ཁེ་ན་ཌའི་གྲོས་ཚོགས་འཐུས་གཅིག་ནས་༸གོང་ས་མཆོག་གིས་མཇལ་ཁ་ཞུས་འདུག

བོད་མིའི་ལས་འགུལ་བ་སརྒྱས་སྐྱབས་ལགས་དང་རབ་དགའ་ལགས་རྣམས་གཉིས་ཁེ་ན་ཌའི་རྒྱལ་ས་ Ottawa ལ་འབྱོར་རྗེས་ཁ་སང་ཕྱི་ཚེས་ ༢༡ ཉིན་ཁེ་ན་ཌའི་དབུས་གཞུང་གི་གྲོས་ཚོགས་སུ་མཇུག་སྒྲིལ་གནང་བ་དང་བསྟུན་གྲོས་ཚོགས་འཐུས་མི་ཁག་ཅིག་དང་ལྷན་གྲོས་ཚོགས་ཀྱི་ར་བར་མཇལ་འཕྲད་བརྒྱུད་བོད་དོན་ཞུ་གཏུག་གནང་འདུགདེ་ཡང་ཟླ་བ་འདིའི་ཚེས་ ༡༡ ཉིན་ཁེ་ན་ཌར་གནས་བཞུགས་བོད་མི་ལས་འགུལ་བ་སངས་རྒྱས་སྐྱབས་ལགས་དང་ཨ་རི་ Minnesota གནས་བཞུགས་བོད་མི་ལས་འགུལ་བ་རབ་དགའ་ལགས་རྣམ་པ་གཉིས་ཀྱིས་ཁེ་ན་ཌའི་གྲོང་ཁྱེར་ Toronto ནས་བོད་དོན་ཞི་བའི་གོམ་བགྲོད་ཀྱི་ལས་འགུལ་ཞིག་དབུ་འཛུགས་གནང་བ་ལྟར་ཕྱི་ཚེས་ ༢༠ འཛམ་གླིང་གི་སྐྱབས་བཅོལ་ཉིན་མོར་ཁོང་རྣམ་གཉིས་ Ottawa ལ་འབྱོར་རྗེས་ཕྱི་ཚེས་ ༢༡ ཉིན་གྲོས་ཚོགས་ར་བར་གྲོས་ཚོགས་འཐུས་མི་ལྕམ་སྐུ་ Elizabeth May ལགས་དང་མཇལ་མོལ་གནང་སྟེ་བོད་དོན་ཞུ་གཏུག་གནང་འདུག་པར་མ་ཟད། སྐབས་དེར་ལྕམ་སྐུ་མཆོག་གིས་ལས་འགུལ་བ་གཉིས་ལ་མཇལ་དར་སྒྲོན་ནས་བོད་དོན་གོ་རྟོགས་སྤེལ་རྒྱུའི་ལས་འགུལ་སྤེལ་བར་ཐུགས་རྗེ་ཆེ་ཞེས་གསུངས་འདུག དེ་བཞིན་གྲོས་ཚོགས་ཀྱི་ཕྱི་ཕྱོགས་སུ་གྲོས་ཚོགས་འཐུས་མི་སྐུ་ཞབས་Arif Virani ལགས་དང་སྐུ་ཞབས་...

