ཁ་མཆུ་ཨང་༢༠ པའི་བཅད་ཁྲའི་འབྲུ་དོན་གཞིར་བཟུང་ཚུལ་མཐུན་ཉམས་ལེན་བྱུང་མི་འདུག་གསུང་གི་འདུག

བཙན་བྱོལ་བོད་མིའི་ཁྲིམས་ཞིབ་ཁང་གིས་བྱང་ཨ་རིའི་སྐུ་ཚབ་དོན་གཅོད་ཟུར་པ་ཚོགས་ཟུར་སྤེན་པ་ཚེ་རིང་ལགས་ཀྱིས་སྲིད་སྐྱོང་བློ་བཟང་སེང་དགེ་མཆོག་གི་བརྒྱུད་འཛིན་སྐྱོང་བཀའ་ཤག་གིས་ཁོང་ལ་མ་ཉེས་ཁག་གཡོག་གནང་བའི་ཁ་མཆུ་ཨང་ ༢༠ པའི་བཅད་ཁྲ་ཉམས་ལེན་འཇུག་སྐྱོང་གི་བཀའ་ཁྱབ་བཏང་སྟེ་རྩོད་ལེན་པ་བཀའ་བཀའ་ཤག་ནས་ཕྱི་ཟླ་ ༡༢ ཚེས་ ༢༧ རེས་གཟའ་པ་སངས་ཉིན་གྱི་ཕྱི་དྲོ་ཕྱག་ཚོད་ ༤ པའི་གོང་ཆེས་མཐོའི་ཁྲིམས་ཞིབ་ཁང་གི་བཅད་ཁྲའི་དགོངས་དོན་འཚེམས་ལུས་མེད་པར་ཇི་མ་ཇི་བཞིན་ཉམས་ལེན་ལག་བསྟར་ཟིན་པ་དགོས་རྒྱུ་དང། དེ་ལྟར་མ་གནང་ཚེ་བཀའ་ཤག་སྐབས་ ༡༥ པའི་སྲིད་སྐྱོང་བློ་བཟང་སེང་གེ་དང་བཀའ་བློན་རྣམ་པས་སྔར་བཤགས་ཕྱིས་འདོམས་མ་བྱས་བར་དུ་གདམ་བྱ་འདེམས་བྱེད་ཀྱི་ཐོབ་དབང་བཀག་བསྐྱིལ་བྱ་རྒྱུ་ཡིན་པ་གསུངས་འདུག དེ་ཡང་ཆེས་མཐོའི་ཁྲིམས་ཞིབ་ཁང་ནས་ཁ་མཆུ་ཨང་ ༢༠ ཐོག་ཟླ་བ་སྔོན་མའི་ཚེས་ ༡༤ ཉིན་མཐའ་མའི་བཅད་ཁྲ་ཁྱབ་བསྒྲགས་གནང་བའི་ནང་དུ་བཀའ་ཤག་ནས་ཉིན་གྲངས་སུམ་ཅུ་ནང་ཚུད་སྤེན་པ་ཚེ་རིང་ལགས་ལ་བཟོད་གསོལ་ཞུ་རྒྱུ་ཡིན་ཞེས་བརྗོད་བྱ་འདི་རང་བཀོད་པའི་དགོངས་སེལ་ཞུ་ཡིག་ཅིག་བོད་དབྱིན་སྐད་ཡིག་གཉིས་ཀའི་ནང་བོད་མིའི་སྒྲིག་འཛུགས་ཀྱི་གཞུང་འབྲེལ་གསར་འགྱུར་བརྒྱུད་ལམ་ཐོག་འདོན་སྤེལ་གསལ་བསྒྲགས་གནང་དགོས་པ་དང་། ཞུ་སྦྱོར་བའི་ཁྲིམས་རྩོད་པའི་གླ་ཡོན་སྤྲོད་དམིགས་ཧིན་སྒོར་ ༩༨༠༠༠ གནང་དགོས་པ་བཀོད་ཡོད་ཀྱང་། བོད་མིའི་སྒྲིགས་འཛུགས་བཀའ་ཤག་ནས་ཟླ་ ༡༡ ཚེས་ ༡༤ ཉིན་གཞུང་འབྲེལ་དྲྭ་རྒྱའི་ཐོག་བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་ནས་ཁ་མཆུ་དེབ་འགོད་ཨང་...