ཕེབས་པ་རྣམས་ཧ་ཅང་གནད་འགག་ཆེན་པོ་ཆགས་ཡོད་ཅེས་བཀའ་སྩལ་འདུག ཁྱད་པར་དུ་ང་ཚོའི་བོད་ཀྱི་གནད་དོན་འདི་དྲང་བདེན་གྱི་གནས་ཚུལ་ཞིག་ཡིན་པ་དང་བོད་དོན་ལ་རྒྱབ་སྐྱོར་གནང་མཁན་རྣམས་དྲང་བདེན་ལ་རྒྱབ་སྐྱོར་གནང་མཁན་ཞིག་ཏུ་ངོས་འཛིན་མཛད་ཀྱི་ཡོད་པ་བསྐྱར་ནན་མཛད་འདུག ༸གོང་ས་མཆོག་ནས་ད་དུང་ཐེངས་འདིའི་ལྷན་ཚོགས་ཀྱི་གོ་སྐབས་དང་བསྟུན། མགོན་པོ་༸གང་ཉིད་ཀྱིས་རྒྱུན་རིང་ཞིག་ནས་རྒྱལ་ཁབ་འདྲ་མིན་ཡོད་མེད་ལ་མ་ལྟོས་པར་སྤྱིའི་ཁེ་ཕན་དེ་གཙོ་བོར་བཞག་པའི་ཡུ་རོབ་མཐུན་ཚོགས་ཀྱི་སྒྲིག་འཛུགས་ལ་ཆེས་ཡི་རངས་བསྔགས་བརྗོད་ཞུ་བཞིན་ཡོད་པ་བཀའ་སྩལ་སྦྲགས། ཨེ་ཤ་ཡའི་ནང་དུའང་འདི་ལྟ་བུའི་སྒྲོམ་གཞི་ཞིག་གི་འོག་རྒྱ་དཀར་ནག་གཉིས་དང་། ཉི་ཧོང་། དེ་བཞིན་རྒྱལ་ཁབ་གཞན་བཅས་རིམ་བཞིན་སྤྱི་མཐུན་ཚོགས་པའི་སྒྲིག་འཛུགས་གཅིག་གི་འོག་མཉམ་གནས་ཐུབ་པ་བྱུང་ན་རིམ་བཞིན་རྡུལ་ཕྲན་མཚོན་ཆ་མེད་པ་བཟོ་ཐུབ་རྒྱུ་ཡིན་པ་དང། དེ་ནི་མགོན་པོ་༸གང་ཉིད་མཆོག་གི་ཐུགས་རེ་དང་འཆར་སྣང་ཞིག་ཡིན་པ་བཀའ་སྩལ་བ་མ་ཟད། གནས་སྟངས་དེའི་ཐད་ང་ཚོ་བོད་མི་ཚོས་གཉིས་ཕན་གྱི་བསམ་བློ་བརྒྱུད་བོད་མི་ས་ཡ་དྲུག་ཙམ་མིན་པར་འཛམ་གླིང་སྤྱི་ལའང་ཞབས་འདེགས་ཕྲན་བུ་བསྒྲུབ་ཐུབ་ངེས་དང། གནས་སྟངས་འདིའི་འོག་ནས་བོད་རྒྱ་གཉིས་སྨན་གྱི་ཐབས་ལམ་ཞིག་ཀྱང་འཚོལ་ཐུབ་རྒྱུར་ཐུགས་རེ་ཡོད་སྐོར་བཀའ་བསྩལ་འདུག གཞི་རྩའི་ཐེངས་འདིའི་ལྷན་ཚོགས་ཐོག་རྒྱ་གར་དང་ཕྱི་རྒྱལ་རྒྱལ་ཁབ་ ༢༡ ནས་བོད་དོན་ཐོག་ལ་ཐུགས་སྣང་དང་ཉམས་ཞིབ་གནང་མཁན།...