ཁ་སང་བོད་དོན་ཞི་བའི་གོམ་བགྲོད་པ་སངས་རྒྱས་སྐྱབས་ལགས་ཁེ་ན་ཌའི་གྲོང་ཁྱེར་ཨོ་ཁྲ་བཱར་འབྱོར་ཏེ་ཁུལ་དེའི་གྲོས་ཚོགས་ཀྱི་འཐུས་མི། སྐུ་ཞབས་ Garnett Genuis དང་Arif Virani ལགས་གཉིས་སུ་མཇལ་འཕྲད་ཀྱིས་བོད་དོན་རྒྱབ་སྐྱོར་གྱི་ཞུ་སྐུལ་གནང་འདུག གཞི་རྩའི་ཁ་སྔོན་ཟླ་བ་སྔོན་མའི་ཚེས་ ༢༨ ཉིན། ནུབ་གླིང་གི་རྒྱལ་ཁབ་ཁེ་ན་ཌར་རྟེན་གཞི་བྱས་པའི་བོད་དོན་ལས་འགུལ་བ་སངས་རྒྱས་སྐྱབས་ལགས་ཀྱིས།  བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་གྱ་ལྔ་བདག་གིར་བཞེས་པའི་འཁྲུངས་སྐར་དང་བསྟུན་ཁེ་ན་ཌའི་ཁྲོ་རན་ཊོ་ནས་གྲོང་ཁྱེར་ནས་རྒྱལ་ས་ཨོ་ཁྲ་བཱ་བར་ཞི་བའི་གོམ་བགྲོད་ཀྱི་ལས་འགུལ་ཞིག་དབུ་འཛུགས་གནང་བ་ལྟར།  ཁ་སང་ ཁེ་ན་ཌའི་གྲོས་ཚོགས་འཐུས་མི་གཉིས་ཀྱིས་ཨོ་ཁྲ་བཱའི་ནང་ཁོང་དང་དངོས་སུ་མཇལ་འཕྲད་གནང་སྟེ་ཁོང་གི་བོད་དོན་གྱི་ཞི་བའི་གོམ་བགྲོད་དེར་རྒྱབ་སྐྱོར་ཡོད་པར་ཡོངས་གྲགས་གནང་འདུག སྐབས་དེར་ཁེ་ན་ཌའི་གྲོས་ཚོགས་འཐུས་མི་སྐུ་ཞབས།  Arif Virani ལགས་ཀྱིས་བརྙན་ལམ་བརྒྱུད་དེ་ལས་འགུལ་བ་སངས་རྒྱས་སྐྱབས་ལགས་ཀྱིས་འདས་བའི་ཉིན་བརྒྱད་ཀྱི་རིང་ལ་ཁེ་ན་ཌའི་ཁྲོ་རན་ཊོ་ནས་གྲོང་ཁྱེར་ནས་རྒྱལ་ས་ཨོ་ཁྲ་བཱ་བར་ཞི་བའི་གོམ་བགྲོད་གནང་ནས་ཁོང་ལ་མཇའ་འཕྲད་དུ་ཡོང་བ་ཞིག་ཡིན་སྐོར་ངོ་སྤྲོད་ཀྱིས།  ཁོང་ཉིད་གྲོས་ཚོགས་ཀྱི་འཐུས་མི་ཞིག་དང་། དམིགས་བསལ་དུ་ཁེ་ན་ཌ་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ཡིན་པས་ཆ་ནས། སངས་རྒྱས་སྐྱབས་ལགས་ཀྱི་དགོས་འདུན་དོན་ཚན་ཁག    ༸གོང་ས་༸སྐྱབས་མགོན་ཆེན་པོ་མཆོག་བོད་ལ་གདན་འདྲེན་ཞུ་དགོས་པ་དང་བོད་རྒྱ་གཉིས་ཀྱི་དཀའ་རྙོག་སེལ་ཆེད་དྲང་བདེན་གྱི་ཐོག་ནས་ཞི་བའི་གྲོས་མོལ་གནང་དགོས་པ། དེ་བཞིན་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ལ་རྒྱབ་སྐྱོར་དགོས་པ། བོད་མི་ཆབ་སྲིད་བཙོན་པ་དགུང་ལོ་ཆུང་ཤོས་༸ཀུན་གཟིགས་༸པཎ་ཆེན་རིན་པོ་ཆེ་མཆོག་གིས་གཙོས་པའི་བཀྲིས་དབང་ཕྱུག་ལགས་དང་དེ་མིན་བོད་མིའི་ཆབ་སྲིད་བཙོན་པ་རྣམས་འཕྲལ་དུ་གློད་བཀྲོལ་དགོས་པ་བཅས་ཀྱི་དགོས་འདུན་ལ་རྒྱབ་སྐྱོར་བྱེད་རྒྱུ་ཡིན་པར་གསུངས་འདུག སྐབས་དེར་སྐུ་ཞབས་...

བྱང་ཨ་རིའི་སྐུ་ཚབ་དོན་གཅོད་དངོས་གྲུབ་ཚེ་རིང་ལགས་ནས་ཁེ་ན་ཌའི་གྲོས་ཚོགས་འཐུས་མི་དང་སྲིད་བྱུས་ཉམས་ཞིབ་པ་ཁག་གཅིག དེ་བཞིན་རྒྱལ་སྤྱིའི་སྲིད་དོན་པ་ཁག་གཅིག་དང་ཐུག་འཕྲད་ཀྱིས་བོད་ཀྱི་གནད་དོན་ཐོག་ཛ་དྲག་གི་རང་བཞིན་ཐོག་ནས་ཐུགས་སྣང་ཡོང་བའི་ཞུ་སྐུལ་གནང་འདུག དེ་རིང་བོད་མིའི་སྒྲིག་འཛུགས་གཙོས་པའི་ཁེ་ན་ཌའི་བོད་དོན་རྒྱབ་སྐྱོར་ཚོགས་པའི་དྲྭ་རྒྱའི་ཐོག་འདོན་སྤེལ་གནང་བར་ཉེ་ལམ་ཁེ་ན་ཌའི་རྒྱལ་ས་ཨོ་ཊ་ཝར་སྐུ་ཚབ་དོན་གཅོད་དངོས་གྲུབ་ཚེ་རིང་ལགས་ཆེད་བཅར་གྱིས་ཡུལ་དེའི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་མི་གཙོས་གྲོས་ཚོགས་འཐུས་མི་ ༢༥ དང་ལྷན་དུ་བོད་ཀྱི་གནད་དོན་ཐོག་ཛ་དྲག་གི་ཐོག་ནས་ཐུགས་སྣང་གནང་སླད་ཉིན་གྲངས་གཉིས་རིང་ཚོགས་འདུ་ཚོགས་ཡོད་པ་དང་། སྐབས་དེར་སྐུ་ཚབ་དོན་གཅོད་མཆོག་དང་ཁེ་ན་ཌའི་བོད་དོན་རྒྱབ་སྐྱོར་ཚོགས་པའི་ངེས་སྟོན་པ་ཤེས་རབ་མཐར་ཕྱིན་ལགས་རྣམ་གཉིས་ནས་གྲོས་ཚོགས་འཐུས་མི་རྣམ་པ་བསྐྱར་དུ་གྲོས་ཚོགས་ཀྱི་ཚོགས་མིར་བདམས་ཐོན་བྱུང་བར་འཚམས་འདྲི་ཞུས་པ་མ་ཟད་ད་ལྟའི་བོད་ནང་གི་ཆེས་ཛ་དྲག་གི་གནས་སྟངས་འོག་བོད་མིའི་དྲང་བདེན་གྱི་འཐབ་རྩོད་དང་། འགྲོ་བ་མིའི་ཐོབ་ཐང་གི་གནད་དོན་ལ་མུ་མཐུད་རྒྱབ་སྐྱོར་དང་ཐུགས་སྣང་ཡོང་བར་ཞུ་སྐུལ་གནང་ཡོད་པ་རེད། གྲོས་ཚོགས་འཐུས་མི་རྣམས་ནས་ཀྱང་རྒྱ་ནག་གི་བོད་ནང་ནོར་འཁྲུལ་ཅན་གྱི་སྲིད་བྱུས་སྤེལ་བའི་ཐད་དུས་དང་རྣམ་པ་ཀུན་ཏུ་དེར་ངོ་རྒོལ་དང་དགག་པ་གནང་རྒྱུ། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་དང་རྒྱ་ནག་དབར་གྲོས་མོལ་ཡོང་རྒྱུར་འབད་རྩོན་གནང་རྒྱུ་ཡིན་པ་གསུངས་འདུག