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་གཞུང་སྐུལ་བ་པོ་ཐེ་ཝན་གྱི་དད་ལྡན་ཆོས་ཞུ་བ་གཙོས་པའི་ཕྱི་ནང་གི་མང་ཚོགས་ ༦༠༠༠ ལྷག་ལ་སློབ་དཔོན་ཟླ་བ་གྲགས་པས་མཛད་པའི་དབུ་མ་འཇུག་པའི་བཀའ་ཆོས་དབུ་འཛུགས་མཛད་པ་དང་འབྲེལ། བོད་ལ་ཡོད་པའི་ནང་ཆོས་ལས་ཚད་མ་རིག་པ་དང་སེམས་ཁམས་རིག་པ་གཉིས་ནི་འཛམ་གླིང་སྤྱིའི་ཤེས་ཡོན་སྡེ་ཚན་ཐོག་ཞབས་འདེགས་བསྒྲུབ་ཐུབ་པའི་ནུས་པ་ཡོད་ཅེས་བཀའ་སྩལ་སོང་། ༸གོང་ས་མཆོག་གིས་བཀའ་ཆོས་དངོས་གཞི་དབུ་འཛུགས་མ་བསྐྱང་གོང་དུ་ཕྱི་ནང་གི་དད་ལྡན་ཆོས་ཞུ་བ་ཚོར་སྔོན་འགྲོ་ཆོས་འབྲེལ་དུ་༸གང་ཉིད་མཆོག་གི་ཐུགས་བསྐྱེད་དམ་བཅའ་ཆེན་པོ་གསུམ་ངོ་སྤྲོད་གནང་པ་དང་འབྲེལ། མགོན་པོ་༸གང་ཉིད་མཆོག་གིས་ཕྱི་ལོ་ ༢༠༠༡ ལོར་བོད་ཀྱི་ཆབ་སྲིད་སྐུ་དབང་ཡོངས་རྫོགས་བཞག་ནས་གཙོ་བོ་བོད་ཀྱི་ཆོས་རིག་དང་། ཁོར་ཡུག་སྲུང་སྐྱོབ་ཐོག་ཐུགས་འགན་བཞེས་མུས་ཡིན་པ་དང་། བོད་ལ་ཡོད་པའི་ནང་སངས་རྒྱས་པའི་ཆོས་འདི་ནི་དཔལ་ན་ལེནྡྲའི་ཆོས་བརྒྱུད་དྲི་མ་མེད་པ་ཞིབ་ཚགས་པོས་སློབ་གཉེར་བྱ་རྒྱུ་ཡོད་པ་མ་ཟད། ལྷག་དོན་ནང་ཆོས་ལས་ཚད་མ་རིག་པ་དང་སེམས་ཁམས་རིག་པ་གཉིས་ནི་འཛམ་གླིང་སྤྱིའི་ཤེས་ཡོན་སྡེ་ཚན་ཐོག་ཞབས་འདེགས་བསྒྲུབ་ཐུབ་པའི་ནུས་པ་ཡོད་སྟབས། རྒྱ་རིགས་ཆོས་གྲོགས་ཕོ་མོ་ཚོས་ཀྱང་དེ་དག་ཐོག་སློབ་གཉེར་དང་དོ་སྣང་བྱེད་དགོས་ཞེས་སྐུལ་མ་གནང་སོང། གཞན་ཡང་༸གོང་ས་མཆོག་གིས་འགྲོ་བ་མི་རྣམས་བདེ་བ་འདོད་པ་དང་སྡུག་བསྔལ་མི་འདོད་པ་ཡིན་ནའང། འཛམ་གླིང་འདིའི་ཐོག་ད་ལྟའི་ཆར་མིས་མི་གསོད་རེས་བྱེད་པའི་གནས་ཚུལ་ཡོང་གི་ཡོད་པ་དང། ཉིན་ཤས་སྔོན་དུ་ཨ་རིའི་ las Vegas གྲོང་ཁྱེར་ནང་དུ་མི་བསད་ཁྲག་སྦྱོར་གྱི་དོན་རྐྱེན་བྱུང་བ་དང། དེ་བཞིན་ད་ལྟའི་ཆར་ཨ་རབ་ཁུལ་དུ་ཆོས་ལུགས་མི་འདྲ་བའི་རྒྱུ་མཚན་གྱིས་ཕན་ཚུན་གསོད་རེས་བྱས་པ་བཅས་ནི་ཧ་ཅང་སེམས་སྐྱོ་དགོས་པ་ཞིག་རེད་ཅེས་བཀའ་བསྩལ་བ་དང་ཆབས་ཅིག འཛམ་གླིང་ཐོག་དམག་འཁྲུག་དང་མི་བསད་ཁྲག་སྦྱོར་ལ་སོགས་པའི་དཀའ་ངལ་མང་དག་ཞིག་འཕྲད་བཞིན་པ་ནི་ང་ཚོ་དང་ཁོང་ཚོ་ཞེས་པའི་ཕྱོགས་རིས་ཀྱི་བསམ་བློ་དང། འགྲོ་བ་མི་ཕན་ཚུན་དབར་གཅིག་འགྱུར་གྱི་འདུ་ཤེས་མེད་ཁར་བྱམས་པ་དང་བརྩེ་བ་མ་འདང་བའི་དབང་གིས་ཡིན་པ་བཀའ་ནན་བསྩལ་ཡོད་པ་རེད། དེ་དེ་བཞིན་༸གོང་ས་མཆོག་གིས་ཆོས་ཕྱོགས་ཀྱི་ཐོག་ནས་མིན་པར་ཤེས་ཡོན་སློབ་གསོའི་རང་གི་ཐོག་ནས་དེ་དག་གི་གོ་རྟོགས་སྤེལ་དགོས་གལ་ཡིན་པར་ལམ་སྟོན་རྒྱ་ཆེ་མཛད་སོང་། ཐེངས་འདིའི་དབུ་མ་འཇུག་པའི་གསུང་ཆོས་འདི་ནི་གཙོ་བོ་ཐེ་ཝན་ནང་ཡོད་པའི་བསྟན་འཛིན་བྱམས་ཆེན་ཆོས་ཚོགས་ནས་གསོལ་འདེབས་ཞུས་པ་ཞིག་ཡིན་པ་དང་། བཀའ་ཆོས་ཐོག་ཐེ་ཝན་རང་ནས་རྒྱ་རིགས་དད་ལྡན་ཆོས་ཞུ་བ་ ༡༣༠༠ ལྷག་བཅར་འདུག མགོན་པོ་༸གང་ཉིད་མཆོག་གིས་གསུང་ཆོས་བར་མཚམས་སུ་བཀའ་འདྲི་ཞུ་རྒྱུའི་གོ་སྐབས་བསྩལ་དོན་ལྟར་རྒྱ་རིགས་ཆོས་ཞུ་བ་ཞིག་གིས་གཟུངས་སྔགས་གསོག་པའི་ཕན་ཡོན་གང་ཡོད་དམ་ཞེས་བཀའ་འདྲི་ཞུས་པར་༸གོང་ས་མཆོག་གིས་སྟོང་ཉིད་ཀྱི་ལྟ་བ་དང་བྱང་ཆུབ་སེམས་གཉིས་པོ་མེད་ན།...