གཞི་རྩའི་གྲོས་ཚོགས་བོད་དོན་རྒྱབ་སྐྱོར་གྱི་ཚོགས་མི་ཁོངས་སུ་ཁེ་ན་ཌའི་གུ་ཡངས་ཚོགས་པའི་ཚོགས་མི་སྐུ་ཞབས་ Arif Virani མཆོག་ དང་། རྙིང་ཞེན་ཚོགས་པའི་སྐུ་ཚབ་ Garnett Genuis མཆོག མང་གཙོ་ཚོགས་པ་གསར་པའི་སྐུ་ཚབ་ Randall Garrison ལགས། གུ་ཡངས་ཚོགས་པའི་ཚོགས་མི་སྐུ་ཞབས་ James Maloney ལགས་སླར་ཡང་ཚོགས་མིར་བདམས་ཐོན་བྱུང་ཡོད་པ་མ་ཟད་ཚོགས་མི་གསར་པའི་ཁོངས་སུ་ལྗང་ཁུ་ཚོགས་པའི་སྐུ་ཚབ་ Paul...

ཁ་སང་ཁེ་ན་ཌའི་གྲོས་ཚོགས་འཐུས་མི་སྐུ་ཚབ་ ༡༦ ཙམ་ལ་ངོ་བཅར་གྱིས་བོད་དོན་ཞུ་གཏུག་གི་ལས་འགུལ་སྤེལ་གནང་འདུག ཟླ་བ་འདིའི་ཚེས་ ༥ ཉིན་ནས་ཁ་སང་བར་ཁེ་ན་ཌར་རྟེན་གཞི་བྱས་པའི་ Canada Tibet Committee ཞེས་ཁེ་ན་ཌ་བོད་དོན་རྒྱབ་སྐྱོར་ཚོགས་པ་དང་ཁུལ་དེའི་བོད་རིགས་སྤྱི་མཐུན་ཚོགས་པ་ཁག་བཞི། དེ་བཞིན་བོད་རང་བཙན་སློབ་ཕྲུག་ཚོགས་པ་བཅས་ཐུན་མོང་གིས་རྒྱལ་ས་ Ottawa ནང་དུ་བྱང་ཨ་རིའི་བོད་ཀྱི་སྐུ་ཚབ་དོན་གཅོད་སྤེན་པ་ཚེ་རིང་མཆོག་ལྷན་ཞུགས་ཐོག་བོད་དོན་ཞུ་གཏུག་གི་ལས་འགུལ་ཞིག་སྤེལ་གནང་སྟེ་ཁུལ་དེའི་གྲོས་ཚོགས་གོང་འོག་གཉིས་ཀྱི་འཐུས་མི་ ༡༦ ཙམ་དང་མཇལ་འཕྲད་གནང་པ་མ་ཟད། སྐབས་དེར་ད་ལྟའི་བོད་ནང་གི་ཛ་དྲག་གནས་སྟངས་ལ་དོན་དམ་གྱི་རྒྱབ་སྐྱོར་དགོས་པ་དང་། བོད་རྒྱ་འབྲེལ་མོལ་སླར་གསོ་ཡོང་རྒྱུ། ལྷག་དོན་རྒྱ་གཞུང་གིས་བཙོན་འཇུག་འོག་ཡོད་པའི་༸ཀུན་གཟིགས་པཎ་ཆེན་རིན་པོ་ཆེ་མཆོག་གིས་གཙོས་པའི་ཉེས་མེད་བོད་ཀྱི་ཆབ་སྲིད་བཙོན་པ་རྣམས་གང་མགྱོགས་གློད་བཀྲོལ་ཡོང་བར་ཁེ་ན་ཌ་གཞུང་ནས་རྒྱ་གཞུང་ལ་གནོན་ཤུགས་སྤྲོད་དགོས་པའི་འབོད་སྐུལ་ཞུས་འདུག