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཡོ་རོབ་ཨིན་ཡུལ་དང་འཇར་མ་ནི། ཨི་ཊ་ལི། ལ་ཊི་ཝི་ཡ་བཅས་ཀྱི་ནང་མཛད་འཕྲིན་ཁག་ལེགས་པར་གྲུབ་ནས་དེ་རིང་ཉིན་དགུང་ཚོུད་ ༡༢།༣༠ ཙམ་ལ་བཞུགས་སྒར་༸རྒྱལ་བའི་ཕོ་བྲང་དུ་༸ཞབས་སོར་བདེ་བར་འཁོད་གནང་སོང་། གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་ཐེངས་འདིའི་ཡོ་རོབ་ནང་གི་འཛད་འཕྲིན་ཆེད་ཟླ་བ་འདིའི་ཕྱི་ཚེས་ ༨ ཉིན་བཞུགས་སྒར་༸རྒྱལ་བའི་ཕོ་བྲང་ནས་ཆིབས་ཐོན་མཛད་ཡོད་པ་དང་། མཛད་འཕྲིན་གྱི་ཐོག་མ་ཟླ་བ་འདིའི་ཕྱི་ཚེས་ ༩ ནས་ ༡༢ བར་མགོན་པོ་༸གང་ཉིད་མཆོག་དབྱིན་ཡུལ་གྱི་བྱང་ Ireland མངའ་ཁུལ་གྱི་གྲོང་ཁྱེར་ LondonDerry ནང་བཞུགས་ཞག་མཛད་དེ། ཁུལ་དེར་རྟེན་གཞི་བྱས་པའི་ Children in Cross Fire ཞེས་སྡུག་རྩུབ་དང་དབུལ་ཕུག་གིས་མནར་བའི་བྱིས་པ་སྲུང་སྐྱོང་ཚོགས་པ་དབུ་བརྙེས་ནས་ལོ་ངོ་ ༢༠ འཁོར་བ་དང་བསྟུན།...

 བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འཇར་མ་ནི་ད་ལྟའི་སྲིད་བློན་ལས་ཐོག་ལྕམ་སྐུ་ Angela Merkel མཆོག་གིས་དབུ་ཁྲིད་པའི་ཆབ་སྲིད་ཚོགས་པར་སླར་ཡུལ་དེའི་སྲིད་བློན་གྱི་རྒྱལ་ཁ་ཐོབ་པར་དགའ་བསུའི་འཚམས་འདྲི་བསྩལ་འདུག མགོན་པོ་མཆོག་གིས་འཚམས་འཕྲིན་དེའི་ནང་ཐེངས་འདིའི་རྒྱལ་ཁ་དེས་ད་བར་ལྕམ་སྐུ་ Angela Merkel མཆོག་གིས་དབུ་ཁྲིད་པའི་ཆབ་སྲིད་ཚོགས་པའི་ངོས་ནས་རང་ཉིད་ཀྱི་ལང ས་ཕྱོགས་དང་གཞི་རྩའི་དམ་བཅའ་ཁག་བརྟན་པོར་གནས་ཐོག་མི་མང་གི་མངོན་འདོད་དང་མཐུན་པའི་ཕྱག་ལས་གནང་པ་ཞིག་མཚོན་པ་དང་། ལྷག་པར་དུ་ལྕམ་སྐུ་ Angela Merkel མཆོག་གིས་དབུ་ཁྲིད་ལམ་སྟོན་འོག་འཇར་མ་ནི་ཙམ་མ་ཟད། ད་ཆ་ཡོ་རོབ་མཐུན་ཚོགས་དེ་བཞིན་རྒྱལ་སྤྱིའི་ཐོག་མིག་དཔེ་དང་རེ་ལྟོས་ཞུ་ཡུལ་ཞིག་བཟོ་ཐུབ་ཡོད་ཅེས་བཀའ་བསྩལ་འདུག ལྷག་པར་དུ་༸གོང་ས་མཆོག་གིས་མགོན་པོ་༸གང་ཉིད་མཆོག་ནི་དུས་རྒྱུན་དུ་ཡོ་རོབ་མཐུན་ཚོགས་ཀྱི་སྒྲོམ་གཞི་དང་སྙིང་སྟོབས་བཅས་པར་ཡིད་སྨོན་མཛད་མཁན་ཞིག་ཡིན་པ་བཀའ་སྩལ་དང་འབྲེལ། རིམ་པས་ཡོ་རོབ་མཐུན་ཚོགས་ཀྱི་སྒྲོམ་གཞི་ལྟ་བུ་ཞིག་ཨ་ཕི་རི་ཀ་དང་ཨེ་ཤ་ཡའི་མངལ་ཁུལ་དུའང་ཆེད་འཛུགས་ཐུབ་པར་རེ་སྨོན་མཛད་བཞིན་ཡོད་པ་བཀའ་ནན་མཛད་འདུག རྩ་བའི་ལྕམ་སྐུ་ Angela Merkel མཆོག་ནི་འཇར་མ་ནིའི་ལོ་རྒྱུས་ནང་བེུད་ཀྱི་སྲིད་བློན་གནང་མཁན་དང་པོ་དེ་ཡིན་པ་མ་ཟད། ཁོང་གིས་ཕྱི་ལོ་ ༢༠༠༥ ལོ་ནས་བཟུང་ད་བར་ཡུལ་དེའི་རྒྱལ་ཡོངས་འོས་བསྡུ་ཆེན་མོ་ཐེངས་གསུམ་གྱི་ནང་ལ་རྒྱལ་ཁ་ཐོབ་སྟེ། ད་བར་བསྟུད་མར་ལོ་ངོ་ ༡༢ རིང་ལ་འཇར་མ་ནིའི་སྲིད་བློན་གནང་ཡོད་པ་དང་། ད་རེས་ཀྱི་རྒྱལ་ཁ་དེའི་བརྒྱུད་ཁོང་ཡུལ་དེའི་སྲིད་བློན་དུ་མུ་མཐུད་བསྐོ་གཞག་གནང་གི་ཡོད་པ་རེད།

ཨི་སི་ཊི་རི་ཡའི་གཞུང་ཚབ་ཆེན་མོ་ལྕམ་སྐུ་ Brigitte Oeppinger-Walchshofer ལགས་ཀྱིས་འཛམ་གླིང་གི་ཡུལ་གྲུ་ཁག་ནས་རྒྱ་ནག་གི་གནོན་ཤུགས་རྐྱེན་པས་༸གོང་ས་མཆོག་རང་ཉིད་ཀྱི་རྒྱལ་ཁབ་ནང་གདན་འདྲེན་ཞུ་རྒྱུར་འཛེམས་བཟོན་བྱེད་བཞིན་པ་དེ་ཆེས་ནོར་འཁྲུལ་ཡིན་པ་འགྲེལ་བརྗོད་དང་འབྲེལ། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཁུལ་དེར་ནམ་ཕེབས་ཀྱང་དགའ་བསུ་ཡོད་ཅེས་གསུངས་འདུག ལྕམ་སྐུ་ Brigitte ལགས་ནི་ཨོ་སི་ཊི་རི་ཡའི་གཞུང་གི་ལྷོ་ཨ་ཕི་རི་ཀའི་གཞུང་ཚབ་ཆེན་པོ་གནང་མྱོང་ཡོད་པ་དང། ཉེ་ལམ་ཟླ་བ་འདིའི་ཟླ་སྟོད་དུ་རྒྱ་གར་ལ་གནས་སྤོས་ཀྱིས་ཨོ་སི་ཊི་རི་ཡའི་གཞུང་ཚབ་ཆེན་མོའི་ཐུགས་འགན་བཞེས་མུས་ཡིན་པ་རེད། ཁོང་གིས་རྒྱ་གར་གྱི་ཧིཾདཱུ་གསར་ཤོག་གི་བཅར་འདྲི་དང་ལེན་གནང་སྐབས་ཡུ་རོབ་མཐུན་