བྱང་ཨ་རིའི་བོད་ཀྱི་སྐུ་ཚབ་དོན་གཅོད་སྤེན་པ་ཚེ་རིང་མཆོག་ཁེ་ན་ཌ་མངའ་ཁུལ་གྱི་བོད་རིགས་ཚོགས་པ་ཁག་དང་ཐུག་འཕྲད་གནང་སྟེ་ཚོགས་པ་དེ་དག་ནས་མ་འོངས་པར་ལས་འགུལ་སྤེལ་ཕྱོགས་བཅས་ཀྱི་ཐད་ལ་གྲོས་བསྡུར་ལྷུག་པོ་གནང་འདུག གཞི་རྩའི་ཁེ་ན་ཌའི་གྲོས་ཚོགས་འཐུས་མིི་རྣམས་ལ་བོད་དོན་ཞུ་གཏུག་གནང་རྒྱུའི་ལས་འགུལ་དེ་གཙོ་བོ་ཁེ་ན་ཌ་བོད་དོན་རྒྱབ་སྐྱོར་ཚོགས་པས་གཙོ་འགན་བཞེས་ཐོག་མངའ་སྡེ་ Ontario དང་། Alberta རྒྱལ་ས་ Ottawa དང་དེ་བཞིན་གྲོང་ཁྱེར་ Montreal...

ཁེ་ན་ཌའི་གྲོས་ཚོགས་འཐུས་མི་སྐུ་ཞབས་ Garnett Genius ལགས་ཉིན་ཤས་གོང་དུ་འདི་ག་བཞུགས་སྒར་རྡ་རམ་ས་ལར་བོད་མིའི་སྒྲིག་འཛུགས་དང་བོད་མི་མང་སྤྱི་འཐུས་ལྷན་ཚོགས་བཅས་སུ་གཟིགས་སྐོར་དུ་ཕེབས་འདུག་པ་དང་། ལྷག་པར་དུ་གཟིགས་སྐོར་འདིའི་ཁྲོད་ཚེས་ ༡༥ ཉིན་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཞུས་པ་དང་ཆབས་ཅིག མགོན་པོ་༸གང་ཉིད་མཆོག་དང་ལྷན་དུ་ཆོས་དད་རང་དབང་དང་འགྲོ་བ་མིའི་ཐོབ་ཐང་ཐོག་ལ་བཀའ་བསྡུར་གནང་འདུག   གཞན་ཡང་ཁེ་ན་ཌའི་གྲོས་ཚོགས་འཐུས་མི་སྐུ་ཞབས་ Garnett Genius ལགས་ནས་བོད་མིའི་སྒྲིག་འཛུགས་དང་བོད་མི་མང་སྤྱི་འཐུས་ལྷན་ཚོགས་བཅས་སུ་གཟིགས་སྐོར་གནང་འདུག་པ་དང་། དེའི་ཁྲོད་སྤྱི་འཐུས་རྒྱུན་ལས་དང་མཇལ་མོལ་དང་། བོད་མིའི་སྒྲིག་འཛུགས་ཀྱི་འགྲོ་ལུགས་སོགས་ཀྱི་སྐོར་ལ་གནས་ཚུལ་རྒྱུས་ལོན་གནང་འདུག སྐུ་ཞབས་ Garnett Genius ལགས་ཁེ་ཎ་ཌའི་གྲོས་ཚོགས་འཐུས་མིར་འཁོད་ནས་ཟླ་བ་གསུམ་ཙམ་ལས་ཕྱིན་མེད་པ་དང་། ཁོང་ད་རེས་རྡ་རམ་ས་ལར་བོད་དང་བོད་མིའི་གནས་སྟངས་མཁྱེན་རྟོགས་སླད་དུ་ཕེབས་པ་ཞིག་ཆགས་ཀྱི་འདུག