ཚོགས་ཀྱི་ཚོགས་མི་རྒྱལ་ཁབ་ཁྲོད་༸གོང་ས་མཆོག་གི་ཆིབས་བསྒྱུར་ལ་བཀག་སྡོམ་རིགས་བྱེད་མཁན་རྩ་བ་ནས་མེད་སྐོར་འགྲེལ་བརྗོད་དང་འབྲེལ། ༸གོང་ས་མཆོག་ནི་རྒྱ་གར་གྱི་མེས་པོ་དམ་པ་བདག་ཉིད་ཆེན་པོ་གྷན་དྷཱི་མཆོག་དང་འདྲ་བར་འཛམ་གླིང་གི་མི་མང་ཕལ་མོ་ཆེ་ནས་གུས་བརྩི་ཧ་ཅང་ཆེན་པོ་ཞུ་ཡུལ་ཞིག་ཡིན་པ་དང། འཛམ་གླིང་ཡུལ་གྲུ་ཁག་ནས་རྒྱ་ནག་གིས་གནོན་ཤུགས་སྤྲོད་པར་ལྟོས་ནས་༸གང་ཉིད་མཆོག་གདན་འདྲེན་མ་ཞུ་བ་རྩ་བ་ནས་གནང་རྒྱུ་མེད་སྐོར་གསུངས་པ་མ་ཟད། ང་ཚོའི་ངོས་ནས་མགོན་པོ་༸གང་ཉིད་མཆོག་ Austria འི་ནང་ཆིབས་བསྒྱུར་མཛད་ཚེ་ཐེ་ཚོམ་གང་ཡང་མེད་པར་གདན་འདྲེན་ཞུ་རྒྱུ་ཡིན་པས་རྒྱ་གཞུང་ནས་ཀྱང་ང་ཚོའི་ལང་ཕྱོགས་དེ་གསལ་པོ་ཤེས་ཀྱི་ཡོད་རེད་ཅེས་གསུང་འདུག ཁོང་གིས་ད་དུང་དེ་སྔོན་ལྷོ་ཨ་ཕི་རི་ཀའི་གཞུང་གིས་༸གོང་ས་མཆོག་ཡུལ་དེའི་ནང་ཆིབས་བསྒྱུར་གནང་མ་བཅུག་པའི་གནས་ཚུལ་བྱུང་རྗེས་ཡུལ་དེའི་མང་ཚོགས་ཁྲོད་བློ་ཕམ་ཆེན་པོ་གནང་ཡོད་པ་འགྲེལ་བརྗོད་གནང་འདུག ལྷག་དོན་ཁོང་གིས་༸གོང་ས་མཆོག་དང་མེས་པོ་དམ་པ་གྷན་དྷཱི་མཆོག དེ་བཞིན་ལྷོ་ཨ་ཕི་རི་ཀའི་དབུ་ཁྲིད་ནེལ་སན་མན་ཌེ་ལ་མཆོག་བཅས་ཀྱིས་འདོན་གནང་མཛད་པའི་འཚེ་མེད་ཞི་བའི་ལྟ་གྲུབ་ཀྱིས་འཛམ་གླིང་ཞི་བདེ་ཕྱོགས་སུ་བསྐྱོད་ཐུབ་པ་བཟོས་ཡོད་ཅེས་གསུངས་འདུག

བྷོ་ཙ་ཝ་ན་གཞུང་གིས་རྒྱ་གཞུང་གིས་བཀའ་སྡོམ་བྱེད་བཞིན་པར་ལྟོས་མེད་ཀྱིས་༸གོང་ས་མཆོག་གི་ཆིབས་སྒྱུར་དང་ལེན་ཞུ་རྒྱུ་དང་། ༸གོང་ས་མཆོག་ལ་རྒྱལ་སྤྱིའི་ཆེས་མཐོའི་མི་སྣའི་གནས་བབས་ཐོག་མཐུན་འགྱུར་ཞུ་རྒྱུ་ཡིན་པ་གསུངས་འདུག དེ་ཡང་ཁ་སང་ཧིཾདུསྟཱན་གསར་ཁང་གིས་གནས་ཚུལ་སྤེལ་བར། ཁ་སང་བྷོ་ཙ་ཝ་ན་ཕྱི་སྲིད་བློན་ཆེན་ལྕམ་ Pelonomi VensonMoitoi མཆོག་གིས་ཡུལ་དེའི་གྲོས་ཚོགས་སུ་༸གོང་ས་མཆོག་གི་ཆིབས་བསྒྱུར་དང་འབྲེལ་བའི་དྲི་བར་ལན་འདེབས་གནང་སྐབས་མགོན་པོ་མཆོག་གི་ཆིབས་སྒྱུར་དེ་ནི་སྐུ་སྒེར་གྱི་ཆིབས་སྒྱུར་ཞིག་ཡིན་པ་དང་། ༸གོང་ས་མཆོག་ནི་རྒྱལ་སྤྱིའི་ཆེས་མཐོའི་མི་སྣ་ཞིག་ཡིན་སྟབས། ཡུལ་དེའི་སྲིད་འཛིན་སྐུ་ཞབས་ Ian Khama མཆོག་ནས་དེ་འབྲེལ་གནས་བབས་ལྟར་༸གོང་ས་མཆོག་ལ་གཞི་རྩའི་མཐུན་འགྱུར་སྦྱར་རྒྱུ་ཡིན་པ་མ་ཟད། བྷོ་ཙ་ཝ་ན་གཞུང་གི་འབྲེལ་མཐུད་ལས་ཁུངས་ལ་ཆེས་མཐོའི་མི་སྣར་སྣེ་ལེན་ཞུ་རྒྱུའི་ལས་འགན་ཡོད་པ་བཞིན་དེ་མཚུངས་ཞུ་རྒྱུ་ཡིན་པ་གསུངས་འདུག རྩ་་བའི་༸གོང་ས་མཆོག་གི་ཆིབས་སྒྱུར་གྱི་གནད་དོན་དང་འབྲེལ་རྒྱ་ནག་གཞུང་གིས་ཉེ་སྔོན་བོད་དེ་རྒྱ་ནག་གི་གནད་དོན་རྙིང་པ་ཞིག་ཡིན་སྟབས། བྷོ་ཙ་ཝ་ན་གཞུང་གི་ངོས་ན་ས་དེ་དག་ལ་བརྩི་སྲུང་ཞུ་དགོས་པའི་ཉེན་བརྡ་བཏང་ཡོད་པ་ལྟར། ཡུལ་དེའི་ཕྱི་སྲིད་བློན་ཆེན་མཆོག་གིས་རྒྱ་ནག་གཞུང་གི་ཕྱི་འབྲེལ་སྲིད་བྱུས་དང་འབྲེལ་བའི་གནད་དོན་རྙིང་པ་ཞིག་ནི་རྒྱལ་ཁབ་དེའི་ནང་གནད་ཐོག་རྒྱལ་སྤྱིའི་ངོས་ནས་ཐད་བྱུས་བྱ་རྒྱུ་མེད་པ་ཞིག་ཡིན་སྟབས། རྒྱ་ནག་གཞུང་ཕྱོགས་ནས་ཀྱང་བྷོ་ཙ་ཝ་ན་གཞུང་གིས་རང་ཐག་རང་གཅོད་གནང་པ་དེར་གུས་བརྩི་དང་རེ་བ་གནང་བཞིན་ཡོད་ཅེས་དང་། གནད་དོན་འདིའི་རྐྱེན་པས་རྒྱ་ནག་དང་བྷོ་ཙ་ཝ་ན་རྒྱལ་ཁབ་ཕྱོགས་གཉིས་པོའི་དབར་འབྲེལ་བ་དམ་ཟབ་ཡོད་པ་དེར་འགྱུར་བ་གང་ཡང་མི་འགྲོ་བར་རེ་བ་ཡོད་པའང་གསུངས་འདུག གཞི་རྩའི་བྷོ་ཙ་ཝ་ན་ནི་འཛམ་གླིང་ནང་རྡོ་རྗེ་ཕ་ལམ་གི་ཚོང་ལས་གཉེར་མཁན་ཆེ་ཤོས་ཤིག་ཡིན་པ་དང། རྒྱ་ནག་ནི་བྷོ་ཙ་ཝ་ན་དང་ཚོང་འབྲེལ་གྱི་འབྲེལ་ལམ་དམ་ཟབ་ཡོད་པའི་རྒྱལ་ཁབ་ཅིག་ཡིན་པ་རེད། ༸གོང་ས་མཆོག་ཡུལ་དེའི་ནང་ཆིབས་བསྒྱུར་མཛད་རྒྱུ་དེ་ནི་ཆེས་ཐོག་མ་ཡིན་པ་དང་། ཟླ་ ༨ ཚེས་ ༡༧ ནས་ ༡༩...